روايتي الأولى : إيه أحبك

AWASH_175

New member
البارت الاول (الشخصيات )

أول شي نتعرف عالشخصيات ؛
(عائلة ابو عبدالله ال......)
أحمد >ابو عبدالله ٥٠ سنة .
حصة>أم عبدالله ٤٦ سنة .
...
١-عبدالله ؛ ٢٥ سنة
- يشتغل مع ابوه بالشركة .
- جاد في الشغل ،وعنده وقت الجد جد .
- شعره اسود لين أذونه وعيونه عسلية وجسمه رياضي ومعضل .
- ويكره جنس حوا .
٢- محمد؛٢٣ سنة .
- بالجامعة "آداب إنجليزي ".
- طايش ، وما يحب الجد ،ومشكلجي .
- شعره بني وعيونه سود وطويل وخشمه حاد .
٣- عائشة ؛١٨ سنة .
- آخر سنة بالمدرسة .
- حلوة ،شعرها طويل لين نهاية ظهرها وعيونها عسلية وجسمها  معتدل (متناسق )
٤- سارة وشهد توأم ؛ ٢٠ سنة .
- بالجامعة
- سارة شعرها واصل لكتوفها ، لونها بني غامق فيه خصلات بني فاتح >شكله جنان
- شهد شعرها مدرج واصل لين اذونها ، لونه بني فاتح
- عيونهم بنية وخشمهم صغير وشفايفهم توتية
**سارة تمووت على مشاري (ابن خالتها ) بس هوا ما يدري عنها **
(عائلة أبو نواف ال......)
ماجد > ابو نواف ٥٥ سنة .
نوره >  أم نواف ٥١ سنة .
١- نواف ؛٢٥ سنة .
- يشتغل بالشركة مع أبوه .
- هوا ومحمد أصدقاء الروح بالروح .
- يحب يكتب شعر ، ويعشق السباحة .
- شعره طويل واصل لين رقبته لونه أسود .
٢- مهند ؛ ٢٣ سنة .
- بالجامعة .
- يحب الاستهبال والمقالب .
- يموت بأمه وأبوه ، ويسويلهم اي شي يبونه .
٣- فيصل؛ ٢٧ سنة .
- متزوج بنت عمه ( العنود ) .
- يشتغل بالشركة مع أبوه .
- جسمه معضل وطوله حلو .
٤- سعود ؛٢٤ سنة .
- بالجامعة ((فنون )) .
- يعشق الرسم ، شكله عجيب طويل وعنده عضلات ببطنه .
- خشمه حاد وعيونه عسلية .
( عائلة ابو مشاري ال.....)
حمد > ابو مشاري ٥٢
هاجر > أم مشاري ٤٥
١- مشاري ٢٤ سنة .
- يدرس ببريطانيا كلية ((هندسة ))
- حلو ، شعره واصل لين اذونه ، عيونه بنية ، طويل .
٢- فهد ؛ ٢١ بالجامعة .
- هوا ومهند ٢٤ ساعة مع بعض .
- يكره الدراسة ويحب اللعب والفله .
شعره أسود ورموشه طويله وجسم معضل وطويل .
٣- خالد ؛ ٢٤ سنة .
- يكره جنس حواء ( يكره دلع البنات وحركاتهم ) .
- يعشق النادي .
- حواجبه كأنها مرسومة وعيونه كبار ووساع ، شعره طويل ولونه اسود .
٤- مها ؛ ١٩ سنة .
- بالجامعة .
- تحب الفله واللعب .
- تموت ببنات خالاتها .
- تحب مهند ابن خالتها وهوا ولا داري عن هوا دارها .
٥- اسيل ؛ ٢٠ سنة .
- بالجامعة (( علم نفس )) .
- خشمها صغير وحلو ، شفايفها وردية ، عيونها وساع ، شعرها طويل لين نص ظهرها واسود .
- تحب عائشة بنت خالتها .
٦- العنود ؛ ٢٤ سنة .
- بالجامعة.
- عيونها بنية ، طولها حلو ، خشمها حاد.                                ** هذي شخصيات روايتي ***
والباقي نعرفه مع الاحداث ...



Sent from my SM-J710F using 3bir mobile app
 
الابطال كثير احب هذا النوع من الروايات اللي يجيك كم هائل من التعريفات وكلما تتعمق بالروايه تفهمها اكثر

تشجعي
 
البارت الاول
في فلة ابو مشاري ..
قعدت من النوم على صوت تليفونها : الوو
رغد : اسيل ، انتي للحين نايمة ! يله قومي تاخرنا عالجامعة
اسيل : انزين يله قايمة
* قامت تروشت وبدلت ملابسها وولبست عبايتها و خذت شنطتها وبرقعها ونزلت : صباح الخير
الكل : صباح النور
* وقعدت فطرت
* نزلت مها على الدرج ركض : صباح الخير
ام مشاري ( تمثل العصبية ) : بسم الله ، شفيج ينيتي !
خالد : مها اثقلي تدرين ما احب هالحركات
ابو مشاري ( بضحك ) : تعالي يبه افطري
مها وهي تقعد : انزين
اسيل : يله عن اذنكم انا رايحه
الكل : مع السلامة
مها بدلع : خلوود
خالد : ها
مها : انا وعواش نبي بنروح السوق اليوم ! تعال وصلنا
خالد : ماني فاضي ، شوفي فهد يوديكم
هما : لا فهد نايم ، خالد تكفا
ام مشاري : شنو تبون من الشوق؟
مها : بنشتري فساتين عشان حفلة تخرج عائشة
ام مشاري : اي ، عالبركة
ابو مشاري : خالد يبه روح معاهم
خالد : طيب بس بشرط
مها : وش
خالد : بس ساعتين ، اذا طولتو علي بروح واخليكم
مها : ماشي
خالد : يله قومي لبسي
* مها طلعت غرفتها ودقت على عائشة : الو عواش يله لبسي خالد وافق يودينا
عائشة : ماشي ، يله مع السلامة
مها خذت عبايتها وبرقعها ونزلت : يله خلصت
خالد : يله امشي
خالد ومها : مع السلامة
الكل : مع السلامة
                  ###########
في فلة ابو عبدالله ..
*تليفونها دق ، لبست عبايتها وتبرقعت وخذت شنطتها ونزلت
*فتحت السيارة وقالت بصوتها المبحوح : السلام عليكم
مها وخالد : وعليكم السلام
* بعد ٥ دقائق من الهدوء .. خالد : ها اي سوق تبون ؟
مها : ها عواش وين نروح !؟
عواش : شرايج نروح مجمج ال.....'
مها : حل
                    ##########
في فلة ابو نواف ..
سعود : صباح الخير
الكل : صباح النور
سعود :يله عن اذنكم انا رايح تبون شي ؟
ام نواف : وين يمه تعال افطر
سعود : لا يمه ( وحب راسها ) عندي محاضرة الحين
ام نواف : الله معاك
ابو نواف : نواف يله عشان نروح عالشركة
نواف : ان شاء الله يبه
* وقامو : مع السلامة
فهد : وانا بعد بروح يمه ، تآمريني بشي قبل لا اطلع
ام نواف : لا يمه الله معاك
               ##########
نرجع لأبطالنا في السيارة ..
خالد : انا بقعد بالكافيه واذا خلصتو دقو علي
مها : ماشي
* وراحت مها مع عائشة
               ###########
بالشركة ..
دق تليفونه : هلا عمري
.....: هلا اخوي ، انتا تعرف العنود ؟
فيصل انقهر : اي منو انت ووين مرتي
.....:اهاا انت زوجها ، انا دكتورها بالجامعة ، هيا كانت تعبانة شوي وطاحت فقدت وعيها
فيصل : شنو!
الدكتور هاشم : اي ، الحين بننقلها على مستشفى ال ....
* فيصل سكر تليفونه وراح ركض عالسيارة >>زوجته حياته فاقده للوعي
                   ############
عند سعود ..
طلع من المحاضرة رايح عالكافيتيريا
ترن ترن ( دق تليفونه ) : الو
دكتور مساعد:هلا سعود ، تعال عندي المكتب ابيك
سعود : ان شاء الله
              ##############
بمكتب الدكتور مساعد ..
* دخل سعود : السلام عليكم
دكتور مساعد : وعليكم السلام حياك
سعود : الله يحييك ، طلبتني عسى ماشر
الدكتور مساعد بابتسامة : ماشر ، بس كان في مسابقة رسم ، قلت لو انك تبي تشترك ، لان انت صراحة من احسن الطلاب عندي بالرسم
سعود : ان شاء الله دكتور ، عطني الموعد والشروط ، وأبشر باللي يسرك
دكتور مساعد : الله يسعدك ، بحفظ الرحمن
              ############
بمجمع ال......
مها : عائشة شوفي الفستان هذا عجيب
# كان فستان هادي لونه سماوي واصل لين الركبة ومفتوح من الظر وفيه وردة كبيرة زايده جماله
عائشة : حلو ، عطيني اروح البسه
* دخلت غرفة التبديل ولبست : ها شرايج
مها : والله جنان
عائشة : خلاص يله ناخذه
مها : انزين يله نشوف شنطة ونعال عشان لا نتاخر على خالد
# مها شرت فستان وردي طويل وفيه فتحه من الجمب وماسك عند الخصر >>روعة
*طلعو متجهين للجهة الثانيه ت
ولد ١ : اويلي فديت العيون ( ويطالع على عائشة )
ولد ٢ : يبووي فدوة ( يطالع مها)
مها : احترم نفسك انت وياه يا قليل الادب ، ومسكت ايد عائشة : يله عائشة امشي
ولد ١ : عاشت الاسامي يا عائشة
ولد ١ مسك ايد عائشة : وين ! للحين ما تعرفنا
عائشة تحاول تسحب ايدها :بعد ايدك عني احسن لك
ولد ١ شد على ايدها بقوة : خوفتيني
عائشة : لو ما بعدت بناديلك الامن
                  ############
عند خالد ..
* مل من القعدة وقام يتمشى بالمجمع وبعدين ..........
##
##
انتهي البارت ..
١- تتوقعون وش رح يسوي خالد لما يشوف مها وعائشة مع الولدين ؟
٢- مين اكتر شخصية حبيتوها للحين ؟
٣- ايش صار للعنود (زوجة فيصل ) ؟



