كف العتب ..

الشعر, قصيدة , شعراء, القصايد
  • ارسال إلى Twitter
  • ارسال إلى facebook
  • ارسال إلى google plus
    1. بلقيس*
      06-05-2018, 11:41 AM

      كف العتب ..

      كف العتب ..



      .
      .
      .

      ما للعتب منك أنت يمي معابر
      ومالك,, معي,, حلف,, ويمين وملازيم

      كف العتب ما كل,, ما,, مر,, عابر
      بعض الكلام يحطم الصدر,, تحطيم

      والله ما أقبل لو تضج المنابر
      بالزيف,, يوم الزيف,, للصدق,, تحجيم

      أنا على خبرك مثل ما أنت خابر
      ارفض شعور,, اللوم,, والظلم,, والضيم

      لا صرت,, لا مخطي,, ولاني,, مكابر
      ولا هفيت حق,, ولا جهلت المفاهيم

      لكن بلايه,, وجه الأيام غابر
      والمقبلات من الاماني معاتيم

      شفني قضى عمري على المر,, صابر
      ما لاح برق,, ولا لمح ناظري غيم

      اشوف رحبات المنازل مقابر
      وبيض النوايا في عيونك مجاهيم

      ما كل كسر له مع الوقت جابر
      بعض الكسور تصير عاهات وتديم

      فرق المناظر,, عن جميل المخابر
      مثل الثرى الممطور عن فاقد الديم

      لا بارك,, الله بالشعر,, يالمحابر
      إن ما عزف لأوجاع غيري تقاسيم

      وشد انتباه الأغنياء والأكابر
      قبل الفقير,, أبو,, اليتاما المظاليم

      كف العتب ما كل ما,, مر,, عابر
      بعض الكلام يحطم الصدر تحطيم
      .
      .
      ...
      #شعر

      عاقل الزيد //رحمه الله .


      .



    2. أنة حرف
      06-05-2018, 12:05 PM

      رد: كف العتب ..

      كف العتب ..


      شفني قضى عمري على المر,, صابر
      ما لاح برق,, ولا لمح ناظري غيم

      اشوف رحبات المنازل مقابر
      وبيض النوايا في عيونك مجاهيم

      ما كل كسر له مع الوقت جابر
      بعض الكسور تصير عاهات وتديم


      شفني قضى عمري على المر,, صابر
      ما لاح برق,, ولا لمح ناظري غيم

      اشوف رحبات المنازل مقابر
      وبيض النوايا في عيونك مجاهيم

      ما كل كسر له مع الوقت جابر
      بعض الكسور تصير عاهات وتديم


      سلمت يداك ودام نبض احساسك الراقي
      لروحك اطيب الأماني

    3. بلقيس*
      07-05-2018, 09:29 AM

      رد: كف العتب ..

      كف العتب ..


      اهلا وسهلا فيك انة حرف

      شرفت القصيده بحضورك وردك .. تحياتي الطيبه .