روايه حبك ذبحني/بقلمي

بقايا حنين

Well-known member
نبقى اصدقاء ،لنعاند الجفاء ،حتى تبقى القصائد لون ضحكاتنا ،وتبقى الكلمات عاشقه لحوارنا،ولايكون الصمت محورا لحديثنا،لنبقى اصدقاء مهما حصل حتى لانمارس الخيانه لذكرياتنا مع النسيان ،وتبقى احاسيسنا مشتعله للعيان،لنبقى اصدقاء اوفياء وتبقى قلوبنا عامره بالصفاء

.........الباااارت الاول..........
يمحو الصباح الألم..ويرسم بسمه رغم كل شيء...الكل يبتسم حين يشرق الصباح


.....في مكان ما الساعه(10:30) صباحا.....

ريم بصراخ :بنات وجع قوموا يكفي نوم{وراحت تسحب عنهم اللحاف}عهوده،سارونه،سموره،تأخر الوقت ترى موزه بتهزئنا

عهود:ريم عن اللعانه خلي عنش اللحاف
ساره:والي يعافيش ترانا نمنا متأخرين
سمر بضيق:اوووووف وهذي موزه متى بتتركنا لحالنا
ريم:خلاص بنات يالله خلونا نخرج ترى البنات مجتمعين نسيتوا انه اليوم اجتماع او محاضره موزه خانو
البنات:يالله قمنا
غسلن وجيههن ورتبن الغرفه وخرجن

......في الصاله......
البنات اللي بالبيت{بيت الرعايه}مجتمعين والمديره موزه جالسه تتوعد في ريم وساره وسمر وعهود لانهم تأخروا
اول ماخرجن: البنات:صباح الخير
موزه:لا بدري ليش ماجلستوا فوق ابرك
عهود بهمس:يكون احسن من مقابله خشتش
نغزتها ساره:عهوده اسكتي لاتسمعنا وتسوي لنا سالفه
موزه:قلتوا شيء
ساره:ابد سلامتش
موزه:رح تجلسون والا اجيب لكم السجاد الاحمر تمشوا عليه

البنات اللي بالصاله جلسوا يضحكون وكلهم ياكرههم لريم وعهود وساره وسمر ويحسدونهم على صداقتهم

البنات جلسوا على كنبه فاضيه
وبدت موزه تتكلم نفس الكلام حق كل مره وفجاءه جابت طاري الدوام البنات كلهم جلسوا يسمعون
موزه:بما انه خلصت اجازه عيد الاضحى فما ابي اي وحده من اللي يشتغلون تداوم مره ثانيه احنا مو مقصرين عليكم اجلسوا بالبيت واذا احتجتوا شيء تكلموا غير بنات الثانويه والجامعه عادي يداومون

سمر:نعم نعم اظن اني ماسمعت
عهود:وليش هالقرار جاء الحين وصار لنا فوق السنتين نشتغل ومافي احد حكى شيء
موزه:اسكتي انتي وياها اشوف طلع لكم لسان ليش انتوا تكلمتوا والبقيت ساكتين هذا القرار مارح يتغير واللي يعجبه اهلا وسهلا واللي مايعجبه برع ويالله افطروا واللي تبي تجلس تجلس واللي بترقى غرفتها الله معاها

ريم وساره وباقي البنات جلسوه على الطاوله وعهود وسمر راحوا للدرج بيصعدون وقفهم صوت موزه:خير ان شاء الله وليش مارح تفطرون
سمر:الحمدلله شبعانين كلامش يشبع وزياده
موزه:بقلعتكم

وراحوا غرفتهم

............الشخصيات..........
البنات الاربع عمرهم20 سنه

ريم:بنت مره طيبه وماتحب المشاكل وهاديه ومررره رومانسيه تشتغل في بنك يعني تخدم العملاء
سمر:بنت عنيده وعصبيه هي ماكانت كذا من قبل بس الظروف هي السبب ولكن قلبها ابيض تشتغل دكتوره اطفال
ساره:بنت مرره كيووت وبارده وسايبه الدنيا على الله وتشتغل مع ريم بالبنك
عهود:بنت تحب تكون لها سلطه ورأي وعربجيه بزياده وتشتغل في احد الشركات
موزه:مديره البيت وتحقد كثير على سمر وعهود عشان انهم مايسمعون كلامها بعكس ساره وريم
وباااقي الشخصيات بتعرفونها مع الاحداث

