... 111213141516171819202122232425262728293031 ...

روايتي الأولى غدو المكافحة الجزء الأول

روايتي الاولى - رواية قصة لم تكتمل ارسال إلى Twitter ارسال إلى facebook
  1. غدو الطموحة
    20-10-2018, 09:52 PM

    رد: روايتي الأولى غدو المكافحة الجزء الأول

    روايتي الأولى غدو المكافحة الجزء الأول


    البارت المئة والرابع والتسعون
    في بيت رواف
    في غرفة غيداء وغالية
    الساعة 7 ص
    أشواق تستهبل ألو السلام عليكم نايمة
    غيداء بتناحة وعليكم السلام
    أشواق متى محاضرتك اليوم
    غيداء أهلا أشواق دوبي صحيت محاضرتي متأخر اليوم الساعة 10
    أشواق صحصحي وكلميني باي
    غيداء باي
    ورخت السماعة
    غيداء استحمت 
    وراحت الجامعة
    في الدرعية
    في جامعة الملك سعود
    في  كلية التربية
    في الدور lg 
    الساعة 8 ص
    غيداء منهارة من أنو هادا تالت يوم تجي بدري عشان تطلع التصريح للنانسي عشان تجي معاها في مقرر دراسة حالة بس ما زبط معاها الموضوع للأن تحس كأنها راح تهرب مخدرات من تعقيد الأجراءات
    في الدرعية
    في جامعة الملك سعود
    في الدور lg
    قدام دايت سنتر
    الساعة 10 ص
    غيداء تنهدت أمس قعدت مع جنى وسلمى هنا 
    غيداء شغلت أغنية سكة حلب للحسام جنيد ولبست السماعات عشان تعزل نفسها عن أي صوت خارجي
    غيداء طلعت دفتر مذكراتها وقلم أزرق حبر جاف
    ملاحظة ( من لما كنت سادس وأنا ما أستخدم ألا أقلام الحبر الزرقة الجافة لأني تعقدت لأنو قد 
    انفقع قلم حبر أزرق سايل في يدي من قوة صغطي عليه كنت أكتب وأبكي من القهر والألم بقوة للدرجة يدي كانت ترجف ولو كنت أقدر أبكي دم بكيت والله )
    غيداء فتحت الصفحة وبدأت تكتب العنوان
    حياة طبيعية
    مع تاريخ اليوم واليوم
    أبغى أعيش حياة طبيعية زي باقي أمة محمد فيزياء ولا كيمياء هيا ما أبغى أنجازات ولا شي أبغى أنفذ متطلبات الجامعة وأروح الكلاس للحالي زي باقي البنات بس وحشتني أيام المدرسة كنت أعمل كل شي لحالي مو زي دحين مو قادرة أعمل المتطلبات لحالي زي كل بنات شعبتي المشكلة كل شغلي الترم الجاي يوقف على دا المتطلب دراسة حالة دا الترم تعبت وأنا أتحمل المرض تعبت وأنا أحاول كل شي يهون عندي ألا دراستي ومستقبلي شهادتي الضمان الوحيد في حياتي أملي الوحيد ما أبغى أخيب أمل بابا فيا بس الموضوع في يدي ما أبغاه يحس أنو تعبو ضاع على الفاضي أبغاه دايما يكون فخور بيا أبغى أحسسو أني أقدر اللي يعملو عشاننا كفاية أنو ما دفنني وأنا حية ولا حرمني من الدراسة سمح لي زي باقي أخواتي مع أنو كان يقدر يرفض ولا أحد راح يقول لو لا بس هوا أداني دي الفرصة لأنو شايف أنو أنا مو عاجزة ولا أكسر الخاطر مو زي باقي الناس تعبت من الحياة تعبت من مرضي تعيت من كل شي تعبت من أنو متطلبات دراستي قاعدة تتعقد عشان شي مو بيدي وأنو الناس تحاسبني على شي مو بيدي
    عشقي للكتب في كتب أتمنى أقرأها بس ما أقدر يا رب طول عمري صابرة ومتحملة أتحمل كل شي ألا أنو مستقبلي يتأثر حياتي طبيعية أكبر كذبة كذبتها على نفسي صح أنا جوا البيت أنسانة طبيعية بس برا البيت اكتشف العكس تماما وأني مو طبيعية أبدا وأني عاجزة وأكسر الخاطر وأنا مو كدا 
    لو كان كدا كان مو قاعدة أكمل دراستي للأن رغم كل الصعوبات وأخرها الفلم الهندي اللي صار لي اليوم خالد اشتقت لك ولهت عليك حيل وحشتني معاك كنت أحس أني طبيعية كنت تسيب لي مساحة أفضفض وأعبر عن مشاعري السلبية وتسمح لي أشتكي لك مع أنك وجعان يعني تعبان مررررة ومو ناقص صح كنت تعيش حياة طبيعية يا خالد بس كنت وحيد أنا راضية أعيش حياة طبيعية للحالي بس مو بدونك لأنو دنيني ما تسوى بدونك يا خلودي أديني عيونك أبغى أشوف جمال العالم وروعتو بعيونك لأني ما أشوف العالم ألا بعيونك الله يرحمك ويغفر لك يا غالي الناس أه بس ما ابغى أحتاج أحد أبغى أكون زي باقي البنات بدون مكبر ولا عصاية بيضاء أبغى أستقل ما أبغى مساعدة من أحد تعبت من الاحتياج وطلب مساعدة الناس خصوصا أني ما أحب أطلب من أحد يا رب اشفيني يا كريم زي ما شفيت يعقوب عليه السلام ويا أرحم الراحمين يا رب
    وسكت الدفتر
    ودخلتو مع القلم
    وراحت الكلاس مع نانسي
    في الدرعية
    في جامعة الملك سعود
    في كلية التربية
    في الدور g
    الساعة 4 م
    غيداء لبست عبايتها
    وراحت البوابة
    وفي الطريق طلبت مني بنت أوصلها بصراحة حسيت بشعور جميل أني قدرت أوصل أحد بعد ما تعبت من أنو الكل يوصلني ووصلتها للنفس البوابة اللي أروح 
    لها دايما
    ورجعت البيت
    في الحوش
    الساعة 5 م
    غيداء قعدت تدور إلى الساعة 6 م
    وطلعت فوق
    ملاحظة ( شفت عمي محمد وخالتي لمار وبنتو بشرى وولدو وسيم وسلمت عليهم وطلعت فوق )
    في بيت رواف
    في غرفة غيداء وغالية
    الساعة 8 م
    غيداء قاعدة تشتغل على تقرير مقرر أستراتيجيات الاستراتيجية هي طريقة تدريس 
    غيداء صححت الاختبار المسحي حقها إلى الساعة 10 م
    وراحت الصالة
    في بيت رواف
    في الصالة
    الساعة 10 م
    غيداء قعدت تدرس للمقرر مناهج البحث في علم النفس إلى الساعة 12 ص
    سمر نامت