Sent from my SM-J710F using 3bir mobile app
 
*خالد مل من القعدة وراح يتمشى بالمجمع وبعدين شاف بنتين واقفين مع ولدين وتمنى انهم ما يكونو مها وعائشة
قرب منهم شوي و : مهااا
مها وعائشة خافو و عائشة سحبت ايدها من ايد الولد
خالد بعصبية : امشي انتي وياها عالسيارة
وضرب الولدين وكل الناس اجتمعوا : والله لوريك يابن الكلب : يالوصخ
والامن تدخل وطلعو الولدين من المجمع : والله لنتحاسب
خالد راح عالسيارة ومها وعائشة خايفين ، حرك السيارة وعم الهدوء بالمكان
بعد ٧ دقائق من الهدوء ..
مها : خالد ، لا تفهمنا غلط احن..
خالد قاطعها : وبعصبية ) شنو لا تفهم غلط ؟ لما اشوفكم مع شباب ، لا وماسك ايد الكلبة بعد
عائشة ببحه : انا مو كلبة ، احترم نفسك
خالد : وتتكلمين بعد ! شنو بينج وبينه ؟ ها تكلمي
عائشة : ما بيني وبينه شي
خالد زاد سرعة السيارة : بتخربين سمعة عيلتنا ، والله لوريج
عائشة بصراخ : خفف السررعة ( قالت وهي تضغط على راسها ) مو قادرة ، عندي فوبيا من السرعة ، خففف
مها : خالد تكفا خفف ، تبي تموتنا ، خالد البنت مو قادرة تتحمل ،عائشة عايشة عايشة قومي (( عائشة فقدت الوعي ) خالد وقف عايشة فقدت وعيها
خالد وقف السيارة ، ومها رفعت برقع عايشة من على وجهها : روح عالمستشفى بسرعة ، البنت مو قادرة تتنفس
#########
عند فيصل ..
وصل المستشفى و سال الاستقبال عن غرفة العنود
وهو داخل الغرفة شاف الدكتور : ها دكتور بشر شفيها
الدكتور : انت زوجها ؟!
فيصل : ايه
الدكتور بابتسامة : مبرووك ، العنود حامل
فيصل بابتسامة عريضة : الله يبشرك بالخير يا دكتور الله يبارك فيك ، ودخل الغرفة : عمري
العنود : فيصل
فيصل : حياتي انتي بخير ؟
العنود : ايه ، فيصل رح اصير ام
فيصل باس ايدها : واحلى ام بعد
وطلعوا على بيتهم
## ######
عند خالد ..
وصل للمستشفى ، حمل عائشة ودخل بيها للمستشفى ، وانسحر بجماها ، وقال بعقله : اول مره اشوف وجهها ، ماشاء الله ، وقعد يتامل وجهها لين ما وصلو للطوارئ
خالد يفكر ،، ياربي انا ليش سويت جذي ، الحين لو صارلها شي مارح اسامح نفسي ، وفجأة تذكر لما شافها مع الولد وماسك ايدها وانقهر
مها : دكتور عايشة بخير ؟
دكتور : الحمدلله بخير بس ارهاق
وطلعو من المستشفى كل واحد باتجاه بيته
########
صباح يوم جديد على ابطالنا..
/ عائشة قعدت من النوم ، وتذكرت اللي صارلها امس وقالت : حقيير ، واستغفرت ربها وقامت خذت لها شور يريحها وصلت ولبست بيجامتها الوردية الطفولية
الوصف : بلوزة نص كم مرسوم عليها ( لولو كاتي ) وبنطلون ، ونزلت تحت لقت العيلة كلها مجتمعة ( الام والاب وعبدالله ومحمد والتوأم ) : صباح الخير
الكل : صباح النور
وقعدت تفطر
########
نروح لبيت ابو مشاري ...
بغرفة خالد .
قاعد ويفكر بالملاك اللي شافها امس ويكلم نفسه : ياربي شفيني قاعد افكر فيها ! انا خالد اللي عمري ما فكرت ببنت الحين قاعد افكر بعائشة ، لا وبنت عمي بعد !!
معقولة حبيتها ؟ لا مستحيل احب وحده كانت ماسكه ايد واحد امس ، لا بس هو اللي ماسك ايدها وهيا كانت قاعده تقاومه وتفك ايدها ، انزين ليش انا كلمتها جذي ؟
وقطع عليه تفكيره الباب : ادخل
مها فتحت الباب شوي وقالت : ادخل ؟
خالد صد عنها وقال : ادخلي ، شتبين ؟
دخلت وقعدت على السرير : خالد اسمحلي اوضح ، انتا امس صارخت بدون لا تفهم
خالد : شنو كنتو تسوون مع الشباب ؟
مها :خالد والله ما بيننا شي ، احنا كنا ماشيين وهما تحرشو فينا
خالد : انزين ، واللي كان ماسك ايد عايشة !!
مها : انا سحبت عايشة من ايدها عشان نمشي ، بس اهو مسك ايدها وقالها للحين ما تعرفنا ، وهي كانت بتنادي الامن بس انت جيت
خالد ساكت
مها : خالد
خالد : مها ، انتي تدرين اني لما اعصب ما احب اسمع احد وانا لما شفتكم امس انقهرت ، اعتذريلي من عايشة وانتي لا تزعلين مني
مها : انزين ، يله تبي شي
خالد بتردد : مها ، عايشة كم عمرها
مها باستغراب :١٨ ليش
خالد : لا بس بعرف
مها بعدم اقتناع : اها ، ماشي يله تعال تحت عشان نفطر
خالد : يله بصلي واجي
              #########
نروح لبطلنا في بريطانيا
عند مشاري ..
* يوم الاربعاء وناطرين النتايج تطلع
عبد المجيد : الو مشاري ، يله قوم باقي نص ساعة على ما تطلع النتايج
مشاري يعدل نومته : بنام شوي
عبد المجيد : اقوول ، يله قوم لا نتاخر
مشاري : انزين قايم
* تروش ولبس
طلعت النتايج : يا الله ، يارب وفقنا
-مشاري ناجح بنسبة ٩٧.٦
-عبد المجيد ناجح بنسبة ٩٧.٢
مشاري براحه : الحمدلله
عبد المجيد : مبروك يالغالي
مشاري : الله يبارك بعمرك
>> مشاري وعبد المجيد اصدقاء الروح بالروح
مشاري : واخيرا تخرجنا
عبد المجيد : ايه والله ، اشتقت لارض السعودبة
مشاري : باجر الصبح طيارتنا
عبدالمجيد : ان شاء الله ، قلت لاهلك ؟
مشاري : لا بخليها مفاجئة
عبد المجيد : اها ، انزين يله حافظك الرحمان
مشاري : مع السلامة
##########
عند ماجد ..
دق تليفونه : الو
مشاري : هلا والله
ماجد : هلا بالغالي ، وش اخبارك؟
مشاري : بخير ، مشتاق للسعودية واهلها ، انت شلونك
ماجد : بخير ، ها بشر ، شخبار النتايج
مشاري : الحمدلله ناجح بنسبة ٩٧.٦
ماجد بابتسامة : الف مبروك ، متى بترد السعودية ؟
مشاري : باجر ان شاء الله
ماجد : بالسلامة ، منو بيستقبلك بالمطار ؟
مشاري : اهلي ما يدرون ، مسويلهم مفاجأة بشوف سيارة توصلني
ماجد : لا يا معود ؟، انا موجوود وتقولي بشوف سياارة
مشاري : لا مابي اعطلك ، اصلا خويي معاي
ماجد : لا تعطلني ولا شي وحياالله خويك ، بس قولي الساعة كن بتوصلو ان شاء الله ؟
مشاري : عالساعة ٢ الظهر ان شاء الله
ماجد : خلاص على خير ان شاء الله
مشاري : يله حافظك الرحمن
ماجد : مع السلامة
                    ########
عند سعود ..
قعد من النوم و تروش واخذ التصميم اللي صممه وراح على مكان المسابقة
الموظف : تفضل اخوي
سعود : زاد فضلك ، انا من المشتركين بمسابقة .....
الموظف عطاه استماره : تفضل اخوي جاوب على الاسئلة
* الاسئلة : الاسم بالكامل ، العمر ، اسم الجامعة ، رقم الهاتف
سعود جاوب على الاسئلة : تفضل
الموظف : اشوف تصميمك
سعود عطاه التصميم
الموظف : اوك ان شاء الله بتطلع النتايج بكره الساعة ١ الظهر
سعود : يعطيك العافية
                   ##########
انتهى البارت الثاني ..
١- وش رح يصير بين عائشة وخالد ؟
٢- شنو رح يكون شعور سارة لما تشوف مشاري ؟؟. ٣- سعود رح يفوز بالمسابقة ولا لا ؟
٤- مشاري رح يعرف ان سارة تحبه ولا لا