نرررجع لغرفه البنات
سمر:وين نحنا ان شاء الله لو تموت ما اترك وظيفتي
عهود:ايه صح خلاص من تجي سارونه وريومه نقولهم ان نحنا رح نطلع من هالبيت

هذا اول بارت اتمنى اشوف ردودكم عشان اتشجع واكمل
 
البارت الثاني


بعد شوي اطرق باب الغرفه ودخلت ساره وريم

ريم:بنات ليش سويتوا كذا
سمر:ريومه وش تبينا نسوي
قاطعتها عهود:بنات انا وسمر بنطلع من البيت بتجون معانا
ساره:انتي مجنونه ووين بنسكن
سمر:باقي كم مبلغ معانا رح نجمعه ونجلس بشقه ومن يفرجها ربك ونستلم الرواتب نشتري فله صغيره
ريم:انا مستحيل اتخلى عنكم رح اجي وياكم
ساره:وانا كمان
ابتسمت عهود:اخيرا رح نستقل ورح نعيش حياتنا
ريم:بس احنا صاير لنا فوق السنتين عايشيين هنا بعد ما انطردنا من الميتم
ساره بضيق:ايه صح
سمر:خلاص بنات احنا ماشفنا الخير في هالبيت رح نطلع احسن
عهود بعربجيه:يالله ياشباب بنرتب اغراضنا

ضحكوا البنات وبدوا يرتبون وبعد شوي يشوفون ريم جلست تبكي

سمر:ريومتي ايش فيش
ريم:لو ماعملوا فيني اهلي اللي عملوه كان ماوصلت حياتي كذا
......وكل وحده رجعت بها ذاكرتها للماضي...
ريم:امها تزوجت من واحد غصبا عن اهلها ولما تزوجت ام ريم عليه كانت ام زوجها تحرضه عليها الا ان طلقها وكانت حامل فعاشت سنتين بمكان صغير اعطوها اياه اهلها مايبونها تعيش معاهم فبعد سنتين جاء جد ريم ابو امها وعرض على امها الزواج على ابن عمها وبنتها ترميها على اهلها فوافقت وبعد كذا عاشت ريم عند اهلها 4سنين والجده حرضت ابو ريم على بنته لين رماها بدار الايتام بهذاك الوقت كان عمر ريم6سنين وعاشت لين وصل عمرها18سنه خرجوهم من الميتم

ساره:اهلها توفوا في حادث ورفض اعمامها كفالتها بسبب مشاكل بينهم وبين ابوها بهذاك الوقت كان عمرها9سنين لما راحت دار الايتام

سمر:عاشت مع امها احلى عيشه بعد ماتوفى ابوها بالقتل لما كان عمرها 4سنين وبعد3سنين تزوجت امها من واحد بشرط انه تبقي بنتها عندها فوافق واستقرت حياتهم بعد سنه ولدت ام سمر وجابت ولد اسمه سامي بس للاسف لما كانت تولد فيه توفيت وكان زوج ام سمر يعذب سمر ويحاول يغتصبها اكثر من مره لين طفش منها ورماها بدار الايتام لما كان عمرها8سنين وهذا اللي خلاها عصبيه وقاسيه

عهود:اما عهود فما تعرف امها ولا ابوها لانها لقيطه ومن هي صغيره وهي بالميتم لين جاء اليوم اللي اجتمعوا فيه البنات وصاروا احلى من الاخوات

.........نرجع للبنات........
عهود:ريومه من عافنا عفناه ولو كان غالي
ريم:بس هاذول اهلنا مهما يكون
ساره:ايه صح
سمر تبي تغير السالفه:بنات انا كلمت شيوم تشوف لنا شقه نستأجرها لمده فتره
عهود:زين سويتي واتمنى تلاقيها باسرع وقت
بعد شوي يدق جوال سمر..
سمر:هلا قلبي...خلاص تمام....ماقصرتي حياتي.....انا والبنات رح نحاول نجي بعد صلاه الظهر .....ايه الاغراض الحين بنضفها.....الاثاث عادي لاننا مارح نستقربالشقه....مشكوره عمري .....باااي
ريم:شافت لنا شقه
سمر:ايه بس تقول مره متواضعه
ساره:مو مهم يالله نخلص وننزل