    غيداء راحت للغرفتها 
    في بيت رواف
    في غرفة غيداء وغالية
    الساعة 12 ص
    غيداء قعدت تقرأ في رواية تدري متى تصير من كثر الحزن تضحك للكاتبة اشتقت لك موت وتتفرج على مسلسل عود أخضر إلى الساعة 6 ص  
    الخميس
    1438/6/10 ه
    في بيت رواف
    في غرفة غيداء وغالية
    الساعة 8 ص
    غيداء استحمت دوقعدت تدرس إلى الساعة 10 ونص 
    وراحت الجامعة
    في الدرعية
    في جامعة الملك سعود
    في كلية التربية
    في الدور g
    في المركز
    الساعة 11 ص
    غيداء سجلت اختباراتها
    وراحت تحضر فعالية جلستنا في مقر نادي علم النفس شرحت لهم عن أنماط الشخصية واختبار الشخصية للكارل يونغ وحدة من الطالبات
    ملاحظة ( شفت يارا اليوم)
    غيداء خلصت وراحت للأخصائية الاجتماعية إلى الساعة 2 م
    غيداء صلت وأخدت عبايتها ونزلت تحت
    في الدرعية
    في جامعة الملك سعود
    في كلية التربية
    في الدور lg
    قدام دايت سنتر
    الساعة 2 م
    غيداء قعدت على وحدة من الطاولات
    غيداء شغلت أغنية حزينة  
    غيداء فتحت دفتر مذكراتها وبدأت تكتب العنوان
    دفنتك بالقلب
    مع تاريخ اليوم واليوم
    دفنتك بالقلب مو بالقبر لما يكون الكل قاسي عليا حتى أقرب الناس لك أمي لأنها مو راضية تسامحني على الماضي عكسك بدأت معايا صفحة جديدة مبنية على حاضري وحشني صوتك وبحتو اسمي من لسانك حنانك حبك اهتمامك حتى نقاشاتنا الحادة ومضاربتنا واجعني قلبي وكاسرتني الدنيا بعدك أنت كنت لي الأب والأخ اللي تمنيتو طول عمري أنت الصديق اللي يفهمني والزوج اللي أحبو تعبت من قسوة الدنيا تعبت أصارع قسوة حياتي بدونك يا غالي ما أبي غير قلبك أدفنني جوتو للأبد ما راح ألاقي محل أحن عليا منو غصة عالقة في حلقي يا بعد طوايفي أنت حزني عليك ما لو نهاية يا كل ما فيا تكفى ارحم حالي أنا بدونك ميتة ليش ما أخدت روحي معاك ما تعرف أننا روح في جسدين ما تعرف غلاك عندي ما تعرف أنك توام روحي ونصي التاني وبدونك عايشة بدون روح بفراقك أنا طير مجروح بفراقك أموت في اليوم مليون مرة بفراقك هجر عيني النوم خالد أنت روحي ودمي خالد تعال وريحني زوايا غرفتي اشتاقت لك أنا اشتقت أسمع اسمي من لسانك تعال وقول للكل أنك تحبني تعال صبرني على قسوة زماني تعال أنا ضايعة بعدك تعال تعبت من النار اللي تكوي جوفي تعال حرقت عيوني الدموع الله يرحمك ويغفر لك يا غالي 
    وسكت الدفتر
    غيداء لبست جينز أسود وتي شيرت زيتي وفي لو ورود حمراء وبيضاء 
    وحطت روج أحمر وماسكرا سودا وبلشر أحمر
    ولبست طقم ذهب
    ملاحظة (هادي أول عزيمة أحضرها بعد موت خالد)
    غيداء لبست عبايتها وطرحتها
    وراحو للبيت بنات خالتهم ود ريا وروان وريانة وهمس مع غدير وبنت عمهم محمد وريف
    في المرسيدس الأبيض
    الساعة 9 م
    غيداء ما كانت تسمع أغاني لأنها نسيت السماعات
    وقاعدة تهرج مع غدير ووريف
    المسافة 40 دقيقة
    ملاحظة (.ضيعنا وما عرفنا من أي باب ندخل بعدين ريا قالت لنا )
    في بيت ود
    في الصالون
    الساعة 10 م
    الرباعي المرح كانو حاطين شبسبن ليزر كبار حار وملح وخل وقهوة عربية وأوريو وسنكرز وتوكس وكيندر بوينو ومويه
    ملاحظة ( حطيت من عطر جورج أرماني وهوا هدية  بابا في عيد ميلادي الأخير وريحتو مرة تجنن) 
    شغلو أغاني عربية وأجنبية
    تناقشو عن موضوع الزواج والحمل والحب والجمال وطب الأسنان والدكتورات والأطفال المعاقين
    والتواصل مع الناس وعن مواقف محرجة صارت لهم
    رقصو شوية
    ملاحظة ( لما تكلمو عن موضوع الزواج
    افتكرت خالد الله يرحمو وتخيلت نفسي مع خالد أصلا هوا ما غاب عن بالي عشان افتكرو أنا ) 
    طلبو بيتزا مارغريتا ومشوية وتشكن لجن كبيرة ودايت بيبسي ودايت وسفن ومويه وبطاطس من دومنينز
    وكملو هرج
    ملاحظة ( مرةةةةة استمتعت أمس حسيت كأني كنت بين صحباتي وأنا واقفت على الخرجة مع غدير بالعنية يعني متعمدة عشان كنت مكتئبة من موت خالد الله يرحمو وأبغى أغير جو لأني أحب جمعات البنات مرة بس كان ناقصنا بشرى وغالية ونكتمل الشلة )  
    وخرجو
    ملاحظة ( حسيت بأحساس حلو وأنا خارجة من بيت خالتي ود حسيت كأني خارجة من عند صحباتي من سنة حفرو البحر ما ضحكت من قلبي الفترة الأخيرة صارت حياتي كلها هم وكأبة من مات خالد الله يرحمو وسابني أتعذب )
    في بيت رواف
    في الدور الأول
    قدام الباب
    الساعة 2 ص
    غيداء قفلت الباب وطلعت للغرفتها
    في بيت رواف
    في غرفة غيداء وغالية
    الساعة 2 ص
    غالية كانت نايمة 
    غيداء فسخت الأكسسوارات وفضت شنطة اليد
    ولبست البجامة
    غيداء قعدت تتفرج على مسلسل خليجي وتقرأ في رواية تدري متى تصير من كثر الحزن تضحك للكاتبة اشتقت لك موت للفجر ونامت
    بعد 3 أيام
    الأحد
    1438/6/13 ه
    يوم سفر رواف
    في بيت رواف
    في غرفة غيداء وغالية
    الساعة 6 ص
    غيداء انفجعت من نغمة الجوال لأنها عالية وهيا دوبها بدأت تغطس في النوم أمس ما قدرت تنام قضتها دموع وسهر على خالد ألو
    سمر بتعب ألو
    انتهى البارت
  2. غدو الطموحة
    20-10-2018, 10:13 PM

