123

ليل الخفسه

قصة كاملة - رواية كامله جميلة للكاتبه ارسال إلى Twitter ارسال إلى facebook
  1. زينة الزينات
    18-03-2019, 02:05 AM

    رد: ليل الخفسه

    ليل الخفسه


    الفصل العاشر انته الدنيا بحالها
    غياث سوا حليب لحسن وسكته شاف امه وابو ام غياث باستغراب :غياث جبت ليل
    غياث :اي من اشوي جبتها ولقينا سلوى
    ام غياث خذت حسن :ترى ليل ما راحت لحالها العصر جت سلوى وما نگدر نتركهن لحالهن
    غياث وكان حدا كب على مي بارده :يعني ليل شافت سلوى العصر
    ابو غياث گعد :لا تزعل مرتك ترها متأثرة وما توقعت ترضع تجي اليوم
    ام غياث :لو شفت ليل شلون صارت تبچي من شافت ابوها گلبي تقطع عليها
    غياث بأس خد امه :خير ان شاء الله تصبحون على خير
    رجع على الغرفه ما لقى ليل راح على الحمام دق الباب وهو يسمع صوت الماي اللى امتزج مع شهقاتها :ليل افتحي الباب
    رجع دق الباب :حسوني فحم عليچ تعالي سكتي
    راح على المطبخ سوا كابتشينو وفتح علبة شوكولاته فات على القرفه لقى ليل لبسه بيجامه حمرا فاتحه السكرتون تطلع شئ من الرف العالي
    غياث سكر الباب وگعد على السرير ليل شافت غياث مجهز الصينية صارت تنشف شعرها :نعيما
    ليل ما ردت غياث ابتسم :قربان الزعلان مني
    ليل وقفت جدام المرايا تكمل تنشيف شعرها غياث شرب من كاسه :ليوله تعالي اشربي قبل ما يبرد الكابتشينو
    ليل ما ردت عليه غياث ترك الكأس وگام وقف ورا ليل ضمها وباس كتفها :ليوله الحلوه اسف سامحيني
    وهو يدفن وجهه بين كتفها ورقبتها :والله العظيم ما چان قصدي لحضة غضب سامحيني
    ليل تبعد غياث وعصبيه :اكرهك لا تلمسني اطلع برا روح عن مرتك ولا عاد تشوفني وجهك بغرفتي تظ
    غياث حول يمسكها ليل ضربت ايده :اطلع برا اني ما اطيقك ولا اطيق اشوف وجهك گاعد تفهم ولا لا
    غياث مسك وجه ليل وصار يمسح دموعها :ليوله وغلاتچ عندي ما اتحمل اشوف ادموعچ
    ليل تبعد غياث عنها وبصوت عالي:وبعدين معاك اگولك ابعد عني
    غياث رفع ايدينه :خلاص خلاص مثل ما تريدين
    ليل تمددت وضمت اللحاف وهي تبچي
    غياث شال الصينية وطفى الضو وتمدد معها چانت كتوفها تنهز من البچي قرب منها وضمها وهمس لها:يا ريت ايدي مكسوره قبل ما تنمد عليچ
    بأس خدها :ليوله ياروحي والله ما چان قصدي سامحيني
    تعالت شهقاتها غياث :اخ مني اخ
    والفجر ليل گعدت شافت غياث موو موجود
    راحت على الحمام وبعده توجهت للمطبخ فتحت البراد خذت قطعة اسوره واكلته لقمه وحده :اشوي اشوي لا تفطسين
    ليل دحقت عليه ببرود وهي تحول تبلع اللقمه چان لبس بدله رسميه لونها رمادي وتيشرت ابيض گعدت على الكرسي تشرب ماي
    غياث گعد :تسويلي فطور
    ليل بدون ولا كلمه حطت فطور صبت كاستين چاي غياث بدا يفطر وعيونه على ليل : شاركيني بفطوري ما احب اكل لحالي
    ليل سندا راسها بايدها :عندك حب وجع راس
    غياث گام :الحز اجيبلچ
    راح ورجع مع زرف الحب مده لليل ليل جت تأخذه حطه بجيبه وهو مبتسم :اول شئ افطري
    ليل بتعب وهي على وشك تبچي:هات الدوا راسي راح ينفجر
    غياث مدلها كعب جبنه :اكلي بس هذي مشان خاطري
    ليل دفشت ايده :ماريد
    غياث اكل من القطعه :لا تريدين
    أعطاها حبتين وهو مستغرب من هدوء اللى هي بي وهي تشرب چايها
    غياث يصب چاي :المره الجايه تسويلي مثل الفطور اللى تسوينه لأبوي مو تسكتين باي شئ
    ليل حطت راسها على الطاوله :اذا موو عاجبك لا تفطر
    غياث صار يضحك :كل شئ من ايدچ عسل على قلبي الله لا يحرمني منچ
    ليل ترمش بملل غياث قرص خدها بخفه :اشبيچ نمتي گومي انومچ
    ليل تركت غياث ورحت على غرفتها
    صارت الدنيا ظهر وليل لسى نايمه فاتت ام غياث عليها فتحت البرداية (الستارة) :ليل يا بنتي صارت الدنيا ظهر وانتي نايمه حاجتچ نوم
    ليل فتحت عيونها :الحز اگوم
    ام غياث گعدت بلط ليل :يلا گومي
    ليل تعدلت بتعب:آآه وين حسوني
    ام غايث :من الساعه سبعه فايع
    ليل :ما حسيت
    ام غياث ابتسمت :يلا گوم نتغدى سوا
    ليل وگفت :ليش وين عمي
    ام غياث :مع جابر بالمعمل يلا گومي
    ليل :اوكي ما راح اتأخر
    ام غياث حطت الغدا وگعدت مع حسن تنتظر ليل
    جت ليل وگعدت وهي تسمع ام غياث تحچي بالجوال فرنسي بدأت بالأكل
    مدت الجوال لليل :غياث يريدچ
    ليل تاكل سلطه :گوليه گاعده انسم
    ام غياث صارت تضحك :يولي لا تصيرين عنيده مشان خاطري
    ليل خذت الجوال لخاطر ام غياث واثمها مليان :الو
    غياث :حبيبتي سم يسمچ ويدمچ
    ليل ابتسمت اول ما لمحت سلوى فاتت وگعدت جدام التلفزيون تشرب كابتشينو :حبيبي موو وگت الرومانسية گاعدة اتغدى مع عمتي وابنا
    غياث يضحك :صار حچي رومانسية
    ليل تلعب بشعرها وبدلع لان سلوى تتسمع :اي حبيبي
    غياث :يولي ليوله اشبيچ معتي
    ليل تضحك :يمكني ما نمت زين البارح
    غياث :واني ما نمت خالص
    ليل صارت تضحك
    غياث رجع شعره على ورا :ليل لا تستغلين لمصلحچ الشخصية
    ليل :اوكي الحز گولي شتحب اسويلك عشا
    غياث مركز بالورقة اللى قدامه:اي شئ كل شئ طيب من ايدچ
    ليل بدلع :ابو حسن تدلل
    غياث يضحك:اي اتدلل شلون صرتي ان شاء الله احسن
    ليل :هذي گعدتي جسمي متكسر اتكسر لو موو عمتي ما چنت گعدت
    غياث :حبيبتي سلامتچ ما عليچ الا العافية محتاجين شئ اجيبه معاي
    ليل وهي شاقه الابتسامة :حبيبي ماريد الا سلامت قلبك
    غياث يلعب بلحيته :اني اليوم ذابحچ يا بنت جاسم
    ليل تضحك :لا تتأخر علينا حسون مشتاقلك
    غياث :بس حسوني مشتاگ
    ليل هي تشوف سلوى راحت وهي تغلي من ليل :اي يلا سكر اريد اتغدى
    غياث :شنو الغدا
    ليل :باستا رهيبه و زلطه تشهي
    غياث :صحه وهنا
    ليل :على قلبك سلام
    سكرت ليل رجعت الجوال لعمتها : الباستا اليوم أطيب من باستت صبا
    ام غياث تضحك وهي تطعمي حسن :صحه وهنا اتغدي واحچيلي سويتي عن اهلچ
    ليل تاكل :ما سويت شئ يلا گعدت معهم اشوي وسويت العشا مع مرت اخوي
    ام غياث :مثقال متجوز
    ليل :لا مثقال عزابي هذي مها مرت مسعود من يسافر مسعود على الإمارات تسكر بيتها وتجي تبلط عند اهلي
    ام غياث :ليش تسكر بيتها
    ليل :والله يا عمتي ببيت اهلي تكيف ما تصرف ليرة ومثقال زلمه معدل وكريم معها لو تگول لمثقال اريد عيونك يگلها هاچ
    ام غياث :مثقال وضعه زين
    ليل :موو زيادة نعمة كريم اللى يطلعه من محله يلا على البيت وعليا وعلى علاج ابوي وعليه
    ام غياث :الله يرزقه
    ليل :آمين ان شاء الله هذي السنه نفرح بي البارح طار عقله على حسوني
    ام غياث : ابن الأخت غير
    ليل تطعمي حسن :عندج خوات
    ام غياث :بس وحده اسمها فاتن
    ليل ابتسمت :وعندچ اخ واحد صح
    ام غياث :اي صح
    ******
    رجع غياث على البيت شاف سيارات برا يعني بي ضيوف عندهم فات من باب المطبخ وهو شايل أكياس شاف امه تجهز العشا وليل تجلي وحسن يلعب بالطابه :يعطيكم العافية
    ام غياث :الله يعافيك حبيبي وينك تأخرت
    غياث شال حسن :مريت على السوگ وين الخانم ماتعونكم
    ام غياث :راحت تغسل وتلبس
    غياث فات بدون اي تعليق
    ام غياث :ليل اترك الجلي وتعالي عونيني
    ليل تغسل ايدينها :يلا جايه
    ام غياث اول ما خلصو :ليل يا ماما روحي صيحي لغياث يمد العشا
    ليل :تكرمين
    راحت وگفت بالممر (اوف الحز اكيد عندها اني غبية شجابني)
    طلعت سلوى من غرفتها بكامل اناقتها وريحت العطر الفرنسي سابقتها :هاي ياعميه اشبيچ واگفه بالطريق ابعدي
    ليل ضلت ساكته سلوى بشك : لا يكون غياث جا وگعده تسنينه
    ليل دحقت على سلوى بحده وبسرعه راحت غرفتها بدون ما ترد سلوى كملت طريقها :استغفرالله
    فاتت شافت غياث يلبس ليل بسرعه عطت ظهرها لغياث :اشبيچ
    ليل بخجل :عمتي تريدك تمد العشا لزلم
    غياث لبس دشداشه بيضه وقف چدام المرايا يمشط ليل وهي تحول تشوف اثم حسن شبي:يوال دبدوب شگاعد تاكل
    غياث يتعطر :دروبس توت حسوني يحبو
    ليل ابتسمت لحسن وهي تفتح الباب :لا تتأخر
    وبعد ما راحو الضيوف ام غياث راحت على غرفتها مع ابو غياث وليل بالمطبخ تكمل تنظف كاست الچاي والضيافه
    وغياث گاعد مع سلوى بالصالون يلعب حسن
    ليل خلصت تنظيف وطلعت شافت سلوى تضحك مع غياث صفنت غياث لمح ليل وگفه :ليل جيبلي كاست ماي
    غياث بصوت أعلى :ام حسن سمعتيني
    ليل رجعت على المطبخ مدت الكأس لغياث :يعطيچ العافية
    ليل :الله يعافيك
    صارت تجمع ألعاب حسن بصندوق القماش غياث وگف :سلوى الحقني
    سلوى ابتسمت وهي تدحق على ليل وبفرح :يلا حبيبي
    وراحت مع غياث
    ليل بدون ما تحس دمعتها نزلت مسحتها بسرعه :الله ياخذكم جعل الصبح ما يطلع عليكم
    حسن يدمدم معها بالفرنسي :يوال شتگول
    حسن مسك ايدها ويسحبها :داده دومي
    ليل قامت مع حسن :وين رايحين
    حسن يسولف وليل موو فاهمه شئ خذها على المطبخ وياشر على مكان الحليب ويسولف بعصبيه :اسويلك حليب
    حسن هز راسه :
    Oui
    ليل تعيد ورا حسن :
    Oui
    سوتله رضعت حليب راحت على غرفتها فتحت الأكياس اللى جايبهن غياث لقت هدوم نسائية قمصان بيت وجينزات وشحطه وشنطه فخمه لونها اسود بذهبي ومانطو اسود فتحت كيس الدكان مليان خرابيط فتحت كيس الصيدلية لقت مسكن ألم وخافض حراره للأطفال ليل رمت كل الأكياس على الأرض ودموعها تنزل
    بعد ما هديت گامت غيرت هدومها لبست تيشرت ابيض مخطط بالاسود وفيزون رمادي وگعدت تمشط گدام المرايا
    وعلى الفجر فزت من النوم شافت غياث يزر ازرار القميص الابيض :ليوله نامي
    ليل تفرك وجهها :شتسوي هين
    غياث ابتسم :يعني شسوي ألبس
    ليل وگفت:اليوم راح ارمي كل هدومك من قرفتي
    غياث :ترمين هدومي
    ليل تهز راسها :اي ما راح اخلي ولا شئ لك هين (رفست الأكياس اللى بالگاع ) ومعاهن هذانا ماريد شئ منك ومالك مكان بقرفتي
    غياث مسكها وحس بحرارتها (ياربي دخيلك هذي تغلي من الحرارة) :تهون عليچ العشره
    ليل تحول تبعد عنو :وخر عني بس انته اللى هانت عليك عشرتنا
    غياث گعد ليل وهو يلمس وجهها :زعلانه مني لاني نمت عندها
    ليل وشفايفها ترجف وعيونها تلمع ودنقت راسها:اكرهك
    غياث بعد عنها :اوكي مثل ما تريدين اكرهيني براحتچ بس اني راح أضل احبچ لاخر يوم بحياتي
    طلع جاب كأس ماي من المطبخ جا يفتح الباب مقفول دق الباب :ليل افتحي الباب
    ليل ما ردت غياث وهو يسمع صوتها تبچي :ليوله والله ما اريد شئا بس اشربي الدوا
    لا رد بس صوت شهقتها تعلى غياث رجع دق الباب
    بعد الياس انها تفتح راح على امه دق الباب وفتحت له :غيوثي اشبيك
    غياث بارتباك وخجل :اسفه ازعجتچ
    ام غياث بخوف :حبيبي شصاير اشبيك
    غياث :ليل مصخنه جسمها نار رحت اجيبها ماي مشان اشربها خافض حراره قفلت الباب بالمفتاح تبچي وما ترد علي
    ام غياث :خير ان شاء الله انته روح ولا تشغل بالك
    غياث :يوم والله هالمره جننتني ما خلت بيا عقل
    ام غياث مسكت ايد غياث :يا ابني من حقها تزعل والله موو هينه تشوف رجلها مع غيرها
    غياث بحزن :ليل تكرهني
    ام غياث حطت ايدها على جتف غياث :غياث لا تنسى الماضي انته جرحت البنيه وكسرتها ليل مسكينه
    غياث :جرحتها وكسرتها لاني خفت يفرقونا
    ام غياث : يلا روح على شغلك ولا تشغل بالك عليها
    ام غياث بعد ما ودعت غياث خذت أدوية من غرفتها راحت على غرفة ليل سمعت صوت انين دقت الباب :ليوله بنتي افتحلي الباب
    رجعت دقت :ليل اذا ليا خاطر عندچ تفتحيلي الباب يلا يا ماما افتحي
    فتحت الباب ام غياث ضمت ليل لصدرها :بسم الله عليچ يا ماما ليش تبچين
    ليل بكل قوتها تمسكت بأم غياث :لا تتركيني
    ام غياث گعدت ليل ومسحت وجه ليل بالمحارم وهي تبتسم :يا ماما كلها شويت صخونه لا تخافين الحز تشربين الدوا وترتاحين
    ليل ضلت ساكته :غياث راح وباله عندچ
    ام غياث راحت جابت طاسه بيها ماي وكاست ماي شربت ليل وحطتها كمادات وگعدت تمسح على ايد ليل وهي لسع ترجف :عمه روحي نامي
    ام غياث شدت على ايد ليل :بس اتأكد انچ بخير اروح يلا ليوله نامي وارتاحي
    ******
    ام غياث تعصر ليمون:هههه ليل اتركيچ منو و تغدي
    ليل تشرب حسن من شوربة العدس :بعدين اتغدى اني
    حسن عقد حوجبه وصار يتفل :يععع يعع
    ام غياث تضحك :اول مره يذوق الليمون
    ليل تمسحله :حجتك يوال لعبت نفسي
    ام غياث أعطت حسن قطعة خيار :حسوني يلا هم
    ليل :وين عمي ما شفته اليوم
    ام غياث :مشغول بالمعمل مع جابر
    ليل تاخذ الخيارة من حسن :يا حيوان خلاص
    حسن ضرب ليل كف على وجه :انتي حيوان
    ام غياث وهي تشيل حسن :حبيبي عيب هذي ماما
    ليل بألم تفرك عينها :اخ يا عيني
    حسن يحول ينزل :ابيبي داده
    ليل بزعل :تضربني وتگولي حبيبي
    *******
    غياث رجع على البيت استقبله سلوى بكامل اناقتها :وين أمي
    سلوى :امك طول اليوم بغرفة العميه
    غياث بعصبية :ولي احترمي حالچ احسن ما اشوفچ وجهي الثاني
    سلوى :ما گلت شئ غلط الكل يعرف انها عميه بشنوي اني اغلطت
    غياث يزورها:اسمها ليل فهمانه ليل
    سلوى هزت راسها
    غياث راح وتركها فات على غرفة ليل لقى امه گاعده تلعب حسن وليل نايمه :مساء الخير يا حلوين
    حسن ركض على غياث:بابا ابيبي
    ام غياث تضحك :مساء النور
    غياث شال حسن وهو يبوس بحسن سكر الباب وگعد بلط ليل :شلونها
    ام غياث :يعني ماشي حالها
    غياث لمس جبينها :چلت ولا ما رضت
    ام غياث :شربت شوربة عدس وسويتها عصير برتقال
    غياث يلعب بشعر ليل :يوم يعطيچ العافية تعبتچ معاي
    ام غياث وگفت وخذت حسن :حبيبي هذا واجبي ليل مثلها مثل صبا
    غياث :يا عمري الله لا يحرمني منچ
    ام غياث ابتسمت :ولا يحرمني منك
    غياث بعد ما طلعت امه انحنا على ليل وباس راسها وباس خده چم مره ليل تحركت بانزعاج غياث بعد عنها رمى القميص الابيض وضل بقميصه الداخلي تمدد بلطها وضمها
    گعد على صوتها فتح عيونه بعصبيه:هااي گوم من فوگ شعري
    غياث بعد عن شعرها :الساعه شگد
    ليل تحول تگوم :شمدريني
    غياث مسكها :وين رايحه
    ليل سحبت ايدها :اووف عيفني
    غياث :لا تتافئفين
    ليل وگفت :انته ليش نايم هين مين سمحلك تنام هين
    غياث وقف وبحده :لا بالله وين انام ان شاء الله
    ليل مسكت ذراع وتسحبه :عند مرتك يلا اطلع
    غياث ثابت ما تحرك :اليوم دورچ وباچر دورها
    ليل تضحك : ههههه على كيفك مين مفكر حالك حتى تسويلنا مواعيد ناني ميته عليك اطلع برا
    غياث ضرب ليل بخفه :هوص وطي صوتچ الناس نايمه
    ليل صارت تضحك وهي تمسك ايده :ريح حالك اني متنازله عنك وعن دوري يلا اطلع
    غياث شد على ايدها وبعصبيه :غصبن عنچ وعن اللى خلفوچ انام هين اني ما استأذن ترني ساكت بكيفي
    ليل تغير الموضوع:وين حسن
    غياث :نايم عند امي
    ليل بالم :آه اتركني ايدي توجعني
    غياث ترك ايدها تركته وطلعت
    غياث شاف ليل طولت بالحمام دق عليها الباب :ليل طولتي
    ليل بسخريه :گاعدة اغسل شيخ تريد شيا
    غياث خذا نفس :شريد يعني خلصي بساع لحالچ مرضانه
    ليل صارت ندندن و كملت حمامها رجع بعد ربع ساعه دق عليها مره ثانيه :ليل خلصي
    ليل :ماريد اخلص
    راح عشر دقايق ورجع دق الباب :ليل يا مال الوجع ما شبعتي غسيل
    ليل تلعب بالرغوة:لا ما شبعت غسيل
    غياث : انتي مجنونه
    ليل :استحي على وجهك ما تعرف تترك الناس على راحتها
    غياث يدق الباب بعصبية:ولي اطلعي حاجتچ سخافه گال راحه اطلعي
    ليل :ما اطلع شتريد تسوي سوي
    غياث رجع على الغرفه بعد ربع ساعه فاتت ليل ببرنصه تنقط ماي دحق عليها لبسه برنصه الابيض ليل فتحت السكرتون :شتسوين ساعه بالحمام
    ليل تقبل بالهدوم :شسوي يعني العب مع الجن
    غياث :يا ربي صبرني
    ليل لفت عليه ويدها على خصرها: انته اشبيك كل ما اكون بخصوصيتي تكسر الباب
    غياث : مابي شي بينا اسمو خصوصية
    ليل:لا بالله احلف
    غياث يقلد ليل و هو يرجع شعره لورا نعومه :والله ما امزح
    ليل لفت طلعت غيار :سخيف
    غياث رمى عليها المخده :انقلعي البسي
    ليل رجعت رمت علي نفس المخده:يوال انته اللى تنقلع
    غياث گام عليها ليل بسرعه هربت على الحمام لبست ورجعت ما چان موجود شالت جوالها شافت مكالمات من ابوها واخوها بس ما عندها رصيد لفت شعرها بالبشكيره وشالت جراب ابيض وراحت على المطبخ شافت غياث فاتح البراد
    ليل گعدت تلبس غياث دحق عليها :تاكلين بيض
    ليل تركيزه بالجراب :كل واحد ياكل لحاله
    غياث :شنو هذا نظام العزابين
    ليل تهز راسها :اي نظام العزابين
    غياث شيل اربع بيضات :راح اصير احسن منچ واعملچ بأحسان
    ليل :وين جراباتي هذا موو ليا
    غياث يكسر البيض :اكيد ليا لان گبيت كل جرابتچ المعصعصات ما ادري شلون الابيض صار اسود
    ليل :لا تعيب شوف جرابتك ريحتهن تلعب النفس
    غياث :استنى مرتي ام ابني تغسلهن ماظل ولا بدله نظيفه
    ليل بعصبيه :اني موو مرتك
    غياث لف عليها :مرتي غصبن عنچ وعن اللى خلفوچ
    ليل وقفت جدام غياث ورغم فرق الطول اللى بينهم مسكت تيشرته وهددت غياث :جرب تعيدها والله ما أرحمك
    غياث يضحك وهو يگرص خدودها : شنووو ما ترحميني
    ليل نزلت ايدينها عن غياث :لا تختبر صبري
    غياث ترك اخدودها :تريدين اسوي البيض عيون ولا قرص
    ليل فتحت البراد :قرص وخلي اشويه ني
    غياث :ان شاء الله
    طلعت الخبز وبندوره وشغلة غلية الماء
    وهم ياكلون :ناوشيني (اعطيني) المملحه
    ليل تاكل :خذها لحالك
    غياث :قليلة ادب
    ليل ابتسمت :تعلمت منك
    غياث رفسها من جوا الطاوله :لا تردين علي ونزلي مكسورتچ (لان ليل لسع على نفس العادة كل ما تگعد تحط رجل على رجل)
    ليل خذت المملحه وعبت البيض ملح :يا حيوانه حرام عليچ
    ليل تضحك وهي تاكل من لفتها:تستاهل
    غياث يحول يبعد الملح بالخاشوگه :الله يسامحچ
    ليل صارت تگح:وين جوالك
    غياث رفع راسه :صحه جوالي
    ليل :ايوه جوالك
    غياث بتوتر :ليش شتريدين بجوالي
    ليل :أدق على الحب
    غياث طلع جواله وفتحه :اذا مثقال الحب اني شنو
    ليل :ما اتوقع بي أغلى من الأخ
    غياث :وين جوالچ
    ليل :ماعندي رصيد
    غياث دق على مثقال رد :الو
    غياث :نايم
    مثقال بصوت كله نوم :يعني شعندك داق عليا
    غياث ابتسم :يوال مشتاگلك مووت
    مثقال تعدل بقرف:استغفرالله اذا ما عندك شئ مهم سكر
    غياث يضحك :خذ اختك وفكني من شرها
    ليل خذت الجوال وبلهفه :الو اشلونك
    مثقال :الحمدلله زين انتي اشلونچ ليش لچا يومين ما تردين علينا
    ليل وگفت وفتحت باب المطبخ ووگفت عنده :من بالبارح مرضانه
    مثقال :ليوله سلامتچ ياخيه ما تشوفين شر
    ليل ابتسمت :الله يسلمك يا نور عيوني الشر ما يجيك
    مثقال بشك :يولي ليل اشبيچ لا يكون الحقير مسويلچ شئ
    ليل :لا والله لا تخاف عليا اشويت رشح وصخونه حبيت اسمع صوتك
    مثقال :مادام حبيت تسمعين صوتي اني الصبح جاي اخذچ
    ليل :لا تتعب حالك بس يصير الوگت المناسب واصحصح اجي
    مثقال : مرضانه ولا موو مرضانه الصبح جاي جهزي حالچ
    ليل :اشلون ابوي ان شاء الله زين
    مثقال يضحك :راحت عليچ اليوم مسح البلط بمها وعچيانها
    ليل تضحك وهي تگح:واخيرا انفجر عليهم
    مثقال :جهزي حالچ موو تنسين
    ليل :باللهي أجلها
    مثقال : اعطيني احچي معاه
    ليل بصوت اشبه بالهمس :دخيلك لا تتكون معه
    مثقال :لا تدخلين
    ليل أعطت الجوال لغياث :مثقال يريد يحچيك
    ليل شالت الصينية غياث :الو
    مثقال : الصبح جاي اخذ ليل خليها تجهز حالها
    غياث أعطى ليل نظره :ليل الحز مرضانه ما تگعدر تطلع بس تطيب اني اجيبها
    مثقال بعصبيه :مرضانه ولا موو مرضانه موو مشكلتي باجر اني جاي أخذها
    غياث خذا نفس بعمق مشان يسيطر على حاله :يصير خير
    وسكر الخط ورمى الجوال على الطاوله :تريدين تروحين
    ليل طلعت الچيدان (دلة الشاي) :لا تصيح عليا مثقال هو گال
    غياث يطلع السكر :گال ولا ماگال مثقال مالو علاقه بيچ
    ليل تشغل النار :انته اللى مالك علاقه بيا مثقال اخوي
    غياث حط الچيدان على النار :واني رجلچ طول ما اني عايش كلمتي هي اللى تمشي عليچ موو كلمة اخوچ النذل
    ليل بحده وهي تقرب منه :اخويا موو نذل انته النذل
    غياث يبعدها عنه وهو يگول بهدوء :روحي جيبلي الباكه بدال الحچي الفاضي
    ليل دفشته بعصبيه:لا تدفشني اني موو عبده عندك
    غياث اعطها ظهره(هذي اشبيها كل شوي تهجم علي) :استغفرالله انتي مجنونه مصره تخليني أمد ايدي عليچ
    ليل بانفعال:يلا مدها مشان يكون هذا اليوم اخر يوم تشوفني بي
    غياث يشد شعره من القهر :ياربي صبرني
    ليل گعدت وهو تگح بقوة وهو يفور الچاي:روحي نامي
    ليل راحت بدون نقاش وهي ماره من جدام قرفة سلوى شافت سلوى طالعه من الحمام ليل دحقت على سلوى بحده وكملت طريقها
    كلها شويه وفات عليها غياث :اشربي الدوا
    ليل فتحت السحاب اللى عندها :اريد ماي
    غياث اعطها الكأس وفتح الباكه ليل خذت الحبات ورجعت تمددت بعد صمت طال وهو يتصفح جواله ويدخن ويشرب چاي بفضول:من ايمت تدخن
    غياث على نفس الوضع :من لمن تخليتي عني
    ليل نزلت عيونها :بعمري ما تخليت عنك انته اللى تخليت عني
    غياث بنبره غريبه:بعد كل الهجر هذا تگولين ما تخليتي رميتي ابنچ وعمرو ساعات بدون رحمه
    ليل دموعها نزلت :تركت ابني غصبن عني انجبرت لاني ما اعرف اي شئ عن الامومه وفوگها عميه لو ما أريده چنت گدرانه اتخلص منه بدون ماتعرف
    غياث ينفخ الدخان بضيق :الماضي انتهى حچينا ما راح يغير شيا بالماضي
    ليل تمسح وجهها :لا تلومني على شئ
    غياث :ليل يرحم أمچ نامي
    ليل :مثقال الصبح جاي
    غياث دحق عليها :كلامي ماراح اعيدو مابي روحه وانت مرضانه
    ليل رفست غياث :الا راح اروح
    غياث ترك كاست الچاي ومسك رجلها:وجع لا ترفسين
    ليل :يا ذكي شغل عقلك موو لمصلحتك تحط راسك برأس مثقال
    غياث ضغط على رجلها :انتي شغلي عقلچ المصدي
    ليل بألم من ضغطه: اعرف ولا اني شوقعني بين ايديك غير عقلي المصدي
    غياث ابتسم :مثقال موو دايملچ
    ليل مافهمت شيقصد:اترك رجلي
    غياث ضغط مره ثانية على رجلها :اسويلچ مساج
    ليل بصوت عالي وهي تحول تسحب رجلها :آه يا مجنون وجعتني
    ******
    ليل گعدت على صوت ابنها فتحت عيونها شافت حسن ماسك جوالها ويدمدم
    ليل نزلت من السرير وسحبت الجوال منه :الو مين
    :هههههههه اني
    ليل بانزعاچ من صوت حسن اللى ماسكها ويبچي على جوالها :لا توخذني ما اعرف الحيوان اشلون رد عليك
    مثقال :عادي ما صار شئ اشلون صرتي
    ليل :احسن من البارح انوب اذا دقيت وفتح الخط سكر بوجهه
    مثقال :اني الحز اطلع من المحل جهزي حالچ
    ليل :مثقال الله يخليك لا تجي
    مثقال عصب :اني اعرف أتفهم م
    ليل تقاطع :غياث ماله علاقه اني لو اريد اجي اجي غصبن عنه وعن اللى خلفه
    مثقال :ليل لا تجننيني
    ليل :هين عمتي ام غياث دايره بالها عليا وعلى ابني وموو مقصره معي
    مثقال :اوكي عجب اني جاي اشوفچ بعد العصر
    ليل ابتسمت وهي تشيل كرت الشحن المحطوط على الطاولة مع ملاحضه (صباح الورد يا ورد) :اهلا وسهلا بيك
    ليل بعد ما سكرت شالت حسن :يوال دبدوب وين حبابتك
    حسن ضمها وهو يبچي على الجوال
    ليل بقرف وهي تحس ارقبتها وقميصها تبللن من حسن :يعععع
    طلعت للمطبخ شافت عمتها تطبخ :صباح الخير
    ام غياث :صباح النور حبيبتي اشلون صرتي
    ليل ابتسمت :احسن الحمدلله شتسوين
    ام غياث :اسوي مجدرة برغل تعالي سويلي المثومه
    ليل گعدت حسن واعطته خيارة :خلاص حسونا اسكت
    ام غياث تقلي البصل :اشبي حسوني زعلان
    ليل تمسح دموعه :حسوني فلتان يريد يلعب بجوالي
    ام غياث :الحز اني اعطي جوالي بس حبيبي لا يبچي
    ليل تغسل ايدينا : بدلات غياث وصخات اشلون يتغسلن
    ام غياث :والله جنت اريد اغسلهن بس غياث حلف علي ما اگوسهن يريد يشوف مين منچن تتنازل وتغسلهن
    ليل گعدت تقطع الخيار وهي تضحك: والله ضحكتيني
    ام غياث :العصر نغسلهن ما يريدن شي
    ليل :خليها قبل العصر
    وهم يتغدون جت سلوى گعدت معهم اول ما گعدت سلوى ليل گامت رمت الخاشوگه :الحمدلله
    سلوى ابتسمت
    ابو غياث :ليل گملي غذاچ
    ليل :عمي شبعانه صحه وهنا
    ام غياث ابتسمت :على قلبچ
    ليل راحت على غرفتها فتحت باب السكرتون وطلعت كل البدلات طلعت العلقات وصارت تفتش بالجيوب طلعت محارم وعلك وجداحه وأوراق ومصاري وكروت ليل انصدمت من كميت الاشياء اللى مخليها غياث بجيوبه شالت كل شئ وحطتهن بالصحن اللى على الطاوله دائما غياث يحط اغرضه بي خذت علكه من غراض غياث وصارت تدور على شئ مناسب تلبسه
    وقبل المغرب بساعه جهزت حالها لبست جينز فاتح وشلحه بيضه وسترى لونها اسود ورفعت شعرها ذيل حصان وتعطرت بالعطر الفرنسي اللى جاها هدية من ام غياث دحقت على حالها بالمرايا بعدم رضا وجهها شاحب وشفايفها ناشفه راحت على ام غياث دقت الباب :اتفضل
    ليل فاتت :عمه لو سمحتي اريد مفتاح غرفة صبا
    ام غياث سكرت الكتاب :ليل محتاجه شئ
    ليل سكرت الباب بخجل:لا بس اريد من عندها شئ اذا ما تنزعجين
    ام غياث أشرت لليل تگعد :ممكن اعرف شنو هذا الشئ
    ليل زاد خجلها و گعدت :اريد اخذ من قرفتها قلم حمره
    ام غياث ابتسمت :هذا مكياجي جدامچ خذي اللى تريدينه
    ليل :لا والله ماريد اني ما احب المكياج شفايفي نشفت من الرشح فگلت ارطبها
    ام غياث وگفت وصارت تختار من مكياجها :قرفة صبا ممنوع حدا يفوتها
    ليل مسكت ايد ام غياث :والله ما أخذ شئ بس اريد حمره
    ام غياث حطت عينها بعين ليل :لا تحلفين يا تاخذين المكياج من عندي يا اگول لغياث ليل تريد مكياج
    ليل نزلت عيونها :عمه لا تحرجيني اني مااعرف احطه صبا جانت تحب تحطلي مكياج من عندها
    ام غياث گعدت ليل على الكرسي :اذا ما تعرفين اني اعلمچ
    ليل بستعجال:شتعلمين اخوي اشوي ويوصل
    فتحت علبة كريم :على بالي لبسه ومتعطره مشان ابني
    ليل بانكسار :غياث بي عنده اللى تلبس وتتعطر وتتمكيج مشانه
    ام غياث هي توزع الكريم : وانتي
    ليل ابتسمت :اني شنو
    ام غياث فتحت علبة الظلال :ليوله يا ماما لسعچ بأول عمرچ لا تهملين حالچ
    ليل ضلت ساكته ام غياث ابتسمت وضمت ليل :خلصنا ما شاء الله طلعتي احلى من الگمر
    ليل تتأمل شكلها بالمرايا منبهره مسكت ايد ام غياث :عمه تسلم ايدچ ابدعتي بيا
    باست ايد ام غياث ام غياث باست راس ليل :الله يسلمچ يا ماما
    ليل عيونها لمعت ام غياث وگفت زين :ليوله يلا روحي جهزي الضيافة لمثقال واني اگعد حسوني والبسه
    ليل وگفت :لا عمه انتي ارتاحي اني اغير لحسن بالحيل تعبتچ اليوم
    ام غياث ترتب تسرحتها :تعبچ راحه اريد اشوفچ كل يوم حاطه مكياج
    ليل :يصير خير
    جهزت حسن وهي تسويله حليب لحسن دق مثقال بسرعه أعطت حسن الرضاعه ولبست بوطها الابيض بالخيطان وراحت تفتح الباب وبفرح:يا هلا باللي نهلي بي
    مثقال خلى ليل تلف وهو شاق الابتسامه:ما شاء الله ولي كل هذي الحلوه وتگوليلي مرضانه
    ليل تضحك ومسكت ايده :والله مرضانه
    مثقال يضحك :اذا المرض يحلي الواحد هيچ امرضي كل يوم
    ليل ضمت ذراعه :اني حلوه من يوم يومي
    مثقال :الله يرزقني بوحده تشبهچ صوره طبق الأصل
    ليل:وين هذي ان شاء الله من وين نجيبها
    مثقال :مو گلتي اريد اجوزك اني موافق اذا دبرتلي وحده تشبهچ
    ليل گعدت بگعدت الحديقة :والله طلبك صعب تريد تعجزني
    مثقال گعد :ما طلبت المستحيل
    ليل :مو طالب شئ بس طالب وحده تشبهني واني مالي شبيه
    مثقال طلع الباكه :بطلي غرور
    ليل ابتسمت مثقال :اشلون الأمور مرتاحه
    ليل هزت راسها :اهل غياث بالحيل طيبين ويحبوني
    مثقال حط اول زقارة باثمو:وغياث
    ليل رفعت راسها :زين موو مقصر معايا
    مثقال :متأكده
    ليل تهز راسها :والله زين انته تعرف انه يحبني
    مثقال شغلها :ولمن جيتينا ترا ابوي حچالي
    مثقال بحده : ليش سكتي احچي
    ليل بضيق :مرتو رجعت على البيت
    مثقال :اي وترجع وين المشكلة مابي مره تاكل مره
    ليل حطت عينها بعينه:مثقال افهمني
    مثقال بعصبية: موو مرتاحه تريدين تعيفين تريدين تعزلين شتريدين گولي
    ليل :ماريد شئ
    مثقال :حطي ببالچ من تجيني حردانه ما ترجعيله لو يموت
    ليل دموعها نزلت :انته تعرف شنو ضره من اشوفها اموت اني شنو ناقصني حتى يتجوز غيري
    مثقال مسح ادموعها :ليل اني ماربيتچ على هيچ خليچ گويه المره على ذمته ودموعچ ما تغير شئ
    ليل :بس والله العظيم ما اتحمل
    مثقال خط راس ليل على صدره :لا تبچي كل شئ راح يكون بخير
    :السلام عليكم
    مثقال رفع عيونه ليل بعدت وصارت تمسح دموعها
    مثقال :وعليكم السلام جبنا سيرة القط جا ينط
    سحب الكرسي وگعد :سيرتي اني
    مثقال ابتسم :اي سيرتك
    غياث يدحق على ليل بنظرات ما تتفسر (هذي شگايلة لمثقال الله يستر) :شوفچ هين ما رحتي
    ليل :اي هين لا يگون گاعده على گلبك وما ادري
    غياث فتح باگته وغير الموضوع:ام حسن سوي چاي
    مثقال :لا تسوين شئ اني ماشي
    ليل :وين ماشي لسع ما شفتك
    مثقال وگف:مستعجل
    غياث :والله ما تروح خلينا اقل شئ نشرب فنجال گهوة
    مثقال :غير مره ان شاء الله
    ليل مسكت ايده :لا تروح مشان خطري اقل شئ شوف حسوني
    غياث :يلا عاد اگعد لا تخجلنا
    ليل وعيونها بعيون مثقال :لا تروح بس عشر دقايق
    مثقال گعد :استعجلي
    ليل راحت بسرعه جابت حسن وهي يلا تمشي لان حسن دبدوب مثقال وگف وخذا منها حسن وباسه :هلا بالزين هلا بأبن ليوله
    غياث بحده:الولد ينسب لابو موو امو
    ليل بحقد على غياث :اخوي شيعرفه بيك لو موو اني بالنسبه لأهلي حسن ابن ليل موو ابن غياث
    مثقال قبل ما يرد غياث :ليل اخرتيني استعجلي
    ليل فاتت مثقال بعد سكوت طال :اشلون الأمور
    غياث يدخن :ماشي الحال
    مثقال بحده وهو يوقف حسن :اذا زعلت اختي لا تلوم الا نفسك
    غياث :اني اعرف اتعمل مع مرتي لو موو تحريشك ليش چنت تبچي
    مثقال :يوال بشنو حرشتها عليك
    غياث قرب من مثقال :اني ساكت بكفي ليل مسكينه كلامك مقدس عندها
    مثقال رفع حاجبه :والله انته المسكين الا گوللى عن شنو ساكت احچي يلا فضفض گول شعندك
    غياث :اختك م
    جت ليل وهو سكت مع الصينية :لا يكون تأخرت
    مثقال ابتسم :تأخرت اشوي موو چثير
    ليل حطت فنجال مثقال وحطت فنجال غياث جت تاخذ حسن :خلي بحضني
    ليل گعدت وبفرح :حسوني بوس خالك مثقال
    حسن بأس مثقال وضمه مثقال صار يضحك وذراعه على ظهر حسن :صحيح هذاك اليوم نسيتي عندنا جاكيت حسن
    فاتت ليل مع غياث اللى شايل حسن غياث :السلام عليكم
    ام غياث وسلوى :وعليكم السلام
    سلوى باستغراب من فوتت ليل مع غياث :غياث تاخرت اليوم
    ليل فاتت جوا
    غياث : چنا برا مع مثقال
    سلوى :مين هذا
    غياث نزل حسن :اخو ليل سلوى ميت من الجوع بسرعه حطيلي عشا
    سلوى تكتفت :ليش موو هي تحط العشا اني اليوم نظفت المطبخ
    غياث بعصبيه :معاچ نص ساعه
    وفات جوا فات على قرفة ليل لقاها گاعدة على السرير وماسكه چيس اسود :ليش ما رحتي ما توقعت القاچ اليوم
    ليل ضلت ساكته غياث لمس راسها :حراراتچ طالعه
    ليل حطت عينها بعينه گعد وهو يبتسم :اشبيچ
    ليل بهدوء:مابي شي
    غياث نزل ايده لخدها :تروحين لدكتور
    ليل :لا ماريد
    غياث حرك ايدو على وجه ليل :ليوله الحلوه كل يوم تصيرين احلى
    ليل مسكت ايده :لا تستغل تعبي
    غياث بأس ايدها :يا عمري سلامتچ ريت المرض بيا ولا بيچ
    ليل بتعب: بيعد الشر عنك
    غياث أستغرب وابتسم :شربه شئ اليوم
    ليل حطت راسها على كتف غياث وغمضت:هذا تأثر الأدوية
    غياث صار يضحك وهو يضمها : يلا نامي
    ليل :شلون انام واني گاعدة
    غياث يلعب بشعرها :زين انجضعي
    ليل ضلت ساكته انفتح الباب غياث رفع راسه بصدمه :تعال تعشى
    غياث بحده :ولي ما تعرفين تدقين الباب ولا اهلچ ما ربوچ
    سلوى بعصبيه وصياح :تدزني على المطبخ اسويلك سم مشان يصفالك الجو مع العميه ولا كان اليوم دوري
    ليل فزت بخوف ودحقت عليهم غياث وگف مسك عضد سلوى وسحبها ليل بخوف گامت سكرت الباب بالمفتاح رجعت نامت
    فزت على صوت الباب گامت فتحت الباب شافت غياث :بعدي
    ليل يلا تشوف :وين ابعد شتريد
    غياث :يعني شريد ابعدي
    ليل حركت راسها بالنفي :ما تفوت روح لمرتك
    غياث بعصبيه دفش الباب :ليل ابعدي احسن ما اذبحچ
    ليل بعدت فات سكرت الباب غياث گعد على السرير ليل گعدت وهي تتمصخر :جلالة الشيخ أبو عرب ليش جيت اليوم موو دوري
    غياث :اليوم صار دورچ
    ليل ابتسمت وهي تتغطى :شلون صار دوري الله لا يسامحكم وگعتم گلبي بصياحكم
    غياث :لا تدعين عليا اني ما صيحت

    ليل : وين حسونا
    غياث يفتح الچيس الأسود :نايم عند امي شنو هذا
    ليل :ألعاب بنات نجرب عليك
    غياث رفع راسه :لصبا
    ليل :نويت اخذ حمره من صبا بس عمتي ما رضت تفتحلي الباب رجعت على القرفه لقيتها حاطتهن مع اني حلفت ما اخذهن
    غياث :عيب تردين هدية امي
    ليل : سبحان الله عمتي طيبه بشكل فضيع ما ادري اشلون صارت عمتي امك
    غياث ضربها :شقصدچ
    ليل بتعب:ولا شيا اذا ضلت تضربني راح أطر اضربك دفاعنا عن النفس
    غياث :گومي سويلي عشا
    ليل :موو شايفني مرضانه
    غياث وگف يطلع غيار :اذا ما تريدين گولي ما اسويلك عادي
    ليل :بالعادة لمن امرض مثقال يدللني ويسولي نعناع ومرگت دجاج ما اگول الا يا حسافه على هذيچ الايام
    غياث يلبس :دللتچ چثير اصلا ما خربچ الا الدلال
    ليل ضمت اللحاف بدون ما ترد
    غياث مشط شعره وگعد عندها:لا تنامين بدون عشا
    ليل بتعب :موو جوعانه
    غياث يبعد اللحاف واجرها :ليوله يلا لزم تاكلين
    ليل :عيفني والله ما اگدر بس اريد انام
    غياث گعدها زين وحط المخده ورا ظهرها :اوكي بلا ما تگومين اجيب العشا لعندچ
    ليل :اعطيني الدوا
    غياث اعطها الدوا وشربها ماي
    غياث يحول ليها تاكل :يا حلوه شكلچ موو ناويه تطيبين
    ليل :الا ناويه بس انته اتركني
    غياث بحب :بس اكلي اشويه مشان خاطري
    ليل تسترخي وهي مغمضه:مالك خاطر عندي
    غياث مسك الخاشوگه :طيب مشان خاطر ابنا
    ليل :اووف منك ما احب الاندومي
    غياث شال الصينيه :لا يكون مسوية رجيم
    ليل غمضت وبهمس:لاء
    غياث گعد :گوليلي شتاكلين
    غياث بصوت عالي :ليل اسالچ
    لمس خدها :ليوله نمتي
    ابتسم نومها زين وتمدد
    ثاني يوم فتحت عيونها شافت غياث ضمها ووجهه بين كتفها ورقبتها ليل تهز كتفه :غياث غياث اگعد
    غياث حرك راسه:هاييي ابعد عني
    غياث رفع راسه وباسها:صباح الخير
    ليل :اي خير وانته نايم فوگي
    غياث يبعد شعرها :وين المشكله
    ليل ضلت ساكته
    غياث ابتسم :سكوتچ يذبحني
    ليل تحول تبعد غياث :ابعد عني دوامك راح
    غياث يضحك :اليوم جمعه
    اندق الباب غياث گام وفتح الباب
    شاف حسن يرضع :بابا
    غياث شال حسن وسكر الباب :اووف انته شجابك الحز
    ليل وگفت ترتب الفراش:جا حسونا حبيب ماما
    حسن بفرح :ابيبي لوله
    غياث غياث يأشر على ليل:هذي ماما
    حسن :لا لوله
    ليل :چنا بداده صرنا بلوله
    غياث يضحك گعد على التخت :مين اني
    حسن :بابا ابيبي
    غياث مسك ايد ليل وگعدها بلطه:مين هذي الحلوه
    حسن نط لحضن ليل وهو يبوسها :لوله
    غياث :لا هذي ماما گول ماما
    حسن صار يدمدم بالفرنسي ما فهمت من إلا كلمه ماما
    طلعم لصالون :مساء الخير
    ام غياث وابو غياث :مساء النور
    ام غياث :اشلون صرتي اليوم
    ليل گعدت بلط غياث :الحمدلله اليوم زينه
    ابو غياث يشرب چاي:صبا دقت من اشوي تسأل عنچ
    ليل ابتسمت :يعطيها العافيه
    غياث :ليل جوعان
    ليل وگفت ام غياث :نحن تغدينا الاچل بالبراد
    ليل راحت على المطبخ تحط الغدا فات ام غياث :ليل شصاير البارح
    ليل لفت :والله ما ادري اسألي اصحب المشكله
    فات غياث :يوم ليش ما تسألين سلوى
    ام غياث :سلوى من البارح جا ابوها خذها
    غياث صب ماي وهو مروق:الله معاها
    ام غياث :انته گولي شصار بينكم
    غياث خذا قطعة خيار من الصحن :ما صار شئ سلوى للحزها ما تعرف تستأذن قبل ما تفوت على غرفة نومي
    ام غياث فهمت الموضوع:بعدين نحچي
    غياث بعد ما طلعت امو وگف ورا ليل وحط ايدو على خصرها :اريد عصير مع الغدا
    ليل تبعد ايد غياث :تكرم عينك
    غياث ابتسم :يا روحي الله يكرمچ
    مر اليوم بشكل حلو بدون مشاكل ثاني يوم فات على القرفه لقى ليل تمسح المرايا ولبسه قميص بيت من اللى جابهن لونه ابيض ومنقش بورد الزهري ربع ردن (كم) ورفعه شعرها بشكل عشوائي كعكه وحطه حمره وكحل ومسكره
    غياث يحط جواله على الشاحن :حبيبتي شتسوين
    ليل :گلت انظف قرفتي قبل ما اروح
    غياث :تروحين وين
    ليل لفت عليه :نسيت وعدك ليا
    غياث باهتمام:يوم الثلاثاء أن شاء الله
    ليل :اذا ما توديني باچر أدق على اخوي يجي
    غياث گعد :ليوله الله يخليچ مرري يومنا بسلام
    ليل رمت عليه القطعه اللى تمسح بيها:ما والله اروح
    غياث رمى القطعه على الأرض : ليل خلاص
    ليل گعدت :لا موو خلاص
    غياث فتح باكته :لا حول ولا قوة الا بالله
    ليل :اريد اروح
    غياث :اعطيتچ وجه زيادة عن اللزوم لا تخليني اعصب
    ليل سحبت الزقاره من أثم غياث وكسرتها :يلا عصب
    غياث طلع وحده ثانيه قبل ما يشغلها ليل كسرتها
    غياث فتح الباكه :المره الثالثه للچتله ثابتة
    ليل سحبت الباكه كلها وحطتها جواها (تحتها) :اگولك اريد اروح لا تخليني اني اعصب عليك
    انتهى الفصل
    توقعتكم
  2. زينة الزينات
    25-03-2019, 01:35 AM

