سالفه ؟؟ لما لا


اليوم دخلت لليوتيوب أبغى أشوف شي المهم..
وجدت مقطع اسمه بشرى عظيمه للمسلمين ..
صاحب المقطع شخص معروف بتعبيره للرؤى ..
اللي حصل هالانسان انا مدري بس ماحبيته من الله .. فهو شخص يثني دائما ويقحم السياسة في الرؤا ..
لدي خال أطال الله في عمره مسفر للاحلام ... وقد فسر لي كثيرا وتقع .. والغريب انه مافي حياته فسر لشخص مباشره
يقول خلني افكر فيه .. ماقد عطانا تفسير حلم زي هالناس اللي بالتلفزيون .. مره سألته عن سبب تاخره مع ان بعض الرؤى واضحه
كان رده جميل علي جدا .. قال سيدنا يوسف عليه السلام وهو اللي الله اصطفاه بتعبير الرؤى
قال للي معه بالسجن ماياتيكم طعام ترزقانه ..الخ
يعني هالعلم يبي له شوي استكنان .. قلت له يمكن مايبغى يعلم اللي سوف يصلب انه بيصلب وحب يلقى وقت عشان ينفرد باللي سوف يسقي الملك
قال لي : يمكن بس لو كان كلامك صحيح كان فسر لهم نفس تفسيره بوقتها .. هو قال واحد منكم يصير له .. وواحد منكم راح يصير له ..
قلت اشكرك بس مدري الصراحه ناس تفسر في وقتها وتقع قال يمكن بس انا لا ...
على كل حال اكمل السالفه :
هالشخص لاحظوه لا جا وقت التسول عند ابواب الامراء قام يرطب شفته والعلامه تدل على عدم قول الحقيقه او الصدق في علم الفراسه
عموما اليوم سمعت له تفسير حلمين نفخ فيهم المسؤلين نفخ ..
دقيت على خالي قلت بسألك سؤالين قال هات ..
قلت في شخص فسر حلم ان بشار سوف يهزم لانه فسر حلم واحد في العراق شاف واحد بجيش عظيم قال بروح اقتل بشار وارجع لكم
السؤال : قد يكون اللي تحلم يفكر في مفسر الاحلام كثيرا وبشاراته التي لا تنقطع والتي لم يحصل منها شي انه هو بشار وقتله هو اقترافه معصيه كبيره او شي مقارب له ؟؟
ضحك وقال وليه لا ..
قلت طيب هل الامير : قد يكون هو علامه الافساد في الارض من الايه ((دخلوا ارض افسدوها وجعلوا ...)) قال وليه لا برضو يمكن
قلت له طيب بعطيك حلمين ابغاك تفسرهم لي قال أسف .. أنا أفسر الرؤى الخاصه لمن اعرفهم أما وان كانت خاصه لشخص لا اعرفه فتفسيرها صعب على اي شخص
اما العامه اغلبها حديث نفس ..
قلت شكرا وقفلت
خشيت على التعليقات على المقطع طلع مقفلها الاخ ..
السؤال الحين .. لما لا .. ان كان الشخص يبيع الاوهام بسبب قراءه منه مستقبليه .. لما لا .. قد اكون برضو انا جايب السالفه من راسي .. لما لا..