Sent from my SM-J710F using 3bir mobile app
 
يوم الخميس .. الساعة (١.٣٠) الظهر
عبد المجيد ومشاري بمطار بريطانيا ، وماجد ناطرهم بمطار السعودية
عبد المجيد : ها ، خذيت كل شي ، تاكد انك ما نسيت شي >>عبد المجيد كان الام والاب والصديق والاخو لمشاري
مشاري حضن عبد المجيد : الله لا يحرمني منك يالغالي ، اي كل شي جاهز
عبد المجيد بابتسامة : ولا يحرمني منك ، الله يشهد انك كنت لي الاخو والصديق والابو وكل عيلتي
و صار موعد ركوب الطيارة ...
                  ############
عند سعود ..
قاعد ناطر نتايج المسابقة
ام نواف : ها يمه ؟ للحين
سعود : ايه يمه ، مادري ليش تاخرت
ام نواف : الله يوفقك يا وليدي
صارت الساعة ٢ وللحين ما نزلت ، وبعد دقائق من الانتظار : المركز الاول > سعود ال....
سعود : الحمدلله ( وقام حضن امه )
ام نواف : الله يسعدك
سعود : يمه هذا من رضاج علي
                 ##########
بفلة ابو مشاري ال....
اسيل خلصت صلاة ونزلت تحت : صباح الخير
الكل : صباح النور
وقعدت تفطر
ابو مشاري : خالد يبه شفيك سرحان
خالد : هاه ، لا ولا شي
مها اللي حست انه في شي :يمه اليوم البنات بيجون عندنا
ام مشاري : حياهم الله
مها : خالد انت بتروح مكان اليوم ؟
خالد : مادري يمكن اروح النادي
#########
مشاري وعبد المجيد
بمطار السعودية ..
عبد المجيد : وين ماجد ؟
مشاري يتلفت ويدور ماجد : مادري ، قاعد ادوره ، اي شفته قدام تعال
ماجد قاعد يدورهم
مشاري من بعيد بصوت عالي : ماجد ( وياشرله )
ماجد ابتسم وراحلهم وسلم عليهم : الحمدلله عالسلامة
مشاري وعبد المجيد : الله يسلمك
مشاري : اعرفكم هذا عبد المجيد خويي ، وهذا ماجد خويي
عبد المجيد وماجد : والنعم ( وسلمو على بعض )
ماجد : يله مشينا
وراحو عالسيارة
###########
ببيت ابو مشاري ..
بغرفة مها
قاعدة تدق عالبنات : الو عواش ، ها وينكم ؟ ، صارلي ساعة ناطره
عائشة : يله بالطريق بس عبدالله كان بالشركة
مها : اها انزين لا تطولون ، باي
ودقت على رغد : رغوود ، وينج
رغد : دقايق واكون عندج
مها : اوك
وصلوا سارة وشهد وعايشة
ووصلت رغد بنفس الوقت
ونزلوا سلموا على بعض ، وعبدالله قاعد يناظر رغد • منو رغد !
دخلوا البنات غرفة مها وكان خالد بغرفته اللي قدام غرفة مها
اسيل : حيالله من يانا (وتحضن رغد وتسلم عالبنات )
قعدوا اسيل ومها وعايشه وساره وشهد ورغد
سارة : وين القاطعة العنود ؟ ، خلاص من تزوجت ما تبي تشوفنا ؟
مها تضحك : اليوم بتجي ، تقول عندي لكم مفاجئة
شهد : لا يكون حامل
مها : والله ياليت ودي بطفل > مها تمووت عالاطفال
اسيل : انا بروح اسوي حلو وقهوة
رغد : وانا بساعدج
عايشة : وانا بعد
سارة : لا روحو كلكم وخلونا يالخايسين
مها : خلاص قومو نروح كلنا
وكل وحده سحبت جلالها عليها و طلعوا من الغرفة راحوا عالمطبخ
بالمطبخ ..
اسيل : يله كل وحده تسوي شي ، مو تقعدون تطالعوني
اسيل : عايشة طلعي الفانيلا والكاكاو ، ومها طلعي الخلاط ، وسارة عطيني بيض ، وشهد جيبي الحليب ، وانا بسوي القهوة على ما تجهزون اغراض الكيك
البنات : اوك ، وكل وحده راحت تسوي اللي اسيل قالت عليه
عائشة : يله كل شي جاهز
اسيل : وانا الحين بخلص القهوة
مها : انا بسوي عصير ، شهد عطيني الصينيك اللي وراج
شهد : هاج
مها وهيا تحط العصير بالجلاص : اح
ساره : شصار
مها : العصير طاح علي ، اح برد
عايشة : دقيقة بطلع اجيب لج ملابس ، وطلعت
عند خالد ..
ياربي ودي اشوفها ، وطلع من الغرفة شاف وحده بغرفة مها قاعدة تحوس بالكبت ، قرب من الغرفة شوي وشاف عايشة ، ودخل الغرفة وسكر الباب
عايشة سمعت صوت الباب وبدون ما تلتفت : ياربي ليش الكبت حوسه جذي ، ها
خالد قاعد يطالعها ومستمتع بشكلها ، شعرها اللي متناثر على اكتافها وجلالها اللي على رقبتها وقاعد يطالع حركاتها
عايشة التفتت و: هئ ( شهقت )
وبسرعة رفعت جلالها على ويهها وقالت ببحه وسحا :انت شقاعد تسوي هني ؟