    رد: ليل الخفسه

    ليل الخفسه


    الفصل الحادي عشر منك اني محروم إهداء للحلوة زهرورة
    ليل صارت تضحك غياث لان ليل حطت راسها بحضنو:ليش كل هل ضحك
    غياث مسكها :يولي اشبيچ ليل
    ليل تضرب فخذ غياث وهي تضحك من قلبها :يا ربي
    غياث صار يضحك عليها
    ليل واخيرا قدرت تسيطر على حالها تهوي على وجهها :استغفرالله
    غياث يصبلها ماي وهو شاق الابتسامه :الله يكفنا شر ضحكتچ اليوم
    ليل شربت :تذكرة عبارة على طول يگولها اخوي ابو ضراير
    غياث بفضول:شنهي هالعبارة اللى تخليچ تفطسين من الضحك
    ليل :اللى يتجوز اثنين يا يكون شيطان يمشيهن بمكره يا يكون سلطان يمشيهن بجاهه ومصاريه
    غياث :اني بنظرچ الشيطان ولا السلطان
    ليل لفت عليه وتربعت :بالنسبة ليا ولا واحد يا شيخ انته غير
    غياث ابتسم ومسك ايدها:اكيد اني غير اني غياث
    ليل تضحك :اي والله غير
    غياث بأس ايدها :گوليلي بشنو تمشين حتى ترتاحين وتريحني
    ليل حطت عيونها بعيونو :بعمري ما ارتاح ما ضل شي يملي عيني
    غياث رجع بأس ايدها :الحياة لسى جدامنا راح اعوضچ عن كل شيا وانسيچ الماضي
    ليل سحبت ايدها مسحت دمعتها: لا تظن اني زعلانه منك على اللى صار بالماضي
    غياث :اذا موو زعلانه ليش ما تعطيني فرصه تنبدأ من جديد
    ليل دنقت:انته بديت حياتك مع غيري
    غياث رفع ذقنها بأطراف اصبعو:ليوله خليچ عند كلمتچ انتي چنت موافقه
    ليل :اي صح اني وافقت تشوف حياتك بس اني (وگفت) ما اقبل اكون بحياتك رقم اثنين
    غياث وگف:يا مجنونه وحق الله انچ انتي الوحيده بگلبي ليوله انتي عندي تسوين الدنيا واللى بيها ولچ اني احبچ
    ليل :غياث الله يخليك اسكت
    غياث مسك ايدينها: انتي المره الوحيده اللى حبيتها ما اريد افرگچ ولا لحضه ليل اريد انسى كل شئ محتاجچ
    ليل بانكسار:لو تحبني ما تجوزتها
    غياث ضغط على ايدنها:صدقيني هي مجرد نصيب مالها مكان بقلبي ولا تعنيلي
    ليل دموعها صارت تنزل غياث صار يمسح دموعها :ليل اني ما نسيتچ ولا لحضه صدقيني والله موتتني فرگچ من رحتي ليل انتي ما شفتي حالي بغيابچ والله متت
    ليل نزلت راسها :تأخرت
    غياث عيونه لمعت :لا ما تأخرت والله اني احبچ وامووت عليچ ما صبرني على بعدچ الا حسوني كل ما اضمه اشم ريحچ بي
    ليل بيدها اليمين مسكت معصم غياث :حبك عدم
    غياث :لا مو عدم سهليها وتسهل لسع چدامنا العمر
    ليل :لا ما تسهل انته لو تحبني چنت تحديت الدنيا كلها
    غياث سند راسو على رأسها وبهمس :مين اللى گالچ ما تحديت الدنيا واللى بيها بس لمن تكوني انتي ضدي مع مثقال شلون أگدر ارجعچ تمنيت بس تگولين أريدك
    اندق الباب بصوت عالي :ابيبي لوله اني
    ليل بعدت فتحت الباب فات :لوله امي تصيحلچ
    ليل :وين تصيحلي
    حسن طلع على التخت وهو گاعد يأشر :برا
    ليل راحت ورجعت لقت عياث يلعب حسن:اذا تتعالل مع عمي وعمتى روح
    غياث يبعد اللحاف :لا اريد انام تعبان يلا حسوني ننام
    ليل راحت وگالت لعمتها ان غياث ما راح يتعالل
    رجعت وهي شايله كاست چاي أخضر لقت حسن بحضن غياث على نومه :جهزي حالچ
    ليل تكمل تنظيف :انته روح على شغلك مثقال يجي ياخذني
    غياث :نحن الصبح رايحين على حلب
    ليل ببرود :من وراها
    غياث يحول ينفي قصد ليل :شتقصدين
    ليل بگوة:أفهمها مثل ما تحب
    غياث رمى عليها المخده : اوزني الفاظچ
    ليل شالت المخده :ما اروح الا تجي هي
    غياث :يمه منچ طلعتي موو هينه گال مسكينه
    ليل ضمت المخده وبدلع:مابي حدا مسكين الصبح راح اروح على اهلي
    غياث تعدل :الصبح يحلها الف حلال
    ليل ابتسمت وهي تعطي الكأس :لا تشرب اشوي واجيك
    راحت ورجعت مع كأس ثاني وگعدت غياث باهتمام وهو يتأمل ليل وهي تشرب :شكلچ فرحانه عيونچ تلمع من الفرحه
    ليل حطت الكأس على الكمدينه :وين المشكله
    غياث :ملاحظه
    ليل بفرح :مثقال قرر يتجوز وما افرح
    غياث ابتسم :الف مبروك أن شاء الله يتجوز وحده ما تطيقچ
    ليل صفنت :ما تطيقني
    غياث قرص خدها وهو يضحك : مشان تبطلين تروحين على بيتهم
    ليل بعدت ايد غياث : مو على كيفها البيت بيت اخويا موو بيتها
    غياث يمزح وهو يشرب:مين تعيست الحظ اللى تورطت بيكم
    ليل :هنيالها اللى تجوز مثقال شاب عاقل كلو ادب وأخلاق وكرم وثقافة وعندو خير شتريد احسن من هيچ
    غياث :اي ما شاء الله صفاته تشبه صفاتي بس محد شايفني
    ليل شربت من كاسها غياث :ما گلتيلي من وين راح تخطبون
    ليل :ما ادري طالب مواصفات تعجيزية
    غياث باهتمام :مثل شنو
    ليل :على قد ما يحبني يريد وحده نسخه مني
    غياث :من وين هذي تجيبونها
    ليل رفعت كتوفها :ما ادري شيعرفني
    غياث ترك الكاس : اي ما گلتيلي اهم نقطه مين اللى راح يدور على بنت الحلال
    ليل :طبعا اني
    غياث ابتسم :بالتوفيق
    ليل :للجميع
    والفجر ليل گعدت شافت غياث يتعطر نزلت من التخت :فطرت
    غياث :لا
    غياث سبق ليل على المطبخ فاتت ليل :اليوم متأخر
    غياث گعد :اليوم دوامي يبدأ تسعه ونص
    ليل شغلة الغلية الماي :الا يادكتور ما اشوفك تحضر
    غياث ابتسم :ما احب اشتغل بالبيت
    ليل :ايمت تشتغل وأيمت ترصد العلامات وتصحح
    غياث :اغلب شئ احب احضر واسوي شغلي الصبح واني اشرب الگهوة اوبالجامعه وگت فراغي
    ليل فتحت البراد :حسن جلطني بالفرنسي
    غياث صار يضحك :اني حتين لغتي الأولى چنت فرنسي
    ليل وهي تحط الفطور :حلو انه متعلم فرنسي بس اني ما افهم علي
    غياث :تريدين تتعلمين فرنسي
    ليل ابتسمت : مادامك موجود ليش لا
    غياث ابتسم وهو يفتح الخبز :الفطور معاچ غير شكل
    ليل تصب چاي :اكيد غير موو اي حدا مسويلك فطور
    اول ما خلصت ليل فطورها :صلي وتهيري مشان اوصلكم
    ليل وگفت :عشر دقايق واكون جاهزة
    ليل بسرعة البرق توضت بسرعه وصلاة الفجر ولبست وحطت غيارات لحسن وحليب ليل راحت على المطبخ شافت غياث مرتب المطبخ :غياث تعال شيل حسن
    غياث سكر جواله :يلا جاي
    وجدام بيت أهلها فتحت الباب :مابي كلمه حلوة
    ليل :بالليل راح تفوت تتعشى معنا
    غياث :الساعه شگد اجي اخذچ
    ليل بنذاله : اذا ما تعشيت معنا انسى ارجع معاك
    غياث فتح بابه :انتبهي على حسوني ما اوصيچ
    ليل :حسوني بعيوني
    غياث نزللها غراضها ودق الباب انفتح الباب غياث وليل :السلام عليكم
    مثقال خذا حسن من ليل :وعليكم السلام يا هلا وغلا صباح الخير حسوني (وباس حسن)
    غياث أعطى ليل الشنطة:توصيني بشئ
    ليل :سلامة قلبك
    غياث :عن اذنكم
    مثقال :اذنك معك
    مثقال سبق ليل غياث لف وباول خطوة ليل مسكت ايدو :راح تجي
    غياث لف عليها بحده:لا
    ليل :شنو لا موو على كيفك
    غياث :مثقال ما يحبني موو حلوه اجي على بيتكم وهو يكرهني
    ليل حطت ايدها الثانية على خصر غياث:مثقال ما يكرهك غيوثي شبيك حچي البارح تبخر
    غياث :لا ما تبخر بس انتي گاعدة تحرجيني وتحطيني بموقف محرچ
    ليل بدلع :حبيبي الله يخليك
    فاتت :شبي الشيخ غياث زعلان لا يكون جبرتي يجيبچ
    ليل تسفط بطانية مثقال :لا هو جابني
    گعدت مع مثقال يفطرون ليل:وهذ اللى صار
    مثقال :بالليل نشوف مين يمشي الثاني على كيفه
    ليل تطعمي حسن جبنه :ما اكون ليل اذا ماخليته خاتم باصبعي
    مثقال ابتسم :الا شخبارچ مع الضره
    ليل :الله لا يردها من يوم الخميس حردانه عند اهلها
    مثقال :لا بالله
    ليل تصب چاي بكاسه:تصدق اني اللى مستغربه منه غياث مو سأل عنها وهي كل ما تحرد ترجع لحالها ولا كأنه صاير بينهم شئ
    مثقال :عادي
    ليل :لا مو عادي اني لو اموت ما يخليني اطلع من البيت بدون ما يوافق وهي فايته طالعه على كيفها
    مثقال :يمكن لان لسع بي حساسية بيني وبين يخاف احرشچ عليه وما اخليچ ترجعين
    ليل :هههههههه حرام عليك أرخي الحبل شويه الزلمه تعقد منك
    مثقال :گاعد أحول
    ليل ابتسمت :شسويلكم عشا اليوم
    مثقال :اني مشتهي على المقلوبة من زمان ما سويتيها
    ليل :بالفروج ولا اللحمه
    مثقال :ما ادري شوفي شعدنا بالفريزه
    *******
    اما عند غياث رجع من حلب وهو منتهي بسرعه خذا حمام لبس جينز غامق على تيشرت تركوزي بس علي شعر الماركه رتب نفسه وهو طالع :وين يا حلو
    غياث وگف جدام امه :ليل عزمتني اتعشى مع أهلها
    ام غياث زادت ابتسامتها :حبيبي تتهنا
    غياث يتأمل فستان امه :آمين سوسو شهل حلوه اعترفي اليوم شعندچ
    ام غياث تضحك :مابي شئ من الفضاوة البيت بدونكم وبدون حسوني ما يسوى شئ
    غياث بمزح :موو ناوين تجيبولنا اخ زغيرون تتسلون بي
    ام غياث ضربت كتفه :يوال غياث اعقل عني لا يسمعك الشيخ
    يغياث يضحك :اليوم حبيبي حسوني صار الشيخ
    ام غياث مسكت ايده وسحبته :يلا يمدك توصل عيب تتأخر
    غياث :بس ارجع اقترح على ابوي اقتراحي راح يكيف
    ام غياث لفت عليه :غياث خلاص ترى والله ازعل منك
    غياث بأس راسها وضمها :ماما حبيبتي انتي احسن ام بالعالم
    ام غياث بتاثر :ياروحي وانته احسن ابن بالعالم
    ابو غياث :يوال غياث انته تارك نسوانك الاثنين وكل اليوم ضام مرتي وتتغزل بيها
    غياث ضم امه اكثر :يابه شسويلك هذي سوسو حب حياتي الله لا يحرمني منها وباس جبهتهها
    ام غياث بعدت عن غياث :ولا يحرمني منك يا نورعيوني
    غياث يكذب :الا يا شيخ ليش ما گلتلي انكم ناوين تجيبولي اخ ولا تريدون تسولنا مفاجئة
    ابو غياث مسك ايد ام غياث :حبيبي البركه بيك وبنسوانك
    غياث ابتسم:وبيكم البركه اريد اخ يسند ظهري ترى زودتها سوسو
    ام غياث أعطت غياث نظرة :غيوثي تأخرت على الجماعة
    غياث ابتسم :ترى والله ما امزح يا تحبلين يا ازعل منچ
    ام غياث :انطح الحايط
    غياث دق الباب :مين
    ابتسم :اني الحب
    فتحت الباب :تفضل فوت
    غياث فات وهو مبتسم دنق عليها :ريحتچ حلوه
    ليل ابتسمت :ريحتي بصل وين الحلوه بالموضوع ما تعقل
    غياث طبع بوسه على خده :لا ما اعقل اشتقتلچ مووت
    بصوت عالي :مطولين عند الباب
    ليل بعدت بخجل غياث شق الابتسامه :اشوي ونجي
    ليل بعصبيه :فوت
    غياث :السيدات اولا
    ليل مشت جدامه فات سلام على ابوها وباس راس ابوها وگعد ولمس خد البنت اللى گاعدة تلعب مع حسن :مين هذي الحلوه
    ابو ليل :هذي ياسمين بنت مسعود
    غياث ابتسم :ما شاء الله الله يخليها
    ابو ليل :تسلم
    حسن أعطى غياث لعبه وهي يدمدم
    غياث گعد حسن بحضه :حبيبي ان شاء الله بس نرجع على البيت
    ابو ليل :شيريد
    غياث :نعسان يريد اسويه حليب ونومو بحضني
    ابو ليل :ما نام اليوم كيف على ويلاد مسعود
    حسن يمد ايده :داده تعالي
    غياث ابتسم مسك ايد ياسمين وخلها تگعد بحضنه مع حسن
    وصار يسولف مع ابو ليل
    وبعد العشا وهو يشرب چاي دحق على الساعه:وين ليل
    مثقال :گاعدة تجلي
    غياث :مع چنتكم
    مثقال :لا لحالها المطبخ على يمينك
    غياث كمل كاسه مثقال يتصفح جواله:اگولك خذا الكاسات معاك
    غياث : اوكي
    جمع الكاسات بالصينية وگام راح على المطبخ شاف ليل ترجع المواعين لمكانهن :ليل
    رفعت راسها :شجابك
    غياث حط الصينية على الطاولة :مثقال گال اجيبلچ الكاسات
    ليل قربت منه :اشوي وأخلص
    غياث:الا وين چنتكم
    ليل شالت الصينية :تعشت وسكرت على حالها
    غياث ابتسم وهو يكتف ايدينه :كل يوم انصدم بيچ اكثر
    ليل تفتح الماي :من اي ناحيه
    غياث :علاقتچ بيها زفت
    ليل ابتسمت :اليوم تكونت معها
    غياث :مشان ايش
    ليل تليف الكاسات :مخربه هدوم مثقال كلهن بالغسيل وابوي لبس الگلبية بدون كوي
    غياث :هي ليش گاعدة عندكم
    ليل :لقيه مثقال على گد ايدها فاتحها البيت وما يقصر معاها يمكن ما تصدقني لو اگولك السبعه كلهن عقربات
    غياث صار يضحك ليل :والله ما امزح
    غياث قرب وگف وراها ومسك خصرها :ان شاء الله الختام مسك
    ليل بخجل :شلون العشا عجبك
    غياث :بالحيل طيب نكهه وشكل يفتح النفس مكبوس(مخلل) الفليفله ياخذ العقل يعطيچ العافية
    ليل سكرت الماي وتوجهة للباب :الله يعافيك
    غياث تحرك :وين رايحه
    ليل :خمس دقايق واكون جاهزه
    غياث خذا نفس عميق وشرب ماي رجع على غرفة :نمت بالمطبخ
    غياث وگف عند العتابه يلبس بوطه وببرائه :انته اللى گلتلي اروح
    مثقال :شنو رايحين
    غياث :باچر وراي دوام
    مثقال وگف:لسع وگت خليك نتعالل
    غياث ابتسم :ان شاء الله غير مره
    جت ليل شالت حسن :فرشتلك جوا تريد شئ قبل ما اروح
    مثقال بأس خدودها وهو يگول :لا ما اريد الا سلامتچ
    ليل :انتبه على ابوي لا ينسى حبة الأسبرين كل يوم
    مثقال أعطى الشنطه لغياث :لا تشغلين بالچ گاعد اهتم بابوي اكثر من اهتمامي بحالي
    ليل :اعرفك ما تقصر
    غياث :هاتي حسوني
    ليل أعطت غياث حسن ولبست بوطها وصلهم مثقال لسيارة غياث باستغراب من ليل اللى تتأمل بي وسرحانه :وين وصلتي
    ليل :نيالك على الشگار
    غياث ابتسم :خسارة ما ذكرتيني اخذ وحده شگره عليچ
    ليل ابتسمت :وين المشكله تأخذها على سلوى
    غياث :اذا تخطبينها وتزفينها انتي اني موافق
    ليل :من عيوني چم غيوثي عدنا
    غياث مسك ايدها وباسها:حبيبتي واحد تسلملي عيونچ
    ليل :شگد لكا متجوز
    غياث :تقريبا سنه ونص ليش تسألين
    ليل :فضول ما صار شئ
    غياث ابتسم :لا ما صار شي الله ما كتب
    غياث رفع ايدها وباسها :اشوفچ سكتي
    ليل : شگول
    غياث :مثقال اليوم عملني بلطف بالعادة يضل يسمعني حچي ويغلط
    ليل :انته نسيبه الوحيد والأول والأخير اكيد راح يحطك بعيونه بس احسن الظن بي
    اول ما وصلم ليل خذات غيار وطيران على الحمام فاتت على الغرفة شافت غياث مسوي كابتشينو وگاعد يستناها رمت حالها على التخت وهي لبسه برمودا وردي غامق مع شلحتها بيضه بالوردي :شنو هذا
    غياث بحده :اشوي اشوي على حالچ
    ليل بعدم فهم :شنو اشبيك عصبت
    غياث أعطاها كاسها :ما عصبت بي أنثى ناعمه ورقيقه ترمي حالها على الفراش هيچ
    ليل شربت :اولي قبل ما اصير عميه چنت ارمي حالي من فوگ شجرة الرمان
    غياث :ليش الرمان عندكم بحوشكم شجر أشكال وألوان
    ليل نزلت الكأس :انته ماضگت رمانا يطير عقلي من يصير وگت الرمان
    غياث :يجي الصيف ونگوك رمانكم
    ليل :ان شاء الله
    غياث يتأمل ليل :حلوه برمودا عليچ
    ليل بخجل :ما طلبت رايك
    غياث خذا الكأس منها :يكفيچ شرب
    ليل بانزعاچ من غياث اللى ضامها وذراعه ملفوفه عليها يسولف ويبوسها:موو ناوي تنام
    غياث رجع بأس خدها :شلون انام واني ليا سنين محروم منچ
    ليل لمست زند غياث وهي تمرر اصبعها على الوشم :حلو اسمي على ذراعك
    غياث :هذا لاني لچا وحدچ
    ليل بحده :لا بالله وهذيچ شغلته
    غياث بأس اذن ليل وهمس باذنها ليل صارت ألوان :ترى الساعه صارت وحده لزم تنام
    غياث همس باذنها :حبيبي اذا نعسانه نامي
    ****
    وثاني يوم غياث متمدد على الكنبة يراسل :ليل جيبلي ماي
    ليل تقلب بالقنوات :گوم انته جيب
    غياث دحق عليها :بدينا
    ليل بدون اهتمام :حدا گالك اني خدامتك من فتحت عيوني وانته نازل عالي أوامر ليل ودي ليل جيبي ليل تعالي ليل روحي
    غياث ترك الجوال:يعني اذا اهتميتي بيا ودللتيني تصيرين خدامه
    ليل لفت عليه :غيوثي اني تعبانه لمن مابي حدا اخدم حالك
    غياث رفع حاجبه بعدم رضا :لا بالله
    ليل گامت گعدت عنده :گوم نتمشى مليت
    غياث :ما امشي معاچ
    ليل تركت عليه :والسبب
    غياث بزعل:انتي تعرفين السبب
    ليل :اوكي براحتك
    غياث فتح جواله
    ليل تركت غياث وطلعت من الصالون سوت شعرها كعكه وطلعت سماعات غياث وشبكتهن بالجوال ولبست بوطه وطلعت برا من باب المطبخ
    غياث مل لحاله سكر الجوال گام دور على ليل ما لقاها طلع برا شاف ليل تركض غياث وهو ياشرلها تجي :ليل تعالي
    ليل چت عنده وبعدت السماعه :خير شتريد
    غياث :الجو حار موو وگت الركض فوتي جوا
    ليل :ليش افوت جوا
    غياث مسك ايدها :بس فوتي يلا
    ليل تحول تسحب ايدها :عيفني ماني فايته
    غياث ضغط على ايدها اكثر :لا تصيحين بوجهي
    ليل داست على رجله :ما تفهم اگولك عيفني
    غياث بألم وعصبيه:ما اعيفچ الا تفوتين
    ليل غزت اظافرها بايده : انته شعليك شنو غاثك فتت ولا ما فتت مالك علاقه
    غياث مسك ايدها يحول يبعدها :اخ يا حيوانه ايدي
    ليل تضغط اكثر باظافرها :محد غيرك حيوان مالك علاقه بيا البارح تداريني برموشك وتضحك علي واليوم صرت عنتر
    غياث وهو يتألم :خلاص لا تفوتين بس اتركيني
    ليل تزيد :على بالك اني غبية وراح تدوس على نفسي
    غياث يحول يبعد ايدها :آآآه الله لا يوفقچ يا ليل
    ليل بهدوء : اترك ايدي
    غياث شال ايده عنها ليل تركت غياث وفاتت جوا غياث شاف أثر اظافرها طالع دم ضغط على ايده وگعد على عتابة المطبخ غياث قرار يروح يراضي ليل فات على القرفه لقى ليل نايمه گعد وهز كتفها بخفه:ليل اگعدي ليل
    ليل فتحت عيونها :گومي نوم المغرب موو زين
    ليل أعطت غياث ظهرها غياث ابتسم :فوگ منتي غلطانه زعلانه مني
    ليل :ما رجعم
    غياث :اتوقع انهم راح يتعشون ببيت عمي ابو عبدالحميد
    غياث حط ايده على خصرها :ليوله الحلوه اني اسف
    انحنى وباس خدها :سامحيني
    ليل تنهدت :غياث ابعد عني
    غياث :مشان خاطري لا تكبرين الموضوع
    ليل :الحب گول وفعل موو بس تصفلي حچي وتزعلين
    غياث وهو يبوس وجهها :والله احبچ واموت بيچ انتي حبيبتي وروحي وعمري وحي
    ليل حطت ايدها على صدره :خلاص اسكت من البارح وانته تعيد وتزيد
    غياث :ليوله جوعان
    ليل : شتاكل
    غياث بعد عنها :على ذوقچ
    ليل تعدلت:ما راح يعجبك ذوقي
    غياث قرص خدها :كلشي من ايدچ طيب
    ليل كشرت :ايمت تبطل هالعادة
    غياث يشد اكثر على خدها :خدودچ المودات يموتن
    ليل بألم تبعد ايد غياث :لا تگرص خدودي اقرص خدود ابنك الدبدوب
    غياث ضحك وهو يسحب ايدها :گومي صلي حرام تضيعين الصلاة
    ليل بتذمر:اووف
    غياث :الا يا ليل بي حدا ينام وريحته عرق
    ليل :شم ريحتك قبل ما تگول ريحتي عرق
    غياث لف عليها :اشبيها ريحتي
    ليل ابتسمت :ما بيها شئ تريد العشا الحز ولا تصبر
    غياث :موو مستعجل خذي راحتچ
    ليل راحت خذت حمام ولبست تيشرت ابيض وفيزون مشجر ورفعت شعرها ذيل حصان وحطت مكياچ وتعطرت
    فات عليها غياث :ما خلصتي
    ليل بسرعه مسكت العباية :گاعدة اصلي
    غياث گعد على السرير :يلا صلي
    ليل لبست وصلاة ببطى لان غياث گاعد يراقبها
    اول ما خلصت راحت مع غياث على المطبخ فتحت البراد :غيوثي شرايك اس (سكتت)
    غياث ضمها من ورا وباس رقبتها ليل :ترى ابطل اسوي العشا
    غياث وشفايفه على خدها :عادي لا تسوين ناكل لفات
    ليل حطت ايدها على ايدو:متأكد
    غياث :مادامچ بحضني ورضينه علي مستعد اعيش طول على اللفات
    ليل صارت تضحك :وباچر تصير عنتر
    غياث بأس خدها وهمس باذنها
    ليل :مستحيل
    غياث :والله العظيم
    ليل وگرزت وطلعت خضروات من البراد :غيوثي امسك
    غياث خذا منها :ما اريد زلطه
    ليل وگفت مع البقدونس :اللى يحبني يعيش على طول على الزلطه
    غياث رمى الخضروات على الطاولة مسك كتوف ليل :حبيبتي راح اسويلچ أطيب باستا بالعالم بس اگعدي
    ليل ترمش :ماريد اليوم تغدينا باستا كل يوم باستا
    غياث ترك كتوفها:خلاص اطبخي على ذوقچ راح اكل اي شئ تسوينه
    ليل ابتسمت:يا خسارة مابي ملوخية
    غياث يتأمل كمية البقدونس اللى مع ليل :شتسوسن بكل هذا البقدونس
    ليل رفعت ايدها وهي تهز البقدونس :تبوله حامضه وبطاطه مقليه تحبها موو
    غياث بنذاله :اي احب البطاطه المقلية واموت بالحوامض(وغمز لليل)
    ليل ضربت غياث بالبقدونس :محد غيرك حامض
    غياث يضحك عليها :نگول مبروك
    ليل تشيل الخضروات وتحطهن بالطشت :على ايش المبروك
    غياث گعد على الكرسي :موو گاعده تتوحمين على التبولة الحامضة
    ليل ما ردت على والگوة ماسكه حالها لا تضحك چدام غياث نقعت الخضار وطلعت بالبطاطه وگعدت تقشر
    غياث :ليولتي اسوي معاچ
    ليل أعطت غياث :اوكي كمل البطاطه واني اثرم التبولة
    غياث كمل عن ليل وليل حطت زيت بالصاج القلي وشغلت النار بصياح :والله زين يا شيخ حتى شغل النسوان صاير تشتغله لعيون العمية واني موو سأل عني عمريني
    ليل لفت وهي مصدمه (اووف هذي شجابها الله ياخذها) غياث غياث كمل تقطيع:سلوى انضبي ووزني الفاضچ لا اگوم عليچ والعن ابوچ ي
    ليل قطعت غياث اللى أعطى سلوى نظرة وهي تگعد :غيوثي الله يخليك خلاص
    غياث شاف سلوى طلعت :هيچ زين
    ليل وهي تقطع الخيارة :سميكه رفعها اشويه
    طغى الصمت على المكان اول ما خلص غياث غسل ايدينه وگعد على جواله واول ما خلصت ليل تجهيز السفرة :حبيبي
    غياث رفع راسه :عيونه
    ليل ابتسمت :وين تحب نگعد
    غياث وگف وشال ربطة الخبز: بقرفتنا
    بعد العشا ليل سوت چاي لغياث صبت لغياث :غيوثي
    غياث خذا الكأس :اي والله تسلمين
    شرب منه وحطه على السجادة
    ليل حطت راسها على كتف غياث :الله يسلمك
    غياث فتح الباكه ليل خذت الجداحه من غياث شغلته الزقارة غياث ابتسم ليل تشوف شاشة جواله :شتسوي
    غياث :اقرأ مقال
    ليل تشوف صورت البنت اللى مرسلة المقال :طالبة ولا صديقة
    غياث :گاعدة تحضر مشروع التخرج
    ليل كبرت الصوره :حلوه وانيقة
    غياث طفى الجوال :غريبة ما وجهتيلي تهمت الخيانة
    ليل ابتسمت :مو لهذي الدرجه اني عقليتي منفتحه
    غياث نفخ دخان بوجهها :لأي درجه
    ليل :عادي وين المشكله اذا تعرف نسوان كل الزلم تعرف نسوان
    غياث :ما تغرين عليا
    ليل مسكت كأس غياث : ليش اغار عليك انته رجل متحرر (خذا الكأس منها) عشت برا وعشت بالمدن شايف نسوان أشكال وألوان وبعدين هذا شغلك
    غياث طفى الزقارة :يا ناس دخيل الفهمان
    ليل بفضول:شنو رايك تحچيلي عن المقال اللى قريتو من اشويه
    غياث دحق على ليل :عن تطوير الذات
    ليل گعدت زين:انته ما تحتاج تطوير خلي التطوير لغيرك
    غياث : بالعكس اني كل ما احصل على شئ تصير رغبتي بالشي اللى أكبر منو
    ليل : صح النجاح ماله حدود عند الشب لان ما عنده قيود توقف بينه وبين أحلامه
    غياث :الا مثقال ليش ما كمل دراسة
    ليل ابتسمت :سجل بالجامعه وبعد شهرين وگف دراسه چان محتار يشتغل ويصرف علينا ولا يدرس
    غياث :غريبه اليوم موو ناوية تشربين معي چاي
    ليل :ثقلت بالعشا شوف كرشي
    غياث لمس بطنها :يولي اي كرش وانتي بطنچ ممسوح
    ليل :هذا احساسي
    غياث :اشربي كأس چايچ اليوم ما يتفوت
    ليل خذت الكأس من غياث وشربت :ياريت أضعف ويرجع جسمي مثل قبل
    غياث :جسمچ صاير احلى من قبل
    ليل شربت چاي
    غياث خذا الكأس :گومي جيبي كأس
    ليل :عادي نشرب سوا
    دق جوال ليل گامت وردت :الو.... يا هلا والله..... الحمدلله بخير انته شلونك (گعدت على المركية اللى عند غياث وحطت ايدها على كتفه ).... لا والله گاعدة مع ابوحسن....... إن شاء الله يوصل..... والله اليوم فاضية ما عندي شئ غياث ما دوام وحسوني مسير مع عمتي عند بيت عم غياث...... مها شسوتلكم عشا...... اوف منها كل يوم حواضر وبيض...... لا يابه موو معصبه...... اي اعرف......... اوكي...... إن شاء الله اخر الاسبوع اجيكم...... وانته من اهله
    سكرت :ابوحسن عمك يسلم عليك
    غياث :الله يسلمه ويسلمچ
    ليل :غيوثي ما تزعل مني اذا اروح مره كل أسبوع على اهلي
    غياث اعطها الكأس :اذا ضليتي عقله وتسمعني الكلام اخذچ كل أسبوع من صبح لاخر الليل
    ليل بفرح :ان شاء الله
    غياث باس خدها وگام خذا البرنص وراح يغسل
    رجع لقى القرفه فاضية وهو يلبس فاتت ليل وهي شايله تقلي ماي :غياث
    غياث :همم
    ليل گعدت :حبيبي تاخذني معاك باچرعلى حلب
    غياث ينشف شعره :شگد تحبين المشكل لسع ما گلنا بسمله
    ليل :حرام عليك اني شسويت اريد اغير جو
    غياث گعد بلطها :ما سويتي شي بس(بتحذير) والله العظيم يا ليل اذا سويتي شئ لتشوفين مني شئ ما يعجبچ
    ليل قلبت بوجهها ووگفت :لا تخاف عليها اني ما انزل حالي لمستوها
    *****
    بعد ايام غياث مسك الباكه ليل سحبتها منه :ليل هاتيها
    ليل رمتها بعيد عنهم وحوطت رقبة غياث:مو وگتها اشتقتلك
    غياث يحول ما يعصب عليها : عيب عليچ ترچ اكبرتي على هالحركات
    ليل ببرائه :اي حركات
    غياث :انتي ادرى باي حركات
    ليل گامت جابت الباكه :ليش ما تدخن حمرا طويلة
    غياث خذها منها :هذا الدخن مستورد
    ليل بفضول:بشگد تجيبه
    غياث شغل اول وحده :عليش تسألين
    ليل حطت راسها على فخذ غياث وهي تمزح :احسب مصروك الشخصي
    غياث دحق عليها: الا انتي شگد تصرفين بالشهر
    ليل :ما اصرف شئ كل شئ يجي لعندي
    غياث :شلون يعني
    ليل :اني معتمده على مثقال وابوي بكل احتياجاتي
    غياث صار يلعب بشعرها :والمصروف
    ليل ابتسمت :ما ارضى اخذ مصروف
    غياث :تمزحين
    ليل :مثقال الله لا يحرمني منو ما يجي على البيت الا بايدو شئ احبو واحياجاتي الشخصية كل فتره يجيبها بدون ما اگول وكل شهر ياخذني معاه على حلب اتسوق ويشحن لى رصيد بالله شسوي بالمصاري اذا مثقال موو مقصر معاي
    غياث يضحك :ما چنت اعرف انچ البنيه المدلله معقوله لهذي الدرجه كل شئ اهلچ يسونه عنچ طيب افرضي انچ تريدين تشترين شئ شخصي خاص بالنسوان
    ليل :لا تتمصخر
    غياث :ماتمصخر انتي موو زغيره لزم تعتمدين على حالچ
    ليل :شلون اعتمد على حالي
    غياث :لزم يصير عندچ مصرف شهري
    ليل :لا ماريد شسوي بي انته موو مقصر معاي
    غياث حط ايده على وجهها :اگول نامي
    ليل مسكت ايده :اشتقت لحسونا
    غياث :حسوني موو لينا صار حصة امي
    ليل :عادي عمتي ونحن واحد
    غياث :جيبي دفتر وقلم
    ليل تعدلت باستغراب:مشان ايش
    غياث ابتسم :اريد اعطيچ الدرس الأول
    ليل صارت تضحك وبمياعه :الحز من وين اجيبلك دفتر
    غياث وقف وفتح اخر درج بالكمدينه وصار يدور
    *******
    ليل وهي ترفع اللحاف :تصبح على خير
    غياث سحب اللحاف :تعالي هين من جدچ تريدين تنامين وتتركيني لحالي
    ليل تسحب اللحاف :انته مو لحالك روح عندها
    غياث :موو على اساس ما تغارين
    ليل تچعمت (غطت راسها) :انته ما تحبني فوك ما حطيتها شوكه بحلقي تريد تسويلي بيها تقي وتخاف الله(وبصياح) روح ماريدك
    انتهى الفصل توقعاتكم
  3. زينة الزينات
    01-04-2019, 02:25 AM

    رد: ليل الخفسه

    ليل الخفسه


    الفصل الثاني عشر خيوط الغرام
    ليل لمست لحيته بدلع رباني :انته ما تحبني
    غياث :والله احبچ گلبي ينبض باسمچ
    حطت ايدها الثانية بشعره الشقر الحريري:الله يخليك خذني معاك
    غياث حرك راسه بالنفي ليل باست غياث ورفعت راسها :لو مره وحده اثبتلي انك تحبني مثل ما احبك
    غياث ابتسم :خلاص وعد بعد چم يوم اخذچ
    ليل ضمت غياث بفرح لها ايام تحول تقنعه ياخذها معاه :شكرا شكرا اني امووت بيك أنت احلى شئ بحياتي
    غياث صار يضحك وهو يبادله الضمه :يولي راح تفطسيني
    ليل ضمت غياث اكثر :قربان الاشگر اني يوال احبك موت
    غياث صار يضحك: عاجبچ شگاري
    ليل بعدت:لاء موو عاجبني لو ادري انك حليوه لهذي الدرجه چنت ما أقبلت بيك
    غياث بعدم فهم :ما قبلتي بيا
    ليل هزت راسها وهي تعطي صحن الرز بحليب :تدري ابوي ليش ما تجوز بعد امي
    غياث اكل من الصحن :اي عليش ما تجوز بعدها
    ليل بسرعه نزلت من السرير وطلعت
    اول ما رجعت غياث دحق عليها :وين رحتي
    ليل گعدت :على التواليت
    غياث :اي كملي قصة عمي ابو عبدالله
    ليل ضمت مخدتها :ابوي ما تجوز بعدها لان ما لقى وحده تعبي عينه مثل امي چنت ايه بالجمال والأنوثة والأخلاق
    غياث :الله يرحمها ويغفر لها ويسكنها فسيح جناته
    ليل :آمين
    غياث شاف الانكسار بعيون ليل مع انها ولا مره گالت انه اشتاقت لأمها بس هو يحس بيها وما يتصور حياتو بدون امو :ليل اعتبري امي امچ ترها احبچ وگالتلى اتمنى ليل تصيحلي يوم بدل عمه
    ليل ضلت ساكته عيونها امتلت ادموع :ثقيله هالكلمه اخر مره گلتها واني اجيب
    غياث لمس خدها وبحنان : ان شاء الله تگولينها بأقرب وگت لأمي
    ليل :الله كريم
    غياث :شلون لقيتي الجيبه
    ليل بسخرية لان سؤال غياث سخيف يعني شلون لقتها :تجنن نفسي اعيد التجربة
    غياث استرخى :بلا مصخره
    ليل صارت تضحك وهي تتكي على صدر غياث :بربك اشلون راح تكون الولادة تخيل ضليت ازقح وادعي لكا لحد ما نمت
    غياث يجاري ليل بمصخرتها عليه :تدعين ليا
    ليل هزت راسها وهي تلعب بشواربو :ولمن نمت بغرفة الولادة شفتك بأحلامي الوردية الله يرزقنا واحبل
    غياث :صايره مثل النسوان همچ بس تحبلين
    ليل فهمت قصد غياث ما قصد بالنسوان الا سلوى اللى إلى الآن ما حبلت ولا مره :لا اني موو مثلها ولا تضل تجيب سيرتها چدامي وتقارن
    غياث يحول يبرر كلامو:الحز كل النسوان صارن سلوى
    ليل تعدلت من فوگ غياث : لو ما عندك حسوني چنت ما خليت دكتور الا رحتله تدور على الخلفه
    غياث تعدل:تدرين يا ليل انتي عزچ مطرق خيزران على تفكيرچ
    ليل گعدت زين وبنص عين :لا والله
    غياث كتف ايدينه ليل تمددت وهي معطيه غياث ظهرها :عاجبني تفكيري
    *******
    ليل تربعت وبتردد :غيوثي عادي أسألك سؤال
    غياث ابتسم :اذا يخصني لا تسألين
    ليل بحيره :برأيك وين القى عروس لمثقال
    غياث صار يحك راسو ليل :اذا ما تعرف اسأل عمتي
    غياث :الا اعرف شلون
    ليل :اي شلون
    غياث تعدل :اول شئ لزم تحددين موصفات والعمر وتكتبين ليسته بأسماء البيوت اللى عندهم بنات وتزورين الناس
    ليل :لحالي أزور الناس
    غياث :لا خذي حدا من اهلچ خاله عمه بناتهن
    ليل :ابوي ما عندو الا اخت وحده متجوزه بالرقه وأهل المرحمه ما عمري شفتهم
    غياث بتفكير :الله يرحمها عمتچ عندها بنيات
    ليل :خلفتها اربع صبيان ما عندها ولا بنيه
    غياث :الا السبع چناين من وين جبتوهن
    ليل :ثلاثه اختيار امي والباقي اختيار الولد
    غياث ابتسم :مالچ الا تتعرفين على خوالچ يمكن عندهم بنيات
    ليل تغير الموضوع :چم يوم راح نضل بحلب
    غياث مسك ايده :اسبوع عسل يكفي
    ليل سحبت ايدها :لا تضحك عليا العسل شهر موو اسبوع
    غياث تمدد:صحلو جوز گالت اعور
    ليل بانفعال :شنو اسبوع ما يكفي اني عروستك المفروض على حبك ليا وشوقك تسويلي سنه عسل
    غياث قرص خدها :دخيل عروستي اني ريتني ما انحرم منچ
    ليل بألم وهي تمسك ايده :ولا يحرمني منك

    ليل عطت راسها على ذراعو هي تتلمس وجه غياث بأطراف اصابعها و باست عيون غياث وهي تتامله سبحان الخالق اللى ابدع بخلقه الشعر الأشقر مع الشيب شئ من الخيال وصارت تلعب بلحيته المحدده وهي ذايبه بي اول مره تنتبه على الشامه الصغيرة اللى بخدو اليمين غياث:ليوله ابعدي عني اذا عندچ طلبات
    ليل بعدت بسرعه وخجل لانه فهمها غلط : اسفه ازعجتك
    غياث بندم لانه متعود على سلوى ما تسوي هذي الحركات الا وعندها طلبات وتستغله :ما ادري شكلي من التعب صرت اخبص بالحچي
    ليل طفت الضو:لا عادي ارتاح
    خذت جوالها وطلعت وهي تلوم حالها على غبائها راحت على المطبخ سوت حليب وگدت بالصالون تگلب بصور اللى بجوالها الله على اجمل الذكريات راحت ما عاد ترجع بالثلاث سنين مات كل شئ حلو اخوتها ويلادهم بناتهم الجمعات الأسبوعية كلهم راحو بلا عوده دمعتها نزلت لان باختصار الكل تخلى محد وگفلها الكلام اللى يجرح جاها من اگرب ناسها الا مثقال وابوها اعطوها الحب والأمان والاهتمام بدون مثقال شچان صار بيها
    من وراها :مين هذي الحلوه
    ليل مسحت وجهها من الدموع وبصوت باكي:ليش ما نمت
    گعد بلطها :ما اعرف انام الا على صدرچ اشبيچ
    ليل بسخريه:له له يا مسكين يوم تنام ويوم تتعلل للفجر
    غياث ضربها بخفه على چتفها :قليلة ادب
    ليل ابتسمت :تعلمنا منك قلة الأدب
    غياث ضمها وباس راسها :شكلي عجد راح اجيب مطرق الخيزران
    ليل رفعت الكأس :جيبو وانته اول نجرب بي
    غياث :ههههههه لا بالله
    ليل نزلت الكأس وهي مبتسمه
    غياث :صورت مين اللى چنتي تشوفينها
    ليل :وحده ما تعرفها
    غياث بفضول لان ليل چانت تبچي وتشوف الصورة :عرفيني عليها
    ليل :رحمه بنت اخوي عبدالله
    غياث :اها الله يخليها لأهلها
    ليل :هي اصغر مني چنت هذي اخر مره اشوفها وتصورت معها
    غياث قرب اكثر منها :شوفيني صورچ
    ليل ابتسمت وهي تفتح الكاميرا الاماميه :ما عندي صور بس ممكن أتصور معاك الحز
    غياث تحرك وهو يحول يعدل شعره:خليني اقل شئ امشط كفشي
    ليل سندت راسها على كتفه :على اساس اني ممشطه
    غياث ابتسم ليل سكرت الجوال :تأخر الوگت يلا ننام
    غياث مسك ايد ليل وگومها معه :گولي ما اريد اخذ الدرس
    ليل وهي ضامه خصر غياث :يبووو شلون راح من بالي درس اليوم
    *****
    فتح باب الشقه واشر وهو يشغل الاضاءه :ليل خانم تفضلي
    ليل فاتت وهي شايله حسن كان چدامها على طول طاوله خشب بيضه بيها سحاب واحد عريض وعليها مزهرية بيضا بيها ورد زهري وعطر غياث محطوط عليها ومفاتيح ومرايا چبيره فوق الطاولة بگلبها (ما شاء الله)
    غياث سكر الباب رمى الأغراض وخذا حسن منها :تعالي اشوفچ غرفتي
    ليل مشت معاه اللون الأبيض يطغى على المكان واللوح بكل مكان وكنب الصاله لونه رمادي موصول وكله مخاد فرو ابيض وفرو رمادي وفرو اورنج والمدة مشجره بالاورنج والرمادي والطاولة كلها أغراض غياث لعن خير الطاولة
    ليل لحقت غياث فتح الباب وفات :شنو رايچ
    ليل وهي تدحق على الغرفه بيضاء الكلاسيك وتاج السرير وجزء من باب السكرتون قماش منجد ومده صغيره لونها رمادي غامق ليل گعدت على الكنبه البيضه :حلوه اللهم صل على النبي
    غياث نزل حسن :حبيبتي نورتها
    ليل تفتح حجابها :النور نورك
    غياث يدحق على الساعه :يلا ليوله اني تأخرت على الدوام
    ليل وگفت:ايمت تجي
    غياث طلع:ان شاء الله الساعه اربع اكون بالبيت
    ليل وهي وراه :غياث لحضه
    غياث لف عليها وهو يشل شنطته من على الكنبه :هممم
    ليل زرت زرار قميصه الاسود:اعطيني رقمك
    غياث :وين جوالچ
    ليل طلعت جوالها من جيب المانطو وفتحته :سجلي ****
    غياث يدحق على حسن :شجيبلچ واني راجع
    ليل شالت حسن :قلبي ماريد الا سلامتك
    غياث قرب وباس خد حسن وباس خدها
    ليل بعد ما راح غياث قفلت الباب بالمفتاح وصارت تكتشف المكان مع حسونا كان فرش البيت والدكتور قمه في الذوق
    والعصر ليل گعدت تتغدى مع حسن عسل وقشطه وحسن چان جوعان بالحيل لدرجه انها ما عاد تلحق لوا لقم اندق الباب ليل ركضت وحسن ركض وراها حطت عينها بالعين السحريه وحسن وراها يصيح :مين مين
    شافت غياث فتحت الباب أعطاها الكيس اللى بايدو:السلام عليكم
    ليل تسكر الباب :وعليكم السلام
    غياث رمى الجاكيت وشنطته وباس حسن :اشلونكم يا حلوين
    ليل رجعت گعدت حسن :نحن بخير وانته
    غياث :زين الحمد لله
    ليل :حبيبي تغديت
    غياث ابتسم وهو يگعد :لا والله چنت ناوي اغير ونطلع نتغدى برا
    ليل ابتسمت :تعال اكل معانا وبعدين بس ترتاح نطلع نتعشى برا
    غياث نزل معهم على السجادة :بي معلبات بالمطبخ ليش ما فتحتي
    ليل تطلع خبز :افتحلك معلبات
    غياث خذا منها الرغيف :لايا حلوين اكل معاكم قشطه وعسل
    ليل حطت لقمه باثم حسن :يلا حسوني هم
    حسن اكل منها غياث وهو يشوف حسن بالشلحه الدخليه :يوال دبدوب اشوفك مصيف
    ليل ابتسمت:الدبدوب ابو كرش غسل وما رضى يلبس الا ياكل
    غياث صار يضحك :الحز يشبع ويلبس صح بابا
    حسن هز راسه وهو يضرب فخذ ليل:لوله ابيبي هم
    ليل طعمت حسن غياث :ليوله ترى اني هين
    ليل :ها
    ليل استوعبت قصد غياث رمشت ورفعت لقمه لغياث حسن مسك ايدها وهو يدمدم عليهم واكل اللقمه
    ليل صارت تضحك غياث رجع ورا
    ليل تطعمي حسن :وين كمل اچلك
    غياث تمدد على الكنبه :الحمدلله شبعت
    ليل ضبت السفرة
    صار حسن يبچي لأنها تريد تلبسه وهو موو راضي يلبس :يلا يا بطل الباس مشان نروح باي
    حسن وهو منجضع على الأرض ويرفس ايد ليل ويزقح عليها: ماريد
    ليل ليل تحول تلبسه القميص:مو على كيفك لزم تلبس
    غياث بنزعاچ من صوت حسن :گلتلچ خلي عند امي
    ليل لفت على غياث :مستحيل اخلي ابني وسلوى موجوده بالبيت
    غياث بعصبيه :اووف من موضوع سلوى اللى ما عاد ينسد سلوى وسلوى الحز شدخل سلوى بحسن
    ليل :شتغير چنت دائما تگول لا توثين بابوچ الخلفچ
    غياث گام أعطى حسن كف ومسكه وهو بقمة عصبيته :يوال يلا البس
    ليل بصدمه اول مره تشوف حدا يمد ايده على حسن ضمت حسن اللى صار يبچي بصوت عالي بعصبيه:انته اشبيك علي العجي من الصبح بشنو مضيگك حسن حتى تضربوا
    غياث وگف:موو مضيگني بس اني وانتي محتاجين شويت وگت لحالنا وطلعتيلي بي الله يلعن ابو هل عيشه
    وگفت وهي شايله حسن ودموعها تنزل :اذا لهذي الدرجه متضيگ من وحيدك رجعني على البيت
    غياث ضل ساكت
    ليل راحت سوت حليب لحسن وخذته على الغرفه
    وهي گاعده تلعبه ودموعها على خدودها دق جوالها باسم اعقل واحد مسحت وجهها وخذت نفس عميق ردت:الو
    مثقال:عاش من سمع صوتچ
    ليل ابتسمت :عاش غاليك اشلونك
    ابتسم مثقال :والله الحمدلله زين انتي اشلونچ اشلون الدبدوب
    ليل :الحمدلله اني والدبدوب زينين شگعد تسوي
    مثقال :ولا شئ ابوي اليوم ببيت فرج واني گاعد ادخن واشرب چاي چدام المحل
    ليل :الله على چايتك ما يتفوتن
    مثقال :باچر تعالي تنتعلل سوا
    ليل :حاليا موو موجوده بالخفسه
    مثقال يصب چاي:موو بالخفسه عجب وينچ
    ليل :اني من الصبح بحلب
    مثقال ابتسم :زين والله بي تطورات
    ليل بحزن :خليها على الله
    مثقال :ليوله اشبيچ
    ليل تلعب بشعر حسن هي ما تريد تدخل مثقال بتفاصيل حياتها وتدوخه :مابي شئ انسى
    مثقال :لا ما انسى اذا ما تحچين أدق على الساقط واعلمو الأدب
    ليل صارت تضحك : يامعود اشبيك الساقط ما سولي شئ
    مثقال :ترى والله أدق علي
    ليل تنهدت:اووف تخيل حدا يضرب ابنك الوحيد
    مثقال فهم الموضوع وما حب يكبر الموضوع :خيه لا تكبرين الموضوع اولها واخرتها حسن أبنو وهو حر بابنو
    ليل دمعتها رجعت نزلت:مثقال والله ما اتحمل حدا يضرب ابني حسونا قطعه من قلبي
    مثقال :ليل كبري عقلچ اني شفهمتچ
    ليل :غصبن عني اصلا هو متضيگ ما يريد حسونا معنا
    مثقال :هههههه لزم تجيبين انوب واحد مشان يصفى الجو لوا
    ليل فات عليها غياث دحقت على حسن بدون ما تعبره
    غياث وهو يطلع غيار :گومي ألبس مشان نطلع
    ليل :ماريد اطلع معاك
    مثقال يقلد ليل:ماريد
    غياث لف عليها :هذا أمر مو طلب وسكري الزفت
    ليل تزور غياث:مثقال اشوي وارجع احچيك
    مثقال :الله معاچ
    سكرت :ماني طالعه معاك
    غياث :من كل عقلچ زعلانه مني
    ليل هزت راسها وهي تشوف الساعه بايدها (الساعه لونها فضي جدا بسيطه للاستخدام اليومي اشترها مثقال لليل بعد ما سوت العملية بكم يوم ) :اي لمن الموضوع يتعلق بابني احرق الدنيا واللى بيها
    غياث قرب ووگف جدامها وأيده على خصره :لا تسوين حسن حجه ابني واربي على كيفي مالچ عندي النص
    ليل كتفت ايدنها:الا ليا النص تربية شئ والضرب شئ ثاني
    غياث گعد وهو يحول يحلها بدون ما يزعلها :يعني افهم منچ انو بعمرچ ما انضربتي
    ليل بهدوء وثقه:يا مثقف التربيه موو يوم ولا يومين التربيه عمر والضرب ما يربي
    غياث ابتسم ونذاله منه :حسن يا بابا تعال عني
    حسن بسرعه رمى حاله بحضن غيث وهو فرحان :قربان الحلو اني
    غياث يمسح على ظهر حسن وحسن ضم رقبته :يا داخل بين البصله وقشرتها ما بينوبك إلا ريحتها
    ليل :لسعو طفل ما يفهم شئ
    غياث بهدوء :دي گومي غيري وبلا كثرة الحچي الفاضي
    ليل راحت على غرفة صبا ولبست فستان ابيض سادة على جاكت جينز ازرق فاتح جدا وهي تحط مسكره فات عليها غياث وهو لبس جينز غامق وبدي زيتوني مشكل اكمامه :أمسحي المكياج
    ليل لفت عليه :اي مكياج هو كحل ومسكره وحمره
    اعطها محرمه:أمسحي
    ليل خذت المحرمه :اشبيك معقد كل الناس تحط مكياج
    غياث :اني غير الناس ما عندي مره تطلع بمكياج
    ليل مسحت شفايفها من الحمره:هيچ زين
    غياث :عيونچ
    ليل :حبيبي الكحل خفيف
    غياث صد عنها :خلصينا
    ليل رفعت الامطه البيضه على شعرها ولفت الحجاب الأزرق الغامق وشالت چنطت الجلد العسلية راحت على غرفتها حطت بالشنط غيار لحسن ومحرم وجوالها لبست بوطها الابيض وطلعت :اني جاهزة
    غياث باعجاب :ما شاء الله ما اعرفتچ
    ليل ابتسمت وهي تمد ايدها :يلا حسوني
    غياث شال حسن :انتي قفلي الباب
    ليل فتحت الباب وسحبت المفتاح
    وهم طالعين :مساء الخير جار
    غياث ترك ايد ليل :مساء النور ابواياد اشلونك
    ابو إياد يصافح غياث بحراره :الحمدلله تمام انته كيفك شو اخبارك
    غياث :والله الحمدلله بأحسن حال
    ابو إياد وهو شاق الابتسامه ويدحق على ليل :شو اتجوزت التانية
    غياث دحق على ليل اللى تتأمل السراميك الابيض بالعسلي :لا هذي مرتي الچبيرة ام حسن
    ابو إياد باستغراب لانه شاف سلوى من قبل:ولك يا ابني موو حرام عليك عندك هل ئمر وتجوز عليها
    غياث :والله يا عمي نصيب
    والمطعم بالگعده الخارجية والاطلاله الساحرة حولهم :ليوله تعشي
    ليل تركت كأس العصر ومست الشوكه :اذا اشبعت نگوم
    غياث يطعمي حسن :لا حبيبتي اكلي على مهلچ ما ورانا شئ
    ليل ابتسمت وبرواق :الجو اليوم يجنن الهواء يرد الروح
    غياث يتأمل ليل اللى مكيفه بالجو :موو احلى منچ
    ليل نزلت راسها بخجل:تسلملي عيونك الحلوه
    غياث صار يضحك عليها لهم اربع سنين متجوزين بس للحز تكرر هذي الحركة من تگول كلمه حلوه لوا صار يشرب حسن ماي
    ليل طلعت جوالها :حسن غياث دحقم علي
    حسن على طول شق الابتسامه لان صار متعود على ليل طول اليوم تصورو وغياث ابتسم ليل صورتهم ورجعت الجوال
    ليل :ابوحسن
    غياث :عيونه
    ليل مدت ايدها :لو سمحت اريد الحمص
    غياث اعطها صحن الحمص :تعرفين هذا نفس المطعم اللى طلعتچ علي اول مره
    ليل تغمس بالحمص :عنجد
    غياث يمسح لحسن :وگتها گعدنا بالقسم الداخلي
    ليل بمزح :تصدگ طعم الشكولاطه للحز ما نسيته هذي المره اريد مثلك
    غياث :يا عمري انتي تكرمين
    وبدون سابق إنذار وقف فوقهم شابين :مساء الخير
    غياث رفع عيونه ووقف:مساء النور هلا حسام
    سلم عليهم وبعد الكلام حسام يلعب بشعر حسن:دكتور هذا الطبوش ابنك
    غياث ابتسم :اي ابني حسن
    حسن بعد ايد حسام وهو يدمدم عليه بالفرنسي الشاب يضحك:ياولم دخيل اليحچي فرنسي
    غياث :حسوني عيب يا بابا
    حسن نزل من الكرسي وراح عند ليل
    الشب الثاني وعينه على ليل :ما يشبهك خالص يشبه المدام
    غياث بحده وهو يزور الشب:وين المشكله
    الشب وعيونه راح تاكل ليل ابتسم :دكتورمابي مشكله
    حسام مسك ايد الشاب اللى معه :دكتور اسفين على الازعاج فرصه سعيدة
    بعد ما راحو الشباب غياث گعد
    ليل بضيق :غياث ادفع الحساب
    غياث :اشبيچ
    ليل باست حسن :مابي شئ
    غياث :نحلي ونگوم
    ليل بعيونها تتوسل غياث:الله يخليك حبيبي
    غياث حط ايده على ايدها :ليولتي اذا بدچ تضايقين من كل واحد وقح ابطل اطلعچ
    ليل ابتسمت له :موو متضيگه
    غياث ابتسم وهو يمسك ايدها
    والساعه إحدى عشر ونص رجعو على البيت ليل غيرت لحسن ونومتو وغياث فات يغسل وهي گعدت ترتب الأغراض اللى اشتروهم غياث شال واحد من الأكياس وأعطى ليل :اتركي كل شئ من ايدچ والبسي هذا
    ليل ضلت ساكته غياث :هااي اشبيچ تحركي ضاع الوگت وباچر وراي دوام
    ليل رفعت راسها وعيونها مليانه كلام :بشرفك سلوى نامت على هذا التخت
    غياث گعد على الكنبة :اي نامت
    ليل شالت حسن وراحت على غرفة صبا غياث لحقها :يالله ما اگوچ لا يگعد
    ليل حطت حسن على السرير :لا يكون حتين منومها بغرفتي
    غياث مسك حاله لا يضحك :شتسوين اذا نومتها بغرفتچ
    ليل دفشت غياث وطلعت :وخر ما اسوي شئ
    وهي تبدل ديباج السرير :ارفع زين
    غياث يثبت الشرشف على الزاوية :اووف كان هذا وگت تغيرو
    ليل من الجهه الثانيه تثبت:تلعب نفسي كل ما افكر بيك وانته مع غيري
    غياث بدون تفكير:مجبور اكون معها لان ليها حق عليا
    ليل بعتب :لا تبرر لو تحبني عنجد ما چنت خذيتها علي هذا ابوي لوا اكثر من خمسطعش سنه بدون مره ولا فكر يتجوز
    غياث ترك المخده اللى يلبسها الوجه :تعالي لجاي واشوفچ شلون احبچ
    ليل أعطته ظهرها :لا تشوفني ولا اشوفك حل عني
    غياث مسكها :يولي لو اخذ الثالثه شتسوين بيا شلعتي گلبي من وحده
    ليل سندت ظهرها على صدره :ما يهمني اهم شئ انك ليا لحالي
    غياث بأس كتفها :لا بالله
    ليل مسكت ايدينه :ما دام دقيت اسمي على جسمك صرت ملكي اني وبس
    غياث وهو يضم ليل اكثر يريد يفوتها جوا ضلعو
    ****
    ليل :ليش على طول معطيتني ظهرچ
    ليل :متعوده انام على چتفي اليمين
    غياث :ليل لفي علي
    ليل لفت وهي ترفع خيط قميصها :لفيت عليك شعندك
    غياث بعد شعرها عن وجهها وهو بقمة السعادة :بس نرجع على البيت اني اصير انام على اليمين وانتي على اليسار
    ليل :اوكي اوفق بس بشرط
    غياث وهو يلعب بشعرها :تدللي
    ليل حطت ايدها على خد غياث وبثقه :توعدني كل يوم ما تنام الا تبوسني وتگول ليا شگد تحبني
    غياث وعيونه تلمع :ياريت كل الشروطچ هيچ
    ليل بدلع :يلا غيوثي اوعدني
    غياث قرب اكثر منها:وعد مني لچا كل يوم ما انام الا ابوسچ واگول شگد احبچ (وباس جبهتها)
    ليل گعدت الفجر شافت غياث لسع نايم ليل شغلت الابجوره :غياث حبيبي
    غياث فتح عيونه :ها اشبي
    ليل :قرب يطلع الضو ما تگوم
    غياث تعدل :يلا يلا الحز
    ليل حطت راسها على المخده بعد دقايق وهما على حالهم:اشوفچ رجعتي تنامين
    ليل بتعب :مابي حيل
    غياث گام خذا حمام دافي وصلى الفجر وگعد بالصالون يراجع جدوله ويحضر وعلى الساعه سبعه طلعت ليل من الغرفه :صباح الخير
    غياث وعيونه على دفتره :صباح النور حبيبي
    ليل :اسويلك فطور
    غياث :سوي ما اگلچ لا
    ليل راحت على المطبخ فتحت البراد وهي تفكر ايش تحط لغياث طلعت فواكه وسوت سلطة فواكه گعدت بلط غياث :حبيبي
    غياث خذا منها الزبدية واكل ليل ابتسمت :طيبه موو
    غياث يقلب الصفحه :اممم طيبه بالحيل الله يسلم ايدينچ
    ليل :حبيبي الله يسلمك
    غياث ابتسم وكمل اكله ليل بعد سكوت طال قربت من غياث وهي تدحق بكتابه :حبيبي
    غياث :هممم
    ليل حطت ايدها على كتف غياث اللى يرجع شئ من كتابه :الساعه صارت ثمانية وربع
    غياث :گومي طلعلي شئ البسه
    ليل تاشر :شنو هذا العنوان
    غياث : Loi
    ليل :المعنى
    غياث رفع راسه :القانون
    ليل :اها
    غياث وهو يبلع اللگمه:گومي بسرعه
    ليل راحت طلعت لغياث جينز اسود وقميص رسمي كحلي وجاكيت رسمي اسود وهي تركب السير بالبنطلون فات غياث رمى التيشيرت :راح تتأخر
    غياث خذا البنطلون :لاء ان شاء الله ما أتأخر
    ليل ساعدت غياث بلبسه وهي تعطره :ايمت تكون فاضي
    غياث يعدل شعرو بالمرايا : الساعة عشره ونص
    ليل ابتسمت وبمزح :ترى بديت اغار عليك
    غياث صار يضحك وهي ترتب جاكيتو :من ايش تغارين
    ليل :اللى يشوفك يگول هذا عريس موو كانك رايح على دوام
    غياث مسك خصرها :ولي لا تجننيني
    ليل حوطت رقبته :چم معجبه عندك بالجامعة اعترف
    غياث انحنى عليها :چثيرات ما ينعدن ولا ينحصن
    ليل باست غياث وبهمس :ولا وحده بيهن تحبك مثلي غيوثي امووت بيك

