متاهات الاشواق ..

الشعر, قصيدة , شعراء, القصايد
  • ارسال إلى Twitter
  • ارسال إلى facebook
  • ارسال إلى google plus
    1. بلقيس*
      10-05-2018, 07:29 AM

      متاهات الاشواق ..

      متاهات الاشواق ..



      .
      .
      .




      ذكرى تلوح بخافقي لوح براق
      ساري وشوفه يستثير القريحه
      .
      إليا طرت بين على الجفن الارهاق
      ومن العنا بانت رسوم صحيحه
      .
      صارت تقربها طيوف بالاعماق
      يوم الليالي بالمواصل شحيحه
      .
      تحملت نفسي متاهات الاشواق
      الله يعين أهل القلوب الجريحه
      .
      ويرفق بحال اللي شكت هم وفراق
      غدر الليالي يزعج المستريحه
      .
      أكتب معاناتي على بيض الاوراق
      وأختار بعض المفردات الفصيحه
      .
      للماضي اللي داخل الروح ينساق
      وأستعذبه لافاح عطره وريحه
      .
      ياما علشانه جرى الدمع دفاق
      دمع يجرح ناظري في مطيحه
      .
      طاب السهر للعين لاوقت الاشراق
      يا عاذلي خل الحكي والنصيحه
      .
      خل الخفوق اللي من الوجد خفاق
      يسج بأيام مضت له مليحه
      .
      بعض الحكي زود شجوني ولاراق
      مثل السموم اللي يحرق لفيحه
      .
      ودي أحط اللي مضى بين الاحداق
      ومن لامني يعل ربي يبيحه
      .
      أنا وحرفي لاجمل الوقت نشتاق
      شوق النفوس الوافيات الصريحه

      .

      #شعر

      الشاعرهـ / " سحايب العازمي "



      .



    2. راعي الكامري
      10-05-2018, 11:39 AM

      رد: متاهات الاشواق ..

      متاهات الاشواق ..


      .

      ودي أحط اللي مضى بين الاحداق
      ومن لامني يعل ربي يبيحه

      أنا وحرفي لاجمل الوقت نشتاق
      شوق النفوس الوافيات الصريحه
      .

      رااااقـــت لي تلك المفردات عن سواهـــا ...
      سلمتي يا بلقيس وسلم لنــا ذوقك .
      .
    3. B7R
      12-05-2018, 11:17 AM

      رد: متاهات الاشواق ..

      متاهات الاشواق ..


      روعه بلقيس صح لسانها وصحت يمينك وذوقك
    4. بلقيس*
      14-05-2018, 06:11 AM

      رد: متاهات الاشواق ..

      متاهات الاشواق ..


      المشاركة الأصلية كتبت بواسطة راعي الكامري
      .

      ودي أحط اللي مضى بين الاحداق
      ومن لامني يعل ربي يبيحه

      أنا وحرفي لاجمل الوقت نشتاق
      شوق النفوس الوافيات الصريحه
      .

      رااااقـــت لي تلك المفردات عن سواهـــا ...
      سلمتي يا بلقيس وسلم لنــا ذوقك .
      .

      بالفعل ابيات مميزه التي اخترتها
      اهنئك على ذائقتك الشعريه
      واشكر لك الحضور والرد راعي الكامري

      تحياتي الطيبه .
    5. بلقيس*
      14-05-2018, 06:12 AM

      رد: متاهات الاشواق ..

      متاهات الاشواق ..


      المشاركة الأصلية كتبت بواسطة B7R
      روعه بلقيس صح لسانها وصحت يمينك وذوقك
      ربي يسعدك استاذ فهد
      واشكر لك الحضور والرد ..

      تحياتي الطيبه .