خالد ابتسم على حياها وقال : عايشة لا تفهمين غلط ، انا شفتج قاعده تحوسين بالكبت ودخلت عشان اعتذرلج عاللي صار من يومين
عايشة صدت عنه وقالت : ماله داعي ، وخر عن الباب بطلع
خالد قرب منها وقال : مو زعلانة ؟
عايشة وهي تبعد عنه : لا تقرب
خالد يقرب وهي تبعد لين ما صار ظهرها بالطوفة قالت : خالد ابعد
خالد : لا تخافين
ونزل الجلال عن ويهها وهي تطالعه بخوف وقرب منها حييل لين ما حست ان انفاسه بتحرق ويهها وتكلمت بصوت واطي وهي تبعده :خالد
خالد  بدون مايرد نزل على شفايفها وعضها
عايشة ماحست بنفسها وذابت بشفايفه ،غمضت عيونها وسلمت له نفسها
خالد مسكها من خصرها و صار يرتوي من رحيق شفايفها
وفجأة دق تليفونه ،فتحت عينها وبحركة سريعة بعدت عنه وماشاف الا غبرتها ، نزلت تحت بسرعة ودخلت عالحمام شافت نفسها بالمنظرة ، ويهها الاحمر اللي مولع  
وشفايفها  اللي للحين مبللة من خالد ،غسلت ويهها وراحت عالمبطخ 
مها تطالع عايشة : وين الملابس ؟ صارلج ساعة وما يبتي شي !!
سارة :ايه صح ليش تأخرتي ؟
عايشة توترت : ه ها لا ولاشي ، بس دقت علي رفيجتي وانشغلت معاها
البنات بدون اقتناع وباستغراب من توترها : اها
اسيل : انزين يله انا بحط الصينية بالفرن ونطلع
سارة : شرايكم نقعد بالحديقة
عايشة : اخاف احد من الشباب هني ويشوفنا
مها : لا مافي احد ، بس خالد بغرفته الحين بقول له اذا بيطلع يدق علي
عايشة اول ما سمعت اسمه قلبها صار ينبض بقوة
ومها طلعت على غرفة خالد ..
كان منسدح على السرير وفاتح ايدينه ومغمض عيونه ويفكر بعايشة
مها دخلت : خالد!
فتح عيونه وقام : هلا مها
مها : لا ولاشي بس كنت بقول لك اذا بتطلع دق علي لان احنا قاعدين بالحديقة
خالد : ماشي
مها طلعت ، وخالد استغفر وقال ( ياربي شفيني قاعد افكر فيها   ؟ مابي اتعلق فيها يمكن ما تكون من نصيبي )
وقام اخذ له شور يبرد على قلبه
نروح للبنات بالحديقة .. ضحك وسوالف
وفجأة يسمعون صوت سيارة ، كل وحدة رفعت جلالها على وجهها
مها : دقيقة يمكن العنود
وقامت تشوف من ورا الشجر  : لا مو العنود 
رغد : هذي سيارة ماجد ! ، يمكن ياي ياخذني ، بدق عليه
ساره: لا دقيقة نزل من السيارة
شهد : شالسالفه ؟
مشاري نزل من السيارة
اسيل : مشاري !؟
مها :شنو ؟
مشاري دخل الحديقة ومها ركضت بحضنه : مشاري
مشاري وهو يحضنها :عيون مشاري
اسيل تبعد مها : وخري عنه خنقتيه
وسلم عليهم وبعدين التفت على البنات وبابتسامة ذوبت سارة : بنات شلونكم
شهد وعائشة وزغد : بخير
سارة واللي كانت سرحانة بابتسامته قعدت من سرحانها على صوت شهد : ها
شهدبهمس : ساره شفيج
ساره بملل : مافي شي
مشاري : وين امي  ؟؟
مها : فوق بغرفتها
ودق تليفون مها : هلاخالد
خالد : مها انا نازل
مها : اي انزل بسرعة عندي لك مفاجئة
خالد استغرب ونزل وبابتسامه عريضة : مشاري
عايشة لما سمعت صوته لمست شفايفها من تحت الجلال طبعا
خالد : يالخايس ليش ماقلت انك جاي
مشاري : قلت بسويلكم مفاجأة ، وخرو عاد بشوف امي مشتاقلها
وطلع فوق ، وخالد طلع من باب الحديقة
مها : خالد وين بتروح الحين
خالد : النادي شتبين
مها : بروح الجمعية تكفا
خالد : انزين بسرعة لا تطولين علي
مها : يله عواش قومي
عايشة : وين !
مها : قومي معاي
عايشة بتوتر لان خالد للحين واقف : اخذي سارة معاج انا مالي خلق
خالد : اذا بتعزمون على بعض جذي انا بروح ، مع السلامة
مها : لا خلاص بس دقيقة
عايشة : خلاص يله قايمة ولبست وراحت
عند اسيل وسارة وشهد ..
اسيل : بنات انا بروح اشوف الفرن
وراحت
شهد : سارة اثقلي شفيج ؟
ساره باندفاع : يعني ما تدرين شفيني ! ما تدرين اني امووت عليه ، اوف مليت من هالحب اللي من طرف واحد وصدت عنها وراحت
مشاري كان واقف بالدريشة وسامع كل شي ويكلم نفسه هذي تمووت على منو ؟ مدري اكيد خالد
##
##
ايش رح يصير عند عايشة وخالد ومها
مشاري رح يعرف ان ساره تموت عليه اهو ولا لا