    رد: روايتي الأولى غدو المكافحة الجزء الأول

    روايتي الأولى غدو المكافحة الجزء الأول


    البارت المئة والخامس والتسعون
    في بيت رواف
    في غرفة غيداء وغالية
    الساعة 6 ص
    سمر بتعب ألو غيداء صحي غدير
    لأني مرة تعبانة
    غيداء طيب
    ورخت السماعة
    غيداء صحت غدير
    ورجعت نامت  
    في بيت رواف
    في غرفة غيداءزوغالية
    الساعة 2 م
    غيداء صحيت ونزلت تحت
    وراحت المطبخ
    في بيت رواف
    في المطبخ
    الساعة 2 م
    تغدو رجلة ورز وورق عنب وحليب
    وراحو للغرفهم
    في بيت رواف
    في غرفة غيداء وغالية
    الساعة 3 م
    غيداء قعدت تقرأ في رواية تدري متى تصير من كثر الحزن تضحك للكاتبة اشتقت لك موت إلى الساعة 4 م
    غيداء استحمت وحطت من عطر جورج أرماني هدية رواف في عيد ميلادها الأخير
    وراحت الصالة
    في بيت رواف
    في الصالة
    الساعة 4 م
    غيداء قعدت تدرس للمقرر مناهج البحث في علم النفس والتربية للميد إلى العشاء
    غيداء نزلت الحوش ساعة كاملة
    طلعت فوق
    وراحت الصالة
    في بيت رواف
    في الصالة
    الساعة 10 م
    غيداء قعدت تقرأ في رواية تدري متى تصير من كثر ااحزن تضحك للكاتبة اشتقت لك موت إلى الساعة 12 ص
    وراحت للغرفتها
    في بيت رواف
    في غرفة غيداء وغالية
    الساعة 12 ص
    غيداء فتحت دفتر مذكراتها وبدأت تكتب العنوان
    حبي لو
    مع تاريخ اليوم واليوم
    أنا مو زي أي بنت ولا أقدر أكون زي باقي البنات من ولادتي عندي ضعف نظر وراثي ما عندي أخوان وأنا أكبر أخواتي طول عمري كنت أتمنى يكون عندي أخو وصلت للمراهقة وصرت أتمنى أتزوج زي أي بنت صرت أتمنى أكون زي باقي البنات وألاقي الأنسان اللي يكون لي أخ وصديق ويفهمني استمريت أدخل في علاقات فاشلة حتى وصل عمري 23 سنة وعرفت خالد الأنسان اللي غير حياتي للأحسن الأنسان اللي دخل حياتي وأنا في أسوأ حالاتي بابا كان مسافر سفرة طويلة وأنا متعلقة بأبويه مرة ودا الشي أثر عليا سلبا خالد دخل حياتي دي الفترة فتعلقت بو كان لي أخ وصديق وحبيب أول مرة أحس بالحب الحقيقي كانت أول مرة حسيت بقيمتي وأهميتي وأني أنثى معاه هوا حبي الأول والأخير وحشني اهتمامو حبو حنانو طيبتو هرجو معايا حبي لو ما توصفو معلقات مو بس قلوبنا وأجسادنا والشاشات جمعتنا أرواحنا تلاقت هوا نصي التاني أحنا انصهرنا في بعض هوا أنا وأنا هوا حبو مطير النوم من عيوني حبو يسهرني للفجر أو أنام بكوابيس ما تخلص قلبي يدق بقوة لما تجي سيرتو أو لما أسمع صوتو مجنونة فيه دموعي ما جفت عليه أحب ثقافتو تفكيرو طيبتو حنانو أحبو قد العالم كلو هوا عيوني اللي أشوف بيها هوا قلبي هوا دمي اللي يمشي في عروقي هوا أكسجيني حبو محتل أوردتي وشرايني وذاكرتي وقلبي وعقلي هوا سر سعادتي كنت أحس أني في جنة معاه كنت أحس أني في سابع سماء وصرت في سابع أرض أعشق اسمي من لسانو أنا زي الغريق اللي أنقذو هوا أنا زي الضايع في صحراء ولقاه هوا ووداه للغابة أنا زي الميتة عطش وأخدني هوا للبحيرة أنا زي الميتة بعد ما شفتو صرت حية أنا حياتي كلها ظلام بعدو صارت نور حسيت معاه أني أميرة لما يدلعني هوا بالنسبة ليا كل شي راضية بو حتى بطبعو القاسي دبحتني الذكريات اللي تجمعنا واللي معشعشة في كل زواية من زوايا البيت غرفتي الصالة كل مكان كان قوي يا ريتو علمني كيف أكون زيو وربي وحشنننني وهلكنيييي غيابو مخنوقة بدونو أحتاجو أحس معاه أنو العالم كلو وأنسى العالم أحس بغيابو أني وحيدة وخسرت الكل أحتاجو وربي وحشنيييي يا ريتو يرجع لي
    وسكت الدفتر
    غيداء قعدت تقرأ في روابة تدري متى تصبر من كثر الحرن تضخك للكاتبة اشتقت لك موت إلى الساعة د4 ص
    غيداء صورت رواية أمريكيا للكاتب ربيع حافظ
    غيداء حطت صورة الرواية في حسابها في انستقرام
    ونامت
    الأثنين
    1438/6/14 ه
    في بيت رواف
    في غرفة غيداء وغالية
    الساعة 8 ص
    غيداء قعدت تدرس إلى الساعة 9 ص
    وراحت المطبخ
    في بيت رواف
    في المطبخ
    الساعة 9 ص
    غيداء فطرت عيش وحليب ومويه
    وراحت للغرفتها
    في بيت رواف
    في غرفة غيداء وغالية
    الساعة 10 ص
    غيداء استحمت وراحت الجامعة
    في الدرعية
    في جامعة الملك سعود
    في كلية التربية
    في الدور g
    في السيب
    الساعة 1 م
    غيداء خرجت من القاعة متوترة وراحت للنجد تناقشو على تنسيق العرض
    ورجعت البيت
    وراحت للغرفتها
    في بيت رواف
    في غرفة غيداء وغالية
    الساعة 3 م
    غيداء قعدت تشتغل على التقرير حقهم إلى المغرب
    وراحت المطبخ
    في بيت رواف
    في المطبخ
    الساعة 6 م
    غيداء تغدت أندومي وحليب بارد
    وراحت الصالة
    في بيت رواف
    في الصالة
    الساعة 7 م
    غيداء قعدت تدرس إلى 11 م 
    ونامت
    الثلاثاء
    1438/6/15 ه
    يوم عرض تقرير للمقرر استراتيجيات الرياضيات الطرح
    في بيت رواف
    في الصالة
    الساعة 6 ص
    غيداء طبعت التقرير وأوراق العمل والمطوية
    والاختبار المسحي
    غيداء قعدت تتدرب على العرض إلى الساعة 8 ص
    غيداء استحمت 
    وراحت الجامعة
    في الدرعبة
    في جامعة الملك سعود
    في كلية التربية
    في الدور lg
    قدام سب وي
    الساعة 12 م
    غيداء كانت تفكر مرة محبطة بعد تعليقات الأستاذة على عرضنا ومتنرفزة من نجد اللي كل شوية تعدل وعلى أخر لحظة أرسلت التعديل الأخير بعد ما طبعت التقرير واليوم تقول لي وزاد توترها مرة من درجة التقرير
    غيداء طلبت ساندوش تونة كبير مع زيتون وجبنة ومويه ودايت بيسي
    وراحت البوابة
    في الدرعية
    في جامعة الملك سعود
    في بوابة 1 
    الساعة 2 م
    غيداء فتحت دفتر مذكراتها وبدأت تكتب العنوان
    أخويه وحبيبي
    مع تاريخ اليوم واليوم
    أخويه الكلمة اللي انحرمت من نطقها 
    طول عمري صح دايما أقولها للأخويه بالرضاعة محمد بس أحس مو كفاية وما يعوضني الأخو ما يتعوض يا خلودي الغالي أتمنى أكون زوجة وأم زي باقي البنات وأقدر أقول للزوجي حبيبي وملك قلبي وأشيلو على كفوف الراحة حتى دخل حياتي أعصار قلب حياتي فوق تحت أعصار سبب لي السعادة هادا الأعصار كان حلم تمنيتو طول عمري هادا الأعصار لقيت فيه الأخو والصديق اللي تمنيتو طول عمري 3 سنين مرت في غمضة عين وزي البرق معاك يا أخويه وصديقي وحبيبي يا بعد هالدنيا أنت بعدك أحس أني ضايعة وأني وحيدة بين الناس في غيابك أحس أني فقدت روحي وقطعة مني أنا ما أستحي من حبي لك يا ملك قلبي وروحي لأنو حبنا طاهر ونقي دنياي كئيبة بعدك ما أحد كان يحبني ويفهمني قدك يا الغالي معاك أحس أني مع نفسي أه لو تعرف خلودي بس شكثر مشتاقة لك وواحشني يا خلودي الغالي وقد أيش الألم عاصر قلبي ومتعبني وفي حلقي غصة يا غالي الناس الله يرحمك ويغفر لك ويسكنك فردوسه ويريحك زي ما ريحتني يا أغلى ناسي يا خلودي
    وسكت الدفتر
    غيداء لبست عبايتها وطرحتها 
    ورجعت البيت
    وراحت للغرفتها
    في بيت رواف
    في غرفة غيداء وغالية
    الساعة 3 م
    غيداء قاعدة تبربر يعني تتحلطم على رأس غالية على موضوع العرض وغالية متفاعلة مرة ومتحمسة ومندمجة 
    ملاحظة ( غالية أقرب أخواتي ليا مو بس لأنها معايا في نفس الغرفة لأنها تفهمني وتفكيرها أكبر من عمرها ولما أهرج معاها أحس أني اهرج مع نفسي)
    غيداء تجهزت وراحت للمعرض الرياض الدولي للكتاب مع سمر وغدي
    ملاحظة ( قلبي يرقص من السعادة في المعرض الكتب جزء مني قطعة من روحي قطعة مني
    لو أعيش طول عمري في معرض الكتاب ما عندي مشكلة قمة سعادتي بين الكتب وعقول كتابها باختصار هيا عشقي وأنا نقار كتب زي ما تسميني غدي أستاذ سلطان الموسى وقع لي على روايتو الأولى المرأة الكاملة وكتب لي في أول صفحة غيداء حجازي أتمنى لك رحلة ممتعة بين ثنايا الكتاب سلطان الموسى وتوقيعو والتاربخ بالميلادي وأنا كتبت تاريخ اليوم بالهجري )
    في بيت رواف
    في المطبخ
    الساعة 6 م
    غيداء ماما شكرا
    سمر عفوا
    غيداء تعشت ساندوش تركي
    كبير وجبنة زيتون ومويه وحليب بارد
    وراحت للغرفتها
    في بيت رواف
    في غرفة غيداء وغالية
    الساعة 7 م
    غيداء تمشكلت مع نجد واتس أب وحطت طاقتها السلبية فيها
    غيداء فعدت تراسل دلال واتس أب إلى الساعة 12 ص
    ملاحظة ( جد وحشتني دلول خصوصا بعد المشكلة اللي صارت بيننا قبل 10 أيام توقعت صمتها هوا الهدوء الذي يسبق العاصفة وأنها تبغى تنهي العلاقة اللي بيننا للأبد بس الحمد لله توقعاتي كانت غلط ومرة مبسوطة برجعتها والله )
    وراحت للغرفتها
    في بيت رواف
    في غرفة غيداء وغالية
    الساعة 12 ص
    غيداء قعدت تتفرج على مسلسل خليجي وتأكل فشار البطل مع دايت بيبسي إلى الساعة 2 ص
    ونامت
    الأربعاء
    1438/6/16 ه
    يوم رجعة رواف
    في بيت رواف
    في غرفة غيداء وغالية
    الساعة 7 ص
    غيداء استحمت 
    وراحت الصالة
    في بيت رواف
    في الصالة
    الساعة 8 ص
    سمر كانت خارجة
    في الدرعية
    في جامعة الملك سعود
    في كلية التربية
    في الدور الثاني
    في مكتب سكارتاريارالتربية الخاصة
    الساعة 11 ص
    غيداء ختمت الخطاب ونزلت مع مرافقتها نانسي
    قي الدرعية
    في جامعة الملك سعود
    في كلية التربية
    قي الدور g
    في المركز
    الساعة 11 ص
    غيداء أدت نانسي راتبها الأول
    ملاحظة (الراتب  3000ريال )
    في الدرعية
    في جامعة الملك سعود
    في كلية التربية
    في الدور lg
    قدام رترو
    الساعة 11 ص
    غيداء طلبت قشقاون مع دايت بيبسي ومويه
    غيداء فطرت
    ورجعت البيت
    وراحت للغرفتها
    في بيت رواف
    في غرفة غيداء وغالية
    الساعة 3 م
    غيداء حاسة بتعب مو طبيعي بعد ما جاتها أمس أزمة ربو من الخوف والتوتر والغبار طبعا ما أحد يعرف بس هيا تحس أنها نامت كويس أمس عشان كدا مستغربة أنها تعبانة ومرهقة
    نامت
    ملاحظة ( أنا أقدر أتحمل الألم ووالفة تجيني أزمة ربو وما أقول لأحد وبعد الأزمة ينهد حيلي)
    سمر غيداء كلمتي السواق على بكرا
    غيداء أيوا
    وراحت الصالة
    في بيت رواف
    في الصالة
    الساعة 11 م
    غيداء بحماس سلمت على رواف
    رواف بعصبية ما نمتي إلين دحين
    انتهى البارت
  3. غدو الطموحة
    20-10-2018, 10:28 PM

