... 34567891011121314

روايه: ابرياء العشق ملطخون بالدماء .للكاتبه/بنت الأياآويد

قصة كاملة - رواية كامله جميلة للكاتبه ارسال إلى Twitter ارسال إلى facebook
  1. انسان
    18-07-2017, 01:56 AM

    رد: روايه: ابرياء العشق ملطخون بالدماء .للكاتبه/بنت الأياآويد

    روايه: ابرياء العشق ملطخون بالدماء .للكاتبه/بنت الأياآويد


    انا متابع بصمت بصراحه انا ما احب الروايات لكن شدتني روايتك واسلوبك حلو في سرد الاحداث
    تمتلكين أنامل لا تقدر بثمن

    بنت الاياويد مبدعه والي الامام

    عندي ملاحظات بقولهم لج كا قارئ
    بدايه الروايه كاتبه 16 وما فوق المفروض 18
    بين البارت والاخر ساعات تتأخرين

    واخر ملاحظه من امتع شي الخلاصات الي تكتبينها والحكم الي تغذين فيها الروايه
    ممتعه جدا جدا ولذيذه

    وتقبلي مروري
  2. zmfwr
    20-07-2017, 10:11 AM

    رد: روايه: ابرياء العشق ملطخون بالدماء .للكاتبه/بنت الأياآويد

    روايه: ابرياء العشق ملطخون بالدماء .للكاتبه/بنت الأياآويد


    ممكن تتابعوا الفيديو https://m.youtube.com/watch?v=OVtTk8ON8_o

    Sent from my Lenovo K33a48 using 3bir mobile app
  3. بنت الأياآويد
    22-07-2017, 12:03 AM

    رد: روايه: ابرياء العشق ملطخون بالدماء .للكاتبه/بنت الأياآويد

    روايه: ابرياء العشق ملطخون بالدماء .للكاتبه/بنت الأياآويد


    المشاركة الأصلية كتبت بواسطة بنت ال مكتوم
    مشكور اخوي فعلت الخاصيه ، اختي بنت الاياويد والله مادري شسالفه زين مني اكتب كومنت اول مره فحياتي اشترك فمنتدى هههههههه
    والله حتى انا شراتج هههههه
    ها حسابي تويتر @a1_k3bi
    عاد ما ادل اذ ممنوع نحطه بس المهم انا اترياج هناك وإذ ما عندج شوفي من عند حد وبعطيج هناك اكاونتاتي
  4. بنت الأياآويد
    22-07-2017, 12:06 AM

    رد: روايه: ابرياء العشق ملطخون بالدماء .للكاتبه/بنت الأياآويد

    روايه: ابرياء العشق ملطخون بالدماء .للكاتبه/بنت الأياآويد


    المشاركة الأصلية كتبت بواسطة انسان
    انا متابع بصمت بصراحه انا ما احب الروايات لكن شدتني روايتك واسلوبك حلو في سرد الاحداث
    تمتلكين أنامل لا تقدر بثمن

    بنت الاياويد مبدعه والي الامام

    عندي ملاحظات بقولهم لج كا قارئ
    بدايه الروايه كاتبه 16 وما فوق المفروض 18
    بين البارت والاخر ساعات تتأخرين

    واخر ملاحظه من امتع شي الخلاصات الي تكتبينها والحكم الي تغذين فيها الروايه
    ممتعه جدا جدا ولذيذه

    وتقبلي مروري
    تسلم اخوي اسعدني ردك
    وللعلم اني مب غلطانه ف +16 لاني م احسها اوفر ع هالعمر وما بالغت فالجرأه اما اذ تشوفها انته جيه فها موضوع ثاني
    اما التأخير فصحيح والله وانا متلومه بعد لكن مب بيدي شي ظروفي اقوى مني مع اني احاول انزل بأسرع وقت اعتذر لك بشكل خاص وتسلم والله
    واشكرك من كل قلبي ع كلماتك المنمقه اللي تسعد الخاطر وان شاء الله اكون عند حسن ظنك
    دمت بود.
    اختك بنت الأياآويد.
  5. بنت الأياآويد
    22-07-2017, 12:11 AM