Sent from my SM-J710F using 3bir mobile app
 
البارت الرابع ....
بالسيارة ..
على صوت راديو السيارة قاعد يطالع عيونها بالمراية
عايشة بتموت حيا من نظراته وصاده عنه وتطالع الدريشة
وصلو الجمعية .. عايشة ومها نزلو
#########
بفلة ابو مشاري ال...
مشاري بعد ما طلع من غرفة امه راح غرفته يستريح ،تروش وانسدح على فراشه ومااهتم ابد لكلام سارة
عند البنات بالحديقة ..
وصلت العنود وقاموا البنات سلموا عليها: شخباركم
: تمام شلونج يالقاطعة مشتاقينلج
العنود : وين مها وعايشة؟
سارة : بالجمعية
شهد: ها شنو المفاجأة
العنود : لما يجون البنات بقول
########
مها وعائشة طلعوا من الجمعية ووصلو لفلة ابو مشاري ..
مها بصوت عاالي : يالله حيها
العنود اخترعت: حسبي الله على ابليسج خرعتيني
مها وهي تضحك : شخبارج
العنود وتسلم على عائشة : بخير انتو شلونكم
عائشة : بخير .مشتاقين
شهد بفضول : يله عاد قعدو نبي نعرف وش المفاجئة
قعدوا.. : انا حامل
#########
بفلة ابو نواف
بالديوانية ..
الشباب قاعدين ( نواف ومحمد ومهند وفهد وسعود )
فهد ومهند يلعبون بلياردو
فهد يستهبل على مهند: مو قدها ليش تلعب يالورع!
مهند باندماج مع اللعبة : انا بعلمك الحين من الورع . . . جوووول
مهند 3 و فهد 2 .....
دخل عليهم فيصل : قوة
الشباب: الله يقويك
نواف : شخبارك
فيصل والابتسامة شاقه حلقه : بخير ابشركم رح اصير ابو
سعود بفرحه : شنو !من صجك
نايف وهو يحضنه : الف مبرووك يالغالي
فيصل : الله يبارك فيكم
########
عند البنات ..
مها : وااي مو مصدقة ،اخيرا رح اصير خالة
وقعدوا البنات يباركون للعنود ويسولفون
#######
صباح يوم جديد على ابطالنا
بفلة ابو عبد الله
ام عبدالله : يما عايشة خلاص ملابسج جاهزة ولا ناقصج شي ؟
عائشة: لا يما الحمدلله جبت ملابسي بس بروح اليوم مع اسيل ومها السوق نشتري نعال ( الله يكرمكم)
ام عبدالاه : انزين يما منو بيوصلكم
عائشة: محمد
محمد : يله عائشة خلصتي
عائشة : يله ،في امان الله يما
ام عبدالله : مع السلامة
راحوا السيارة .. عائشة :الو اسيل يله احنا بالطريق
وصلوا لفلة ابومشاري
اسيل ومها : السلام عليكم
عايشة ومحمد : وعليكم ااسلام
وعم السكوم .. خمس دقايق ووصلوا المجمع
محمد: انا ناطركم بالكفتيريا
##########
بديوانية ابو نواف
قاعدين ( ابو عبدالله وابو نواف وابو مشاري )
ابوعبدالله : اقول وش رايكم نروح المزرعة من زمان ما تجمعنا
ابو مشاري : ايه والله من زماان مارحنا المزرعة
ابو نواف :خلاص نشوف يوم بنهاية الاسبوع ونتجمع
########
عند خالد ..
قاعد مع الشباب بالديوانية
مهند : اقول مشاري شخبار بريطانيا
مشاري : بخير
مهند : فيها بنات حلوين
مشاري بضحك : ايه قول شخبار البنات مو شخبار بريطانيا ، يبا انت مو ناوي تتزوج
مهند : تو النااس ، ويطالع خالد االي سرحان : ناطر الاخو يتزوج بتزوج معاه
مهند ويأشر لخالد : ياهووو وين
خالد : ها معاكم معاكم ،شتقول !
مهند : اقول مو ناوي تتزوج ،مافي بنت مني مناك
خالد :لا مافي انا بعنز على روسكم
########
عند البنات بالمول
مها : اسيل شوفي القطعة هذي حلوة
اسيل : ايه ما في منها الوان ثانية ؟
مها : مدري تعالي نسأل
رغد : اسيل !
اسيل التفتت على رغد : رغد ! وراحت حضنتها : شلونج
رغد وهي تسلم على عائشة ومها : بخير يا قلبي انتي شخبارج
اسيل : بخير
رغد : يله انا بروح ماجد ناطرني اشوفكم باجر بالحفلة ان شاء الله
البنات : مع السلامة
ماجد كان يناظرهم : منو هذيل
رغد :اسيل وبنت خالتها
ماجد : انزين يله امشي
وراحوا ...
عند البمات
اسيل :بنات انا رايحة السوق اللي قدامنا هذا ،لما تخلصون تعالو
عائشة : اوك
عند محمد ... كان ماشي بالمول ويطالع بنات ( كالعادة )
محمد : وش هالحلا
روان بضحكة مايعة :عيونك الحلوة
محمد مد ايده وعطاها ورقة : دقي علي
روان : من عيووني
اسيل بصدمة : هذا محمد !، و منو هذي
وراحت للبنات وهي مازالت مصدومة من محمد وحركات البنت( اسيل ما تدري ان محمد يطلع مع بنات):ها بنات خلصتوا ؟ حاسبتو عالفستان؟
مها : ايه
عائشة تتكلم بالتليفون : اوك طالعين ،يله بنات محمد ناطرنا بالسيارة
#########
عند الشباب
خالد : يله تبون شي
مهند: وين يالطيب
خالد: بروح النادي
مهند : اوك في امان الله
خالد: مع السلامة
وطلع بطريقه للنادي
#########
قاعدة تناظره وهو مندمج بالطريق وقاعدة تراقب حركات ايده وهو يسوق
بعد دقايق ..
مها : اسيل يله وصلنا
محمد ناظرها بالمنظرة
اسيل بسرعة بعدت عيونها عن عيونه وبحركه سريعة فتحت الباب : مع السلامة
محمد استغرب من حركتها ونظراتها
عائشة: مع السلامة
محمد وهو يحرك السيارة : شفيها اسيل ؟
عائشة : مدري ،يله خنروح البيت تعباانة
########
صباح يوم جديد يوم الاثنين حفلة تخرج عائشة
قعدت من النوم على صوت امها: عايشة يما يله قومي
عائشة قامت بسرعة : كم الساعة
ام عبدالله الساعة 12 الظهر يله يمه علشان يمديج تجهزين نفسج
عائشة وهي تقوم : ابشري يما