بعد ماخلصوا البنات وصلوا الظهر اخذوا اغراضهم وشنطهم وطلعوا
موز:على وين
عهود:رح نترك لش المكان تسرحي وتمرحي فيه
موزه:هههههههههه مو ملاحظين انكم طولتوا بالبيت احسن بتفكونا من شركم
سمر:خلوها تحتررررر يالله بنات{وسوت حركه بيدها معناها باي}بااايو

وطلعوا عهود كانت تعرف تسوق وكانت عندها سيارهbmw اشترتها بالتقسيط ورحوا لين المكان اللي خبرتهم عنه صديقتهم واول ما وصلوا....
سمر وهي تحظن شيماء:مشكوره عمري ماقصرتي
شيماء:ولو هذا واجب
عهود:اشم ريحه اكل
ريم:وانتي ماتفكري الا ببطنش
البنات:ههههههههههه
شيماء:انا سويت لكم الغداء والحين انا بروح ضروري
سمر:اوكي عمري الله معاش نشوفش على خير
وتغدوا البنات وارتاحوا على السرير لانه كانت فاضيه الشقه من الاغراض

شيماء:تشتغل ويا سمر بنفس التخصص دكتوره اطفال وهي بنت حبوبه وطيبه وتحب سمر وصديقاتها تحاول قدر المستطاع تساعدهم وهي عايشه مع امها وابوها واخوانها سوى
..........العصرررر.......
صحوا البنات وصلوا
ريم:بنات انا بخرج اجيب اغراض من البقاله تبون شيء
عهود:جيبي لنا شيبسات وكم حاجه عشان اليوم بنسهر
ساره:ايه نبي نسهر
ريم:اووك باي

وطلعت ريم للبقاله واشترت الاغراض وفجاءه تصقع بشيء قوي ترفع راسها وهنا تكون الصدمه
ريم:س.س.س.سعود
سعود:ريم

ياترى مين بيكون هالسعود؟

انتهى البااارت اشوفكم بالبارت الجاي اتمنى اشوف ردودكم




 
البااارت الثالث

هذي البارتات مكتوبه معاي البقيه بتأخر شوي بسبب الدراسه

ريم:س.س.س.سعود
سعود:ريم. وحشتيني
ريم: انت واحد نذل وحقير ولك عين تقول وحشتيني
سعود:ريم لاتنسين انا كنا بيوم من الايام نحب بعض
ريم:طبعا مانسيت لانها اللعن ذكرى بحياتي
سعود:ريم انتي ماعطيتيني فرصه اشرح لش اللي شفتيه
ريم:قلتها بنفسك انا شفته يعني مستحيل يكون كذب
سعود:ريم سنتين وربي اني تعذبت من دونش
ريم:ليش مالقيت لك كم بنت ثانيه تسهر وياهم
سعود:ريم والله انش ظلمتيني ترى تفكيرش مدري كيف
ريم وهي تبعد عنه:القلب عافك ياسعود
شدها سعود لعنده بقوه لدرجه الاغراض اللي كانوا معها طاحوا فقربها لين عند صدره:تطلعي في عيوني وقوليها
ريم وهي تحاول تبعد عنه:سعود احنا بمكان عام تكفى فكني
سعود وهو يقربهااكثر حتى صار يحس بانفاسها ودقات قلبها:مايهموني الناس انا ادري انش تحبيني بس تكابرين
ريم وخرت عنه:تكفى خلني بروحي
وراحت اخذت الاغراض وعلى طول راحت الشقه طرقت الباب فتحت لها ساره
ريم وهي تبكي رمت الاغراض وراحت الغرفه وصكرت متجاهله ساره تسألها وش فيها لانها كانت بعالم سعود

......سعود.....
بعد ماراحت ريم حط يدينه على راسه وجلس يصرخ ليش تسوين فيني كذا ليش وربي احبش احبش

....ريم.....
ريم في نفسها:الله يسامحك ياسعود انت اللي كنت املي الوحيد في السعاده بعد سمر وعهود وساره وربي احبك وكل يوم ماتفارق خيالي

