خربشات وجدانيه

خربشات وجدانيه


بالبشر مثل السحاب بالمواقف محتمي
تنتفع منه العباد كل قطره ببركه

وبالبشر مثل الجماد مايفيد الادمي
وان حكى ليته سكت كل اموره شربكه

الزمان اصبح يسوده كذوب وهيلمي
وان نطقت الحق كنك تخوض بمعركه

والله انه ضايقن من بلاويه نسمي
كم لي اطرد في سرابه ولاني مدركه

بين حلمي والاماني وعثرات قدمي
شين يجاهد خفوقي وشين يتركه
.........................................................

وش عاد اخفي عنك والقلب منعوث
يومك جزيت احسان صبري مغثه

جيتك مشاعر حزن باحساس مبثوث
خذ ماتبي واللي متبغاه كثه

.........................................................

وشلون ابكتب بك غزل وانته لعنت ام الغزل
بسلوبك الناشف معي كل المشاعر جامده

ماكنتي الهامي وانا من قبل لا اعرفك جزل
نفسي على عد القصيد الله وكيلك وارده

انقى سطر وارفع سطر عن الضعيفه والهزل
ورثي من العود اللذي اقفا قبل لا اشاهده

عايش شقاته بالحياه بطبعي اللي لايزل
ابين بالموقف ولد رغم النفوس الحاقده

...........................................................


جيتك وانا مشتاق واقفيت مشتاق
ولا ندري الاشواق وش تاليتها

لاحاصلن وصلك ولا صاير فراق
وعيون خلق الله علي فتحتها

.........................................................

سروووووبه

تدري ان الصبح دونك مايتنفس
انتي ياملح الليالي وبركتها

يافديت الخد والشعر المعفس
والعيون اللي عن النوم عمكتها

من دلعها لامشت قامت ترفس
كل حاجه عند ابوها كسرتها



خربشات/محمدمرغل البلعاسي
 


الزمان اصبح يسوده كذوب وهيلمي
وان نطقت الحق كنك تخوض بمعركه

والله انه ضايقن من بلاويه نسمي
كم لي اطرد في سرابه ولاني مدركه

بين حلمي والاماني وعثرات قدمي
شين يجاهد خفوقي وشين يتركه .



هلا بك استاذ محمد

ابيات في غاية الجمال والروعه
صح منطوقك وتسلم يمينك
تستحق النجوم مع تقديري واعجابي لسيادتك
وبأنتظار كل جديد لك بشوق

اطيب واسما التحايا لسيادتك .


 


الزمان اصبح يسوده كذوب وهيلمي
وان نطقت الحق كنك تخوض بمعركه

والله انه ضايقن من بلاويه نسمي
كم لي اطرد في سرابه ولاني مدركه

بين حلمي والاماني وعثرات قدمي
شين يجاهد خفوقي وشين يتركه .



هلا بك استاذ محمد

ابيات في غاية الجمال والروعه
صح منطوقك وتسلم يمينك
تستحق النجوم مع تقديري واعجابي لسيادتك
وبأنتظار كل جديد لك بشوق

اطيب واسما التحايا لسيادتك .


صح بدنك اختي لحن الوفاء

وشاكر مرورك لاهنتي
 
عودة
أعلى