ناس يمرون عليك بحياتك

الموضوعات العامه التي لاتندرج تحت أي قسم من أقسام المنتدى
  • ارسال إلى Twitter
  • ارسال إلى facebook
  • ارسال إلى google plus
    1. الحلم
      13-05-2017, 11:30 AM

      ناس يمرون عليك بحياتك

      ناس يمرون عليك بحياتك



      كثير ناس تمر علينا بحياتنا
      يأثرون فينا ونأثر فيهم
      هذي بعض النماذج اللي مرت او ممكن تمر عليك بحياتك
      يتركون اثر او بصمة ما تقدر تمحيها الايام
      يتركون
      جرح
      حب
      خيانة
      حزن وألم كبير






      (قتل المشاعر)
      في ناس نقابلهم بالصدفة..نفتح لهم القلب اللي كان طول عمره مسكر
      نحس ان الحياة حلوه معاهم وكلشي يتغير وقت التلاقي
      نشوفهم مثاليين ومافي نفسهم بالدنيا نتخيل ان الحياة معاهم حلوه



      نعيش باحلى حالة حب
      بأيامها
      ولياليها
      نتمنى ان الوقت مايمر معاهم ويوقف بس عشان نشوف عيونهم
      نحس معاهم اننا عايشين بدنيا مو الدنيا اللي احنا فيها
      يختفون كل البشر من عيوننا لحظة مانكون معاهم
      ولا نحس اننا مع الناس نحس بأن لنا عالم بروحنا
      نتخيل المستقبل بيكون احلى واحلى
      وان الحياة من دونهم مستحيلة
      وفجأه نكتشف شي لا عالبال ولا عالخاطر
      نكتشف ان كل اللي كنا عايشين فيه وهم بوهم
      نكتشف ان هالحب كان خيال
      وكان بالنسبة لهم شي من المتعه وتضييع الوقت
      واللي كان بالنسبة لنا مستقبل وحياة





      (الشكل الخادع)
      > > ناس اول مانشوفهم مانحبهم
      > > نحس ان هم الدنيا على قلبنا لحظة مانشوفهم
      > > بس لان شكلهم مو عاجبنا
      > > بس اهم يحبونا
      > > ويحسون ان الحياة حلوة لحظة ما يشوفونا
      > > يتقربون منا
      > > نبعد عنهم
      > > لان شكلهم مو على الستايل والموضه
      > > يحاولون بكل الطرق يرضونا واحنا نتجاهلهم
      > > بدون اي سبب
      > > مجرد ان هالاشخاص مو عاجبينا
      > > واحنا ماعرفنا طبيعتهم ولا شخصيتهم
      > > يكونون احلى من مانتصور وانقى من ما تتخيل
      > > بس نضيعهم
      > > بزيف الشكل والمظهر
      > > اللي صار يغلب عالجوهر هالايام






      (المصلحه)
      > > في ناس اول ما نصادفهم يرحبون فينا ويهلون
      > > ويقومون فينا ويدللونا من غير ما نعرفهم
      > > نتخيل ان هالناس طيبين وعلى نياتهم
      > > نعيش معاهم ايام حلوه
      > > نحس ان هالناس سند لنا بالحياة
      > > ونعرف شكثر الصديق مهم بحياتنا
      > > نساعدهم ونعلمهم كل مانعرفه
      > > نتقاسم معاهم كل مانملك ولو كان هالشي صغير
      > > ونكون لهم خير صديق
      > > فجأه يتغيرون علينا
      > > لان مصلحتهم خلصت منا
      > > يمرون علينا مايسلمون جنهم مايعرفونا
      > > نسلم عليهم مايردون السلام
      > > بس لي صارت مصلحتهم معانا ردت علاقتهم طيبة من يد ويديد
      > > هالاشخاص اذا مرو بحياتك
      > > وحسيت انها علاقة مصلحة اقطعهم من حياتك
      > > لان في وايد ناس اطهر وانقى منهم





      (الأهل)
      > > في ناس نحبهم من كل قلبنا
      > > نتخيل حياتنا معاهم وشلون راح تكون
      > > يكون الحب متبادل من الطرفين
      > > نرسم حياتنا مع بعض ومستقبلنا شلون راح يكون
      > > نخطط حق كل صغيره وكبيرة مع بعض
      > > نتخيل ان هالحب راح يستمر طول العمر
      > > وان مافي شي يقدر يفرقنا
      > > نرسم بيت المستقبل
      > > وشلون راح يكون
      > > ونختار كلشي مع بعض
      > > حتى اسامي عيالنا
      > > نعيش مع بعض على امل وانتظار اليوم اللي بيجمعنا
      > > عقب طول الصبر والحب والعشق
      > > ننصدم بواقع قاسي
      > > ويرفض الاهل هالزواج
      > > ويندفن هالحب باسم العادات والتقاليد
      > > ونعيش بعذاب طول العمر






