مدونتي نبض فكـــري

تصدقون امس الناس بالناس وتعلقياتهم عن الصراحه
وانا مودي وقتها جالسه ارسم ولا علي بالموضوع

شخصيا .. ما يهمني في الصراحة
.. نقد .. توجيه .. بيان
العبث لا اهتم له ولكني نبهت لنشره
حتى لاتكون صراحتى كهفا للغيبة والنميمة


لا ماعليكم بنزل خربشه كنت اظن وخاب ظني


حرزوا فيها ع مال ارفع الباقي

شيء ما احبه ابد .. التوقع .. التخمين ... الالغاز ..
لذلك مشاركتي بتكون ما ديه لانك جوعانه اقدم لك طبق
بري جوه غيم ومطر تم عمله بيدي الكريمه :c::c:



attachment.php






 

المرفقات

  • IMG_20181118_163825.jpg
    IMG_20181118_163825.jpg
    64.3 KB · المشاهدات: 431
تتوقعون ان صاحب الصراحات الشينه هو نفس الشخص يرسل للجميع وتتوقعون انه ممكن يرسل صراحات
فيها عبارات توحي انه واحد منا وتتوقعون انه يحاول الوقيعه بيننا يعني يخلينا نشك ببعض وكيذا
كل شي جائز

كل شيء جائز كما قلت اخي ... ولكن يبدو لي من معطيات سابقة لم توفق عضويتها في الاتساق
مع نهج المنتدى ومبتغى أعضاؤه ان الامر قد يكون مجرد ازعاج لارباك المنتدى واعضاؤه لان المصلحة
الظاهرة مما توفر من صراحات خلط للامور بلاهدف شخصي مما
يجعلني استبعد ان يكون من داخل المنتدى وان كان ذلك قائما .

 
مدونة الصور
كغيرها من المدونات الكتابية او الصوتيه
وكون المدونة حكايات الشخص نفسه وتوجهاته وافكاره
ساعمد أحيانا الى نقل ما يمر بي من نشاط حسب وقته
فهل الفكرة المبنية على التنوع التي اثارته تنهيده مجدية ؟
من حيث ان الصورة تحكي واقعا اكثر مما تحكية بقية المدونات ؟
اعتقد ذلك فما هو رايكم ؟
...........
في حائل وانا لست من أهلها كان لي جولة ممتعه لم ينقطع المطر
خلال أسبوع كامل قضيت يها وقتا ممتعا عنواني المتعة والبساطة في كل شيء
جلسة عصرية في بطن وادي بعد سيل
فهل حكت الصورة لكم شيئا ما ؟

attachment.php



 

المرفقات

  • IMG_20181118_163825.jpg
    IMG_20181118_163825.jpg
    64.3 KB · المشاهدات: 265
التعديل الأخير:
بداية

مبروك اختنا زهرة امل افتتاح المدونة
تكون ان شاء الله انطلاقة يها من المنفعة والمتعة ما يسر

ثانيا
الحمد لله على خروج نفرة نفر وصغيرته من المشفى واجر وعاية ان شاء الله

ثالثا ... اللي قال لاتستعطف الأعضاء بمرض بنتك ... خذوا الناس بصدق قولهم
واذا عوفيتم فاحمدوا الله

أخيرا الوسمي يبي موضوع ... تاكله يده :c:
تذكرت لي موضوع وشاورت حوائية وجاني الرد
ابشر بصوغة من ديرة حائل اللي انت زرتها نزل موضوعك وتشوف
بعدها هونت يالوسمي ... انا خواااااااااااااااااف .



attachment.php


 

المرفقات

  • S__12582941.jpg
    S__12582941.jpg
    15.3 KB · المشاهدات: 234
مسكييييييييييييييييييين والله ينور
رنووووووووووووووووووووووه