    غياث راح على الجامعة من اول ما فات يرد صباحات على الطلاب لحد ما وصل على مكتبو كلها عشر دقايق وفات على أول محاضرة وبعد ما خلص وگف مع مجموعة طلاب يحچي معاهم بموضوع المشاريع دق جوال برقم غريب رد :الو
    :صباح الورد يا ورد
    ابتسم :يا هلا صباح النور حبيبي
    ليل من الأصوات اللى حوله:حبيبي لا يكون مشغول
    غياث :اي اشويه وادق عليچ
    ليل تصب گهوتها :اوكي لا تتأخر علي
    غياث سكر الخط وكمل كلامه مع الطلاب
    ليل وهي تفطر دق جوالها ردت :الو
    مثقال :ام حسن صباح الخير
    ليل ابتسمت :صباح النور اشلونك
    مثقال :بخير انته اشلونچ
    ليل :الحمدلله گاعدة افطر حول
    مثقال ابتسم :صحه وهنا شكلچ لحالچ
    ليل :اي والله غياث من الصباح راح على الجامعه وحسونا نايم
    مثقال :اي شلون الوضع ان شاء الله تصلحتم
    ليل :ههههههه اي رضاني وطلعنا تعشينا برا وتسوقنا لو تشوفوا بس يريد رضاي
    مثقال بفرح لاخته :الله يهنيكم اهم شئ مثل ما وصيتچ لا تضغطينه وتنكدين عليه
    ليل فرح لان دائما مثقال يوجهها ويعلمها ويحل مشاكلها :والله انك خطير لو موو نصيحك الذهبية چنت الحز عندك
    مثقال بسرعه :بعيد الشر عنكم
    ليل :مثقال اني اهم شئ عندي اخلي راسك مرفوع
    مثقال ابتسم :والله اعرف اني ما اريد منچ الا تكوني سعيدة مع رجلچ وتربين ابنچ ليل انتي تعرفين زين شنو يعني يتيم الام
    ليل عيونها لمعت مثقال حس بيها لان اللى جربوا چان صعب :اشوفچ سكتي
    ليل مسحت دمعتها :معاك
    مثقال :اي ايمت اشوفچ
    ليل تاكل لبنه :اني مالي نفس ارجع على البيت بس غياث مقرر اسبوع
    مثقال :لا تشيلين هم انبسطي وغيري جو
    ليل :مثقال سكر غياث گاعد يدق عليا
    مثقال :اوكي سلمي
    وسكر ردت على غياث :هلا حبيبي
    غياث بفضول :ولي قرقارة مع مين چنتي تحچين
    ليل بحده :اني موو قرقارة
    غياث ابتسم :شخبار الحب
    ليل :الحمدلله زين يسلم عليك چثير السلام
    غياث :حبيبتي الله يسلمه
    ليل :اي ياحلو شلون الدوام
    غياث يلعب بلحيته :واللهي زين ماشي الحال
    ويمر اسبوع على أبطالنا
    غياث وهو يقلب بالتلفزيون :ليل خلصي والله متت من الجوع
    ليل بصوت عالي من المطبخ : اصبر شويه
    ليل واخيرا جابت السفرة : غيوثي الغدا جاهز
    غياث نزل :حسن يا بابا تعال تغدا
    حسن يلعب :ماريد
    ليل گومت حسن :يلا يا بطل نتغدى مشان نروح باي مع بابا
    حسن گعد معها :نروح باي
    ليل تهز راسي وهي تعطي خاشوگه :ايوه نروح باي صح غياث
    غياث حطله رز وفخذ دجاج بالصحن وخاثر (مثل الزبادي لكن حامض قليلا ويصنع من حليب الغنم) :اي نروح باي اذا الشيخ حسن خلص صحنو
    ليل حطت الصحن لحسن :يلا هم
    دق جوال غياث سحب جواله وشاف اسم مثقال رد :الو... وعليكم السلام ورحمة .... اشلونك اشلون عمي ...... والله بأحسن حال......ههههههه يا اهلا وسهلا بيك....... انته وينك الحز...... اي (وصار يوصف العنوان) وأول ماسكر :مين هذا
    غياث :واحد
    ليل تطعمي حسن :بس واحد
    غياث :گومي غيري موو عيب كل اليوم متشلحه
    ليل :وين المشكله بالبيت لو مو عمي چنت تشلحت
    غياث :يا حلوه قبل ما نرجع احسبي حسابچ الگلبيات اللى اشتريناهن من تشوفين ضيف تلبسينهن انفضحنا بقريبنا الكل يگول مرت غياث على طول شاكه حالها بالفيزون
    ليل تاكل :وهما شيدخلهم ما دام القاضي راضي انت عاجبك لبسي هما شيدخلهم بينا
    غياث :ما گلت شئ بس ألبسيهن مشاني
    ليل ابتسمت :تامر امر راح ألبسيهن مشانك
    غياث ببرود :نشوف
    وليل بالمطبخ اندق الجرس غياث گام فتح :مساء الخير
    غياث :مساء النور.. يا هلا وغلا ابو جاسم.. تفضل.. نورت
    مثقال رمى بوطو :النور نورك وين ليوله
    غياث :بالمطبخ على يمينك
    فات مثقال مع غياث مثقال شاف ليل واگفه تمسح الطاولة حط ترك الچياس اللى معه وايدينه على عيونها ليل مسكت ايدينه وبفرح :مثقال
    مثقال صار يضحك :شلون عرفتني
    ليل لفت عليه وضمته :محد يسوي هذي الحركات الا انته
    مثقال باس راسها :يبوه شگد مشتاقلچ
    ليل :الله لا يحرمني منك يا غالي
    غياث بغيره كل ما شوف مثقال لزم هل مسرحية تنعاد چدامه :شنو مطولين
    ليل بعدت عن مثقال :غياث روح شوف حسوني
    غياث سند حاله على الباب :حسن نايم
    ليل خذت الچيس الأسود من الطاولة :شنو هذا ليش معذب حالك
    مثقال :ما بيها عذاب شوفي
    ليل طلعت اللى بالچيس وبفرح وهي تفتح ألبوم الصور :يااي مااحله
    مثقال طلع من جيب جاكيته علبة صغيرة وهو مبتسم :ليوله افتحي هذي
    ليل خذتها وفتحتها :واااو
    مثقال :اذا ما عجبچ أبدله
    ليل بفرح وهي تلبس الخاتم عيونها تلمع من الفرح :لا بالعكس يجنن ذوقك يعطيك العافيه
    مثقال مسح على شعرها :الله يعافيچ يا عمري
    ليل وهي طايرة لسع من الفرحه :مثقال شتحب تشرب
    مثقال لف على غياث اللى واگف يتابع بصمت :اي شئ ما تفرق معي
    غياث وگف زين :اني اگول چاي
    ليل أعطت الألبوم لمثقال :اوكي خلي معاك
    مثقال طلع مع غياث لصالون غياث :ما شاء الله عليك حنون عليها رغم كل شيء صار
    مثقال بحده :موو بس حنون اذا حدا زعل اختي اگلب الدنيا كلها علي
    غياث ابتسم :يارجال اشبيك ترى گاعد امزح معك
    مثقال حط المخده بحضنو:لا تمزح معاي دمك ثقيل بالحيل
    غياث :اوكي ماراح امزح
    مثقال غير الموضوع :اي شخباركم ان شاء الله زينين
    غياث ابتسم بكلف لان الايام الفاتت ما ارتاحم كل اشوي سلوى تدق علي :الحمدلله مكيفين وسعادتنا ما تنوصف
    مثقال :الله يهنيكم
    غياث حط جوالو على الصامت لان يعرف انها راح تدق علي:آمين
    فاتت ليل عليهم وهما يضحكون غياث :ليل شيسوي بيچ حسن اذا زعلتي
    ليل تحط الصحون :شفت ابنو نذل من يعصب مني يعطيني چف بنص وجهي
    مثقال يضحك :تستاهلين ما قصر الله بيچ حدا گالچ ارجعي
    ليل تصب چاي :شسوي كل اليوم ادري بي واغير حفوظات واكل منو كل چف ولا الثاني
    مثقال نذاله :خلي الشيخ غياث يعلمچ شلون تربين شكلو خبرة
    غياث صار ياكل مكسرات :ليل شاطرة وسبعه وباله طويل علي بس عندها مشكلة الحنان الزياد ترى حنانچ الزياد يخرب الصبي
    ليل وهي تمد الچاي لمثقال : مالكم شغل معاي اني اعرف شلون اربي ابني
    مثقال :الله يسلم ايدينچ
    غياث خذا كاست الچاي منها:شفت اختك لسانها طويل علينا
    ليل گعدت بلط مثقال وحطت رجل على رجل :ما طولت لساني
    مثقال يشغل زقارته:اني موو غريب عنكم چدامي ليل تحچي اللى تريده
    غياث تعدل وسحب الباكه من الطاولة :والله اذا هيچ معها حق تضل اربع وعشرين ساعه ما عندها غير سيرتك
    مثقال دحق على ليل وهو مبتسم :شوف يا ابو حسن موو مسموح لكا تشتكي من ليوله الا بحالة وحده فقط لا غير غيرها ما اسمحلك ابدا تشتكي
    ليل مسكت زند مثقال و همست برجاء :بالله عليك لا تعلمو
    غياث باهتمام لان ليل ما تريدو يعرف :اي لو اشتكيت منها شتسوي بيها
    ليل مدت بوزها :ما يسوي شي
    مثقال :ليل تعرف شسوي بيها
    ليل بسرعه گامت گعدت بلط غياث :الا يامثقال شعندك بحلب اليوم ليش ما علمتني انك جاي
    مثقال :جيت استلم تحويلة
    ليل بحده:زين والله استحى على وجهو وحولهن
    مثقال بضيق:بالزور حولهن
    ليل ضلت ساكته مثقال :گانچ ما فرحتي
    ليل ابتسمت وحطت رجل على رجل :الا افرحت بس شقررت تسوي بيهن
    مثقال شرب من الچاي:ما قررت شئ
    ليل دحقت على غياث :الله يقدم اللى بي خير غياث اشبيك
    غياث لف على ليل :ها لا مابي شي مثقال شنو رايك نحچي عن جيزتك
    مثقال تورط (هذا شذكره بالموضوع اوووف الحز يذكرها) :ليش لا
    غياث ابتسم :ترى ليل على حطت ايدك موو عرفانه شتسوي
    مثقال بصراحه بدون مجاملات :اعرفها زين مشان هيچ وكلتها بالمهمه
    ليل بزعل :لا بالله گاعد تسرح بيا
    غياث لمس فخذه :اخوچ الحلو مزحو ثقيل
    ليل بعدت ايد غياث:لا ما يمزح
    مثقال كمل :والله ما سرحت بيچ بس انتي گاعده تضغطين عليا
    ليل صبتلهم چاي :صار عمرك سته وعشرين سنه انته شنقصك حتى ما تجوز
    مثقال يقشر حبة الفستق:موو ناقصني شئ بس اني مرتاح هيچ
    غياث ماسك حالو لا يضحك مثقال اعلق بلسانها الحز شيخلصو منها ليل :شنو مرتاح حرام عليك فرح ابوي يريد يشوف ويلادك والبيت يريد مره ترى مها موو دايمه ليكم
    غياث بنذاله :ياخي اتركي الزلمه بالحو يمكن بي حدا ببلو
    مثقال بهدوء :لا مابي حدا ببالي
    غياث ابتسم :متأكد
    مثقال هز راسو:اي متأكد
    ليل دحقت على غياث بحده :وانته لا يكون بي حدا ببالك
    غياث ابتسم ليها وبتوتر :حبيبتي مابي حدا غيرچ ببالي
    ليل ابتسمت:غياث ناوية اخذلك الثالثه مع مثقال شرايك
    غياث صار يلعب بلحيته :انت كريمه واني استاهل
    مثقال مستغرب من ليل ثالثه ايش وهي گاعده تموت من وحده وكل اليوم تشتكي منها :يولي اول شئ دوري اني وغياث خلي يلحق على اللى عندو
    غياث حط ايدو على كتوف ليل :لا تخاف عليا اني گدها ليل وعدتني تجوزني وحده شگره صح ليوله
    ليل بنذاله وهي تشوف مثقال متحمس على ردها:اي ابو حسن راح أخذلك الثالثه والرابعه اذا تريد انت بس أمر
    مثقال فتح الباكه:انعمى ما اچذبچ الحچي ببلاش
    ليل گامت صبت چاي لمثقال :والله ما اچذب اصلا اني چنت موافقه على الثانية حتين اسأل ابو حسن
    مثقال وليل تگعد بلطه حط الزقارة باثمو: موافقه على جيزته
    غياث ابتسم:موو بس موافقه چنت مصره اكثر مني على الثانية
    مثقال صار يضحك من قلبو وحط راسو بحصن ليل
    ليل تضحك معاه وحطت راسها على راسو غياث ابتسم اول مره يشوف ليل هيچ معقولة هذا اللى يضحك بهذي الطريقة مثقال العصبي القاسي
    ليل تلعب بشعر مثقال :ريحت شعرك حلوه بالحيل
    مثقال تعدل :غيرت الشامبو
    ليل دحقت على غياث وهي تضحك :تخيل كل فترة مثقال يعصب علي لان بلمح البصر اخلص الشامبو اللى عندي واندر على علبة مثقال
    مثقال :والله على كل شئ صرت افقدچ موو بس على الشامبو
    غياث :ام حسن عندك اميت ما تريدها خذها وفكنا منها
    ليل نترت:شمسوية بيك حتى يفكك مني
    مثقال بسرعه گبل ما تكبر بينهم :گومي جيبلي ماي
    ليل أعطت غياث نظره وگامت راحت غياث مسك النفاضه وطفى بيها ولطف الجو بينهم :تارگل معاي
    مثقال :تفاحتين
    غياث :اي تفاحتين
    ليل أعطت مثقال الكأس :تفاح ايش
    مثقال بچذب لان ليل ما تعرف شنو التفاحتين :غياث يريد تفاحتين
    ليل رجعت صبت چاي:غياث ما يحب الفواكه
    غياث گام ليل :هذا وين راح اني شمسويه بي حتى يفتك مني
    مثقال :ولي اشبيچ عصبتي على كل كلمه تريدين تحسبينه اشوي وتخنگين الزلمه
    ليل :نفسيتي زفت الحقيرة كل شوي تدق علي ما تهنينا
    مثقال :موو قبل اشوي تريدين تجوزينو
    غياث طلع الارگيلة من جوا السرير وراح على المطبخ شغل الفحم وجهزها طلع على الصالون وحط صينية ومثقال يسولف مع ليل بصوت واطي ليل رفعت حاجبها :شعندك اليوم
    غياث ابتسم :حبيبتي ماعندي شئ
    وراح مثقال كمل :اي وبعدين اني گالتلو...
    دق جوال غياث ليل حست بهزت الجوال وراها رفعت الجوال شافت اسم جنة ورد ردت :الو حبيبي
    ليل شافت غياث فات مع الارگيله:اهلين عمه
    غياث حط مركيه وگعد حط الفحم : انزل جوا احسن
    مثقال نزل غياث أعطى مثقال:اي والله عشت
    غياث :تعيش ايامك
    ليل بعد ما حچت مع عمتها لمن گالت بس مدت الجوال :غياث عمتي تريدك
    غياث خذا الجوال :الو اهلين يوم....
    بعد ما سكر بصوت عالي :ليل سويلنا چاي
    ليل راحت تسوي چاي
    مثقال أعطى غياث :اشبيها ايدك
    غياث :هذي ليل الله وكيلك شوهتني باظافرها اگصهن من هين يطولن من هين
    مثقال بصوت واطي لا تسمعه ليل :انتبه منها لا تطعميك چتله (الچتله يعني تضربو) ترها مشرانية چنا كل چم يوم نزور الإدارة بالمدرسة
    اول ما جت ليل خذت الريموت وطت صوت التلفزيون غياث :نمتي بالمطبخ
    ليل تقلب الكاسات:حسن تعال شوف خالك مثقال
    فات حسن مع الرضاعه مثقال أعطى غياث ومد ايده:حسوني تعال حبيبي
    حسن مسك ايد مثقال مثقال باسه من خده وگعده بحضنه :يوال اشلونك
    حسن مارد ليل حطتلهم الچاي:لسعو موو مصحصح
    غياث ابتسم :الدبدوب شريحلو اچل ونوم ولعب ودلال يا ريت يصحلى اللى صحلو
    ليل مسكت ايد حسن:اذا ما دللت حسوني ادلل منو شعندي غير دبدوبي الحلو
    وباست ايد حسن
    والمغرب بعد جهد وعناء شاق ما قدرم يقنعون مثقال يضل عندهم لان مثقال يريد يتعشى مع صديق لوا ويرجع على الخفسه مثقال راح على صديقة وليل صارت ترتب البيت وتنظف
    غياث يرجع الارگيله على شنطتها:ليوله اليوم شنو مشتهية على العشا
    ليل : اليوم خلينا نتعشا حواضر
    غياث بعد سكوت قصير :ماچنت متوقع مثقال شخصيتو الثانية حلوه لهذي الدرجه
    ليل ابتسمت :مثقال مابي منو گلبو نظيف ونقي
    غياث :الله يسعدو
    ليل تحركت :ويسعدك
    ضمت غياث من ورا وباست كتفه غياث ابتسم ليل :غيوثي
    غياث :عيونو ورحو وعقلو
    ليل :اشتقتلك
    غياث لف عليها :لا بالله مين هذا اللى مشتاق ليا
    ليل قربت اكثر منو:اني
    غياث بعد و شال الچنطه :كملي شغلچ احسن لچ
    وطلع يرجعها لحقته على الغرفة:شبيچ
    ليل :ما بيا شئ
    غياث گعد على السرير :ان شاء الله باچر العصر راجعين
    ليل گعدت :ماريد ارجع
    غياث بدون ما يعبرها:اني گلت مشان تجهزين حالچ ما سألت تريدين ولا ما تريدين
    ليل مسكت ايد غياث :اذا تحبني اجلها بس اسبوع واحد والله ما تهنينا كل اليوم تدق عليك
    غياث حط ايدو على وجهها:ليل لا تحرجيني
    ليل بهمس:حبيبي افهمني اني ما طلبت منك المستحيل بس اريد نكون اني وانته لحالنا
    غياث باسها بخفه :والله اعرف وفهمن بس لزم نرجع على بيتنا
    ليل :اي بيت قصدك قرفتنا
    غياث ابتسم :شنو لا يكون غرفتنا موو مكفيتچ
    ليل مسكت غياث :اي موو مكفيتني
    غياث :انتي تعرفين اني ما اگدر اترك امي وابوي شنو رايچ بس تجوز صبا نسوي قرفتها لحسن
    ليل قربت منو اكثر :لا تخطط على كيفك من يصير عندي عيلة ما راح اعيش بنفس البيت معها
    غياث :ليوله اتركي كل شئ على الله
    ليل وگفت :وين رايحه
    ليل فتحت السكرتون :رايحه على الحمام اغسل
    غياث وگف وراها :البسي الفستان اللى اشترينا البارح
    ليل طلعت فستان :طيب بس انته انتبه على حسوني
    غياث :حسونا بعيوني بس لا تطولين
    ليل راحت على الحمام خذت شور على ميت مهلها ولما طلعت شافت غياث يصلي وحسن يلعب لبست مصليتها(ثوب الصلاة) اللى اشترتها وصلت مع غياث
    بعد ما خلص ضل يستناها :تقبل الله
    ليل :منا ومنكم صالح الأعمال
    ليل رمت المصلية وراحت على المطبخ
    ثاني يوم
    رجعم للبيت بعد استقبال ام غياث ليهم غياث گام وفات جوا بدون ما يگول لليل ولا كلمه ليل وعيونها تلحق غياث:لا والله ما عندي خبر
    ام غياث وهي تلعب حسن :المهم جهزي حالچ العرس بعد اسبوعين
    ليل :شلون اجهز حالي ما عندي شئ مناسب البسوا
    ام غياث :بي لچا گلبيات حلوات عندي
    ليل ابتسمت:اللى فصلتيهن عند المصممه
    ام غياث :ايوه اكيد راح يعجبنچ
    ليل وگفت:عمه بما انو غياث راح عندها تعالي نگعد بغرفتي
    ام غياث وگفت :اوكي انتي خذي حسونا واني اجيب شئ نشربوا واجي
    ليل:لا تتأخرين
    فاتت ام غياث مع القهوة صحن حلويات وگعدت على السجادة مع ليل وحسن اللى يركبون مكعبات
    ام غياث مسكت ايد ليل :ياااي ما أحلى محبسچ
    ليل ابتسمت :ما اشتريت ذهب هذا مثقال الله لا يحرمني منو البارح زارنا بحلب واهداني هذا الخاتم والبوم صور
    ام غياث :الله يهنيچ ما شاء الله ذوقو حلو وراقي
    ليل:تسلمين
    صارت المغرب وليل مع ام غياث رتبو أغراضها وتهرجن ام غياث وهي متمدده على السرير :كانچ زعلانه من غيوثي
    ليل تمشط :لا موو زعلانه چان نفسي نضل اكثر بحلب بس ما رضا اوووف عمه لو تشوفينها شسوت بينا ما خلتنا نتهنا
    ام غياث :يا ماما اعرفها زين حيه من تحت التبن بس لخاطر غياث لزم تتحملين العيشه معنا
    ليل تتأمل حالها بالمراية : عمه شهل حچي والله ازعل منچ العيشه معاكم غير شكل ومرتاحه كأني ببيت اهلي اني مشان خاطر مثقال صابره على وجودها چدامي (عيونها امتلت دموع ) والى الان ما گلتها ولا كلمه مستعده ادوس على گلبي طول العمر بس ما ازعل مثقال مني
    ام غياث احتارت شتگول لليل چان على بالها ان ليل شخصيتها ضعيفه تمشي على كيف اللى تحبهم فحبت تتوضح لها الصوره تماما : ليش يزعل منچ
    ليل لفت عليها وگعدت :مثقال يحبني لدرجة انو ما يسمح لحدا يذيني واذا تصير اي مشكله واحردت يقلب الدنيا كلها على غياث وما يرجعني لو امووت
    ام غياث ابتسمت :يبوو يا ليل حيرتوني اللى سمعتو عن مثقال من الولد (شباب العيلة) انو نار وشرار وغضب الجبار
    ليل صارت تضحك :شي يوم لزم اعرفچ على مثقال راح يفوت على گلبچ
    ام غياث :خلي يجي يزورچ مشان نتعرف علي
    ليل :ان شاء الله شي يوم
    ليل بتردد :عمه اريد اسالچ عن شئ
    ام غياث حطت عيونها بعيون ليل :اسألي
    ليل بخجل :اني.......
    وهما يسون العشا فاتت عليهم سلوى :ههههههه شنو هذا اليوم مطقمات ههههههه
    ام غياث :تسلملي بنيتي ليوله ذوقها حلو موو مثل بعض ناس ما تعرف الأصول
    سلوى بحده :يولي لا يكون جبتها العميه من بيت ابوها وما نعرف (بصوت عالي) ترى غياث هو اللى اشتراها بنت ال#### گاعده تلعب عليچ مثل ما لعبة على ابنچ
    ليل تجلي وهي تحول تسيطر على نفسها :ولي احترمي حالچ ولا تجيبين سيرة ابوي او سيرتي على السانچ
    سلوى بحقارة : انتي وحده غبية ما بيچ عقل ولي غياث ما يحبچ يا مهبوله ضحك عليچ بيومين هههههه واشترالچ چم قطعه مشان ياخذ غايته منچ كلها چم يوم يشبع منچ ويرميچ مثل الكلبه غياث اذا راد شئ مهما چان مستحيل يسوي ما يكون اسمي سلوى اذا ما رجعچ على المزبلة اللى جابچ منها
    ليل رمت كاسه على الگاع وهي تصيح بانفعال ودموعها تجري :ما اسمحلچ تغلطين معاي بولا كلمه انتي مجنونه وچذايه غياث موو هيچ غياث يحبني اني وبعمرو ما حب غيري
    طبعا ام غياث تحول تنهي اللى گاعد يصير بس محد سامعها لا حياة لمن تنادي
    سلوى ابتسمت لأنها هزت كان ليل بالكلمتين اللى گالتهن وهي تمثل الحزن :له له يا حرام انتي تكسرين الخاطر يا مسكينه اني مالچ قيمه عندو لانو خذاچ ببلاش مادفع بيچ ولا ليرة الله العليم قبل ما ياخذچ شمسوية معه يارخيصه
    ليل بصوت أعلى وهي تكسر زبدية وكاس:انتي اخر وحده تحچين عن الشرف يا بنت الكلب اني أشرف منچ ومن عشيرتچ اي خذاني ببلاش موو عيب يا#### لو بيچ ذرة احساس وكرمه ما چنت تجوزتي واحد متجوز (مسكت الصحون وكسرتهن ودموعها شلال) انتي وحده حقيره اني ما اكون ليل بنت جاسم
    ام غياث مسكت ليل اللى تحول توصل لسلوى وهي تترجهها تهدأ فات غياث انصدم من اللى صاير بصوت عالي وهو يسمع ليل تفجر على سلوى:شبيكم شصاير
    ام غياث :ليل خلاص اذكري الله لا تنزلين حالچ لمستوها
    ليل :اتركيني عليها هل#### بنت الحرام
    حسن واگف عند الباب مع رضاعته يتفرچ بذهول
    غياث مسكها :ليل هااي ليل انهبلتي
    ليل تضرب غياث وهي تضغط على نفسها بكل ما اتاها الله من قوة :ولك يا حقير عيفني فوگ ما رضيت بالهم الهم ما رضى بيا اني شمسويتلكم اذا خذيتني ببلاش اصير رخيصه واخلي هل#### تغلط عليا ما اكون اخت مثقال اذا ما شربت من دمها
    انتهى الفصل
    بانتظار توقعاتكم ونقدكم
  4. زينة الزينات
    08-04-2019, 06:11 PM

    رد: ليل الخفسه

    ليل الخفسه


    الفصل الثالث عشر انتي العمر كلو
    نزلت على الأرض مسكت شعرها وهي تشهق من أعمق قلبها وتگول (الله يلعن عمري الله يلعنو) غياث وگرز ومسك ايدنها :ليل گولي لا الله الا الله
    حول يهديها بس ما گدر ما حس الا ليل رجعت راسها على ورا واستفراغت علي كل شي ببطنها
    مسكها ليل ضلت تبچي غياث :ليوله خلاص اهدي وتنفسي
    رمى قميصو وگام چاب كأس ماي يريد يغسل وجه ليل
    فات حسن وقف عند ليل وحط ايدو عضدها:لوله البيبي (انحنى عند رجلينها وهو مصدوم) هااي بابا لوله دمه
    غياث غسل وجه ليل :حسن يلا بوس لوله مشان تسكت
    حسن ضم ليل وبأسها لسع تبچي وهو يحچي مع غياث فرنسي وياشر على رجلينها
    رد على حسن و شال ليل لان رجلينها انجرحن
    غياث تحرك :حسن يلا تعال
    حسن طلع معهم حطاها على التخت وسكر الباب طلع معقم وقطن وشاش طبي حسن طلع على السرير وضم ليل وهو يمسح دموعها بادينه الزغار:لوله توجع الواوه
    ما ردت على حسن
    غياث گعد عند رجلينها وهو يحس بالندم هو سبب اللى صار اليوم معقوله هذي ليل الهادية الرقيقه جر الحسرة وطلع قطع القزاز من رجلينها وبدأ يعقم الجروح
    اندق الباب :يوم فوتي
    ام غياث فاتت وشافت غياث يلف اول رجل وهي تدحق على قطرات الدم اللى على الگاع :يالله استر والطف بحالنا
    حسن وهو لسع ضام ليل :ماما توفي واوه (وهو يشهق) دمه
    ام غياث قعدت عند راس ليل ومسحت على رأسها:بسم الله عليچ
    وصارت ترقي ليل غياث خلص ضب الغراض وشال حسن وطلع برا ام غياث غيرت هدوم ليل كلها اشوي ولحقت غياث :حبيبي
    غياث يلم القزاز بالمقشه :هممم
    ام غياث بعصبيه:ضب مرتك سلوى اني خلاص تعبت منها ومن عقلها الناقص
    غياث حط القزاز بالزباله :شصار بينهم ليش ليل عصبت لهذي الدرجة ليا اسنين اعرفها بس اول مره اشوفها هيچ اشلون صارت
    ام غياث :نامت
    صارت تساعد غياث بالتنظيف وهي تگول لغياث اللى صار بالمطبخ بالتفصيل
    بعد ما خلصو ترك امو وراح على غرفة سلوى طبق الباب بگوة :سكري الزفت
    سلوى سكرت الجوال :امك وليل يكرهوني ومتخلفين عليا اصلا عمتي من زمان تكرهني
    غياث بعصبيه :بنت الكلب اني چم مره گلت امي خط أحمر ولا ما تفهمين
    سلوى بخوف :والله ما سويلهم شئ فوگ موو هي غلطانه وما احترمت وجودك بالبيت انته شفتها شسوت بيا و جاي تحملني الذنب حرام عليك تظلمني (وصارت دموعها تنزل)
    غياث مسك فكها وشياطين الأرض تنط فوگ راسه ومن بين سنونو:ولي احسب الله ما خلقچ اذا چبتي سيرة ليل وأهلها على لسانچ الوصخ
    سلوى بألم وصعوبه :ليل ما تحبك ليل رجعت تخرب بيتك وتنتقم منك
    غياث ضغط اكثر على فكها :يولي انتي ماتفهمين للمره المليون اگلچ ليل موو بس مرتي ليل...
    ******
    دق جوالها فزت بخوف شافت غياث حضنها و مسك الجوال رد :الو
    مثقال :السلام عليكم
    غياث :هلا وعليكم السلام
    مثقال :اشلونك
    غياث بعدت عنه :الحمدلله زين انته اشلونك
    مثقال :الحمد لله بأحسن حال اعطيني ليل
    غياث دحق على ليل اللى تشرب ماي :ليوله الحز نايمه باچر دق عليها
    مثقال :طيب اسف على الازعاج
    غياث :لا عادي ما بيها ازعاچ
    مثقال :تصبح على خير
    غياث :وانته من اهل الخير
    سكر :اشلون صرتي
    ليل أعطت ظهرها لغياث قرب منها :من احاجيچ تجاوبيني
    ليل بضيق :اسكت ماريد اسمع صوتك
    غياث اعطها ظهرو وهو يگول :ماعليش يا ليل... الله يلعن ابو الحب اللى ذلني
    ثاني يوم گعدت الساعه تسعه حولت تمشي بس ما گدرت من الألم رجعت گعدت فاتت ام غياث :صباح الخير زين گعدتي لاني چنت جايه اگعدچ مشان نفطر سوا
    ليل :صباح النور عمه الله خليچ ساعديني اريد التواليت
    ام غياث مسكت ليل :تقدرين تمشين
    ليل وگفت وبالم :اي بس اسنديني
    ام غياث وصلت ليل للحمامها الخاص اللى چدام غرفتها ووكفت تستناها وهي سانده ليل :عمه اريد ارجع على قرفتي
    ام غياث :هي موو هين گلعها غياث من البارح على بيت أهلها
    على الفطور :ليوله يلا افطري
    ليل وايدها على خدها :مالي نفس
    ام غياث تطعمي حسن :ليوله يا ماما لا تزعلين حالچ هذي وحده ما تستحي ولا تخاف ربها
    ليل دمعتها نزلت بخجل :اسفه سامحيني على اللى سويتو البارح
    ام غياث حطت ايدها على خد ليل :يا ماما ليش هل دموع لا تتأسفين اني بصفچ
    ليل نزلت راسها ودموعها تنزل بغزاره :والله تعبت لو مثقال يعرف باللى صار البارح ما يخليني هين ولا لحضه والله ما اتحمل
    طول اليوم ليل گاعده مع ام غياث فات غياث المغرب على البيت وهو چايب أكياس من السوبر ماركت لقهن بالصالون ليل تثرم تبوله وامو تاكل خيار مع حسن :السلام عليكم
    ام غياث بفرح :هلا والله وعليكم السلام شيخ
    غياث نزل الأكياس و خرب شعر حسن وهو يحچي مع حسن فرنسي حسن أعطى غياث قطعه خيار وهو يرد علي فرنسي
    غياث خذا القطعه و گعد ورا امو وضامها :يوم شنو عشانا اليوم
    ام غياث :دجاج مشوي وبطاطا مقلية وليوله تسوي تبولة لحالها
    غياث :لا تحسبون حسابي بالعشا اني طالع
    ام غياث لفت راسها :وين طالع
    حسن خذا قطعتين بندورة من ليل مد ايده لغياث وهو ياكل:بابا هم
    غياث خذا القطعه منو :حبيبي شكرا
    حسن رجع خذا وحده ثانية ليل ضربت ايدو بخفه :لا
    حسن مد بوزه وايدو لسع على القطعه:ماا اريد وحده
    ليل بعدت ايد حسن :ممنوع
    حسن عصب رمى عليها راس الثوم :حيوانه دبه
    وعض ليل من فخذها ليل صيحت وهي ترفع راسو غياث وهو يضحك سحب حسن من قميصو:يوال فلتان عيب تضرب ماما
    ليل رجعت الثوم على الصينية :انته الحيوان وقليل ادب
    غياث شال حسن قبل ما يضربها انوب
    حسن بعصبيه:اريد بدوره
    غياث بهدوء:مابي بندوره تريد اعطيك دروبس توت
    حسن وافق على طول
    غياث دز حسن على االصالون راح يغسل لبس جينز اسود وقميص رسمي كحلي تعطر ومشط ولبس كندرة سودا رسمية طلع على الصالون
    ام غياث :الله معاك حبيبي
    غياث ابتسم لامو :يلا حبيبي باي
    حسن يحرك ايده بالهوا :باي باي بابا
    طلع غياث من هين فات ابو من هين :السلام عليكم
    ليل وأم غياث :وعليكم السلام
    ابو غياث شال حسن وهو يبوس بي :وين غياث ما جا
    ام غياث :طلع يتعالل
    ابو غياث گعد :اشلونچ يا بنتي
    ليل :عمي الحمدلله زينه انته اشلونك
    ابو غياث :الحمدلله ليوله سلامتچ
    ليل نزلت عيونها بخجل لان اكيد يعرف باللى صار:الله يسلمك صايرين ما نشوفك بالبيت
    ابو غياث :والله مشغول مع جابر بالمعمل وباچر من الصبح طالع مع غياث على حلب
    ليل رفعت راسها :عندك شغل بحلب
    ابو غياث خذا گاست الماي من ام غياث :لا والله مسافر على بيروت اشلون رجلينچ
    ليل بخجل :احسن
    ام غياث گعدت بلطو وحطت راسها على كتفه گالتلو حسوني وكملت بالفرنسي
    ******
    اما عند غياث وگف عن الباب ودق القزاز :مساء الخير
    باستغراب اشر لغياث يگعد :طيب الحز شنو المطلوب مني...... لا حبيبتي اني مالي علاقه.... والله اولها واخرتها ابوچ...... شدخل ليل..... يا عسل افهمي اني عمتچ ليل ربيتها على أيدي ..... ههههههه لا موو قصة ما اثق بيچ...... يولي رحمه افهمي ما اگدر...... انتي تعرفين علاقتي بابوچ اخر فترة........ اني ما اگدر اضمن حدا...... يولي خلاص سكر الخط الزلمه يستناني....... غياث رجل عمتچ ليل..... الله يسلمچ يوصل .... مع السلامه اول ما سكر :بنت اخوي دوختني اليوم
    غياث ابتسم :الاخوه نعمه البنية شكلها بالحيل متأمله بيك تقنعو
    مثقال :احترت بيها تريد جوال اني ما اگدر اضمنها عنو لاني ما اعرف شلون عيشتهم
    غياث :اني براي وگف معها ودعمها ترى البنية اذا لقت الحنان واحتويتها ما تغلط
    مثقال وقف وحط جوالو على الشاحن وبفضول:شنو هذا الظرف
    غياث :سويلنا كاست چاي مشان اعرف احچليك
    مثقال :تكرم عينك ابو حسن
    مثقال سوا الچاي وهما يحچون عن المكتبه والبضاعه
    حط الكاسات وگعد مقابيل غياث :وهذا الچاي
    غياث : ان شاء الله بفرحتك
    مثقال :الله كريم
    غياث بمزح :لو يرجع بينا الزمن تچوزني ليل
    مثقال ضيف غياث من الباكه:طبعا لا لو يرجع الزمن بينا چنت خليتها عندي وما جوزتها ووجعت گلبي
    غياث سحبها :احس لو موو ماخذه منك چنت سويتها مخلل بالمتحف الوطني
    مثقال :هههههه يوال اني حطيت دم گلبي عليها(شغل زقارتو)ليل بنيتي ونور عيوني يمكن ما تصدقيني لو اگولك ماضل حدا ما راد ليل على قد موو عقله وثقيلة
    غياث :اعرف هذا الحچي ليل تحمد بيك چثير الله يعطيك العافيه ما قصرت معها
    مثقال :غياث موو احسن اللى سويتو معها ولا مانية ليل بنتي اللى ما جبتها اخف عليها من نسمه الهوا
    غياث :ادري
    مثقال :واكيد تدري اني ندمان گد شعر راسي لاني ضربتها هذاك اليوم
    غياث :واني حتين اندمت اني تركتها تروح معاك اختي صبا من هذيچ الليلة زعلانه مني لاني تركت ليل تروح وما تحچي معاي
    مثقال :تمزح
    غياث :لا والله ما امزح ما سامحتني الا برجعت ليل
    مثقال :لهدرجة اختك تحب ليل
    غياث :وأكثر مما تتصور
    مثقال :الله يصلحها
    غياث مد الظرف :آمين يارب العالمين
    مثقال فتح الظرف رفع راسو بصدمه اول مره يشوف دولارات بهذي الكمية شنو القصه :يوال شنو هذا
    غياث : مثقال اعتبرو سياق (مهر) ليل
    مثقال مسك ايد غياث وحط بيها الظرف :لا يا غياث هذا موو سياق
    غياث حط الظرف على الطاولة :ابو جاسم خليني افهمك
    مثقال بحده:لا تفهمني ولا افهمك اني ما طلبت منك شئ ما اريد من الدنيا الا اشوفها مرتاحه معاك
    غياث :يوال عيفنا من الحچي ليل بعيوني وهذا حقها مثقال گام فتح الدرج وطلع حافظه :والله ما اخذو لا تخليني اعتبرها اهانه وازعل منك
    غياث باصرار :يوال اهانة ايش واني اگولك لليل مثقال اني ما اگدر اشيل خطيتها هذا حقها
    مثقال ابتسم وهو يفتح الحافظة واخذ حبه:خيو ليل حقها وصل وانته تعرف قيمتها زين
    غياث خذا حبه :اي اعرف قيمتها زين بس اني اريد اضمن مستقبل ليل
    مثقال مسك كتف غياث :ليل موو محتاجه منك إلا تحبها واحترمها واذا تريد تعطيها شئ يضمن مستقبلها محد ماسكك الموضوع بينك وبينها يلا اشرب چايك مشان اسكر المحل
    غياث خذا حبه ثانية:ابو جاسم انته تعرف اختك ليل اذا سمعت ما راح يضل حدا ما يدري وراح تصير مشاكل چبيرة بينها وبين مرتي اذا سمعت
    مثقال يصب چاي :اي اعرفها ما تعرف تسكت مثل موو مسكت ضرتها تكدر تسكتها
    مثقال كمل :ما اتوقع ضرت ليل ملاك
    غياث صار يضحك وهو يتذكر شنو صار البارح الله يستر :لا موو ملاك مابي مره هينه بهل دنيا
    مثقال :واختي معاهن
    غياث بصراحه :اختك لو موو انته وراها چنت خليتها خاتم باصبعي
    مثقال :وطول ماني عايش راح أضل وراها
    غياث :شفت محد راح يحفظ حقها غيرك
    مثقال فتح الباكه :اني اعفيني من الموضوع
    غياث :شلون اعفيك
    مثقال ياكل :انت ومرتك اتفقم على كيفكم انته لمن خذيها ما سألت عني
    غياث :مثقال افهمني
    مثقال :اووف منك افهم ايش
    غياث :أريدك بس.....
    *******
    رجع على البيت لقى ليل بالصالون لبسه قميص بيت ساتان ازرق ربع ردن وعلى طرف الردن كلفه ناعمه بنفس اللون ورافعه شعرها بشكل عشوائي وعطر فايح منها چنت تتفرچ على فيلم فرنسي هي اكيد موو فاهمة شئ بس تحب تشوف مثل ما هما يشوفون و تاكل بطاطا دربي وحولها الأكياس منثورة وتشرب عصير تازة:ليل شهل مزبلة الحيوانات ما تسوي هيچ
    ليل وعيونها على الشاشه :لا تدخل مالك شغل
    غياث لم الوصخ من حولها لان اذا هو ما نظف المكان امو الصبح تنظف:تأخر الوگت گومي ننام
    ليل تمد راسها تحول تشوف :ماريد انام بعد
    غياث ضل واگف چدام الشاشه :ما أبعد باچر تكملينو
    ليل عصبت علي :اووف غياث وخر احسنلك
    غياث طفى الشاشة وشالها حوطت رقبتو وهي لسع شايلة كأس العصير :هااي يا مجنون نزلني
    غياث قرب من وجهها ونطح راسها بخفه :هووص الناس نايمه بالقرفه نتفاهم
    ليل استغلت الوضع لمصالحها لانو مستحيل يگولها لا : اريد شاشه بغرفتنا
    غياث :من عيوني أكبر شاشه راح اشتريلچ

    و فتح الباب ليل :عطشانه اريد اشرب
    غياث نزلها على التخت :حاضر
    ليل :جيبها بارده
    غياث راح جابها تقلي وكأس شربها وگعد عند رجلينها :شلون صرتي
    ليل تلعب بالشلمونه ورجلينها بحضنو:يهمك تعرف
    غياث :طبعا يهمني
    ليل :بالحيل يوجعن ما اگدر ادوس على الگاع
    غياث رفع رجلها :ما قصر الله بيچ كسرتي صحون امي وگلتي كلام عيب المره المحترمه تگولوا
    ليل سحبت رجلها :عيفني
    غياث ضل ماسك رجلها :هي خذت جزتها وانتي بس تطيبين نتحسب
    ليل بألم وعيونها تلمع :ما سويت شيا
    غياث يفك الشاش:كل اللى سويتي البارح وما سويتي شيا يامعوده عجب لو مسوية شئ شيصير بينا
    ليل :اسأل عمتي وشوف مين الغلطان يا ريتك مخليني اگتلها
    غياث مسك الرجل الثانية :نحن موو بغابه لمن تغلط عليچ بي اني زلمه طول بعرض بشورب اخذ حقچ منها
    ليل :لو مثقال يدري باللى صار چاني خلني حسرة بگلبك طول عمرك وگتها ما ينفعك شوربك الشگر
    غياث يشوف الجروح:ليل يرحم امچ سكري الموضوع
    ليل شربت:ما اسكت كيفي اريد احچي ما تگدر تسكتني
    غياث رفع عيونو:طيب احچي يمكن ترتاحين
    ليل بضيق :غياث انت تحبها
    غياث :يولي ليش موو راضيه تفهمين انها مجرد نصيب مالها مكان بگلبي انتي حبيبتي وروحي يولي انتي العمر كلو
    ليل :الله يسامحك من وين جبتلنا هالبلوه
    غياث ابتسم ما عرف شيگول فعلا اكثر شئ ندمان عليه انو تجوز سلوى ليل :غيوثي انته تحبني صح
    غياث بأس رجلها :موو بس احبچ اني اموت عليچ
    ليل تعدلت ومسكت ايد غياث :حبيبي شتسوي ما ارضها عليك
    غياث ابتسم وهو يقرب منها:چم مره سوينها
    ليل :هذاك شئ وهذا شئ ثاني لا تعيدها
    غياث مسك خصلت شعر :قبل ما انسى مثقال يسلم عليچ
    ليل :الله يسلمك ويسلمو وين شفتو
    غياث :چنت عندو تعاللنا وطعمني كعك طيب مع الچاي وطلع الكعك شغل اختو الحلوه
    ليل صارت تضحك :ولي كل شئ طيب تسوينوا لمثقال واني ما تسولي شئ الله يخليلي امي
    ليل مسكت وجه غياث :مثقال يگول سولي موو مثلك
    غياث :عجل سولي كل شئ تعرفين واذا ما تعرفين تعلمي كل يوم فاجئين بشئ جديد
    ليل :حبيبي تامر امر شتريد اسويلك باچر
    غياث بأس خشتها ووگف :لا تسوين شئ بس طيبي
    ليل بندم :غياث انته زعلت مني
    غياث فتح الدرج :لا ما زعلت
    ليل :متأكد
    غياث گعد عند رجلينها وفتح المرهم :ليل كوني للحز ساكت تصرفاتچ ومرعي مشاعرچ هذا ما يعني اني ضعيف شخصية چدامچ
    ليل بألم من المرهم :حيشاك حبيبي
    ضل ساكت
    واول ما خلص :جوعان تاكلين معاي
    ليل :اكل بس عندي شرط
    غياث سكر السحاب :ان شاء الله عمرچ ما چليتي
    ليل صارت تضحك :ترى ما تعشيت
    فتح الازره :شتريدين
    ليل بخجل نزلت عيونها:انته گلت راح تعطيني مصرف
    غياث رمى القميص وأعطى ليل الجزادن :خذي اللى تحتاجينه
    وفتح جوالو ليل فتحته طلعت كل شئ بي وهي تعد :راح اخذ كل شئ
    غياث رفع عينه :شتريدين تشترين
    ليل تركت الجزدان:ولا شئ وين طالعه حتى اشتري
    غياث حط الجوال على الشاحن وهو بقمة الاستغراب خذت كل المبلغ اللى بالجزدان هذي اكيد تريد تستفزه :اذا ما يكفي اعطيچ انوب
    ليل ابتسمت :لا حبيبي اعرفك ما تقصر يعطيك العافية
    غياث ابتسم :الله يعافيچ
    راح للمطبخ فتح المايكرويف لان متعود دائما امو تترك حصته بالمايكرويف سخنها وطلع صحن التبولة وصحن صلصة الثوم من البراد وربطة الخبز جهز السفرة ورجع على الغرفة :العشا جاهز
    ليل وهي مسكه جوال غياث :غيوثي شنو كلمة السر
    غياث حط العشا على السرير وگعد يفتح الخبز :وين الخصوصية
    ليل تركت الجوال :اي خصوصية واني وانته واحد
    غياث قطع الرغيف بينهم :شنو كلمة سرچ
    ليل اكلت اول حبة بطاطا: اول شئ نتعشى بعدين اعلمك
    بعد ما خلص عشا غياث لم الاچل راح سوا چاي ولبس دشداشه بني فاتح وگعد بلط ليل
    ليل سحبت جوالها وقربت من غياث وهي موو مصدگه ان اللى صار ما زعل غياث منها :شوف هذي كلمة السر
    حطت كلمة السر چدامو :من وين تحب نبلش
    غياث وهو يكرر كلمة السر براسو :اممم اني براي الصور
    ليل فتحت لقطات الكاميرا چان اخر الصور ليهم وباقي الصور كلهن قديمات لليل ومثقال وابوها واخوتها وويلادهم وبناتهم غياث شاف صورته وهو نايم :ايمت هذي
    ليل ابتسمت :من اسبوعين
    غياث ضغط على وحده من الصور ليل لبسه بيها فستان بأكمام طول وبي فتحات من عند الكتوف لونوا ازرق شامي ضيق جدا جدا وراسم جسمها رسم وحاطه مكياج ثقيل وفاكه شعرها :هذي وين
    ليل :هذي بقاعة عرس صديقتي بحلب
    غياث دحق عليها:ولبسه هيچ
    ليل :اشبيك عرس نسوان ضليت شهر اترجى مثقال يوافق اروح لو تشوف العرس اني چنت استر وحده بيهن كلهن لبسات لنص الفخذ
    غياث يتأمل صورها بالفستان شلون كل شي باز بيها وخصرها منحوت نحت :عچل مابي فرق بفستانچ هذا كانچ مصلخه
    ليل :يووه يومها مثقال انهبل عليا اول ما طلعت علي وغير رأيو وبطل يوديني اني ما عندي بنيه تتصلخ وتروح على الاعراس تحوم واني واني بس من ازعلت منو وبچيت فتراجع
    غياث :استغفرالله العظيم
    ليل صارت تضحك : تخيل وحده منهن دقت على مثقال وهي مسكتني
    غياث :حقها والله جسمچ نااار ووجهچ ملائكي
    ليل تعدلت وگعدت فوق غياث :شنو أكثر شئ تحبو بيا
    غياث ترك الكأس لا يتحرق بسببها ليل ابتسمت وهي تقرب منه :تحچي ولا شنو
    غياث ابتسم لأنها صايرة وقحه علي بمعنى الكلمه لمس شفتها بابهامه وبصوت هادي:احب كل شئ بيچ اعشق أدق التفاصيل بيچ عيونچ شعرچ اسلوب شفايفچ يولي احب كل شئ بيچ وبالذات لسانچ الزفر
    ضمت غياث وهي تبوس بي :الساني موو زفر
    غياث وهو يفتح شعرها :خلاص لا تزعلين لسانچ ينقط عسل
    ليل صارت تضحك وعيونها بعيونه :اكيد حبيبي انته أصدق واحد بالدنيا
    وبعد ايام ليل بفرح لان الاسبوع الفات چان احلى اسبوع يمر عليها كان هي المره الوحيده بحياته وسيرة سلوى مسدوده تماما وغياث مشبعها دلال بكل شئ يساعدها :غيوثي بما انو باچر جمعه شرايك نسهر مع بعض
    غياث وعيونه على الطريق:يولي كل السهر اللى نسهره موو مكفيچ مشان ترضين صرت ما انام الا خمس ساعات باليوم
    ليل تضحك :لا ما يكفي من التعب تنام وتعيفني لحالي
    غياث :والله چنت تعبان لايمت راح تضلين تحچين بيها
    ليل لمست ايد غياث :ممنوع تنام قبل ما تگولي كل كلمه حلوه تعرفها
    غياث :الله كريم
    ليل شبكت اصبعها باصبعه:حبيبي اذا تعوضني اليوم انسى
    غياث بأس ايدها :راح اعوضچ
    ليل :بالليل نشوف
    ضلت ليل تسولف مع غياث واخر شئ
    صارت تضحك غياث :علمن تضحكين
    ليل طلعت علك الدرج اللى اللى چدامها:اضحك عليك
    غياث :اي اضحكي وبس ترجع لا تبچين مثل البيبي المفطوم اللى يدور حضن امو
    ليل حطت قطعة علك باثم غياث :موو اني اللى ابچي وادور عليك ياحب انته برجعتها تصير المفطوم تدور علي من يأذن الفجر
    غياث يتعلك:حبيبتي غلطانه اجي من الفجر لان هدومي عندچ
    ليل حطت ايدها على فخذ غياث :طبعا راح تكون عندي موو اني ليولتك
    غياث مسك ايده :دخيل ليولتي الحلوه
    حسن من ورا يحول يفك ايدنهم :لا لاء ابيبي لوله ليا حيوان بعد
    ليل صارت تضحك لان حسن له فترة ما يخليهم يقربون من بعض يغار عليها من غياث ويغار علي من ليل غياث يشد على ايد ليل ويسحبها لعندو:انته الحيوان ليوله ليا اني
    حسن عصب مد راسو:تلب لوله ليا اني
    عض ايد غياث بكل ما اتاه الله من قوة
    غياث بألم وعيونو على الطريق: انته الچلب لا تعض الكلب انته وابوك يا كلب ابن الكلب
    ليل تحول ترفع راس حسن وهي ميته من الضحك على غياث :حسوني حاج وجعت ابوك
    مارد عليها :خلاص حاج يلا يا بطلي ابعد
    غياث :عيفي
    ليل مسحت على شعر حسن :حبيبي حسوني يكفي اني لكا لحالك يلا حبيبي
    حسن ترك غياث وسحب ايد ليل منه
    غياث يشوف ايده :شفتي ابنچ مچلوب
    ليل وحسن ماسك ايدها بقوة ويبوسها:ابني انته اللى هيلتو وعلمتو يعض
    غياث :اي علمتو يعض حبيبي اشبع بيها اني دوري بالليل وانته نام
    ليل صارت تضحك وحسن لسع مچلب بايدها
    فتح ليهم مثقال وبعد الترحيب :غياث تفضل فوت
    غياث :وراي دوام
    مثقال شال حسن :الچاي حار كاسه چاي ما تأخرك
    غياث :اوكي اشرب كأس
    فات معهم جا يفوت على أول غرفه ليل مسكت ايده :لا تفوت ابوي نايم
    مشى مع ليل وفاتم على غرفة مثقال على أطرافها مجلس مخاد كبار باللون الخمري مع برداية بسيطه بنفس القماش وسجادة مشجره بالورد وبيها نفس اللون الخمري سكرتون عسلي وتسريحه نفسو مرتبه ونظيفة وعليها العاب بزوية الغرفة مكتبه على الحايط وتحتها فراش مصفط وفراش مثقال على حالو وكتاب بلط المخده والفطور بلط الفراش والغرفة ثلج ونظيفه بشكل جميل ليل :اشبيك فوت
    غياث فات ليل شالت الكتاب رجعتو على الرف :غيوثي اشبيك
    غياث يتأمل المكان :حلوه هالغرفه بالحيل دافية
    ليل ابتسمت لوا وحطتله مركاية :عيونك الحلوه ارتاح
    مثقال فات مع كاست وحسن ورا مثقال ياكل بسكوت :ليل طفي المكيف برد على حسن
    ليل طفت المكيف :ليش اعطيتو بسكويت الحز يلعن ابو القرفه
    مثقال صب چاي :وين المشكله بس يوصخ انتي تنظفين وراه
    ليل ابتسمت وهي تلم الفراش :المشكله اني التعبانه موو انته
    مثقال مد الكاس لغياث :اتفضل
    غياث طلع العلكه بالمحرمه:يعطيك العافيه
    مثقال :الله يعافيك فطرتم ولا لسع
    ليل گعدت على المركية اللى بلط غياث:يوو نحن من يفتح غياث عيونو الفجر يفطر
    غياث :اگعد جوعان لاني اتعشى من المغرب
    مثقال كمل فطورو:والله احسن شئ العشا بوگت الواحد ينام خفيف
    غياث يشرب :اجوع بالليل بس ليل ما تخليني اكل انته ايمت تتعشى
    مثقال :على حسب اغلب شئ اكون مستعجل كاست حليب مع بسكويت او حلو
    حسن سحب دبدوب ابيض من التسريحه
    حسن ضم الدبدوب بفرح وگعد بحضن غياث وهو يقر
    ليل :حتى لو متعشي لزم هذي الوجبة مع الكتاب
    غياث :بس تروح على حلب جيبلي چم كتاب معاك
    مثقال :موو رايح هذي الفترة اذا تريد خذ من عندي
    غياث نزل الكأس :بعدين اخذ لاني تأخرت
    مثقال : لا تتأخر على العشا
    ليل وگفت
    غياث بعد حسن ووگف:ان شاء الله ما اتأخر(اشر لليل)
    خليچ مرتاحه
    عند المدخل وهو يلبس الكندرة وشاف مره لبسه گلبية صفرة ولبسه ملفع اسود طلعت من الغرفة دحقت على غياث باستغراب غياث بسرعه نزل عينه وطلع
    راحت على المطبخ سوت حليب لابنها وهي طالعة شافت ليل تريد تفوت:صباح الخير
    مها :صباح النور ليوله اشلونچ
    ليل ابتسمت :الحمدلله زينه انتي شلونچ شلون الويلاد
    مها ردت الابتسامه:الحمدلله بخير قبل اشوي شفت رجلچ طالع يمه ما احله ابن الفرنسية
    ليل فاتت حطت الصينية بدون ما ترد مها باهتمام رجعت فاتت :يولي من جدچ عفتي ثلاث سنين ولا سالتي عنو موو حرام عليچ يولي هذا اختو تعشقو من جمالو
    ليل نترت :اذكر الله علي
    مها :اللهم صل على النبي ولي ديري بالچ علي لا يطير منچ
    ليل فتحت الماي تجلي الجلي اللى بالمغسلة :لا تشغلين ببالچ مهما طار يرجع للعش
    مثقال فات مع حسن :تحچون عن مين
    ليل :عن ابو حسن مها الا ما گلتيلي اشلونچ مع مسعود
    مها :بأقرب وگت راح ينزل
    مثقال :يرجع بالسلامه
    حسن ضام الدبدوب: لوله حليبي
    مها قرصت خد حسن :الله يسلمك يوال حسن ليش موو طالع تشبه ابوك ابن الفرنسية
    ليل طيرت عيونها :موو زين طلع يشبه خالو منى عيني يطلع مثل مثقال
    حسن اكل من البسكوته وهو مفهي شتريد هذي مني مثقال شال حسن :ليوله سويلو حليب
    ليل :حبيبي بعد شوي اسويلك
    مها :ليل مين احلى انتي ولا ضرتچ
    ليل عيونها دمعت ما تتحمل شماتت نسوان اخوتها :شي يوم تشوفينها
    مها :يلا اني رايحه اشوف قصي
    وراحت مثقال لف لحد ما اختفت من نظره لف على ليل :استغفرالله اشبيها هذي
    ليل مسحت عيونها :شافت غياث وهو طالع فاعجبها ابن الفرنسية
    مثقال يضحك: يولي ليل لا تحچيني چدامها انچ مرتاحه لا يصبنچ بالعين
    ليل :لا تخاف اني اعرف شلون ارد عليها راح تطلع
    مثقال :اي طالع
    ليل :مثقال الظهر تعال تغدى
    مثقال :ان شاء الله توصيني بشئ
    ليل ترتب شعر مثقال :لا ما اريد الا سلامت قلبك اليوم مر على الحلاق خفف شعرك
    ليل بعد ما ودعت مثقال نظفت المطبخ وحطت الغسيل الابيض بالغسالة وسوت كأس حليب مغلية لابوها مع الفطور فاتت مع حسن حطت الفطور وگعدت بلطه يالله شگد مشتاقه لابوها الحنون صح هو چبير بالحيل بالعمر بس عمرو ما زعلها او تعبها حركت كتفه :يابه يابه ابوعبدالله
    گعد :ليل
    ليل ابتسمت :اي ليل يلا اگعد جيت اشوفك وانته نايم
    تعدل بمساعدة ليل :ايمت جيتي
    ليل :جيت سته وربع حسوني تعال حب جدك
    حسن بسرعه راح وضم جده وباسه
    ابوها ضمه وباسه :يا حبيبي الله يخليك ويحفظك
    ليل باست راس ابوها :وخليك ليا
    ليل فطرت مع ابوها وهي تحچيلو بفرح عن غياث وعلاقتهم وشلون اهل غياث كلهم يحبونها طول اليوم وهي تشتغل تسولف مع ابوها اللى يلعب حسن وياسمين
    *******
    غياث رجع من الدوم وكالعادة غسل ولبس اكشخ الهدوم طلع على امه :يوم
    امه وهي تتابع فيلم :ها حبيبي
    غياث خذا قطعة بيتيفور من الصحن :تروحين معاي على بيت اهل ليل
    ام غياث :لا حبيبي متفقه مع صبا احچي معها بعد اشوي
    غياث :طيب سلملي عليها
    ام غياث :الله يسلمك حبيبي انتبه على حالك
    غياث بأس خذها و طلع وچدام بيت اهل ليل شاف اخو ليل عمر عند الباب غياث قرب من الباب :السلام عليكم
    عمر مارد و دق الباب بگوة
    انفتح الباب ليل شافتهم مع بعض وعمر واضح وجهو ثقيل بعدت من الباب :ابو محمود تفضل
    فات بدون ما يگول شئ غياث فات بعدو وسكر الباب:بي حدا يفتح الباب بدون ما يعرف مين
    ليل وهي تدحق على عمر اللى يمشي باتجاه المدخل:ما ادري
    غياث مسك ايدها اللى ترجف :مثقال جوا
    ليل بتوتر :لا ما جا نروح
    غياث :على كيفچ تريدين نروح نروح
    ليل :اشوي واكون جاهزه
    غياث ابتسم :اذا تأخرتي ياويلچ وسواد ليلچ مني
    ليل:ما اتأخر بس ألبس المانطو
    غياث انحنى عليها وباسها :بساع البسي
    ليل بعدت عنو وقلبها طبول:عيب نحن موو بالبيت
    غياث فات مع ليل سلم على عمو وليل فاتت تلبس بقرفة مثقال فاتت على غرفة ابوها:يابه اني رايحه تريد مني شئ
    ابوها رفع راسو:ليل يا بنتي وين رايحه ما تعشينا سوا لا قمتي بواجب رجلچ ولا شفتي اخوچ ابو محمود
    ليل ابتسمت وهي تگعد چدام ابوها وتمسك كتفه :غياث موو غريب واني شفت عمر عند الباب مع ابو حسن نحن ما نقدر نتأخر على عمتي موو گلتلك الصبح انها لحالها بالبيت
    ابوها :اي گلتيلي راح تجين الاسبوع الجاي
    ليل دحقت على غياث:ما ادري هذا نسيبك چدامك اسالو
    غياث ابتسم :عمي انته ايمت ما تريد ليل اني اجيبها لكا بس دق عليا رقمي عنك
    ابوها :يعطيك العافيه يا ابني ما تقصر
    ليل باست راس ابوها :يابه انتبه على حالك واشرب الأدوية بوگتها ولا تضل تشرب گهوة من وراي
    ابوها :ما شرب گهوة
    ليل ابتسمت :لا موو عيب ابو عبدالله ما يشرب گهوة
    ابوها :ليوله دوا المعدة ايمت
    ليل وگفت:العلبة الزرگه قبل والبرتقالية بعد مثقال يعرفهن حسوني يلا حبيبي رايحين تعال حب جدك
    حسن ترك غياث وحب خدود (معنى حب باس) جدو :يابه(يقلد ليل ومثقال ويصح مثلهم ) باي
    راح عند عمر حب خدو لانو مشبه علي :باي ابيبي
    بعد سكوت طال :اشوفچ ساكته
    ليل ابتسمت وهي تمسح لحسن :حبيبي شلون دوامك اليوم
    غياث دحق عليها :بشكل عام زين انتي شسويتي
    ليل :كل شئ نظفت البيت وشطفت وغسلت الغسيل وكويت الكوي وسفطت الهدوم ورتبت وطبخت عجه على الغدا ومن اشوي سويت شيخ المحشي
    غياث مسك ايدها وباسها :حبيبتي الله يسلم يدينچ سبعه وچنة عيله
    ليل ابتسمت وهي تلعب بشعر حسن اللى بحضنها :الله يسلمك شسويلك عشا اليوم
    غياث :ما ادري يمكن امي طبخت
    ليل :ما اتوقع اكيد مالها نفس
    دق جوال ليل طلعت الجوال ودت :الو....... لا يوال والله ما صار شئ........ مثقال والله الزلمه ما گال شئ لا ليا ولا لغياث..... عمي من الأسبوع الفات ببيروت .....والله لحالها...... بنت عيالي(اخت الزوج) صبصب بفرنسا موو هين....... ههههههه طيب........ (بخجل) لا تفسر على كيفك...... والله ازعل منك..... إن شاء الله يوصل..... اگول تصبح على خير
    سكرت :مثقال على باله صاير بينا وبين عمر شئ
    غياث حس بخجل ليل منو لان اخوها ما سلم علي :ليل ترى اني ما عندي مشكله مع اخوتچ حتى لو صدو عني وين ما تريدين تروحين اني ما عندي مانع وبيتي مفتوح لضيوفچ واخوتچ كلهم على راسي
    ليل :شيخ تسلم انته وراسك (ابتسمت وهي تدحق علي) ابو حسن ما تقصر اني اهم شئ عندي رضا مثقال ورضا ابوي
    غياث :انوب بس تشوفين واحد منهم بادري بالسلام الأظافر عمرو ما يطلع من اللحم
    غياث :اسمعتيني
    ليل بقهر وخنقه :اي سمعت
    غياث :نشوف
    ليل :اني موو زعلانه منهم ولا اكرهم بس ما اريد افرض نفسي على حدا منهم اللى يريدني يعرف ويني
    غياث :انتي الزغيرة واجب عليچ تبادرين
    ليل :غياث مشان محمد سد سيرتهم
    غياث كسر الصمت :علميني مثقال بالثلاث سنين شسوا بيچ
    ليل :شنو يعني
    غياث :يعني شلون چان يعاملچ
    ليل :يبوو صار ناشف بالحيل وما يحچي معاي الا للضرورة القصوة گاني موو موجودة
    غياث :ما ضربچ
    ليل ابتسمت بانكسار ودنقت :بهذيچ الليله عماي شفعلي عندو دفشني على المدة و صلخني چف واحد بس عتابه چان يذبح من وجع گلبو صار يضرب صدرو ويبچي بعمري ما كرهت حالي گد هذيچ الليل
    غياث براحه لان محد عنف ليل وضربها:والله چنت متوقع انچ شبعانه چتل
    ليل رفعت راسها : قبل سنه ونص تقريبا چليت چتله منو للموت
    غياث لف عليها :يا مجرمه اعترفي شمسوية من الدقات
    ليل وهي تذكر هذاك اليوم بادق تفصيلو وصارت تضحك:تخيل مرت اخوي فرج جتنا واني اشطف الدچه وابو گاعد على العتابه يتشمس وتريدني اروح معها اعزل بيتها
    غياث :رحتي وچليتي الچتله
    ليل :حدا گايلك اني چنت مسجونه بالعكس كل أسبوع ابوي ياخذني على بيت واحد منهم ومثقال من يصير عندو شغل برا الخفسه ياخذني معاه ويشتريلي اللى اريدو
    غياث :مااصدگ
    ليل ابتسمت :على بالك شلون اعرفت بيتك وجيتك هذاك اليوم هداده
    غياث دحق عليها :اي والله شلون اعرفتي بيتي وانتي چنت عميه
    ليل :مره ونحن رايحين على حلب ابوي سأل مثقال عن بيتك ومثقال علمو اي واحد
    غياث بحماس:اي كملي القصه شصار
    ليل:گلتلها على عرس ابو علي اجي اعزل البيت للعروس
    غياث صار يضحك :يولي الگاع ما تطيقچ
    ليل :موو قصة الگاع ما تطيقني بي شئ عن شئ يختلف يعني لو طالبة مني باحترام يا ليل اريدچ تفزعيلي تنعزل بيتي سوا بس انها مضيعه بيني وبين اللفاية (خادمة بالساعه) جن جنونها صارت تعايرني انتي عله الله يعين مثقال زين منو ما ذبحچ و محد يريدچ لانچ وصخه واللى خذاچ عافچ لا معلقه ولا مطلگه وتجوز غيرچ ومثقال باچر يتجوز وتصيرين خدامه لمرتو وانتي ما ينلحق من وراچ اجر يا ريت يعطيچ ليا چنت ربيتچ وعلمتچ انو الله حق المهم بعد ما خلصت حچيها واني ما رديت عليها وكبتلي سطل الزباله چان انفجر عليها و اگتلها للموت مثقال كعد من النوم على صياحنا وفكها مني بالگوة صارت تتلوى مثل الحيه واسعفها فرج على المستشفى
    غياث :والله تستاهل الچتله ما قصرتي بيها
    ليل :مثقال صيح علي وبهدلني غطاني وطلعني المهم لمن چانا فرج هداد يريد يگتلني مثل ما چتلتها مثقال قباني ورا ودافع عني ما خلى فرج يمد ايدو عليا و كلها حامله عليا اذا فرج چتلني راح الكل يصير يكتلني فمثقال حلف هو يكتلني بدل فرج
    غياث :شكلها الچتله من مثقال عسل على قلبچ
    ليل :ابو جاسم يمون عليا
    بعد ما وصلم ليل سلمت على عمتها وراحت على المطبخ تسوي عشا وغياث گعد مع امو
    ليل بعد ساعه حطت العشا على السجادة عبارة عن قرص بيتزا بالمرتديلا والجبنه مع صحن بطاطا مقلية وصحن رشاد وصحن صلصة ثوم:يلا العشا جاهز
    غياث نزل :من ايمت تسوين بيتزا
    ليل تفتح الكولا :من زمان مثقال يعشق المعجنات
    ام غياث گعدت حسن وگعدت :هالله الريحه غير شكل
    ليل أعطت عمتها الكأس :اخاف تغيرين رايچ بعد ما تاكلين
    أم غياث شالت قطعه وقطعتها بينها وبين حسن :يا ماما الكتاب من عنوانو يبين
    غياث فقد ليل بعد العشا ما شافها :طيارة ابوك يوم السبت
    غياث ابتسم :ادري العصر دقيت علي
    ام غياث :اليوم صبا چانت تتعشى عند خالتك فاتن
    غياث :الا فاتن ايمت تجوز ربيعها الصايع
    ام غياث بزعل لان غياث دائما يجيب سيرة اختها فاتن :غياث للمره المليون اگولك لا تدخل بخالتك
    غياث وگف لان ما يريد يزعل امو :يوم ما تدخلت ولا ليا علاقه بيها بس اختچ زودتها
    انحنى حتى يشيل حسن بزعل:خلي حسوني ينام عندي
    غياث شال حسن :يلا الحز احطه بقرفتچ
    حط حسن على سرير امو وراح على قرفتو حول يفتح الباب مقفول استغرب منها اول مره تقفل على حالها :ليل افتحي
    ليل بصوت هادي:حبيبي ما اقدر مشغولة
    غياث حول يمسك نفسو حتى حرتو من خالته ما تگع براسها :ليل افتحي
    ليل :حبيبي اصبر شويه
    غياث بعصبية :بشنو مشغولة افتحي اريد اندفس
    ليل بصوت أعلى :غيوثي لا تعصب ربع ساعه وافتحلك
    غياث رجع لامو وهو مقهور منها وهي تغطي حسن :اشوفك ارجعت
    غياث گعد على السرير :ليل مقفله الباب
    امو ابتسمت وهي تگعد بلط غياث :يمكن تريد تفاجئك بشئ
    غياث :اووف مالي نفس لشئ اريد بس انام من التعب
    ام غياث :شنو تنام اليوم خميس
    غياث حط راسو بحضن امو وتمدد على التخت :يوم يمكن ما تصدقين لو اگولچ ليل المسكينه طلعت ما تنطاق طلعت سلوى هيا الغشيمه
    ام غياث تلعب بشعر غياث :موو زين اهم شئ ترتاح وما تضل تشكيلي
    غياث فتح عيونو :ليل فتحت علي باب ابليس
    ام غياث :شلون
    غياث :ههههه ابوو منها طيرتلي عقلي ما خلت شئ بنفسي تحبني بجنون وبس تريد رضاي معها احس حالي بغير دنيا
    ام غياث بفرح :موو زين اني هذا اللى أريده انته صبرت ونلت
    غياث :المشكله ليل سدت نفسي عن سلوى
    ام غياث :شكلك لسع موو مصدگ ليوله رجعتلك
    غياث :اووف سوسو ما حسيت حالي متجوز وعندي مره الا مع ليل صرت احس انو سلوى ما بيها فايدة ولا اشتهي اگرب عليها
    ام غياث باست راس غياث :غياث حبيبي صح اني ماخذه موقف من سلوى بس ما اگدر اگولك طلقها هذي حياتك انته وحدك اندق الباب :ليوله فوتي
    ليل :عمه ماريد افوت حبيبي گعده استناك
    اول ما فاتماا لقها الغرفة مليانه شموع وريحت الغرفة تاخذ العقل والسرير كلو ورد جوري من وراه :فوت اشبيك ساد الطريق
    غياث فات وهو يرمي الساعه سكرت الباب بظهرها وحطت الصينية على الكمودينه بيها فواكه ومسكرات وعصير :حبي اسفه طولت عليك
    غياث وگف چدام المرايه هو يشوف ليل وراه چنت لبسه قميص النوم السكري قصير ظهرها كلو طالع وصدره مفتوح وحاطه فل ميكاب بالألوان الترابية وحمره حمرا صارخه وفاكه شعرها اللى أطول من القميص ضل ساكت
    ليل ضمت غياث وباست كتفه :غيوثي اشبيك سكتت اذا نعسان عادي نام
    غياث مسك ايدينها :لا موو نعسان چنت اريد اگولچ ليش طالع تلفين بالبيت مصلخه
    ليل :البيت فاضي مابي حدا
    غياث :فاضي ولا موو فاضي بعدين تاخذ رجلچ على الطلعه يولي يا ليل طالعه صروخ ارضي جوي
    ليل ابتسمت:تسلم عيونك الحلوه
    غياث ابتسم وهو يحس بانفاسها وبوساتها على كتوفها:غيوثي ريحتك ما اشبع منها
    غياث لفه عليها ضمها لصدره :ولا اني اشبع من ريحتچ (بأس راسها) اخ يا ليل شگد چنت محتاجچ
    ليل رفعت راسها :موو بگد حاجتي لكا غياث انته مراح تتركني انوب اروح
    غياث وايدو على وجهها وبتهديد:اموتچ وما اخليچ تعيفيني
    ليل وعيونها تلمع: ما عاد اگدر اعيش بدونك غياث والله احبك والدنيا بدونك سودا مالها طعم
    غياث :ولا اني اگدر اعيش بدونچ انتي الهوا اللى اتنفسه
    ليل رفعت حالها حتى تصير بطوله :عيونك وطني بكل صلاة ادعي الله ما يحرمني عيونك
    باست عيونه غياث سحبها وگعد :انتي اليوم ناوية تنوميني واني واگف
    ليل طلعت لاب توب غياث :تعال شغلي اغنية اليوم اريد ارقصلك
    غياث وگف:تعرفين ترقصين
    ليل خذت حبة كرز وهي طلعت من الدرج حزام رقص معدن:الحز تشوف
    غياث سمع صوت المعدن ودحق عليها :على باللى تمزحين هذا من وين
    ليل سكرت القفل وهي تاكل حركت جسمها بثقه:هذا ليا گالتلي على بالك امزح
    وثاني يوم من الساعه تسعه ليل فاتت على المطبخ مع عمتها يحضرون الطبخات لان عمها باچر راجع من بيروت
    ليل تحشي الكبة وهي تسولف مع ام غياث
    ام غياث :ما بيها شئ انتم تحبون بعض واللى جا على ضره يتحمل
    ليل تقفل حبة الكبه :عمه عادي اسأل سؤال
    ام غياث تحشي الكبه :اسألي بدون استاذان
    ليل :انتي ما تحبين سلوى
    ام غياث تنهدت وبضيق :اول ما جت چنت اعملها مثل ما اعملچ
    ليل بفضول :اي وشنو اللى تغير
    ام غياث :اللى تغير اني
    انتهى الفصل توقعاتكم
  5. زينة الزينات
    16-04-2019, 01:37 AM