    رد: روايه: ابرياء العشق ملطخون بالدماء .للكاتبه/بنت الأياآويد

    روايه: ابرياء العشق ملطخون بالدماء .للكاتبه/بنت الأياآويد


    بسم الله الرحمن الرحيم
    روايه/ ابرياء العشق ملطخون بالدماء
    للكاتبه/ بنت الأياآويد
    الجـــ(الثالث عشر)ـــزء
    .....
    " فقيدتـــــــــــي"
    +
    يقال: نحن لا نفقد سوى ما نخشى فقدانه.
    ...
    سلامه تدق باب الحيره لأول مره
    شواخ: دخلوا
    سلامه ترددت يوم شافت حمده عندها
    شواخ: سلامه! في شي؟
    سلامه بلعت ريجها: اااء كنت بسألكن م شفتن حد يحدر غرفتيه
    شواخ: لا
    سلامه ماتت خوف البشاكير يقولن مب هن والحين هذيل م يعرفن
    شواخ يوم شافتها سرحت: هيييييييييييييييييييه صح
    سلامه زفت
    حمده: في حد دق باب الحوي
    شواخ: ريال وقال نعطيج ظرف وانا حطيته ع طاولتج
    سلامه: م تعرفيه منو
    شواخ: لا
    سلامه: فتحن الظرف
    هزن راسهن بلا
    سلامه طلعت من الحيره
    وهي ميــــــــــــــــته خووووف
    حدرت حيرتها وقامت تصيح
    اتصلت ع ربيعتها الوحيده
    ردت ع المكالمه الثانيه
    ربيتها بصوت راقد: الو
    بصياح: أموووووون لحقيني
    آمنه فزت: سلااااامه! شو بلاج
    سلامه: أمون دخيلج ساعديني بروح فيها والله بروح فيها
    آمنه: ويت شوي شوي هدي وفهميني شو صاير
    سلامه تصيح من خاطر
    آمنه: سلوووومه شيص اير بينج وبين رشود <واحد من الشباب اللي تعرفهم
    سلامه: يليت ي امون ي ليت
    آمنه: ليش شووووو مستوي
    سلامه: تخيلي في حد مطرش لي رساله للبيت
    آمنه: شو فيها!
    سلامه: فيها فيها .. تمت تصيح
    آمنه: شووووو!!!!
    سلامه: فيها رساله وصوري
    آمنه:: صورج!
    سلامه: م ادري منو والله م اردي
    آمنه: منو بيكون يعني والرساله شو فيها
    سلامه: اكيد حد من اللي اعرفهم الرساله يقولي فيها مسحي ارقام الشباب اللي بفونج كلهم ولا هالصور بيومين بينشر بالامارات كلها
    آمنه سكتتها الصدمه
    سلامه: انااااا يهددني هالحقير دخيلج خبريني شو اسوي
    آمنه: حاولي تفكري منو بيكون منو عطيتي هالصور
    سلامه: م اذكر وربي م اذكر بس مستحيل رشود م صار لنا شهر م عطيته غير صوره وحده بسسسس اباااا افهم ليش يعني وصلهن البيت
    آمنه: اكيد عسب يخوفج دبل
    سلامة دموعها اربع اربع
    آمنه: جم صوره
    سلامه: ثلاث
    آمنه: الصور عاديات
    سلامه تصيح: لا
    آمنه: ي ربييييه الحين تمسحين الارقام كلها مثل ما قال
    سلامه: وكيف بيدري ان مسحت وربي اني خايفه ي امون شسوي
    آمنه: لو تعرفي أي واحد فيهم تحذفينه ع اساس انج حذفتي الكل
    سلامه: بحذفهم وربي بحذفهم كلهم تعرفي منذر شوب يسوي بي لو هالحقير نشرهن
    آمنه: افففف لا تتشائمين الحين خلاص حذفي وبنتصرف عقب
    سلامه: واذ انتشرن
    آمنه: م ادري ي سلامه شو اقولج بس كمممم حذرتج لا تعطين صورج بس ما تسمعين
    سلامه: يووووه امون ها وقت عتاب