الوسمي ما عرف وش انا أقول !!! شف انا اعترف ان في اسلوبي عوج
لكن وشلون ما تفهم على وتفهم على طيف اللي اكثر حكيها لاهو عربي ولاصيني ولا اوردو
مرات اشوا تترجم كلامها ومرات لا . ما علينا خلني أوضح لك وش كنت أقول
أخيرا الوسمي يبي موضوع .. هذي بينه ما تبي توضيح
تاكله يده .. هذا مثل اكيد تعرفه .. للي يدور الغثاء والمهاوش
تذكرت لي موضوع .. موضوع من اللي بببالك كنت بطرحه متعلق بحواء
شاورت لي حوائيه ... حوائية يطويل العمر اقربها لك شوي وحده مثل طيف :خجل"
مستعده تشخط في أبو أبو ادم .
وجاني الرد .. يعني قالت لي كانك قدها اطرح ها الموضوع
الصوغه ... هي الهدية ... البرد اللي شفته ... جايني وانا بحائل
تقول بكسره على وجهك ان طرحت موضوعك .. علشان كذا هونت
يقولون من خاف سلم ... لكن ما عليك اخوك حزام حطب كانك صملت
هات اللي عندك وابشر لو تجتمع حواء كلها نفضناها نفض
وسلامتكم
بروح اشوف وش قالت طيف الله يعين

 

ي الله ... اخوي الوسمي معاد لقى احد يحارشه وحط حرته فيني
عشاني حبيب وقام مر يحدر بي ومر يسند بي
يقول

كذا كلامك ينفهم بس بصياغتك له وكتابتك ترا
محد فهم شي


ويوم وضحت لها ... الـــ محد اللي ما فهم شيء
يقول
وفـ الاخير ينطبق
عليك مثل " من فسر الماء بعد الجهد بالماء "

واللي يرحم والديك ارس بي على بر .. اسند والا احدر ترا دار بي راسي ؟!!!

ما علينا يقول الوسمي

وخلي صدوركم شماليه مو حجازيه ولا نجديه عاد تصدقون
اشوف الحجازيه اكثر الناس صدورهم وسيعه ومو اي شي يطير بهم
مدري ليه ودوها للشمال وساعه الصدر اقصد !!!

احد جاب سيرة اهل نجد والا الحجاز
ما سمعت الا القصيبي الله يرحمه يوم يقول نحن الحجاز ونحن نجد
و من خلقنا وحنا نعرف البرود وسعة الصدر لاهل الشمال
والحرارة وضيقة الصدرلاهل الجنوب من غير قصور في الجميع
فخونا الوسمي علشان احد بنات القوة على قولة اخونا نفر موجودة
ShahrzaD
ما جاب سيره أهلنا اهل الجنوب ... الخوف زين !!!!!...[

بعض البشر تغليه لو ما تشوفه
يجذبك له شيء غريب بالأحساس

ومع ان زايد الله يرحمه يقول

صوتك يكفينـي بـلا شـوف
هل كيف في شوفك ولامـاك

لكني ما اصدق ياي شيء يغني عن الشوف

استمتعوا مع إجازة نهاية الأسبوع غيم ومطر وطرب

 
التعديل الأخير:
يقول لانك جوعانه زين وقتها اني تريقت قبل اجوف التدوينه
مو انا اللي قلته والله .... انا ما فاتريش على احد …
:c:
ودي اعلق واطقطق :k:
بس مالي حيل جوعانه جدا ودايخه علقوا انتم خذوا راحت
شفتوا تقول جوعانه جدااااا
عموما هذي صفة التسرع اللي معروفة عن بعض حواء وهذا احد الردود على سؤال اخونا الوسمي
" ليه دايم الولد حتى لو هو صغير اشجع بمليون مره من البنت
في كلامه وفي اتخاذه للقرار وفـ تحمله للمسؤليه
"

ماعلينا اختنا طيف هداها الله تسرعت كعادة بعض حواء وقالت سبق إصرار
وما قدمت شيء قد المقام وما ادري ايش وانا صادق في كلامي بس ما خلصت
البر ما هو براد شاهي وملقاط ..... البر وناسة وسعة صدر واستمتاع بالاجواء الحلوة
اللي جاك مقبلات فقط
توي ما كملت هذي القهوة وقدوعها . تمر ... توكس ... جلكسي ... سنكرز ... فليييك
بالهناء والعافية .


attachment.php


 

المرفقات

  • IMG_20181118_165459.jpg
    IMG_20181118_165459.jpg
    63 KB · المشاهدات: 255
التعديل الأخير:
اخوان قسم ان جبهتي طارت ومحد سمى عليها
اول شيء ... بسم الله عليك بالرحمن الرحيم
اعوذ عليك بكلمات التامه من كل شيطان ومن كل هامه


الـــ هامه بتشديد الميم تقول جدتي الله يرحمها انها داب
عرضها شبر وطولها ذراع وتقول لاصارت الحرمة قشرا
وتصوط اللي حولها يسمونها الهامه .

