صحيت فجأه

الشعر, قصيدة , شعراء, القصايد ارسال إلى Twitter ارسال إلى facebook
  1. LonelyLove
    02-08-2017, 07:31 AM

    صحيت فجأه

    صحيت فجأه


    صحيت فجأه بعد غيبوبة سنين
    ورجعت أراجع باليالي حسابي

    لقيت من يرجون عيني قليلين
    والأغلبيــه ما درو عن غيابي

    مع أني أول كنت عند الكثيرين
    مصدر دفا عند الوفا ينهقا بي

    وكنت أول . أول من يصون القريبين
    من دافع المربى . وأنا كنت رابي

    على المهابه في عيون البعيدين
    مهما قسى جور الزمان بصوابي

    ما تفرح بهمي قلوب المعادين
    ولا يرثي لحالي صديق درابي

    ومن فضل ربــي ما بقى شي هالحين
    وسلمت من تأثير جرح سطابي

    عدت ولا هدت براسي شياطين
    وإشتاق بالي للخيال وسرابي

    للحرف والمضمون بين الدواوين
    أسأل وأضيع من سؤالي جوابي

    وأرجع وأدور في عموم الميادين
    شي غدى من يوم وقتي غدابي

    علم تركته في قلوب الحشيمين
    يجري عليه أللعن من اللـي جرابي

    شفته وهو شايف وضوح العناوين
    خايف عن التعبير عن كل مابي

    قلت أتركه فتره وأناديه بعدين
    وأنساه وأفرح وأنتهي من عذابي

    وأدور االحكمه بروس المجانين
    وأسعابها وأرجي من الله ثوابي

    وأوفي مع الوافين دام الوفا دين
    وأشقى لهم اللــي بهمــي شقابي

    وأشوم عن تفكير ناس ضعيفين
    وأهل الردى ... حشمــت عنهم جنابي

    رديت علم الشين بالهاجس الزين
    ورفعت بعد البعد صوت إقترابي

    صوت يبشــربي قلوب العزيزن
    وطبعا يكــدر من فرح في مصابي

    لاجيت أعدد للمواقف براهين
    عن تجربه مرت بزهرة شبابي

    وأشرح لمن يشره بعد غيبة سنين
    عذري وأبرر طول مــدة غيابي
  2. hanoo66
    22-05-2018, 10:59 PM

    رد: صحيت فجأه

    صحيت فجأه


    ابدعت

    تسلم يدك
  3. B7R
    02-06-2018, 08:17 PM

    رد: صحيت فجأه

    صحيت فجأه


    صح ذوقك رووووعه