.......عادت بها ذاكرتها لقبل سنتين.......
يوم خرجت من البنك كانت تبغى كم غرض من المول فراحت المول واشترت اللي تبيه وكانت رح تخرج بس قالت رح تروح تشرب لها شيء بارد عشانها تعبت وراحت ولما دخلت وياريتها مادخلت لقت سعود جالس ويا وحده ثانيه بس مو مبين عليه انه يضحك مبين انه معصب فبقيت واقفه مكانها وماتحركت شوي ينتبه سعود انها موجوده فانصدم وراح بسرعه لعندها وصار بينهم:
سعود وهو يحط يده على خدها:ريم بليز لاتفهميني غلط
ريم وهي تدف يده عن خدها:وش ما افهمك غلط تراني شفتك بعيوني وياريتني ماشفتك {وبدت تبكي}
سعود:تكفين ريم لاتبكين ترى دموعش غاليه{وجلس يمسح دموعها بصبعه}
ريم بصراخ:حرام عليك ليش سويت فيني كذا
سعود:تعالي اجلسي وبفهمش كل شيء
ريم:ما ابي افهم شيء خلاص ابعد عني {وناظرت للبنت نظره سخريه}روح تراها تنتظرك
سعود:ريم تكفين انا ما اقدر اعيش بلياك
ريم:وخر عن طريقي وما ابي اشوفك تتصل ولاشيء تفهم {وبعدت عنه}

ريم:الله يسامحك ياسعود الله يسامحك ليش دمرت سعادتي

.........نرجع للبنات......
سمر وعهود خرجوا بسرعه من المطبخ على صراخ ساره
سمر:سارونه وش فيش
ساره: ريم يوم رجعت من البقاله رمت الاغراض وراحت الغرفه صكرت وهي تبكي
عهود:ليش؟!!!
ساره:مدرري
سمر راحت وطرقت على الباب
ريم وهي تبكي:تكفون خلوني بحالي ما ابي اشوف احد
سمر:ريومه وش فيش افتحي الباب
ريم:سمر خليني بروحي
سمر احترمت رغبتها وراحت

.........سعود......
شاب في27من العمر مغازلجي وراعي بنات وكل يوم ببنت بس من تعرف على ريم وحبها من كل قلبه ترك علاقاته ويا البنات وباقي وحده اسمها عنود كانت كل يوم تتصل حذرها لاتتصل بس قالت له ابغى اطلب منك طلب صغير ابغى اقابلك وبعدها مارح تشوفني سعود وافق وراح والتقوا وكان معصب منها وهددها وكانوا توهم بيخرجون من المول الا بجيه ريم وصار اللي صار

سعود:بدر تكفى تعال تراني محتاجك...ايه بنفس المكان اللي اشوفك فيه...لا تتأخر
صكر الخط وجلس يفكر بريم
اااااااه ياريم ماشاء الله عليش ماتغيرت بالعكس زادش جمال وحلاوه

شوي يجي رفيقه بدر
بدر:سعود وش فيك شغلت بالي
سعود:بدر شفتها شفتها
بدر:منو اللي شفتها؟!!!
سعود:ريم
بدر بدهشه:ريم ماغيرها
سعود:ايه حاولت افهمها بس مارضت عنيده هالبنت ساعدني وش اسوي وربي احبها يابدر احبها
بدر:اووكي طيب حاول تتصل عليها
سعود:حاولت بس للاسف رقمها مغيرته
بدر:مدري والله لو كان بيدي شيء كان سويته الك،طيب حاول تقابلها وتفهمها حرام كذا تتعذبون
سعود:وهذا اللي افكر فيه
بدر:هي باقي تحبك؟
سعود:ما ادري بس يبان في عيونها الحب واللهفه والشوق
بدر:تعال معاي بنروح للشباب نستانس شوي وربك بيفرجها
ورحوا لاخوياهم

......في اليوم التالي.....
صحت ريم ولقت نفسها نايمه بزاويه الغرفه وعليها عبايتها وقامت خذت لها شور وجلست تفكر

سمر:صباااح الخير
ساره وعهود:صباح النور
سمر:فطرتوا
ساره:لسى منتظرينكم الحين بنطلب

شوي يرن جوال عهود:بنات ترى رقم غريب
سمر:ردي شوفي من
عهود:اووك
وفتحت الخط عهود:هلا...ايه نعم عهود...منو معاي....ايييييش؟