ثاني شيء ي اخوي انت غاطس راسك في الماء ورجليك فوق وش علمك ؟
ما سمعت بحش الرجلين ظني انه اكود من قصف الجبهه
الجبهه راس ما لها ادهنها بنيفيا الأصلي اللي قوطية ازرق وتشاوى
بس الرجلين لاحشت وشلون تمشي ؟

ثالث شيء ما ادري وش بك على اختنا شهرزاد يوم تقول ....

الله يسامحك ياشهرزاد
ويوم تجنب سيرتها يوم الكلام عن وسع الصدور وضيقها .. اكيد فيك شيء والا
البنت سيرتها عطره ومن اللي قالته عن برامجها وخدماتها في عملها اشوفها نموذج راقي
لكن كانك جاي لها في درب لا تستبعد تهومك يعني تصير من اللي قالت جدتي ترا اليوم كل
شيء جايز وانت تشوف بعينك .

رابعا ..لاتقلد .. اذكر يقول لنا مدرس الفنية في المتوسط .. احذروا التقليد
وانت تقول انك ... مت .. وانت هذا حي يرزق وقبلك طيف قالت انها ماتت
ويوم عزيتها زعلت تقول تعزيني وانا حيه ترزق ...حيه ..يعني ما ماتت لاتفهمني غلط ي اخوك

أخيرا ابشر بسعدك يوم نخيتني وما عليك من حكي الناس تراي حزام حطب وينشد بي الظهر
بس .. ايموجي ... اللي تقوله ترا ما اعرفه هو وجع يجي في الجبهه والا وشهو
وسلامتك








 
التعديل الأخير:
طبعا نور الفجر أتوقع جايب السالفه على شكل مزوح
جل ما ذكرتيه حقيقة وصحيح فما عنيته مداعبة لصاحبنا لتتولى اختنا الفاضله شهرزاد امره
كونها من بنات القوة في تصنيف اخونا نفر ولعلمي بانها من اهل الجنوب والنعم بهم جميعا .
فما ذكرته بعض مما الفناه من جيل سبقنا متفق مع ثقافة جيلهم ليس لنا الاعتراض عليه
ولا القبول به فلكل جيل ثقافته وما يالفه وليس لدي تصنيف للخلق يخالف التصنيف الشرعي لهم
وان كانت مشاركتي غير موفقة بسبب حساسية هذه الفقرة الا انها جاءت في سياق الدعابة فقط
فمعذرة لفهم لم يتفق ومقصدي . ودمتم بود
 
المشكله انك تتكلم عربي وتضيع مخ الواحد لما يجي يقرا لك ماهااززززا

اكتب عربي وما ينفهم افضل من نكتب شيء ما ينقري ولا ينفهم
اوهايو قوزايمس
أولى
كومو استاس
موي بيين قراسياس

إيتو
ما علينا البنت هذي ثقافتها عاليه وتبتزنا بلغتها عادي تصير في احسن العائلات .


نور سؤال خارج النص

اما ماهو خارج النص فلا تخافين ... سكارى وعقولها معها ...


حياك يابرذر الغداء عند نفر حلفت حلفت
والعشاء عند الوسمي ونور قول تم
ونحن يالبنات مانعرفكم
:n:
>>عشان مانبدس بغسل المواعين مخ


الجميع محيا يا هلا ومسهلا غداء وعشاء تبون البر والا البيت

كان تبون البر الجنس اللطيف فوق روسنا جالسات على المراكي وما يرفعن عود من مكانه
حنا نشب الظو ونسوي القهوه ولو بغن نصبها لهن من عيونا ونسوي الغداء ونغسل المواعين
ونظف العزبه وهن فقط يتمشن براحتهن

تبون البيت لاوالله يا اخياتي الله يعينكم تشيلون كل شيء
هذا نظامي في البر لاني طالع بهن يوسعن صدورهن من قعدة البيت

وسلامتكم
 
يوم كتب وزير السلطان
اعادنا للماضي قليلا فتذكرت حذفه لمشاركاتي الجميله :c: بحجة انها محل نظر
وفي غيرها ما يعمي البصر فتذكرت وزير السلطان في مسلسل كويتي تاريخي
فقلت في نفسي لعل هذا من طبع السلاطين فقبلت برايه لثقتي بشخصه .