    رد: روايتي الأولى غدو المكافحة الجزء الأول

    روايتي الأولى غدو المكافحة الجزء الأول


    البارت المئة والسادس والتسعون
    في بيت رواف
    في الصالة
    الساعة 11 م
    غيداء دوبي صاحية يا بابا
    رواف ما عندك دوام
    غيداء لا
    رواف بعصبية روحي الناس ما تنام في النهار الناس تنام في الليل ما يصير كدا
    غيداء انقهرت وعصبت مرررررة
    وراحت للغرفتها
    في بيت رواف
    في غرفة غيداء وغالية
    الساعة 11 م
    غيداء بعصبية وقهر وبصوت عالي بابا صار زي ماما مو مشكلتي أنو معصب من الشغل يجي يحط حرتو فيا
    هادا وأنا متحمسة أشوفو وأستنى رجعتو طول الأسبوع مسافر ونهاية الأسبوع جاي يحاسبني باين مهتم مرة طول الأسبوع ما كلمنا ألا مرة وبعدين ما صار شي لو خبص نومي يوم كان في طريقة أحسن يوصل بيها المعلومة ليا لو خالد محلو ما عاملني بدي الطريقة أبدا
    غيداء انهارت تبكي بقهر وألم وشهقات تعبت من الصبر على غياب خالد انهد حيلها من الشوق شهر ونص صار لو ميت تحس أنها بدون روح تمنت لو دفنوها معاه وارتاحت حاسة أنو مكتوب عليها تخسر أحبابها واحد ورى التاني تعبت من قسوة الدنيا عليها
    واستمرت تبكي ساعتين كاملة
    ونامت
    الخميس
    1438/6/17 ه
    في بيت رواف
    في غرفة غيداء وغالية
    الساعة 5 ص
    غيداء استحمت
    غيداء أخدت شنطة مايكل كورس الزرفة
    وحطت فيها ملف زهري في لو أوراق دراسة الحالة ومكبرها وقلم والشاحن المحمول والسلك والجوال
    ملاحظة ( هادي الشنطة والأغراض راح أصير أخدها للنهاية الترم وأحط نفس الأشياء )
    وراحت الصالة
    في بيت رواف
    في الصالة
    الساعة 5 ص
    غيداء قاعدة تدرس للمقرر استراتيجيات القراءة والرباضيات
    غيداء ماما كلمي السواق بليز
    سمر بعصبية خلاص يا غيداء هادي تاتي مرة تقولي لي وبعدين ما لو داعي كل دا التوتر أبدا يا غيداء
    سمر كلمت السواق
    غيداء عصبت وأخدت شنطتها
    ونزلت
    وراحت الجامعة
    مرو على مرافقتها نانسي وراحو المدرسة
    ملاحظة ( ضيعنا لأنو ألاء أرسلت لنا الموقع غلط بعدين ماما طلعتو من النت الصباح وقالت لي أكلمها لما أوصل المدرسة عشان تتطمن كاعتذار غير مباشر قعدنا نلقلف ساعتين للدرجة أني فقدت الأمل وكنت ناوية أرجع الجامعة بعدين لقينا المدرسة وكلمتها لما وصلت المدرسة )
    في السعودية
    في الرياض
    في حي السفارات
    في مدرسة طويق الأولى الابتدائية
    في غرفة المصادر
    الساعة 9 ص
    غيداء عملت اختبار القراءة والأملاء المسحي للصفين الرابع والخامس
    ملاحظة ( غرفة المصادر تفتح النفس لونها أزرق استغربت حماس البنات هم اللي جاين جري مو الأبلة ساحبتهم بالنسبة ليا الوضع غريب وصعوبتهم من بسيطة إلى متوسطة استمتعت مع بنات خامس كانو 5 بنات وحدة منهم فكرتني بغدي وهم يشتكو من معلماتهم افتكرت غدي وغالية يا حليلهم البنات يبغوني أجيهم كل يوم وعادي كانو يتكلمو معايا بكل أريحية مع أنها أول مرة يشوفوني فيها ووحدة من البنات ما تعرف عربي نهائي ووحدة منهم درست في بريطانيا وجات هنا وحدة من البنات فكرتني بغالية بس تسأل ) 
    غيداء ونانسي خلصو الاختبارين
    غيداء (ملاحظة وأنا طالعة شبطو فيا البنات يعني نشبو فيني ومو راضين يسبوني أروح بس وعدتهم أجيهم الأحد والخميس وفعلا خبرة دراسة الحالة راح تكون ممتعة مع شلة الأنس حقتنا)
    ووصلت نانسي إلى للجامعة
    ورجعت البيت
    وراحت الصالة
    في بيت رواف
    في الصالة
    الساعة 12 م
    سمر بشري
    غيداء كويس
    سمر حكيني
    غيداء البنات مرة يجننو والله
    وراحت للغرفتها
    في بيت رواف
    في غرفة غيداء وغالية
    الساعة 12 م
    غيداء سحبتها نومة إلى الساعة 6 م لأنها مواصلة من أمس الساعة 10 م
    وراحت الصالة
    في بيت رواف
    في الصالة
    الساعة 6 م
    غيداء كانت لابسة السماعات 
    رواف بهدوء ما راح تسلمي أذا ما تبغي تسلمي عليا براحتك لا تسلمي
    غيداء فسخت السماعات وسلمت على رواف
    رواف بهدوء أنا لما أنصحك عشان مصلحتك يا غيود
    غيداء طيب
    رواف لا تتعشي للحالك العشاء دحين
    غيداء طيب أنا دحين نازلة الحوش شوية وراجعة 
    رواف طيب
    ملاحظة (مهما كنت زعلانة من بابا مستحيل أشوفو وما أسلم عليه )
    وراحت الحوش 
    غيداء قعدت ساعة
    في بيت رواف
    في الدور الأول
    في المطبخ
    الساعة 7 م
    تعشو لحم وخصار وحبش وشورية شعيرية ومويه 
    غيداء حكتهم أيش صار معاها اليوم
    طبعا لا تخلو الجلسة من مناقرات غدير وغالية اليومية
    خلصو عشاء
    وحلو ببسبوسة
    وطلعو فوق
    وراحت للغرفتها
    في بيت رواف
    في غرفة غيداء وغالية
    الساعة 8 م
    غيداء فتحت دفتر مذكراتها وقعدت تكتب العنوان
    يا مالكا قلبي
    مع تاربخ اليوم واليوم
    يا مالكا قلبي وروحي وعقلي وأجمل شي في حياتي يوم الاثنين عرفتك ويوم الاثنين اعترفت لي بحبك يا غالي الناس خالد وخرجت منها يوم اتنين برضو قبل أمس رحت معرض الكتاب تمنيت تكون معايا عشان ننقي الكتب سواء وندور في المعرض سواء لأنو كلننا نعشق الكتب يا خالد قد أيش تمنيت تكون موجود وأحكيك عن اللي صار لي اليوم في المدرسة وتسمعني وتخفف عني شوية من التوتر اللي كنت حاسة بو واللي ما قصرو ماما وبابا وزادوه عليا يا غالي الناس خالد عكس اللي كنت راح تعملو تماما لو كنت محلهم يا الغالي خالد بالعكس كنت راح تهديني وتسمعني ولما أرجع من المدرسة راح تسألني أيش صار لأنك مهتم مو بس تحصيل حاصل زي
    الكل طول عمرك غير عن الكل وما تشبه أي أحد يا مالكا قلبي ودمي حرقت خدي الدموع  يا شبخ قلبي مستحيل أقارنك مع غيرك لأنو المقارنة خسرانة يا الغالي خالد ما في مقارنة بين النجوم والقمر فراقك مميت يعذب يا الغالي خالد أنت عايش فيا خلودي اللي جرب المويه العذبة مستحيل يشرب مويه ملوثة خالد اللي جرب مطرك مستحيل يتحمل الجفاف اللي جرب حبك واهتمامك ما يقدر على الحرمان بعدك يا روح الروح خالد يا غالي الناس تخليني للمين أروح للمين بعدك كنت تقول ربي راح يعوضني خير مين يعوضني عنك قول لي يا خالد يا بعد طوايفي أنت خالد أحبك وراح أفضل أحبك للموت يا مالكا قلبي
    غيداء فتحت صفحة جديدة وكتبت العنوان 
    شمس وقمر
    مع تاريخ اليوم واليوم
    أنت وأنا زي شمس وقمر صح بعيدين عن بعض مكانا ومستحيل يجمعنا مكان بس المشاعر اللي بيننا أقوى من المسافات والبعد يا الغالي خالد الحب يتحدى كل الظروف انخسف القمر وغابت الشمس بعدك يا خالد يا ساكنني يا قمري وشمسي يا هواي أحبك للموت يا الغالي خالد الله يرحمك ويغفر لك يا الغالي خالد
    وسكت الدفتر
    ونامت
    بعد يومين
    السبت
    1438/6/19 ه
    في بيت رواف
    في غرفة غيداء وغالية
    الساعة 2 م.    
    غيداء استحمت ولبست جينز أزرق والبلوزة الحمراء اللي أشترتها من أمريكيا للبيت
    وتعطرت بعطر جورج أرماني هدية رواف في عيد ميلادها الأخير 
    وراحت المطبخ
    في بيت رواف
    في المطبخ
    الساعة 2 م
    غيداء شربت حليب بارد ومويه
    وراحت للغرفتها
    في بيت رواف
    في غرفة غيداء وغالية
    الساعة 2 م
    غيداء قاعدة تصحح أوراق البنات إلى الساعة 4 م
    غيداء لبست عبايتها وطرحته وأخدت شنطة مايكل كورس وخرجو من البيت
    وراحو للمطعم جولينز أيطالي
    ورجعو البيت
    وراحت للغرفتها
    في بيت رواف
    في غرفة غيداء وغالية
    الساعة 6 م
    غيداء حجزت موعد ليزر في كادينا جل
    غيداء قعدت تشتغل على التقرير حق مقرر استراتيجيات إلى أدان العشاء
    صلت العشاء
    وراحت للكادينا جل مع غدير وشالو شعر وجوههم بالليزر
    ورجعو البيت
    وراحو للغرفتها
    في بيت رواف
    في غرفة غيداء وغالية
    الساعة 9 م
    غيداء رتبت الملف ودخلت أوراق الاختبار المسحي حق الرياضيات وطبعت الأذن
    غيداء كملت شغل على التقرير إلى الساعة 10 م
    وراحت الصالة
    في بيت رواف
    في الصالة
    الساعة 10 م
    غيداء قعدت تقرأ في كتاب هادي الأرواح إلى بلاد الأفراح للكاتب ابن القيم إلى الفجر
    ونامت
    الأحد
    1438/6/20 ه
    يوم سفر رواف
    في بيت رواف
    في غرفة غيداء وغالية
    الساعة 5 ص
    غيداء تجهزت وأخدت شنطة مايكل كورس الزرقة
    وراحت طيران لللجامعة
    غيداء أخدت نانسي من الجامعة
    وراحو المدرسة
    في السعودية
    في الرياض
    في حي السفارات
    في مدرسة طويق الابتدائية
    في فصل رابع
    الساعة 7 ص
    غيداء أدت الأدن ولي الأمر حق دخول برنامج الصعوبات للروز
    وراحت للفصل خامس وعملت نفس الشي مع دانبة
    ورجعت البيت
    وراحت للغرفتها
    في بيت رواف
    في غرفة غيداء وغالية
    الساعة 10 ص
    غيداء قعدت تتفرج على مسلسل خليجي إلى الساعة 1 م ونامت إلى الساعة 4 م
    غيداء استحمت
    وراحت المطبخ
    في بيت رواف
    في المطبخ
    الساعة 5 م
    غيداء تعشت حليب بارد وعيش بر
    وراحت الصالة
    في بيت رواف
    في الصالة
    الساعة 6 م
    غيداء فعدت تقرأ في كتاب هادي الأرواح إلى بلاد الأفراح للابن الفيم إلى الساعة 10 م
    ونامت
    الأثنين
    1438/6/21 ه 
    في بيت رواف 
    في الصالة
    الساعة 6 ص
    غيداء قعدت تدرس للمقرر مناهج البحث في علم النفس إلى الساعة 8 ص
    وراحت المطبخ
    في بيت رواف
    في المطبخ
    الساعة 8 ص
    غيداء فطرت عيش ير وشاي أخضر حطت معلقة سكر مع قارورة مويه
    غيداء كانت تأكل وتتفرج على مسلسل ما نتفق إلى الساعة 9 م
    وراحت للغرفتها
    في بيت رواف
    في غرفة غيداء وغالية
    الساغة 9 ص
    غيداء استحمت وراحت الصالة
    في بيت رواف
    في الصالة
    الساعة 9 ص
    غيداء صورت كتاب هادي الأرواح إلى بلاد الأفراح لابن القيم وحطت صورتو في حسابها في انستقرام 
    غيداء قعدت تقرأ في كتاب مفاهيم خاطئة عن الطب النفسي للكاتب د طارق الحبيب إلى الساعة 10 ص
    وراحت الجامعة
    في الدرعية
    في جامعة الملك سعود
    في سب وي
    الساعة 10 ص
    غيداء سرحانة وتفتكر النقاش اللي صار بينها وبين سمر الصباح
    قبل 4 ساعات
    في بيت رواف
    في الصالة
    الساعة 6 ص
    سمر طلت يعني شيكت من شباك الصالة زي كل يوم غيداء عندك محاضرة أو شي مهم اليوم
    غيداء أيوا عندي محاضرة يا ماما
    سمر مهمة
    غيداء أيوا ليش
    انتهى البارت
  4. غدو الطموحة
    20-10-2018, 10:35 PM