      (الظروف)
      > > ناس نتعرف عليهم بالصدفه
      > > مانعرفهم ولا يعرفونا
      > > تزيد معرفتنا فيهم يوم عن يوم
      > > نحس ان هالاشخاص حيل قراب منا
      > > نعطيهم اسرارنا ويعطونا اسرارهم
      > > نحبهم بالصدفه
      > > مثل ماعرفناهم بالصدفة
      > > يزيد هالحب يوم عن يوم
      > > وتكبر العلاقة
      > > اللي ماكنا حاسبين لها حساب
      > > بس الظروف اقوى
      > > تمنع العلاقة
      > > ويتلاشى الحب
      > > وتم الذكرى تعذب الطرفين
      > > نحاول نسترجع ولو جزء من الماضي
      > > نبي نعيد الذكريات بس الظروف محتها





      (الحب الحقيقي)
      > > ناس يمرون عليك في مرحله من حياتك تكون كونت حياتك وعرفت شنو تبي
      > > تعرف معاهم معنى الحب الحقيقي خالي من زيف الشكل وطيش المراهقه
      > > تبني حياتك معاهم.. حياتك المستقبليه وشلون راح تكون
      > > تكونون تحت سقف واحد وتصبرون على بعض عالحلوه والمره
      > > وتكونون عايله صغيره سعيده من غير مشاكل ولا زعل





      (الانانية)
      > > ناس يمرون عليك بمرحلة من حياتك
      > > تكون لهم خير سند بهالحياة
      > > تشاركهم كلشي ملكك
      > > وتعطيهم حب اكثر من اهلك
      > > تحس انهم جزء من حياتك
      > > وتفتح لهم باب بيتك
      > > تأمنهم على اهلك وعرضك
      > > مايمر يوم بدونهم
      > > يكونون مثل الاخو والاخت بالنسبة لك
      > > يعرفون عنك كل صغيره وكبيرة
      > > وتحس ان هالناس تقدر تأمنهم على كلشي غالي بالنسبة لك
      > > تكشف لهم كل اسرارك وتعرفهم على اغلى الناس عندك
      > > تكتشف خيانتهم بوقت متاخر
      > > يكونون خذو كلشي حلو بحياتك
      > > حتى حبك


      (السيطرة والتملك)
      > > ناس يحبونك من اول ما يشوفونك
      > > يبونك اقرب لهم من روحهم
      > > يحاولون يبعدون كل من يحاول يتقرب لك
      > > يحسون ان انت ملكهم
      > > وان اي شخص ثاني ممكن يهدد مكانتهم بقلبك
      > > يخلونك تعيش بعزلة عن الناس
      > > انت لهم وبس
      > > لا صديق ولا رفيق
      > > يعيشونك بحياة كلها تملك وسيطرة
      > > يملون عليك شنو تسوي وشنو ماتسوي
      > > شنو تحب وشنو لازم ماتحبه
      > > تعيش كأنك انسان آلي اهم يحركونك مثل مايبون
      > > المفروض ما تكلم ولا تطالع احد غيرهم
      > > تعيش حياتك كلها بين ايديهم
      > > ماتتحرك لا يمين ولا يسار
      > > تحس انك مقيد
      > > وان الحياة حيل صعبة
      > > تحاول تبتعد عنهم
      > > تحاول تفهمهم ان الحياة بدون ناس صعبة
      > > بس مايفهمون يبونك لهم وبس
      > > ومايبون احد يشاركهم فيك
      > > حتى اهلك!!
      > > تحاول تحل المشكلة
      > > بس المشكلة تكبر وتوصل للفراق





      (الغرور)
      > > ناس يشوفون ان كل الناس اقل منهم مستوى
      > > يعيشون اللي جدامهم بذل وان انت لك الشرف اني اتكلم معاك
      > > ويكونون بالاصل اهم ولا شي
      > > بس انت تكلمهم صلة رحم لا اكثر ولا اقل
      > > اهم بداخلهم يدرون انك احسن منهم ويحترون من هالشي
      > > بس يتكبرون عليك ويشوفون نفسهم اهم الاحسن والافضل
      > > يعيشون كل من حولهم باحساس الضعف
      > > وان اهم الاجمل والاحلى والاغنى والاعلى منصب
      > > يتحاشونهم الناس ولا يعبرونهم
      > > ويحسون انهم مبوذين من كل من حولهم
      > > بس يتكبرون ولا يهتمون
      > > ويظل الغرور ساكن باعماقهم
      > > ويظلون بدون ناس