انتهى البارت
 
الباااارت الراااابع
بناات هذا بيكون البارت الاخير في حال اشوف ردودكم بكمل


عهود:هلا
.....:اهلين عهود ال...
عهود:ايه نعم عهود منو معاي
.......:انا سعود
عهود:ايييييش؟!!
سعود:اسف على الازعاج
عهود:من فين جايب رقمي
سعود:مايهم من فين جبت رقمش،اقدر اكلم ريم
عهود:وليش تبيها مو انت خنتها
سعود:والله اني ابغى اشرح لها كل شيء وبعدين انا امس شفتها
عهود:اها يعني يوم رجعت من البقاله كنت انت السبب في بكاءها
سعود:طيب ممكن اشوفش عشان اشرح لش كل شيء وانتي قرري
عهود:طيب واذا كلامك بيكون فاضي وفره لنفسك
سعود:خلاص العصر بنلتقي بالكافي اللي جنب محل الاقمشه
عهود:اوووك

سمر وساره مبققين عيونهم
عهود:وش فيكم
سمر:هذا سعود ماغيره
عهود:ايه بس اذا حاول يلف ويدور مارح يلاقي الخير
ساره:خلينا نقوم نشوف ريم
ورحوا ولقوا الغرفه مفتوحه وخرجت ريم وجلسوا فطروا وسوالف وضحك

..........في احد الاماكن.......
.......:حرام عليك وش سويت فيك عشان تضربني
.......:ياحيوانه انتي كلش تفكرين بحبيب القلب اللي مو قادره على فرقاه
........:بابا انت ليش تضرب ماما
........:اقول اذلف غرفتك لاقطع العقال من ظهرك
..........:الله يسامحك حسبي الله ونعم الوكيل فيك

........في بيت سعود.....
ام سعود:يمه سعود ليش امس بطيت مارجعت
سعود وهو يحب راس امه:اسف يمه بس سهرت ويا الشباب مارح تتكرر
ام سعود:ياوليدي انا ماقلت لك لاتسهر بس لاتطول
وفجاءه تخرج سلمى اخت سعود ومركبه السماعات ومشغله اغاني بالايبود وتسلم على اخوها وهي تحب خده:هاي مي برضر
ام سعود:الله يهداش يابنيتي وش هاي الناس تقول السلام عليكم
سعود:يمه بنتش هاذي غاسل يدي منها مستحيل تصير بنت مثل باقي البنات
سلمى وهي تتخصر:وليش شايفني ولد مثلا
ام سعود:اذا بتتهاوشون بخرج وبترك الصاله لكم مالي حشيمه
سعود وهو يناظر اخته بتوعد:افا عليش يمه محشومه
ام سعود:امتى بيبداء الدوام يمه
سعود:يوم الاحد يعني بعد بكره
ام سعود وهي تنادي الشغاله:مالاتي جيبي البخور
وبخرت ولدها وطلع صلاه الجمعه

........سلمى.....
اخت سعود بنت مررره مهتمه بالموضه وبنفسها عمرها18سنه تدرس بصف ثالث ثانوي علمي بس طيبه

.......نرجع للبنات.......
سمر:عهوده تهقين ريم بتعرف عن مقابلتش ويا سعود
عهود:لا ان شاء الله ماتدري بس انا بقولها اني طالعه مشوار وانتي وسوير حاولوا ماتبينون اوووك
سمر:امري لله
ريم:وش فيكم ليكون تحشون فيني
عهود:ايه ههههههه انتي مجنونه
ريم:الله لايحرمني منكم
البنات:ولا منك ياقلبي

.......العصر......
لبست عهود عبايتها اللي كانت مطرزه بالالوان الفاقعه وعليها خيط بالخصر تربطه وومفتوح من تحت ومبين لبسها اللي كانت لابسه بنطال وردي وتي تشيرت ابيض مطرز بوردي ومسويه شعرها ذيله حصان والطرحه شفافه على شعرها وطالعه جنان وحطت كحل وتعطرت وخرجت
لما وصلت لقت سعود جااالس
عهود:سلاام
سعود:وعليكم السلام
عهود:دش في الموضوع وش عندك
سعود:وش تشربين؟
عهود:اي شيء
سعود طلب اثنين عصير موكا
سعود:رح اخبرش بكل شيء وانتي احكمي
وقال لها السالفه
عهود:وش يضمن ان كلامك صح
سعود:بس انا ما اكذب عليش
عهود:اووك بحاول معاها وبقول لها السالفه
سعود:ممكن تعطيني رقمها
عهود:مستحيل
سعود:حطي نفسك بمكاني وش شعورش تكفين اعطيني الرقم
عهود:اوك بس لاتعلمها انه انا اللي عطيتك
وعطته الرقم ورجعت الشقه