وقامت دخلت الحمام و خذت لها شور بارد وطلعت دقت على اسيل : ها اسيل وينكم
اسيل: ،انتي وينج احنا عند الكوافير ،يله تعالي
عائشة : يله جايه ،وراحت لغرفة شهد وسارة : ها خلصتوا؟
شهد: ايه يله
ونزلوا تحت: يما احنا رايحين للكوافيرة تبين شي
ام عبدالله :لا يما ، يله ابوكم ناطر بالسيارة
البنات : مع السلامة
ام عبدالله : حافظكم الرحمن
#######
في صالة ال...
خالد ونواف مع ابو عبدالله وابو مشاري يرتبون للحفلة
ابو مشاري : خالد روح شوف البوفيه كامل ؟ ولا لا
خالد : ان شاء الله
#######
في الصالون..
العنود : ها بنات شرايكم
سارة : كيووت ،متشووقة اشوف شكلج لما يكبر بطنج
العنود ضربتها بخفة : حسبي الله على ابليسج
عائشة : بنات احس الميكب اوفر
اسيل : لا مرة حلو لا تمسحينة زودي البلاشر شوي
مها : بنات خلصوا ؟مشاري جاي بالطريق
اسيل : ايه خلصنا
########
رغد : ماجد،فاضي اليوم ؟
ماجد: ايه ليش ؟
رغد : اليوم حفلة تخرج عائشة بنت خالة اسيل ،تقدر توصلني؟
ماجد: انزين يله البسي
#######
عند روان ....*ادري انكم ما تعرفونها ،بس رح تعرفونها مع الاحداث هي وأخوها *
تكلم محمد : حبيبي مارح اشوفك اليوم ؟
محمد : والله يا عمري اليوم مشغول،
راشد واقف عند الباب
روان : انزين حياتي اشوفك باجر
راشد : منو تكلمين ؟
روان : ه ها هاذي رفيجتي
راشد سحبها من شعرها : منو رفيجتج! ها جاوبي
روان : راشد ابعد قاعدة اقولك رفيجتي
راشد : رفيجتج تقولين لها حبيبي !
(راشد وروان اخوان امهم توفت بالمرض الخبيث وابوهم اتوفا بحادث )
#######
عند البنات...
دق عليهم مشاري وطلعوا : السلام عليكم
مشاري : وعليكم السلام ،شلونكم بنات
: بخير : انت شخبارك
مشاري بابتسامة : بخير ،عايشة مبروك التخرج
عايشة بحيا : الله يبارك فيك
سارة منزلة راسها ،ومشاري ولا مهتم لها
#######
عند روان..
راشد : وين بتشوفين هالكلب باجر هاا و(بصراخ)ليش
روان ودموعها على خدها : في مجمع ال...
#######
وصلو البنات للصالة وبنفس الوقت وصلت رغد مع ماجد
سلمو البنات على بعض
مشاري نزل سلم على ماجد : هلاا بالزين
ماجد: هلا والله
مشاري: شخبارك
ماجد: والله بخير الحمدلله
مشاري : يله خل ندخل حياك
ماجد: الله يحييك ،انا بصف السيارة وأجي
مشاري : ماشي
.. البنات دخلوا
مها : بنات وين الشنطة اللي فيها الفساتين
شهد : ايه صح نسيناها بالسيارة
اسيل : انا بروح اجيبهم
وطلعت .. فتحت السيارة من قدام مالقت شي : ياربي وينهم
ماجد شافها من بعيد وراحلها : احم احم
اسيل التفتت بسرعة وشهقت
ماجد : شنو شفيج شفتي جني ( وقرب منها )
اسيل : ماجد بعد شنو تبي
ماجد : انتي اسيل صح
اسيل : ايه
سمعوا صوت سيارة
اسيل شهقت : في سيارة جايه ابعد عني
ماجد : شفيج خفتي مو قاعدين نسوي شي غلط
اسيل : انزين تكفا ابعد
نزل محمد من السيارة : ماجد ! شتسوي هني ؟ منو انتي( ما عرفها لانها كانت لابسه برقع )
اسيل : ا ا انا اسيل
محمد : شتسوين هني
اسيل : انا كنت باخذ الشنطة
محمد بعصبية : امشي ادخلي داخل
اسيل : سحبت الشنطة وراحت ركض
ماجد : شوي شوي عالبنت ما ارضا عالحب
محمد بصراخ : انت شقاعد تقول
ماجد : انا واسيل نحب بعض
محمد ضرب ماجد طراق ، و وسط صراخهم تدخل خالد : شالسالفة شفيكم
محمد : مافي شي ويطالع ماجد : حسابك بعدين
عند اسيل ..
راحت الحمام وهي مفهورة ودموعها على خدها
شافتها عائشة : اسيل ! شفيج ليش تبجين
اسيل تمسح دموعها : ما فيني شي
عائشة: اسيل
اسيل قاطعتها : عايشة واللي يسلمج مابي اكلم احد الحين،يله تعالي نروح للبنات ،، وراحو
مها : عائشة خالتي تناديج روحيلها
عائشة : ماشي
عند الشباب...
خالد : محمد
محمد: خالد والله مالي خلق
خالد : انزين على راحتك ؟امش خلينا نسلم
.............صارت الساعة 3 العصر ...............
وفتحو اغنية التخرج (( غريبة مرت الأيام ))
ودخلت عائشة على الاعنية بفستانها الراقي على الانوار الهاديه وشعرها المتناثر على ظهرها
والكل باركلها
في صالة الرجال ...
الكل قاعد يبارك لابو عبدالله
ونواف ومحمد قاعدين مع بعض ويسولفون
نواف: ها شنو آخر أخبارك ؟ مع منو تطلع هاليومين
محمد : والله محد قاعد العب على وحدة وبطلع معاها باجر
نواف : وش ناوي تسوي معاها
محمد : ولا شي باخذ منها اللي ابيه واتركها
عبدالله وهو يقعد : آخ والله خدودي قامت تعورني من كثر اللي سلمو علي
نواف بضحك: والله انا بعد هربت
سعود يأشر لهم انه بيقتلهم
محمد يطالع سعود ويضحك : هههههعهعهع شوفو شكل سعود
سعود راح لهم : خليتوني بروحي وهربتو هاه
عبدالله : والله تعبت ياأخي
محمد : انا انخنقت من الجو هني بطلع اشم هوا
وطلع ...
سعود : انا حلقي نشف بروح اشرب ماي تبون؟
نواف : لا مشكور
وطلع ...
عند البنات ...
شهد : بنات شفتو تليفوني ؟؟
سارة : مدري شوفيه بالغرفة اللي كنا نلبس فيها
عند اسيل ..اختنقت من الجو وطلعت الحديقة
..
..
..
شنو راح يصير ؟
مع شهد
مع اسيل
وسعود
ومحمد
وشنو راح يسوي راشد في محمد
ومحمد شنو راح يسوي مع ماجد