اوصلنا بقوله الى حقيقة يصعب الوصول اليها من بني هذا الجيل وهي الكتاب
ونصح بقراءته ودلل على قوله بثبات الكتاب وتلاشئ الأكثرية من غيره ولعلي
ازيد الوصل صلة فاشير الى تدبر القران ففيه من تقويم النفس ما لو علموه لتدبروه
قال وقوله الحق .. افلا يتدبرون القران ...

خارج النص على قولتها
اول مرة من عرفتها في المنتدى يجي منها بركه :k::k:
اللي خلت وزيرنا الفاضل يطل علينا بهذه الاطلالة الطيبه
بارك الله له ولها فالدال على الخير كفاعله ... دمتم بود
 
اخوي نفرررررررررر
صبحك الله بالخيرررررررررر

حبيت اصبح عليك واتطمن انت واااااعي والا ناااااايم
ما ادري بعض اللي قريته هو علم والا حلم
دمت بود
 
[h=2][/h]
هلا وغلا حياك ربي​
اي كلام بالضبط كل كلامي من جنب القدة

خبري بك تصيب الهدف وراها ها المرة جت جنب القده
لايكون من اثر الاسم اللي حطوه لك عاداك ترا راعية
حتى لو قالوا نور تراه دايم يا من جنب القده او من فوقها .
فانت ارفعها شوي الله يرفع قدرك علشان ما يردها الحارس

دمت بود
صدقتني الحين
شفني جيت مدرعم وطبيت ما دريت

 


واللهي شوف عجيب امرك تقول من خلقنا وحنا نعرف البرود وسعه الصدر لاهل الشمال
ي عني والنعم في الجميع وصحيح دايم يقولون خلي صدرك شمالي
لكن الى محيرني اني ما ادري من اي عصر بالضبط مولود انت
لاني ما قد مر عليه ان فيه تكمله بعد وسعه الصدر الشمالي ان اهل الجنوب بروحي عنهم
بان االحراره لهم وان صدورهم ضيقه الله لايجيب الضيقه عل مسلم
فا ما ادري من وين جبت هذا الكلام ومين الى مألف كل ذا ماشاءالله ابد ماسك خط في الابداع
الله المستعان بس

اعتذرت عن ما كتبت وأكرر الاعتذار ... واعتذر عن الخوض في هذا الامر مجددا ليس لانني على خطا فانا ناقل لما سمعت وما كتب ولكن لانني لا احب الخوض في مثل هذه الأمور لحساسيتها على جميع المستويات وانا مخضرم ولدت بين جيلين اخر جيل وبداية جيل 1955 وسمعت من جيل سبقني كما سمعت وقرات من جيل أعيش فيه وليس لي علم بمن الف هذا التوصيف ان كان حقيقي او ابتدعه ان كان بدعة . وبعيدا عن ما قد يؤلف ويبتدع نتفق باختلاف الشخصيات باختلاف مناطقها سواء في اللهجة او في بعض العادات والتقاليد فليس بعيدا حسب دراسات علم النفس ان يكون اثر هذا الامر كغيره من اثر بيئته
للجميع مودتي

 
فني كمبيوتر يشتغل في مستشفى
يقول فيه موظفات يطلبن أشياء أسويها في أجهزتهم و يقدمن لي قهوة وحلى
وأحيانا ساندوتشات وشايوكل مرة نفس الشيء، وكنت أحسبهن معجبات فيني
ومرة سمعت وحدة منهن تقول "وين الدب راعي الكمبيوتر يجي ياكل باقي الحلى والقهوة بدل مانرميها"


طلعت مشروع حفظ النعمة

انه من كيدكن ان كيدكن عظيم
:c::c::c:


 
التعديل الأخير:
سوالي اخت جدتك .. وش تصير لك .. طبعا جدتك زوجة جدك مو ام امك او ام ابوك
جدتك زوجة جدك اختها وش تصير لي !!


اللي اعرفه ان اخت جدتك سواء لامك او لابوك انها خالتك ... لانها ي خالة امك او خالة ابوك
وخالتهم تكون خالتك .... صح انها قريبة من قولهم ... يخال ابوي حك ظهري ... لا قلتها ابلشوك من هي ذي
فاحسن لك تقول اخت جدتي اهون ..
اذكر اخوي الله يرحمه وحنا صغار كنا نعرف خالة امي بــ ام ال فلان ... شهره لها معروفه بها في القرية
مدري وش السالفة بس اخوي قال ام ال فلان قالت امي الله يرحمها ... قل خالتي خل الله وريدك ...
انا عاد الصغير انبسطت يوم هاوشته :c::c:

دعوا لهم بالرحمة يوم جبنا سيرتهم .. وفقكم الله
 
ماخذي لي عطر من العربيه للعود
انصحكم فيهم اسمه " كلمات " والله ياهو رايق

وينفع للكل شباب وبنات
وربي بلاش مو بفلوس العطر بطل
ويقول ما عليكم من الإعلان ...
ودي انشد الصمت يصلح اعلن عن جوالات في محلي
بس مستحي اخاف يقولون .. حريش بريش محراث النار ...