    آمنه: خلاص خلاص هدي انتي الحين وان شاء الله ما بيستوي شي
    سلامه: ي رب
    آمنه: ياله اخليج الحين
    سلامه: باي
    ,...
    دانه وهي متقطعه صياح
    الندم يآكلها اكل, وعت انسانيتها متأخر كثيررررر
    تصيح والافكار تدور براسها
    لما نويت اعدل اللي سويته اختفت
    ليش جيه ي ربي! نحن وين جان عقلنا يوم قسينا هالكثر
    وين بتكوني ي بنت عمري
    عذبناج لحد ما عفتي العيش هويانا
    ها ونحن عيال عمج من لحمج ودمج سوينا فيج جيه
    كيف الناس الغرب اللي م يعرفونج
    ي ربي سترك شبيصير فيها
    وين بتروح بهالليل بروحها
    ي ربيه انا شسويت شسويت
    حرام علينا اللي سويناه وربي حراااااام
    ي رب ترجعها سالمه ي رب تسامحني ي رب
    اتصلت ع ملجأ احزانها الوحيد
    رد ع طول
    سالم: مساء الخير
    دانه مب قادره توقف صياح
    سالم: دانه!!!! تصيحين؟
    دانه تحاول ترمس لكن صياحها مغطي: ســ س ا أاااااااءءء
    سالم: دانه قلبي حبيبتي هدي شوي
    دانه بس تصيح
    سالم: ي حياتي هدي شوي وخبريني شو بلاج
    دانه بالغصب ترمس: سالم انا حقيره؟
    سالم: شو هالرمسه طبعا لاااا
    دانه تصيح: لااااا انا حقيرررره اناااااا حقيررررره
    سالم: دانه حبيبتي هدي شوي شو صاااار
    دانه بوسط صياحها : ندمانه وربي ندمانه م لحقت عليها م لحقت
    سالم سكت يباها تطلع اللي بخاطرها
    دانه: لا تودرني سالم دخيلك انا بحايتك
    سالم: انتي مب بحايه حد
    دانه تصيح
    سالم: هدي دانه دخيلج تعرفيني م احب اجوفج منهاره جيه
    دانه: لا تودرني
    سالم: خلاصصصص وعد م بودرج بس هدي شوي وفهميني السالفه
    دانه تمش دموعها بأسى: اذيناها وايد
    سالم: منو
    دانه: سالم مب مستوعبه شكثر جنا قاسين وياها
    سالم ....
    دانه: اللي سويناه مب قليل والله مب قليل
    سالم يسمع صياحها ويحاول يفهم شي
    دانه: ومرشان كمل عليها انتهت البنت انتهت
    سالم تنهد: بنت عمج!
    دانه: هيه
    سالم: خلاص ي قلبي ما صار شي استسمحي منها وعوضي اللي فات
    دانه تصيح من خاطر
    سالم: دانه خلاااص ما صار شي الايام جدامكم وان شاء الله تعوضونها وترجعون شرات الخوات
    دانه: كيففففف الحين كيفففف فات الفوووت
    سالم: ماشي فات قومي الحين استسمحي منها واذ تطلب الامر بوسي راسها الظلم شين
    دانه: هااااا القهررر راحت م ادري وينها اختفت وربي يعلم بحالها
    سالم: كيف يعني اختفت
    دانه بين دموعها: م ادري م ادري محد يدري
    سالم: مب فالبيت!
    دانه: لااا دورنا عليها بكل مكان محد يدري وينها
    سالم: لا إله إلا الله
    دانه: سالم شسوي والله اني ندمانه
    سالم: قومي حبيبتي وغسلي ويهج وريحي عمرج شوي وادعي ربج وان شاء الله بتلقونها
    دانه هدت: ان شاء الله
    سالم: من تصيري احسن رمسيني
    دانه بقلب طيب: شكرا
    سالم: ولو م سويت شي وجم دانه عندي
    دانه: باي
    سالم: باي
  6. بنت الأياآويد
    22-07-2017, 12:12 AM