........عند الشباب......
سعود:بدر اتصل عليها او لا
بدر:اتصل عليها بتجلس لين بكره ماسك الجوال ياخي توكل على الله
راشد:سعود انت وبدر ايش فيكم ماعجبتكم جلستنا
سعود:افا رشود احد يمل منكم
راشد:يتهيأ لي
احمد:شباب احزروا وش جايب
الشباب:وش جايب
احمد:سجاير وش رايكم ندخن
راشد:انا ما اقدر عندي ضيق بالتنفس واخاف يصير لي شيء
سعود:انا رح اطلع ياشباب وراي مشوار
الشباب:الله معاك
بدر وسالم:حمود عطنا السجاير وشغل لنا اغنيه

طلع سعود من عند ربعه واخذ الجوال واتصل

.........عند البنات.......
عهود:بنات عندي خطه رهيييبه منو وياي
سمر:اذا رهيبه انا معاك
ساره:والله انتوا سوالفكم سوالف انا مدري بالاول رح اسمع وش هي
ريم:وانا مثل سارونه
عهود:اوووك
وطلعت من الكيس اللي جنبها 4ثياب رجالي و4اشمغه
سمر:عهود والله انش رهييييبه
عهود:اعجبش
سمر:اييييييه وربي انش خطيره
ساره:انتوا مجانين تبونا نعيد ايام الميتم
سمر:وربي بتصير ونااااسه
ريييم:انا معااااكم
عهود:خلاص بكره بننفذ الخطه العصر يعني بكره سبت والاحد الدوام خلونا نفللها
ساره:اللي يشوفكم يقول عنكم صغار ترى اعماركم20 وحده دكتوره والثانيه تشتغل باكبر الشركات
سمر:وش فيها رح تجين معانا
ساره:اوووك
وجلسوا تخطيط للمغامره

وفجاءه يرن جوال ريم طالعت الرقم شافت الرقم اللي مستحيل تنساه في حياتها قامت عن البنات وتقول في نفسها ارد او لا ومالقت نفسها الا وهي ضاغطه على استقبال المكالمه

ريم تتظاهر بالبرود:هلا
سعود:ريومتي كيفش؟
ريم:منو وياي
سعود باحباط:معقوله ماعرفتيني
ريم:وش اللي يعرفني فيك
سعود:انا سعود ال.....
ريم:خيررر تبي شيء
سعود:ريوم عاجبش اللي يصير
ريم:ايه وش فيها
سعود:ابي اشوفش
ريم:وليييييش؟!
سعود:عشان افهمش السالفه
ريم:اوووك بس بكره ما اقدر وبعد بكره دوام
سعود:طيب الحين بس شوي
ريم:انت مجنون الناس ليل وش بقول للبنات
سعود:ريوم تصرفي ابي اشوفش
ريم:اووك شوي وبخرج
سعود:انتظرش

لبست عبايتها بسرعه وقالت للبنات انها بترجع والبنات يدرون انها بتروح لسعود
ريم:سي يووو
ساره:لاتتأخرين

