123

اللي تبي تقهر أخوها تدخل

اجمل نكت مضحكة - اضحك على سوالف الشباب والبنات ارسال إلى Twitter ارسال إلى facebook
  1. ولد الحفر
    27-11-2004, 09:30 PM

    اللي تبي تقهر أخوها تدخل

    اللي تبي تقهر أخوها تدخل


    بسم الله الرحمن الرحيم

    عندي دروس خطيره لا تفوتكن يا بنات .. شوفن اللي مقهوره, واللي تبي تنتقم , واللي تبي ترفع ضغط التمساح تتبع خطوات المقيدة

    هالخطوات والله يقويكن...........


    *** عند التلفزيون ***

    لا صارت فيه مباراه , والاخ متحمس اقطعي هالحماس وشلون؟! انا اقولتس .. شوفي اذا صار مبقق عويناته وماهو يم احد يعني لو تجيبين صاروخ تفجرينه قدامه مالتفت لك اعرفي انه منسجم , هنا بس تقومين بشغلتس.. وتسوين نفستس بنت سنعه وروحي جيبي قطعة قماش وبخاخ للتنظيف واوقفي عند التلفزيون وامسحي الشاشه ولا تعطينه فرصه يشوف زين ,

    لا قال: ابعدي. قولي مانيب فاضيتلك بنظف وامسح ، وبعدين روحي جيبي المكنسه واكنسي المكان اللي هو فيه وحاولي من لحظه للحظه تكنسين قدام التلفزيون وغطي عليه.. ولا يهمتس احد.. واذا قال: ابعدي لاصنتس على دميجتس بالكاس قولي معصي بيجون ضيوف . . العبي عليه حتى لو مو جايكم احد , والا سوي نفسك جالسه وتذكرتي ان الكيك بالفرن احترق ناقزي لين توصلين للفيش وامصعيه برجولتس ولا تلتفتين وراتس ..


    *** عند النوم ***

    لا صار التمساح يشخر.. نكدي عليه نومه وشلون؟! دخلي عليه بزارينكم على بزارين جيرانكم وصكي الباب عليهم وخليهم يلعبون بغرفته ويناقزون على راسه .. تخبرين اطفالنا احباب الله خخخخخخخ

    والا تعالي وهو في سابع نومه وارجفيه ذيك الرجفه اللي يفز مايدري عن نفسه الا وهو جالس وبكل برود قوليله نبي نروح للسوق

    <======= يمديكم على هالبرود؟ خخخخخخ


    *** مع الشله ***

    ذي ما يبيلها جهد ولا تعب, اذا شفتيه جالس هو وأخوياه طلعي راستس من باب الشارع وقوليله فلان أمي تبيك لو يصلون عليك بنفس اليوم ترى مالي دخل

    *** اذا المزاج صفر ***

    اذا شفتيه ماله خلق ومو رايق ومقفله معه لا تخافين بالعكس هذي فرصتك تنتقمين منه يعني تحرشي فيه خلي دمتس ثقيييييييييل بالمزح بس انتبهي في هاللحظه راقبي حركات يده لان ممكن يصك أي شيء قدامه بوجهتس ولازم تصيرين مجهزه مفتاح الغرفه.. ماتدرين السالفه يا غالب يا مغلوب خخخخخخخخ

    المهم.. اضحكي على شكله والا على جلسته والا على لبسه .. هو بيقول ترى مانيب رايق وضفي وجهتس, انتي لا تسكتين قوليله واذا ماضفيت وجهي وش بيصير عاد هو بيقوم ويوريك وش بيصير على سنع انتي في هالوقت اقضبي اول درجتين توصلتس لغرفتس وطلي عليه من فوق وقوليله ههههههههههههاي اهم شيء رفعة ضغطك وقومتك من جلستك

    <===== يلعن ام المبزره

    عادي .. عادي ولا صرتي بزر وش فيها اهم شيء تحقيق الغايه اللي هي (( تفجير الامبير )) خخخخخخخخخ


    *** وقت الطقاق ***

    لا جاء يوم وبراستس حرش وتبين تطاقين انتي والتمساح لازم تجهزين نفستس من كل ناحيه:

    1/ اللبس: لازم تلبسين ترنق خخخخخخخخخ علشان يسهل الركض والمطامر وتفركين من يده بسهوله

    2/ الشوشه لازم تلمينها وتسوين حفله براسك ذاك اليوم تحطين انواع الشباصات والمغاطات وانتبهي ولا خصله تنزل منتس, وياليت يكون ذاك اليوم حاطه براستس حناء علشان مايتجرأ ويلمس شعرتس <==== ابن أمه يجيب مثل هالتفكير

    3/ مفتاح الغرفه ولميه الاحتياط واجب

    4/ جمعي لتس كم زبيريه وخليها على جمب

    اذا بدت المعركه حطي راستس براسه ولا تبينين له انتس خايفه وبققي عويناتس فيه وقوليله وش براستس عاد هو هنا بيقولتس هذا اللي براسي طراخ الا ومخمس مصفي طبلونه , لا تستسلمين عطيه بوقس على عيونه الثنتينعلشان مايشوف الدرب وحطي رجلتس ومن عند الدرابزين طلي عليه وقوليله ان كان فيك خير قابلني هو بيستشيط وبيجي التمساح يقابلتس مايدري انتس اذكى منه , هالحين جاء دور الزبيريات اللي جمعتيها وبدووون رحمه .. واضربي فيه ليييين تضربين

    الارض من تحته . وعلى طووووووووول لغرفتس اللي مجهزتن مفتاحها من قبل واقفلي عليتس .. ويادار مادخلك شر بس نصيحه اقعدي يومين لايشوفتس ولا تشوفينه لانه يبي ينتقم لكرامته وبيوريتس حق الله فيتس

    وبسسسس.. هذا اللي اتذكره اذا فيه اساليب جديده ماراح ابخل عليكن يا حلووووات...