    رد: روايه: ابرياء العشق ملطخون بالدماء .للكاتبه/بنت الأياآويد

    روايه: ابرياء العشق ملطخون بالدماء .للكاتبه/بنت الأياآويد


    ...,
    فبيت عم ظبية
    ظبية: عواششششه متوتره حدددي
    عايشه: لا تخافين ظبية مب ها حبيبج
    ظبية: جىه بس
    عايشه تقاطعها: يلااا عاد عن الدلع اتزهبي اكيد بيي يجوفج
    ظبية: وربي خيفانه
    عايشه: وشو اللي يخوف حبيبتي ان شاء الله بيعدي كل شي ع خير
    ظبية: ابي اميه
    عايشه: ظببببيه ذكري ربج مب حزه هالرمسه
    ظبية تولفن الدموع بعيونها: لا إله إلا الله "حضنتها" عوووش حسي فيني وربي محتايتنها م تتصورين شكثر.
    عايشه تحضنها اكثر: حاسه فيج حبيبتي عشتي بدونها سنين انتي قويه ومب بحايتها اذ هي مستغنيه عنج
    ظبيه ابتعدت عنها وقبضت خدها: اللي يجوفج يقول عمرج ثلاثين سنه مب جنج حتى العشرين م وصلتي
    عايشه: ههههههههههه كبيره عقل فديتني
    ظبية: هههههههه بسير اشرب ماي عطشت من الخوف
    عايشه: ههههههههههه اوكيه لا تتشرددي بتجوفينه يعني بتجوفينه
    ظبية: اوكيه هههه
    طلعت وحدرت المطبخ
    وهي تشرب ماي سمعت صوته وفز قلبها انخشت سرعه تحت الطاوله
    مكتوم: وقتك تدق هالحزه انته الحين خلاص بجوفها
    .....
    مكتوم: هيه هيه عارف شسوي لا تحشرني
    .....
    مكتوم بعصبية: افففففف مب وقتك
    ......
    مكتوم: يالله .. انا عندك كلمتي قلت لك مااااا احبهااااا مااا احبهااااا كلهااا شفقه وبس
    .....
    مكتوم: هيه وبتزوجها شفقه ما يخصك
    ....
    يقال عن الشفقة انها لعنة تبادل العواطف من شخص لآخر.
    ..
    مكتوم: باي
    وقف وهو يمسح ع شعره
    انصدمت وهي تسمع رمسته وغطت شفايفها عسب ما يسمع شهقاتها
    نزلت دموعها لا إرادي وهي تسمع خطواته
    غطت ويهها بين ريولها وهي تصصصصصصيح صياح يقطع القلب
    " ليششششش ي ربي جيه
    ليشششش انا شسويت فحياتي
    محد يحبني محححححححححد
    جان آخر امل لي وانتهى
    انااااااااااااا انتهيت انتهيت
    دموعهااا ما رضت توقف وصياحها شرات اليهال من الحسرة
    حدرت عايشه: ظبية ويــ
    شهقت يوم شافتها وركضت لها: ظظظظظظبية
    ظبية صياحها يعلى
    عايشه: لااااا دخيلج مب الحين ظبية شو بلاااج
    ظبية حضنتها وزاد صياحها
    عايشه حاولت تهديها
    لكن ماشي فايدة
    بعد عشر دقايق تقريبا وهن ع حالهن
    العم معصب: انتو هنيه وانا ادوركم
    ماشي غير حس ظبية تصيح من قللللب
    العم انصدم وهو يأشر بلاها!
    عواش حركت شفايفها انها ما تدري
    طلع العم وصرف السالفه
    شلتها الغرفه بالغصب وهي مب قادره تتوازن
    يالله يالله وصلت الحيره
    فرت عمرها ع الشبريه وكملت دموعها
    عايشه قررت تخليها بروحها
    بندت الليت وسكرت الباب
    وطلعت وقلبها متقطع ع حال بنت عمها