    رد: روايتي الأولى غدو المكافحة الجزء الأول

    روايتي الأولى غدو المكافحة الجزء الأول


    البارت المئة والسابع والتسعون
    قبل 4 ساعات
    في بيت رواف
    في الصالة
    الساعة 6 ص
    سمر أنا اشوف لا تحضري غيبي اليوم لأتو الجو غبار يا غيداء
    غيداء ما أقدر المقرر مرة صعب
    سمر ايش هوا
    غيداء مناهج البحث وفي أشياء وأنا أحضر ما فهمتها
    سمر أنا أشرح لك يس لا تروحي
    غيداء بعناد وبحرص ماما أبغى أحضر اليوم
    سمر طيب أنا قلت للسواق يجيب لك كمامة من الصيدلية
    وأذا ما لقى لا تداومي اليوم
    غيداء طيب وفي نفسها الله با الدنيا ماما تقول لي غيبي وأول كنت أترجاها عشان أغيب كانت ترفض لما كنت أتمنى الغياب كانت ترفض ولما صارت ما أبغى صارت توافق ولا كمان راح تشرح لي الفصل كامل شي غريب سبحان مغير الأحوال
    ورجعت للواقع
    غيداء طلبت ساندوش تونة كامل مع جبنة وزيتون 
    وبطاطس وبسكوت بالشكولاطة ومويه
    ولبست الكمامة
    وراحت البقالة
    في الدرعية
    في جامعة الملك سعود
    في كلية التربية
    في الدور lg 
    الساعة 11 ص
    غيداء راحت للأخصائية
    صلت الظهر
    وراحت المحاضرة مع نانسي 
    وبعد المحاضرة
    راحت للمكتب الدكتورة عشان تعرف درجتها في الميد وزعلت مرررررة لأنها كانت 18 من 25 بس قررت تعوض في الاختبار التاني بأدن الله
    في الدرعية
    في جامعة الملك سعود
    في بوابة 1
    في المصلى
    الساعة 2 م
    غيداء جنو مرة انبسطت بشوفتك اليوم خفت ما تجي عشان الغبار
    جنى لا أكيد بأجي اليوم تسلمين
    واستمرو يهرجو إلى الساعة 3 م
    بعدين رجعو البيت
    وراحت المطبخ
    في بيت رواف
    في المطبخ
    الساعة 4 م
    غيداء تغدت وقعدت تتفرج على مسلسل ما نتفق إلى الساعة
    5 مساء
    وراحت الصالة
    في بيت رواف
    في الصالة
    الساعة 5 م
    غيداء فتحت دفتر مذكراتها وكتبت العنوان
    استغلال 
    مع تاريخ اليوم واليوم
    ما أفهم ليش أستاذة ولاء مصرة أنو خالد الله يرحمو كان يستغلني بس لأنو خالد دخلني حياتو وهوا على وشك الموت طيب هوا ما يعرف متى راح يموت ومين يعرف يمكن يتعافى من المرض وينكتب لو عمر جديد الأعمار بيد الله وما أحد يعرف الغيب ومو معناتو أنو طلق وفشل مرة مو من حقو يتزوج مرة تانية بعدين هوا مضحي ربى ولدو عمار وما تزوج مرة تانية مع أنو كان يقدر يعملها زي أي رجال في وضعو وزي أم عمار تزوجت وعاشت حياتها وعمار يقدر يسيبو عند جدتو أو يسيب زوجتو تربيه وما أحد يقدر يقول لو شي أو يلومو بس هوا رفض يتزوج حتى يزوجني أنا وعمار ولو كان يمثل زي ما تقول هوا ما راح يستفيد من دا التمثيل شي أنا ما أحب اهتمام خالد أنا أحب خالد مستحيل ادعي عليه راح أفضل طول عمري ادعي لو من كل قلبي بعد ما قريت كتاب الروح للابن القيم صح أتعذب وأموت في غيابك مليون مرة يا غالي الناس بس أنا ما أبغاك ترجع للدنيا وتتعذب لأنو تهمني راحتك حتى لو بعيد عني والله يرحمك ويغفر لك يا غالي الناس
    وسكت الدفتر
    غيداء أرسلت الملخص حق الدراسة للأستاذة للمقرر مناهج بحث
    وراحت الصالة
    في بيت رواف
    في الصالة
    الساعة 6 م
    سمر طبعت للغيداء نماذج المعلومات الأولية والأسرية والصحية والمقابلات للدراسة حالة
    سمر أرسلت السواق يطبع كتاب الطبخ للغالية
    غيداء قعدت تقرأ في كتاب مفاهيم خاطئة في الطب النفسي للكاتب طارق الحبيب إلى الساعة 7 م
    وخلصتو وحطت صورتو في حسابها في انستقرامها
    وراحت المطبخ
    في بيت رواف
    في المطبخ
    الساعة 8 م
    غيداء تعشت عيش بر ومويه إلى الساعة 9 م
    وراحت الصالة
    في بيت رواف
    في الصالة
    الساعة 9 م
    أشواق أرسلت للغيداء واتس أب توي واصلة السعودية والحين موجودة في المطار
    انتهى البارت
  5. غدو الطموحة
    20-10-2018, 10:55 PM