    رد: ليل الخفسه

    ليل الخفسه


    الفصل الرابع عشر ملعون ابو العشگ
    :مره من المرات سافرت اني وغياث على صبا وأنها قلية الحيا جايبه اختها المطلگه على بيتي وصارن يرسمن على ابو غياث بغيابي
    ليل بصدمه معقوله بي هيچ نسوان تخرب بيوت العالم حتى تتزوج شلون ترضاها على نفسها :حسبي الله ونعم الوكيل عليهن شنو انقرضوا الزلم
    ام غياث :ابوغياث ما تحمل حركات اختها اتكون مع سلوى كونه چبيرة وغچها هي واختها من البيت گالها بس يرجع رجلچ من فرنسا ارجعي
    ودقت على غياث وچذبت عمچ وگالت لغياث ابوك هو اللى يركض ورا اختي ويريد يخطبها
    ليل :هههههه استغفر الله ناس ما تخاف الله الحز من كل عقلها عمي حسن يترك غزالتو اللى يموت بيها ويندار على القرد
    ام غياث صارت تضحك على وصف كملو سوالف ليل :يعني اعتمد
    ام غياث :اي اعتمدي
    غياث گعد من النوم لقى الغرفة مقلوبه فوگ تحت مابي شئ مكانه وليل موو موجودة فات على المطبخ وهو لبس بيجامة البارح الكحلية وليل شلحه بيضه وفيزون اسود تسولف بفرح عن عنو ضم ليل وهو دايخ بريحة الشامبو اللى فايحه منها :صباح الورد والياسمين على حلواتي
    ليل حست بخجل وردت مع ام غياث :صباح النور حبيبي
    غياث لف راسها وباسها بخفه:موو حرام عليچ تعيفيني نايم لحالي
    صارت حمره من الخجل هذا ما يستحي ام غياث :غيوثي استحي على وجهك اذا تريدها خذها وروح على قرفتكم
    غياث ابتسم دحق على امو وهو يبوس بخدها:والله يا ريت بس خايفه لا تگتلني ليوله
    ليل بخجل:الحمام جاهز روح غسل
    غياث بعد عنها وسحبها:گومي معاي
    ام غياث :وين تگوم نريد نخلص الكبه واليبرق
    غياث گعد بلط حسن اللى ياكل تفاح :ما دام ما تخلينها تروح اني ماني رايحه وهذي گعده
    ليل رفست غياث :لا تروح محد جابرك
    غياث :اخ يوم شوفيها تتحرش بيا من جوا الطاولة
    ام غياث صارت تضحك :ليوله گومي سويلو فطرو بالچي ابني يصحصح
    ليل وگفت :يلا اني حتين جعت
    وهي تسوي الفطور غياث يدحق عليها بكل حركه منها يتذكر ليلتهم (اخ يا قلبي احلى ليلة بعمري ليلة البارح) غياث بمزح:حبيبتي حچيتي أدق تفاصيل ليلتنا لأمي ولا احچيلها اني عنچ
    ليل :واذا حچيت لعمتي أدق التفاصيل وين المشكلة تراها امك
    غياث :عچل الحمدلله ما عندچ ام وخوات وصديقات چنت ترزلت
    ليل لفت على بسخرية :يمكن غيري سواها ورزلك من زمان
    غياث صار يضحك:اكيد موو يمكن
    ليل تسوي چاي:عمه شنو رايچ تسويلنا اليوم كيك
    ام غياث ابتسمت :احلى كيكه لعيونچ
    غياث :اذا هيچ مشان أدق على مثقال يجي يحب الكيك
    ليل :مثقال موو فاضي يجي عندو شغل
    غياث فتح جوال ليل:الحز أدق علي
    ام غياث ابتسمت بفرح على التطورات اللى صايرة بينهم
    ليل جت عنده:لا تدق من جوالي ما عندي رصيد
    غياث حط الجوال على اذنو :كل اليوم تقرين مع مثقال وما عندچ رصيد
    :الو
    غياث باستغراب لان الصوت غريب عنو :السلام عليكم
    :وعليكم السلام
    غياث :مين انته وين مثقال
    :يعني مين انته اللى دقيت عليا هذا خط ليل
    ليل خذت الجوال من غياث شافت مين :الو هلا أمير
    أمير :هلا والله بعمتي الحلوه
    ليل ابتسمت :والله زين للحز متذكر عمتك
    أمير :مين هذا اللى رد عليا شبي مابي عندكم شلون ابوي جاسم
    ليل انحنت على غياث وصار الجوال بينهم :موو ابوك بس ابويه اني
    أمير :وجع للحز تغارين مني
    ليل :قصدك انته اللى تغار مني
    أمير :هههههه ولي ترني كبرت صرت اگدر عليچ
    ليل :ههههه لا حبيبي بعمرك ما تگدر عليا
    أمير لسع يضحك :اجي ونشوف والله لادقچ دك
    ليل :يوال حاليا معتزله اخلي رجلي ومثقال يضربونك عني
    أمير بصدمه كان حدا كب علي ماي بارده :رجلچ
    ليل عضت شفتها :ليش ما أسمعت
    أمير حط ايده على شعره:اسمع شنو فهميني لا يكون صاير شئ موو زين
    ليل غيرة نبرتها:أمير مثقال جوزني واحد من ربعو
    بصدمه :لا بالله ايمت تطلگتي موو على اساس ما يطلگج ويريدچ
    ليل :شسوي خليها على الله
    أمير انقهر عليها:ياربي انتي بجد حالتچ حاله الله يعينچ ايمت تجوزتي عندچ ضره ولا لا
    ليل : تقريبا ليا ثلاث شهور
    أمير تأثر :اووف ياليل لونچ واقفه بوجه عمي راجعه على ابنچ ورجلچ احسنلچ بدل ما تنكشفين على واحد انوب
    ليل :لا انته موو ضال بيك عقل تريد مثقال يذبحني
    أمير :لا سلامتچ انتي شلونچ ان شاء الله مرتاحه معه
    ليل صارت تضحك مع غياث :اي بالحيل مرتاحه الله وكيلك هالزلمه مثل الدوا
    أمير باستغراب :شبيكم ليش تضحكون
    غياث :يوال أمير اني الشيخ غياث لو امووت ما اطلگ ام حسن هاي الغاليه ام الغالي
    أمير بعصبية:ولي حقيرة بس اشوفچ الا اذبحچ
    ليل تضحك :انته الحقير ابوي عجب ما وراي زلم حتى تذبحني
    أمير :معليش يا ليل مردوده
    ليل :غياث شوف گاعد يهددني
    أمير :الله يعين غياث على ما إبتلى
    ليل راح وگت المزح وجا وگت الجد عندها:يوال ايمت تستحي وترجع لأهلك ما شبعت صياعه
    أمير :لا ما شبعت ولا أريد ارجع
    ليل بعدت عن غياث وفتحت الباب :لا ترجع بس اسمع ترى ابوك مرضان
    أمير :لا تمزحين معاي
    ليل طلعت :والله العظيم ما امزح معك
    أمير يتهرب :صار لزم اسكر مشغول
    ليل :والله عيب عليك ابوك صار زلمه چبير واخوتك لسعهم زغار
    أمير :ليل مشان محمد اسكتي
    ليل :بدل ما تگول هذا ابوي أسند كبرته واربي اخوتي معه گاعد تصيع من فلتانه لفلتانه ولا على بالك
    أمير :ما گلتيلي شلون ارجعتي
    ليل :قصه طويله بس تچي احچيلك شلون ارجعت
    أمير :الا ليش رجلچ دق عليا
    ليل :موو رقمك مخزن عندي بابو جاسم فدق عليك بدال ما يدق على مثقال
    ليل خلصت مكلمتها وفاتت گعدت ومسكت الخبز :عنجد عمر مرضان ولا تضحكين علي
    ليل تاكل:ابو محمود عندو خشونة بالركب ما يگدر يشغل ويصرف على ولدو مثل قبل وابنو الفليح بالشام موو سأل عن اهلو
    غياث صبلها چاي وهو متعطف معها لان يعرف زين اشلون أوضع اهلها:الله يعينو
    ام غياث :الا ابنو محمود وينو
    ليل :محمود صف خامس
    غياث :اذا هيچ المفروض يكون ابو أمير
    ليل دحقت على عمتها :من وهو شب يصيحلو ابو محمود بس مرتو گوية ضلت حردانه عند اهلها سنه الا تسمى ابنها أمير وچان راح يطلقها لو امي ما تدخلت
    غياث يضحك :الله يرحمها انتي لو تگدر عليا شتسمين حسن
    ليل ابتسمت وهي تقرب صحن المربى :لو چنت موجودة وگتها چنت سميتو حسن شرف ليا اكون ام حسن وان شاء الله المره الچاية نسمي سوا
    ام غياث تطعمي حسن :ايمت المره الجايه مشان اجهز حالي
    ليل :بأقرب وگت
    غياث حط لقمة عسل باثم ليل :ولي شگد ميته على المره الجايه
    ليل غمزت لام غياث :اي ميته عندك اعتراض
    غياث حرك راسو :لا بس حسوني لسعو زغير لحقين على الهم والسهر
    ام غياث ضمت حسن اللى بحضنها :مالكم شغل بحسوني هذا الحلو حصتي اني
    غياث بنذاله :ليل خانم اول شي علمي حسن على الحمام وافطمي وبعدين فكري تحبلين
    ليل :اوكي اعطيني اسبوعين بس
    غياث :نشوف
    ام غياث متحمسه تتعرف على مثقال اللى سمعت عنه كثير :اشوفك ما دقيت على مثقال تيجي
    غياث :الحز اروح أدق
    ليل مدت جوالها :دق الحز
    غياث دق وعزم مثقال يجيهم العصر يتهرج ومثقال انحرج من اصرار غياث ووافق يجي
    غياث يراسل:ليل گومي غيري
    ليل وهي متمدده على الكنبة دحقت على حالها شنو لبسه :اغير
    غياث يلعب بشعرها:اي تغيرين يلا شطوره
    ليل :اغير بس موو الحز
    غياث ترك الجوال :يعني ايمت
    دق جوال غياث وگف وجر ليل من ايدها :ليوله الحلوه گومي
    ليل :غيوثي تعبانه
    غياث خلها توگف :اللى يسمعچ يصدگ
    ليل صارت تتمرخ غياث تركها أعطى خبر لامو وطلع يستقبل مثقال
    ليل غيرت لبست دشداشه خضره ربع ردن وبيها الحزام على الخصر فلت شعرها وحطت مكياج تعطرت وطلعت لقاتهم بالصالون يشربون چاي وياكلون كيك غياث دحق عليها بنظرة ما فهمتها ليل طيران راحت لعند مثقال باست راسه گعدت بلطو :شلونك
    مثقال ابتسم :بشوفچ صرت زين
    ليل :ليش ما جبت ابويا معاك
    مثقال :ابوي من صبح راح على منبچ مع فرج
    ليل حطت ايدها على رأسها :يا ساتر لا يكون راح مفاجئة
    مثقال :ما ادري گعدني الصبح وگال انو رايح يطمن عليهم
    غياث بفضول :عندكم حدا ساكن بمنبج
    ليل تضحك:ابو الضراير اهناك
    مثقال :اشبيچ تضحكين وعنچ الشيخ ابو ضراير
    غياث بجدية :اللى يگدر وصحتلو ليش لا
    ليل أعطت غياث نظرة وقفدت السيطرة على نفسها:الميدان يا حميدان
    غياث فهم قصده انو على اثنين موو گدران وكل اليوم راكض وراها يريد رضها من سنين گال ليها هذا المثل واليوم هيا تگولو لوا :تعالي صبيلي چاي
    ليل گامت صبت چاي
    ام غياث ابتسمت بعد ما سكت الكل :مثقال هذا اللى عندو ثلاث نسوان
    مثقال :والله يا عمتي خطب الرابعه من فترة
    غياث :شفتي يا ليل اخوچ ابو ضراير راح ياخذ الرابعه واني ومثقال على حطت ايدچ
    ليل :موو بطلت البارح اشوفك كل يوم براي
    صبت لحالها ورجعت لمكانها
    ام غياث :غيوثي بس لا يكون ناوي على الثالثه والله اعيفلك البيت واسافر لبنيتي
    ليل :عمه اذا سافرتي خذيني معاچ يگولون الحياة بفرنسا غير شكل
    غياث دحق عليها بنص عين :اگول اول شئ تعلمي فرنسي
    مثقال :لا وين تروحين اول شئ جوزينا بعدين روحي
    ليل خذت صحن الكيك :اني بطلت اجوز حدا اللى يريد يوصي عمتي تجيبلو عروس مستورده
    صار الكل يضحك عليها غياث :ليش مستوردة الوطني احسن
    ليل تاكل :لا المستورد احسن من الوطني شوف امك ما احلاها تطير العقل بعدين انته لزم تاخذ من خوالك مره ولا معطينك الجنسية على الفاضي
    غياث :الفرنسية ما تجي على ضراير
    ليل :الحب يخلي الوحده تقبل بكل شئ چثيرين اللى تجوزو اجنبيات على نسوانهم
    مثقال : ليل معها حگ لزم تجرب المستورد حاچتك سوريات
    غياث تربع:الصراحه اقنعتوني
    ليل :عمه اقنعي الثاني ياخذ من فرنسية بالچي نحسن النسل
    ام غياث تضحك :تكرمين
    غياث :يولي كل هل جمل اللى عندكم وتردين تحسين النسل
    غياث حچا مع امو فرنسي وردت علي وهي تضحك
    ليل مسكت كتف مثقال :مثقال بالله تخيل معاي يطلعون ولدك يشبهون غياث هيچ مزيچ سوري فرنسي
    مثقال :ياخي شفناچ انتي فلحتي مع غياث وحسنتي النسل
    ليل :اكيد الوحده يا تجيب ابوها يا اخوها (يعني يا تجيب ولد يشبه اخوها يا تجيب ولد يشبه ابوها)
    غياث صار يضحك :اقنعتيني باجر يطلعون ولد مثقال على خوالهم الفرنسيين
    ليل :مشان هيچ ماريد يتجوز زرگه بعدين ينقرض جمالو ويطلعون ولدو قرود
    غياث وامو فهمم ليل تقصد سلوى مثقال :هههههههه ولي حاجتچ كل ما حچينا بالموضوع تفوتينا بالف حايط وحايط
    غياث :مثقال خلاص اختك ما بيها خير لينا الأسبوع الجاي تعال معاي على الجامعة العچيات أشكال وألوان والله ينهبلن عليك
    ليل مسكت ذراع مثقال وبتملك:انته دبر حالك من العچيات الأشكال الوان مثقال ما يتجوز الا اللى اختارها لوا
    مثقال :اوكي اعتبرني الاسبوع الجاي عندك بالجامعة
    ليل بحده:ما تروح
    غياث :ليل انتي ما شفتي عچيات الجامعة اللى موو مترضيه بيهن كل وحده تگول اني احسن من الثانية
    ليل دحقت على مثقال :اها مشان هيچ ما سجلتني بالجامعه واني اگول اشبي غياث من الصبح يلزق جدام المرايا
    غياث تورط الحز تنقلب السالفه علي :يوم دافعي عني
    ام غياث كتفت ايدينها :بهاي ما ادفع عنك لو ابوك هين چان رزلك
    ليل تغير الموضوع :مثقال احزر اليوم حچيت مع مين
    مثقال استغرب يمكن عمر دق عليها واعتذر منها على الموقف اللى صار :اممم ابو محمود
    ليل :لا
    مثقال :مع مين
    غياث ابتسم:مع أمير
    مثقال :هالعچي الصايع بس لو يگع بأيدي
    ليل :عيفك منو اني بهدلتو بهدله تسوى عمرو
    مثقال :الا ليش دق عليچ
    غياث :اني دقيت علي بالغلط
    صار لزم اوصف لكم مثقال شاب جدا أنيق طويل طوله 185وكتوفه عريضه جدا ومن النوع اللى ياكل الأخضر واليابس وما يسمن وجهه جميل بشكل فضيع وعيونه سود اكبار ورمشه طويلة وكثيفه وحواجب مرسومه رسم ولحيته ما يحلقها ابدا دائما يتكون مع ليل وغصبن عنو يخففها طبعا شعرو اسود فاحم وكثيف وبشرته مثل غيااث جدا بيضه واذا انفعل يصير احمر
    بعد ما راح مثقال غياث بهدل ليل لأنها ما تتستر چدام اخوها وفاضحه حالها
    ثاني يوم راح غياث استقبل ابو بالمطار وانصدم اول ما شاف صبا مع ابو شق الابتسامه وهو موو مصدگ احلى مفاجئه ركضت علي وضمتو :غيوثي
    غياث ضمها بقوة وهو يشم بيها ويبوس بكتفها وراسها موو مصدگ صبا رجعتلو :عيون غياث يالله اشگد اشتقتلچ دخيل دلوعتي اللى كبرت
    صبا دموعها تنزل :موو بگد شوقي لكا سامحني على قسوتي عليك
    غياث :يولي اني مستحيل ازعل منچ انتي اختي اللى مالي غيرها ما شاء الله عليچ صايره عروسه
    صبا بعدت لان الكل يدحق عليهم :اشوفك كبران
    غياث ابتسملها :العشق شيبني
    صبا تمسح دموعها :يبوو والله ماني مصدگه ايمت اشوف ليوله وحسوني
    غياث حب راس ابو :هذا اللى يهمچ بس ليوله وحسوني ولا گانچ حارقه قلبي ثلاث سنين
    صبا تضحك ووجهها احمر من الدموع :الحمدلله اخيرا التم شملنا
    غياث شال شنطهم :اي والله الحمدلله
    طول الطريق يضحكون ويحچون اول ما وصلم على البيت استقبلوهم عمامها و شباب العيلة محمد أعطى السچين لغياث ودج اول ذبيحه چدام صبا وغياث يعرف اخته جبانه :يلا صبا فوتي عند النسوان
    صبا راحت بسرعه جوا صبا ضمت امها وهي تبچي من الفرح :ماما واخيرا رجعت ليل
    ام غياث بفرح :الحمدلله واخيرا انتهت كل المشاكل الحمدلله
    صبا باست راس امها وسلمت على نسوان عمامها وعماتها والچناين والبنات صبا دحقت على امها :ماما وينها وين الدبدوب
    ام غياث مسكت ايد صبا :بالمطبخ
    صبا وهي تمشي مع امها :اول شئ اريد اغسل وجهي
    راحت على الحمام رمت المانطو والحجاب وهي تبچي وغسلت وجهها بماي باردة جسمها يرجف اندق الباب :صبا يا ماما انتي بخير
    صبا خذت نفس عميق وهي متوتره فتحت الباب:اي بخير
    راحت مع امها على المطبخ شافت ليل تسوي چاي
    وحسن گاعد على الطاولة ياكل مصيصه ويقر مع ليل
    :احم احم يا عميه اني چيتچ
    ليل لفت وشافت بنيه طويله بجسم حلو لبسه جينز ابيض وتيشرت سماوي ولون عيونها تركوزي حمر مثل الدم وشعرها اشگر لنص ظهرها متناثر وبشرتها حمرا واضح انها باچيه لمن گايله بس ليل توجهت له صبا فاتت وضمو بعض:عميه بيعينچ
    صبا تشهق :ليل سامحني والله العظيم الدنيا بدونچ ما تسوى
    ليل :انتي اللى سامحني
    صبا باست راس ليل: موو مصدگه انتهى كل شئ والله موو مصدگه
    ليل صارت دموعها تنزل من الفرح ما تعرف تعاتب ولا تگول شگد اشتاقتها :يا حقيرة وين رحتي وتركتني
    صبا ضمت ليل اكثر وهي تشهق:انتي اللى رحتي وهانت عليچ العشرة
    ليل :مجبورة والله مجبورة
    فات غياث وگلبيتو كلها دم شال حسن اللى متفاجئ بالدم اللى على گلبية ابو :والله ولا بفيلم هندي
    ليل ابتسمت من بين الدموع :اني بحلم ولا بعلم
    غياث قرب منها وگرصها من خصرها :اخ
    غياث صار يضحك :تاكدتي ولا لسعچ
    صبا تركت ليل وخذت حسن من غياث :حسوني ياروحي
    غياث لف ذراعو على ظهر ليل وباس راسها : فرحانه
    ليل حطت ايدها على صدر غياث وهي تتأمل عيونو الفرحانه :اي بالحيل هذي احلى مفاجئه
    غياث بعد شعرها من وجهها:الحمدلله كل اللى احبهم حولي الله لا يغير علينا
    ليل بهمس:حبيبي اشتقتلك
    دنق اكثر وهو ذايب بعطرها :موو بگد شوقي لجا
    وباس خدها صبا :احم احم ترى نحن هين
    أم غياث تضحك :ليل ماخليتي عقل براس ابني
    ليل صارت تضحك بخجل ووجهها بصدر غياث:حرام والله ما سوت شئ
    غياث يحرك ايدو على جسم بوقاحه:صح حبيبتي ما سوت شئ
    قرصة غياث من ظهرو وبعدت عنو وهي الوان :اشوفك عدمت الگلبية
    غياث :لعيون صبصب ذبحت اليوم ذبحتين
    فاتت عمة غياث على المطبخ :ام غياث الولد يريدون يفوتون الذبيح على المطبخ سويلنا طريق
    غياث :يا بنات يلا فوتن جوا
    ليل فاتت مع صبا على غرفتها :الحمدلله على سلامتچ
    صبا :الله يسلمچ شلونچ مع غيوثي
    ليل ابتسمت صح حياتها مع غياث موو مثالية ولا هي سعيدة بس يكفيها انها رجعت لابنها وحبيبها:الحمدلله ربي جبر خاطر وكل شئ صار احسن من قبل وانتي شلونچ
    صبا ابتسمت وهي تلعب حسن:الحمدلله بشوفتچ رجعت الفرحه لقلبي
    ليل وهي تستعرض گلبيتها البنفسجية بعمرها ما لبست گلبيه وهي بنت :شرايچ شلون طالعه على الگلبية
    صبا گعدت :تجننين كل شئ حلو عليچ
    ليل تدور على الملفع :تسلمين ياربي وين راح الملفع الحز غياث يرزلني
    غياث فات :على شنو ارزلچ
    ليل دحقت علي :ملفعي ضاع والناس تستنى الچاي
    غياث سكر الباب :البسي غيرو الله ما كثر الملفع
    ليل تطلع غيار لغياث :ماريد الا البنفسجي
    صبا وگفت:عندي بنفسجي الحز اجيبو
    غياث لف على صبا :صبا وانتي غيري ماريد النسوان يحچن
    صبا :تكرم عينك
    وطلعت ليل خذت الگلبية من غياث :حبيبي
    غياث يرمي قميصه الداخلي :عيون حبيبچ
    ليل تدحق علي :ليش صاير وقح هيچ
    غياث قرص خدها :اني وقح
    ليل مسكت ايدو اللى على خدها:عيب عليك والله استحي من حركاتك
    غياث قرب منها ومسكها:لا موو عيب انتي مرتي وحلالي وأم ويلادي
    ليل باست غياث وبهمس:تطيرعقلي من تگولي مرتي
    غياث بدلها :دخيل مرتي اللى اموت عليها
    ليل فاتت على المطبخ شافت محمد وواحد ثاني مع النسوان بالمطبخ :السلام عليكم
    ردو :وعليكم السلام
    محمد ابتسم لليل :هلا والله بأختي ام حسن شلونچ
    ليل وگفت بلط ام غياث : الحمدلله زينه انته شلونك
    وحده من البنات مسكت اكتوفه :تعرفينو مين
    ليل دحقت على محمد :يعني مين اكيد من الولد
    محمد صار يضحك لان ليل أنكرته:الحمدلله بخير اني محمد اكيد تتذكرن صوتي خالد هذي مرت غياث الچبيرة
    خالد :ما شاء الله والله ام حسن تستاهل صبر غياث
    محمد :يبوو لو تشوف اخوها المجنون مثقال شسوى بغياث مرمرو تمرمر ما رحمو
    ليل تشغل النار تحت القدر الچبير :لو سمحت لا تغلط على اخوي چدامي
    البنت اللى ماسكه محمد :هذي الحقيقه لو واحد غير غياث ما تحمل
    محمد لف راسه :انتي اسكتي
    خالد بخجل:محمد ما يقصد شئ شلون الأمور بين غياث و مثقال
    ام غياث بدأت تحط اللحم بالقدر :اني اتعرفت على مثقال ما شاء الله عليه زلمه محترم ومثقف وعاقل والأهم من كل هذا دمو عسل
    فاتت صبا :مين هذا العاقل ودمو عسل بس(أشرت على محمد وخالد) لا يكون واحد من هذول
    ليل ابتسمت:عمتي تحچي عن اخوي مثقال
    صبا صارت تضحك :هذا لسعو على قيد الحياة
    محمد يضحك :صبصب ترى اليوم ليل تذبحنا كل شئ ولا اخوها الغالي
    صبا طلعت كاس :ليوله ما تزعل مني
    خالد :ولي اشوفچ صايرة بطول الباب
    صبا صبت ماي : الطول هيبة وعز
    خالد :صبصب جبتي نقوطي معاچ من فرنسا
    صبا وهي لسع تشرب:اني ما انقط حدا
    خالد :الما ينقطني لا يجي على عرسي
    صبا :من زين عرسك حدا گال اني ميته على ما احضر عرسك
    محمد : وانتي يا ام حسن تنقطين خويلد ولا لا
    ليل لفت عليهم:اذا العريس منقط غياث نجي نگوم بالواجب
    خالد :اي اني نقطتو بعرس سلوى
    ليل ضلت ساكته صبا أعطت نطره لخالد وضمت ليل:الله يعين المسكينه اللى ابتلت بيك ليل شفتي هذا الشحاد اولي چان....
    *****
    وبعد ما فضو الناس فات غياث مع صينية الچاي :يعطيچن العافية
    صبا خذت الصينية :الله يعافيك راحم الشباب
    غياث :اي وين أمي
    ليل تجلي :عمتي تعبانه وراحت ترتاح
    غياث بخوف على امو:شلون تعبانه ما چان بيها شئ
    صبا تطلع چيس الزباله :ماما راجعت ومدتها توجعها
    غياث تركهن وراح على امو دق الباب :اتفضل
    فات غياث ابو نايم سكر الباب بهدوء :يوم سلامتچ اشبيچ
    ام غياث وأيدها على بطنها :ما بيا شئ اشويت تعب
    غياث گعد بلط امو ومسك ايدها :يوم وجهچ اصفر بشنو تحسين
    ام غياث :غيوثي بما انو اليوم حلو علينا اريد ابشرك بشئ
    غياث :خير ان شاء الله
    ام غياث بخجل:حبيبي اني حامل
    غياث بفرح گعد زين :بربچ حامل
    ابو غياث :يا غياث صوتك
    ام غياث حطت ايدها على إثم غياث :هوص لا يگوم علينا
    غياث بهمس:الف الف مبروك شگد صارلچ
    ام غياث : لسعني بأول شهر
    غياث بأس ايدها :الله يتمم على خير
    ام غياث :يلا روح ارتاح باچر وراك دوام
    غياث :سوسو ارتاحي ومن اليوم ما اريدچ تشتغلين ولا شغله بالبيت واذا اشتهيتي اي شئ دقي علي
    ام غياث مسكت وجه غياث :الله يخليك ليا
    وباست راسو غياث رجع لعند رجلين امو وصار يدلك رجلينها :غيوثي روح نام
    غياث :ما انام الا اسويلچ مساج
    ام غياث ابتسمت وصارت تسولف مع غياث
    ليل دورت على غياث ما لقته صبا طلعت من الحمام بالبجامه والبشكيره ملفوفه على شعرها :نعيما
    صبا ابتسمت :الله ينعم عليچ
    ليل :شفتي غياث
    صبا فتحت باب قرفتها:اكيد عند امي
    ليل :ما دامو عند عمتي اروح اغسل قبل ما يجي
    صبا :بس ينام غياث تعال نتعالل عني
    ليل :خليها لباچر لاني منتهي
    صبا صارت تضحك :ادري شگد منتهي هذا وجهي اذا نمتي
    ليل :لسعچ مثل ما انتي قليلة ادب
    صبا ضمت الباب :انتي شايفه رگبتچ ماضل حدا ما شافها يا عيب
    ليل حطت ايدها على رگبتها :لا عيب ولا حرام البارح غياث بهدلني ومسح بيا البلط عليها
    صبا صارت تضحك :چت افكر انكم مؤدبين وتستحون بس شكلي غلطانه
    ليل ابتسمت:عقبالچ
    رجع غياث على القرفه ما لقاها راح غسل بحمام امو وابو ورجع حط راسو يريد نام فاتت ليل ببرنصه وگفت چدام المرايا وحطت معطر جسم :حبيبي نمت
    غياث :اممم تقريبا
    ليل تنشف شعرها :غيوثي لا تگولي انك راح تنام وتخليني
    غياث على نفس وضعو :تعالي لحضني
    ليل گعدت بلطه دغت غياث :حبيبي الله خليك لا تنام
    غياث :هممم والله تعبان
    ليل رفعت ذراع غياث وختلت بحضنو وهي شوي تشم ريحته وشوي تبوسو وشوي تتلمس وجهه كل شئ بي حلو حضنو الدافي يسوى الدنيا واللى بيها اليوم انتهت من التعب من الصبح وهي تشتغل مع ام غياث حمدت ربها على عمتها هذي نعمه من الله ايدها وايد عمتها ابتسمت براحه لان اغلب الجمعات والضيوف ببيت ابو عبدالحميد لان بيتهم صاير بعيد برا الخفسة
    مرت ايام وحياتهم حلوه على العشا طبت سلوى عليهم :السلام عليكم
    الكل ما عدا صبا وليل :وعليكم السلام
    سلوى :الحمدلله على السلامه صبا
    صبا بدون نفس :الله يسلمچ
    سلوى ترمي عبايتها :شكلچ بالحقيقة احلى من الصور بچثير
    صبا تتأمل شكل سلوى سمرا طويله وجسمها مليان بس مهتمه بنفسها حاطه مكياج ولبسه كومة ذهب وشعرها مصبغ اشقر ولبسه جينز ازرق وقميص احمر :شكرا
    غياث دحق على سلوى وهو مبتسم :سلوى جيبي صحن ومعلقة وتعالي تعشي معنا
    سلوى ردت له الابتسامة :يلا حبيبي بس افوت غراضي
    سلوى فاتت جوا ليل گامت :سفرة دايمه
    غياث مسك ايدها :ليل ارجعي اگعدي
    ليل بحده:شبعت
    غياث بعصبية وعيونه تطلع شرار :حتى لو شبعتي اگعدي
    ابو غياث :ليل اذا تعزين اگعدي يا بنتي
    ليل رجعت گعدت جت سلوى غياث لز على ليل :صبا لزي على امي
    صبا لزت على امها سلوى كعدت بلط غياث
    غياث صارت سلوى على يمينه وليل على يسارة غياث خذا صحن سلوى وصبلها معكرونة باشميل وقربلها صحن السلطه
    ليل ما تحملت غياث من تجي سلوى يصير واحد ثاني ويتصرف كأنها موو موجودة كل اللى بينهم يطير بالهوا گامت بسرعه وفاتت جوا
    صبا جت تگوم :گملي اچلچ
    صبا وقفت :الحمدلله اني شبعت
    ولحقت ليل حولت تفتح الباب مقفول دقت الباب :ليل افتحلي
    ليل بصوت باكي وعصبيه :صبا اتركني لحالي
    صبا رجعت دقت :ليوله مشان الله افتحلي
    ليل ما ردت عليها وصوت بكاها وشهقاتها يزيد
    راحت على قرفتها وهي مقهوره جت سلوى وخرب كل شئ قبل ساعه چان غياث ما يرضى يطلعون من الغرفة يتعشون والحز بكل برود يزعلها
    غياث تعشى :سلوى سويلنا چاي
    سلوى ابتسمت وهي تلم السفرة :ابو حسن تكرم
    كل واحد راح على قرفتو صبا دقت الباب على غياث فتحتها سلوى لبسه روب ابيض وابتسمت:اهلا
    صبا بحده :غياث اطلعلي
    غياث وهو ممدد بدون قميص :فوتي
    صبا :تعال ضروري
    وراحت غياث گام بأس خد سلوى :حبيبتي اشوي وارجع
    سلوى :لا تتأخر
    لقى صبا چدام باب ليل :شبيچ
    صبا بخوف وتوتر:شوف ليل وهي تبچي صيحت وبعدين صوتها اختفى لا يكون صار بيها شئ
    غياث قرب من صبا وبهمس :ما بيها شئ چم يوم وتتعود على وجود سلوى
    صبا مسكت غياث من ايدينه :حرام عليك تقسى عليها ليل مسكينه طيب خاطرها لو بكلمه وحده
    غياث بعد عن صبا :صبا خليچ بعيده عن الموضوع نسواني واني حر بيهن لا تدخلين
    ورجع على سلوى وخذاها بالاحضان گعد غياث اذان الفجر غسل ولقى باب ليل مقفل دق عليها الباب بگل قوة فتحت الباب ووجهها مورم وبيدها چيس الزباله وطلعت برا
    غياث لسع مستغرب موو شايفه چدامها وطلعت الزباله والفراش مرتب على حاله ورجعت على الفراش وهي ترجف سكر الباب وگعد بلطها مسح على شعرها وباس راسها صح يحس بالندم على اللى صار البارح بس هو مجبور يعدل ما يريد يظلم سلوى رجع بأس راسها وهمس باذنها :ليولتي حبيبتي اسف
    بس مابي اي ردت فعل منها قرب منها اكثر نايمه گام طلع غيار واستعد لدوامو وصلى الفجر
    شاف صبا طالعه من الحمام :صباح الخير
    صبا :صباح النور
    غياث :صلي وتعالي سويلي فطور
    صبا صلاة وسوت فطور لغياث :ماراح تفطرين
    صبا وأيدها على خدها :لا
    غياث :صبا ترى مثل ما ليل مرتي سلوى مرتي وليها حق عليا
    صبا :عچل لاتضل توهم بنت الناس بشئ مالو اصل
    غياث بحده :شگلتلچ البارح ولا انتي ما تفهمين
    صبا گامت : المره الجايه راح تخسرها للأبد اصلا ما ادري شلون مثقال رجعها لواحد مثلك
    وراحت غياث ترك الفطور وطلع من البيت وهو متضيق من كلام صبا صح رجعت ليل معجزه إلى الآن ما يعرف ايش اللى غير مثقال
    غياث رجع المغرب وهو جايب معاه فواكه فات على المطبخ :مساء الخير
    سلوى وأم غياث :مساء النور
    غياث حط الأكياس :يوم اشلونچ
    ام غياث :الحمدلله بخير
    غياث :وانت يا سلوى اشلونچ
    سلوى :الحمدلله زينه
    غياث رمى القندرة چدام المطبخ وفات جوا لقى صبا تتفرج على التلفزيون وابو گاعد سلم عليهم وراح على غرفة ليل فتح الباب لقى القرفة ظلام ومقلوبه فوگ تحت راح على المطبخ وعصبيه :يوم وين ليل
    امو مسكتو :ابني لا تكبرها مثقال خذاها انته شفت شصاير بيها
    غياث لبس قندرتو :شنو ما أكبرها اني اعلمها اشلون تروح بدون ما تسألني
    ام غياث طلعت مع برى وحولت تهدي غياث بس بدون فايدة نزل ودمو فاير من تصرفها هو بشنو غلط معها حتى تزعل وتروح بيت أهلها دق الباب فتحلو شب ابيض وشعرو اسود :السلام عليكم
    الشاب :وعليكم السلام تفضل اخوي
    غياث :اني غياث
    الشب ابتسم :اهلا وسهلا ابو حسن تفضل فوت
    غياث فات وهو يشوف ويلاد بالدچه:تسلم ما عرفتك
    الشب مد ايدو لغياث :اني أمير ابن عمر
    غياث صافح أمير بحراره وفات معاه :السلام عليكم
    كل اللى بالغرفه :وعليكم السلام
    چان بالغرفه ابو ليل ومثقال وعمر وفرج ومسعود وابو ضراير وشب وگومت ويلاد ازغار
    غياث فات سلم على عمو وعلى الشباب كلهم طبعا محد خچلو لان ابوهم موجود وگعد بلط عمو مثقال صب چاي لغياث و حط الگاس چدام غياث :تفضل
    غياث ابتسم وهو يحس بخجل لانو جاي بوگت غلط :تسلم ابو جاسم
    مسعود كسر الصمت اللى طال :اشلونك خيو
    غياث دحق علي :الحمدلله بخير انته ابو قصي
    مسعود ابتسم :بشحمو ولحمو
    غياث ابتسم له وشاف حسن يلعب چدام الباب :شلونك اشلون الخليچ معاك يوال حسوني تعال هين
    حسن فات وضم غياث وهو يقر غياث رد علي بهمس وگعدو بحضنو
    ابو ليل مسح على شعر حسن :والله يا غياث ابنك خلص ما افهم منو شي
    مثقال :ما شاء الله بالحيل لسانو طلق ويفهم
    الشب اللى گاعد بلط أمير : اشگد عمرو
    غياث :صار سنتين وأربع شهور
    واحد منهم :ليش للحز محفظ و ما فطمتو
    عمر :علي ليل ما تعرف شئ وينها ووين تعلمو على الحمام
    غياث :والله ليل ناوية بس هالفترة التهينا اختي رجعت من فرنسا وكل يوم واحد من عمامي عزمنا
    مثقال :الحمدلله على سلامتها
    غياث :الله يسلمك
    فرج:سمعت انو اختك چبيره وما ترضى تجوزها
    مثقال شاف صور صبا ببيتهم وهي زغيره وبالمراهقة:لا موو چبيره زغيره
    غياث :ازغر من ليل بسنه ونص والله چثيرين ولد الحلال اللى ردوها بس هي ما تريد تجوز
    مسعود :والله معاك حق اللى يعيش برا صعب علي يعيش هين
    غياث ابتسم غصب لازم يجاريهم لخاطر ليل :هي بسيطه ومتوضعه بس ما گام النصيب
    فرج :والله اني ما توقعت ابدا ليل ترضى تعيش مع عمامها
    مثقال دحق على فرج :عادي مثلها مثل غيرها اصلا ضرتها معها بنفس البيت
    ليل فاتت وهي شايلة كاست ماي :شفتم حسن وين راح
    لمحت غياث وبحضنو حسن
    مثقال شاف ليل انقلب حالها فوك جوى فلطف الجو وهو يضحك :من يلقى ابو يتبرى منچ
    ليل :ليش جيت
    غياث يمسح لحسن :تهيري مشان نروح
    ابو ليل حط ايدو على كتف غياث :وين تروحون اليوم خميس نتعشى ونتعالل وبعدين روحم
    مثقال :أسمعت ابوي گال ما تروحون وبعدين ليل لسع ما شافت الشباب
    ليل فاتت جوا وگعدت بين عمر ومسعود :ابو محمود هذا الدوا
    خذا منها الماي :شكلو موو غريب عني
    ليل :اولي ابوي چان ياخذو
    مسعود :يولي ليل لا يكون منتهي مدتو
    عمر خذا الدوا
    أمير :يابه لا تأخذو هذي عمتي عقلها طاير لا يصير بيك شئ يا لطيف ما ادري شگد عندهم أدوية بهل بيت
    ليل عصبت :والله محد غيرك عقلو طاير اذا تريد نعطيك من الأدوية
    أمير :لا حبيبتي الله لا يعيزنا للأدوية
    فرج :ليل ايمت اخر مره عزلتي بيها الأدوية
    امير قبل ما ترد ليل :ليل البيت مي معزلتو مشان تعزل الأدوية
    غياث :يوال حدك عاد ليل سبعه وما شفت حدا بنظافتها
    مثقال :الكل يشهد لام حسن
    عمر همس بإذن ليل ردت علي بهمس
    ابوها وهو يرقب همسهم :ليل شبي اخوچ
    ليل :ضرسو يوجعو اني دكتور الأسنان وصفلي هذا الحب وبالحيل ارتحت علي
    أمير يضحك :يولي انتي خرده اشلعي ضروسچ الهريانه وريحي عمي من الدفع
    مثقال :يوال ترى اگوم عليك واعلمك مين الخرده
    أمير ختل ورا علي : خلاص التوبة اسحب كلامي
    الضحك تعالى بالقرفه على أمير اللى من يشوف ليل يضل يناقرها ويتكون معها
    ليل ابتسمت :جبان خليك عند كلمتك
    على فقد ابنو اللى چان بلط أمير :أمير محمد وين راح
    أمير :عمي محمد عمتي اسماء دزتو على الدكان
    مثقال بصوت هاي :اشبيك
    غياث :مابي شئ
    مثقال :كانك موو مار على البيت
    غياث :وديت غراض وجيت على طول شنو مناسبة هل لمه
    مثقال :علي جا من منبج مع نسوان يشوف مسعود وامير رجع البارح من الشام فلتمينا موو نقص علينا الا عيلة عبدالله
    مثقال أشر لليل :ليل تعالي صبي چاي
    ليل صبت چاي ليهم
    وبعد اشوي مدت العشا مع نسوان اخوتها اللى سلمو على غياث وبعد العشا غياث عند المغسلة :ليل تهيري
    ليل قربت منو ويهمس :انته روح اني اريد ابات هين
    غياث مسك ايد ليل وطلع برا ليل بعصبية :اووف اشبك تجرني ترى اعرف امشي ماني بهيمه عندي رجلين
    غياث مسكها من عضودها وبعصبية وهو يحول يكتم صوته :انتي اللى شبيچ انتي شلون تطلعين من البيت بدون علمي
    ليل بهمس :غياث عيفني لا تفضحنا بين اهلي وروح
    غياث عصب اكثر من گالت تفضحنا بين اهلي :ولي #### اني موو طرطور عندچ وعند اللى خلفوچ ترجعين على بيتچ غصبن عنچ
    ليل بعصبية دفشت غياث :ما اروح الا بكيفي
    غياث مسك شعرها :ملعون ابو العشگ.....
    اما عند مثقال فات واحد من ويلاد علي :عمي عمي تعال شوف رجل عمتي ليل معصب عليها وگاعدين يتكوننون
    مثقال گام وطلع ليل تضرب غياث على صدور:انته واحد حقير وساقط اذا تركتك على راحتك معاها هذا ما يعني اني راضيه (خذت نفس بصعوبه) ليش ما تحس بيا اني گاعده اموت
    مثقال بصوت عالي :ليل
    بعدت عن غياث وحطت ايدينا على رأسها تحول تتنفس
    مثقال وگف چدام غياث :شصاير هين
    غياث صد بضيق :موو صاير شئ تهيري
    مثقال بعصبيه كلهم طلعم يشوفون شصاير :اشبي ما تعرفون تحلون مشاكلكم باحترام ببيتكم اذا هي ما تفهم انته يا فهمان ماتعرف تصبر لبيتكم
    غياث انفجر وصاربعصبيه طلع كل شئ بگلبو :حجتك عاد بكل شئ اني الغلطان بس هذي المره اني موو غلطان اختك هي الغلطانه اني ما گصرت معها بشي شايلها بعيوني وادريها اكثر ما ادري ابني واتغضى عن اخطاها اگول ما عليش لسعها زغيره يوال اني بشنو اغلطت اذا گعدت مرتي بلطي على العشا وعبتلها صحنها من البارح قفلت الباب على حالها وما سألت عن ابنها گلت ما عليش مع الايام تتعود بس انها تطلع من البيت بدون علمي ما اسمحلها وفوگها بگوت عين ماتفعل ترجع على بيتها وما تحترمني وتمد ايدها
    ليل بعصبية وصياح :اي ما راح ارجع الا بكيفي واراح اطلع بكيفي انته مالك كلمه علي (دفشت غياث مثقال لف مسك ليل )عيفني خلي يولي لعندها ويشبع بيها صفاله الجو يلا يا حقير فارگنا
    محمد فات ومسك ليل مع مثقال بعدها عن مكان غياث وهي تصيح عليهم
    مثقال مسك غياث اللى موو مستوعب اللى يصير معقوله هيچ تهينه چدام أهلها وين أخلاقها واحترامها له :محمد فوتها جوا
    طلع مع غياث غياث أعطى مثقال ظهرو وأيده اليمين على خصره واليسار شد بيها شعرو لورا :شفت اختك شسوت بيا والله العظيم لو ما چنت ضيف ببيتكم چنت حسبت الله ما خلقها
    مثقال بهدوء :صلي على النبي وخليني افهمك
    بعد عشر دقايق طلع علي عليهم مثقال :يلا فوت
    غياث :ما اريد افوت خليها تطلع
    علي :ابني النسوان كلها هيچ من تغار المرأة تنعمى عيونها
    غياث طفى الزقارة :ابو محمد لا تشغل بالك اني مراعيها ومطول بالي عليها
    علي :خليها اليوم ترتاح وباچر اني اجيبها لك
    غياث حط ايدو على راسو:على راسي بس ما أريدها تتعود على الحردان
    مثقال وعلي اصرو بالحيل على غياث انها تبات ووافق لان علي زلمه چبير واستحا يخجله مثقال :اصبر مشان تاخذ حسن معاك
    غياث مسح وجهه :خلي معها
    مثقال :لا خذو معاك نور گول لأمير يجيب حسن
    نور :يلا عمي
    راح غياث فات مثقال :وين ليل
    محمد واگف بالممر وأم محمد وخالتو مرت ابو ومها :لسعها بالحمام
    مثقال دق الباب :ليل افتحي الباب ليل
    أمير دق الباب :ترى الزلمه راح
    مثقال :ليل والله افشل الباب يلا افتحي
    ضل يترجى ليل حتى
    فتحت الباب مثقال مسكها وطلعها مد المفتاح لمحمد :افتحلى الباب
    محمد فتح الباب مثقال قعد ليل ومسح وجهها بالمحارم :اطلعم برا
    محمد :مثقال اجيبها ماي
    مثقال فتح السكرتون :اي جيبلها
    سكر الباب وأعطى ليل قميص :تگدرين تلبسين
    ليل مسكت القميص
    مثقال اعطها ظهرو رمت قميصها الوصخ ولبست النظيف مثقال فرش لليل فراشها محمد فات :هذي الماي :حطها واطلع
    مثقال مد الحبات لليل مع الماي ليل بعدت ايد مثقال
    مثقال مسح على شعرها :بس هذي المره مشان تنامين
    ليل نزلت راسها وحنت ظهرها :ما ما اني انام لحالي
    مثقال ترك الماي وگومها :يلا يا روحي
    شغل المكيف ضلع معها لحد ما نامت ثاني يوم ليل گعدت الفجر شربت ماي وطلعت برا لقت محمد وأمير گاعدين يشربون چاي ويدخنون :ليل
    ليل گعدت معاهم على الحصيرة أمير لمس خدها :اشلون صرتي
    ليل بضيق :الحمدلله
    محمد :يبوو يا ليل البارح خوفتي الزلمه شكلو ماعاد يرجع
    أمير شاف ليل ضلت ساكته :مشان ايش زعلچ
    ليل :اسكتم
    محمد مد الزقارة لليل :تشربين
    ليل ببرود بعدت ايدو:لا
    أمير :عادي جربي والله ما نعلم حدا
    محمد :والله ما نعلم
    ليل :خذا حسن
    محمد :ابوي گال مثقال أصر علي ياخذ حسن
    ليل :اووف
    أمير :سلامة قلبچ من الاوف
    گعدم يحچون معها ويمزحون وصبولها چاي
    طلع مثقال الساعه سته :ليل
    ليل لفت علي :هذول السرسرية شگعدچ معهم
    أمير بمزح :تعال شوف اختك علمنها تدخن
    مثقال گوم ليل اللى النفاضه چدامها مليانه:يوال انضب ليل ما تدخن يلا تعالي البسي مشان نروح
    ليل تحول تبعد :ماريد اروح
    مثقال وهو لسع مسكها :لزم نروح
    والساعة اربع العصر دق على غياث :الو السلام عليكم
    غياث :وعليكم السلام
    مثقال :اني برا تعال افتحلي
    سكر :ليل اذا تريدين رضاي اعقلي ولا تضغطين على حالچ
    ليل جرت الحسرة :ما اتحمل
    غياث فتحلهم مثقال نزل ونزلها وهو شايل چنطتها وجيس الصيدلية غياث مسك ليل بخوف :اشبها
    مثقال :ما بيها شئ تعبانه
    غياث مسك ليل زين :ليش ما دقيت على شبيها شصار
    مثقال يمشي معهم : ما بيها شئ
    غياث گعد ليل بالصالون ابو غياث وگف :بسم الله اشبيها المره
    مثقال سلام على ابو غياث وگال له وگعد
    غياث فتح حجابها :ليوله انتي بخير
    ليل يلا طلع صوتها :اريد ماي عطشانه
    غياث بأس راس ليل وراح يجيب ماي
    جت ام غياث انصدمة سلمت على مثقال وگعدت بلط ليل خذت الماي من غياث وشربتها
    مثقال گل لهم سبب روحت ليل للمستشفى وقف ووگرز عند ليل مسك ايدها :صار لزم اروح تريدين شئ
    ليل حركت راسها وعيونها تدمع:دق علي بس تفضى
    مثقال ابتسم :تكرمي بس خليها بعد العشاء انتضمي على الأدوية وارتاحي
    ليل :ان شاء الله
    مثقال مسح دموعها وبأس ايدها واستأذن طلع مع غياث بعد ربع ساعه فات غياث ما لقى الا ابو بالصالون :وينها
    ابو غياث وهو يقلب بالقنوات :راحت على غرفتها
    غياث فات ولقى امو صبا مسويات تحقيق مع ليل
    وحسن متمدد فوگها
    غياث :شگاعدين تسون صبا يلا برا ليل لزم تنام
    ام غياث :شگالك مثقال
    غياث :بعدين
    ام غياث :ما اسويها شئ تاكلو
    غياث :لا متغدية برا
    غياث طلعهم كلهم بس حسن ما رضا يطلع وفتح چيس الأدوية العلب كلهن بدون نشرة طبية غياث باستغراب :ليولتي وين النشرة
    ليل وگفت وخذت الچيس حطتو بالزبالة غياث بصدمه :ليش
    ليل طلعت دشداشة وداخلي وبشكيرة :لا تدخل واذا گلت لمثقال اني ما خذيتها ياويلك
    غياث :اهدي وخلينا نتفاهم
    ليل رمت علي علبة المحارم :اسكت مابي شئ نتفاهم علي
    وطلعت غياث لحقها رغم أنها هي الغلطانه بس هو يحس بالذنب ما يقدر على زعلها :ليل والله اسف صدقيني ما اعيدها
    ليل فاتت على الحمام بدون ما ترد علي ضل ساعه يستنها صبا جابت عصير لقا الباب مفتوح فاتت :وين ليل
    غياث يلعب مع حسن :راحت تغسل
    صبا حطت الصينية وگعت :باللهي شصير مع ليل
    غياث :صبا اطلعي برا ليل لزم ترتاح
    فاتت ليل صبا ابتسمت :نعيما
    ليل گعدت وخذت نفس عميق :الله ينعم عليج
    صبا مسكت الكأس: سويتلچ عصير برتقال
    ليل دحقت على غياث بانكسار:بعدين
    غياث مسك فك ليل :چنتي تبچين
    ليل صدت عنو وهي تحس العبرة خنقتها :تگدر تطلع برا
    انتهى الفصل توقعاتكم
  6. زينة الزينات
    22-04-2019, 10:59 PM