    كل ما تعتدل نفسيتها تستوي لها مصيبه ثانيه
    ي ترا هالمره شستوا بعد
    الله يعينج ي ظبية
    ...
    عند مرشان حدر حيرته وعيونه محمره
    وشكله مبهذل فر الغتره ع الارض
    ومشى جدا الشبريه بتثاقل
    انسدح وعيونه ع السطح
    " ليششش ي همايل تسوين فيني جيه
    يوم عشقتج وعشقت ثراج رحتي عني
    امووووت ع الارض اللي تمشين عليها بس لا تسوين فيني جيه
    بهمس: دخيلج
    ونزلت من عينه دمعه مسحها بسرعه
    وجنه يخفي نهياره عن عمره
    يلس وهو يحرك ظهره ع جدام وورا وقابض راسه بايديه
    على صوته: آآآآآآآآآآآآآآآآآآآآآآآه ي هممممممممماااااااااااااايل
    كيف سويتي فيه جيييييه كيففففففف
    ليششششش حبيتج اناااااا مب انتي الجاتله!!!
    كيف احب اللي جتلت اخوي
    نزلت دموعها
    كيفففف ي ربييي
    يالله ليشششش جيه
    ي ربي رجعها لي سالمه
    ي ربي م اعيش بدونهااا
    دق تلفونه وطنش
    رجع دق
    تنرفز نه ورفعه
    رد ع ذياب: جااااااااااااااااان ما رديت بعد
    مرشان بصوت مبحوح: آمر
    ذياب خاف: مرشان بلااااك!!
    مرشان زادت دموعه
    ذياب: مرشان
    مرشان بصوت تعبااااااااان: احبها
    ذياب انصدم
    مرشان فجر اللي داخله: صدددددقت ي ذياااااب انا حبيتها حبيت جاتله اخوووي حبيتهااا وما دريت احبهااااا وربي احبهااااااااا
    ذياب فرحان: وشو اللي مضيجنك
    مرشان: خسرتها!!!
    ذياب: شوووووووووووووووو
    مرشان: اختفت "يصيح" ذياب همايل راحت انا انا "يصيح من قلب" كيف بعيش بدونها كييييف
    ذياب ربيعه مقطع قلبه وبنفس الوقت مصدوم آخر مره صاح فيها مرشان قبل اربع سنين يوم مات سيف حتى ابوه ما صاح ع موته
    ذياب: مرشان استهدي بالله
    مرشان: ذياااااااااب وين بتررررروح يعني ماااا عندها حد ما لها حد هنيه
    ذياب: يمكن عند ابوها
    مرشان: الله يلعن ابوووووووهااااا اقوله بنتك غايبه يقول انا مسافر مب فاضي لكم
    ذياب: حسبي الله ونعم الوكيل, يمكن راحت بيتهم
    مرشان: رحت ودورتها محد
    ذياب: لا إله إلا الله وين بتكون يعني
    مرشان: م ادري ي ذياب راسي عورني من كثر م افكر
    ذياب: استغفر الله
    مرشان: عقلي مب برااااااااسي بتخبل اناااااا بتخبل
    ذياب: هدي شوي انته
    مرشان صخ
    ذياب: مرشان مب معقول البنت تختفي فجأه
    مرشان جبس راسه : شردت
    ذياب: شوووو شردت بشكاره هي
    مرشان: احم المهم برمسك عقب
    ذياب: مرشان
    مرشان: ها
    ذياب: شو سويت فيها
    مرشان: ماشي
    ذياب تأكد انه كله منه وبعصبيه: مرشااااااااااااااان قوووول شو سويت فيها
    مرشان: لا تصارخ قلت لك ما سويت شي
    ذياب: مرشان اعرفك لاااا تجذب شسويت بالبنت
    مرشان: خذت حقي ما سويت شي
    ذياب: حسسسسبي الله ونعم الوكككككيل حسسسبي الله
    بند فويهه.
  7. بنت الأياآويد
    22-07-2017, 12:15 AM