وخرجت لقت سعود ينتظرها وراحت معاه لين عند البحر وجلست وجلس جنبها
سعود:ريوم وربي انش ظلمتيني وما كلفتي نفسش تعرفين السبب تعذبت وايد من بعدش
ريم:وليش انا اللي ارتحت عقب فراقك بس قلي وش السبب
حكى لها السالفه وريم حست بكلامه الصدق وطالعت بعيونه وشافت فيهم نفس اللي توقعته
سعود:ريومه وربي اني حبيتش واحبش وبظل بحبش بس تكفين خلينا نرد لبعض انا ما انكر اني كنت راعي بنات وسوالف بس عقب ماعرفتش كرهت باقي البنات
ريم:سعود انا مصدقتك وانا بعد
سعود بابتسامه:وانتي بعد شو
ريم بخجل:مافي شيء
سعود باحباط:اووك يالله برجعش الشقه
وراحوا لين عند السياره ولما كان سعود بيركب نادته ريم
ريم:سعود
سعود:عيوونه
وراحت ريم بسرعه لسعود وحضنته وجلست تبكي على صدره:سعود وربي احبك تكفى لاتتركني ما ابي اخسرك
سعود وهو يمسح على شعرها:ومنو قايل لش اني بتركش
ريم حست باحراااج وبعدت عنه وركبت ولما وصلوا الشقه لما بتخرج ريم
سعود:ريومه قربي ابي اقولش حاجه
ريم قربت:وشو
سعود باسها على خدها وغمز لها
ريم وجهها صار احمر ودرجه حرارتها ارتفعت
سعود:تصبحي على خير حبيبي
ريم:تلاقي الخير
ولما دخلت الشقه لقت البنات نايمات شافت الساعه اوووف تأخرت بس ماعليه وراحت بدلت وانسدحت على السرير وتفكر بسعود وجالسه تسمع اغنيه انت بس حقي انا وتردد معاها

انت بس حقي انا ما لحد اي حق فيك
دام كان حالك يانا فيك مابي اي شريك
انت بس حقي انا ما لحد اي حق فيك
دام كان حالك يانا فيك مابي اي شريك
ياحبيبي انت حقي بشربك ما راح ابقي
ياحبيبي انت حقي بشربك ما راح ابقي
على ذاكي جيتي كلك ياهوى بالي وشوقي
لحظة واحده ما املك واسكن لحالك في عروقي
على ذاكي جيتي كلك ياهوى بالي وشوقي
لحظة واحده ما املك واسكن لحالك في عروقي
منه قدي في غرامك ياللي طوقني اهتمامك
كل نبضة تقول بحبك انت ياحبي وذوقي
ياحبيبي انت حقي بشربك ما راح ابقي
ياحبيبي انت حقي بشربك ما راح ابقي

لييين نااامت

......اليوم التالي.....
ريم:بنااات يالله خلصوا ترى الساعه2:30 نبي نخرج نلف الشوارع
سمر:ونااااسه احس حالي بطير
عهود:السجاير فين
ريم:معاي انا
ساره:يارب ماحدا يكشفنا
سمر:انتي ياخوافه مارح يكشفنا غيرش
عهود:سارونه مو اول مره نسويها
ريم:يالله بسرررعه لاتتركون فيكم شيء يدل على انكم بنات

وخلصوا البنات وطلعوا وعهود كانت تسوق ووقفوا بساحه تفحيط وفحطوا ولما وصلوا مكان يرقصوا فيه شباب
عهود:سموره بترقصين
سمر:ايه يالله خلينا نخرج ريوم وسارونه بتخرجون
ريم وساره:لااااا
ريم:انتوا مجانين
عهود طنشتها :يالله خلينا نفللها
وخرجوا ودخلوا ولقوا مجموعه شباب يرقصون طلعوا وبدوا يرقصون ومنافسه وحماس كانوا البنات يرقصوا افضل من الشباب وفجاءه طاح اللثمه عن عهود وماحد انتبه غير واحد من الشباب وسمر رجعت السياره عشان تعبت شوي وتبي تجيب غرض وترجع
جاء الشاب ووقف خلف عهود وصار لاصق فيها وقال:يالله ارقص بحماس اكثر
عهود بعربجيه :ابعد انت وش تبي فيني
الشاب بخبث:ولاشيء بس معجب
عهود توترت بس ماحبت تبين له:اوووك
واستمر الرقص وبعدين عملوا كل اثنين ويا وبعض وكانت عهود ويا الشاب وجاء خلفها ومسك خصرها وبداء يرقص ولفها على ذراعه وشوي شوي يقرب ويهمس لها:جاي على بالش مو عارف انش بنت ههههههه ماتمر علي انا وانا ولد ابوي واذا حاولتي تهربي ترى بفضحش الحين وماتعرفي الشباب وش رح يسووا فيش
وبقوا يرقصون لين خلصت المنافسه والشباب يصارخون على عهود والشاب اللي معاها لانهم فازوا
واحد من الشباب:فواز لقيت لك ثنائي
فواز وهو ماسك من خصر عهود ومقربها لحده:ايه هههههه وكل يوم بنرقص وغمز لها
عهود خافت:يالله شباب استأذن
الشباب:بدري خلنا نسهر
عهود:مره ثانيه
وخرجت بس فواز كان خلفها واول مافتحت باب السياره فتح الباب الخلفي وجلس جنب ريم وواحد من ربعه فتح الباب الثاني وجلس جنب ساره
فواز:ماشاء الله مو وحده4
تركي:ايييه والله
عهود:خير وش تبي رقص ورقصنا فيه شيء ثاني
فواز:ماتعرفنا
تركي وهو يشعل السجاره:ايه عرفونا
ساره بدت تبكي:حرام عليكم خلونا بحالنا
سمر:اسكتي انتي ماحدا فاضحنا غيرش يام دميعه
سكتوا ريم وساره
عهود:ايش تبون ويالله اخرجوا بسررعه
فواز بضحكه:هههههههه مو بهالسهوله
تركي:تعالوا ويانا
سمر:على وين ان شاء الله
فواز:عادي بتنفذون والا المخفر بنوديكم
عهود:خلاص بودي البنات والكلام معي انا
سمر:مستحيل اتركش بجي وياش
ريم:وانا بعد
وساره:ايه
تررركي:اووووه خلاص اووكي
فواز:يالله حركي قدام وبدون مناقشه
حركت عهود وفجاءه اشر لها على مكان البنات كلهم اعتفست ملامحهم يوم شافو الاسم
سمر:خيرر وش لنا بهالمكان
تركي:اقول عن الهذره ويالله