    رد: روايتي الأولى غدو المكافحة الجزء الأول

    روايتي الأولى غدو المكافحة الجزء الأول


    البارت المئة والثامن والتسعون
    في بيت رواف
    في الصالة
    الساعة 9 م
    غيداء بسعادة نورت السعودية كلها راح تنحرق من نورك والحمد لله على السلامة وأخيرا ما بغيتي تجي دبحتيني شوق لكي والله
    أشواق الله يسلمك يا زينك بس
    غيداء قعدت تتفرج على مسلسل خليجي إلى الساعة
    2 ص
    ونامت
    الثلاثاء
    1438/6/22 ه
    في بيت رواف
    في غرفة غيداء وغالية
    الساعة 7 ص
    سمر غيداء قومي
    غيداء فتحت جوالها شافت الساعة طيران راحت تجهزت للمدرسة
    غيداء أخدت شنطة مايكل كورس الزرقة
    وراحت المدرسة
    في حي السفارات
    في مدرسة طويق الابتدائية
    الساعة 7 ص
    غيداء وقعت حضورها
    غيداء أدت نموذج المعلومات الصحية الأولية والأسرية والمقابلة ولي الأمر للدنيا عشان أمها تعبيها
    غيداء أدت أستاذة الرياضيات اختيار  المسحي حق الرياضيات
    ملاحظة ( ليش أستاذات الرياضيات نفسيات مرة ما أعرف والله )
    غيداء وقعت انصراف
    غيداء وصلت نانسي إلى الجامعة 
    ورجعت البيت
    وراحت للغرفتها
    في بيت رواف
    في غرفة غيداء وغالية
    الساعة 9 ص
    غيداء أخدت شنطة مايكل كورس الحمراء الكبيرة
    ملاحظة ( كان سوء تخطيط مني )
    وراحت الجامعة
    في الدرعية
    في جامعة الملك سعود
    في كلية التربية
    في الدور lg
    في الزواية ورى كاربيو
    الساعة 10 ص
    غيداء انهارت تبكي مضغوطة من سمر اللي طول الوقت تدق على السواق  وترتها ولا من خالد اللي واحشها مووت
    شافوها همس وفوز وراحو للعندها يهدوها وقعدو بهرجو ساعتين 
    وراحو للمحاضرتهم
    غيداء راحت سب وي اشترت ساندوش تونة كامل مع جبنة وزيتون وحبش بدون صلصة ويطاطس
    مع دايت بيبسي ورجعت البيت
    وراحت للغرفتها
    في بيت رواف
    في غرفة غيداءزوغالية
    الساعة 3 م
    غيداء فتحت دفتر مذكراتها وبدأت تكتب العنوان
    ممنوع تفل
    مع تاريخ اليوم واليوم
    ممنوع تفل كدا كنت أقول لما كنت عايش يا غالي أحبك أكتر من أي شخص كلمتو من قبل أنت غير عن الكل أنت ما تلعب بمشاعري أنت ما كنت تستغلني ماديا ولا معنويا ولا جسديا زي أعز صحباتي أنت ما كنت تعتبرني تسلية ونزوة زي طلال وغراس ولا كنت تعتبرني سلعة زي مشاري وطارق يا غالي أنت ما كنت تعتبرني صراف زي غيرك أنت ما تعتبرني وسيلة عشان توصل للأهدافك زي غراس كنت تهتم وتسأل عني يا غالي مو بس تحصيل حاصل يا غالي كنت طول اليوم معايا قلبا وقالبا مو زي غراس معايا جسم بس عقلو مع غيري خلود ساحرني اعترف من الكل سارقني بعد كل هادا ما تبغاني أتعلق بيك ما تبغاني أحبك وأعشقك وأموت في التراب اللي تمشي عليه يا أخي أنا أتنفسك أنت أكسجيني أنت حلم وتحقق لي سبت لي أجمل ذكريات وسبت لي سعادة غيرت حياتي للأحسن أنت متملك كل ذرة فيا أتعذب في موتك مليون مرة بس يهون عليا أنك عند ارحم الراحمين الله يرحمك ويغفر لك يا الغالي
    وسكت الدفتر
    وراحت المطبخ
    في بيت رواف
    في المطبخ
    الساعة 4 م
    غيداء تغدت يطاطس وسبانخ
    راحت للغرفتها
    في بيت رواف
    في غرفة غيداء وغالية
    الساعة 6 م
    غيداء نامت من التعب إلى الساعة 4 صباحا
    الأربعاء
    1438/6/23 ه
    يوم سفر سمر
    يوم خطبة عبد الله للبنت عمته تالا
    في بيت رواف
    في غرفة غيداءزوغالية
    الساعة 5 ص
    غيداء استحمت وأخدت شنطتها
    مايكل كورس الزرقة
    وراحت الصالة
    في بيت رواف
    في الصالة
    الساعة 6 ص
    غيداء صباح الخير
    سمر صباح النور
    متى تخلص محاضراتك اليوم
    غيداء 12 بس راح أروح من المدرسة على الجامعة
    سمر طيب لا تنسي تقفلي الباب اليوم وتأكدي أنو غدير رجعت من النادي
    أعرفك حريصة وبكرا تأكدي أنو غدي وغدير في البيت أنا راح أرجع يكرا في الليل
    غيداء طيب متى رحلتك يا ماما
    سمر الساعة 9
    غيداء توصلي بالسلامة يا ماما
    سمر الله يسلمك
    غيداء قعدت تقرأ في كتاب كيف يراك الناس للكاتب يوسف أبو الحجاج تلت ساعة
    وراحت المدرسة
    في الدرعية
    في جامعة الملك سعود
    في سب وي
    الساعة 8 ص
    غيداء جابت لها ساندوش تونة كبير
    مع بطاطس و2 دايت بيبسي وبسكوت بالشكولاطة  
    غيداء فطرت مع حنان وحنين
    وراحت للمحاضرتها
    في الدرعية
    في جامعة الملك سعود
    في كلية التربية
    في الدور g
    في فاعة 70
    الساعة 9 ص
    سمر دقت على غيداء
    غيداء مرة توترت دوبها داخلة المحاضرة وسمر عندها الجدول وتعرف متى المحاضرة وخافت يكون صار شي
    غيداء فضلت طول المحاضرة تفكر
    في بيت عبد الله
    في غرفة عبد العزيز
    الساعة 10 ص
    عبد الله طق الباب
    عبد العزيز تفضل
    عبد الله دخل وقعد يمه على السرير
    عزيز عندك مشكلة لو تزوجت عقب أمك
    عبد العزيز ابتسم لا يا يبه أنت ما كنت مرتاح ويا أمي وهذا من حقك يا يبه أنت صبرت واجد عشاني وعشان فهد من حقك يا يبه تعيش حياتك أنت ما قصرت ويانا يا يبه ربيتنا وكبرتنا حتى صرنا رجال من حقك تلافي اللي تونس وحدتك وتسعدك وتداريك وبكذا ما أحاتيك يوم أسافر أكمل الماجستير والدكتوراة متى تبي نروح نخطب ومن سعيدة الحظ
    عبد الله بنت عمتي تالا الحين
    عبد العزيز الله يوفقك يا يبه قدام
    راحو وخطبو تالا
    في الدرعية
    في جامعة الملك سعود
    في كلية التربية
    في الدور lg
    قدام رترو
    الساعة 11 ص
    غيداء طلبت بطاطس من رترو  
    غيداء أرسلت للسمر واتس أب ماما تبغي شي ضروري
    سمر لا يس كنت أبغى أشوف فينك أنا في الطايرة استودعتك الله
    غيداء في أمان الله ماما وبليز انبسطيييييييييي ???????????????? ولا تشيلي هم أخواتي أبدا يا ماما
    سمر الله يسلمك حبيبتي أنتي انتبهي لهم أنتي الكبيرة عاد
    غيداء من عيوني
    سمر تسلم عيونك
    ????????
    غيداء قعدت تلفلف
    والبقية راحو المحاضرتهم
    في الدرعية
    في جامعة الملك سعود
    في كلية التربية
    في الدور lg
    قدام دايت سنتر
    الساعة 12 م
    غيداء قعدت مع ورفيف جات لأنو عندها اجتماع ضروري هنا ومررررة مبسوطة بشوفتها قعدنا ساعة كاملة
    راحو للمحاضرتهم
    غيداء قعدت تلفلف
    ساعة كاملة 
    قدام كلية طب الأسنان
    الساعة 2 م
    غيداء قعدت قدام مطعم برجر
    ملاحظة ( ماما تسافر وأحنا نفلها أول مرة أرجع من الجامعة 5 م وجوالي ما انحرق اتصالات من ماما)
    في بيت رواف
    في المطبخ
    الساعة 5 م
    غيداء تغدت
    غيداء كلمت رواف وسمر
    وراحت الصالة
    في بيت رواف
    في الصالة
    الساعة 5 م
    غيداء قعدت تقرأ في كتاب كيف يراك الناس للكاتب يوسف أبو الحجاج إلى العشاء
    ملاحظة ( حسيت أني ماما وأنا قاعدة في الصالة )
    ونامت
    الخميس
    1438/6/24 ه
    يوم رجعة رواف وسمر من أبو ظبي
    في بيت رواف
    في غرفة غيداء وغالية
    الساعة 5 ص
    غيداء صحيت على صوت المنبه طفتو
    وراحت تستحم ولبست ملابسها وأخدت شنطة مايكل كورس الزرقة
    وراحت الصالة
    في بيت رواف
    في الصالة
    الساعة 6 ص
    غيداء قعدت تقرأ في كتاب أغرب الطرق للتعرف على الشخصية للكاتب يوسف أبو الحجاج
    ثلث ساعة
    وراحت المدرسة
    ملاحظة ( الكل نايم وتأخرو مرة على المدرسة )
    ورجعت البيت
    وراحت الصالة
    في بيت رواف
    في الصالة
    الساعة 9 ص
    غيداء قعدت تقرأ في كتاب أغرب الطرق للتعرف على الشخصية للكاتب
    يوسف أبو الحجاج إلى الظهر 
    غيداء نامت للعصر
    وراحت الصالة
    في بيت رواف
    في الصالة
    الساعة 4 م
    غيداء خلصت الكتاب وحطت صورتو في حسابها في انستقرام
    غيداء قعدت تتفرج على مسلسل ما نتفق وتقرأ في رواية وبعد للقيوم ميسو إلى الساعة 8 م
    غيداء أخدت شنطة مايكل كورس السوداء وحطت الشاحن المحمول والسلك والمحفظة والمكبر والجوال والسماعة 
    وخرجت مع غالية
    وراحو للمكتبة جرير
    غيداء اشترت كتاب أشهر 50 خرافة في الطب النفسي
    وكتاب دكان السعادة د خالد المنيف ورواية دراما العيون الزرقاء للدانيال ستيل
    وراحو للبانوراما مول
    غيداء تعشت مكرونة فوتتشيني بالدجاج ودايت بيبسي من مطعم بياتو
    وغالية برقر لحم وبطاطس ومويه  من مطعم ماكدونالز
    غيداء اشترت أيس كريم من محل دايري كوين فانيلا وريسس
    وغالية اشترت كرمل مكياتو بارد من مقهى بابا روتي
    جابو غدي من بيت صاحبتها ابتسام 
    ملاحظة ( مرة أقدر للغالية أنها خرجت معايا مع أنو ما لها نفس أبدا وخرجت لي بطاقة تخفيض حقة جرير ورجعت كتاب )
    ورجعو البيت
    وراحت للغرفتها
    ش بيت رواف
    في غرفة غيداءدوغالية
    الساعة 11 م
    غيداء فتحت دفتر مذكراتها وبدأت تكتب العنوان
    أغلى هدية
    مع تاريخ اليومزواليوم
    أغلى هدية كانت بالنسبة ليا في الدنيا كتاب بس ما استمر الوضع كدا 
    كل شي تغير بعد ما دخلت حياتي صارت أغلى هدية عندي الوقت اللي أقضيه معاك يا الغالي خالد يا ملاكي أنت خالد الأشياء المادية تتعوض بس الوقت مع الناس اللي أحبهم ما يتعوض أنت هديتي من رب العالمين وأغلى من كل الهدايا أحبك موت يا خلودي وحشتني مرة حياتي بدونك هلاك يا أعز الناس ويا هديتي أنت بعدك عالمي انهار يا الغالي بعدك بعد غابت الروح والنظر يا نظر عيني وحبي الأبدي يا هديتي أنت الله يرحمك يا أعز الناس يا خالد
    وسكت الدفتر
    وراحت الصالة
    في بيت رواف
    في الصالة
    الساعة 11 م
    غيداء سلمت على رواف وسمر 
    سمر أدتها عطر
    غيداء عانقتها بفرح شكرا يا ماما
    سمر عفوا
    غيداء قعدت تهرج يعني تسولف معاهم ساعة
    وراحت للغرفتها
    في ييت رواف
    في غرفة غيداءدوغالية
    الساعة 12 ص
    غيداء قعدت تتفرج على مسلسل خليجي للفجر
    ونامت
    بعد يومين
    السبت
    1438/6/26 ه
    يوم خروج أسعد من المستشفى
    يوم خطبة أسعد للغيداء
    في مستشفى الحرس الوطني
    في غرفة أسعد
    في جناح 29
    الساعة 8 ص
    أسعد قام من نومه
    وهز كتف عبد العزيز بخفيف وابتسم صباح الخير قول الصج وحلفتك بالله ما انكسر ظهرك من نومة الكرسي
    انتهى البارت
  6. غدو الطموحة
    20-10-2018, 11:09 PM