    رد: روايه: ابرياء العشق ملطخون بالدماء .للكاتبه/بنت الأياآويد

    روايه: ابرياء العشق ملطخون بالدماء .للكاتبه/بنت الأياآويد


    ....
    حمده داخله البيت وتغني
    وقفت فالصاله مصدومة وفاجه حلجها
    حامد: ماشي سلام
    منذر فطس ضحك ع شكلها
    حمده حطت ايديها ع حلجها تحاول تسكره
    ام منذر: حمدوووووه بلاج فهيتي باركي له
    حمده مشت دمعتها: انا
    كلهم يضحكوا
    بإبتسامه وهي طايره من الفرح: مبرووك مبروووك والحمدلله ع السلامه
    حامد : الله يبارك فيج
    حمده تطالع اريوله مب مستوعبه: اميه عادي احضنه
    رجعوا يضحكوا ع شكلها
    حامد: حممممدوه شوي شوي عليي لا تطالعين ريولي جيه لا ارجع ع الكرسي
    حمده بصراخ: لاااااااااااا لاااااا خلك جيه واقف حلو
    بعدهم يضحكوا صدمتها تضحك
    حامد وقف ضحك ويلس : هههههههههههههه تعالي تعالي يلسي
    منذر: شرايج فيني اميه قلت لكم بتفهي
    حمده يلست: والله زغغغغغت يوم شفته واقف
    حامد: حمده تعالي تفلي والله قمت اخاف منج
    حمده: بنخم ترا
    منذر يشوتها بالمخده: يععععععععلللللج الغشششش
    نزلت سلامه وويهها معفوس
    ام منذر: ابوي سلامه فيج شي!
    سلامه: همايل ما يعرفونها وين
    كلهم يطالعونها
    ام منذر: كيف يعني
    سلامه: نشو الصبح وما لقوها
    حامد: بلغوا الشرطه
    منذر: شرططططه شو ليش الفضايح بتلقونها الا عند ابوها
    سلامه: ابوها اصلا محد
    ام منذر: يالله سترك
    ...
    بالباجر الصبح
    صرخ بعصبيه: ذيااااااااااااااااب انقلع مب نااااااقصنك انا
    فر التلفون ورجع يحوس بالقسم
    ما رقد عيونه محمره وشكله مب شي
    اندق الباب
    مرشان محترررق : منوووو
    مزنه فتحت الباب: انا
    مرشان بنفسيته خااااايسه: اميه خليني بروحي
    مزنه عيونها حمر وباين اثر الصياح: مرشان انـ
    مرشان: خلاااااااااااااااااااصصصصصص يااااااخي خلاااااصصصص كل واحد فيكم من صوب "صرخ بأعلى صوته" خلوووووووووووني برووووحي
    مزنه طلعت ع طول تعرف ولدها اذ عصب ما يشوف شي جدامه
    لعت ودمووعها ع خدها دانه ما وقفت صياح لين نامت ونشت ع دموعها وولدها الله اعلم بحاله.
    ما عندها غير حل واحد
    دقت عليه وهي متردده الف
    شجعتها الدمعه اللي ع خدها واتصلت
    مزنه: حي الله عمي
    الوليد: مزنه!! شيص اير عندكم
    مزنه انهارت: الحقنا عمي مرشان ودانه بيروحون من ايدي وراها اذ تموا جيه
    الوليد ببرود: شصاير؟
    مزنه تصيح: مرشا ا ن
    الوليد: شو بلاه رمسي ي حرمه
    مزنه : ي الوليد الحق علينا ولدي بيموت اذ تم جيه
    الوليد بهدوء: استغفر الله العظيم بترمسسسي الحين ولا شو
    مزنه: همايل همـ
    الوليد عصب: ي حررررررمه رمسي عدل شوي مرشان شوي همايل شسالفه
    مزنه خبرته السالفه كامله
    ..
    فبيت ابومنذر
    حامد وحمده ومنذر يالسين فالصاله
    قام منذر: رايح عند ربعي اتصلوا فيني اذ صار شي
    حامد: ان شاء الله
    عقب م طلع
    حمده: حامد ها شوب تسوي الحين
    حامد: الاوضاع ما تسمح اني اخطب الحين
    حمده: متأكد انك معزم؟ ترا بقنع اميه من الحين اذ..
    حامد قاطعها: لا لا لا اجلي السالفه
    حمده: اوكيه, ي حرام كنت متحمسه اشوفك معرس
    حامد: هههههه بتشوفيني ان شاء الله لا تستعيلي
    حمده تهندت: يالله يمكن خيره
    حامد: ان شاء الله
    ..
    عند ظبية م ترمس وكله سرحانه
    يتها عايشه فالغرفه: ظبية خطيبج ع الفون "مدت لها الفون"
    ظبية اطالعت التلفون وسكتت
    ثواني وهي تاخذه
    طلعت عايشه
    ظبية: نعم
    مكتوم: انزين سلمي
    ظبية: خلصنا
    مكتوم: ظببببية شو بلاج
    ظبية: انته ما عندك كرامه؟!
    مكتوم....
    ظبية: ياااااااااخي م تفهم قلت لك ما بيك انا اكرهك ويعلك الموت لو صرت ريلي
    مكتوم منصدم بس عصب ع طول: ظببببية انتبهي ع رمستج لا تزودينها
    ظبية: الله يلعنك ويلعن نفاقك انا مب بحايتك ي الاناني, روووووح صدقني بدونك حالي اهون
    مكتوم مب فاهم شي بس خلاااااص عصب: ظبية لزمي حدودج ولا تلعني وبعد
    ظبية قاطعته: والله ما اسامحك اذ صرت ع ذمتك
    مكتوم مصدوم
    ظبية تزاعج: قسسسسسم بالله م اساااامحك
    بندت الفون بويهه
    ارتاحت عقب اللي قالته
    لكنها ما درت ان هذا زاد مكتوم اصرار.
    ..
    انتبهه لنفسك جيدا حين تغضب فقد قال اسطوا:
    الذين هم في ثورة الغصب, يفقدون كل سلطان على انفسهم.
    ..
    هالمره رح تكون البارتات متتابعه ماشي مقتطفات
    واتريا ردودكم.
    ..
    انتهـــــــــــــــي البــــــــــــارت
    نلتقي فالبارت الرابع عشر
    الكاتبه: بنت الأيـــآويد
  8. عاشقةة الفتك
    23-07-2017, 02:06 PM