    رد: ليل الخفسه

    ليل الخفسه


    الفصل الخامس عشر لو انته ما حبيتني
    رفض تماما انه يطلع
    ليل هي تعبانه وشافت مابي فايدة ما راح يطلع وگفت :صبا تعالي نروح على قرفتچ
    صبا وگفت وشالت حسن :اي والله احسن شئ
    غياث :والدوا
    ليل ما ردت  وطلعت
    غياث نقهر من حركة ليل طلع العلب من السلة وهو يشوف اسعرهن استغرب الموضوع  دق على مثقال ورد علي :الو
    غياث :يوال اختك كبت الأدوية بالزبالة وتگول مالي دخل وياويلي منها اذا گلتلك شقصه فهمني
    مثقال مسح وجهه :هل مجنونه لا تگب الأدوية خليهن عندك واني اتفاهم معها
    غياث :هذي أدوية ايش ما معاهن نشرات ولا مكتوب عليهن
    مثقال حك لحيتو:فاتح شهية ومكملات غذائية اني كبيت النشرات لان ليل اذا شافت النشرات راح تگول مالهن داعي وليش اشتريتهن
    غياث :انته شايف سعر الأدوية ليش كلفت على حالك
    مثقال :موو بينا هذا الحچي اهم شئ عندي صحة ليل
    غياث :طيب اسمعني....
    *****
    غياث لبس وتعطر ومر على غرفة صبا سمع ليل :مثقال أصر نروح وخذاني غصبن عني وجعني راسي من كثر ما گر الدكتور
    صبا تضحك :لهذي الدرجه مثقال يخاف عليچ
    ليل :وأكثر مما تتصورين
    فات غياث عليهن وعطرو طغى على القرفه شاف ليل متمدده وقميصها الوردي مرتفع وسيقانها طالعه وشعرها الرطب نازل من التخت على الأرض:ليل
    ليل دحقت على وهي متمدده وصبا تاكل مع حسن شبس:خير
    غياث :اني رايح اتعالل عند مثقال
    صبا:شيوديك على مثقال فوت اتعالل معنا
    غياث تكى على الباب :لا ما اريد ليل تريدين مني شئ
    ليل دحقت على غياث :راح تتأخر
    غياث :على حسب  الجو
    ليل تعدلت:وديني على داري
    غياث مد ايدو لليل :اوكي شلون صرتي
    ليل مسكت ايدو ووقفت صبا:ليوله ما جعتي 
    ليل :لا موو جوعانه
    غياث شال ليل :عينچ على حسوني
    حسن جا عند غياث وهو فاتح ايدينه ورافع راسه:بابا واني هوبا
    غياث :صبصب لعبي حسوني واعطي اچلت طيبة
    صبا شالت حسن :حسوني بعيوني
    غياث طلع وحسن صار يبچي ليل لفت راسها :نزلني حسن يبچي
    غياث سكر بالباب برجلو :خلي حسن يولي
    نزل ليل على السرير :تريدين تنامين
    ليل صدت عن غياث :اي
    غياث بأس خدها :اشتقتلچ البيت بدونك ما يسوى
    ليل ضلت ساكته شترد علي صح هي اشتقت على وما تقدر تعيش بدونه بس هو جرحها وحطاها بموقف محرج چدام أهلها وشمت العقربات بيها
    غياث تمدد وراها وضمها ليل نامت على طول من التعب
    *****
    ليل فتحت عيونها وشافت غياث ابتسم :اشبعتي نوم
    ليل دفنت وجهها بصدر وهي تحس بالخجل توقعت يكون زعلان منها لأنها ما أعطته وجه غياث لعب بشعرها وبحنان:شبي الحلو ما يرد علينا
    ليل رفعت راسها اشوي وبنعومه :لا ما اشبعت اشوفك ما رحت
    غياث لمس خدها :ما اگدر اروح (ابتسم) يابو شگد مشتاق لام حسوني  وباس راسها ليل بعد سكوت وغياث لسع يلعب بشعرها رفعت راسها :غياث جوعانه
    غياث :يخسى الجوع گومي ناكل
    ليل تعدلت غياث تعدل معها  راحت مع غياث على المطبخ فتح البراد فتح الجدرية :بي شوربة عدس ومقالي
    ليل تشرب ماي :ماحبها
    غياث سكر البراد :تاكلين باستا
    ليل گعدت :اي اكل
    غياث طلع جدرية وشغل غلية الماي :تعالي اختاري الشكل
    ليل تجمع شعرها:سباغيتي
    غياث طلع المعكرونه الطويلة :شنو موو ناوية تساعديني
    ليل ضلت ساكته غياث حط مقلية المعكرونه چدام ليل وطلع شوكتين گعد واعطها الشوكه :راح تاكلين اصابعچ وراها
    ليل :نشوف
    سمت بالله وصارت تاكل مع غياث :شنو حطيت عليها
    غياث :ما اعلمچ
    ليل تحول تستطعم لتعرف شنو النكهه :لا تعلم بس بيها نكهه غريبة
    غياث يلف شوكته :نكهه غريبة
    ليل تاكل :اي غريبة
    غياث شرب من كأس ليل :حبيتيها ولا لا
    ليل ابتسمت:والله طيبه يعطيك العافيه
    غياث :شسوي بعطيك العافية البطرانه معشيها أطيب عشا وتگولي يعطيك العافية
    ليل صارت تضحك ووجهها تلون:شگولك
    غياث قرب من ليل وهمس باذنها ليل مسكت الكأس وشربت وهي مغلسه
    غياث سوا چاي ورجعم على قرفتهم ضل يسولف مع ليل ويمزح معها لحد ما ذوب الثلج
    ثاني يوم طلعت من الحمام مع غياث وشفتهم صبا واعطتهم نظره غياث استغرب منها هذي اشبيها وتدحق علينا هيچ:خير
    صبا بحده :الخير بوجهك ساعه بالحمام
    غياث :چنت رحتي على حمام سلوى
    صبا ما ردت وفاتت على الحمام 
    فات عليها  چانت لبسه فستان بيج مخصر بدون اكمام  وتحتو بادي اسود لان غياث ما يخليها تلبس عاري ضمها من ورا وباس خدها :آه حبيبي يا جمالو
    وصار يتمادى وهو يتغزل بيها ليل : حبيبي الفستان طالع حلو مع البدي ولا لا
    غياث ابتسم وهو يتأمل ليل بالمرايا :يجنن عليچ انتي كل شئ تلبسينو يلبقلچ
    ليل مسكت ايد غياث وبمزح:نشاطك اليوم عجيب  كل هالگد مشتاقلي
    غياث مسك فكها وهو يقرص خصره :انتي صايره وگحه وتريدين تأديب
    ليل :آآه حرام عليك ما سويت شيا
    غياث قرب وهمس باذنها :ليولتي الحلوه إذا ما تعقلين وتبطلين وقاحه اصير واحد ثاني
    ليل لفت علي وهي ماده بوزها وبطفوله :اني مؤدبة وموو وگحه
    غياث صار يضحك اسلوبها الطفولي حلو ولبق لها:يبوو بس لا زعلت بنيتي الحلوه مني
    ليل فتحت السكرتون تطلع غيار لغياث :لا ليش ازعل تعودت بيومها تصير واحد ثاني
    غياث اخذ الهدوم الداخلية اللى طلعتها :اصير واحد ثاني تجنبا للمشاكل والغيرة
    ليل طلعت دشداشة السكرية :زين والله يوم بزلمه ويوم بدون زلمه
    غياث صار داخله صراع صح معاها حق هو جرب الوحده بالليل بس هو مجبور يعدل بيهن مل قدر الا يگول :حبيبتي محتاجه شي
    ليل أعطته الدشداشه وشالت البرنص ردت ببرود ما تريد تذل وتدني نفسها اكثر يكفي تنازلات :لا حبيبي حياتي موو مبنيه عليك اذا جيت اهلا وسهلا احطك بعيوني وما اقصر معك بواجباتي
    غياث مسك راسها وباس حبينها :يسلملي العقل ويلوموني بحبچ ما يدرون انچ نبض گلبي  حبيبتي لانچ معاي صرت اسعد زلمه بالعالم 
    ليل ضمت غياث بدلها الضمه وهو يبوس براسها بس أستوعب انها تبچي اووف ما أصعبها علي مع انو بدورها يكونوا مبسوطين وذايبين ببعض بس احيانا بدون سابق إنذار تبچي حتى بدون سبب شداها اكثر لوا :بس لو اعرف ليش تبچين
    ليل بصوت باكي :لاني احبك
    غياث يمسح على شعرها وهو يضحك :للمره المليون تعيدين نفس السبب فديت ابو الاحساس المرهف
    ليل رفعت راسها :لا تضحك
    غياث رفع ايدو وصار يمسح دموعها :يوم لخاطر عيونچ راح أضل عنچ للعصر
    ليل تحول تستوعب لان من يگعد من النوم ينثبر بالصالون :هااا
    غياث ضرب خدها بنعومه:وجعااا
    ليل :تمزح صح
    غياث رجع يضحك على هبلها :لا يكون ما تريديني
    ليل باندفعا باست غياث
    غياث بعد :جوالچ
    ليل طلعت الجوال من الچنطه وگعدت :الو
    :احلى الو صباح الخير
    وگف چدام المرايا يتعطر وينشط وهو يدحق على ليل اشلون خافت من اخوها  بس تقول اي اي وتهز براسها وصوت مثقال يلعلع وهي ميته من الخوف
    سكرت قامت بسرعه على الزباله :وينو وين راح
    غياث يتفرج بصمت :غياث وينو
    غياث ببرود:مين هذا
    ليل تفتح السحابة :الدوا وين حطيت انته يا ربي اليوم يذبحني
    غياث صار يضحك عليها من قلبو طلع الچيس واعطاها
    ليل طيرا خذتو راحت على المطبخ  فاتت على المطبخ لقت عمتها وصبا يطبخون وحسن ياكل موز :صباح الخير
    وگرزت وصارت تبوس بحسن وتحچي معه
    ردو :صباح النور
    صبا :ما شاء الله ليله وحده بحضن ابو حسن تخليها مثل الحصان
    ام غياث ابتسمت :ليوله اشلون صرتي
    ليل اكلت من موزة حسن :الحمدلله صرت زينه
    صبا تقطع بندوره :شلون ليلتكم
    ليل صبت ماي وينذاله :لسعچ بنيه عيب تعرفين
    ام غياث تقلب الطبخه :بس موو بنتي ما تعرف
    ليل تبلع الحب صبا :يوم ترى الاستشارة صارت بخمسمية والحجز قبل بيوم
    ليل فتحت البراد:شنو سمعنه استشارة بخمسمية
    صبا :حبيبتي ماضل شئ ببلاش
    ليل وهي تحط فطور :الحمدلله مفتوح ليا افضل خط الاستشارة مجانا
    فاتت سلوى :بس لاتكون عمتي هي اللى تستشرينها
    كملت الفطور بدون ما ترد ام غياث :خلصتي تنظيف قرفتچ
    سلوى گعدت بلط حسن ولمست شعرو :اي خلصتها يوال فلتان شمسوي بحالك
    ليل شالت حسن :لا تگربين من ابني
    سلوى :ترى ما اكلو
    ليل وقفت حسن عندها ام غياث :ليل غياث گاعد ولا نايم
    ليل :گاعد
    سلوى لفت على صبا:صبا حلو فستانچ
    صبا :تسلمين هذا هدية من عمتي فاطمه
    سلوى :يمكنها حاطه عينها عليچ
    ام غياث : خوات ابو حسن كلهن يحبن صبا
    صبا صارت تضحك :يعني كل اللى اهدوني يريدوني
    ام غياث لفت عليهن :بما انو گلچن هين  راح اگوللچن خبر
    صبا :شتگولينا
    ام غياث :اني حامل
    سلوى مثل الماي الباردة وانكبت عليها هي محرمه وأم غياث مره چبيره وحامل
    صبا ضمت امها بفرح :ماما مبرووك
    ام غياث باست صبا:الله يبارك بعمرچ واشوفچ بالثوب الابيض
    ليل قربت وباست راس ام غياث :الف الف مبروك الله يتمم عليچ
    ام غياث ضمت ليل :الله يبارك بيچ وعقبالچ
    ليل وعيونها تلمع :الله كريم اكيد غيوثي فرحان
    ام غياث انتبهت ان سلوى راحت :نحن ما فكرنا بالحمل الا لان غياث بالحيل مصر احبل
    صبا :هههههههه راح تجددون الحب وشبابكم
    ليل أعطت حسن الخبز و شالت الفطور :عاديه اني الحز ولد اخوتي گدي اني وياهم بالحيل أصدقاء
    صبا :ماما إذا بنوته اني اسميها
    ليل :يولي بس تگوم عمتي بخير وسلامه نختار الاسم
    صبا :أن شاء الله
    ليل :يلا حسوني نروح نفطر مع بابا
    حسن لحقها مع الخبز
    فاتت على القرفة لقت غياث يحچي بالجوال فرنسي
    ليل خذت حسن غسلت وجهو ويدينو وجابتو :وين غطيتي
    ليل بفرح :مبروك على حمل عمتي
    غياث فتح الخبز :الله يبارك بعمرچ الفال لجا
    ليل باست راس غياث :ان شاء الله الله يتمم الفرحه علينا غياث ابتسم لها:آمين
    ليل ضلت بالغرفه مع غياث وحسن لساعه اربعه العصر  وهما يضحكون ويلعبون اول مره تحس ان غياث مستعد يسوي اي شي مشان يرضيها
    اندق الباب حسن :مين مين
    ام غياث :حسوني هاي اني
    حسن سحب ليل :دومي امي جت
    ليل گامت وفتحت الباب :يا هلا وغلا عمه تفضلي
    ام غياث فاتت وگعدت:موو ناوين تطلعون اليوم تشوفونه نشوفكم
    ليل رجعت على مكانها :اعذريني اليوم غيوثي بس ليا ممنوع يطلع  قبل المغرب
    غياث ضم ليل :حبيبتي كلي لجا موو بس اليوم
    ليل مسكت ايد غياث : عمه شگد صارلچ
    ام غياث :شهر
    ليل :ما شاء الله موو لزم تروحين على الدكتورة تتابعين الحمل
    ام غياث :اي والله لزم اروح 
    غياث :لزم المتابعه
    ليل :اي لزم اني الولادة تعسرت عليا لاني ما تبعت  وراد الدكتور يقرر قيصريه
    غياث بصدمه :ولدچ دكتور
    ليل ابتسمت له :دكتور ولا دكتوره وين المشكلة
    غياث رفع ايدو يريد يسطرها ليل مسكت ايدو وهي تضحك :امزح معك الدكتوره استشارات استشاري بحالتي وگال لها اذا ما جابت خلال اربع ساعات تدخلونها على العمليات
    غياث ارتاح لان ما يتقبل فكرة مرتو انكشفت على رجال ثاني :انا چنت اريد ادز امي تاخذچ بس مثقال رفض
    ليل ابتسمت :موو مشكله الحمدلله صحة حسن زينه الدكتوره گالت ان وزن حسن سته كيلو
    ام غياث :ما شاء الله تبارك الله
    غياث ابتسم :يولي شچنتي تاكلين وانتي حامل حتى يصير وزنو سته كيلو
    ليل تضحك :اذكر الله مثقال يگول لا تگولين لحدا
    غياث ذكر الله ليل :تخيل على طول جوعانه اكل الأخضر واليابس
    ام غياث :ما تراجعين
    ليل :ليش ارجع
    غياث يبو هذي ليل رغم أنها شخصيه حلوه وذكية الا انها ببعض الأمور اللى تخص النسوان تنبل معلوماتها صفر :امي من النوع اللى تراجع اول شهور الحمل وتضعف
    ليل :أبشع شئ بالعالم الاستفراغ يععع
    ام غياث تلعب حسن :اي والله ليل بي جماعه عندهم بنات تروحين نزورهم باچر
    ليل :اي نروح
    غياث :دقي على مثقال يفرغ حاله وياخذك
    ام غياث تدحق على العباية اللى جت بيها البارح :حلوه عبايتچ
    ليل ابتسمت :عيونچ الحلوه مقدمه
    ام غياث ابتسمت :لا حبيبتي تهرينها بالهنا
    غياث بفضول :كأنها جديدة
    ليل :اي جديدة مسعود جابليها من الإمارات حتين جاب لعبه لحسوني
    غياث :ما شاء الله مسعود دمو خفيف
    ليل :مسعود گلبو نضيف وما يتدخل بخصوصيات حدا

    *******
    ومشت الايام كل كم يوم ليل وأم غياث يخذهن مثقال يشوفون بنت بس ليل موو عاجبها ولا وحده هذي طويله وهذي سمينه وهذي عود وهذي بشعه وهذي امها گويه وهذي جاهلة وهذي چبيره وهذي زغيره وهذي فلتانه طبعا غياث عود ليل تگعد بوجود سلوى وهو يگعد بعيد عنهن بين امو وابو حتى يجنب الغيرة والمشاكل معاهن وهما گاعدين يسهرون دق جوال غياث گام وطلع برى ورجع مع أكياس هداية وصندوق خشب سلوى :شنو هذا اللى معاك
    غياث :اليوم يوم الام
    صبا بفرح :جبتلي هدية
    غياث أعطى ليل الأكياس وگعد بين امو وابو :ما چبت لحدا هذنا من مثقال
    ليل فتحت اول بطاقه مكتوب بيها بخط الرقعه عبارة عن الام وتحت العبارة عمتي ام غياث كل عام وانتي بخير
    صبا صفرت :الله حركات
    ليل أعطت عمتها :عمه خذي هذي لجا
    ام غياث خذتها:يعطي العافية ليش عذب حالو
    ليل باست خد ام غياث :ولو عمه انتي تستاهلين كل خير  خذت الصندوق من ايد غياث وراحت على قرفتها
    صبا نطت لعند امها :يوم شوفي مثقال شكتبلچ بخطه
    ام غياث مسكت البطاقة صبا فتحت الكيس حتى تعرف شنو الهدية ام غياث اعطت ابو غياث  :يالله شگدو ذوق ومحترم
    صبا طلعت كتابين ولوحين شوكلاطه ومسبح ازرق شكلو بالحيل غريب 
    صبا رفعت المسباح :غياث بالله عمرك شفت هيچ مسباح
    غياث خذا المسباح من صبا :لا ما شفت ما شاء الله اللون يجنن
    ابو غياث يدحق على المسباح :هات اشوف
    ابو غياث شغل كشاف جواله وحطه على المسباح :هذا المسباح عقيق
    سلوى مدت ايدها :عمي اعطيني اشوفو
    غياث تركهم  وراح لقرفة ليل لان الصبح متكونه معه فات لقى ليل كاعدة وقالبه وجهها غياث گعد نواتها :امي بالحيل عجبتها الهدية
    ليل تمرر اصابعها على نقوش اللى بالصندوق :شنو جابلها
    غياث :كتابين و شوكولاتة ومسباح عقيق ما شاء الله خط مثقال بالحيل حلو شبي الصندوق
    فتحت الصندوق وطلعت مكحله :لأمي وهذي مكحلتها
    غياث تمدد:اتذكر عند حبابتي وحده مثلها
    ليل گعدت فوگ غياث :احلف
    غياث ضرب ليل بخفه على خدها:شنو احلف يا بنيه استحي
    ليل مسكت ايدينه الاثنين وثبتتهم على السرير
    غياث صار يضحك :انتي مره موو مصليه على النبي
    ليل بنبره غريبه:عليه افضل الصلاة والسلام
    غياث ضل ساكت ما يريدها تعصب وتبچي مثل الصبح شاف انها مطوله :اي وبعدين
    ليل :ولا كلمه يا نذل البارح من فتت ع البيت رحت عندها ولا كأنك وعدتني تصير عاقل
    غياث مسك حاله لا يضحك :ليولتي الحلوه البارح دورها وچنت تعبان
    ليل دنقت على وبهمس:هيچ يعني
    غياث صار يضحك لان خلاص ما عاد يقدر يسيطر على نفسه :اي هيچ لا تصيرين غيوره
    ليل عصبت :تخسى هالزرگه اني ما اغار منها ولا شايفتها
    غياث تضايق من شعرها اللى نازل عليه:حبيبتي ما دام م
    ليل قطعته :الله ياخذ الساعه اللى صرت بيها حبيبتك
    غياث دحق بعيونها بكل براءه :يلا عاد فضيها تراني تعبان
    ليل گامت من فوگ غياث :ما افضها
    غياث تعدل :تعالي هين وين رايحه
    ليل فتحت الباب :مالك دخل بيا
    غياث گام راح لغرفة صبا موو موجوده والحمام ما بي حدا شاف الصاله موو موجوده راح على المطبخ الباب مردود طلع  شاف ليل گاعدة وكتوفها تهتز اكيد گعده تبچي دنق عليها وضمها وبأس خدها بقوة:اشبي حبيبي الحلو زعلان 
    ليل بصوت مبحوح:غياث عيفني والله اتعبت منك
    غياث :ما اعيفچ الا تگوللي اني بشنو متعبچ
    ضلت بچي بصمت
    غياث :يلا گولي
    ليل مسحت دموعها :شگول بالحالتين راح أضل اكل بنفسي واتعذب خلاص اعتقني
    غياث ما فهم حچي ليل :شلون تاكلين بنفسچ وتتعذبين فهميني حتى اسوي اللى تريدينو
    ليل تحول تمسك دموعها :ماريد شيا صار الوضع عادي لا تشيل هم اني خلاص من زمان تعودت وحق الله ما عاد تفرق معاي  
    غياث ضرب راسها بخفه:انتي ليش ما تشغلين هذا المصدي هبولتي اني رحت على طول لعندها مشان انام لاني بي وحده وگحه مسهرتني لصبح وخلتني اروح على الدوام بدون ما انام
    ليل دموعها رجعت تنزل مسكت ايده:انته تدري اني ما اتحمل يمر يومي بدونك غياث ما چنت ادري اني راح اعيش هيچ عيشه( شهقت) طول نهارك برا البيت بيوم اشوفك واشبع منك وبيوم انحرم منك واضل لحالي  
    غياث سحب الكرسي وگعد بلطها مسك وجهها :طيب اسمعيني وخلينا نتفاهم
    ليل مسكت ايدينه وهي تبوس ايدينه وتحچي:ماريد اسمعك حبيبي لا تحرمني منك والله امووت بدونك اليوم اللى ما اشوف بي گلبي يوگف ما يدگ
    غياث ابتسم :بسم الله عليچ ان شاء الله يومي قبل يومچ
    ليل بعيونها تتوسله :اذا تحبني ليش تعذبني وتبعدني عنك
    غياث جر راسها لصدره وباس راسها:اذا موو ناوية تفضينها اروح انام عندها واخليچ لحالچ
    ضمت غياث بقوة :والله اذبحك اذا تسويها بيا
    غياث صار يضحك وهو يلعب بشعرها مر الوگت وليل وغياث ذايبن ببعض غزل وضحك:عادي اگعد معاكم
    غياث خذ نفس هذي شجابها الله يستر ليل ضلت ضامه ذراعه وراسها على كتفه شد على ايدها بمعنى لا تگومين :يا هلا سلوى تفضلي
    سحبت كرسي وگعدت ليل تدحق على سلوى نفسها تگوم تذبحها بس بهذي اللحضه من مصلحتها تضل گاعده  :حبيبي الساعه شگد
    سلوى ردت على ليل قبل غياث :الساعه صارت اثناعشر الجو حلو اليوم
    غياث تنهد :اي والله حلو
    ليل حركت راسها بنعومه على كتفو:لا موو حلو البارح الجو چان احلى
    غياث ضل الكل ساكت كسر الصمت:علوا بي ارگيله مع كاست چاي
    سلوى :غياث ليش ما تجيب الارگله هين
    ليل بحده:حدا گالچ البيت صاير مقهى حتى يجيب الارگله
    سلوى :هههههههه لا تگوليلي انچ ما تارگلين
    ليل ابتسمت لها  :لا ما اشرب ارگله مخليه الارگيله لغيري لأنها ما تناسبني اذا تدخنين غيوثي عندو دخان بنعناع يعدل ابو المزاج
    سلوى :ليش لا باچر اني وغيوثي نعدل ابو المزاج سوا (وغمزة لليل)
    غياث شد على ايد ليل :مين السبعه اللى تگوم تسويلنا چاي
    صارن يدحقن على بعض ليل  :اني الچبيرة ما اگوم واتركك معها
    سلوى بحقارة:انتي اللى تگومين تسوين الچاي صغير القوم خدمهم 
    ليل :بالله شگد عمرچ ثلاثين موو
    سلوى عصبت :ثلاثين بعينچ لا يكون انتي بنت الأربع عطش وما ندري
    غياث عصب وبصوت عالي :هااي بس انتي وياها ما اسمع كلمه زايده المره باخلاقها موو بعمرها
    ليل رفعت رأسها وبدلع :حبيبي انته گوم سويلنا من ايدك الچاي غير شكل
    سلوى انقهرت من حركت ليل اللى تدلع على غياث چدامها :اي حبيبي چايك طيب گوم سويلنا
    غياث استغرب اصلا هو ايمت سوى چاي لسلوى ولا مره سواها كيدهن عظيم ليل :يلا حبي گوم
    قربت من اذنه وهمست
    ووگف وبعصبيه :وجع انتي وياها والله زين نسوان اثنين كل اليوم گاعدت لا شغله ولا مشغله وتريدني اني اسويلچن الچاي عشنا وشفنا
    ليل صارت تضحك على غياث :حياتي لسعك شباب ان شاء الله تعيش وتشوف الاحلى
    غياث مسك عضها ووگفها :تضحكين علي موو
    ليل زاد ضحكها وهي تمسك خصر غياث:اي عليك
    غياث بصوت عالي :يلا چدام كل وحده على غرفتها هذي اول واخر مره اگعد معاچن  التوبه يا ربي
    سلوى فاتت ودمها يفور على بالها ليل راح تغار وتخرب ليلتها مع غياث بس مع الأسف الشديد صار العكس وليل مشت مع غياث وهما يضحكون على اللى صار اما ما انذل ليل همست له يعصب عليهن وما يسوي
    *******
    چان گاعد على السجادة يدخن ويتفرج على الأخبار گعدت عنده وحطت الصينية :طفيها
    غياث طلعها من اثمو :افتحي الشباك اذا مضايقه
    ليل خذتها من اثمو ودفشت الصينية لچدام غياث بمعنى قشر
    غياث مسك السچينه :رجعيها
    ليل حطتها بين اصابعها :استنى أجربها
    غياث صار يضحك لان لو صبا تشوف ليل راح تغار وتسوي مثلها :لا تشوفچ صبا وتغار
    ليل تلف راسها يمين يسار :وينها صبا حتى تشوفني
    غياث بحماس :يلا جربي
    ليل وعيونها بعيون غياث حطتها باثمها وسحبت نفس عميق طلعتها من بين شفايفها ونفخت نص النفس بوجه غياث اللى يتابع المشهد رفعت راسها لفوق ونفخت الباقي غياث هو ذايب من جرئتها :واااو شطوره كأنها موو اول مره تجربين
    ليل حطتها باثم غياث سحب نفس وهي تگول:المره الأولى ولا موو الأولى هذا الشئ يرجعلي
    غياث يدحق عليها شلون سحبت ثاني نفس بفضول لان واضح موو اول مره فا حب بضغطها حتى تحچي :اسالچ بالله مدخنه من قبل
    ليل أعطته برتقاله وطفتها :والله اول مره
    غياث صار يضحك على صحوتها :اول مره لهذي النوعية موو غيرها 
    ليل ابتسمت وهي تاكل عنب احمر وتروغ :انته من قبل شفتني ادخن او شميت ريحتي دخان
    غياث أعطاها الباكه :لا  بالله جربي النوب مره
    ليل خذت الباكه ورمتها على السرير :اوكي اعترف
    غياث بحماس:اي اعترفي
    ليل بتردد : دخنت من قبل حمراء طويلة
    غياث يقطع البرتقاله:هذي أطيب موو
    ليل رفعت كتوفها بدأت تاكل من البرتقاله :شيعرفني مثقال كشفني من خوفي منه گلتله حزينه على امي وابني المحرومه منو
    غياث :من وين جبتي الدخان اكيد ما بگتيها بن مثقال
    ليل تخيلت الموقف:يمه تخيل اني ابوگ مثقال حتى يذبحني
    غياث ابتسم وهو يشوف ملامح الخوف على وجهها :عادي اني صبا دائما تبوگني كل شئ تريدو تاخذو حتى الجزدان ما يفتك منها
    ليل ابتسمت :اني عكس صبا ما احب أبدا اگوس شئ لاخوتي مثقال لليوم يضحك علي لان كل ما القى فراطه (الفكه) بجيبو واني اغسل الهدوم ارجعهن
    غياث قرص خدها كل ما يكتشف شئ بشخصية ليل يحبها اكثر صح عاش معها قبل بس ما شاف شخصيتها على طبعتها ليل من اول ما صارت تغسل هدوم غياث تجمع كل شئ يطلع بهدومو من علك لاوراق لفوتير لفراطه وتحطهن بالصحن اللى على الكمدينه الطويلة :كل الفراطات والعلك اللى تلقينهن بهدومي لچا
    ليل ضحكت بنعومه :شكرا ما احتاجهن
    غياث أكلها حبة عنب :انتي موو طبيعيه بي انسان يستغني تماما عن المصاري انته مره  ولزم تصيرين مسؤوله عن حالچ
    ليل وين تفكيرها ووين تفكير غياث ليل اخر شئ ممكن تفكر بس هو المادة :غياث اني من اول يوم عرفتك ما احتجت شئ مابي مره مدلله عند رجلها مثلي الله يطوللي بعمرك وما يحرمني منك يا روح الروح
    وباست راسه
    غياث طار من الفرحه صار قلبو يرقص من رد ليل ونظرته لوا صار يحلف بقلبو لوا موو  الزفت اخوها  چان صارت كل أمورهم تمام  اخيرا لقى فرصه يسألها عن المبلغ اللى خذته منه مرمي كما هو بالسحاب :ولا يحرمني منچ موو ناوية تصرفين اللى خذيتي مني
    ليل قشرة موزه وقسمتها بينهم وهي تمزح معه :اذا تريد ادينك ما عندي مانع
    غياث صار يضحك :بفائدة ولا بدون
    ليل :الربا حرام
    غياث رغم أنها تفوت بعض الصلوات الا انها تخاف الحرام :ليولتي شوفي من اليوم اصير اعطيچ مصروف شهري انتي جمعي بي واني من احتاج تدعميني
    ليل :حياتي تكرم اذا تطلب مني روحي ما تغلى عليك
    غياث أكلها من قطعته :ضيعتي علينا ابو السالفه من وين جبتي الدخان 
    ليل ابتسمت :ابو چنتنا مات ورحت على العزا لانو يصيرون من خوال ابويا وانته تعرف العادات  عند بعض شواينا فإني عونتهم من اول لاخر يوم وچبيره زغيره تدخن عندهم گلت بعد التعب اخذ باكه من ضيافة العزا
    غياث صار يضحك من قلبه على هبل ليل صح بعض الناس من الشوايا عندهم عادة بالعزاء يضيفون دخان بس موو إجباري تدخن  ليل :هااي لا تضحك
    غياث عيونه دمعت :ههههههههه ضيافة العزا
    ليل اكلت غياث برتقال :ايمت تبدأ العطله
    غياث يبلع اللقمه:تقريبا شهر ونص وبعدها راح ابدا بالترجمة
    ليل ما عجبها الكلام شنو يترجم :حتى بالاجازة راح تشتغل
    غياث لف عليها:لزم اشتغل وازيد دخلي
    ليل تاكل غياث وبوقاحه :احيانا احس انك طماع
    غياث عض اصبعها : اني طماع
    ليل بألم وزعل:اي طماع بدل ما تگول اتفرغ واقابل مرتي حبيبتي وأهلي تريد تترجم كتب
    غياث :لا تجوزين موو عيب عليچ  تگولين عني طماع
    ليل تلعب بالسچين :نحن لحالنا حبيبي الله خليك لا تترجم
    غياث :ولي شنو لا تترجم اولا اني گاعد اتعب واشتغل مشانكم حتى تعيشون برفاهية ثانيا اريد اضمن مستقبل ويلادي
    ليل دقت غياث راس السچين الحاد :شنسوي بالرفاهية اذا انته موو موجود (خذا منها السچين لان موو اول مره تسوي هذي الحركة بي) اصلا انته شتصرف من راتبك غير الاكل والشرب والمواصلات وفواتير الجوالات وفواتير الماي والكهرباء والسوگ كل فترة
    غياث يفرك مكان السچين اللى بفخذه:ما احسب شگد نصرف الخير چثير
    ليل بفضول لان ولا مره جاب سيرة راتبه :الا يا دكتور غياث شگد راتبك
    غياث يقشر برتقاله :ليش تسألين
    ليل بعدم رضا :يعني ليش مرتك وأريد اعرف ولا ما يحقلي 
    غياث ابتسم بهدوء :الا يحقلچ  بس موو لزم تعرفين
    ليل قربت منه :خايف من العين
    غياث صار يضحك لان دائما تسأله اذا يخاف من الحسد والعين :لا والله موو قصة تحسديني
    ليل :عجب ليش ما تعلمني ولا ما تثق بيا
    غياث بهدوء:حبي بس اگول لأمي اگوللچ
    ليل :استغفرالله انته امرك عجيب
    غياث قرب اكثر وهمس بصوته الخشن:غير راتبي عندي مصادر دخل ثانية
    ليل همست وهي تحرك انفها على طول خد غياث :الله يزيدك ويبارك لك برزقك
    غياث ذاب من حركتها:آمين
    وبعد ايام ليل فزت من النوم غياث موو موجود دحقت على الساعه سته  گامت وطلعت على الحمام وراحت تشوف غياث شافت سلوى لبسه لبس طلعه وغياث يفطر وگفت وهي تحس انها مخنوقه وعيونها تلمع :حبيبي ليش ما گعدتني اسويلك فطورك
    غياث دحق عليها بحب وابتسم:صباح النور اليوم سلوى سوت باچر انتي تسويلي سلوى روحي چيبلي دفتر اللملاحظات
    سلوى :وين محطوط
    غياث :نسيت انتي دوري علي
    سلوى وگفت :طيب
    سلوى راحت غياث وقف وسحب ليل من ايدها :تعالي
    طلع معها برى المطبخ مسك ايدينها اللى ترجف:ليولتي اريد اگلچ شغله
    ليل بعصبيه وهي تنتفض:و..وين ماخذها
    غياث شد على ايدينها حتى تهدء:حبيبتي نسيت اگولچ اليوم سلوى مرضانه راح أخذها للمستشفى موو تزعلين مني
    ليل عيونها امتلت دموع لان غياث اليوم صار يچذب عليها بكل وقاحه سلوى ما بيها شئ من يومين وهي طايره من الفرح اكيد متفقين على الروحه من حمل امو وسلوى تزن علي ياخذها تتعالج :سلامتها اشبيها المدام سلوى
    غياث ابتسم وهو يبعد شعرها عن وجهها :حبيبتي معدتها توجعها
    ليل دموعها صارت تنزل وهي تدحق بعيونه :اي صح معدتها توجعها المسكينه من الوجع ليها يومين طايره من الفرحه والگاع موو شايلتها
    غياث وهو يتمنى الگاع تنشق وتبلعه مسح دموعها :حبي المغرب ارجع  اريدچ الليلة ترقصيلي
    ليل ضلت ساكته عيونها بالارض و دموعها تنزل
    طلعت سلوى شافته ماسك ليل يمسح دموعها :اووف موو موجود
    ليل لفت على سلوى وعيونها حمره مثل الدم بصوت مبحوح:سلوى انتم وين رايحين
    سلوى ابتسمت لها :رايحه على الدكتوره النسائية مشان اتعالچ
    ليل لفت على غياث ودموعها تجري:گلتلي بطنها توجعها....تدري اليوم انته وگعت من عيني
    غياث مسك ليل وبحب :ليولتي يا روحي اهدي وخليني افهمچ 
    ليل بانفعال دفشت غياث وهي تصيح وجسمها يهتز :تفهمني شنو انك واحد چذاب وحقير وساقط و####تريدها تحبل واني تگولي ما تريد لهذي الدرجة تكرهني لاني احبك تأذيني لو انته ما حبيتني منو يحبني
    غياث دنق بخجل من عرفها وهي موو حول حدا ولا ليها بالمشاكل هو ومثقال يحركونها بين اديهم مثل  اللعبة لأنها تحبهم احتار شيگول شلون يفهمها مابي شئ يشفع لوا ليل صارت تعطي كفوف بكل قوتها كل كف أقوى من الثاني وتترجا غياث يحچي ما يسكت بس تريده يرد يدافع عن نفسه تريده يكبر بعينها يكذب سلوى يبرر برأيكم وين الرجولة بموقف غياث بحركة هذي ذبحها ودمر كل اللى كان يمكن البعض منكم يوقف بصف سلوى يقول ان ردت فعل لليل سخيفه لان سلوى لها الحق تتعالج وتعيش الامومه مثلها مثل أي أنثى بالدنيا وحتقولو ليل أنانية ما تحب الا نفسها والبعض منكم راح يوقف بصف ليل لان أصعب شئ بالدنيا كلها الشعور بالخذلان سواء كان من حبيبي او صديق أو قريب اعرف ان موو الكل راح يستوعبه كلامي بس اللى عاش الخذلان من قبل راح يفهم ويحس باحساس ليل بمثل هذا المواقف تصير الدنيا سودا بعيونك تحس انك من البداية ولا شئ بالنسبة له وكتها راح يكون عندك سؤال واحد يدور ببالك انته شنو سويت حتى يخذلك
    غياث فضل يسكت خليها تطلع حرت گلبها يستاهل اللى يصير بي مسكت قميصه وهي تشدو بكل قوة : لا تحچي ولا تبرر بس والله العظيم اللى بسط الأرض ورفع السما اذا تأخذها اموت حالي تفهم والله اموت حالي بدون ما يرفلي جفن
    گعدت على الگاع تبچي وتندب حظها وتدعي على حالها بالموت ليش الكل يكسرها وين الرحمه بقلوب البشر كل ما تگول الدنيا ضحكتلها تصير اتعس
    سلوى مسكت زند غياث :غياث يلا امشي تأخرنا على الموعد 
    غياث بعد سلوى عنه  وگعد لى ركبه چدام ليل قلبه انكسر عليها احتقر نفسه مسح على شعرها برحمه المفروض انه مصارحها وممهد لها الموضوع وفهمها ليش ما يريدها تحبل :ليل حبيبتي تعوذي من الشيطان
    ليل بعدت ايده يشراسه وهي تحس بشفقته عليها :خذها وانقلع من چدامي برحمت امي يا غياث الا اخليك تندم طول عمرك
    غياث بلع ريقه لان ليل مجنونه من قبل انتحرت اكيد ما راح تتردد تعيد التجربه :ليل اصحي على نفسچ لا تصيرين أنانية سلوى مره مثلها مثل أي مره بالدنيا نفسها تصير ام انتي تعرفين زين شنو يعني الامومة
    ليل صارت تدق على صدرها بكل قوة وتصرخ:اني المرضانه اني اللى گاعده اموت اني
    غياث مسك ايدينها لأنها ابدا موو واعيه لنفسها :بعيد الشرعنچ گولي لا اله الا الله
    ليل تشهق ويلا تجر النفس
    غياث بخوف هو يمسك راسها:ليل حبيبتي تنفسي
    ليل فقدت الوعي انقطع نفسها
    غياث مسك وجهها بخوف :ليل اشبچ ليوله الله يخليچ تنفسي ليل تسمعيني
    سلوى خافت من شافت ليل بدون صوت وجهها ازرك مابي دم و عيونها مفتوحه و تلمع مثل القزاز هامده كانها الجثه غياث يحول يصحي ليل  وهو ميت من الخوف عليها سلوى قربت منها بخوف ودموعها تنزل :غياث ما تتنفس يا الله هذا گعده تموت
    غياث بتوتر وعيونه تدمع  : لا ليل ما تعيفني يا ربي لا تأخذها مني
    سلوى ركضت على قرفة عمها وعمتها هزت كتف ابو غياث :عمي عمي الحگ علينا
    ابو غياث فز بخوف :بسم الله شبي شنو صاير
    سلوى تشهق:ليل گاعده تموت عند المطبخ
    ابو غياث هز كتف ام غياث :ساره گوم نشوف ليل
    ام غياث تعدلت :ليل
    سلوى :يولي ليل گاعده تموت
    ام غياث وابو غياث ركضم على برا و سلوى راحت تگعد صبا شافوها على الگاع بين ادينه يحچي معها وهو يبچي
    انتهى الفصل توقعاتكم
  7. زينة الزينات
    29-04-2019, 05:07 PM

    رد: ليل الخفسه

    ليل الخفسه


    الفصل السادس عشر بس تعال
    ليل وهي بحضنه خذت نفس بصعوبه الدنيا كلها صارت صغيرة بعيونها حولت تبعد ما يهمها هو شنو گاعد يگول ليها ولا فرقت معاها دموعه اللى اول مره تشوفهن هو كذاب خلها خلاها مثل الطير المذبوح هي مؤمنة تماما انها ما تستحق الظلم اللى تعيشه ليش الكل يخذلها رفعت ايدها لصدره وگامت بصعوبه وحولت تمشي الدنيا تدور بيها ابو غياث مسكها وضمها لصدره :بنتي بسم الله عليچ
    ام غياث ضلت واگفه تبچي وصبا مصدومه بلط سلوى موو فهمنا شنو صار ليل دموعها تجري بحضن عمها بصمت
    ابو غياث يمسح على شعر ليل ويدحق على أبنه اللى لسع گاعد بالگاع :ساره خذي ليل خليها ترتاح
    سارة خذت مع صبا غسل وجهها وفوتتها على قرفتها :ليل ماما انتي بخير
    ليل ما ردت بس تبچي
    ابو غياث بعصبيه:انتم شسويتم ببنت الناس فهموني
    غياث ما گدر يتحمل اسالت ابو واللى صار من شوي بيها بسببه موو قليل ليل چانت راح تروح من بين ايدينه لو موو راجع لها النفس ركض سيارته وحرك وهو مسح وجهها بوجه كفه اول مره بعمرو يبچي
    ابو غياث قرب من سلوى :سلوى اخر مره اسأل شنو صار
    سلوى خافت من عمها لانو اذا عصب ما يرحم :ليل عرفت ان غياث راح ياخذني على الدكتوره النسائية مشان اتعالچ وانهبلت علينا وفجرت على غياث وضربته وهددت غياث تموت حالها اذا ياخذني
    ابو غياث حط ايده على راسه :الله يصبرني على ما ابتلاني يولي ما تعرفون انها حساسه والله الحگ موو عليچ الحك على ابني الفهمان اللى ما يعرف يمهد الأمور
    ام غياث غيرت هدوم ليل وشربتها ماي :ياماما خلاص اهدي
    صبا وهي مسكه ايد ليل :ليوله تريدين مثقال
    ليل بصوت باكي هزت راسها :اي
    ام غياث دقت على مثقال ورد :الو
    ام غياث بتردد:ابني صباح الخير
    مثقال :صباح النور والسرور
    ام غياث :مثقال تقدر تجي ليل تريدك
    مثقال بخوف لان اول مره ام غياث تدق علي :عمه لايكون صاير بليل شئ
    ام غياث :لا تخاف ما بيها شئ
    مثقال :غياث مزعلها وما تحملت موو
    ام غياث :ابني ليل تريدك لا تتأخر
    مثقال فتح باب السيارة:اوكي مسافة الطريق واكون عندكم الله يخليچ انتبهي عليها
    ام غياث :لا تشغل بالك ليل بعيوني
    اول ما وصل استقبلو ابو غياث وحكى له ان ليل انقطع نفسها وما ترضى ياخذها على المستشفى فوت غرفة ليل وسكر الباب بدون ما يگول ولا كلمه ضمها لصدره ليل تمسكت بمثقال بقوة وبصوتها المبحوح:مثقال الله يخليك خذني من هين ماريد اضل ولا لحضه هين
    مثقال بعدها عنو :اول شئ فهميني شنو صاير
    ليل تمسح وجهها:ما عاد اگدر اتحمل اذا تخليني عندو والله اموت حالي
    مثقال عصب ضرب كتفه بقوة :وجع يگتلچ چتل شتموتن حالچ اني چم مره گلتلچ تسيطرين على نفسچ وما تفعلين
    ليل بألم :مثقال ابوس ايدينك خذني معك والله ما اتحمل
    مثقال مسك وجهها وبحده:ليل اني ما كسرت كلمتي حتى ترجعين معاي لبيت ابوچ وتخلين الناس تتشمت بينا اريد بضل راسي مرفوع بيچ
    ضلت ساكته مثقال ابتسم وبحب وهو يمسح دموعها :هذا بيتچ تعيشين بي معززه مكرمه وواذا عن الضره للمره المليون اعيد واكرر مابي مره تاكل مره وزلمتچ الأمور (صار يضحك) غصب عنو يسوي اللى تريدينه انتي واذا ما سوا اني اربي واعلمو انو ليولتي وراها اخوها سندها يحرق الدنيا كلها اذا حدا زعلها او مس شعره منها
    حط راسها على صدرو وباس راسها :خليچ سبعه ليل اللى اعرفها مثل الجبل ما يهزها ريح
    ضل يطبطب على ظهرها وهو ساند راسه على رأسها
    ليل بانكسار :مثقال ما يريدني يكرهني
    مثقال بعدها :ليل غياث شوفتو الويل لانو يحبچ ويريدچ تحملني ضل متمسك بيچ وما خلى جاها ما دزاها علينا ترى مابي زلمه يقدر يتحملني مثلو
    ضلت ساكته تربع چدامها ومسك الكوب اللى عندها وشم :شنو هذا
    ليل :چاي أخضر بالنعناع
    مثقال يحرك الكيس بالكوب:طيب
    ليل رفعت عيونها :ذوق
    مثقال شرب منو :مقبول موو سيئ يلا گولي شسولچ الساقط
    ليل ابتسمت لان مثقال دائما يگول عن غياث الساقط :
    تعرف انو ما يريدني احبل وگلتلك چم مره حول بيا اخذ مانع
    مثقال فتح الباكه:ونحن گلنا موو على كيفو هذا الموضوع يخصچ انتي الوحيدة اللى تقرر بيو
    ليل ضمت اللحاف:من الصبح ساحب حالو على اسكت بدون ما احس سالتو وين تريد تأخذها الچذاب (عيونها لمعت) گال انها مرضانه وبطنها توجعها طلع يريد ياخذها تتعالج حتى تحبل(دموعها صارت تنزل) بدون ما ادري (حطت ايدنها على صدرها بألم تحس نار تحرق قلبها) مثقال يريد منها بس ما يريد مني ليش كلكم تكسروني وتجرحوني
    مثقال مسح على شعرها :ليولتي انتي اهدي وكل شئ ينحل
    ليل عصبيه:شلون ينحل وهو ما يحبني والله يكرهني من ماتت امي واني حظي مصخم
    مثقال أعطاها محرم :يولي مين گال حظج مصخم شوفي اني اليوم اتفاهم معه (ابتسم وهو يمزح مع ليل) واذا كل هل گد منهبله رايده تحبين وتعيدين أبشع تجربة بحياتچ بعيوني اخذچ على أحسن دكتور بالبلد بس لا اشوف دموعچ الغالية
    ليل بخجل منه لان بعد رجعتها على بيت أهلها مثقال تغير جذيريا كسر كل الحواجز اللى بينهم كاخ واخت صار ما يخجل بالحچي معها مسحت وجهها:انته ما تقصر لو اطلب منك روحك تعطينها بدون ما تفكر
    مثقال دحق على السقف وهو ينفخ الدخان
    ليل :ها تاخذني معاك
    مثقال دحق عليها بحده:طبعا لا اني ما عندي اخت تحرد
    ليل مسكت ايدو :هو لو اموت ما يخليني اضل بس اريد اروح اغير جو عندكم واسويلك عشا
    مثقال ابتسم:انتي ارتاحي اليوم ما نريد عشا عندنا بالبراد صينية فروج بايته
    ليل :من زمان ما طبخت
    مثقال گام جاب المشط وربطات :اي من زمان وابوي عيب عليها
    ليل تقدمت لچدام مثقال گعد وراها وبدأ يمشط شعرها
    ليل ضلت سكته مثقال يمشط شعرها بحذر مشان ما يوجعها :اوووف
    مثقال صار يضحك:اف منچ انتي ترى ما وجعتچ
    ليل مدت ايدها وخذت كأس الماي
    مثقال ربط شعرها ذيل حصان:الاسبوع الجاي بس تچين اطرف شعرچ
    ليل بهدوء :چاي على بالي اگصو
    مثقال بدأ يجدل شعرها : اگص ايدچ قبل ما تگصينو تعرفين شگد احب شعرچ
    ليل ابتسمت لان من طفولتها مربين شعرها امها ربتلها شعرها وبعد امها مثقال مثل امو ما يقبل ينقص
    بعد ما خلص شعرها سألها وين الأدوية وطلع الچيس واعطيها الحبات بالحيله:اشوف حسوني موو عندچ
    ليل تحول تسترخي على مخدتها :نايم عند صبا
    مثقال صار يضحك :بالله شيسوي عندها
    ليل :مسكينه من شافت حسوني صارعندها طفوله متأخره تقضي كل يومها لعب مع حسوني
    مثقال رجع يضحك:اها فهمت ابنچ السريري موو هين طير عقل لبنيه ورجعها لطفولة
    ليل ضحكت :صبصب دخيل قلبها تنشرب مع الماي العكره
    مثقال ابتسم وقرص خد ليل:يولي دخيل اللى يضحك
    ليل ضلت تسولف مع مثقال لحد ما غفت مثقال وهو يمسح على رأسها والدمعه بعينه:اني اشوفك يا غياث والله لاشرب من دمك يا حقير
    دق جواله رد :الو هلا ابو زيد صار يحچي مع الرجال وهو يتمشى بالغرفه
    ما شاء الله مساحة الغرفة چبيره غرفة النوم لونها بني فاتح جدا وتاج السرير قماش منجد باللون العسلي غامق والسكرتون بابين سحب وحد مرايا وحد خشب وتحت ثلاث سحابات والتسريحه جدا مرتبه وسجادة بدرجات البني ممدوده چدام السرير وألعاب حسن بصنادق قماش ملونات الغرفة نضيفه ومرتبه ابتسم بفخر لان اخته معدله
    غطى ليل زين فتح الباب وهو يضحك مع الرجال وگعت بنيه مثل بيضه مثل القطن وخددوها حمرا وشعرها اشقر متناثر وعيونها لونهن بين الأزرق والاخضر وعليها جسم يجنن فها مثقال من حلاوتها
    صبا الفضولية چنت واگفه تجسس عليهم واذنها بالباب وهي فايته بالجو مع حچي مثقال ضحكته جابت أجلها نفسها تصدق كلام اللى حولها عنو مستحيل معقولة الحنون اللى بالغرفة مثقال الحقير اللى دمر كل شئ بأنانيته انفتح الباب ووگعت صبا اصدمت وصارت ألوان هي ببجامه وردية خفيفه چدام زلمه غريب و مابي شئ يسترها انتبه على نفسو سكر الجوال وعيونو راح تأكلها اكل :يا عيب الشوم انتي ما تستحين
    صبا صوت مثقال صحها على نفسها وگفت وهربت بسرعه على غرفتها اللى بلط غرفة ليل وقفلت الباب بالمفتاح وقلبها طبول ودموعها تنزل وتحس الهوا اختفى من حولها وجسمها نار هذا أبشع موقف يمر عليها ولا منو اكثر انسان تكرهه يا ترى الحز مثقال شيگول عنها (الله لا يوفقني على هل مصيبه) صارت تلوم نفسها على اللى صار
    اما عند مثقال طلع على الصاله وبحده :وين الشيخ غياث
    ام غياث أشرت لمثقال:مثقال ابني اگعد وخلينا نتفاهم
    مثقال گعد : عمي يرضيك اللى گاعد يصير بأختي هذا اللى اتفقنا علي
    ابو غياث بخجل :ابني والله العظيم شايلين ليوله بعيونا غلاتها بغلات بنتي صبا واعز
    مثقال :عمي لا تحلف اني اعرف انكم موو مقصرين معها ليل بالحيل تحمد بيكم بس المشكلة بابنكم المحترم
    ام غياث :مثقال الله يخليك خلي ليل تتقبل وجود سلوى هي ما تسمع الا منك
    مثقال مسك المخده وحطاها بحضنه :ليل مسيرة موو مخيرة بوجود ضرتها الموضوع مفروغ منو
    ابو غياث مسك كتف مثقال :شنو المشكلة فهمنا ليل شتريد بالضبط وما يصير الا اللى يرضيكم
    مثقال دحق على ابو غياث:ليل موو طالبة شئ اذا على بال ابنكم (دحق على ام غياث) ان ليل مرتاحه وسعيدة بهل عيشه يكون غلطان.... اني اختي شبعانه دلال ببيت ابوها اذا هو موو قدران يسعدها نگعد نتفاهم وكل مين يشوف حياتو
    ام غياث عدلت ظهرها لچدام وحطت ايدها وراها :مثقال انته شگاعد تگول
    مثقال دنق :اني ما عندي استعداد اخسر اختي الوحيده بسببو ليل لسعها بأول عمرها ما شافت شئ من حياتها
    ابو غياث حط ايدو على ظهر مثقال وطبطب على