Sent from my SM-J710F using 3bir mobile app
 
بالحديقة ..
اسيل قاعدة عند المسبح ومنزلة حجابها على وجهها
:افففف
اختنقت ونزلت الحجاب..ونزلت رجلها بالمسبح
عند محمد طلع من عند الرجال.. شاف بنت قاعدة ومنزلة رجلها بالمسبح
قرب منها : احم احم
اسيل شهقت ولفت عليه
######
عند شهد طلعت الغرفة تدور تليفونها : افف وينه !آخر مرة كان معاي بالمطبخ
كانت طالعة من الغرفة وفجأة حست بدوخة وطاحت مغمى عليها
#####
اسيل : محمد !
محمد : اسيل ! شتسوين هني ؟
اسيل منزلة راسها : انا اختنقت من الجو داخل وطلعت اشم هوا
محمد :وليش كاشفة وجهك ! مو خايفة أحد يطلع ويشوفك ؟
اسيل : ......
محمد بعصبية : قومي ادخلي داخل
اسيل قامت : ليش تصارخ
محمد مسكها من ذراعها : امشي داخل
اسيل عصبت : انت مو من حقك تكلمني جذي فهمت ؟
محمد : الا من حقي ونص بعد ،وشد على ذراعها : وبتسمعين كلامي وغصب عنج
اسيل : تحاول تسحب ذراعها : آآي عورتني ،وكملت وهي تتألم : محمد اتركني
محمد ما قدر يشوف الدموع في عيونها وايدها اللي صارت حمرا وبعد عنها
اسيل دخلت ركض وهي تمسح دموعها
طلعت عالدرج وخي تكلم نفسها : ليش يعاملني جذي انا شسويتله !
وفجأة بصراخ : شهد!!
#######
عند سعود
دخل المطبخ يشرب ماي ..
سمع صراخ اسيل وطلع فوق
اسيل وهي تحرك بشهد : شهد قومي . شهد شصارلك؟
سعود راح عندهم
اسيل وهي ترتجف : سعود ! ،ش شهد طاحت مدري شفيها
سعود وهو يحمل شهد : روحي جيبي عبايتها عشان اوديها المستشفى
اسيل راحت ركض لبست عبايتها وخذت عباية شهد وطلعت
اسيل : انا بعد بجي معاك
سعود : انزين يله
غطوا شهد وطلعوا عالسيارة في طريقهم للمستشفى
########
عند محمد ..
مسح وجهه بإيده : أفففف
مشاري شاف محمد قاعد عند المسبح راح عنده: شفيك
محمد : مافي شي
سارة تنادي : شهد
مشاري ومحمد التفتو لها
كانت لابسه فستان لين تحت الركبة ورافعة شعرها ومنزلة خصل على وجهها
مشاري تنح على شكلها
وسارة ما انتبهت ان مشاري واقف : محمد ماشفت شه
محمد بعصبية قاطعها : انتي شلون طالعة جذي روحي البسي عبايتج
سارة انتبهت لمشاري اللي واقف يطالعها وغرقان بشكلها
حست بحرارة جسمها اللي ارتفعت لما شافته ونظراته اللي كانت بتحرقها
ودخلت ركض عالمطبخ
محمد : انا بروح اشوفها شتبي واجي
مشاري :.......
محمد : ياهوووه اكلمك وين رحت
مشاري : هاه شتبي ؟
محمد : اقولك انا رايح لسارة
مشاري : انزين وانا بدخل عند الشباب
محمد دخل المطبخ لقاها قاعدة تشرب ماي ووجهها احمر : سارة
سارة التفتت بسرعة : هاه
محمد:شفيج
سارة : محمد والله ما انتبهت ان في احد معاك
محمد : انزين شنو كنتي تقولين
سارة: اقول لك شهد وينها ما شفتها ؟
محمد : لا ،ليش
سارة : مدري وين اختفت ،محمد انا حاسه انها فيها شي (( التوأم يحسون ببعض ))
محمد: ما شفتيها فوق
سارة : لا
محمد : انزين اطلعي دوريها فوق وانا بدق عليها
سارة طلعت تدور عليها سمعت جوال شهد يرن
نزلت لمحمد : مو موجودة وتليفونها هني
#######
بالمستشفى
الدكتورة : هيا ما فيها شي بس شوية ارهاق
سعود : اوك يعطيك العافية دكتورة،متى بتقعد
الدكتور: هي الحين تحت تأثير المخدر وان شاء الله ساعة وتقعد، عن اذنكم
سعود : اسيل دقي على سارة قوليلها
اسيل : انزين
دقت على سارة : الو سارة
سارة : هلا اسيل وين رحتي
اسيل : سارة احنا بالمستشفى
سارة : ليش.؟!
اسيل : شهد اغمى عليها
سارة: شنوو
محمد : سارة شفيج،منو تكلمين
سارة : اسيل تقول ان شهد اغمى عليها
محمد اخذ التليفون منها : الو
اسيل : ...
محمد : اسيل شنو صار انتي مع منو بالمستشفى
اسيل ما تكلمت راحت عند سعود وقالت له : كلم محمد
سعود: الو
محمد : سعود انتو بأي مستشفى
سعود : بمستشفى ال...
محمد: يله احنا جايين
######
عند الشباب
مشاري قاعد وسرحان ب سارة
عبدالله : شباب ما شفتو سعود
فهد: لا كان رايح المطبخ يشرب ماي
ماجد : يله شباب عن اذنكم
عبدالله : وين تو الناس!؟
ماجد : لا تو الناس ولا شي ،عندي دوام باجر ابي اروح البيت ارتاح ،يله عن اذنكم
مشاري : في أمان الله

عند البنات...
دق تليفون رغد: هلا ماجد
ماجد: رغد يله اطلعي
رغد بدلع : لااا مجوودي تكفا خليني شوي
ماجد : رغود والله ابي اروح ارتاح
رغد: انزين دقايق واطلع
رغد راحت تسلم على عائشة : يله عائشة مع السلامة
عائشة: وين .؟
رغد : بروح ماجد ناطرني
عائشة : خليكي اسهري معانا ،وبعدين احنا بنوصلك ،
رغد : انزين بكلم ماجد اشوف
رغد لبست وطلعت عند ماجد :ماجد ابي اسهر مع البنات انت روح وعايشة بتوصلني
ماجد ما يقدر يرد لها طلب: انزين روحي اذا تبين شي كلميني
رغد حضنته : الله لا يحرمني منك
ماجد بضحك : ولا منك
#######
بالمستشفى ..
محمد : سعود وين شهد
سعود: بالغرفة هذي
محمد وسارة دخلوا
شهد فتحت عيونها
سارة مسكت ايدها : سلامات
شهد: الله يسلمك
محمد قرب منها وباس راسها : ما تشوفين شر يالغالية
شهد: الشر ما يجيك
الدكتورة دخلت : الحمدلله على سلامتك
شهد :الله يسلمج دكتورة
الدكتورة :شهد انتي ما اكلتي شي من الصبح صح؟
شهد: ايه
الدكتورة : عشان كذا اغمى عليكي
محمد : ليش ما اكلتي شي !!
شهد : ماكنت مشتهية
الدكتورة : الحين تقدرين تطلعين بس لازم تاكلين شي
محمد: ماشي دكتورة يعطيكي العافية انا الحين بجيب لها اكل، شهد يله قومي جهزي نفسك
شهد
#######
عند البنات بالحفلة ..
مها: وين سارة واسيل وشهد ؟
رغد : مدري ،صج وينهم فجأة اختفوا!
مها : انزين انا بروح اشوفهم فوق
رغد: طيب وانا بشوف بالحديقة
########
عند محمد ..
طلعوا من المستشفى باتجاه الحفلة
سارة : اسيل ما كلمتي البنات
اسيل : لا ما كلمتهم
سارة : انزين انا بكلمهم عشان اطمنهم،الو ..مها..احنا بالمستشفى..لا مافي شي..بس شهد تعبت شوي والحين جايين بالطريق..اوك مع السلامة
#######
وصلوا..
مها: شنو صارلك
شهد: ولاشي بس ارهاق عشان ما اكلت شي
رغد: سلامات
شهد: الله يسلمج
########
عند الشباب..
عبدالله : وين كنتو
محمد : بالمستشفى شهد كانت تعبانة
عبدالله : صج ،شفيها
محمد: ما فيها شي بس ارهاق الحين بتاكل وترتاح ان شاء الله
....
صارت الساعة 8.30 مساء