    رد: روايه: ابرياء العشق ملطخون بالدماء .للكاتبه/بنت الأياآويد

    روايه: ابرياء العشق ملطخون بالدماء .للكاتبه/بنت الأياآويد


    ما شاء الله يجنن البارت .. بس ليش تنزلين البارت قصير وايد؟ احلى يكوون طوويل :(
  9. بنت الأياآويد
    23-07-2017, 09:49 PM

    رد: روايه: ابرياء العشق ملطخون بالدماء .للكاتبه/بنت الأياآويد

    روايه: ابرياء العشق ملطخون بالدماء .للكاتبه/بنت الأياآويد


    المشاركة الأصلية كتبت بواسطة عاشقةة الفتك
    ما شاء الله يجنن البارت .. بس ليش تنزلين البارت قصير وايد؟ احلى يكوون طوويل :(
    تسلمين حبيبتي ع الرد
    بحاول أطول لكن البارتات الطويلة تأخذ وقت وايد وانا بالفتره الاخيره احس اني قصرت بحقكم فأحاول استعيل بدون ما انزل مستوى الرواية
    ان شاء الله بحاول أطول لكثر.
    دمتي طيبه
  10. بنت الأياآويد
    27-07-2017, 10:53 PM

    رد: روايه: ابرياء العشق ملطخون بالدماء .للكاتبه/بنت الأياآويد

    روايه: ابرياء العشق ملطخون بالدماء .للكاتبه/بنت الأياآويد


    يوم اليمعه من فوق الساعه 11 رح انزل بارتين
... 34567891011121314

الكلمات الدلالية لهذا الموضوع