قصيده قريبة لقلبي

الشعر, قصيدة , شعراء, القصايد
  • ارسال إلى Twitter
  • ارسال إلى facebook
  • ارسال إلى google plus
    1. memo sun
      18-09-2018, 02:48 PM

      قصيده قريبة لقلبي

      قصيده قريبة لقلبي


      أبشرك خلصوا مابقوا عندي هواي
      كل المشتريهم رخصوا بيه
      أصافحهم واحس باطراف اديهم غيض
      كاتل منهم ومادافع الديه
      بسد بوساتهم دفنوا شكد أنياب
      واكول يجوز جانت عن حسن نيه
      ويمر طاري ويذكرولي للشينات
      واصد لغيبه اسمي التنوكل نيه
      وانه الجنت اضل واكف بالأستعداد
      من أسمع عزيز يفوت طاريه
      حسبالي العدد بي ثمرة من يزود
      وعن قلة الواحد تفرق المية
      بس تالي ادركت طين الكلوب اصناف
      والعشرة الطويلة تريد نوعية
      على كل عشت ماخذت بس طيت
      وي ليل المجازة الماشفت ضيه
      وينه وينه اللكا بيه جاي يبيع
      وين الانه مطني من هوه الريه
      والزم جفني خاف من ارمش يزعلون
      واتناسه لحجاية البذني محجيه
      ومن لكالي حكـ عند محب ماداعي
      اكو حكـ برجعته يعيب راعيه
      عرفتلها كمت مازاعل اليرحون
      ولا ع الباب اظل متناني ليلية
      من شفت الحلم ينوخذ مو ع اللون
      بعد بطلت اظم احلام وردية
      الناس اختلفت وظهرك اتجي وين
      اذا ماتلكه حايط تكعد ابفيه
      لهسه وماعرف عايش وياهم ليش
      ويذوب الثلج بس ينجوي شويه
      حتى جروحي من عدهم خذتهن شوكـ
      ابد ماحسستهم بيها من نيه
      من سألوني صح كالوا اطوك جروح
      لا كلت لشماته انطوني عيديه
      شايف من تجيك الطعنة من أحباب
      هيج جروحك تحس بيها روحية
      تصور تبتدي تشتاكـ للچتال
      اذا جف التطعنك بيها حنيه
      المهم ... عاذرهم وكل البقن سهلات
      انا الجرف اليسامح روچ شاطيه
      حتى مننجرح مادام همه بخير
      أنا بخير يعني وكلشي مابيه
      للشاعر العراقي إيهاب المالكي
      250*300 Second
    2. خفايئ
      18-09-2018, 04:44 PM

      رد: قصيده قريبة لقلبي

      قصيده قريبة لقلبي






      روعه ي يعطيك الف عافيه
      اختيار جميل ي يسعدك ربي
      مميزه في كل ما تطرحه لنا
      لك ولروحك كل التقدير
      بانتظار جديدك دائما
      تحياتي لك
      وبالتوفيق يارب




    3. memo sun
      18-09-2018, 05:11 PM

      رد: قصيده قريبة لقلبي

      قصيده قريبة لقلبي


      المشاركة الأصلية كتبت بواسطة خفايئ




      روعه ي يعطيك الف عافيه
      اختيار جميل ي يسعدك ربي
      مميزه في كل ما تطرحه لنا
      لك ولروحك كل التقدير
      بانتظار جديدك دائما
      تحياتي لك
      وبالتوفيق يارب




      يسعدني مرورج دائما
      حبيبتي خفايئ
    4. راعي الكامري
      19-09-2018, 12:00 PM

      رد: قصيده قريبة لقلبي

      قصيده قريبة لقلبي


      قصيدة جميلة تترجم حال مجتمعنا هذه الأيام
      فتنتني اللكنة العراقية في تفاصيل القصيدة
      مفردات جميلة .. سلمتي على النقل .

      .
    5. memo sun
      19-09-2018, 03:11 PM

      رد: قصيده قريبة لقلبي

      قصيده قريبة لقلبي


      المشاركة الأصلية كتبت بواسطة راعي الكامري
      قصيدة جميلة تترجم حال مجتمعنا هذه الأيام
      فتنتني اللكنة العراقية في تفاصيل القصيدة
      مفردات جميلة .. سلمتي على النقل .

      .
      مشكورة على مرورك العطر
      اعجابكم بالقصيدة يدل على ذوقكم الرفيع