    رد: روايتي الأولى غدو المكافحة الجزء الأول

    روايتي الأولى غدو المكافحة الجزء الأول


    فالبارت المئة والتاسع والتسعون
    في مستشفى الحرس الوطني
    في غرفة أسعد
    في جناح 29
    الساعة 8 ص
    عبد العزيز ابتسم صباح الورد الحمد لله على السلامة ومبروك عليك استقرار حالتك وأخيرا شديت حيلك ورديت بكل قوتك يا ابن الحلال ما تدري شكثر مرضك خسبقني ولعوزني
    وايد تعبت ووايد جنت خايف عليك وأحاتيج الجم شهر اللي طافو تأنيب الضمير ذبحني وما هدني لأني علمتك بموافقتها على خالد الله يرحمه لأجل عينك تكرم مدينة يا أسعد وبعد صدقني مستحيل أنسى جميلك وياي يوم احترقت المدرسة وعرسي عقب 4 شهور وأنا وغدو بنكمل دراستنا في أمريكيا وعقبالك يا رفيج عمري وأخوي وتعبك راحة
    أسعد ابتسم الله يسلمك ومبروك عليك والله يوفقكم ويتمم لكم على خيرزالله يبارك فيك والله يسلمك تدري فخور فيك رغم الفقر اللي عشته فترة وطلاق أهلك ألا كنت عزيز نفس وعندك كرامة حتى يوم ما قدر أبوك على الأيجار اشتغلت وساعدته أنت الوحيد اللي حبني عشاني وبس مب مصلحة أو استغلني لأجل فلوس الله لا يحرمني منك ويلا نروح نخطب غدو أنا على نار من شوقي لها
    عبد العزيز ابتسم ولا منك قدام
    وراحو خطبو غيداء من رواف
    في بيت رواف
    في غرفة غيداء وغالية
    الساعة 12 م
    غيداء استحمت وراحت الصالة
    في بيت رواف
    في الصالة
    الساعة 12 م
    غيداء سلمت على رواف وسمر
    غيداء قعدت تقرأ في كتاب شوربة دجاج الروح للجاك كانفيلد إلى الساعة 2 م
    وراحت للغرفتها
    في بيت رواف
    في غرفة غيداء وغالية
    الساعة 2 م
    غيداء أخدت شنطة مايكل كورس السوداء وحطت الشاحن المحمول والسلك والجوال والمكبر ومعقم معطر ريحتو برتقال
    غيداء لبست عبايتها وطرحتها
    وراحو للمطعم بيت اللحم
    ورجعو البيت
    وراحت الصالة
    في بيت رواف
    في الصالة
    الساعة 4 م
    سمر الحلم الميسر فتحو نادي للكتب تبغي تسجلي ولا لا
    غيداء بحماس أكيد
    سمر أرسلت الرابط على قروبهم الصغير القراميط
    غيداء وغدير سجلو في النادي
    غيداء قعدت تقرأ في كتاب شوربة دجاج الروح للجاك كانفيلد إلى الساعة 10 م
    وراحت للغرفتها
    في بيت رواف
    في غرفة غيداء وغالية
    الساعة 10 م
    ونامت
    الأحد
    1438/6/27 ه
    يوم سفر رواف
    في بيت رواف
    في غرفة غيداء وغالية
    الساعة 9 ص
    غيداء صحيت مرررة تعبانة وما راحت المدرسة اليوم
    وراحت المطبخ
    في بيت رواف
    في المطبخ
    الساعة 9 ص
    غيداء فطرت مكرونة مع حليب وشاي
    أخضر ومويه
    وراحت للغرفتها
    في بيت رواف
    في غرفة غيداء وغالية
    الساعة 10 ص
    غيداء قعدت تتفرج على مسلسل ما نتفق وتقرأ في كتاب شوربة دجاج الروح أوقات صعبة وأشخاص أقوياء لللكاتب جاك كانفليد إلى الساعة 2 م
    وراحت للغرفتها
    في بيت رواف
    في غرفة غيداء وغالية
    الساعة 2 م
    غيداء استحمت
    وراحت الصالة
    في بيت رواف
    في الصالة
    الساعة 2 م
    مشرفة نادي الكتب أستاذة طيف أرسلت لهم واتس أب على المجموعة جاهزين 
    غيداء ردت على طول طبعا أكيد عني أنا أستنى على أحر من جمر
    أستاذة طيف غيداء ما شاء الله على الحماس الله يزيدك راح نناقش الكتاب بعد ما نخلص منه في مقهى سواء وتقدرون تحطون فوائد عقب ما تقرون ونصاب اليوم يبدأ من الساعة 5 م من ص 6 إلى ص 9
    غيداء كملت قراءة في كتاب شوربة دجاج للروح للكاتب
    جاك كانفليلد إلى الساعة 6 م
    غيداء أخدت قيلولة إلى المغرب
    في بيت رواف
    في غرفة غدير وغدي
    الساعة 6 م
    غدير طبعت تقرير الجمع والضرب والمرونة وأدراك المقروء حق مقرر استراتيجيات الرياضيات والقراءة
    غيداء قرأت 3 صفحات من كتاب دكان السعادة للد خالد المنيف
    ملاحظة ( أنا أعشق كتبو وأول كتاب قريتو لو كان موعد مع الحياة في صف ثالث متوسط وعندي كل كتبو بس هادا جديد )
    غيداء حطت نصابها حق الحلم واللي هوا عدد الصفحات اللي قرأتها اليوم
    غيداء أرسلت للمجموعة فائدة وكتبت اسمها من ص 6 أعجتني المقولة الأخيرة لأنها فعلا تصف الواقع السعادة شي داخلي مو خارجي ولا ما كان مشاهير العالم واللي عندهم كل شي انتحرو
    وبرضو في ص 7 عجبني لما كان يقول المفروض ما نربط سعادتنا بشي وهادي أحيانا تصير لنا مع الأشخاص
    أستاذة طيف يا زينك يا غيداء ويا حلو حماسك تصدقين كل ما علقتي على مقطع رحت أقرأه من جديد ????????????????????????????????????????????????????
    غيداء شكرا
    أ طيف عفوا
    غيداء تعشت عيش بر وحليب بارد
    وراحت الصالة
    في بيت رواف
    في الصالة
    الساعة 7 م
    غيداء قعدت تدرس إلى الساعة 11 م  
    غيداء كلمت أشواق إلى الساعة 12 ص
    غيداء قعدت تدرس إلى الساعة 2 ص
    غيداء قعدت تتفرج على مسلسل خليجي إلى الساعة
    3 ص
    ونامت
    الأثنين
    1438/6/28 ه
    في بيت رواف
    في غرفة غيداء وغالية
    الساعة 9 ص
    غيداء صحيت مفجوعة وعصبت ليش المنبه ما رن
    تجهزت بسرعة وطيران راحت على المدرسة
    ملاحظة ( لبست عباية جديدة لأنو عبايتي حرقتها الشغالة وهي تكويها عبايتي سوداء بدون ألوان أو تطريز لأنو العبايات اللي زي كدا أحسها فستانين والحجاب مو بس لبس عباية وخلاص الحجاب سلوك تتصف بو البنت وهو الحياء والخجل وغدير أحسها متحجبة بالمعنى الصح مع أنو في ألوان في عبايتها لأنها ما كلمت شباب زيي )
    في المرسيدس الأبيض
    الساعة 6.20 ص
    غيداء أرسلت واتس أب لليارا صباح الخير والنور عارفة افتقدت ديك الأيام من كتر ما كان يسمعني ويحس بيا الكلام يخلص كتير من الأوقات مع أني كاتبة محترفة تضيع حروفي معاه الله يعلم قد أيش في داخلي زحمة كلام
    يارا كلنا نمر بهاذي الفنرة يكون في داخلنا زحمة كلام ونفرغه بس صدقيني بتصير من الماضي 
    غيداء أه أن شاء الله ???????? أنا متعلقة بخالد الله يرحمو مو بس عشان السنين اللي قضيناها سواء لأني جربت شعور الخيانة المر ولأنو خالد الله يرحمو يحبني زي ما أنا وما سابني عشان موضوع عيوني مو زي خطيبي السابق ودا الشي مو في يدي وهوا فعلا كان يهتم بيا ويغار عليا خالد كان حريص استمر رغم كل شي رجال بمعنى الكلمة في زمن قلو فيه الرجال يا يارا
    يارا الله يرحمه ويغفر له ويسكنه الجنة ولا تنسينه من دعائك وأن شاء الله تهب عليه من نسمات الجنة
    غيداء تنهدت أمييين مستحيل أنساه دايما في بالي وفي قلبي وفي روحي وفي دمي وفي عيوني وفي عقلي عايش في كل ذرة فيا صح شابة جوتي نار في غيابو وصعب ألاقي زيو بس اللي مصبرني أني عارفة أنو ارتاح دحين
    يارا الله يصبرك
    غيداء أمين
    ووصلت المدرسة 
    في الدرعية
    في جامعة الملك سعود
    في كلية التربية
    في الدور g
    في المركز
    الساعة 12 م
    غيداء سلمت على البنات 
    ونزلت تحت 
    غيداء قعدت تدور إلى الساعة 1 م
    وراحت المحاضرة مع أيثار لأنو نانسي غايبة
    في الدرعية
    في جامعة الملكزسعود
    في كلية التربية
    في الدور lg
    ورى كاريبو
    في زوايتها المعتادة
    الساعة 2 م
    غيداء انهارت تبكي تعبت من تصرفات سمر تعبت من قسوتها تعبت من أنها في وحهة نظرها مجرمة وتستنى تلقى عليها تهمة تعبت من أنها صارت تحس بالرعب في البيت والسبب تصرفاتها ساعة ونص كاملة
    في الدرعية
    في جامعة الملك سعود
    في كلية التربية
    في الدور lg
    الساعة 2.30 م 
    غيداء شافت يارا عانقتها بقوة وبكيت
    وحشتيني يارونة
    يارا عانقتها أقوى وقاعدة تطبطب على ظهرها وأنتي أكثر يا غدو
    وجلسو على الأرض
    غيداء قعدت مع يارا إلى العصر
    صلو العصر
    ورجعو للبيوتهم
    وراحت الصالة
    في بيت رواف
    في الصالة
    الساعة 5 م
    غيداء قرأت نصابها من كتاب دكان السعادة للدكتور خالد المنيف 
    غيداء حطت النصاب وفوائد في ص 11 عجبتني مقولة تأكد أن الله لن يضع في طريقك عقبة لا تستطيع تجاوزها ولا تسقط في حفرة تستطيع الخروج منها فعلا أحيانا تمر علينا مشاكل نحس أنها فوق طاقتنا ونهاية العالم ونفقد الأمل وسبحان الله تنفرج من حيث لا نعلم
    وفي ص 12 عجبني لما قال أذا ما كسبت صديق في يومك فلا تكثر أعدائك وفي حديث الرسول صلى الله عليه وسلم قل خير أو أصمت حتى بالكلام فكيف بأكتر من كدا
    غيداء تعشت مكرونة باللبن وحليب بارد إلى الساعة 6 م
    غيداء قعدت تدرس من الساعة 6 إلى الساعة 8 م
    ونامت
    في بيت رواف
    في غرفة غيداء وغالية
    الساعة 3 ص
    غيداء صحيت
    وراحت الصالة
    في بيت رواف
    في الصالة
    الساعة 3 ص
    غيداء شغلت أنشودة دثريني للمحمد العمري غيداء فتحت دفتر مذكراتها وبدأت تكتب العنوان
    عيون اليتم
    مع تاريخ اليومزواليوم
    الناس فاهمة اليتم غلط اليتيم مو بس اللي مات أبوه أو أمو أو حتى الاتنين وهوا صغير اليتيم اللي انحرم منهم وهم عايشين اليتيم اللي أمو قاسية عليه وتعتبرو مجرم ومو راضية تسامحو على الماضي وقاعدين يستنو يلاقو تهمة عشان يقبضو عليه
    وراح يفضل في عيونهم مجرم للأبد زالأعدام ارحم لي من دي الحالة من العذاب والموت البطيء العدو ما يعمل اللي تعملو معايا عيون اليتم توصف حالة عيوني الله يرحمك يا الغالية ويجمعنا عن قريب
    وسكت الدفتر
    غيداء قعدت تراجع للمقرر استراتيجيات الرياضيات إلى الساعة 6 ص
    الثلاثاء
    1438/6/29 ه
    في بيت رواف
    في غرفة غيداء وغالية
    الساعة 6 ص
    غيداء تجهزت وراحت الصالة
    في بيت رواف
    في الصالة
    الساعة 6 ص
    غيداء قعدت تراجع نص ساعة 
    وراحت المدرسة
    في الدرعية
    في جامعة الملك سعود
    في كلية التربية
    في الدور g
    في المركز
    الساعة 11.30 ص
    غيداء تأخرت نص ساعة على الاختبار كانت مرة متوترة
    ملاحظة ( اختبرت بعبايتي لأني مرة تأخرت في الجية) 
    في الدرعبة
    في جامعة الملك سعود
    في كلية التربية
    في الدور g
    في المركز
    الساعة 11.20 ص
    غيداء خرجت من اختبار مقرر استراتيجيات الرياضيات مبهمة وخرجت من المركز
    وقعدت تدور 
    في الدرعية
    في جامعة الملك سعود
    قدام كلية الحاسب
    الساعة 11.30 م
    فجر قعدت تكلم غيداء 
    غيداء مو سامعتهادمن السماعات وكملت طريفها
    فجر رجعت تلحق غيداء ومسكت يدها ليش متضايقة
    انتهى البارت
  7. غدو الطموحة
    21-10-2018, 08:34 AM