    اما عند غياث صارت الساعة وحده الظهر الجو نار وهو من الصبح گاعد چدام البحيرة يدخن وغرقان بالأفكار صح يحب سلوى مهما صار تضل مرته ومابي رجال يكره مره تحبه وتحترمه واللى يگوله تنفذه بدون ما تفكر سلوى موو سيئة ولا قبيحه مره حلوه ومحترمه بنت ناس وتنحب الحز تحچون وتگولون هااي الكاتبة الهاوية شتحچي شتخبص هذي أتريد تجننا اليوم موو على اساس البطل غياث يحب ليل راح اگول لكم نحن النسوان اذا حبينا ((بصدق) اهم شي ركزو على هذي الكلمه يعني حب من أعماق أعماق القلب) نحب بجنون واي وحده بينا مستعده تضحي بكل شئ تملكه بسبيل حبها اذا حبت (بصدق) قلبها تسكر كل أبوابه لاخر يوم بحياتها وصعب جدا تحب واحد ثاني واذا شاء الله تحب مره ثانية يكون الموضوع جدا صعب، اما الرجال مع الأسف الشديد هم عكسنا تماما قلوبهم كبيره جدا وتوسع الكل فالله احل التعدد لهم لان الرجال يقدر يحب اكثر من امرأه بنفس الوقت صح البعض قادرين على العدل وما يضلم حدا بس احب اگول لكل رجال يا ابن الحلال صدقني حتى لو انته تخاف ربك بزوجاتك وتعدل بينهم بس قلبك ما لك علي سلطان قلبك مستحيل يعدل بين حبين الا ما تميل لوحده اكثر وتعزها اكثر >>>شباب موو تزعلون مني ترى موو قصدي الاستهزاء بكم وكلامي لا يشمل جميع الرجال هو بشكل عام واذا اللى گلته جرح احد القارئين فأنا اعتذر
    صح غياث عادل بينهن وحنون عليهن بس ما يقدر ينكر يحب ليل بجنون يعشقها ويموت بيها تحمل كل شئ من أهلها وبالذات اخوها المجنون مثقال لعن ابو خيرو ضرب ضربه اهانه اهانه كلام جارح سكت وما رد علي دس على كرامته لخطرها وما تنزل عنها هو يحب سلوى بس موو مثل حبه لليل مع ليل يحس نفسه بالجنه حركات ليل وبرائتها وجرائها ونعومتها وثقلها كل شئ بيها يسحره من رجعت ليل صار يفكر كثير بزواجه من سلوى ليش لليوم متمسك بسلوى ما طلگها ليش اذا أهلو ما يحبونها دائما متلطعه مع اهلو وما تخلف ليش للحز مخليها على ذمته كل هذي الأسباب بس عقلو يريد سبب مقنع هي ما سوت شئ يستحق الطلاق هو ما يريد يجني عليها ويدمر حياتها الطلاق موو شئ سهل طبعا انا وانتم مستحيل نفهم شنو يعني مطلقة محد راح يفهم موقف غياث وتفكيره الا من مرت بتجربة الطلاق طفى اخر زقارة وگام من الصخرة اللى گاعد عليها فتح باب سيارته جواله چان يدق ركب ومسك الجوال هذي امه رد :الو يوم
    ام غياث بخوف وعصبيه :يوال وينك من الصبح أدق عليك قلبي نار وانته ما ترد وما دومت بالجامعه وينك
    غياث تنهد :يوم اني الحز چاي
    ام غياث :اوكي لا تتأخر
    غياث :ان شاء الله
    سكر الخط مر على الدكان اشترى كروز دخان حمرا طويلة وماي ركب سيارته وهو يشرب اندق الشباك لف وجهه وبلع ريقه لان واضح انو معصب
    ****
    اما بالبيت سلوى بغرفتها وصبا مع امها بالمطبخ تحضر غذا لان الدنيا صارت عصر ما فطرم :ماما
    ام غياث تصب الشوربة :ها يا روح ماما
    صبا :اتوقع ليل تاخذ منوم
    ام غياث لفت :شنو هالحچي
    صبا تحط الصحون بالصينية :نومها عميق لدرجة انها موو حاسه بشئ حولها
    ام غياث :صبصب هيچ أدوية ما تنصرف لأي شخص من التعب نامت بعمق
    صبا شالت الصينية وامها راحت تگعد ليل ليل فتحت عيونها :ها عمه
    ام غياث بعدت شعر ليل :حبيبتي گومي غسلي وجهچ مشان تتغذين معاي
    ليل غمضت وبهمس:ما اگدر اريد انام
    ام غياث :ترى اني من عشا البارح ما چليت اذا ما تاكلين معاي يضل البيبي جوعان
    ليل فتحت عيونها :حرام لزم تاكلين زين مشانو
    ام غياث سحبت ليل :يلا گومي مشان اكل
    ليل وگفت بتعب :اسبقيني
    ام غياث رجعت على الصالون صبا تطعمي حسن :ما جت
    ام غياث گعدت :اشوي وتجي
    جت ليل حسن وگف وفتح ايدينو :ماما لوله ابيبي
    ليل شالت حسن وضمته وهي تبوس بي وتشمه :دخيل اللى مشتاق لماما يا عمري انته
    گعدت وبحضنها حسن :حسوني تشرب شوربة
    حسن ياشر :لاء اريد هذا
    ليل قطعة خبزه :تحب السبانخ باللحمه مثل بابا
    حسن يهز راسهو ويبتسم :اي حبو
    :السلام عليكم
    الكل دحق بصدمه ام غياث وگفت ومسكته :ابني حبيبي
    صبا وگفت بخوف:غياث اخوي مين ضربك هيچ الله يكسر ايدينو
    غياث وهو بحضن امو اللى دموعها نزلت شاف صدمة ليل اللى جمدت مكانها وما گدرت تنطق ولا حرف وعيونها علي :يوم لا تخافين ما بيا شئ
    صبا بعصبية :انته لايمت راح تخلي الكلب مثقال يضربك ولك هذا مجرم ما يخاف الله
    غياث بعد عن امو وبحده :صبا روحي جيبلي غيار اريد اغسل وانام
    ام غياث :حبيبي برنصك معلگ بالحمام
    غياث أعطاهم ظهره:اني بحمام الزلم
    وراح حسن يضرب ليل :ماما طعميني همه
    ليل بعدت حسن عنها :خلي ماما تطعميك
    ام غياث گعدت :ليل وين رايحه
    ليل راحت على غرفتها ودموعها تنزل معقول مثقال هيچ يسوي بغياث شكلها موو اول مره يسويها شلون يضرب غياث شالت الجوال ودقت علي وايدها ترجف صبا استغربت من ليل قربت بخوف:ليل تدقين على مين
    ليل بصوت باكي :صبا اطلعي برا
    رد عليها :الو ليوله گعدتي
    ليل بعصبية :انته حيوان ا.. انته شلون تضرب غياث
    مثقال خذا نفس عميق :اني حيوان
    ليل گعدت بالارض :اي اي انته حيوان ما تستحي على وجهك
    مثقال :اسمعي بس اشوفچ افهمچ
    ليل :ماريد تفهمني شئ
    مثقال :يولي ليل
    ليل تشهق :يوال حاچتك مني حاچ هذا رجلي شلون أعطاك قلبك تأذيني بيو شلون
    مثقال :ليل اني چان المفروض من البداية اكسر راسو حتى يعرف حدودو معاچ وما يتجاوز عليچ
    ليل بعصبية :ياخي لا تخاف عليا اذا هيچ خوفك يسوي بابن الناس لا تخاف
    مثقال :ليل
    ليل :الله ياخذ ليل انته گلتلي راح تتفاهم معه موو
    مثقال عصب :والله شسويلچ اذا رجلچ بهيمه ما يفهم الا بالضرب
    ليل رمت الجوال على السراميك وضمت ركبها لصدرها ودفنت وجهها
    صبا مسحت على ظهر ليل والدمعه بطرف عينها :لا تزعلين ترى غياث مشانچ يتحمل كل شئ محد تحمل هالمجنون غيرو
    ليل بصوت عالي :اتركيني لحالي
    صبا ضمت ليل:تروحين تشوفين غياث يمكن محتاجچ
    ليل :بس روحي اتركوني بحالي
    صبا راحت دقت الباب :غيوثي
    غياث فتح الباب ومد ايدو
    ضلت واگفه لحد ما طلع ينشف شعرو :ليش وراگفه روحي تغدي
    صبا تمشي مع غياث :ليل دقت على مثقال وتكونت معه لانو ضربك
    غياث لف عليها بخوف :اذا گاعده تبچي لا تتركينها لحالها
    صبا اشوي وتبكي :ما تريدني اضل معها روح شوفها انته
    غياث فات على غرقة الضيوف وشغل التكيف وطلب منها تجيب فراش
    فعلا غياث تمدد ونام ثاني يوم من الصبح دز صبا تجيب لوا بدلة رجع من الدوام منتهي من التعب ما ضل حدا بالجامعه ما تحمد له بالسلامه وسأله شصاير بوجهه لقى سيارة مثقال برا فات لقى مثقال گاعد مع امو ابو وحسن يلعب على كتوف مثقال يجط وينط وهو يضحك ويحچي
    :السلام عليكم
    ردو علي
    غياث گعد بلط امو رفع حاجبه:شعندك هين
    مثقال :اريد اشوف ليل
    غياث ابتسم :حبيبي اهلا وسهلا بيك
    مثقال رد له الابتسامه : ليل من البارح زعلانه عليك جوالها مغلق ما فعلت تشوفني
    غياث صار يضحك وبشماته بجد مثقال يستاهل :ما اصدگ اكيد تمزح
    ام غياث لفت على غياث :حبيبي روح احچي معها وجيبها
    غياث وگف :اني اعذروني حاليا هاجر النسوان
    ابو غياث أعطى غياث نظره:غياث شنو هالحچي كبر عقلك
    غياث :اني كبرت عقلي بما فيه الكفاية بس محد عاجبه
    مثقال مسك حسن زين ووگف :من وين دار الضيوف
    غياث أشر :من هين تفضل
    گعد مثقال بغرفة الضيوف وبعد سكوت :اي على شنو ناوي
    غياث يقلب بالقنوات :ولا شئ ما أحلى النومه بدار الضيوف

    مثقال مسك حسن اللى ينط فوگه:ما لقيت شئ احسن من الهجر
    غياث حرك راسه :لا والله ما اتوقع بي شئ احسن منو
    مثقال صار يضحك على غياث :كانو الچتله جابت مفعول عكسي الا شلون داومت
    غياث لف على مثقال :عندي شغل مهم تعبت على گد ما عدت لناس حادث
    مثقال لمس خد غياث المورم :تعيش وتاكل مني غيرها
    غياث بألم :انته بلوة بلاني الله بيها ما اگول الا الله يعيني عليك
    مثقال بسخرية وهو يبعد ايدو من وجه غياث :ان شاء الله لك الأجر
    غياث :ما ادري شلون ليل تحملت تعيش معاك
    مثقال ضم حسن وهو يبوسه وهو يگول بخبث:مثل ما تحملت تعيش معاك
    غياث ضل ساكت شيرد على هالوگح مثقال :اي عليش زعلان وهاجر اختي
    غياث يدحق على التلفزيون : صرت مثل الطابه بينهن محد عاجبو الاولى من حبلت امي وهي تزن على راسي تريد تتعالج والثانية... اوووف اوف
    مثقال دز حسن على غياث :عادي احچي وفضفض واني اخوك
    غياث ضم حسن وهو يبوس بي صار يحچي لمثقال انو هو يرجع من الدوام يريد يشوف اهلو ما يعرف يگعد ساعتين من ليل وان غيرتها علي موو طبيعية وانو خوفنا من المشاكل يگعد بين امو وابو ويفكر بالكلمه عشر مرات قبل ما تطلع منو صح كل ساعه مع ليل تسوى عمرو بس موو هيچ
    مثقال :غياث ليل ما عندها ابدا مشكله مع ضرتها هي تريدك تحتويها
    غياث:هيچ گولتك
    مثقال هز رأسه وهو يطفي الزقارة :اي بس احتويها ترى موو صعبه
    غياث :تريدني لأي درجه احتويها
    وصار يضحك مثقال ابتسم :عليش تضحك ترى ما طلبت منك المستحيل
    مثقال انتبه لحسن اللى يضحك مع ابو وهو موو فهمان شئ: يوال انته عليش تضحك
    حسن زاد ضحكه غياث وشفايفه على كتف حسن :قربان ابني الحلو
    *****
    صبا بالمطبخ :يعني اشلون البارح ضرب غياث واليوم جاي يتعشى ويتعالل عندنا هذا الزلمه وگح بلا احساس
    ام غياث بحده:صبا عيب يا ماما إذا غياث يسمعچ يزعل منچ يضل اخو مرتو وخال ابنو
    صبا تذوب الخبز وبعصبيه :لا موو عيب هل الإنسان يگتل القتيل ويمشي بجنزته يعني شلون يضربو ولوا عين يچينا ما اگول الا حسبي الله ونعم الوكيل علي
    ام غياث دقت الباب وفاتت مدت السفرة وحطت ربطة الخبز مثقال يحچي جوال :غيوثي ماما گوم شيل معاي
    غياث :دزي ليل تشيل عنچ واذا ما تفعل دزي سلوى بدالها
    ام غياث مدت ايدها:حسن يلا حبيبي نروح
    حسن راح عند مثقال مسك ايده ويشدها :ما ما ابيبي دوم نروح باي
    مثقال ابتسم وحط الجوال على بطنه:حسوني انته روح مع حبابه صيح ليوله مشان نروح
    حسن ركض ورا ام غياث :ماما ماما
    مثقال رجع الجوال على اذنه :طيب انته روح شوفو وتفاهم معه
    اما عند ليل دقت عليها صبا الباب :ليل افتحلي
    ليل فتحت الباب :فوتي
    صبا فاتت وسكرت الباب:امي تگول تعالي شيلي العشا عنها لدار الضيوف
    ليل :ليش مين عندنا
    صبا :اخوچ واخوي ضحكهم واصال لاخر الشارع
    ليل تحول تصدگ اللى تگوله صبا:تمزحين معاي موو
    صبا :والله العظيم روحي شوف الا انتي ليش زعلانه وموجعه گلبچ وهما ولا على بالهم
    ليل رمت حالها على السرير :ماني رايحه
    صبا راحت على سلوى دقت الباب :فوتي
    فاتت صبا :سلوى تعالي شيلي العشا لدار الضيوف
    سلوى تكمل مكياجها : مين عندنا
    صبا قربت من عندها:غياث ومعه زلمه
    سلوى :روحي انتي
    صبا ابتسمت و بكذب :ما اگدر غيوثي يريدچ انتي بالذات طالبچ بالاسم
    سلوى فرحت لبست عباية سودا بأطراف رمادية وملفعها رمادي وراحت شالت الصحون فاتت چانم يضحكون :السلام عليكم
    مثقال رفع عيونه شافها حاطه مكياج بس عين الله عليها سمرا حلوه وطويلة نزل عينه ورد مع غياث :وعليكم السلام ورحمة
    سلوى گعدت تحط الصحون على السفرة :اللهم صل على النبي اللى مضيع ليل يلقاك
    مثقال دحق على التلفزيون مع غياث :تسلمين خايه الا يا ابو حسن مرتك بنت مين
    غياث يطفي الزقارة بالنفاضه:بنت ناصر ال..... تعرف زيد ابن عم ابوي
    مثقال يحول يتذكرلان تقريبا كل اهل غياث زارهم مع الجاهات :قصدك ابوخالد الأصلع
    غياث :اي زيد ابو خالد ماخذ اختها الچبيرة
    سلوى وگفت :شلون تشرب چايك حلو
    مثقال :ثقيل وباهت
    سلوى أعطت مثقال نضرة حاده وطلعت غياث گام على السفرة:ليش تسأل بنت مين
    مثقال وگف :ما عندها خوات
    غياث صار يضحك : يقطع ابليسك يا مثقال
    مثقال بجدية :الحز گالي شلون أهلها زينين
    غياث فتح الخبز :جماعه والنعم بيهم ما عليهم حچي اگعد
    مثقال :خليني اول شئ اغسل ايديني
    مثقال طلع على المغسلة غسل ورجع مسك رغيف الخبز:ما گلتلي عندها خوات ولا لا
    غياث ياكل :عندهم وحده طموح تطير العقل بس ما اتوقع ليل تخليك تفكر بالموضوع
    مثقال رفع حاجبه :شبيها المطلگه
    غياث شق الابتسامه :ما بيها شئ المسكينه خذت اثنين بس ما شافت يوم حلو
    مثقال :استغفرالله العظيم الله يستر عليها ويرزقها بأبن الحلال
    غياث :آمين
    *******
    اما بالمطبخ صبا گاعد تجهز عشا ليهم فاتت سلوى :انتي ليش ما گلتيلي اخو ليل هو اللى مع غياث
    صبا لفت عليها وهي تسوي حالها معصبه :لا بالله هذا الحقير هين لوا عين يچي على بيتنا بعد ماضرب غياث
    سلوى تحول تستوعب من اشوي شافتهم متركين على نفس المركاية وبينهم النفاصة ويضحكون:لا بالله هو اللى ضرب غياث
    صبا هزت راسها :هذا ما يستحي ولا بي اخلاق الله لا يوفقو
    سلوى تجهز الچاي وكسرت الصمت:انتي شفتي من قبل
    صبا :لا ما شفتو حلو
    سلوى :يبوو يجنن شگد حسن يشبه خالو نسخه منو
    صبا صارت تضحك :احلى من غياث
    سلوى ابتسمت :لا يولي غيوثي احلى زلمه شافته عيني يبو لو تشوفين اخوها شگدو مغرور وشايف حالو
    صبا شالت السفرة وهي تضحك :سلوى تعالي تعشي معنا
    سلوى :ماني جوعانه
    صبا :على راحتچ
    صبا راحت حطت العشا لأمها وابوها وصاحت لليل ليل رفضت بس عمها گام چابها اتعشى معاهم
    ويمر اربع اسابيع على أبطالنا غياث لسع على حالو مچلب بغرفة الضيوف ومدوخ صبا بجيبي لي وودي لي وكل چم يوم عندو ضيوف او يروح يتعالل ببيوت عمامو وأرسل مصروف لكل وحده منهن مع امو ومن وگال اليوم اللى محتاجه شئ أهلها مسوؤلين عنها وكل يوم يتعشى معهم بالصالون ويشرب چاي ويگوم على غرفة الضيوف امو وابو وصبا يحاولون معه يفضها بس ما يرضى وسلوى مرتين تچي بالليل تحول تراضي غياث بس هو ميبس راسو وما يعطيها وجه ويطردها وهو يگول (سلوى يرحم والديچ عيفين ارتاح والله تعبان) وليل مغلسه ولا مهتمه تگعد من الصبح تساعد عمتها بشغل البيت وگاعده تعلم حسن مع عمتها على الحمام لان غياث رافض يجيب حفايظ لحسن وابشركم فطمت حسن عن الرضاعة وعلى فكرة ليل سامحة مثقال ورجع التواصل بينهم لان ابوها دق وحچا معها وما تگدر تخجل ابوها لأنو ابوها اول مره يطلب منها شئ ولأنها محتاجه تفضفض للمثقال اما صبا العسولة كأنها طفله كل يومها بين الألعاب مع حسن وكل كم يوم سلوى وصبا وليل يشوفون فيلم بالليل
    ام غياث : وبعدين معاك تريد تجنني
    غياث يقلب بجواله :يوم لا بعدين ولا قبلين اللى عندي گالتو تريدين يرجع الوضع طبيعي سوي اللى طلبتو منچ
    ام غياث تلعب بشعرو:فهمني شلون تجيك وهي زعلانه منك انته نسيت شصار
    غياث دحق على السقف :لا ما نسيت انتي دبرها المهم تجيني واكسر خشتها اللى رفعته
    ام غياث ابتسمت:اني طلعني من الموضوع انبش مثقال عليها
    غياث ترك جوالو :لا موو حلوه شيگول عني ميت عليها
    ام غياث بتعب منو:والحل معاك والله عيب اللى گاعد تسوي
    غياث غمض عيونو:تخلينها تچيني ترى ما طلبت المستحيل
    اما عند سلوى طبت على غرفة صبا وطلبت منها تمكياجها وتسولها لشعرها فير فاتت ليل :صبا يا حي
    سكتت وهي نشوف صبا تحط مكياج لسلوى صبا :فوتي
    ليل دحقت على سلوى وسكرت الباب:خلصي بساع مشان اشغل الفيلم شنو اليوم مالچ نيه تحضرين الفيلم معنا
    سلوى ابتسمت وهي تذكر الفيلم المرعب اللى اختارته صبا :فيلم الأحد للحز ما راح من بالي
    ليل :ولا اني راح من بالي
    صبا تحط ظل عيون لسلوى :ليل تتوقعين سلوى الليله تگدر تغوي غياث
    ليل قربت وشافت مكياج سلوى حطت ايدها على خصرها :اممم اني اگول لو تغير لون شعرها الأصفر يكون احسن
    سلوى لمسته وتأملت شعرها بالمرايا:ليش شبيو شعري حتى اغير لونو
    ليل بنذاله گعدت على السرير:يا ذكية غياث لو بحب الشگر اللى مثل امو واختو ما چان خذاچ چان خذالو وحده شگره وحمرا
    صبا عضت على شفتها مشان ما تضحك ليل حطت رجل على رجل :ليا سنين اعرف غياث واعرف زين كل اطباعو وشنو اكثر شئ يحبو بالنسوان
    سلوى بفضول:شنو تعرفين گولي
    ليل دحقت على صبا :ما اگدر اگول عيب صبصب لسعها بنيه
    صبا تحط تحط مسكره لسلوى :لا موو عيب احچي كلنا بنات فيدينا
    سلوى :اي والله موو عيب خلي صبا تتفتش وتتفتح
    ليل :انتم تريدون عمتي تذبحني بتهمت إفساد اخلاق صبصب
    سلوى تضحك :يولي ليل صبصب هي افسدت أخلاقنا وخلتنا منحرفات
    صبا عصبت :وجع انتي وياها انت المنحرفات ليل يلا گولي بقي البحصه وخلصنا
    ليل :اذا يطلع هذا الكلام من هل دار يكون طلع منچ يا سلوى
    سلوى صارت تحلف انها ما تطلع الكلام
    ليل بصوت واطي :هذا الشيخ غياث .......
    سلوى شكرت صبا وراحت لبست قميص احمرمغري وتعطرت ولبست فوقو الروب وراحت على غياث فاتت شافت غياث نايم على صدر امو :ما چنت اعرف انچ هين
    ام غياث بعدت عن غياث وهي مبتسمه :لا حبيبتي عادي اني اصلا چنت رايحه انام
    غياث رجع مسك امو وحط راسو على صدرها بصوت كلو نوم :يوم لا ترحين خليچ
    ام غياث مسحت على شعرو وباست راسو:حبيبي انته نام اني ما ارتاح الا بقرفتي
    غياث ضل ماسكها امو بالگوة سحبت حالها منو وغطتو بالبطانية رغم انو صار ثلاثيني الا لسعو مثل ما هو ابنها الزغيرون المدلل ما تغير ابدا من يزعل ويتالم يدور على حضنها مثل الطفل يستمد القوة من حصن امو الدافي :سلوى روحي نامي لا يعصب عليچ
    سلوى طلعت معها وبسخريه :عمه كانو غياث كبر بالحيل على حضنچ
    ام غياث ويدها على بطنها اللى بدأ يبرز:ولو كبر وينام بحضني وين المشكلة مزعوجه شئ
    سلوى طقتها ضحكه:لا والله ينام بحضنچ يا الحنونه اهون ما ينام بحضنها
    ام غياث اعطتها نظرة وراحت مرت على صبا ما لقتها دقت باب ليل :عمه فوتي
    فاتت ام غياث :هاي
    ليل وصبا گاعدين چدام التخت ياكلون دندرمه :هاي
    ام غياث گعدت على التخت وفوگهن:ما تعرفون تحسبون حسابي
    ليل ابتسمت ومدت علبتها لام غياث :صبا گالت اليوم لأن ابوي موو هين بالعزا اكيد ماما راح تنام عند دلوعه مثل البارح
    ام غياث وهي تاكل منها :ومنو هذا دلوعي
    صبا :ماما بالله عليچ من بعد العشا شتسوسن مع غياث وناسيتنا
    ام غياث :تعرفين غيوثي يحب يدلك رجليني وخذانا الوگت سالفة تجر سالفه
    ليل :مثقال يگولچ باچر تروحين
    ام غياث :لا ما اگدر اترك غيوثي لحاله خليها ليوم الأحد
    ليل :اوكي يوم الأحد يوم الأحد
    صبا :ماما شفتي العروس سلوى
    ام غياث ابتسمت :اي طالعه حلوه بس مسكينه ما لحقت علي
    صبا بفضول :ما لحقت
    ام غياث :چان نايم لمن جت
    ليل قلبت وجهها وبحزن:يا حرام اليوم راح تعب صبصب على الفاضي
    ام غياث ابتسمت لان غيرة ليل فضحتها :الا انتي ليش ما تحاولين معه بلچي يرضى
    ليل صارت تضحك :ماني متوزيه علي مثل بعض ناس
    ام غياث تضحك :والله ما صدقتي بي مره ما تريد رجلها
    ليل وگفت :موو قصة ما اريدو غياث حبيبي و روحي وابوي وامي بس هيچ اريح لينا كلنا
    صبا تصفر :الله ابدعتي بالوصف وين غياث يسمع اللى تگولينه
    ليل رفست صبا :انتي سدي حلگچ
    ام غياث :شلون اريح لا انتي مرتاحه ولا هو مرتاح ترى بين الزلمه ومرتو ببعض المواقف يصير مابي مكان للكرامه بينهم
    ليل فتحت اخر درج بالسكرتون تطلع ملابس داخلية :موو قصة كرامه لو افكر بكرامتي ما چنت ارجعت ونازله علي ضره
    صبا : حرام عليچ غياث مسكين ما يستاهل اللى تسوينه بي انكسر ظهرو من نومت الگاع
    ليل طلعت قميص نوم خوخي بقماشه خفيفه علاقي لفوگ الركبه وبي زمه تحت الصدر :ما سويت بيو شئ وايمت ما يجيني احطه بعيوني وعلى راسي اسمحولي اغير واجيكم
    صبا گامت :اني رايحه انام تعبت
    ام غياث :واني رايحه أدق على حسوني
    ليل راحت على الحمام بعد ما راحم غسلت جسمها لبست القميص رجعت على دارها رطبت جسمها بلوشن بريحة الفواكه من مثقال وراحت على المطبخ تودي الصينية وباذنها السماعات حلوه الاغاني اللى بجوال غياث القديم كلها قديمه لفنانين عملاقة لأنها كسرت جوالها لما رمته على الگاع
    فاتت لقت البراد مفتوح وبي حدا بالبراد يعني مين غيرو وقفت على المغسلة تجلي المواعين الموجوده اما غياث ما قدر يكمل نومه ضل يتقلب بالفراش واخر شئ قرر يگوم ياكل شئ بلچي ينام اكيد الحز الكل نايم فات على المطبخ شرب ماي وفتح البراد وصار يحوس بالبراد اول ما فاتت على المطبخ ريحت الفواكه دوخته اول مره يشم هذي الريحه (الله على الريحه تدوخ يا ترى هذي اي وحده منهن ليوله ولا سوسو اذا سلوى يمكن تزعل مني لأنها شافتني نايم يارب ما تكون سلوى يا رب ) طلع برطمان المكدوس وربطة الخبز على اني موو مهتم باللى فاتت وسطرتني بريحتها وكف شافها ليل خذا صحن وملعقه :ام حسن
    ما ردت قرب وبعد السماعة من اذنها دحقت علي :اتركيچ من صلاح البحر وسويلي چاي
    ليل ببرود :حاضر بالچيدان ولا بالكأس
    غياث يعبي الصحن :على كيفچ
    ليل شغلة الغلية وطلعت الچيدان وهي تحس بغياث راح ياكله اكل بعيونه لفت علي غياث ورجعت تكمل شغلها بفضول :كانو عنچ حچي
    ليل لفت كتفت ادينها بصوت هادي :من يومين حسن كسر نظارتك الشمسية اللى دزيتها مع صبا
    غياث بحده لان كل النظارات اللى عنده ماركات :وينچ عنو حتى يكسرها
    ليل رفعت كتفها :كسرها وخلص ما يفيدك تعرف ويني
    غياث بالگوه مسك نفسه حتى ما يگوم عليها وياخذها باحضانه ويطلع كل مرارت الشهر من عيونها حركاتها تخلي عقله يطير اوف عنجد ذبحه الشوگ ونفسه نام نومه مريحه تكسر ظهره من الأرض بس لزم يادب ليل وخليها تعرف قيمته وتحترمو هو دائما يركض وراها هو بس اللى يتنازل وذل نفسه كثير مشان يرضيها بس هي ولا مره تنازلت لوا كلوا من ورا اخوها اللى يگوي شوكتها علي بعصبية :الا انتي ما تعرفين تحتشمين چم مره گلت لا تطلعين من غرفتچ بقميص النوم
    ليل شغلت النار وهي تضحك:كول هذا الحچي لغيري ولا هي عادي رايحه راجعه عليك بتفرعات أشكال ألوان
    غياث ابتسم لأنها تغارعلي وبخبث:روحي وارجعي مثلها
    ليل لفت راسها وببراءة قاتله :وين
    غياث انقهر منها ومن نظرتها البريئه :يولي انت ما ياخذ منچ لا حگ ولا باطل
    ليل جت عنده وحطت الكأس چدامه وصبتله وحطت الچيدان على الطاولة :صحه وهنا
    غياث بدأ ياكل وعيونه عليها :على قلبچ
    ليل أعطته ظهرها وراحت غياث ضلت عيونه على الباب اللى طلعت منه بقهر:نعمى بنت ال#### ما اگوها والله لاخليچ تحبين رجليني
    رجع غياث الدوام لقى ابو بأس حسن :السلام عليكم
    ابو غياث :وعليكم السلام
    قرب بأس راس ابو :اشلونك يابه
    ابو غياث :الحمدلله ياابني
    غياث گعد :حسوني گول لأمي بابا يريد ماي باردة
    حسن ترك اللعبه :اوكيه
    راح على المطبخ شاف ليل تسوي سلطه مسك قميصها وسحبه:ماما ماما بابا
    ليل دحقت علي :حياتي شبي بابا
    حسن يأشر على برادة الماي :يريد ماي باارده
    ليل ابتسمت :يلا حبيبي
    صبت كأس الماي وراحت مع حسن مدت الكأس لغياث غياث دحق عليها لبسه دشداشه ازرق شامي مخصره ربع ردن وشعرها مرفع بعشوئية وحاطه مكياج خفيف ونفس ريحة الفواكه فايحه منها مسك اذن حسن:يوال اني گلتلك مين يچيب الماي امي اني موو امك انته
    ليل تمنت الگاع تنشق وتبلعها ابو غياث حس بخجلها من حركة غياث أعطى أبنه نضرة :ليلوله بنتي عطشان
    ليل راحت لعند عمها :تفضل
    ابو غياث شرب الماي وجعلها الكأس :يعطيچ العافية
    ليل :الله يعافيك عمي تريد شئ ثاني
    ابو غياث مسك ايدها وگعدها بلطه :الله جابچ اليوم تعبان افركيلي كتوفي مثل هذيچ المره
    ليل ابتسمت وغيرت گعدتها :حاضر
    غياث مسك الريموت وصار يگلب بالقنوات وهو يغلي منها اشلون تسولف مع ابو وتضحك وما تعبره
    ليل :لا انته شوف اذا تريد يصير مفعول حبة المسكن اسرع واگوة اشرب معه فنجان گهوة
    غياث تدخل :دكتوره ليل شدخل الگهوة بالمسكن
    ليل بدون ما تدحق علي على فوتت سلوى :هذا موو كلامي هذا كلام الأطباء وبي دراسات تثبت صحة المعلومه
    سلوى گعدت وهي تگول بقلبها (يربي شسوي بها ماضل حدا ما لفت علي وحطتو تحت جناحها حسبي الله ونعم الوكيل عليچ يا ليل ) :اي معلومه
    ابو غياث عاد معلومة ليل لسلوى سلوى :اول مره اسمع بهيچ شئ من وين جبتها
    ليل بستهزا :جبتها من بيت ابوي
    ابو غياث :الا على سيرة ابوچ يا ليل اشلونو
    ليل :والله زين وعلى طول يسال عنك وعن عمي ابو عبد الحميد
    ابو غياث :الله يعطي العافية ان شاء الله شئ يوم نروح نتعالل عندو
    ليل ابتسمت :اهلا وسهلا بك ايمت ما تجي
    ام غياث وصبا فاتم صبا گعدت تلعب مع حسن على السجادة وهي تشوف ابوها يسولف مع ليل ويضحكون :ماما شوفي بابا مكيف على ليل وناسيچ
    ام غياث ايدها على بطنها:نيال ابوچ الصلاة على النبي ايدها بحيل خفيفه وتريح
    سلوى :ما شاء الله يا ليل اشوف موو ضل حدا موو مسويتلو مساج
    ابو غياث :بنيتي ليل ونعم الچنه تعاملنا مثل امها وابوها
    صبا بغيرة:والله زين صارت ليل بنيتك واني بنت البطه السودا
    ليل دنقت وشاورت ابو غياث صار يضحك
    غياث بعصبية :يا خوانم ترى ذبحنا الجوع
    ام غياث :صبا سلوى يلا حطن العشا
    سلوى :اني اليوم شطفت الحوش والممرات وظهري وجعني
    ام غياث :وليل غسلت كل الغسيل وشرتو على الحبال وكوت اهدم رجلها وعمها وطبخت العشا معاي وما سمعت ظهرها وجعها
    سلوى :الا صبا خانم شسوت اليوم بس تلعب بالألعاب مع حسن موو عيب عليها اللى بعمرها فاتحات بيوت
    غياث أعطى نضره لسلوى :صبا اختي وست البيت رادت تشتغل اشتغلت ما رادت تسوي شئ بكيفها مي مجبوره بشئ
    سلوى گامت وراحت على غرفتها لان كل شغل البيت عليها وعلى ليل
    ليل وگفت وراحت تحط العشا صبا تركب المكعبات :مين گال ما سويت شئ اني نظفت قرفة ماما وقسم الضيوف ومسكت حسن لان ليوله مشغولة
    غياث يضحك :تعالي هين يولي اليوم وين رحتي وما جبتلي الشامبو
    صبا تذكرت انو قبل الظهر غياث صاح عليها تجيبلو شامبو :يوو والله نسيتك
    غياث صار يضحك:اللعب مع حسن بالألعاب ماخذ عقلچ
    ام غياث مسكت ايد غياث وهي تضحك:خليها تشبع لعب مع الدبدوب مكيفه علي
    ابو غياث ضحك :لو ادري صبا تفرح هيچ چنت من زمان جوزت غياث وعبالها البيت عچيان
    غياث :لا بالله ليش موو انتم اللى معبين البيت عچيان ولا كل شئ على غياث
    صبا دحقت عليهم لان يضحكون عليها من رجعت على سورية وهي تقضي يومها لعب مع حسن :والله هذي الطفولة المتأخرة ما چان بي حدا العب معه وغياث ما جان يلعبني
    غياث نزل معهم يلعب :والله چنت مدللچ دلال بس اني زلمه ما العب بالألعاب العچيات الزهريه
    ام غياث وابو يضحكون لان غياث وهو مراهق يعصب من صبا ويكره العاجات (الدمى) واللون الزهري : ها صبصب الحلوه شتريدين اللعبچ اليوم
    صبا صارت تضحك :ركب معنا
    غياث يركب معهم :هذي شلون تصير
    صبا خذت القطعه اللى بأيد غياث: غيوثي هذي هيچ تتركب
    حسن أعطى غياث لعبه على شكل دجاجه بيضه :بابا همه
    غياث صار يضحك :يوال انته جوعان
    صبا حچت مع حسن فرنسي
    حسن هز راسه ورد عليها وراح على المطبخ :ماما ماما حبيبي
    ليل ابتسمت :عيون ماما تعال
    قرب منها :ماما جوعان
    ليل قربت وجهها من حسن :حبيبي حسوني هات بوسه
    حسن طنش ليل خذا السفره وهو ماد بوزه:ماريد بوسه
    ليل صارت تضحك :حبيبي بس تعال بوسه وحده
    حسن قر عليها بالفرنسي وطلع
    رجعت تكمل تزين المقلوبة بقطع الليمون وأوراق النعناع
    حسن مد السفره وگعد بحماس بمكانو هو يضرب كفه بالأرض وهو متحمس لان يحب مقلوبة ليل :يوم تعالي همي
    ام غياث ابتسمت ووگفت :يلا حبيبي الحز اجي
    راحت على المطبخ :ها ليوله شسويتي تريدين اساعدچ
    ليل تطلع الشنينه من البراد :لا حبيبتي خلصت
    ام غياث ساعدت ليل بمد السفرة ليل گعدت تصب الشنينه وأم غياث توزع :صبا روحي صيحي لسلوى
    صبا مسكت المعلقة :ما اروح انتي سمعتي شنو گالت عني من شوي
    ابو غياث :منو اللى يروح اذا انتي ما رحتي
    غياث دحق على ليل:ام حسن انتي گومي
    ليل حطت عينها بعينه كانت نضراته صارمه بخوف :وين
    غياث بنفس النضرات :صيحي لسلوى
    ليل وگفت :حاضر
    ليل راحت لچدام غرفة سلوى ودقت الباب :منو
    ليل بعصبية :الشيخ أبو حسن يصحلچ
    سلوى فتحت الباب وهي موو مصدگه:غياث يصيحلي اني
    ليل بحده وهي أول مره تشوف غرفة سلوى لونها ابيض :لا يصيح لحبابتي
    وراحت على المطبخ تكمل تنظيف رغم أنها چانت جوعانه مووت واليوم دور سلوى بالمطبخ
    كلها اشوي وجتها صبا :غياث يگول تعالي تعشي
    ليل تشغل النار على الچاي :گوللو اني معدتي توجعني وتقلب عليا وما اگدر احضر معاكم العشا العائلي
    صبا ابتسمت :يولي ليل لا يكون حامل
    ليل رجعت تنظف :صبا سدي حلگچ احسن ما ادفنچ هين
    صبا قربت منها:ما اسدو بالله عليچ منتي حامل
    ليل :الحز شدخل الحمل بمعدتي
    صبا : ومعدتچ تقلب عليچ ولعبانه نفسچ من غياث
    ليل لفت عليها واشرت على حالها :صبا اسكتي گال اني لعبانه نفسي من غياث
    صبا قربت اكثر وبنبره لعوبه:اذا موو لعبانه نفسچ منو ما چنتي صبرتي على فراقو شهر
    ليل بصوت واطي :استغفرالله العظيم
    صبا ابتسمت بفرح :شوفي اذا اطلعتي حامل الحلوان عليا
    ليل ابتسمت غصب لان صبا قلبها طيب وتخليها دائما تفائل بالخير :انقلعي اتعشي لا ارتكب بيچ جريمه
    صبا تضحك :واهون عليچ
    :ما شاء الله العشا برد وانتن تطقن حنك هين
    ليل لفت على غياث وهي تنغز علي:ما طقينا حنك معدتي توجعني
    غياث بشك لان طريقة كلامها يميل لسخريه :من شنو توجعچ
    ليل تكمل الچاي :والله ما اعرف باچر اروح مع مثقال واعرف من شنو توجعني
    صبا :اليوم الجلي موو عليچ روحي ارتاحي واني اسويلچ شئ خفيف تاكلينو
    ليل تحط كاسات :لا والله ما تسوين شئ روحي تعشي واني بس اجوع اكل
    غياث أشر لصبا تطلع صبا طلعت وهي فرحانه على بالها غياث يفكر بنفس تفكيرها غياث قرب منها ووجهه بوجهها بحده :وين تريدين تولين
    ليل صدت عنو ونترت:شدخلك وين اولي وخر
    غياث لوا ايدها لورا وبعصبية :لمن احچي معاچ تردين بأدب وتدحقين علي
    ليل بألم تحس ايدها راح تنكسر وهي مالها نفس للكون مع غياث دموعها تجمعت :آآه ايدي اتركني
    غياث قرب منها اكثر وهمس بصوته الخشن المبحوح وهو يشد شعرها لورا :شگالتي ما سمعت
    ليل نزلت عيونها ودمعتها الحارة تنزل على خدها
    انتهى الفصل توقعاتكم
  8. زينة الزينات
    07-05-2019, 01:04 AM

