يا ريم بين الخلق ، يا بنت عم الورد

/مدخل


حصه انتبهت لريم اللي وقفت وهي سرحانه ابتسمت بهدوء تطمنها : ريم؟ بلاج وقفتي يلا ندخل
ريم بادلتها الابتسامه ولحقتها

دخلوا البيت وريم تحاول تهدي نفسها وتبتسم بهدوء
طبعا البيت كان مزيج بين الرقي والفخامه  .. واستغربت ريم انه حصه تعيش ب هالفخامه لكن تشتغل مشرفه ف ميتم قاطع تفكيرها

حصه بهدوء : ريم انا بروح شوي فوق انتي تمي فالصاله م بتاخر
ريم هزت رأسها وقعدت ع الغنفه

.
.
دخلت البيت وبايدها الكوفي وشافت الي كان يالس ع الغنفه صغرت عيونها مستغربه وطلعت بسرعه واتصلت

ريم كانت يالسه ومفهيه ع التحف الفخمه
قاطع تاملها صوت رجولي وبعصبيه : كيفف دخخلتت؟؟!
ريم تشنجت ولفت عليه بتردد
استغرب من شكلها ولف ع البنت : اقولج هاي تبا فلوس وكمل كلامه  لريم ، ها تبين فلوس عشان  تغيرين ثيابج
ريم استغربت وناظرت شكلها ونزلت رأسها بخجل : اءء لا السموحه بس انا اتريا حصه
خق ع صوتها الناعم : احمم اء
نزلت حصه بسرعه : ريم انا آسفه تأخرت عليج
:حصوهه منو هاي ؟
حصه قربت من ريم ولفت ع شهد : هاي الريم بتسكن عندنا
استغرب بس اجل اسألته لعقب وحك رأسه بفشله: ي حييج منورهه والسموحه ع الي صار م عرفتج
ريم ابتسمت بهدوء : لا عادي حصل خير
حصه : دام انج شفتيهم بعرفج عليهم اشرت ع شهد
هاي شهد بنت أخوي بنفس عمرج
شهد بهبل : هللو انا شوشو
حصه كملت : وها خالد أخو شهد أصغر عنج بسنه
ريم فتحت عيونها بصدمه : كيف ، بعدين استوعبت وبخجل : آسفه تحمست
خالد : هههههههه لا عادي الكل يستغرب من شكلي ومرر أيده على شنبه والعوارض بغرور وبعدين قولي ماشاء الله لاتحسديني
شهد وريم كانو أقصر منه لأنه طويل ومعضل ف م يبين أن عمره 17
ريم : هههههه ماشاء الله تف تف ولاتزعل
خالد  : وانتي بعد
شهد : انا ليشش
خالد : هييي انتي عيوز النار عيونج حاره وانا صراحه اخاف من عيونج الحوله
شهد بغرور: قصدكك عيوني الحلوهه وبعدين انا عيني بارده حطيتها ف الثلاجة خخخ
خالد يسلك لها : هه هه هه
ريم حبت جوهم : هههههه
حصه استانست انه ريم ضحكت وحبتهم
تموا يسولفون لين الساعه 12:30 وحسوا أنهم يعرفون ريم من زمان
حصه وقفت : يلا انا بروح أصلي ريموهه بخليج ويا شهودهه
خالد وقف : وانا بعد يلا ريموهه الله يعينج ع فراقي والله يعينج على هالسباله
شهد : اووص تراها بتستانس ع *قلدته* فرااقكك
وسحبت ريم وراحو فوق
ف غرفه شهد
ريم حبت الغرفه فكتوريه بلون الأزرق والذهبي
شهد حست أن ريم انبهرت ب الاثاث والتصميم وبغرور : انا اخترت الاثاث
ريم بانبهار : خلاص عيل بخليج ترتبين غرفتي اء بعدين تذكرت وضعها وسكتت بفشله
شهد ابتسمت لريم بحماس : وليش لاء بتاخذين غرفه صوبي وبختار لج الاثااث وبخليه احسن من ها
وكملت كلامها بحنان ريم انا اباج تعتبريني اختج وكملت باستهبال طبعا م عندي خوات بس اخوان ف بستانس وايد لو اعتبرتيني اختج
ريم دمعت وحمدت ربها لأنه الله رزقها بأخت
شهد دمعت وحظنتها وضربتها ع كتفها ع خفيف لاتخليني اصيح وياج تراني حساسه
ريم مسحت دموعها وضحكووا
وراحو يصلون
بعد دقايق/
صوت دق باب
نعععممم!
Shahad your mom!
شهد شافت الساعه التفتت ع ريم :  الحين وقت الغدا
ريم بتردد : اوكي انزلي انتي انا بتم
شهد قدرت خوفها : على راحتج
/
سلامم عليككو
عليكم السلام
حصه : شهد وين ريم
شهد ناظرت الموجودين بتردد : اء فوق ازقرها
الجد هز رأسه لها : ازقريها خلها تنزل
راحت فوق بسرعه ونزلوا
طبعا ريم كانت متحجبه
بتردد واضح : ء سلام عليكم
كلهم ردوا السلام 
حصه اشرت لها عسب تيلس يمها 
وقعدوا وكلوا بكل هدوء بس ريم كان واضح عليها الخجل
خلصوا وحصه زقرت ريم عسب يطلعون للصاله الثانيه
ريم بخوف : حصه شو استوا محد كلمني واحس مابتعود عليهم
حصه : ماعليه اصبري لأنه ابوي ينتظر فالصاله عسب يكلمج