خلصت الحفلة وتجمعوا البنات ببيت عائشة
والشباب تجمعوا بالديوانية

وخلص البارت ..
انتظروني الثلاثاء القادم
 
بالحديقة ..
اسيل قاعدة عند المسبح ومنزلة حجابها على وجهها
:افففف
اختنقت ونزلت الحجاب..ونزلت رجلها بالمسبح
عند محمد طلع من عند الرجال.. شاف بنت قاعدة ومنزلة رجلها بالمسبح
قرب منها : احم احم
اسيل شهقت ولفت عليه
######
عند شهد طلعت الغرفة تدور تليفونها : افف وينه !آخر مرة كان معاي بالمطبخ
كانت طالعة من الغرفة وفجأة حست بدوخة وطاحت مغمى عليها
#####
اسيل : محمد !
محمد : اسيل ! شتسوين هني ؟
اسيل منزلة راسها : انا اختنقت من الجو داخل وطلعت اشم هوا
محمد :وليش كاشفة وجهك ! مو خايفة أحد يطلع ويشوفك ؟
اسيل : ......
محمد بعصبية : قومي ادخلي داخل
اسيل قامت : ليش تصارخ
محمد مسكها من ذراعها : امشي داخل
اسيل عصبت : انت مو من حقك تكلمني جذي فهمت ؟
محمد : الا من حقي ونص بعد ،وشد على ذراعها : وبتسمعين كلامي وغصب عنج
اسيل : تحاول تسحب ذراعها : آآي عورتني ،وكملت وهي تتألم : محمد اتركني
محمد ما قدر يشوف الدموع في عيونها وايدها اللي صارت حمرا وبعد عنها
اسيل دخلت ركض وهي تمسح دموعها
طلعت عالدرج وخي تكلم نفسها : ليش يعاملني جذي انا شسويتله !
وفجأة بصراخ : شهد!!
#######
عند سعود
دخل المطبخ يشرب ماي ..
سمع صراخ اسيل وطلع فوق
اسيل وهي تحرك بشهد : شهد قومي . شهد شصارلك؟
سعود راح عندهم
اسيل وهي ترتجف : سعود ! ،ش شهد طاحت مدري شفيها
سعود وهو يحمل شهد : روحي جيبي عبايتها عشان اوديها المستشفى
اسيل راحت ركض لبست عبايتها وخذت عباية شهد وطلعت
اسيل : انا بعد بجي معاك
سعود : انزين يله
غطوا شهد وطلعوا عالسيارة في طريقهم للمستشفى
########
عند محمد ..
مسح وجهه بإيده : أفففف
مشاري شاف محمد قاعد عند المسبح راح عنده: شفيك
محمد : مافي شي
سارة تنادي : شهد
مشاري ومحمد التفتو لها
كانت لابسه فستان لين تحت الركبة ورافعة شعرها ومنزلة خصل على وجهها
مشاري تنح على شكلها
وسارة ما انتبهت ان مشاري واقف : محمد ماشفت شه
محمد بعصبية قاطعها : انتي شلون طالعة جذي روحي البسي عبايتج
سارة انتبهت لمشاري اللي واقف يطالعها وغرقان بشكلها
حست بحرارة جسمها اللي ارتفعت لما شافته ونظراته اللي كانت بتحرقها
ودخلت ركض عالمطبخ
محمد : انا بروح اشوفها شتبي واجي
مشاري :.......
محمد : ياهوووه اكلمك وين رحت
مشاري : هاه شتبي ؟
محمد : اقولك انا رايح لسارة
مشاري : انزين وانا بدخل عند الشباب
محمد دخل المطبخ لقاها قاعدة تشرب ماي ووجهها احمر : سارة
سارة التفتت بسرعة : هاه
محمد:شفيج
سارة : محمد والله ما انتبهت ان في احد معاك
محمد : انزين شنو كنتي تقولين
سارة: اقول لك شهد وينها ما شفتها ؟
محمد : لا ،ليش
سارة : مدري وين اختفت ،محمد انا حاسه انها فيها شي (( التوأم يحسون ببعض ))
محمد: ما شفتيها فوق
سارة : لا
محمد : انزين اطلعي دوريها فوق وانا بدق عليها
سارة طلعت تدور عليها سمعت جوال شهد يرن
نزلت لمحمد : مو موجودة وتليفونها هني
#######
بالمستشفى
الدكتورة : هيا ما فيها شي بس شوية ارهاق
سعود : اوك يعطيك العافية دكتورة،متى بتقعد
الدكتور: هي الحين تحت تأثير المخدر وان شاء الله ساعة وتقعد، عن اذنكم
سعود : اسيل دقي على سارة قوليلها
اسيل : انزين
دقت على سارة : الو سارة
سارة : هلا اسيل وين رحتي
اسيل : سارة احنا بالمستشفى
سارة : ليش.؟!
اسيل : شهد اغمى عليها
سارة: شنوو
محمد : سارة شفيج،منو تكلمين
سارة : اسيل تقول ان شهد اغمى عليها
محمد اخذ التليفون منها : الو
اسيل : ...
محمد : اسيل شنو صار انتي مع منو بالمستشفى
اسيل ما تكلمت راحت عند سعود وقالت له : كلم محمد
سعود: الو
محمد : سعود انتو بأي مستشفى
سعود : بمستشفى ال...
محمد: يله احنا جايين
######
عند الشباب
مشاري قاعد وسرحان ب سارة
عبدالله : شباب ما شفتو سعود
فهد: لا كان رايح المطبخ يشرب ماي
ماجد : يله شباب عن اذنكم
عبدالله : وين تو الناس!؟
ماجد : لا تو الناس ولا شي ،عندي دوام باجر ابي اروح البيت ارتاح ،يله عن اذنكم
مشاري : في أمان الله

عند البنات...
دق تليفون رغد: هلا ماجد
ماجد: رغد يله اطلعي
رغد بدلع : لااا مجوودي تكفا خليني شوي
ماجد : رغود والله ابي اروح ارتاح
رغد: انزين دقايق واطلع
رغد راحت تسلم على عائشة : يله عائشة مع السلامة
عائشة: وين .؟
رغد : بروح ماجد ناطرني
عائشة : خليكي اسهري معانا ،وبعدين احنا بنوصلك ،
رغد : انزين بكلم ماجد اشوف
رغد لبست وطلعت عند ماجد :ماجد ابي اسهر مع البنات انت روح وعايشة بتوصلني
ماجد ما يقدر يرد لها طلب: انزين روحي اذا تبين شي كلميني
رغد حضنته : الله لا يحرمني منك
ماجد بضحك : ولا منك
#######
بالمستشفى ..
محمد : سعود وين شهد
سعود: بالغرفة هذي
محمد وسارة دخلوا
شهد فتحت عيونها
سارة مسكت ايدها : سلامات
شهد: الله يسلمك
محمد قرب منها وباس راسها : ما تشوفين شر يالغالية
شهد: الشر ما يجيك
الدكتورة دخلت : الحمدلله على سلامتك
شهد :الله يسلمج دكتورة
الدكتورة :شهد انتي ما اكلتي شي من الصبح صح؟
شهد: ايه
الدكتورة : عشان كذا اغمى عليكي
محمد : ليش ما اكلتي شي !!
شهد : ماكنت مشتهية
الدكتورة : الحين تقدرين تطلعين بس لازم تاكلين شي
محمد: ماشي دكتورة يعطيكي العافية انا الحين بجيب لها اكل، شهد يله قومي جهزي نفسك
شهد
#######
عند البنات بالحفلة ..
مها: وين سارة واسيل وشهد ؟
رغد : مدري ،صج وينهم فجأة اختفوا!
مها : انزين انا بروح اشوفهم فوق
رغد: طيب وانا بشوف بالحديقة
########
عند محمد ..
طلعوا من المستشفى باتجاه الحفلة
سارة : اسيل ما كلمتي البنات
اسيل : لا ما كلمتهم
سارة : انزين انا بكلمهم عشان اطمنهم،الو ..مها..احنا بالمستشفى..لا مافي شي..بس شهد تعبت شوي والحين جايين بالطريق..اوك مع السلامة
#######
وصلوا..
مها: شنو صارلك
شهد: ولاشي بس ارهاق عشان ما اكلت شي
رغد: سلامات
شهد: الله يسلمج
########
عند الشباب..
عبدالله : وين كنتو
محمد : بالمستشفى شهد كانت تعبانة
عبدالله : صج ،شفيها
محمد: ما فيها شي بس ارهاق الحين بتاكل وترتاح ان شاء الله
....
صارت الساعة 8.30 مساء

خلصت الحفلة وتجمعوا البنات ببيت عائشة
والشباب تجمعوا بالديوانية

وخلص البارت ..
انتظروني الثلاثاء القادم
 
البارت السادس
صباح يوم جديد..الجمعة
راشد ينادي روان: روان يله قومي
ويحركها بقرف : قومي خلصيني
روان: هاه
راشد : قومي ،الكلب قاعد يدق عليكي
روان قامت بسرعة: محمد ؟
راشد: ايه اخلصي كلميه وافتحي الميكرفون
روان خذت التليفونوبخوف : الو
محمد : هلا عمري
روان : هلا فيك
محمد : للحين نايمه
روان : لا الحين رح اقوم
محمد: انزين يله ساعة واكون في المجمع
روان: اوك ،وسكرت التليفون
راشد سحب التليفون من ايدها وطلع من الغرفة
روان: اففف وسحبت البطانية ونامت
########
في فلة ابو عبدالله
شهد قاعدة بالحديقة ومساكه جوالها تتابع المسلسل التركي
 
عودة
أعلى