      (غيره)
      > > ناس من لحمك ودمك
      > > تحبهم وتحب قربهم
      > > تستانس لي صارت جمعتهم
      > > تحب لمتهم مع بعض وتستانس لسوالفهم
      > > بس اهم مايحبونك
      > > من اهلك بس يكرهونك
      > > تكون مو مسوي لهم شي بس لانك احسن منهم
      > > يحاولون بكل الطرق يكونون نفسك
      > > بلبسك..باسلوبك..باكلك..بشربك
      > > تحس بهالشي واهم يتجاهلونه
      > > تقرب منهم بس اهم يصدونك
      > > تحاول تكون لهم صديق وفي
      > > بس عزة نفسهم ماترضى يكون واحد احسن منهم
      > > لان الناس تحبك وماتحبهم
      > > تتولد الغيره بداخلهم ويبعدونك عن حياتهم
      > > والمصيبه انهم اهلك؟






      (خوف)
      > > ناس يعشقون التراب اللي تمشي عليها
      > > يحبونك حب ماتتخيله ولا ممكن يتخيله انسان
      > > يكتبون فيك احلى الاشعار ويسهرون الليالي وانت نايم ولا تدري عنهم
      > > منشغلين بحياتهم بس فيك
      > > ومهملين كل الاشياء الثانيه
      > > وانت ماتدري عنهم
      > > تحس عيونهم تقول كلام وايد
      > > ماتقدر تفسره
      > > تحس باهتمامهم فيك وتعلقهم اللي ماتقدر تفسره
      > > بس مايقدرون يصارحونك بحبهم لك
      > > ويظلون عايشين بخوف من مصارحتك
      > > وتظل هاملهم ولا معبرهم
      > > وتضيع حياتهم من غير لا تدري عن حبهم







      لكمـ مني أرق التحــــــايا
    2. الفتاة الرقيقة
      15-05-2017, 12:17 AM

      رد: نآس يمرون عليكـ بحيآتكـ, مقتطفات

      ناس يمرون عليك بحياتك


      منجد

      Sent from my LG-H320 using 3bir mobile app
    3. الحلم
      15-05-2017, 12:24 AM

      رد: نآس يمرون عليكـ بحيآتكـ, مقتطفات

      ناس يمرون عليك بحياتك


      ياهلا حياك يا فتاه منوره االطرح


      شكرا لك على المشاركه

      ودي واحترامي
    4. لحظة شروق
      15-05-2017, 12:26 AM

      رد: ناس يمرون عليك بحياتك

      ناس يمرون عليك بحياتك


      ماشاء الله موضوع رائع كاروعتك


      احسنت الاختيار ،،،



      شكرا لك ،،،
    5. الحلم
      15-05-2017, 12:30 AM

      رد: ناس يمرون عليك بحياتك

      ناس يمرون عليك بحياتك


      انتي الاروع باشراقتك في االطرح

      وشكرا لك على المرور الجميل

      دمت بالود
    6. رتيل راشد
      15-05-2017, 09:09 AM

      رد: ناس يمرون عليك بحياتك

      ناس يمرون عليك بحياتك


      موضوع جميل يشرح العلاقات بوضوح وكيف يجب ان نستمر ونقاط بعضها غفلنا عنها قد تتسبب باذية غيرنا . يعطيك العافيه
    7. الحلم
      15-05-2017, 10:45 AM

      رد: ناس يمرون عليك بحياتك

      ناس يمرون عليك بحياتك


      شكرا رتيل على المشاركه

      اسعدني تواجدك


      اجمل تحيه لك
    8. ضحكه خجل
      15-05-2017, 05:26 PM

      رد: ناس يمرون عليك بحياتك

      ناس يمرون عليك بحياتك


      موضوع رائع
      تسلم ع الطرح
    9. الحلم
      15-05-2017, 05:33 PM

      رد: ناس يمرون عليك بحياتك

      ناس يمرون عليك بحياتك


      مرورك الاروع ضحكة خجل

      شكرا على المرور الجميل

      ودي واحترامي
    10. amola
      16-07-2017, 01:47 AM

      رد: ناس يمرون عليك بحياتك

      ناس يمرون عليك بحياتك


      طرح جميل. والتعبير عنه اروع وفي الصميم لذلك نرجع لمقوله اجدادنا اذا احببت ماتصل للنهايه. والعكس. اعمل حساب الفراق والصدمات

      امولا