/مخرج

فمان الله اشوفكم فالبارت آلياي اتمنى يعجبكم البارت


Sent from my SM-G900FD using 3bir mobile app
 
/مدخل


خلصوا وحصه زقرت ريم عسب يطلعون للصاله الثانيه
ريم بخوف : حصه شو استوا محد كلمني واحس مابتعود عليهم
حصه : ماعليه اصبري لأنه ابوي ينتظر فالصاله عسب يكلمج
 رفع رأسه بحزم : ايلسوا
ريم "واو بدايتها هيك"
يلسو ع الجهة المقابله
ناظر ريم : انا مالي بالمقدمات واللف انا م اعارض ع سكنج هني بس انتي لازم تكوني منا وفينا مب غريبه!
ريم حست هالكلمه نفس الطعنه بلعت ريقها والتفتت ع حصه الي مسكت ايدها جنها تطمنها ب هالحركه
الجد م اهتم ب هالحركه وتابع كلامه : ف لازم تتزوجين واحد من عيالي
ريم انصدمت بقراره ب هالسرعه! 
وناظر حصه : انا واثق بتربية حصه بنتي بعطيج وقت تفكرين بس أتمنى م تطولين لأنه نباج اتمين ويانا وانتي من الأهل وطلع
حصة تحس قرار ابوها كان صارم خاصة لريم الصغيره عمرها 18 بس!
ردو لعند شهد
حصه : ريم دشي الغرفه
ريم راحت بدون م تتكلم
شهد طالعت وييوهم الي م تبشر ب خير وبخوف : شو استوا؟
حصه بهدوء : الله يهديه ابوي
شهد بسرعه : شو فيه يدي محمد
حصه قالتها كل الي صار
شهد : ماعليج انا بهديها وبفهمها أهم شى تيلس عندنا م عندها حد غيرنا
ودخلت الحجره
شهد بحماس : هااايي ونطت ع السرير ولمست خدود ريم شفيها القمر
ريم م ردت عليها بعدها مصدومة من قراره كيف يقرر مستقبلها تحس أنها تبا تطلع من هالبيت
شهد بحنان : حبيبتي يدي م قرر هالقرار إلا وانه خايف عليج
ريم رفعت رأسها وطالعتها يعني كملي
شهد : يعني لو كنتي عندنا اكيد الناس بيتكلمون عنج وبيأذونج بالكلام بس يدي قرر هالشي لأنه يبالج الستر ومحد يستانس يقولج شى
ريم ابتسمت مجامله : اوكي شهد ابا ارقد
شهد حست أنها تبا أتم بروحها ف طلعت
ورقدت ريم لأنها فعلا كانت تعبانه بعد هاليوم الطويل