    رد: روايتي الأولى غدو المكافحة الجزء الأول

    روايتي الأولى غدو المكافحة الجزء الأول


    البارت
  8. غدو الطموحة
    21-10-2018, 06:01 PM

    رد: روايتي الأولى غدو المكافحة الجزء الأول

    روايتي الأولى غدو المكافحة الجزء الأول


    البارت
  9. غدو الطموحة
    21-10-2018, 06:07 PM

    رد: روايتي الأولى غدو المكافحة الجزء الأول

    روايتي الأولى غدو المكافحة الجزء الأول


    البارت المئتين
    في الدرعية
    في جامعة الملك سعود
    قدام كلية الحاسب
    الساعة 11.30 م
    غيداء تنهد أشياء كتير
    قعدو يمشو ويهرجو نص ساعة
    تغدو سواء
    صلت الظهر
    ورجعت البيت
    وراحت للغرفتها
    في بيت رواف
    في غرفة غيداء وغالية
    الساعة 2 م
    غيداء نامت إلى الساعة 9.30 م
    في بيت رواف
    في الصالة
    الساعة 9.30 م
    غيداء اكتشفت أنو سلكها ما يشحن
    وجابت سلك جديد
    وشافت سمر صاحية استغربت
    غيداء في نفسها أيش عندها صاحية إلى دحين
    ورجعت نامت
    في بيت رواف
    في غرفة غيداء وغالية
    الساعة 1.30 ص 
    غيداء صحيت
    وراحت الصالة
    في بيت رواف
    في الصالة
    الساعة 1.30 ص
    غيداء انخرطت لما شافت رواف صاحي إلين دحين وفي الصالة 
    غيداء سلمت على رواف
    غيداء بفرح الحمد لله على السلامة يا بابا أيش دي المفاجأة الحلوة 
    رواف ابتسم الله يسلمك دوبك صاحية يا غيداء
    غيداء أيوا أكيد ماما كانت نايمة لما جيت يا بابا
    رواف لا كانت صاحية تصبحي على خير
    غيداء في نفسها عشان كدا كانت ماما صاحية إلى الساعة 10 وأنت من أهلو يا بابا
    رواف راح نام
    وغيداء راحت للغرفتها 
    في بيت رواف
    في غرفة غيداء وغالية
    الساعة 2 ص
    غيداء قعدت تتفرج على مسلسل خليجي إلى الفجر
    الأربعاء
    1438/7/1 ه
    يوم رجعة رواف
    في بيت رواف
    في غرفة غيداء وغالية
    الساعة 5 ص
    غيداء استحمت
    وراحت الصالة
    في بيت رواف
    في الصالة
    الساعة 6 ص
    غيداء أخدت المفتاح من سمر
    وراحت المدرسة
    بعدين راحت الجامعة مع نانسي
    في الدرعية
    في جامعة الملك سعود
    في كلية التربية
    في الدور g
    في قاعة 70 
    الساعة 11.20 ص
    غيداء أستاذة أنا تعبانة ومصدعة ما أقدر أحضر دراسة حالة اليوم
    أستاذة أمنية سلامتك يا غيدا
    غيداء الله يسلمك
    وراحت المركز
    أخدت عبايتها
    بعدين راحت للكلية الحاسب
    ملاحظة ( كنت ميتة تعب وحاسة راح أطيح من الصداع والشمس والجوع وبصعوبة صالبة طولي وبالموت وصلت الكلية لأنها بعيدة عن كليتي 20 دقيقة مشي) في الدرعية
    في جامعة الملك سعود
    في كلية الحاسب
    في الدور الثالث
    في لجنة الحقوق الطلابية
    في مكتب 145
    الساعة 11.40 م
    فجر تفاجأت لما ناظرت غيداء كنت حاسة أنك بتجين
    تفضلي حياك
    ودخلو المكتب
    وسكو الباب
    انتهى البارت
  10. غدو الطموحة
    21-10-2018, 07:00 PM

    رد: روايتي الأولى غدو المكافحة الجزء الأول

    روايتي الأولى غدو المكافحة الجزء الأول


    البارت
... 111213141516171819202122232425262728293031 ...