مفاتيح البخوت ...

الشعر, قصيدة , شعراء, القصايد
  • ارسال إلى Twitter
  • ارسال إلى facebook
  • ارسال إلى google plus
    1. "لحن الوفاء"
      15-06-2017, 02:25 AM

      مفاتيح البخوت ...

      مفاتيح البخوت ...









      في ظلام الصمت خبيت الجراح
      قلت نامي في الظلام بدون صوت

      نومة اهل الكهف ماحولك صباح
      لاتخافي مابقى شي يفوت

      واستراح القلب ما ادري ما استراح
      يوم غطتها بيوت العنكبوت

      من نشدني قلت له مالك صلاح
      خلني ساكت ويازين السكوت

      وش يفيد الهرج واللي راح راح
      حلم في غبة بحر في بطن حوت

      كم ندبت الحظ يوم الحظ طاح
      بعدما ضاعت مفاتيح البخوت

      واقتنعت إني لحالي في البراح
      وإن هذا هو نصيبي لين اموت

      ماصحيت إلا على صوت الرياح
      هزت البيبان واركان البيوت

      والسحابة في السماء والبرق لاح
      قلت دعوة واستجيبت في قنوت

      واستهلت وامطرت عذب قراح
      ينبت الأوراق في غصن محتوت

      انتبهت وقلت يادنيا سماح
      في القضايا كلها رغم الثبوت

      كل جرح فاق من نومه وصاح
      بعدما زالت بيوت العنكبوت .


      ----------


      قصيده لــ عبدالله الطلحي ... .

    2. محمد مرغل البلعاسي
      15-06-2017, 04:42 AM

      رد: مفاتيح البخوت ...

      مفاتيح البخوت ...


      لله درك على هذا الطرح والانتقاء العذب
      تسلم يمينك ولا ننحرم من وجودك
      وصح الله لسان الشاعر

      تحياتي لك اختي لحن الوفاء
    3. مشعل الحب..
      15-06-2017, 06:57 AM

      رد: مفاتيح البخوت ...

      مفاتيح البخوت ...


      كل جرح فاق من نومه وصاح
      بعدما زالت بيوت العنكبوت

      اي والله خيوط العنكبوت
      صح الله لسان قايلها

      ويسعد صاحب الموضوع
    4. غآلي
      18-08-2017, 07:44 PM

      رد: مفاتيح البخوت ...

      مفاتيح البخوت ...




      صح لسان شاعرها
      وصحت يمين ناقلها
      ذوق رائع ومتجدد