    رد: ليل الخفسه

    ليل الخفسه


    الفصل السابع عشر شهگة عشگ
    غياث رخى ايده وبنبره هاديه:وين رايحه
    ليل دموعها تجري :گلتلك معدتي توجعني
    غياث صدقها لان ليل بالعادة ما تتنازل وتطلع بالعالي علي وعمرها ما گالت اسفه معقولة ليل حامل ليش لا :روحي على النسائية احسن شئ
    ليل بعدت وهي تمسح دموعها:لا تشغل بالك ماني حامل حط رجلينك وايدينك بماي بارده
    غياث ندمان على اللى صار هو صح يگول لليل ما يريدها تحبل بس هي لو تحبل راح يفرح من قلب قلبه بي احلى من انو يصير عنده طفل ثاني من حب حياته ليوله كل القصه هو يريدها ترتاح وتتفرغ له مشان يعوضون اللى فات واصلا لسعهم زغار والعمر چدامهم لحقين على طفل ثاني وعلى الواع ويع:اني بعمري ما جبرتچ على شئ انتي حره ولو فعلا اني ما اريد منچ چنت خذيت احتياطتي
    ترك ليل وطلع اصدف سلوى ما عبرها وضل مكمل طريقه فاتت حطت الصحون على الطاولة شافت ليل واضح انها باچيه:شنو صار شگال
    ليل شالت الچاي وبعصبيه :ما يخصچ ولا تدخلين بشؤوني الخاصه
    سلوى صارت تضحك :شفتي يا حلوه حالچ حالي مابي فرق بينا
    ليل تركتها وطلعت لقت غياث وابو وامو موو موجودين بس صبا وحسن ياكلون بالعادة ما يگوم لدار الضيوف الا يشرب چاي:وينهم
    صبا :راحم عندو شصار بينكم
    ليل :ما صار شئ كحلي خربان
    صبا ابتسمت :لا حبيبتي تجننين
    ليل لأول مره تروح لغرفة الضيوف بعد ما غياث سكن بيها چان المدخل فخم ويلمع دقت الباب البني وهي متردده جاها صوته:ليل فوتي
    ليل ارتفعت حرارتها هذا اشلون اعرف انو هي اللى جت خذت نفس عميق وفاتت چان غياث متربع نوات امو وابو والغرفة جبيره بالحيل ومجلسها باللون الأحمر والسجادة احمر باسود وكل الحيطان مع السقف مسويلهم ديكور بالجبس والشاشه كبيرة جدا معلقه بالحيط وشغاله على قناة العربية :هذا الچاي
    ام غياث ابتسمت :والله جا بوگته
    ليل صبت ليهم وضيفتهم :تريدون شئ مني قبل ما اروح
    غياث نزل كاسه:افتحي الشباك
    ليل فتحت الشباك نصه غياث ديحق عليها :افتحي كلو
    ليل كملت فتح الشباك :تصبحون على خير
    وطلعت ام غياث شافت غياث موو على بعضو :اشبك لا يكون تكونتم بالمطبخ
    غياث دحق عليهم :لا ما صار شئ گالت انها مرضانه وراح تروح مع مثقال على المستشفى
    ابو غياث بخوف :ليل مرضانه
    غياث هز راسه بدون ما يقول شئ ام غياث :يا عمري سلامتها شنو اللى يوجعها
    غياث يشرب:بطنها
    ام غياث :روح جيبها تحليل يمكن تكون حامل
    غياث تركى على المركايه اللى جنبه :گالت موو حامل
    ابو غياث :ابني نحن ناخذها عيب مثقال ياخذها موو حلوه ابدا بحقنا
    غياث بعناد :اني اعذروني ما اگدر اخذ حدا
    ابو غياث :انته لا تأخذها اني أخذها
    بعد ما خلصو سهرتهم ام غياث صاحت لليل ليل لقت الباب مفتوح قربت من الباب عمتها واقفه تمشط شعرها وعمها گاعد على السرير :ممكن افوت
    ابو غياث :تعالي يا بنتي
    ليل فاتت :جيتك عمي اؤمرني
    ابو غياث مد ايده لليل ليل مسكت ايده :اگعدي
    ليل گعدت نواته :شلونچ
    ليل ابتسمت له :الحمدلله بخير
    ابو غياث :متأكدة
    ليل صارت تضحك :اي متأكدة
    ابو غياث ابتسم وهو يحط ايده الثانية على ايدها اللى مسكها:اشوفچ مغلسه وموو سائله عن ابني وحيدي
    ليل حست بالخجل من عمها :وحيدك اشتكى مني
    ابو غياث حرك راسه وهو يدحق على ام غياث :لا ما اشتكى بس انتي اكيد تفهمين حسن بدون ما يگول ولا كلمه وتحسين بي
    ليل :عمي غياث بعيوني وان شاء الله ما اقصر معه واذا بدر مني اي شئ ما يعجبك حقك علي
    ابو غياث :ليل انتي تعرفين زين شگد غياث يحبچ وما يرفض لجا طلب
    ليل ضلت ساكته ابو غياث :ليوله يا بنتي انهي المهزله اللى گاعده تصير ترى حل المشكلة بايدچ انتي ترى موو عيب اذا رضيتي غياث اولها وآخرها زلمتچ ابو ابنچ
    ليل عيونها لمعت ونزلت راسها :اللى سوى غياث عين العقل
    ابو غياث ابتسم ورفع راسها:فهميني شنو وجهت نظرچ اللى تخليچ تفكرين هيچ تفكير
    ليل :عمي غياث انسان واعي وفهمان يعرف مصلحته وين
    ام غياث اخيرا تدخلت وهي تگعد بلط ابو غياث:يا ماما سلوى راح تضل لزقه بي لا تخلين الغيرة تخرب حياتچ
    ليل سحبت ايدها : عمه قلتلچ من قبل موو بأيدي الحل شنو ما يكون قرار غياث اني راح احترمه واقبله
    ام غياث :اووف يا ربي انتم راح تجننوني
    ليل ابتسمت:لا تشغلون بالكم على غياث هو بخير خلي يريح راسه شوي
    صارو يضحكون ليل وگفت :الحز اكيد صبا تدور عليا
    ابو غياث :ليوله جهزي حالچ مشان باچر ناخذچ على الدكتور
    ليل :عمي يعطيك العافيه اقدر اهتمامك بيا بس اني اتفقت مع مثقال لان اني وهو عندنا موعد ثاني مع دكتور الأسنان
    ابو غياث :الله يعافيچ بنتي عندچ مبلغ يكفي علاجچ
    ليل :اي الحمدلله عندي عن اذنكم
    رجعت على غرفتها لقت صبا تهز حسن على رجلينها ليل سكرت الباب :نام
    صبا :نص نص ليش الماما والبابا صالحولچ
    ليل فتحت السكرتون تطلع غيار وهي محتارة شتلبس:يريدوني اروح اصالح الشيخ أبو حسن
    صبا صارت تضحك :شنو راح تلبسين شوفيني شعندچ
    ليل بسخريه وهي تسحب شلحة نوم بيضه قطنية طويلة على صدرها دانتيل ابيض :راح البس الشورت الابيض اللى جبتليه من فرنسا
    صبا :حيوانه لا تتمصخرين
    ليل :غمضي عيونچ
    صبا غمضت ليل رمت قميصها والجينز ولبست الشلحه حطت اهدومها بالسله :خلصت
    صبا فتحت وهي تدحق على ليل :من كل عقلچ تريدين تروحين هچذان
    ليل فكت شعرها وهي چدام التسريحه تحط لوشن:مين اللى گال اني رايحه
    صبا نومت حسن زين :انتي اللي گلتي
    ليل صارت تضحك :غلطانه اني ما گلت شئ
    صبا وگفت :اووف يا ليل ما أقسى قلبچ على غيوثي
    ليل مسكت ايد صبا :امشي نسوي فشار وعصير مشان نشوف فيلم
    صبا :اوكي بس اني اختار الفيلم
    ليل :اوكي مواقفه
    راحو على المطبخ ليل وقفت تسوي الفشار وصبا تسوي العصير وتحط موالح
    ليل :بما اني رايحه على حلب راح أمر على السوگ
    صبا :شتريدين تشترين
    ليل :مابي شئ محدد ببالي انتي ناقصچ شئ
    صبا :لا تسلمين موو ناقصني شئ
    ليل تضحك :متأكده ترى بي محل روعه كل شئ يخص النسوان عندو يبوو بضاعتو أشكال ألوان من افوت علي مثقال يمسك جوالو ويگعد عند المحاسب
    صبا تضحك :لا تعذبين حالچ والله عندي الأشكال الألوان جيبي لسلوى معاچ
    ليل :تخسر اجيبلها زرگة اخوچ لمن رحت اصيح عليها ما صدقت على الله انو غياث يصيحلها
    صبا تضحك :من گال غياث حسيت گلبي راح يوقف من الخوف بس الحمدلله انتي گمتي وما خجلتي غياث چدامنا
    ليل تهز الجدريه :لا والله ما اسويها كل شئ ولا اكسر كلمة غيوثي چدامكم
    صبا لفت تطلع المكسرات شافت غياث متسند على باب المطبخ وفايت جو معهم ابتسمت له :اذا لهدرجه تحبين غيوثي روحي على
    ليل طفت النار :يولي حرام عليكم اتركم الزلمه يتنفس ترى هو موو طفل زلمه طول بعرض بشورب يعرف مصلحته وين
    غياث اشرلها تسالها اشتاقت لوا ولا لا صبا أعطت غياث كأس عصير :طيب وانتي ما اشتاقيتي لوا ما حنيتي
    ليل تفضي الفشار بزبديتين وبانكسار:صبا حاجتچ والله العظيم بكل لحضه أشتاق لوا ولانفاسو ولمستو ولنظرتو واشتاق لكل شئ بيو بس اني محتاجه ارتاح واريحو من المشاكل لا عاد (ليل لفت عليها) تس
    شافت غياث واگف وبايدو كأس عصير بيها ربعها وصبا مكتفه ايدينها ليل زعلت من حركة صبا لان غياث موجود وصبا تسحبها بالحچي ليش هيچ تحرجها موو عل اساس انها صديقتها واقرب وحده ليها هذي هي الثقه برأيكم :اها يعطيچ العافية بعمرچ ما تتغيرين
    وطلعت غياث لحقها :ليل ليل وگفي
    مسك ايدها قبل ما تفوت على قرفتها :صبا مالها علاقه اني ما خليتها تحچي واني اشرتلها تسالچ
    ليل بهدوء :عادي ما صار شئ
    غياث حصرحها بينو وبين الحايط وهو ذاب بريحة الفواكه اللى فايحه منها:ليولتي موو ناوية ترحميني
    ليل قربت اكثر من غياث همست باذنه:حبيبي انته ارحمني
    غياث مسك جسمها وقرب من وجهها وبصوتو المبحوح :ليولتي حبيبتي راحتي بحضنچ
    وباسها
    بصوت عالي وصياح :غياث
    ليل حست على حالها وصحت على نفسها وبعدت عنو وهي تاخذ نفس سلوى ودموعها تنزل ليها شهر تروح وتجي تحول ترضي بس هو ما قدر وليل اللى شايفه حالها علي ميت عليها ويركض وراها وموو حاس على نفسه هو وين ولا استحى :انتي وحده حقيرة ما تخافين الله شمسويه بي حتى يشوفچ وما يشوفني بس گولي انتي ساحرتو ولا شنو من ارجعتي خربت حياتي كلها يولي انتي شنو ها شنو
    غياث بعصبية : سلوى ولا كلمه ما اسمحلچ
    سلوى بعصبية أكبر :انته اخر واحد يحچي انته ما تستحي ولا تخجل ضيعتلك عقلك ال####
    ليل فتحت باب غرفتها وضمت الباب وهي مبتسمه وبدلع:اي اني #### وضيعتلو عقلو شنو اللى حارچ غيرانه مني (دحقت على غياث وبدلع) غيوثي حبيب گليبي تصبح على خير (حركت شفايفها) امووح
    وسكرت الباب غياث عصب وترك سلوى واقفه وراح
    سلوى صارت تدعي على ليل وراحت على قرفتها
    صبا شافت غياث مر استغربت چان من اشوي مع ليل شنو صار :غياث وين رايح
    غياث بعصبية :رايح اندفس
    صبا خجلت تسأل شنو صار لان بعينها شافتهم مع بعض غياث طول الليل ما نام شيسوي اذا ما قدر يحب سلوى مثل ما يحب ليل شنو ذنبه
    اما عند ليل اذن الفجر فتحت الباب اكيد راح يدز صبا تاخذ لوا غيار ضلت تتقلب بس الغريب ان صبا ما جت طلع الضو معقوله تصالح مع سلوى ونام عندها الفار صار يلعب بعبها گامت بسرعه لزم تتأكد اذا هو موجود بغرقة الضيوف ولا لا بسرعة لبست الروب فوق الشلحه لان عمها موجود بالبيت راحت لغرفة الضيوف الباب مفتوح مدت راسها بهدوء وفاتت شافت فراشه فاضي وعلى حالو لان البطانية مصفطه عيونها امتلت دموع ما اغباها زعلت غياث منها وخلتو يروح لسلوى برجلينو گعدت بفراشه مسكت مخدته ضمتها وصارت تشم ريحتو بيها معقوله هي گاعدة تبچي مثل الطفل اللى ضيع امو علي وهو نايم بحضن سلوى :الله يلعنك يا حقير
    ضلت تبچي لمن گالت بس رمت المخده وطلعت من الغرفه تحس حالها مخنوقه فتحت باب المدخل وطلعت برا صارت تمشي من قهرها ما تعرف وين تروح فتحت اثمها بصدمه
    *****
    غياث طلع من آخر محاضرة وهو منتهي مر على مكتبه خذا الاشياء اللى يحتاجه وراح على شقه وهو فايت على العمارة صادف جاره ابو إياد وبعد السلام :تفصل انته والمدام لعندنا على العشا
    غياث ابتسم بتعب :تسلم ابو إياد ما تقصرالمدام موو هين واني عشر دقايق وراجع على البيت
    ابو إياد استغرب:اشلون المدام موو هون اليوم كنا عند الدكتورة النسائية وشفناها مع حسن واخوها
    رجع على البيت ما لقى الا امه وابو وصبا والبيت هدوء سلم عليهم وگعد :وين الخوانم
    ابو وامو صارم يضحكون لان واضح انه معصب
    صبا :سلوى گعدت الظهر ضبت هدومها وراحت مع ابوها
    وليل الساعه ثمانية ونص جاها مثقال وخذاها على الدكتور
    غياث تفاجئ من الصبح للحز بحلب :للحز ما چت
    صبا ابتسمت :انته اسمعتها گالت انها راح تتسوق
    غياث وگف :جهزي العشا على ما اغسل
    راح يغسل وصبا راحت تجهز العشا مع امها
    وثاني يوم الساعة تسعه امو وابو راحو على حلب والمغرب :صبصب ما خلصتي
    صبا طلعت لبسه بلوزه طويله لفوق الركبه لونها ابيض وتحتها سكيني اسود وحجاب اسود وسكربينه سودا بكعب واطي :لا خلصت
    غياث وقف :يلا
    وگف قدام محل مثقال طفى السيارة :يلا انزلي
    صبا انخطف لونها :و.. وين انزل
    غياث ابتسم :موو تريدين غراض من المكتبة
    صبا هزت راسها :ما اشتري من هين ما عندهم بضاعة
    خافت اول ما شافت مثقال طلع ودق الشباك
    غياث فتح الباب ونزل سلام علي :غريبه اليوم موو مداوم
    غياث : اليوم عندهم مؤتمر برا الجامعه محد راح يحضر
    مثقال مسك كتف غياث :البارح رجعنا بوگت متأخر واستحيت اگعدكم من النوم
    غياث ابتسم :عادي مابي مشكله صبا حدري
    صبا ضلت گاعدة
    غياث :صبا يلا
    مثقال ابتسم لان واضح انها ما تريد تنزل :ما تريد تنزل لا تحرجها
    غياث مد راسه من الشباك وهو خجلان من تصرف صبا:صبصب انزلي تفرجي واذا ما عجبچ شئ ما نشتري
    صبا خذت نفس عميق ننزلت مثقال سبقهم صبا وگفت عند غياث وبهمس:گلتلك ما اريد افوت
    غياث مسك ايدها :ولا كلمه واذا ما.......
    مثقال وهو يكمل قرأت كتابه ويشرب گهوة بكوب چبير واخيرا بعد نقاشهم الطويل فاتم مثقال سكر الكتاب:اهلا وسهلا تفضلم
    غياث گعد وصبا معطيتهم ظهرها وهي خجلانه :حبيبي تسلم خذي راحتچ
    مثقال :شنو محتاجه حتى اقدر اخدمچ
    صبا لفت عليهم :ا.. ا
    غياث :صبا بفرنسا درست فن تشكيلي
    مثقال وقف قدام واحد من الرفوف:وهو ما راح تلقون كل شئ عندي (شال كراسة) اكيد تريدين ورق رسم
    أعطاها صبا مسكت الكراسة وفتحتها وهي تلمس ورقها مثقال : mix media هذي النوعية جدا ممتازة تصير لكل الاستخدامات
    للألوان الخشبية والرصاص والباستيل والفحم والألوان المائية والجواش والاكريلك والحبر
    شافها ضلت ساكته وعيونها على الورق :اذا ما عجيتچ اقدر اعطيچ ثلاث كراسات لكل وحده استخدام بس موو نفس الجودة
    صبا يلا يطلع صوتها :لا هذي
    غياث مد ايده
    صبا اعطتها لغياث
    مثقال صار يشوف أقلام الرصاص :شنو درجة الرصاص اللى تستخدمينو
    صبا وهي تشوف المحايات نحتارة:اخف الدرجات اي وحده احسن
    مثقال ابتسم لها:الخضرة احسن
    كملت مع مثقال غياث دق جواله وقف عند الباب وتسند علي ورد
    مثقال :بما انچ فنانه ما انصحچ بالواني
    صبا بهمس وخجل منه على الموقف اللى صار بينهم يمكن ماتتكرر الفرصه:اسفه
    مثقال دحق بعيونها :على
    صبا توترت ودحق على غياث :اول مره أوقف ورا الباب وما چان عندي اي نية سيئه اتجاهكم
    مثقال رجع الألوان على مكانهن وهو يمزح:اذا تصيرين زبونه عندي اسامحچ
    صبا زورت مثقال وراحت دغت غياث من خصره لف عليها :ها
    صبا :بس نخلص اريد اشتري كولا بارده
    غياث هز راسه :اوكي عمي اني براي لزم
    صبا رجعت لمثقال :لو سمحت عندك قلم خط اسود
    مثقال :عندي بالبيت تريدين
    صبا استغربت :بالبيت
    مثقال :اي تريدين
    صبا :نفس اللى تكتب بي
    مثقال :اي نفسو
    صبا :اريد ثلاثه واحد بني وأثنين اسود
    غياث رجع گعد:صبا خلصتي
    صبا راحت عندو :اي خلصت بس ما عندو الوان
    مثقال سحب چيس وجمع الأغراض غياث :سجل الحساب على الدفتر
    مثقال سجل بالدفتر :لان اختك اول مره تشتري من عندي راح اسويلك خصم مع هدية
    غياث خذا الچيس :الهدية ليا ولا ليها
    مثقال صار يضحك وشال جواله ومفاتيحه وجزدانه :انته لكا بس الخصم
    غياث :وين الهدية
    مثقال شال كوب الگهوة وطفى الإنارة :الهدية بالبيت
    غياث طلع مع صبا:بس لا تكون الهدية مرتي وابني
    مثقال سكر الباب وسحب الباب الحديدي وهو يگول :اختي ما تقدر بثمن
    وقفل صبا :راح اشتري كولا
    غياث :بسرعه موو تأخرينا
    جارو ابو الدكان بعد ما فاتت صبا :ابو جاسم وين رايح لسع وگت
    مثقال لف على جاره :على البيت الا وين عبود اليوم ما جاني
    جاره :عندو دورات
    مثقال ابتسم :الله يسهل علي شد علي لا يرسب والحساب البنت سجلو علي
    جاره دحق على غياث:تكرم والله يا ابني ماني قدرانلو انته نسيب مثقال
    غياث قرب وسلم علي:اي اني غياث ابن الشيخ حسن ال....
    الرجال ابتسم :والنعم بيك وبكل ال.....
    اما عند ليل چانت بسابع نومه من تثير الدواء اللى خذته شمت عطره وحست بي يحچي معها ويمسح على شعرها ووجهها بس موو قدرانه تفتح عيونها لما صار يبوسها فتحت عيونها وضاعت ببحر عيونه همس :يا حلو صح النوم
    ليل حوطت رقبته وبهمس :حبيبي جيت
    غياث ابتسم :ايوه يا روح حبيبچ چيت اخذچ البيت بدونچ ما يسوى
    قربت راس غياث منها وبهمس : واخيرا چيت اشتقتلك مووت
    اما برا بالدچه صبا تتأمل حوش اهل ليل وهي شايله حسن ويشربون كولا وياكلون شبس وابو ليل گاعد على الحصيرة :بنتي
    صبا لفت علي :هلا عمي
    ابو ليل أشر لصبا :يا ورده تعالي اگعدي عندي
    صبا ابتسمت بخجل وگعدت معه حسن خذا الطابه والكولا وصار يلعب حولهم ابو ليل :ليل حچتلي چثير عنچ
    صبا دحقت علي :عني اني
    ابو ليل ابتسم :اي انتي ما شاء الله صبا اسم على مسمى
    صبا توردت خدودها :تسلم هذا من ذوقك
    حط صحن التمر چدام صبا :تفضلي
    صبا خذت حبه :شكرا مع اني ما احب التمر
    ابو ليل :اولي الناس چانت عايش على التمر
    صبا حطت العجوة بالصينية وهي تدحق علي:بس تمر
    ابو ليل ابتسم :عندها اچل ثاني بس يجيهم ايام ما يلقون بالبيت الا تمر
    لصبا :الحمدلله على النعمه
    ابو ليل رفعلها الصحن :لزم تاكلين تمر الرسول وصى ناكل كل يوم تمر
    صبا صارت تضحك وهي تصلي على الرسول عليه الصلاة والسلام وخذت وحده:وهذي وحده لعيونك
    مثقال من وراهم له من اول ما گعدت وهو واگف يتسمع گعد على عتابة الباب :نايالك يا يابه العاجات يأكلن تمر لعيونك
    ابو ليل خجل من صبا اللى صدت وهي مستحيه من أبنه الوگح:صبا شتشربين
    صبا مسكت ايده :عمي ما اشرب شئ يعطيك العافية
    ابو ليل :تخجليني
    صبا مسكت كاست الماي اللى چدامه وشربتها : خلاص اشربت
    مثقال ابتسم على عفوية صبا وتوضعها مع ابو مر وگت اخر شئ طلع غياث على أذان المغرب وهو خجلان مثقال مسك كأس الچاي وبسخرية :لسع وگت اخذ راحتك
    غياث گعد على حافت الدچه وهمس له وهو يدحق على صبا اللى گاعده تتمشى مع ابو ليل وحسن وبايدها وردة جوري حمرا تسولف معه :والله اختك أبدا ما تستحي ما ترضى تگعد ولا ترضى تتركني اطلع
    مثقال صار يضحك:حبيبي عادي اخذ راحتك البيت بيتك
    غياث :كان صبا عجبتها الجيه عليكم
    مثقال صب لغياث چاي :ابوي مكيف عليها اول مره يعطي ورده لوحده غير ليل
    غياث ابتسم
    مثقال فات جوا دق الباب ليل :فوت
    فات شافها لبسه دشداشه من ايام حملها لونها ابيض مشجره بورد صغير بدرجات الزهري فضفاضه و لمه الفراش وگعدة ترتب أغراضها فتح السحاب :ترضيتو
    ليل بخجل :يعني
    مثقال طلع أقلام الخطاط وألوان وحطاهن بچيس:اخت غياث هين روحي سوي عشا
    ليل سكرت شنطتها :بلا العشا غياث مستعجل واني تعبانه
    مثقال أعطاها الچيس:شنو بلا العشا ابوي ما يرضى ابدا يطلعون بدون عشا تعالي اساعدچ
    ليل فتحت الچيس :شنو هذا
    مثقال :اعطيهن لصبا هدية المحل
    ليل حطت الچيس بالچنطه :لا يكون عجبتك بنت الفرنسية
    مثقال اعطاها نظره:يولي بلا الحچي الفاضي عيب
    ليل وگفت وطلعت معه على المطبخ وهي تسأله شجاب صبا
    اما برا غياث شايل حسن أبو ليل يقطف عنقيد عنب احمر واخضر صبا شايله السله وتاكل وهي فرحانه :صبا حاچ تاكلين موو مغسول
    صبا :عمي گال عادي اكل عمي راح تقطفلي تين
    ابو عبدالله ابتسم وهو يحط عنقود العنب :الحز اصيح لمثقال يقطف التين
    غياث :عمي لا تعطيها وجه ترى صبا من تاخذ وجه تصير جلغه اساسا انتي ايمت چليتي تين
    صبا تضحك :عمي لا تصدگو غيراني مني
    غياث قرص خدها :اني غيران منچ
    طلع ليل عليهم وهما گاعدين على الحصيرة :يلا فوتم العشا جاهز
    غياث تعدل بگعدته :عشا ايش موو انتي گاعده تجهزين حالچ
    ليل مسكت ايد ابوها حتى يگوم :ابوي ما يخلينا نروح بدون عشا
    غياث وگف :ما چان بي داعي نحن موو ضيوف
    فاتم جوا ليل خذت صبا وحسن يتعشون جوا وغياث اتعشى مع عمو ومثقال
    وهما طالعين ابو ليل أعطى مثقال چيس :هاك حوش تين
    مثقال أعطى الجيس لغياث:ما اطلع احوش تين بنطلوني جديد اذا ليل تريد تين هذا رجلها گد الحايط
    ليل رجعت الچيس لمثقال ابتسم :غياث انته تسلق
    ابو ليل بعصبيه :يوال اذا ما تطلع اني اطلع عنك
    مثقال انحرج منهم :يابه الصبح اطلع احوش كل التين بس موو الحز والله تعبان
    رمت چنطتها واعطتها لصبا وخذت الچيس منو:اني اطلع
    غياث مسكها من عضدها ورجعها لورا:هااي وين تطلعين عيفم التين بحاله تأخرنا
    مثقال ابتسم وهو متحمس :غياث خليها تطلع يلا ليل
    غياث بخوف عليها:لا لا وين تطلع
    ليل تضحك لان من الطفولة تتسلق مع اخوتها :اشبيك اطلع فوگ
    صبا بهمس :وجع يا مجنونه وين تتسلقين
    غياث تركها وجا يعطيها حسن :اطلع اني وما اخليچ تطلعين
    ابو ليل :غياث اتركها تطلع ليوله متعوده تتسلق
    غياث خذا نفس :اوكي اطلعي بس انتبهي لا تگعين موو ناقصني صير بيچ شئ
    مثقال شغل الكشاف وليل تسلقت وگعدت على الغصن العريض اول وحده قطفتها مسحتها بنطلونها وذقتها مثقال :انتي طالعه تاكلين ولا تحوشين
    ليل رمت الحبه لغياث :امسكها
    غياث صار ياكل فعلا تينهم لذيذ وهو يتأمل ليل ما توقع تكون ليل جريئه وتتسلق على الشجره بالليل وقطفت ملأت الچيس تين ربطته :مثقال امسكو
    رمت الكيس على ومسكه
    من وصلم على البيت غياث غسل وصلى المغرب والعشاء لانه فوتهم شال حسن من عنده حطه عند صبا صبا فاتت على قرقتها مع صحن العنب والتين:هااي وين حطيتو
    غياث :ولا كلمه انتبهي علي
    صبا عصبت :ترى غلطان ما اشتغل مربيه عندكم
    غياث ما رد عليها فات على غرفته وقفل الباب
    ضم ليل من ورا وباس كتفها :ليولتي
    ليل بهدوء وهي ترتب الأغراض اللى اشترتها :اذا صبا ما فرشت لكا اني اروح افرشلك
    غياث لسع يبوس كتفها برقه:موو وگت المزح اووف شگد مشتاگلچ
    ليل بعدت عنه :تشتاگلك العافية
    غياث رمى قميصه بحده :اذا ناوية تلعبين بيا گولي وريحني
    ليل مسكت ايده وسحبتو لعند التخت گعدت غياث مشت على ركبها لحد ما صارت وراه ضمته بحب وباست خده كم مره برقه وهمست باذنه :غيوثي من اليوم راح تصير مصلحتي فوگ كل شئ
    غياث ضل ساكت وهو يحس ببوستها ليل :ههههه لا تخاف اني مستحيل أذي حدا تعبت بالحيل واني اذي نفسي حتى ما ازعلك مني
    غياث نزل راسه بخيبه هو يحس ليل راح تستغل حبه لها اختصر الطريق عليها:المطلوب
    ليل مسكت فكه ولفت راسه وبثقه :المطلوب تنسى موضوع الخلفه منها وتصير تنام عندي كل يوم أو تطلقني
    غياث بعد ايدين ليل ولف عليها وهو بقمة الصدمه :انجنيتي
    ليل :كل هل گد تحبها
    غياث تعوذ من الشيطان الرجيم :ليل انتي سمعانه شگلتي
    ليل وگفت ودموعها تنزل كتفت ايدينها:اللى گلتو واضح يا اني يا هي وغير هيچ ما عندي
    غياث وگف :انتي موو صاحيه
    ليل وعيونها بالأرض ودموعها تجري : بس گولي شنو ذنبي حتى تنزل علي ضره
    غياث ضمها من ورا وباس خدها :ليل انتي مؤمنة بالقضاء والقدر لا تعترضين على مشيئة الله يمكن زواجي من سلوى خيره لنا
    ليل :ههههه خيره وين الخير وانته تحبها وما تحبني
    غياث لمس خد ليل وهمس باذنها ( ما احبچ اني اتنفس هواچ) بعدت ايد غياث :لا تگوسني اكرهك
    غياث ابتسم :دخل الحلو اللى يكرهني
    بعدت غياث عنها وگعدت على التخت غياث گعد على ركبه چدام ليل ومسك ايدينها:ليولتي الحلوه
    صار يبوس ايدنها وهو يتغزل بيها مر وگت بعصبية:خلاص حاچ
    غياث ابتسم :لسع ما بدينا سهرتنا اليوم لصبح
    ليل مسكت وجه غياث :ما اسامحك الا تسوي اللى طلبتو منك اني موو ليل القديمه اللى تسكتها بكلمتين حلوات
    وتركتو غياث خذا نافس عميق وقام من الگاع وگعد على التخت :حياتي افهميني بنت الناس ما ليها ذنب اني الغلطان انتي زعلانه مني اني هي شدخلها هذا نصيب
    ليل حركت راسها وبصوت عالي :لا موو نصيب انته ما ضحيت بشئ مشاني اني الوحيده اللى ضحيت دفعت ثمن اغلطكم غلطه غلطه دفعت ثمنهن غالي
    غياث مسك ليل وهو خايف يصير بيها شئ وتنهار :حبيبتي لا تعصبين اهدي والله العظيم موضوع الخلفه سديته وما راح ينفتح نهائيا لا تعصبين
    ليل تعالت شهقاتها غياث ضمها لصدره:ليل حبيبتي لا تسوين بيا هيچ والله ما اتحمل قلبي يحترق من اشوف دموعچ
    ليل تشهق :چذاب انته ما تحبني ولا راح تحبني
    غياث بأس راسها :والله احبچ واموت بيچ ولچ اني اعشقچ انتي العمر كلو
    ليل وهي تحول تبعد:لا لا تحلف انته ما عندك قلب بعمرك ما تحس بوجعي غياث اني گاعده امووت وانته موو حاس بيا
    غياث بأس راسها :اسم الله عليچ ليل لا تحرقين گلبي حرام عليچ
    ليل بعيونها تتوسل غياث: حبيبي بس مره وحده اثبتلي حبك حتى اگدر اصدگك
    غياث شد عليها أكثر وهو يمسح دموعها :ليل اهدي حتى نگدر نتفاهم واثبتلچ حبي
    دفنت وجهها بصدرو وضلت تبچي وهي ماسكه قميصه الداخلي غياث رفع راسها شاف عيونها مورمات مثل الدم :ولچ ليوله حاچ تبچين مشان محمد حاج راح تخليني ابچي معاچ
    ليل صوتها انبح:غياث ما راح تعالجها موو بس اني ام ويلادك
    غياث لمس خدها وبحنان :يولي الله ياخذ عمري إذا أخذها تتعلاج بس انتي هز كتوفچ واحبلي اريد بنيه تشبهچ
    ليل دفنت وجهها بصدور :شلون احبل اذا انته موو مريحني
    غياث صار يضحك رفع راسها وباسها بقوة :شلون اريحچ وانتي ما تعطيني مجال حتى اريحچ
    ليل مسكت ايد غياث :حبيبي راح تنام عندي كل يوم
    غياث ابتسم وقرص خدها : اذا انام عندچ كل يوم ما اشتاگلج
    ليل بعدت عنه بانكسار :شفت انته تضحك علي محد ذلني بگدك
    غياث وصل حده :ما عاش اللى يضحك عليچ ويذلچ اسوي كل شئ تريدينو انتي تؤمرين واني انفذ الا النومه كل يوم عنچ سامحيني بهذي ما اگدر
    ليل وعيونها تصب وايدنها على صدرها:حبيبي فكر بيا والله ماريد شي من الدنيا بس أريد انام كل يوم بحضنك لا تتركني وحدي محتاجتك
    غياث فتح ايدنه:تعالي لحضني
    ليل راحت لعندو صح من عرفتو حياتها كل دموع بدموع بس احلى احساس تحس بي وهي تبكي على صدرو هو احلى شئ صارلها بالدنيا غياث وهو يمسح على شعرها وظهرها :ام حسن والله موو بيدي لو بيدي ما چنت تركتچ ولا لحضه
    ليل حركت راسها :اذا موو بيدك بأيد مين
    غياث :ليوله اني ما اگدر أظلم بنت الناس صدقيني اني مستعد اسوي اي شئ تؤمريني بي بس إلا النومه كل يوم عندچ
    ضلت ساكته
    غياث بمزح وهو يرفع حنكه باصبعه :تدرين بشنو نفسي الحز
    شاف بعيونها السؤال ابتسم وقرب اكثر منها وهمس:نفسي لگرط هالخدود الحمر گرط
    ليل حطت ايدها على حلگ غياث بخوف :اموتك اذا تسويها
    غياث بأس ايدها اللى على اثمو :يا ربي قوانينچ ما تخلص
    ليل تمرر اصبعها على لحيتو وشوربو :لأنك متوحش جربت مره وتوبت ضل خدي أسبوع مورم والله العليم شلون چان شكلي وگتها
    غياث ابتسم وهو يقربها منو اكثر :عندي صوره تشوفين
    ليل هزت راسها بالموافقة :بي واحد من زمان وعدني يعلمني كلمة سر وما علمني
    غياث :من تعرفينها ما تصير كلمة سر بس لان لچا مكانه خاصه بقلبي اعلمچ واشوفچ صور حبيبتي اللى صورها معبية جوالي
    ليل ابتسمت :بربك
    غياث باسها :والله بس عندي شرط محد يعرفها غيرچ
    چانت راح تبعد عنو صار يضحكوهو يدفشها على التخت وصار فوقها :وين وين طايره اول شئ تراضيني وبعدين نفتح الجوال
    ليل حست بغباء ضل يلعب معها ويلف ويدور حتى نساها الكونه والزعل دفشت غياث من فوگها :وخر انته زلمه بياع حچي ماني غبية كل مره تسكتني هيچ
    غياث صار يضحك من قلبو عليها
    غياث فز من النوم موو موجوده طلع دور عليها موو بالبيت لقى ضو المطبخ شغال والباب مفتوح وهو يسمع صوتها الهادي اللى أقرب من الهمس وقف عند الباب الجوال على اذنها :......... اوف يا ابن الناس افهم اني ما غلطت بحقه....... اكيد لا بس والله حيوان نساني نفسي وخلني انسى كل شي ......... (بخجل) والله موو بأيدي............. بالعكس ابو حسن حنون وطيب بس اني ما اريدو يمحي شخصيتي ...... اي..... (حطت ايدها على صدرها خنقتها العبره)..... ليش كلكم ضدي...... كلمة السر ما تكفيني .......... هههههه شفت صور أشكال وألوان ليا أغلبها قديمة بس بالحيل حلوات والسعادة اللى بيهن ما تنوصف..... گلتلك من قبل ما اتحمل توقعت رجوعي راح يغير مرارت حياتي....... مع الأسف ما تغير شئ سعادتي مع غياث ما راح ترجع مثل اولي .........انته برأيك ليش تجوز غيري هو يمووت بيا.......... (بانكسار)اي .......... اوكي روح نام........ (صارت تضحك من قلبها) لو بأيدي ما اجيكم ........ هههه اوكي سلام
    سكرت الخط حطت راسها على الطاوله :الله يلعنك اوووف شيخلصني منهم ومن الموعد
    صارت وتلعن رفعت جوالها :اليوم واحد وعشرين اووف اسبوع ويبدأ العذاب
    غمضت عيونها وخذت نفس عميق گامت شافت غياث گاعد على العتابه يشرب عصير:انته گاعد
    غياث :اي
    ليل گعدت بلطه :من ايمت وانته هين
    غياث رفع العلبه :ليش معصبه
    ليل دنقت :ما احب تشوفني واني تحچي مع حالي وما اريد اروح عند الدكتور بس هو يجبرني اروح
    غياث بفضول :شسويت عند الدكتور
    ليل خذت العصير منو :تحاليل سخيفه والدكتور الغبي بس يبهدل بيا ويعطيني مواعظ وحكم
    غياث يدحق عليها وهي تشرب وقرر يسأل :جارنا ابو إياد هو ومرتو شافوچ عند الدكتوره النسائية
    ريل رفعت راسها ورمشت :مين هذا
    غياث :جارنا بحلب
    ليل ابتسمت :اي اي تذكرتو الشياب ابو نظارات
    غياث ببرود :اي كملي
    ليل :شكمل رحتلها لاني موو مرتاحه وكتبتلي غسول وحب ألتهاب
    غياث :اها طيب شگال الدكتور من شنو تعانين
    ليل وگفت:قولون عصبي گال لاحد يزعلني او يعصبني وطلب ابعد عن الأشياء اللى تسوي نفخه واذا ما تحسنت على سمه (بسرعه صححت) اقصد الادويه ارجع ارجعه وعندي موعد عندو الشهر الجاي
    غياث وگف :سلامتچ ما تشوفين شر
    ليل مسكت ايدينو :الله يسلمك الشر مايجيك تعال نتمشى
    غياث ابتسم :وين نتمشى
    ليل تسحبو :حياتي يلا لا تصير كسول
    غياث مشى معها وهي تجرو وهو يضحك لفت على وقربت منو:غيوثي شرايك اسمعك شئ على ذوقي
    غياث بعد شعرها عن وجهها وهو يحوط خصرها:اذا على ذوقچ اكيد تسمعيني لبناني
    ليل فتحت الجوال:راح تعجبك چثير
    شغلت على اغنية خذني ليك رفعت عيونها لعيون غياث الزمن وقف بيهم وسكت هذي اللحضه راح تعيش معاهم للأبد عيونها صارت تحچي عنهم
    ليل حطت جوالها على الطاوله وفتحت البراد :غيوثي تاكل لفت زعتر ولا لفت محمره
    غياث ضمها بأس اذنها :حبيبي موو جوعان امشي ننام
    ليل سكرت البراد وهي شايلة المحمره (دبس الفلفة او معجون الفلفل الأحمر) : حبيبي ترى اليوم مابي فطور
    غياث : اريد الاثنين
    ليل فتحت الربطه :مابي اثنين يا زعتر يا محمره وحصتك رغيف خبز واحد
    غياث :رغيفين واذا ما تريدين تفطريني قبل الدوام افطر احلى فطور بأحسن مطعم
    ليل بزعل:انته كانك صاير تعشق رقم اثنين بكل شئ
    غياث ابتسم على هبلها وغيرتها شغل الغالية وهو يمزح معها :ان شاء الله اعشق رقم ثلاثه
    ليل أعطته نظره حاده غياث بدا يحضر الچاي وغير الموضوع لا تزعل وهو ما صدق يتراضون:انتي شراح تاكلين زعتر ولا محمره
    ليل تدهن زيت الزيتون:زعتر
    غياث بذكاء ومكر :اذا موو مسموح ليا الا رغيف واحد الحلو موو مسموح لوا الا نص
    ليل لفت :ليش نص
    غياث ابتسم :لانچ مره واني زلمه
    ليل تكمل:لا حبيبي نحن مؤيدين للمساواة بين الجنسين مثلي مثلك
    غياث :اووه يا ليل مابي شئ اسمو مساواة بين الجنسين
    ليل ضلت ساكته غياث :اتوقع الحز گاعده تگولي فرنسي المتخلف عايش نص عمرو بأوروبا وخوالو فرنسين ودكتور بأحسن الجامعات ما عنده انفتاح
    ليل جت ورا غياث وضمته من ورا دفنت راسها بين كتفه رقبته :كل إنسان وله كاينه مهما كان راح تضل رجل شرقي تشوف نفسك بكل شيا احسن من المره
    غياث فرح يبدو ان ليل ترجعت عن زعلها تماما ووگعت بشباكه :لا حبيبتي المره تاج على راسي هي امي ومرتي وحبيبتي واختي وبنتي احبها واحترمها وادللها بس مابي شئ اسمو مساواة بينا انتي اخلقتي من ضلعي وراح اخليچ طول عمري تحت جناحي
    رفع ايدها وباسها ليل بهمس :ما راح تتغير علي برجعتها
    غياث :ليل اني بعمري ما تغيرت عليچ كل القصه ما اريد اسبب حساسية بينچن بس اوعدچ من اليوم ما يفوت ولا يوم بدون ما اغزل ليلوتي
    ليل اكلت مع غياث وراحو على غرفتهم
    ليل باست خده :حبيبي
    غياث فتح عيونو :هممم
    ليل تلعب بشعر غياث : موو ناوي تسافر هذي السنه على فرنسا
    غياث رجع غمض عيونو :لا سافرت بداية الشتا
    ليل :بس تسافر احسب حسابك اني مسافرة معاك
    غياث رجع فتح من ساعه كل ما يغفى تگعده شكلو موو ناوية تخلي ينام :ليل لا تفتحين علي أبواب موو ناقصني
    ليل ضمت راسو اللى على صدرها :اريد اسفر معاك واشوف معاك إيفل مثل كل الافلام
    غياث بنذاله حتى يسد الموضوع :اوكي نروح اذا تروحين معها
    ليل بحده وهي تتخيل كلامو:طبعا لا مستحيل
    غياث غمض وبصوت كله نوم :ما سفرتها ولا مره يا نسافر كلنا سوا يا مابي سفر
    ضلت ساكته وغياث اخيرا گدر يسكتها ويكمل نومته بسلام
    ثاني يوم گعدت شافت غياث يتعطر لبس جينز ازرق فاتح جدا وقميص رسمي كحلي وخفافه كحليه ابتسمت: حبيبي صباح الخير
    غياث لف عليها وابتسم :صباح النور ارجعي نامي
    ليل تعدلت:كانك متأخر ايمت يبلش دوامك
    غياث فتح درج الساعات والنظارات :معاي ساعتين
    ليل انحنت وهي تمرر ايدها على ساعات غياث:امممم البس هذي
    غياث :هذي ما تصير لدوام اختاري وحده غيرها
    ليل تلبس غياث :لا يكون مشتري كل هالساعة حتى تصفهن بالحساب
    غياث :ليولتي اختاري وحده غيرها
    ليل مسكت ايده :حبيبي يلا تعال اسويلك فطور
    غياث ضل واگف :طيب اسمعي هذي الساعة ماركة رولكس وبعمري ما لبستها على الجامعه
    ليل دحقت على الساعة :وين المشكلة
    غياث صار يضحك وهو يرمي الساعه:المشكله اني راح اصير علكه باثم الطلاب
    ليل :العين عميه عنك طول عمرك تلبس ماركات
    غياث أعطاها الساعة: هذي الساعة يوصل سعرها للعشر الف دولار ولا تگولين اخاف من العين بس استحي ألبسها
    ليل طلعت وحده غيرها وهي مستغربه صح غياث يشتري ماركات بس ما خطر أبدا ببالها يشتري ساعة بهيچ سعر ولا المصيبه يستحي يلبسها:ما شاء الله عليك الله يهنيك تستاهل يا ابو حسن
    غياث مد ايده :انتي ليش مصره اني اخاف من العين اني رايح اشتغل بالجامعه الحكومية موو رايح اتفاخر بممتلكاتي
    ليل مسكت قميص غياث وهي تفتح اول زرار :ما گلت انك تخاف من العين بس انته تصرفاتك صايره غريبه
    غياث :من اي ناحيه
    ليل وهي نختار نظارة :من كل النواحي
    فطرت غياث ودربته
    رجعت على غرفتها جوالها يدق ب شهگة عشق ردت :غيوثي تونك طلعت
    غياث ابتسم :من اليوم ممنوع تنامي طول طريقي لحلب
    ليل صارت تضحك :حبيبي تصدق لو اگولك...... والظهر گعدت على حسن يضربها ويخمط شعرها طردتو من الغرفة وراحت على الحمام غسلت ولبست جينز فاتح وقميص ابيض رسمي مقلم بخطوط رفيعه سودا وربطت شعرها ذيل حصان طلعت لقت عمتها وعمها وصبا يتغدون بفرح :الحمدلله على السلامه
    ردو عليها سلمت عليهم وگعدت معهم :عمه طمنيني شلون چان مرجعتچ
    ام غياث ابتسمت :الحمدلله كل الأمور تمام وفتت على الشهر الخامس
    ليل بفرح :عرفتم جنس البيبي
    صبا بحماس :بنوته ولا وصبي
    ابو غياث ياكل حسن :لمن نشتري الديرة تعرفون
    صبا رفعت ايدينها :يا رب بنيه يا رب
    ليل تضحك :موو مهم بنيه ولا صبي المهم تمام الصحه
    العصر بعد ما راح ابو غياث على المعمل ليل راحت على غرفة صبا فاتت لان الباب مفتوح :صبا
    صبا تعزل هدومها مع امها :ها
    ليل مدت ايدها :هذي هدية المحل
    صبا صفنت ام غياث :محل ايش
    صبا استوعبت خذت الچيس :شكرا البارح غياث خذاني على محل مثقال (أشرت على المكتب) واشتريت هذان
    ليل حطت أكياس على التخت :وهذنا مني
    صبا :ليش عذبتي حالچ
    ام غياث ابتسمت وصارت تتشكر ليل وتدعي لمثقال
    اما غياث لان خلص شغلو من وگت راح لبيت اهل سلوى دق الباب كلها اشوي وفتحت الباب اخت سلوى لبسه بيجامه حمرا لأنها ما تتحجاب عن غياث
    غياث :السلام عليكم
    ردت علي :وعليكم السلام يا هلا والله برجل اختي
    غياث فات ورمى النظارات :ليلى اشلونچ
    ليلى سكرت الباب :الحمدلله انته اشلونك شلون اهلك
    غياث ابتسم لها :الحمدلله زين والكل بخير ابوچ بالبيت
    ليلى :لا والله بس اني وسلوى ابوي ومرتو وعجيانو راحم على أهلها
    غياث :احسن تغيرون جو
    ليلى كتفت ادينها :كانك جاي من البيت
    غياث :لا والله خلصت شغلي بوگت وجيت اخذ اختچ
    ليلى ابتسمت بفرح:غريبة اول مره تجي تراضي اختي موو بالعادة
    غياث صار يضحك : شسوي اشتقت لاختچ تعرفين الشوگ يذبح
    ليلى :الله يهديكم تفضل فوت
    فات لقى سلوى تتفرج على التلفزيون وتشرب چاي وتبزر بزر شمس :مساء الخير يا حلوه
    سلوى رفعت راسها بهدوء :مساء النور
    نزل لعندها وباس راسها :حبيبتي اشلونچ
    سلوى :الحمدلله زينه انته شلونك
    غياث ابتسم وهو يضمها لصدرو :شلون اكون وسوسو ضو عيوني موو بالبيت
    سلوى بفضول :رجعت
    غياث :البارح سلوى حبيبتي اسف سامحيني
    سلوى بعدت:لا تعتذر عادي اصلا اني موو زعلانه منك
    غياث ابتسم وبهمس :اشتقتلچ
    سلوى ابتسمت :والله زين ليل غيرت بيك چثير وخلتك تجي ترضيني وتشتاق
    غياث باسها بخفه وگعد زين :هههههه سلوى تدرين اني احبچ
    سلوى بخجل :واني أحبك اي اشلونك
    غياث مسك ايدها :بشوفت سوسو الحلوه صرت زين
    سلوى صارت تضحك وغياث بأس ايدها وهو يحچي معها
    فاتت ليلى عليهم :معقولة اللى جاينا اليوم غياث ولا واحد ثاني
    غياث استحى من ليلى لانه ضم سلوى:ايمت عمي يجي
    سلوى :حبيبي راحم بعد الغدا ما يرجعون لسبت
    ليلى صبت چاي لغياث :احسن شئ خلينا نرتاح اشوي من فطيم خانم وضيمها
    غياث ابتسم وهو يمسك الكاس:يسلموو يلا بنات معاچن عشر دقايق تلبسن لاني تعبان
    ليلى :اني اعذرني ما اگدر اروح معاكم شيوديني
    غياث :واني مستحيل اتركچ لحالچ بالبيت ومابي زلمه معاچ
    سلوى :غياث انته روح واني اضل معها
    غياث ضل مصر رغم رفض ليلى
    اما بالبيت ليل وحسن يلعبون بالحديقة ليل تركض وحسن يركض وراها مع القطه ويصيحون
    نزل غياث من سيارتة ومعه سلوى ووحده ثانية حسن ركض على غياث وهو فاتح ايدينه :باباا حبيبي
    غياث نزل لمستوى حسن ضمه بشوق وباسه:يا روح بابا مساء الخير
    ليل قربت وهي شايله بالبسه:مساء النور حبيبي مرحبا
    سلوى ابتسمت:مرحبا اشلونچ
    ليل هزت راسها :الحمدلله زينه وانتي
    سلوى :الحمدلله زينه
    غياث ابتسم وخذا البسه منها :ليل هذي البسه من وين جبتوها
    سلوى :هذي البسه من زمااان هين
    ليل مسحت على رأس القطه :حسوني چان يخاف منها فصارت صديقتنا كل يوم نطعميها ونلعب معها
    حسن بفرح :حبيبي بسبس
    عض البسه ليل بالگوة بعدت حسن والبسه تطلع اصوتها بألم تريد تهرب: حسن يا بطل البسه مسكينه حرام عليك تعضها
    حسن بحزن وهو يمسح على ظهر البسه:اسف حبيبي بسبس هاتي بوسه چبييره
    غياث يضحك على حسن :حبيبي ما يصير تبوسها كلها جراثم
    حسن مسكها بعنف :يا حرام بسبس تعالي نغسلچ بالليفه وصابونه
    ليل مسكت ايدينه :حبيبي خلاص
    غياث ضم البسه له:ابني عيف البسه بحالها ليل اعرفچ على ليلى اخت سلوى
    ليل وگفت ومدت ايدها وسلمت بالخد على ليلى
    غياث ترك البسه وشال حسن :شنو راح نضل واگفين
    فات غياث معاهن سلمو على ام غياث وصبا وگعدم غياث راح مع ليل يغسلون من البسه ليل تغسل ايدين حسن :ليش ما اعطيتنا خبر ان معاك ضيوف
    غياث مسك حسن :المره لحالها بالبيت وأهلها بخان شعر موو عيب اتركها لحالها
    ليل حركت راسها بالنفي :لا حبيبي انت ابن أصول والعيب ما يطلع من ابن الشيخ حسن
    غياث نزل حسن ومسك راس ليل وباسها :اشتقتلچ
    ليل همست لغياث وضمته
    حسن مسك ايد غياث وسحبو:بابا تعال نجيب بسونه نلعبها
    ليل بعدت عن غياث وهي مبتسمه شالت حسن :حبيبي البسه الحز نامت باچر نلعب معها
    غياث بأس خد حسن :حسوني بابا اسمع كلام ماما وصير سبع
    حسن هز راسو :اوكيه بابا
    ليل باست حسن :يا ناس دخيلو ابني السبع يسمع حچي ابو
    رجعم على الصالون
    وغياث فات جوا بعد ما سأل عن ابو غياث وگالت له امو انو ابو غياث عندو عشا ببيت اخو ابو عبد الحميد صبا وگفت لان الجو مشحون وسلوى معصبه :تشربون چاي ولا عصير
    ليل حطت رجل على رجل :ليلى شنو تشربين
    ليلى ابتسمت :حبيبتي اي شئ
    صبا راحت كلها اشوي ورجعت :غياث يصيح يريد البرنص
    وراحت ام غياث شافت الاثنين گاعدات :وحده منچ تگوم
    ليل حركت ايدها على شعر حسن :انتي گومي البرنص الأسود نظيف عندچ اللى عندي مغسول
    سلوى گامت وهي مستغربة من ليل وتصرفاتها الغريبة معقولة بهذي السهولة سمحتلها تگوم لغياث
    ام غياث ابتسمت لليلى :اشلون خالتچ فطيم
    ليلى ابتسمت :مكيفه شرايحلها
    ودحقت على ليل ضلت تسولف مع ام غياث وليل تستمع بصمت تام
    ******
    اما عند غياث فتح الباب:سوسو تعالي
    سلوى بخوف من ليل:لا وين اجي تعال البس من الغيارات اللى عندي
    غياث صار يضحك مسك ايدها وسحبها راح معها على دارها : من ايمت تخافين منها
    سلوى سكرت الباب:لا ما اخف منها بس ما اريدك تزعل مني
    غياث ابتسام لسلوى بحب :يسلملي حبيبي العاقل
    سلوى ابتسمت لغياث طلعت داخلي وتيشرت كحلي وبيجامه كروهات ازرق بكحلي بتبيض باسود :اشبيها اليوم تسلم علي ولا تگول انتي گومي علي
    غياث وهو گاعد على السرير ينشف شعره :الله يهديها اهم شئ انتي كبري عقلچ وتجنبي المشاكل معها
    *****
    دق جوال ام غياث وگامت ليل بعد سكوت طال :خير شنو هل نظرات
    ليلى صارت تضحك من قلبها ليل مسكت حسن اللى نيطنط وراها وهي تستغفر فاتت صبا مع العصير استغربت من ليلى اللى تضحك مع نفسها :شبي ليش تضحكين لحالچ
    ليل تلعب حسن:الله لا يبلانا
    صبا ضيفت ليلى عصير وضيقت ليل وحسن وگعدت ليلى تخذ نفس وهي تمسح دموعها :ياربي اكفين شر هل ضحكه
    صبا ابتسمت :ضحكينا معاچ
    ليلى شربت من العصير :اضحك على الأموره ليل ههههههه
    ليل حطت رجل على رجل وهي تزور ليلى :صبا خليچ شاهدة على افعل هذي المره سبحان الله من اول ما شفتها ما ارتحتلها
    صبا :هههههه شنو صار بينكم
    فات غياث مع سلوى وگعد بين ليل وليلى
    ليل دحقت على غياث :ابو حسن ضيفتك ليلى خانم تضحك علي بدون سبب
    غياث هو يدحق على ليلى اللى گعدت بلطها سلوى:ليلى خانم ليش تضحكين على مرتي ام حسن
    ليلى رجعت تضحك من قلبها صبا تضحك :سلوى لايكون اختچ شاربانه شئ
    غياث همس ليل اللى اشوي وتبچي :ليولتي الحلوه اكيد ليلى ما تقصدچ
    ليل بنفس الهمس :اسأل صبا والله هي گالت بلسانها تضحك علي
    سلوى بهمس لاختها :يولي وجع فضحتنا
    ليلى تاشر على ليل :غياث شفت مرتك هذي اللى بلطك ههههه
    غياث أعطاها نظره :اي اشبيها مرتي ليلى خانم لا يكون مرتي موو عاجيتچ
    ليلى بحماس :لا والله موو هيچ اني اولي چنت بصف ليل ايام المتوسط والله ما اصدق هذي ليوله اللى چدامي يولي كبرانه وصايرة أنثى هههههه
    سلوى بصدمه :تعرفين ليل
    ليل صدت عنها بدون ما ترد غياث ابتسم لليلى :ولي ليل أنثى غصبن عنچ وعن اللى خلفوچ
    صبا :ليل عنجد درستي مع ليلى
    ليل بحده :ما اعرفها
    ليلى هزت راسها :اي درسنا بنفس الصف يالله والله ايام من العمر يولي سلوى تذكرين لمن نحچيلچ اني ونوران عن دلوعة اخوها الفقيرة
    سلوى كلها ثواني صارت تضحك :لااا بالله تمزحين
    ليل عصبت ودحقت على غياث وبهمس :غياث والله العظيم إذا ما تسكتهم اروح على بيت اهلي ولا اخليهن يضحكن علي
    غياث مسك ايدها وضغط عليها حتى تهدئ وهمس :ليولتي عيب لا تعصبين المره ضيفه عندنا عادي خليها تحچي
    ليلى :والله العظيم لو موو سمعانه اسم مثقال وانت تسألين ام غياث ما چنت اعرفتچ يولي شمسوية بحالچ
    صبا :لهذي الدرجه متغيرة
    غياث :لا يكون چانت موو حلوه
    ليلى نزلت الكأس :سبحان الله شگد چانت طفله وفقيرة بشكل ما وتصورونه والبس ياكل عشاها وعينها من الخجل ما ترفع من الگاع اتوقت انچ درستي وصرتي شئ دكتورة
    ليل تهز رجلها بتوتر :مالچ علاقه لا تحچين عيني
    غياث صار يضحك :ليلى لا تردين عليها كملي
    صبا تضحك :اشوفك تحمست
    غياث خذا العصير من ايد ليل :ولا مره حدا حچالي عن ماضي ليل
    فاتت ام غياث وگعدت بلط غياث :اشبيها ليل
    صبا :ماما ليلى طلعت تعرف ليل ايام المتوسط
    ام غياث ابتسمت :وااو صدفه حلوه
    ليلى :غياث ليل چنت الوحيده بالمدرسة ما تتحجاب واخوها حبيبها يمشطها ويجدل شعرها الطويل كل يوم الصبح والله العظيم چنت طفله بمعنى الكلمه
    الكل صار يضحك حتى حسن يضحك ليل بصوت عالي وعيونها تلمع خلى الكل يسكت :شنو اللى يضحك بالموضوع ليش ما تضحكون علي ليش ما تضحكون على ليلى اللى چانت تدز رسائل حب معاي لمثقال
    ليلى خجلت ونزلت راسها غياث بمزح وهو يضغط على ايدها بگوة :وانتي يا ليل ايام المراهقه ما دزيتي رسائل حب لحدا
    ليل استحت لأنها موو متعوده تجرح حدا بندم :ليلى اسفه تقريبا كل بنات المدرسة معجبات بمثقال ما چان قصدي شئ
    ليلى ابتسمت :عادي ما صار شئ
    ليل :كملي لان بكل الاحوال راح يعرفون
    ليلى بفضول:ليش ما كملتي دراسة
    ليل نزلت راسها :ثمانية وتسعين بالمية بس مالي نصيب اكمل خذيت معهد تمريض
    غياث بصدمة اول مره يسمع بنسبة ليل :لا بالله انتي اكيد تمزحين
    ليلى ابتسمت :لا ما تمزح الكتاب ما ينزل من ايدها اشطر وحده بالمدرسة وكل الأستاذة والانسات يحبونها صبا :مين اللى يقدر ما يحب ليوله
    ليلى :سبحان الله شلون قدرتي تفضلين الزواج على مستقبلچ
    ليل كعدت حسن بحضن غياث :مشيئة الله واساسا وجود ابو حسن بحياتي يسوى شهادات الدنيا كلها
    صبا يمزح همست لليل:ليل امسكي اخوي لا يطير
    غياث ابتسم :والله بديت اخاف منچ يا ليل لان ابدا موو مبين عليچ
    ليلى :اي والله يا غياث شكلها الطفولي اللى كلو براءة يخدع الصراحه بعد ما شفت ليل مغيرة هيچ اگولك دير بالك منها
    غياث شاف ان ليل عصبت من مقاصد ليلى :يوم تأملي ليل زين نريد بنوته مثلها حلوه وعقله وذكية
    ليل ضحكت بخجل صح كلام ليلى جرحها بس غياث طيرها من الفرح ليلى :ما گلتيلنا شون تغيرتي جذريا والله چنتي خوثه ما تتحركين خطوة بدون اخوچ وباقي شباب عيلتكم
    ليل وگفت :الإنسان يتغير بيوم وليله مثل ما انتي تغيرتي ما اگول الا الله يهدينا
    وراحت على المطبخ تجهز العشا وليلى فضحت ليل ما خلت عليها ستر مغطى بعد العشا صبا وليل ينظفون المطبخ فات غياث :ليوله حبيبتي
    ليل بخجل :ها حبيبي
    غياث فتح باب المطبخ :تعالي شوي
    ليل غسلت ايدينها وطلعت ورا غياث :حياتي
    غياث شغل زقارة :ما دام بيها حياتي ما راح تخجليني
    ليل ضمت غياث :انته حبيبي وروحي وعمري وحياتي دنيتي وابوي واخوي وامي وابني غيوثي روحي ما تغلى عليك
    غياث مسح على ظهرها وباس راسها :الله اني كل هذا
    ليل بحب وفرح :وأكثر من هذا حبي انته فرحت عمري
    غياث دفن وجهو بين كتفها ورقبتها :احبچ امووت بيچ
    غياث كمل غزل وهو بيوسها بين كل كلمه والثانية ليل :غيوثي انته صدقتها باللى تحچي عني
    غياث رفع راسو وهو مبتسم :حبيبتي لا تخجلين بالعكس شخصيتچ چانت حلوه وبريئة واني بالحيل حبيت هذا الچانب اللى تغبينو عني
    ليل حطت راسها على صدور :غيوثي اني ما عرفت شنو الحب إلا معاك
    غياث :هههههه لسع ما شفتي شئ من الحب
    ليل بعدت عنو :ما گلت شتريد مني
    غياث صار يضحك من قلبو ليل دنقت :الله يهديك
    غياث رفع وجهها وابتسم :اسف ليولتي تعرفين صبا ما تحب اي حدا يشاركها غرفتها واليوم دورها فلو سمحت ممكن تنومين ليلى عندچ
    ليل بعدت عنو وعيونها دمعت دحقت على السما والنجوم تلمع بضيق:على بالي انك مشتاق ليا
    غياث :انتي حره ما احبرچ على شئ ما تريدينو
    ليل وهي لسع تتأمل النجوم :حاضر ابو حسن احطها بعيوني مدامك امرتني
    قبل ما تسمع رد غياث فاتت على المطبخ
    غياث كمل تدخين وهو متضيق ليل فهمتو انو جايها مصلحه فاتت سلوى على المطبخ :ليل
    ليل تجفف الموعين :خير شعندچ
    سلوى ابتسمت لان ليل معصبه :الخير بوجهچ وين ابو حسن
    صبا بسخرية:بجيبي تعالي شوفيه
    سلوى :انتي لا تدخلين اني سألت ضرتي ما سالتچ
    صبا لفت عليها وبصوت عالي :سلوى انضبي مضيعه الزلمه روحي دوري علي ليش تسألينها
    فات غياث وسكر الباب :شبيچن شصاير
    سلوى :حبيبي سألت ليل عندك وصبا تدخل بينا
    ليل مسكت غياث وجرتو لعند سلوى ودفشتو بخفه عليها :حبيبتي ما اتوقع اني ماما لغيوثي ايمت ما ضاع منچ جيتي تسأليني وينو هذا هو يلا خذي و اطلعي من هين
    سلوى عصبت :ترى ما كفرت اذا سألت وينو زلمتي غياث انته شايفها شلون تتصرف والله عيب عليچ اقل شئ احترمي الزلمه الواگف
    صبا قربت من سلوى :شعچب تسألين ليل بالتحديد اسألي عمتچ اسألني ولا لزم حركات الضره
    سلوى :اني وضرتي وزلمتها انتي لزم تدخلين بينا
    صبا :ههههه مرت اخويا مع احترامي لچا بس اتمنى تفهمين ليل اختي قبل ما تكون مرت اخوي واللى يحول يأذيها راح أوقف بوجهه
    ليل فتحت باب بضيق تحس ان الهوا حولها اختفى
    : خلاص عاد والله مصختيها هذا هو عندچ خذي وفارگنا بريحه طيبه
    صبا :غياث غذا وروح موو فاضين
    غياث اخيرا نطق وهو يشوف ليل تگعد على عتابت الباب :سلوى اسبقيني و قولي لليلى راح تنام اليوم مع ليل
    سلوى حولت تستوعب :هي موو طايقه وجودي حتى تطيق اختي بقرفتها
    ليل غمضت عيونها:اهلا وسهلا ماعندي اي مانع
    غياث أعطى نظره لسلوى :يلا روحي
    راحت غياث قرب من ليل :صبا ودي فراش بدار ليل
    صبا تركت المطبخ وطلعت غياث گعد بلط ليل :شتريدين اسوي بيچ
    صدت عنه وهي تمسح دموعها :وضعي الحز ما يسمح ليا اناقشك
    غياث بحده مسك كتوفها :وأيمت يسمح ان شاء االله وانتي تتصرفين معاي بهذا الشكل لهذي الدرجه مالي احترام عندچ
    انتهى الفصل توقعتكم
    مبارك عليكم الشهر الفضيل وكل عام وانتم بخير راح اتوقف عن التنزيل وان شاء الله على العيد ارجع انشر
    دمتم بخير
  9. زينة الزينات
    06-06-2019, 02:03 AM

