يعين الله يا دنيا ...

"لحن الوفاء"

Well-known member







يعين الله يادنيا تسوق أيامها الأحزان
يعين الله وانتي مثل قفل ضاع مفتاحه

يعين الله وجروحي لها في كل وقت شان
كذوب اللي يقول ان الزمن بيداوي جراحه

سقى الله يوم انا يمه غرير يزعج الجيران
سقى الله يوم أنا طفل يصج البيت بصياحه

سقى الله يوم كان اقصى طموحي لعبة الدنان
نهاية يومي المغرب وأخاف الليل واشباحه

سقى الله يوم انا البس بشت ابوي وثوبه القيطان
واقلد كل شي فيه .. حكيه ، جده ، مزاحه

واشيل المسبحه مثله ليا هوجس وهو سرحان
بيشعر واحسب ان اللي عطاه الشعر مسباحه

سقى الله بيتنا ذاك البسيط مشقق الجدران
شجاع يهزم الغدراء بقنديله ومصباحه

تكحلنا القناعه لا طمع لا هم لا حرمان
وإذا جاء الليل تكفينا ثلاث اخوان طراحه

جميع الذكريات اللي غدت في قفرة النسيان
يحاكي حلوها عبره بموق العين سباحه

خذتني غربة عنوانها غربه بلا عنوان
ابي عقب التعب راحه لقى فيني التعب راحه

رجعت اليوم مثل اللي رجع عقب القنص خسران
غدا طيره وجاء يسحب سلوقيه وملواحه .



شعر /محمد_الدحيمي .

 
9fe670e192155d0ef27c6bce4a9cfc22-1.jpg
 
عودة
أعلى