    واتمنى تطبقين هالتعليمات وهذا وجهي ان تحداتس أي تمساح على وجهه الارض خخخخخخخخخخخخ ومالي دخل
    لو طلعلتس صعرور والا طلع بعيونتس الوان الطيف والا ماسلم فيتس ضل


    عاد مادري اللي تبي تسوي هالطرق وتتبعها ..<<<تتشهد قبل ماتسوي اي شئ
  2. ق ل ق 999
    28-11-2004, 07:36 AM

    اللي تبي تقهر أخوها تدخل


    يسلمووووووووووووووووووو اخوي يامن حشرة البنات في القواطي


    وانا اشهدانك بتتسبب على بنات العالم
    ووووواهنيك على الموضوووع سخن خمسه
  3. اسيرة الشوق
    28-11-2004, 09:45 AM

    اللي تبي تقهر أخوها تدخل


    والله شكلك انت مال مشاكل الناس تحاول تقرب الناس وانت تحاول تفرق الشمل

    بس افكارك خطيرة ويا زينها يمكن تنفع للمتزوجات المقهورات ما بالنسبة للثانيات ما اعتقد ينفع

    المهم

    ما استفدنا شي من افكار ومقالبك الجهنمية
    طيب ممكن اسالك سوال على الطاير يا خوي

    ويش سبب اختيار اسمك حاشر البنات بقوطي ؟

    ارجو الرد على الاجابة


    تحياتي

    اختك ناردة الوجود
  4. الصمـت الجـارح
    23-05-2006, 11:25 PM

    اللي تبي تقهر أخوها تدخل


    المشاركة الأصلية كتبت بواسطة ولد الحفر
    / الشوشه لازم تلمينها وتسوين حفله براسك ذاك اليوم تحطين انواع الشباصات والمغاطات وانتبهي ولا خصله تنزل منتس, وياليت يكون ذاك اليوم حاطه براستس حناء علشان مايتجرأ ويلمس شعرتس
    لووووووووووووووووووووووووووووووووووووووووووووووول


    الله يرجك خلف صارت خلطة سمنننننننننننننننت هذي مهوب شعر
  5. نبض الجروح
    23-05-2006, 11:50 PM

    اللي تبي تقهر أخوها تدخل


    هههههههههههههههههههههههههههههه
    خخخخخخخخخخخخخخخخخخخخخخخخ
    لاوالله تبي تورطنا مع التماسيح ما من فكه
    شكلها اختك مجربتها عليك والدروس هذي ماخذها منها
    هههههههههههههههه
    هاه طمنا عليك كم كدمه فيك ؟؟ وكم زعروره براسك ؟؟ وكم لون بوجهك ؟؟
    خخخخخخخخخخخخخخخخخخخ

    مشكور اخوي على النصائح اللي ماندري وش هي نتائجها
  6. sh3noonah
    24-05-2006, 01:03 PM

    اللي تبي تقهر أخوها تدخل


    هههههههههههههههه شكلك تبينا نتكسر .. ونشبع ضرب ورفس
    وش هالطرق .. !!!
    اذا وصلنا بيده للحظه .. رحنا فيها :)

    تسلم ولد الحفر على الطرق ..
    تحياتي
  7. الحب المفقود
    24-05-2006, 05:08 PM

    اللي تبي تقهر أخوها تدخل


    انا براوي عمي بسوياه هالسالفة ههههههههههههه
    وبعد بسوي لاخويه
    ويسلمووو ولد الحفر
  8. نوارة
    24-06-2006, 11:45 PM

    اللي تبي تقهر أخوها تدخل


    هههههههههههههههههههههه

    كلها تجنن


    اممممممممممممممممم اسويها او ما اسويها


    ابحاول اسويها واذا ما نجحت ياويلك


    يسلموووووووووووووو اخي خلف


    تحياتي
  9. الشمالي
    25-06-2006, 08:16 PM

    اللي تبي تقهر أخوها تدخل


    لا احد يسوووويها ترها نكبه


    هههههههههههههههههههههه



    انا سوتها معي اختي جننتها


    ياويلكمممممممممممممممم
  10. محترم
    25-06-2006, 09:20 PM

    اللي تبي تقهر أخوها تدخل


    يسلموا ولد الحفر تبي تورط البنات
    شاطر يا ولد عليك منهم
    وحلوه هذي الى يم التلفزيون هي توقف يم التفزيون وهو يروح مسنترها بذاك الشلوت ينقل المباراة للبيت
123