    رد: ليل الخفسه

    ليل الخفسه


    الفصل الثامن عشر كل لحضه تمر
    ليل حركت راسها بالنفي :لا والله حيشاك موو قصدي أقلل من احترامك
    غياث تنهد وهو يصد عنها :استغفرالله
    ليل ضمت غياث:حبيبي اسفه سامحني والله ما اسيطر على افعالي اذا عصبت هي تتقصد تسألني عنك واني اللى بيا مكفيني
    غياث بدلها الضمه:هوص من اتفه نقاش بينا دموعچ تنزل
    ليل شدت قميصو:غياث لا تتركني لحالي والله تعبانه
    غياث حط ايدو على ظهرها :لا حول ولا قوة الا بالله العلي العظيم صليتي اليوم
    ليل ما ردت غياث بأس راسها عجز معها بموضوع الصلاة اذا گال صلي تصلي واذا ما گال ما تصلي :ليولتي نحن أصدقاء قبل ما نكون زلمه ومرتو چم مره حچينا بموضوع الصلاة
    ليل :والله موو بأيدي صليت بس ما ارتاح
    غياث بهدوء وهو يمسح على شعرها:لا تخلين الشيطان يلعب بيچ إذا ضليتي بعيده عن ربچ راح تضلي مخنوقه وتعبانا هذا التعب اللى بيچ من بعدچ عن الله
    ليل زاد بكاها غياث رفع راسها ومسح دموعها :لا تبچين يلا يا حلو گوم صلي وارتاحي وصبصب تكمل المطبخ
    ليل وعيونها بعيونو:دائما تگول صلي واصلي بس لا عقلي يحضر الصلاة ولا گلبي ما اتوقع تنقبل مني
    غياث صار يضحك :بإذن الله مقبولة بس اهم شئ تجددي النية وتجاهدي نفسچ حتى ترتاحين ويشرح الله صدرچ
    ليل :غياث ممكن طلب
    غياث خذا نفس عميق :بعيوني اذا مقدور علي
    ليل حطت راسها على صدرو:أقرأ لي قرآن صوتك حلو وانته تقرأ
    غياث استغرب من طلبها على باله راح تستغل الوضع لمصلحتها :تكرمين اي سورة تريدين اسمعينها مني
    ليل صارت تفكر غياث :شنو رايچ بالشرح
    ضلت ساكتة غياث تعوذ من الشيطان وسما بالله وبدأ يرتل الآيات وقرأ بعدها اية الكرسي والأخلاق والمعوذات عليها اول ما خلص بأس راسها :غياث مطولين
    غياث همس بإذن ليل :حبيبتي الله يشرح صدرچ يلا روحي صلي و ارتاحي
    ليل باست راس غياث و گامت راحت غياث وگف وقبل ما تبدأ عتب ولوم :لا تسويلي دراما اتوقع اسمعتي القرآن
    سلوى بعصبية:ما ادري شلون الاحضان والبوس وانته تقرأ قرآن بخشوع الله يصبرني عليك
    ضمها وهو يضحك :اني اللى الله يصبرني عليچن امشي على الغرفة اكمل القراءة
    وباسها من خدها سلوى :انته الحز عاجبك لبسها
    غياث فتح الباب :منو اللى عجبني لبسها
    سلوى گعدت على تختها :مين غير مرتك موو عيب عليها كل اليوم متزلطه وبالفيزون
    غياث :لا موو عيب مرتي عاجبني لبسها عندچ مشكله
    سلوى :وابوك
    غياث رمى القميص :مليون مره گلت لا تگولين ابوك
    سلوى :غياث شنو موو عيب تريد تصير مثل الأوروبين الكفار
    غياث تمدد مكانو :يولي شتحچين انتي كفار ايش واني امي مسلمه اب عن جد
    سلوى :لبسها لبس ال#### ما يرضي الله وحر
    غياث قطعها بعصبيه :اكلي ### ما اسمحلچ تغلطين عليها ليل باهتمامها بنفسها واناقتها معبيه عيوني موو مثلچ بعمرچ ما لبستي ليا انتي حتى قميص النوم ما تلبسينو الا بالمناسبات
    سلوى :شتقصد انته اللى ما طلبت
    غياث صار يضحك :اني ما موو شغلتي اطلب منچ
    سلوى :شلون موو شغلتك غيرتك العارم من رجعت خلت خياتنا جحيم
    غياث :اني من خذيتچ حياتي جحيم خليني ساكت احسن ليا لاني ما اريد اجرحچ
    سلوى بعصبية :لا تسكت وتسويلي حالك مسكين احچي بس تدري انته ما تحب الا ال#### اللى مثلها
    غياث :بنت الكلب على مين تحچين ولي ليل اشرف من الشرف تعرفين انتي لوو موو غيرانه منها ما چنتي حچيتي بس ما اگول الا حسبي الله ونعم الوكيل عليچ
    سلوى بعصبيه وهي تبچي :اني ما اغار من وحده مثلها تخسى اغار منها هي لو تستحي على وجها ما چان لبست هيچ چدام ابوك بس شتتوقع منها وهي موو سائله عن حدا وأهلها بلا غيرة يا حيف اني لو وحده من خواتي مسوية هيچ چان ابوي حطها وذبحها
    غياث رمى عليها المخدة :ولي سدي حلگچ لا اگوم اذبحچ ليل شريفه ومتربيه احسن تربيه عاشت معاي شهور وچم مره ضربتها وما سلمتني حالها ليا ولچ الله يلعن ابو الساعه اللى افوت بيها على غرفتچ گومي انقلعي طفي الضو
    *****
    اما عند ليل غسلت وجهها وتوضت فاتت على غرفتها لقت صبا وحسن يلعبون وليلى تراسل بجوالها صلاة العشاء وصلاة ركعتين بعد العشاء رمت لبس الصلاة وشالت حسن:حسوني صار وگت النوم يلا يا بطلي ننام
    حسن رد عليها بالفرنسي ليل ابتسمت :شبي بابا ما فهمت شگلت
    صبا :يگول ما ينام إلا عند بابا
    ليل گعدت:حبيبي بابا نايم بعدين انته شلون تريد تعيفني لحالي وتروح
    حسن عيونه دمعات :ما ماما اريد بابا اني احبو
    صبا گعدت عندو ومسحت على شعرو :يا عمري انته شبيك زعلان
    حسن حط راسه على صدر ليل وهو يبچي بصوت عالي :اريد بابا وين بابا عاااا
    ليل صارت تحول تسكت حسن بس بلا فائدة
    صبا بعد سكوت : تروح عند امي وابوي تنام معهم ومع العنون
    حسن رفع راسه بعصبيه بعد صبا عنو:ما انقلعي (ومسك وجه ليل بتوسل) لوله اريد بابا حبيبي اريدو
    ليل خنقتها العبره بحنان ضمتو لصدرها وهي تبوس راس حسن :حبيبي الصبح بابا يجينا صبصب روحي جيبلنا الدندرمة الشوكلاطه اللى جابها غيوثي لحسوني
    صبا :يلا الحز اجيبها لحسوني البطل
    ليلى سكرت جوالها وگعدت بلط ليل :حسن شبيك ليش تبچي مين زعلك
    حسن ضل يبچي وينادي على ابو ليل تطبطب على ظهره :حسوني خلاص يا عمري اسكت
    فاتت ام غياث بخوف:ليل اشبي حسوني لا يكون مرضان
    ليل :لا موو مرضان
    ليلى دحقت على ام غياث وهي مبتسمه :يريد غياث
    فاتت صبا مع علب الايسكريم :جبت الدندرمة لحسونا الحلو
    ليل وقفت وخذت علبة وخاشوگه وطلعت من الغرفة وعيونها مليانه دموع صبا ضيفت ليلى وگعدت معها ام غياث لحقت ليل
    ليل گعدت بالحديقة حولت تسكته وتنسي مع ام غياث بس مع الأسف فشلت كل محولاتها وخلت ام غياث تتركهم لحالهم ما قدرت تتمالك نفسها دموعها صارت تزل بغزاره موو عرفانه شلون تتصرف مع ابنها لو صار أكبر واحتاج وجود ابو شراح تگول له شتكول لطفل ما يفهم (اسفه يا ابني اليوم دور مرت ابوك ما تگدر تشوف ابوك) :حسوني يا ابني خلاص لا تحرق گلبي عليك (شهقت من أعماق قلبها) ابوك وخالك ظلموني يول مين يواسيني ونسيني وجعي بكل لحضه تمر وهو معها اموت الف موته
    حسن مسك وجهها :ماما اريدو جيبلي بابا
    ليل وهي تبوس ايدينه الزغار :حسن يا روح ماما والله تعبانه لا تزيدها علي گاعده اموت والله تعبانه حس بيا
    حسن صار يمسح دموعها :ماما زعلانه
    ليل شهقت وهي تحرك راسها : لا
    حسن سكت لان انشغل بدموعها :وين بابا اريد انام
    ليل حركت ايدها على ظهر حسن:تعال انومك بحضني ونشوف البسه والفأر وناكل دروبس توت و دندرمه
    حسن حرك راسو :لا اني اريد بابا يجي ابني احبو
    ليل :طيب بس اليوم نام بحضني وباچر بحضن بابا
    حسن رجعت دموعو تنزل
    :شبي حسوني حبيبي عليش يبچي منو علي
    حسن مد ايدينه لغياث وصوته مبحوح :بابا بابا حبيبي
    غياث شال حسن وضمه لصدرو وصار يحچي معه فرنسي و يبوسو ويشمو ليل حطت ايدينها على وجهها ودنقت راسها
    رجعت لقت ليلى نايمة وصبا گعده حطت حسن على التخت وغطته :الحمدلله نام
    صبا بفضول :شگال غياث
    ليل تمسح على شعر حسن :موو مهم شگال
    صبا بهمس :كانچ باچيه
    ليل :لاء امشي اريد اشطف المطبخ
    صبا غمزت لليل :لا حبيبتي انتي نامي واني اشطف گاع المطبخ
    ليل :اوكي
    صبا طلعت مع المواعين وليل وگفت لبست لبس الصلاة الابيض ومدت السجادة وصلت انوب ركعتين
    اما صبا شافت باب المطبخ مفتوح قربت تسكره شافت غياث گاعد لحاله وسرحان سوت فنجالين گهوة تركية وطلعت :وين اخوي الحلو صافن
    غياث دحق عليها وابتسم : والله جا فنجال الگهوة بوگتو
    حطت الفنجال چدام غياث :حبيبتي الله يسلم ايدينچ ممكن تجيبلي الباكه
    صبا ابتسمت :حاضر
    راحت على غرفة ليل فاتت شافت ليل گاعدة على السجادة وتبچي :تقبل الله
    ليل بصوت باكي :منا ومنكم صالح الأعمال
    صبا خذت الباكه والجداحه :اني وغيوثي گاعدين برى تعالي تعاللي معنا
    ليل بضيق :ما اگدر تعبانة
    صبا گعدت وراها وضمتها :حبيبتي سلامتچ جعل تعبچ بيا
    ليل دموعها رجعت تنزل :يا عمري الله يسلمچ صبصب انتي اختي اللى ما جبتها امي
    صبا : ههههه نفس شعوري
    صبا تركت ليل وراحت لغياث :اشوفچ تاخرتي
    صبا اعطتو الباكه:گلت ليل تجي تشرب معنا گهوة بس گاعدة تبچي وما فعلت تجي شنو متكونين
    غياث شغل الزقارة :لا
    صبا :بس لمن رجعت عيونها حمر مثل الدم
    غياث :طلعت لقيتها تبچي مع حسن ليل صايرة بالحيل عصبية وحساسة
    صبا :ما اگول الا الله يعينها عليك
    غياث حرك راسه بمعنى شنو صبا :بكل بساطة تشتكي من منها
    غياث :واني شنو طالع بأيدي
    صبا :غيوثي انته موو گد الاثنين والله حرام عليك
    غياث صار يضحك :ليش موو گد الاثنين الحز اني قصرت بشئ معاهن
    صبا بخجل :لا والله حيشاك بس
    غياث شافها سكتت :بس شنو احچي
    صبا :غياث أسألك بالله انته مرتاح هيچ
    غياث خذا نفس عميق :راحتي صارت اخر اهتماماتي المهم راحتهن
    صبا :غياث انت شغلك بحلب يعني دوامك طويل تطلع من الصبح ما ترجع للمغرب على ما تاكل لقمه معنا وتشوفنا يصير وگت راحتك اني اقدر تعبك وادري انك موو مقصر معهن وكريم عليهن بس انته ناسي اهم شغل
    غياث :شنو ناسي
    صبا :غياث ليل وسلوى لا شغله ولا مشغله طول اليوم گاعدت
    غياث ابتسم :صبا ما گاعد افهمچ وضحي قصدچ واختصري بلا المقدمات
    صبا :قصدي الفراغ راح يگتلهن
    غياث :شسويلهن مثلا
    صبا :غياث انته ما شفت شلون الوضع بغيابك صح شايلت البيت وموو مقصرات بشئ بس سلوى من تخلص شغلها تمسك جوالها مع خواتها وصديقاتها او تتفرج على التلفزيون او تلتهي بحالها
    غياث :ما فهمت وين المشكلة
    صبا بضيق :المشكلة بليل
    ثاني يوم من الساعه سته فاتت على المطبخ لقت غياث يشتغل ويشرب گهوة بالكوب الكبير واضح انو من الفوضى اللى حولو من زمان گاعد ليل گعدت بحضنه وهي تبوس كل مكان بوجهه :صباحي انته بكل تفاصيلك حبيبي يسعدلي صباحك
    غياث ابتسم وهو يمسك وجهها ويبعد شعرها من وجهها :ليولتي صباح الورد يا وردة عمري يامحلا صباح بشوفت هالعيون ولي الله لا يحرمني هالعيون
    ليل حطت كفها على وجه غياث وبخجل كله ندم:حبيبي اسفه على كل اللى حچيتو البارح سامحني
    غياث سكر اللاب توب اللى چدامو وباسها بخفه :حبيبتي بيني وبينچ سوي اللى تردينو عسل ع قلبي اهم شئ تفضفضين وما تشيلين بگلبچ
    ليل خنقتها العبره :غياث والله قلبي وجعني على حسن انته ما جربت هذا الشعور والله يموت
    غياث ضمها لصدرو: لا تخربينا صباحنا بالبچي والنوح
    ليل :ما بچيت
    غياث بأس راسها :صليتي الفجر ولا لا
    ليل ابتسمت وهي ترفع راسها :الحمدلله
    غياث ابتسم :حافظي على الصلاة وشوفي شلون اكافئچ
    ليل قربت منو اكثر وهي تمسك راس غياث :غيوثي ناوي تفسدني بالمكافئات
    غياث صار يضحك :لا والله بس تشجيع لبنيتي الحلوه
    ليل حركات راسها بالنفي :حبيبي لا تتعب حالك دعمك المعنوي ليا يكفيني
    غياث :ليولتي انتي تستاهلين ما داماعطيتني كلمه ان شاء الله اخر الشهر لچا احلى هدية مني
    وباست راسو :الله لا يحرمني منك يا اغلى ناسي
    غياث :يا عمري ولا يحرمني منچ
    ليل :ما نمت
    غياث :شلون انام والغالي زعلان مني
    ليل ابتسمت :تدري اني من انام واگعد انسى كل الزعل
    غياث :هههههههه فضحتي سرچ عندي
    ليل قربت منو اكثر وهمست لوا :غيوثي بيني وبينك مابي أسرار نحن كانا روح وحده بجسمين
    غياث :دخيل الفهمان اللى خلى صباحي جنه
    ليل مررت ايدها على قميص غياث :يوم الأحد راح تمر على السوق
    غياث :لعيونچ امر شتريدين اجيبلچ معاي
    ليل همست باذنو :حبيبي سمنانه
    غياث ابتسم :وااني اگول لحالي ليوله اشبيها صايرة احلى شگد زيادة
    ليل :شي اربع كيلو امانه غياث موو تگول لحدا اووف تخيل كل شيا صار ضيق علي واغلب جينزاتي بطلن يسكرن علي
    غياث :يلا ان شاء الله تصيرين خمسه وستين
    ليل ابتسمت لغياث ونعومه :شگلت
    غياث :حبيبي على راسي تامرين أمر چنت ناوي اخذچ تشترين لچا ولحسوني
    ليل عيونها لمعت:ما اريد اروح اني احب ذوقك تذكر اولي لمن چنت تلبسني على ذوقك ههههههه چنت كأني لعبه بين ايدينك تطعميني بايدك وتشربني وتلبسني أشكال وألوان على ذوقك وتهتم بيا كأني بنتك المدلله
    غياث يعرف ليش ما تريد تروح لان الغيورة ليل من تروح بدو ياخذ سلوى فهي مسكينه ما تتحمل الفكرة :اي والله ايام من العمر چنت حسرة بگلبي
    ليل ضمت غياث ودموعها تجري :واليوم كلي على بعضي لكا حبيبي جعل هذيچ الايام ما تنعاد
    غياث بدلها الضمه:يبووو منچ گلبتها مناحه موو على اساسا ما راح تبچين
    ليل :غيوثي والله اعشقك بجنون واموت بيك صدقني ما اتحمل اعيش بدونك والله اموت
    غياث وهو يبوس كتفها :حبيبتي واني اعشچ بإذن الله ما نفترق وما يفرقنا عن بعض الا الموت..... (بالصمت طال بعدها) يلا گومي بسرعه چيبي عبايتچ
    ليل :وين رايحين
    غياث قرص خدها:ههههه اليوم جمعه نجيب خبز وفطور ولا ناويه نضل اليوم بدون خبز
    ليل وقفت :نسيت انو اليوم الفطور من برا
    غياث زاد ضحكو :الشوق منسيچ كل شيا
    ليل ابتسمت :ما راح اتأخر
    غياث ضب ملفاته ودفترو واللاب توب وطلع
    ليل فتحت باب السيارة وركبت :حبيبي سخنت گهوتك
    غياث حرك السيارة :حبيبتي شربت اليوم چثير انتي اشربيها بدالي
    ليل شربت منها :شعنك اليوم شكلك مشغول بالحيل
    غياث :شغل يخص الجامعة Final exams قربت نحن الدكاترة نتعب اكثر من الطلاب بهذي الفترة
    ليل مسكت ايده :ادري حبيبي يعطيك العافيه
    غياث :الله يعافيچ تعرفين شئ يوم لزم اخذچ معاي على الجامعة
    ليل استغربت :شسوي معاك اهناك
    غياث :تشوفين الأجواء
    ليل صارت تضحك :اذا اشوف الأجواء والعجيات اللى تحچي عنهن لمثقال اغير رأيي وما اخليك تدوم
    غياث بجديه :لا اني افضل نصير ندوم سوا الدكتور غياث ومرتو الطالبة رايحين نصير ثنائي حلو بالجامعه
    ليل :لا شكرا ما اريد ادرس اني عندي مخططات احسن
    غياث : عندچ مخططات احسن من الدراسه
    ليل :ايوه عندي مخططات احسن من الدراسه
    غياث رفع حاجبو:لا بالله وشنو اللى اهم من الدراسه ومستقبلچ
    ليل تركت ايد غياث:الأهم بيتي زلمتي ويلادي أهلنا شبيك اليوم على الدراسه (بسخرية لان غياث ماخذ سلوى وبينهم فرق كبير بالتعليم سلوى يلا طالعه من سادس ابتدائي) اذا كل هالگد نفسك بوحده تدوم معك خذا سلوى تسليك
    غياث دحق عليها :وجع ولي انتي ما تبطلين النذالة ليل :لو انك ماخذ وحده احسن مني موو ابرك لك منها غياث غير الموضوع :اني بعد ما عرفت نسبتچ گلت لزم تكملين ويصير بينا كفاءة بالتعليم
    ليل دحقت على الطريق :غياث اكمل شنو واني ام وما عندي اي استعداد ارجع ادرس
    غياث :شبيها الام ترى اني امي درست بالجامعه وهي حامل بيا وهي ام وبعدين چثيرات الأمهات اللى يدرسون هما احسن منچ بشنو
    ليل :هما شئ واني شئ ثاني
    غياث بهدوء:شنو يعني
    ليل :المعنى اني مره مشغوله برجلي وعندي عله من اهملك تطير من حضني وعلى موتي ما اخلي فرصه لحدا يأخذك مني
    غياث صار يضحك هذي ليل فعلا مسكينه شيله هم الدنيا كلو على ظهرها عنجد رحمها :قبل ما اتجوزچ چنت اريد اخذ وحده بنفس مستوي التعليمي يعني دكتوره مثلي
    ليل لفت كل جسمها على غياث :چنت خذيت وحده مثقفه بدال ما تاخذ زرگتك
    غياث صار يضحك من قلبو ليل :اي حبيبي اضحك بس لو اعرف شوقعك هل وگعه السودا شكلها عمتي داعية عليك هذيچ الفترة وصدفت ساعة استجابة
    غياث مسح وجهو وهو لسع يضحك :يولي شمدريني ما اتوقع امي تدعي علي بس اتوقع ام سلوى داعيه ليها تاخذني
    ليل :اي والله المفروض تسد اثمها وتضل طول عمرها تشكر الله ماخذه شب فرنسي يذوب الحچر من جمالو دكتور شهاداتو گد الدنيا والأهم متدين يخاف الله اذا هي امها داعيتها يا ترى اني منو داعيلي
    غياث مسك ايدها :اكيد عمي داعيلچ بس أكثر شئ اتوقع اني اللى امي داعيلي اخذ هالألماسه الثمينة
    ليل ضلت ساكته
    مر اشترى الخبز والفلافل والحمص
    ليل بعد سكوت طال وهما قربين من بيت اخوها مسعود وليل من جاب الفلافل والخبز وهي تاكل منه :حبيبي ممكن نمر على بيت مسعود
    غياث لف عليها:وين بيتو
    ليل :بعد الخياط فوت يسار
    ليل ابتسمت وهي تسكر چيس الفلافل :هذا بيتو الباب الابيض
    غياث صف ونزلت بفرح ونزل معها مع چيس حمص دقت الباب مرتين وجها صوته :يلا يلا
    فتح الباب وهو بالدشداشة استغرب ليل وجهها ذبلان ولبسه عباية موو بعادتها وغياث بالبيجامه غياث بخجل وهو يستوعب تفكير مسعود :صباح الخير ابو قصي
    مسعود :صباح النور يا هلا وغلا تتفضلم فوتم يا اهلا وسهلا بيكم
    ليل ضمت مسعود :مسعود
    مسعود مسح على ظهره :عيون مسعود
    دحق على غياث :شبيكم شصاير
    غياث حس بالخجل ابتسم بتكلف :بسم الله ععليناموو صاير شيا جينا ناخذ فطور وليوله دلتني على بيتك بيتك گلنا نمر نسلم عليك
    ليل بعدت عن مسعود :شلونك
    مسعود ابتسم :الحمدلله زين انتم اشلونكم
    غياث :والله الحمدلله بخير
    ليل ابتسمت :الحمدلله مرتاحين شلون مها والزغار
    مسعود :والله كلهم زينين والزغار يبوسون ايدچ يلا نفوت موو حلوه وقفتنا بالشارع
    ليل مسكت ايد غياث:لا والله مستعجلين الحز عمي وعمتي گعدم
    مسعود :والله ما يصير اقل نشربكم چاي
    غياث مد الچيس لمسعود :اليوم جمعه وأهلي يستنون الفطور اوعدك شئ يوم اجيب ليل وحسن ونجي نتعالل عندكم
    مسعود خذا الچيس منو :حبيبي يعطيك العافيه اهلا وسهلا بيكم ايمت ما تجون والله چم مره اشوف ليل عند ابوي واعزمها تجونا نتعشا ونتعالل بس تگول غياث مضغوط بالجامعة ما اشوفو الا على السفرة
    ليل :خلص مدام وعدك ابو حسن شئ يوم دق علينا وحدد اي يوم وچهز الارگله واعزم الشباب
    مسعود : ان شاء الله تكرم عيونچ
    ليل :غياث تخيل مثقال وفرج و امير ومحمد و الياس و هيثم يموتون على المعسل اللى يجيبو من الإمارات
    مسعود صار يضحك :زين والله أعطيتني خبر مشان المره الجايه احسب حساب غياث بالمعسل
    غياث :لا تعذب حالك اني ما اشربها الا بالمناسبات ولزم يكون معاي حدا يشاركني بيها مشان اشربها
    جاهم صوت مها :مسعود منو اللى على الباب
    مسعود :ليل وغياث
    ودعم مسعود وهي تكمل اچل:غيوثي
    غياث :ها حبيبي
    ليل تاكل قرص فلافل:اريد كولا على الفطور
    غياث :حاضر.... ليوله مين الياس وهيثم
    ليل ابتسمت واثمها مليان :تغار
    غياث قرص خدها :لا بس اول مره اسمع بيهم بالعائلة الكريمة
    ليل اكلت غياث من قرص الفلافل :هذول ولد عبدالله بالسعودية واحد عمرو ثلاثين سنه وواحد گد مثقال راح ينزلون قبل رمضان
    غياث :ما شاء الله شباب يوصلون بالسلامة
    ليل بضيق :الله يسلمك
    غياث وقف چدام الدكان :اشبيچ
    ليل تسكر الچيس :مابي شي
    غياث ابتسم :طيب ليش متضايقة
    ليل ابتسمت:عادي انزل معاك
    غياث فتح بابو واحترم عدم رغبتها بالكلام :انزلي بس موو تفليسني
    ليل نزلت وراحت عندو مسكت ايد غياث :كل الخير اللى عندك وخايف افلسك بدكان حمد الجمعه
    غياث صار يضحك :ليكون موو عاجبچ دكان حمد
    ليل فاتت معه :أسوء دكان بالخفسة
    دحق عليها العم حمد لانو سمعها :احسبي حسابهم كلهم (غياث بسبب وجود نسوانو الاثنين من الدكان يشتري لكل شخص چيس تجنبا للمشاكل صار يفكر بادق التفاصيل يشتري واحد لليل واحد لسلوى واحد لصبا واحد لامو واحد لحسن)
    غياث ترك ليل وسلم على العم حمد وضل واقف يسولف معه
    ليل قدام الثلاجات :ابو حسن
    غياث راح عندها :ها حبيبتي
    ليل بهمس وهي تتأمل شكل مشروب الطاقة العلبة الباردة تسرسح القلب :عادي اخذ
    غياث خذا اثنين :يلا خلصي تأخرنا
    ليل أعطت غياث الأشياء اللى اخترتهن :بس ضل العلك والسكاكر
    غياث دعم كيسها بالاشياء اللى يحبها لان اليوم راح يسهر معها
    بعد ما طلعم ليل ضلت صافنه بالطريق وتاكل چبس بالفلفل الحار وغياث يراقبها بصمت ليل ابتسمت و بحمس طلعت العلبة بااردة بوز واتأملت بيها :لا تفتحيها مشان تفطرين مع الكولا بالليل نشرب سوا
    ليل :ما يصير اجربها الحز
    غياث باستنكار :ليش ما شربتها من قبل
    ليل رجعتها للكيس وهي لسع تتأمل :لا ولا مره
    غياث صار يضحك :يا ناس دخيل المؤدبين اللى ما يشربون مشروبات الطاقة
    ليل بزعل:غيااث
    غياث ابتسم :عيون غياث
    ليل جمعت قوتها :من البارح متحمله وقحتها بوصفي وضحكم وتعليقاتكم بس لخاطرك عندي بس حط ببالك اني موو ضعيفة شخصية و موو عيب أبدا اكون مؤدبة وعقلي صافي من التفاهات المراهقات
    غياث استحى منها لأنها فهمت ضحكو غلط :اسف اذا جرحتچ بدون قصد مني
    ليل تحول تسيطر على حالها : ليش بكل مرحلة بحياتي الناس تشوفني شئ يضحك لهذي الدرجه تشوفوني غبية وما عندي شخصية
    غياث مسك ايدها وباسها:حبيبتي لا تفكير هيچ ما عاش اللى يضحك عليچ بالعكس انتي موو غبية والله انتي بنيه حلوه كل شئ بيچ يجنن
    ليل دحقت علي :انته تحبني
    غياث ابتسم لها وهو لسع يبوس ايدها :اموت بيچ اخ امي شگد داعيتلي حتى تصيرين ليا
    ليل عيونها دمعت :لا تمزح معاي ترى اصدگ
    غياث نزل ايدها على فخذو وهو لسع ماسكها :والله ما امزح
    بالبيت فاتت ليل حسن نزل من حضن جدو وبفرح :ماما حبيبي ماما
    ليل شالت حسن :يا روح ماما صباح الخير
    ابو غياث وأم غياث وصبا :صباح النور
    غياث فات ورا ليل حط الأكياس على الطاولة :صباح الخير
    ردو :صباح النور
    غياث خذا حسن :ام حسن يلا سويلنا الفطور ذبحني الجوع
    ليل ابتسمت لوا وشالت اكياسها واكياس الاكل :حاضر حبيبي
    غياث گعد وهو يحچي مع حسن ويلعبو
    صبا ابتسمت وهي تصب چاي لغياث :خير ان شاء الله موو البارح متزعلين
    غياث :صبصب خليچ بعيده عن علاقتي بليل
    صبا :ماما شوفي غياث شلون يحچيني
    ام غياث :كومي ساعدي مرت اخوچ بالفطور بدل الحچي الفاضي
    صبا وگفت : مسويلي بيها اسرار ترى ليوله ما تغبي علي شئ
    حسن يحرك ايدينو :سبا روحي جيبي الهمه بسرعه
    صبا:ماضل الا انته يا فصعون تتآمر علي
    ام غياث : حسوني موو فصعون لا تضلين تگولين عنو فصعون
    غياث :حبيبتي روحي وخلي ليوله تخدر الچاي زين وتحطيلي من مخللها الحار
    صبا راحت وبعد ربع ساعة ليل جابت الخبز وحطتو على وصحون طاولة الطعم وقربت منهم:حسن ماما تروح على الحمام
    قبل ما تفطر
    حسن رد عليها فرنسي ليل مسكت ايد حسن:لا اول شئ نروح على الحمام بعدين نفطر مع بابا
    حسن حط ايدو على بطنو:ماما بطوني جوعان
    ليل تضحك :حبيبي بسرعه نروح ما نتأخر
    غياث وقف شايل حسن :خلاص اني اروح مع ابني السبع
    ليل :ما تقدر علي
    حسن ضم رقبة غياث :اني اروح مع بابا زلم
    صبا حطت الصحون :اي حبيبي روح مع بابا مشان تلعب نفسو منك ويبطل يفطر
    غياث راح مع حسن
    ليل :نشوف باچر سعيد الحظ اللى ياخذچ يساعدچ بالعچين ولا تربينهم لحالچ
    صبا ترتب السفرة :مين گال اني اريد اتچوز
    ليل تضحك :اني گلت بس بچي ابن الحلال يرمي عمي وراچ سبع حجارات
    ام وابو غياث صارم يضحكون عليهن وهنا يتناقرن
    وبعد الفطور ام غياث وابوغياث راحم يزورون وحده من خواتو وصبا خذت حسن وفاتت على غرفتها ترسم مع حسن لان هذي صارت عادة يومية عندهم وسلوى مع ليلى بغرفتها بعد ما نظفوا المطبخ وغياث لحق ليل على غرفتهم وهو يتمدد :شتسوين
    ليل تطلع ملابس غياث:اطلع بدلاتك مشان اغسلهن واكويهن باچر ننام لظهر وعلي المطبخ ما ألحق اغسلهن واكويهن
    غياث فتح جوالو :ليش سلوى ما تغسلهن دور لچا ودور ليها
    ليل حطتهن على السرير وصارت تفتش الجيوب :الله يسامحك اشتكيت من غسيلهن وكويهن
    غياث نزل الجوال :لا حبيبتي اقدر اهتمامج بيا بس ما اريدچ تتعبين حالچ
    ليل :اتركنا من هدومك شتحب اسويلك عشا اليوم
    غياث :مشتهي الفريچه وحميس
    ليل :مع شاكريه
    غياث رفع جوالو :اممم
    ليل حطت هدوم غياث بالسلة :احط الابيض بالغسالة واطلع اللحمه واجيك بالله عليك لا تنام
    غياث :معاچ عشر دقايق اذا اتاخرتي تالقيني نايم وتروح عليچ القصه (بكل جمعه بكون غياث عندها تخلي يچيلها قصه من قصص الأنبياء)
    ليل ابتسمت لغياث وهي متحمسه : اوكي حبيبي
    خذت الهدوم مرت على غرفة عمها وعمتها خذت سلتهم وخذت سلة صبا ليها شهور عايشه معهم وتغسل كل هدوم العايلة الا هدوم سلوى مغلسه عليهم
    وطلعت اللحمة حتى تذوب وراحت تحط الابيض بالغسالة رجعت على الغرفة هي تصيح بأسمه :غيااث وينك غياث
    غياث رفع راسو من الكتاب اللى معاه:وجعا شبيچ تجعرين
    ليل رمت على قميصو الابيض الرسمي مسك القميص شاف أثر الحمره على قميصو :خليني اشرح منين جا
    ليل حطت ايدها على حلگ غياث وبعصبية :لا تشرح ما اريد اسمع
    غياث بعد ايدها و سحبها :لا راح تسمعين
    ليل صدت عنو وبانكسار :لا تبرر خنتني بالشرع والقنون صار عادي اشوفك مع غيري وين المشكلة
    انتى الفصل توقعاتكم عيدكم مبارك
    كل عام وانتم بخير تقبل الله طاعتكم
    حبايبي ان شاء الله الاثنين القادم انشر ومستمره على موعدنا يوم الاثنين
    استودعتكم الله الذي لا تضيع ودائعه
  10. زينة الزينات
    11-06-2019, 09:40 AM

    رد: ليل الخفسه

    ليل الخفسه


    الفصل الثامن عشر ما يهمني اذا عني حچو
    غياث ابتسم ورمى عليها القميص :لو مفتشه جوالي چنتي عرفتي من وين جت الحمره على قميصي
    ليل تأملت أثر الحمره على القميص:ليش افتش جوالك
    غياث ابتسم لان ليل ابدا ما تدخل بخصوصياته على عكس سلوى لو تصح لها فرصها چان نبشت جوالو نبش بثقه:ما فتشتي لانچ توثقين بيا
    ليل كتفت ايدينها وبزعل:اللى بيا مكفين موو ناقصني هم فوگ همي
    غياث :خلصتي
    ليل :حبيبي اسمع اريد تشتريلي نفس هذي الحمره ويوم الأحد تكون عندي مع الهدوم اللى راح تشتريهن ليا فهمت
    غياث خذا القميص منها :من عيوني الحمره اللى تردينها اجيبها بس موو حلوه بي حدا يحط بني بشفايفه اختاري غير لون شنو رايچ بالخمري ولا مره جربتي
    ليل نترت :ماريد الا هذا اللون واذا نفسك تشوف الخمري عليا اشتريلي انوب واحد خمري
    غياث رمى القميص بالگاع بعيد عنهم واعطاها ظهرو :الدكتور سعد راسليني واعتذر مني لان بنتو چانت تركض لأنها متأخرة على المحاظره وفاتت بيا ولطخت قميصي بحمرتها چنت افكر انچ عاقلة بس مع الاسف طلعتي بنص عقل مثل سلوى وانسي القصه اليوم
    ليل :شنوو سويت تتگول عني اني بنص عقل مثلها وتبطل تحچيلي القصه
    غياث بعصبيه :ليل سدي حلگچ ما اريد اسمع حسچ
    ليل بعد صفنه طويلة گامت غطت غياث والشالت كتب وملفاتو واقلام غياث وحطت اللابتوب على الشاحن والجوال على الشاحن وشالت القميص طفت الضو وطلعت تدق عل مثقال وما رد عليها مرت على حسن وصبا فاتت باندفاع ومرح :مرحبا يا أطفال يا حلوين
    حسن بفرح وهو مسك أقلام ومنبطح :ماما حبيبي مرحبا
    صبا ابتسمت :اهلين غريبة موو نايمه بحضن ابو حسوني موو اليوم بي قصه
    ليل گعدت معهم بالگاع:معاقبه البارح موو نايم عصب علي ونام
    صبا :هذي عين سلوى واختها حسدنچ لو تشوفينها انهبلت الصبح من عرفت انچ طالعه مع غياث
    ليل :والله اللى تنزل على ضره تتحمل اللى يجيها
    صبا ابتسمت :امووت انا
    ليل بانكسار :گاعده أحول اچذب على حالي
    صبا مسكت ايد ليل :خليچ گوية لخاطر ابنچ هذنا ما يخافن الله عندهن عادي الضره مثل السلام عليكم
    ليل تلعب بشعر حسن :الله يكون بعوني على هالبلوه اخوچ النذل معطي لليلى وجه ويمزح معها ويضحك معها شكلو ناسي هو مين وابن مين
    صبا تضحك :لا تخافين منها يضل رجل اختها
    ليل :موو خايفة منها بس بالعادة غياث ثقيل مع النسوان ويحچي باحترام
    صبا :اليوم يمكن امي وابوي يباتون ببيت عمتي فضه
    ليل دحقت على رسمت صبا :اي لحضت اليوم عمي معصب وموو على بعضو شنو ترسمين
    صبا ابتسمت :ارسم الدبدوب بس اخلصها اشوفچ
    حسن مد الورقه لليل :ماما توفي رسمتي
    ليل ابتسمت وبفرح :واااو تجنن رسمتك بالحيل حلوه لفت الورقه على صبا :صبا شوفي ابني البطل حسوني شرسم
    صبا :ياااي حلووه انته راح تصير فنان مثلي
    حسن هز راسو بالمواقفة
    بعد سكوت طال :شبيچ سرحانه
    ليل ضلت ساكته واخيرا نطقت :صبا تگومين نزرع
    صبا استغربت :نزرع شنو
    ليل :ابوي أعطاني بذار ورد جوري وريحان ورشاد وسبانخ نفسي ازرع
    صبا ابتسمت:اوكي نجرب من زمان نفسي بورد احمر واصفر وزهري
    بعد ما زرعم البذور صبا غسلت حسن وغسلت حالها وراحم ينامون
    ليل كملت الغسيل وسوت شغل البيت وهي واگفه تكوي بالصالون وتشرب مغلي النعناع مشغله التلفزيون چدامها فات عليها غياث شافها لبسه جينز ضيگ وعلى خصره سلسلة حديد بيها أشكال وشلحه بيضه ومسوية جدولتين وغرتها نزل منها خصل على وجهها وحاطه مكياچ ثقيل وعطرها فايح شكلها يطير العقل شكلها طفولي بس بنفس الوگت مفعمه بالأنوثة:مساء الخير يا حلو
    ليل رفعت الكوب :هلا مساء النور
    غياث رمى حالوعلى الكنبة :وينهم
    ليل :صبا من اشوي نامت مع حسوني
    غياث يتأمل الترتيب والنظافة والأهم انها كاشخه چانت سلوى لمن تشتغل بالبيت يشوف حالتها حاله الله لا يرويكم :لحالچ نظفتي
    ليل تكوي بانفعال :غياث مشان محمد لا تضل تغثني بوجودها شنو ما ترتاح الا لمن تجيبلي سيرتها
    غياث مسك الريموت وبدأ يقلب بدون ما يرد عليها
    غياث دحق عليها وهو ذايب بيها:ام حسن روحي سويلي شئ اشربو
    ليل :حاضر
    وراحت ورجعت بكأس عصير برتقال مثلچ وصحن بسبوسة غياث مسك الصحن وهو فرحان: اووه بسبوسه محشيه
    ليل رجعت تكمل شغلها :صحه وهنا
    غياث :على گلبچ من زمان ما چليتها
    ليل ضحكت بهدوء وهي تعلق ثوب عمها :ها شنو رايك طيبه موو
    غياث هز راسو :اي والله طيبة يعطيچ العافية
    ليل :حياتي الله يعافيك
    راحت على السراميك تتزحلق لأنها لبسه جراب
    ورجعت بسرعه چنت راح تقع بس مسكت حالها بآخر لحضه حطت ايدها على قلبها بخوف غياث بخوف عليها :اعقلي
    ليل هزت راسها:حاضر حبيبي
    غياث استغرب منها بس فضل السكوت لان تعجبو طاعتها لوا
    غياث خلص الصحن :اريد انوب
    ليل خذت منو الصحن :حاضر حبيبي
    راحت ورجعت بس هذي المره تمشي بهدوء وتسحل بحالها سحل :اشبيچ تجرين بالحالچ
    ليل اعطتو الصحن :انته گلت
    غياث ابتسم وهو يگعدها بلطو:گلت لا تلعبين السراميك يكسرچ اذا لا قدر الله وگعتي
    ليل :اي صح الله لطف بيا اليوم
    غياث اكل ورفع لها الخاشوگه : حياتي خليچ مثل ما اعرفچ دمچ حار لا تصيرين مايعه مثل سلوى
    ليل اكلت من ايدو :ان شاء الله
    غياث شربها من العصر :ليولتي الحلوه يوم الأحد راح اشتريلچ الحمره البنية اللى عاجبتچ وكل شئ طلبتي بس لا اشوفچ زعلانه مني ما اتحمل هالعيون المكحلات يزعلن مني
    ليل شقت الابتسامه غياث بأس راسها وحط راسها على فخذو ولمس خدها باصابعو :ام حسوني اليوم طالعه تجننين كانچ باربي
    ليل تبت شلحتها لان ارتفع :تسلم عيونك اللى تجنن
    غياث بعد سكوت :شبي الحلو اليوم هادي وما يريد يزعل مني
    ليل غمضت عيونها وغياث مسك جديله من جديلها :اذا تريدني ازعل منك عادي الحز ازعل
    غياث بدا يلعب بشعرها :هههه امزح معچ
    ليل :حياتي ادري تمزح معي
    غياث دنق عليها وباس خدها : حبيبتي اسف لاني زعلتچ مني الصبح تدرين هالفترة عندي ضغط بالجامعه
    ليل فتحت عيونها ضحكت له :مصر اني ازعل منك اليوم
    غياث مسك خشتها :اي مصر ازعل الحلو مشان اراضي
    ليل زاد ضحكها :اذا تزعلني هذي المره ما ارضى الا تجيبي وردة جوري
    غياث صار يضحك :من وين اجيبلچ وردة جوري احسن شئ لدق على مثقال يجيبلي باقه من حديقتكم
    ليل :لا تدق امزح معاك غياث من زمان نفسي أسألك ليش موو زارعين شئ بالحديقة والله حرام عليكم معقوله كل هالمساحه ما بيها الا شجره وحده ولا شكلها يگحص
    غياث :الحز شجرة الصفصاف تگحص
    ليل :اي والله ما شاء الله عملقه شگد طولها ومن ايمت مزروعه
    غياث :ما ادري بس طولها تقريبا شئ ثمن أمتار نحن قبل ما تجين باربع اشهور خلصنا عمار البيت وبعدين اهلي سافرم وبعدها انشغلت بعميتي ليولة الحلوه والباقي انتي تعرفينو
    ليل :الا وين چنتم ساكنين
    غياث :بالخفسة ببيت جدي بنفس الشارع اللى بي بيت عمي ابو عبدالحميد بس نروح اخذ المفاتيح واشوفچ البيت
    ليل :عجب ليش ساكنين برى الخفسه مقطعه لا جار ولا محل
    غياث ابتسم :هذي رغبتي لان أقرب ل شغلي والجو احسن ما احب الخلطه
    ليل :اي احسن شئ حتين اني اكره الخلطه غيوثي قبل رمضان بأسبوع اريد اروح اجهز بيت اهلي لرمضان واعزل المطبخ
    غياث :عمي ومثقال يفطرون لحالهم
    ليل :لا كل يوم يفطرون عند واحد من الشباب بس تعرف مثقال اچيل وما يحب اي طبخ اروح اجهز لوا سمبوسك وكبه ومجمدات وعصاير
    غياث :حبيبتي مستحيل امنعچ من ابوچ واخوچ اذا انتي ما شلتيهم مين يشيلهم و ايمت ما تريدين تروحين عليهم بس اعطيني خبر
    ليل بفرح:حاضر
    غياث :قربان اللى يگولي حاضر نگوم
    ليل مسكت ايدو:لاء خلينا
    فاتت سلوى مع ليلى على الصالون اشتعلت نار الغيرة بصدرها لمن شافم ليل نايمه على فخذ غياث وضامه ذراع غياث ظهرها طالع وغياث يتفرج على فيلم وثائقي :مساء الخير
    غياث بدون ما يدحق عليهن بت شلحت ليل :مساء النور
    سلوى گعدت مع ليلى وهما يتهمسون غياث بدا يمسح على وجه ليل حتى يصحيها بهمس : ليل ليوله اگعدي ليل يام حسن حبيبي
    ليل بدون وعي :غياث عيفني حبيبي
    غياث :ليل يلا گومي
    سلوى :ابو حسن اعطيني الريموت
    ليل فتحت عيونها على صوت سلوى استوعبت انها موو بالغرفة :شگد الساعة
    غياث رمى الريموت لسلوى :اذن المغرب من عشر دقايق يلا گومي گعدي حسوني وصبا وصلي
    ليل تعدلت :حاضر حبيبي وأنته گوم صلي لا تتأخر عليها
    غياث وگف :ان شاء الله
    سلوى :غيوثي وين عمي وعمتي
    غياث گوم ليل :راحم يزورون بيت عمتي فضه
    ليلى :هذي عمتك الارمله ولا وحده ثانيه
    غياث مشى مع ليل :اي عمتي الأرملة ام نصرالدين
    ليل بعد ما صلت مع غياث
    ليل حطت راسها على كتف غياث وهي تتأمل عيونو :شبيچ
    ليل مررت اصابعها على لحية غياث اشگره وهي مبتسمه :يول مجنونه اني بعيونك
    ضل ساكت
    ليل كملت :غيوثي حياتي سمعتني
    غياث ابتسم :اي حبيبي سمعتچ
    غمضت :تعبانه اريد انام اممم شنو رايك نقفل الباب وننام لباچر
    غياث ضمها :عيب عندنا ضيوف بعد شوي نشرب گهوة من ايدينچ ونصحصح
    ليل باست غياث وبهمس :غياث احبك
    غياث ما خلى ليل تطبخ العشا خلها تكمل كوي هدومو وهدوم ابو وصبا تطبخ العشا مع سلوى وهو بوجود ليل يتهرج مع ليلى ويدخن معها
    بعد العشا ليل وغياث گعدم يشربون چاي وچدامهم صبا تلعب مع حسن غياث يسولف معها وهي ساكته
    غياث قرصها ليل فزت : اخ شبيك تگرص
    غياث : الحلو وين صافن
    ليل نزلت عيونها وجاملت غياث :ايمت تروح
    غياث ابتسم لأنها تغلي من الغيرة علي صبلها چاي :ان شاء الله باچر الصبح
    غياث حط ذراعو على ظهرها وبعد سكوت طال :ليل ما شربتي
    ليل تركت الكأس :خلاص حاچ شربت چثير
    حسن يأشر :ماما توفيها سبا ما تعطيني لعبتي
    ليل :صبا اتركي العاب ابني احسنلچ
    حسن ضرب صبا :اسمعتي ماما يلا رجعها
    صبا رمت علي لعبتو :بس يجي بابا اخلي يشتريلي العاب احلى من العابك وانوب ما اخليك تلعب مع السيد دبدوب
    حسن عصب وصار يدمدم عليها وضم الدب
    ووگفت وهي تضحك علي :يلا اني رايحه على غرفتي تصبحون على خير
    حسن وگف ومسك ايد صبا:يلا سبا نروح
    صبا سحبت ايديها منو:لا حبيبي انته اليوم تنام مع بابا وماما واني انام لحالي
    حسن بيكذب :يجيچ البعبع
    ليل :حسن يلا حبيبي تعال خلي البعبع يجيها وياكلها
    صبا صارت تضحك عليهم
    حسن لف عليهم غياث ابتسم لحسن : حبيبي تعال اليوم انومك بحضني
    حسن تغيرت ملمح وجهو :ماا اريد سبا
    لف عليها وهو اشوي ويبچي:اروح معچ
    صبا نزلت لمستوى حسن وهمست باذنو رد عليها بنفس الهمس صبا ابتسمت اعطتو السيارة اللى چانم متكونين عليها باست خدود حسن وحسن بأس خدودها وراحت حسن لف عليهم ليل مدت ايدها :تعال حبيبي عندي
    حسن راح عند ليل :هاا
    ليل حطتو بحضنها :الحز دوري اني نلعب سوا
    حسن هز راسو بفرح لان كل العاب ليل حركية بأس خد ليل :حبيبي يلا نروح نلعب مع البسونه
    ليل صارت تضحك غياث :يوال الدنيا ليل وين تروحون
    حسن :برا نلعب البسونه
    ليل وگفت وهي شايلة حسن وتبوس بيو :اليوم مابي طلعه برا بابا يريد يلعبنا لعبه جديدة
    حسن بفرح :هااي
    غياث وگف ليل أعطت حسن لغياث :ارتب الصالون واچيكم
    غياث :لا تتأخرين
    ليل لمت الألعاب وشالت الكاسات قبل ما تفوت على المطبخ سلوى:شفتيها ال#### شلون تتمايع على غياث وتغري بجسمها وصدرها كلو طالع
    فاتت على الغرفة غياث گاعد يتابع الاخبار وحسن نايم :اسفه تأخرت عليك
    غياث بهدوء :لا عادي حبيبي
    حطت الصينية بيها مشروب الطاقة ومزينه الكاسين الكاسين بشرايح الليمون وحطه ثلچ وحطه مكسرات وبيتي فور وصحن دبشي وصحن عنب
    وتقلي مايه باردة گعدت بلطو وهي سانده راسها على تاچ السرير غياث ابتسم وهو يتأمل ليل حابه تسهر معه :دخيل قلبو المشتاق
    ليل كتفت ايدينا بدون ما ترد :ليوله انتي تعبانة
    ليل حركت راسها :لا بخير
    غياث ما حب يضغط عليها لان واضح التعب على وجهها :ليش معذبه حالچ چنت راح انام
    ليل تدحق بالفراغ :حبيبي نام مين ماسكك
    غياث لمح الدموع بعيونها حط ايدو على عضدها :ليوله حدا مضيقچ اوسمعچ كلمه موو زينه
    ليل ما قدرت تتحمل نزلت راسها ودموعها تجري :لاء
    غياث بعد الصينية عن التخت وحط راسها على صدرو :متأكدة لا يكون تعبانه
    ليل :اي تعبانه وگاعده اموت
    غياث :بسم الله عليچ شنو اللى يوجعچ
    ليل حطت ايدها على گلبها :هذا اللى يوجعني انته ما تحبني ولا راح تحبني
    غياث ابتسم :له له اني ما احبچ
    ليل بعدت عن غياث وبصوت باكي :اي ما تحبني ومالي قيمة عندك لو تحبني ما چان هذا حالي
    غياث :لا حول ولا قوة الا بالله انتي حبيبتي وروحي وأم ابني شلون مالچ قيمه عندي
    ضل غياث يحچي معها بس هي ساكته
    ليل اخر شئ عصبت علي وحطت ايدينها على اذانها :خلاص اسكت ما اريد اسمع شئ منك بس اسكت انته زلمه بياع حچي
    غياث تعوذ من الشيطان نزل ايدينها :خلاص لا تعصبين والله اسكت بس انتي ليش زعلانه مني
    ليل صدت عنو ودموعها تجري غياث :ليولتي شبيچ احچي
    ما ردت علي غياث :گوليلي شتريدين عيوني لچا
    ليل لفت علي:سلامة قلبك مو لازم شئ
    غياث :ليولتي اذا اللى تريدينو اقدر علي من عيوني انتي ام حسن ما يغلى عليچ شئ كل شئ يرخص لعيونچ الحلوات
    ليل تمسح وجهها بالمحارم :مجرد حچي دائما محرومه من كل شيا حتى من الام محرومه
    غياث هو يمسك وجهها:الموت حگ علينا ليل غالي والطالب رخيص اذا شئ ما يتعلق بسلوى حاضر تكرمين اللى تريدينو يصير اني شعندي غير راحتچ وسعادتچ
    ليل ضلت ساكته غياث بأس راسها وعيونها :شوفي راح اعد للعشرة واذا ما قلتي اللى تريدينو تنتهي صلاحية العرض
    بدا يعد :نفسي نلبس محابس كل البنات يفرحن بحالهن الا اني مالي ام رجعني عمي كأني شئ زايد عندي اهلي ومالي قيمة عندك
    غياث صار يضحك بألم وعيونو دمعت عليها :لا حبيبتي حيشاچ انتي مرتي شلون مالچ قيمه
    ليل تمددت وضمت حسن :اي مالي قيمه والدليل دائما تضحك علي بعمرك ما خذيت حچي على محمل الجد اني موو طفل عندك اتمنيت شي يوم تفكر بصورتي كمرتك چدام العالم
    غياث حس بالذنب هو ضحك من ألم گلبو عليها :حبيبتي حشاچ اني اضحك لاني
    ليل :لا تبرر عادي متعوده من زمان الكل يضحك علي
    غياث تمدد وراها ردفن وجهو برگبتها :ليل لا تقولي هيچ اذا بيوم ضحكت عليچ اضحك لانچ نقيه وگلبچ ابيض اضحك من وجع گلبي عليچ
    ليل :لا تتعب حالك وتلعب معاي ادري خايف على مشاعر مرتك ما اريد منك شئ يعطيك العافيه
    غياث :ليل اني ما رفضت اني اعطيتچ كلمه..... ليل ادري اني مقصر معچ چثير
    ليل تمسح دموعها:لا بعمرك ما قصرت بس اني لسع غبيه افكرك غياث القديم اللى طلعني من الظلمه لنور وعايشه باوهام وهم يجر وهم
    غياث رفع راسو ودحق على وجهها :لا انتي موو غبيه لا تضلين تعيدين هالكلمه ليل اني ما تغيرت لسعني غياث اللى اعرفتي من سنين وبعمري ما راح اتغير عليچ
    ليل :غياث مالو داعي تبرر اني استاهل كل شي يصير بيا والله استاهل يا ريتني ميته ما عرفتك
    غياث :لا ما تستاهلين ليل تعوذي من الشيطان ولا تفكرين بسطحية ترى الحياة موو خطبه وفستان و عرس وزفه وهديه الحب اللى بيني وبينچ أعظم من هيچ
    قلبت على ظهرها وهي تشهق من أعماق قلبها صار غياث فوگها :ما افكر بسطحية ولا أريد شئ من هذنا بالعكس انته موو غلطان بشيا اني الغلطانه اني چان المفروض مني ارجع لحسن مشان ما يصير مثلي بلا ام بس گلبي نذل يحب يذلني باسم الحب
    انفجرت بچي غياث ضمها وهمس باذنها :
    بنت جاسم اعشقتچ من اول نظره من شفتچ هذيچ الليلة غرقانه بالدمچ ترجيني اترگچ تموتين بس ما گدرت اعيفچ ليل من هذاك اليوم اغرقت ببحر حبچ..... حبيبتي لا تحسبن زواجي منها كسره لچا ما عاش اللى يكسر بيچ
    ليل تعلى صوت صوت شهقاتها غياث رفع حالو وحط ايدو على حلگها :صوتچ حسن نايم
    كمل:يولي الله ياخذ عمري إذا فكرة بيوم اجرح قلبچ وأكسر بخاطرچ اني يحترق گلبي حرق من اشوف دموعچ
    بعد ايدو اول ما شاف صوتها اختفى :حبك ما يفيدني گاعده اموت بسببكم الله لا يسامحكم اذا بيوم اخسرتني ما راح ينفعك خوفك على مشاعرها راح تعض أصابعك ندم
    غياث غمض عيونو وفتح بمعنى اي ليل ضلت ساكته ودموعها تجري تنزل كل دمعه على خدها مثل الجمر ايمت ترتاح شنو ذنبها بهذي الحياة تتمنى لو تموت وترجع تعيش مره ثانيه تريد شوف لو غياث خسرها شيصير بي راح يجي اليوم اللى يتندم على كل شئ سوا بيها گالها يمووت عليها يعشقها يحبها بجنون خلصت عمرها بحبو ضحت چثير مشانو بس هو بشنو ضحى عن شنو تنازل مشانها ما قدم لها إلا الوجع غياث اللى تعشقو مات بالليلة اللى جردها بيها من كل أحلامها وعافها تروح مع اخوها مكسوره وذليله هي شسوت معه حتى يعذبها بهذي الطريقة
    غياث بعد عنها واعطاها محارم وخذا الوسخات منها وصبلها ماي باردة شربتها كلها واعيدها ترجف رجع صبلها
    ضلم ساكتين غياث يفكر بليل اللى نفسيتها بالحضيض وليل تفكر بالمستقبل شنو مخبلها فتح عيونو لقها نايمه على ذراعو وايدها على خصرو ووجهها احمر الساعه اثنين ونص تنهد بحسرة حرام لليوم يكسر بخاطرها عمرو ما فرحها بشي اول ما لمس شعرها فتحت عيونها غياث رمش يحول يستوعب انها گاعده :ما نمتي
    ليل بهمس :لاء
    غياث بأس راسها وغطاها زين:حبيبتي يلا نامي ولا تفكرين بشئ ان شاء الله ما يصير الا اللى يرضيچ ويسرچ
    ليل تعدلت :عطشانه اريد اشرب
    غياث تعدل وصبلها ماي وهي تشرب يتأمل بيها اعطتو الكأس :شبي
    غياث شق الابتسامه وهو يدحق عليها لبسه قميص اسود طويل وظهرها كلو طالع :حلوو عليچ القميص
    ليل رجعت تمددت معطيتو ظهرها :تسلم عيونك الحلوه
    صب لحالو ماي وهو يمزح معها :شكلچ اليوم موو ناوية تعطيني حقوقي ولبسه هذا القميص الجديد مشان تعقبيني
    ليل لفت علي :هذا اللى يهمك حقوقك
    شرب من الكأس :لا والله بس ما احبچ تضلين زعلانه مني گليبي ما يتحمل
    ليل حطت ايدها على ايد غياث اللى على التخت :موو زعلانه منك لا تشغل بالك
    غياث رجع تمدد وهو يتأمل وجهها بنظرات ما يفهمها الا ليل قلبت عيونها :غيااث
    غياث :عيون غياث
    ليل وهي تحط ذراعو اليسار تحت راسها :الله يخليك خليني ارتاح
    غياث ضل ليعب بشعرها لحد ما نامت
    ثاني يوم ليلى من الصبح ابوها جا خذها وليل گعدت الساعه تسعة لقت غياث وامو وصبا وحسن يفطرون بالمطبخ ضمت غياث وباست خدو :صباح الخير
    الكل :صباح النور
    غياث مسك ايدها :حبيبتي شلونچ
    صبا تضحك وهي تشرب حسن حليب :چنتنا اليوم شمسچ عالية
    ليل :الحمدلله احسن والله ما نمت بالليل عمه وين عمي
    ام غياث استغربت من نظرات ليل العميقة :عندو شغل مع جابر
    ليل ابتسمت لام غياث :عمه تصدقين انچ راح تجيبلنا عم لحسن
    صبا :لا حبيبتي ان شاء الله بنيه
    ليل گعدت بين غياث وام غياث :بإذن الله صبي
    صبا :ولا كلمه بنييه غصبن عنچ
    ليل :انتي اللى ولا كلمه راح يجينا زلمه المفروض تفرحين
    صبا :هههههههه
    ام غياث :شمدريچ صبي
    غياث :ليل ما تحچي اذا موو متأكدة
    ليل ابتسمت وهي تصب چاي :اني شفت حوامل بگد شعر راسي
    صبا :وين شفتيهم
    ليل ابتسمت لها :ايام الدراسة چنت اشتغل مساعدة لدكتورة نسائية فشفت العجايب الله لا يرويكم
    غياث اللى متفاجئ :اول مره تقولين اشتغلت
    ليل دحقت علي :اي اشتغلت وين المشكلة
    ام غياث :حبيبتي مابي مشكلة بس غيوثي استغرب لانچ انتي ما تحچين عن انجازاتچ بالحياة
    ليل :تقريبا سنتين اشتغلت واخوتي كلهم رفضم لان عندهم عيب المره تشتغل بس مثقال وقف معاي ودعمني
    صبا : علميني شلون اعرفتي بماما زلمه
    ليل :على الوجه يبين اللى تحبل ببنيه وجهها يسمن ويصير حلو واللى تحبل بصبي وجهها يتعب ويصير شاحب
    صبا صارت تضحك :غياث اسمعتها باچر يفتحلچ غيوثي عيادة بالخفسه تولدين النسوان بدال ما يروحن يولدن بالمستشفيات البعيده
    ليل :اي الله كريم انتي تجوزي حتى تصيرين انتي الاستفتاحية
    صبا :قليلة ادب اصلا خرافات ولا مصدقه حالچ انتي شيفهمچ بالتوليد
    ليل :والله العظيم اني ولدت نسوان مع الدكتوره عمه بإذن الله يجينا عم لحسوني وتقومين بالسلامه
    فاتت سلوى :عليش مغبين انچ حامل بصبي
    غياث استغفر ربه لان مالي خلق لسلوى من الصبح ليل :صبا لو سمحتي الخبز
    ام غياث :ليل تتوقع اني راح اجيب صبي تعالي افطري معنا
    سلوى گعدت :فطرت مع ليلى
    ليل قربت صحن البيض المسلوق لام غياث :اكلي بيض مفيد لچا
    ام غياث خذت وحده :صرت اخر فترة ما اشتهي البيض
    ليل اكلت قطعة خيار :اني بحملي ابويا الله يطول بعمرو يوميا يسلقلي بيض وناكل قشطه وعسل وحليب وسمنه عربية
    غياث صار يضحك :ما يقصر عمي ابو عبدالله واني اگول المعصعص ليل اشلون جابت الدبدوب مربرب ما ينشال
    ليل :جعل عمري فاد لدبدوبي اذكرو الله علي
    الكل ذكر الله ما عدا سلوى اللى نظراتها من السم ليل حطت ايدها على بطن ام غياث :اتركي الأدوية واهتمي بالتغذية لأنها الأساس غياث لزم تجيب لعمتي سمنه عربية تفيدها ومنها ناكل سمنه عربيه على جاه عمتي والبيبي
    غياث :ان شاء الله اشتريلكم سمنه عربية امي تلعب نفسها من ريحت السمنه العربية
    ليل : السمنه العربية طيبه وتقوي الجسم جربي تاكلينها ما تندمين عندي اهلي ما نقلي البيض الا بالسمنه العربية
    أم غياث :ان شاء الله اجرب عقبال ما اشوفچ حامل
    ليل ابتسمت وهي تحس برفسات جنين عمتها:الله كريم الله راح يعطيني على گد نيتي
    صبا :ما دام على گد نيتچ ابشر بالخير
    غياث يضحك :اهم شئ الثقه بالله
    سلوى بفضول :هاي انتي تاخذين مانع حمل
    ليل رفعت راسها :شنو هاي ليا اسم
    سلوى ابتسمت وهي تشوف غياث يفطر بدون اهتمام :اسالچ تمنعين ولا شنو
    ليل :اولا شدخلچ بيا امنع ما امنع هذا الشيء بيني وبين زلمتي ثانيا منو انتي حتى تدخلين بحياتي الخاصة اختي صديقتي تمونين عليا تتسالين هيچ سؤال
    غياث :سلوى عيب عليچ
    سلوى رفعت حاجيها :لا موو عيب ما اشوفها تجيچ ابدأ ومنتي حامل شالقصه لا يكون بيچ بالا وما ندري اممم بنت عمي بالولادة شالولها الراحم وبطلت تجيها
    ليل وگفت بعصبية :البلا بيچا انتي
    سلوى ابتسمت : انتي واهلچ اسرارك چبيره والماي ماشية من جوا رجلين غياث شگدك مسكين يا رجلي ليل دموعها صارت تنزل بانفعال دفشت چيدان الچاي:ما اسمح لجا تجيبين طاري اهلي اذا ما ربوچ اهلچ وعلمچ الادب اني اعرف اربيچ
    غياث وگف ومسك ايدها لانها فقدت السيطرة:ليل اهدي
    ليل جسمها كلو يرجف :ما ما اهدى اسمعها شلون تحچي عني
    سلوى بحده:يا حقيره يا خاطفه اني متربية احسن منچ انتي اخر وحده تحچ
    غياث صاح بصوت عالي :خلاص انتي وياها اللى تحچي كلمه النوب اموتها أنعمى بعيونچن من الصبح كون والله موو عيشه
    وگعد ليل گامت بسرعة وانكب كاست الچاي على الطاوله وطلعت ام غياث گامت بعد ليل :انتي ما تستحين ما بيچ احساس يا حيف
    وطلعت ورا ليل غياث گام وبعصبية يزور سلوى :الحگيني
    سلوى لحقت غياث اول ما فاتم على الغرفة أعطاها كف :بنت الكلب چم مره گلتلچ ليل خط أحمر
    سلوى حطت ايدها على خدها :غياث انته عماين مشان هال####
    غياث مسك شعرها :اي عميان اللى تحچين عنها مرتي واللى يمسها يمسني والكلمه اللى تجرح ليل تجرحني سلوى اخر مره احذرچ ابعدي عن ليل لا تخليني اكرهچ واخلي حياتچ جحيم
    سلوى بألم :اخ غيا...
    قطعها وهو يشد شعرها بگوة وهو يصيح عليها:قبل ما نكتب الكتاب گلتلچ اني احب مرتي اعشقها اموت بهواها ومابي مره تقدر تغير مكانتها عندي وانتي وافقتي (بصياح) سلوى اذا انتي مرتي ليل روحي تفهمين شنو روحي (شد على اخر كلمه) دفشها على التخت وطلع من عندها راح يشوف ليل لقى صبا وامو واگفت وحسن گاعد عند الباب يدق على باب الحمام ويصيح (ماما لوله افتحي باب) ويبچي على بچي ليل :اشبي
    ام غياث :ما گاعد تسمع صوتها
    غياث قرب من الباب وهو يسمع صوتها ممتزج مع صوت الماي وتصيح ما فهم منها الا (ما يهمني اذا عني حچو ما يهمني الله يلعنك انجرح ما تسأل عني)
    وتشهق وتقول كلام موو مفهوم:لا حول ولا قوة الا بالله خذم حسن ورحم من هين
    ام غياث حطت ايدها على بطنها وراحت صبا شالت حسن :غياث أمانه لا تضغط عليها اتركها تهدأ وهي تطلع لحالها
    غياث دق الباب :ليل افتحي الباب بعد ما راحت صبا :حبيبتي خلينا نتفاهم ليل يلا حبيبي افتحي الباب افتحي ضل يدق الباب ويترجها تفتح بس صوتها صار اعلى وما ترد على صار يرفس الباب ويدق بكل قوتو :ليل لخاطري لو ليا عندچ خاطر تفتحين (ضرب الباب بشكل أقوى) ليل لا تجننيني والله اكسر الباب اذا ما تفتحين يولي افتحي افتحي ليل بس گولي انچ بخير ليل (مع كل كلمه يخبط الباب)
    كسر الباب وفات شافها تحت الدش ضامه ركبها لصدرها ودافنه راسها بسرعه نزل لعندها وضمها لصدرو وهي مفرفح قلبها من البيچ ووجهها احمر :يولي شگول عنچ الله لا يوفقچ موتيني من الخوف عليچ (بخوف بعدها عنها لانو انتبه ان الماي لونها حمرا ) شنو هذا ليل من وين الدم شنو سويتي
    ايدها اليمين ماسكه بيها شي واليسار بين افخذها فتح ايدها بيها شفرة خذا الشفرة ورمها وسحب ايدها الثانية بصدمه شافها تجري دم المصيبه جرح واحد الهانم ليل مشطبه ايدها ومعصمها ينزف صياح بوجهها بعصبية:يا مجنونه شسويتي تريدين تموتين (أعطاها كف) انتي موو صاحية مجنونه (أعطاها انوب چف) الله يلعنچ يا حماره شسويتي بحالچ
    ليل سحبت ايدها منو وبصوت مبحوح :روح عني ما أريدك ينجرح گلبي وانته ما تسأل عني
    غياث شاف الوجع بعيونها بسببو مكسوره ودموعها تجري معقولة وصلت معها تنتحر من كلام الحقيرة سلوى الله لا يوفقها من كلمة خاطفه خلتها تنتحر انتحر يشكي لمين كل شئ ضدو هو المذنب الوحيد لانو فكر بعقلو قبل ما يفكر بقلبو حملها ما لا طاقة لها به سكر الماي و رجع سحبها وضغط على الجرح حتى يحول يوگف النزيف :هوص ولا كلمه ما اسمع حسچ
    ليل ضربتو كف :انقلع عني اكرهك اموت منك
    غمض عيونو وخذا نفس عميق :لسعچ راعية الزود
    ليل تحول تبعد عنو وهي تنوح:وجع اتركني يا حقير والله اعلم عليك مثقال واخلي يذبحك اگولك اتركني ما تفهم
    غياث سحبها معها للغرفة وهي تصيح وتضربو على كتفو وتهدد باخوها قفل الباب بالمفتاح ضغط على ايدها بمحارم ورمها اهدومها المنكعه ولبسها برنص الحمام وگعدها على التخت تمددت وهي مغمضه عيونها وضاغطه على جرحها رمى ولبس جينز وتيشرت اسود طلع علبة الإسعافات الأولية قرب يعقم الجرح ويلف ايدها مشان ياخذها على المستشفى لان الطريق طويل ليل ضمت ايدها وصدت عنو :اتركني ماريدك تلمسني
    غياث :ليل بلا سخافه ترى احط كل حرتي بيچ واگتلچ
    ليل بهدوء وهي صوتها يلا يطلع :اخ راسي خلي مثقال يجيني اريدو
    غياث راحها من الجهه الثانيه :الله يلعن عمري على هالبلوه مثقال مفطومه علي وما ادري
    ليل وهي دايخه صدت عنو مره ثانيه همست :اسكت والله راسي راح ينفجر
    غياث عصب :ليل يا #### لا تختبرين صبري
    انتهى الفصل
123

الكلمات الدلالية لهذا الموضوع