طيف وشمس ونفر حياكم الله لكم كم يوم غايبين
نستنى تنهيدهـ وشهرزاد والملكه وتكمل الامور مع خفائي بعد
يارباااه وابو العز اللي يشوفه يقرسطه ويجيبه صاير يتغلي المحلي
( اسمي مكتوووووووووووووووووووووووب )
الحمد لله لاني حاضر على طول
صح مرات اخذ غفوة بس ذيب انوم بعين وافتح بعين

الســـلآم عليـــكم .. دار قوما مومنين ..
قال تعلى
وما اؤتيتم من العلم الا قليلا
كنت من الابتدائية الى اليوم احسب السلام هذا
خاص للموتي لانها سنة الرسول صلى الله عليه وسلم
في اللسلام عليهم
 
وانتم مقروعين لا احد يرسل وصفات يكفي اللي وصل

بعد .. القرع ...
بلل ريقك بزيت الزيتون لاحسيت حلقك ينشف
لانه كلما نشف الحلق يزيد الالتهاب
وجرب مره بس والتجربة خير برهان
واجر وعافيه ان شاء الله



 
مدري ليه لاشفت الصوره تذكرت خوينا نور كويس الفجر :k:
قبل فتره يقول انه لحق ع الخمسينات الميلاديه طلع شايب الله يعطيك الصحه والعافيه

شف ي اخوك مثل ما قلت الحمد لله انا واياك صافي ي لبن او على قولتهم سمن على عسل
مسالة اني شايب انا طال عمرك اقسم العمر قسمين قسم مادي وهو عدد السنين
ومن ها المنطلق .. حلوه المنطلق ... ما علي من عدد سنيني اللي تعدت الخمسين
ولو ظهر النور الأبيض في راسي يقول الشاعر
عيرتني بالشيب وهو وقار ... ليتها عيرت بما هو عار
ان تكن شابت الذوائب مني ... فالليالي تزينها الأقمار ..
على طاري الشيب عندنا شايب طرا عليه العلم الطيب :k::k: قام صبغ لحيته .. عاد لاصاروا الناس البارح شايفين لحيتك بيضاء ويوم صبحتهم والا سودااااااااااااااء بقوه طبيعي يستغربون قالوا وراك على اللحية يبو سالم قلبتها قال انا ما قلبتها هي اللي اللي انقلبت انا بس رديتها لاصلها اللي ظهرت عليه
القسم الثاني ... وهو العمر الحقيقي العمر الروحي لاصارت روحك شبابية على طول ما عليك من الشيب يظهر في احسن العئلات هنا انا عمري عمر .. الأشد ... حتى اذا بلغ اشده وبلغ أربعين سنه ... انا وقفت في الأربعين واللي يبي يعدي الله يسهل عليه


يمين انك محشش بجد
الحشيش طال عمرك امر سلبي فيكون دايم شمال ما يكون يمين ... اما من اوتي كتابه بشماله
لان اليمين امره إيجابي .. سلام لك من أصحاب اليمين ... الله لايهينك المره الجايه خله يسار


اجل فيه سلام للموتى
والله ما قلت ان فيه سلام للموتي من عندي قلت احسب لان المطوع الله يرحمه اللي هو مطوع المسجد ومدير المدرسة والمفوض السامي لتاديبنا في المدرسة والا في البيت والا الى رحنا نهدف الغنم وفي أي مكان من القرية كان هو مدرس الدين ويوم جاء درس زيارة المقابر ما شرح الحديث على السبوره لانه الله يرحمه مثقف وواعي خذنا للمقبره على بعد 300 متر وطبق لنا السلام اللي ذكرته وقال انه حديث صحيح عن الرسول وحفظناه الى يومك لارحنا للمقبره سلمنا عليهم بها السلام لكن ما اكذب
عليك والله ما عمري سلمته بها النص على ناس حيين .
 
التعديل الأخير:
عودة
أعلى