ع الساعه 9:10

قامت وشافت الساعه وشهقت بصوت عالي وقامت بسرعه عشان تصلي الصلوات الي فاتتها
بعد م صلت نزلت تحت لقت كلهم ع الطاوله يتعشون انحرجت وردت بس انتبه لها
اليد محمد : تعالي
ريم باحراج وبهمس : سلام عليكم ويلست يم حصه بهدوء وهي تقول اسفه
كلهم ردو عليكم السلام وردو يأكلون بهدوء
طبعا ريم م استغربت من هدوئهم المعتاد ع الأكل لأنه اليد صارم بشكل
رفعت رأسها وفتحت عيونها ع وسعها وشهقت بخفيف
حصه انتبهت لها ومسكت ايدها
ريم انتبهت ع نفسها وتحس أن نفسها انسدت وم كلت شى كل تفكيرها ب الي شافته
شافت شهد تقوم وهو يقوم وراحو مع بعض استغربت زياده بس قالت يمكن اخوها
قامت حصه وقامت وياها ريم بسرعه 
حصه ابتسمت : حبيبتي ريم مب لازم تقومين اذا قمت بعدين تعالي ليش يوم شفتي راشد انصدمتي؟
ريم هزت رأسها ب لا وابتسمت مجامله : ماشي شفته وتذكرت شى
حصه سكتت
ريم حست انه حصه م صدقتها 
حصه حبت تغير جوها : شرايج نشوف فلم هندي
ريم بحماس : اوكي بس لاتنسين الأكل
حصه : هي م بنساه هههه ها أهم شى عندج يلا بروح ازقر شهودهه
ريم راحت بسرعه للغرفه
وحصه راحت عند شهد وراشد
لقتهم فالصاله يسولفون وراشد وخالد يتمصخرون ع شهد
شهد بعصبية : بخبر عليكم ريلي
خالد : كومار ؟ خانج للأسف ويا روز هههعع
راشد : خخخ خلاص عاد خلود م يضحك
خالد : خلاص اوكي بس روح للسرسورة بتاعتك هههعع
راشد وشهد ضحكو ع طريقة دلع اسم ساره اللي خلها سرسورة
حصه:  هههههه شهوده ماعليج منهم المهم بنشوف فلم بتين
شهد نطت : هي اكيد
خالد تحمس : من زمان عن الافلام شلوني معاااكووو
راشد : خلنا نشوفه هني احسن
شهد : ويانا ريم م ينفع
خالد : دخييلج اساليها إلا هو فلمم بنشوفه

فالغرفه
ريييمممووهه
ريم بفهاوه : هاا
شهد بضحكه : همبه عادي نشوف الفلم ويا خالد وراشد؟
ريم بهدوء : اوكي خلاص انا بتم هني
شهد سحبتها : عن السخافه بنشوفه كلنا ويا بعض ودام أنج بتمين عندنا لازم تتعودين عليهم شرات اخوانج وراحو
طبعا شافوا فلم رعب ع طلب راشد وخالد لأنهم م رضوا يشوفون هندي
وكان الفلم عن الجن
شهد وريم طول الوقت يالسات يم بعض وكل م تيي لقطة تخوف يغطون وييهم
بس هالمرة يت لقطة خايسه وريم لفت وييهاا ويت عينها ع راشد الي كان يضحك ع حركاتها البريئه وانحرجت
وخلص الفلم الساعه 1:30
الكل راح يرقد
.
.
.


ف الطائرة
شاف الساعة وابتسم بهدوء اشتاق لها



/مخرج


اشوفكم فالبارت الياي فمان الله ❤


Sent from my SM-G900FD using 3bir mobile app
 
سلام
كيفك حبيبتي روايه حلوة
بس عندي ملاحظة
البارت قصير جدا لدرجة مخدش مني 3 دقايق فلازم يكون اطول من هيك
بالنسبة للأفكار فهية مترتبة كثير منيح و مشوقه
أتمنى اشوف بارت جديد في اسرع وقت ممكن و يكون طويل هاد المرة
رووووووووعه

Sent from my GT-I9105P using 3bir mobile app
عليكم السلام .. هلا عسولة منورةة ؛ بخير دامج بخير فديتج ♡ من عيوونيي ي قلبي أتمنى اشوف حضورج وردودج الجميلة <دمتي بود>

Sent from my SM-G900FD using 3bir mobile app
 
بارتين حلوات واحداث جميله
لكن واااااااااااااااايد قصار لو تطولين
عممري بنوتهه .. إن شاء الله دوم يعيبج قلبي وانا م بقصر لعيونج الحلوة ؛ ان شاء الله من عيوني كم عندنا بنوتهه؟ هههه حبيبتي أتمنى اشوف حضورج وردودج الجميلة كجمالج <دمتي بود>

Sent from my SM-G900FD using 3bir mobile app
 
عودة
أعلى