ياترى وش هالمكان اللي وقفوا جنبه؟؟
ومنو الشخصيات المجهوله؟

.......انتهى البارت......
 








هلا بك بقاايا حنين ...


روايه جميله وقلم وفكر اجمل
واتمنى لك التقدم والتميز في فن كتابة الروايه
بانتظار البارت القادم
وفي تميز مستمر ان شاء الله

اطيب واسما التحايا لسيادتك .



، '




 
ملااااااحظه

اي شخص حاول ينقل الروايه رجاء يكتب اسمي

بقايا حنين

وما احلل اي شخص حاول ينسب الروايه له
 
البااااارت الخااااامس

تركي:اقول عن الهذره ويالله
عهود:انتوا شنو تحسبون انفسكم احنا وش لنا بالاستراحات المختلطه
فواز:انتوا جيتوا بانفسكم لين هنا
سمر:اووك يالله بنخرج{وغمزت لعهود}
اول ماخرجوا فواز وتركي دعست عهوووود بسرررعه وصارت تمشي على سرعه120 فجاءه خففتها وهي تتنفس بقوه
ريم:وربي سويتيها عهوده
عهود:انا عهود ال..... مش اي كلام
ساره:احلى يالثقه

ورجعواا الشقه وارتاحوا

.......عند الشباب.....
فواز:الله يلعنهن من بنات قدروا يهربون
تركي:ياخي بنجيب غيرهن ويالله خلنا ندخل
ودخلوا الاستراحه

.......في مكان اخر......
.......:ماما ليش بابا ضربش؟!
.........:ماعليه ياماما
.........:ماما مو قلتي اني عندي اخت اكبر مني
ام ريم:ايه بس اسكت لايسمعك ابوك ويسوي سالفه
خالد:يعني عشان كذا كان يضربش
ام ريم:ايه
خالد:يمه انا صار عمري14 سنه وما اعرف عن اختي شيء
ام ريم وبدت عيونها تدمع:خلاص خلود يوم ثاني بخبرك

........عند البنااات.....
سمر:بنات بكره دوام
ساره:ايه صح
ريم:سارونه يقولون بيسوون بعد شهرين استطلاع على الاقسام ومن خلالها بيشوفون اللي مايشتغلون تمام وبيفصلونهم
ساره:ايه هنوف هذي تبغى لها احد يفصلها ماتروح الا عشان تقابل الرجال وجالسه تتميلح قدامهم
عهود:حتى احنا يقولون بيغيرون المدير حقت الشركه الله يستر ايش من نوع رح يجيبون،الا اقول سموره باقي الدكتور عادل عندكم بالقسم
سمر بعصبيه:ايه وش تبين فيه؟!!
عهود بدهشه:بسم الله وش فيش بس كذا اسأل
سمر:خلااص اوووك
ساره:ريم وسمر اليوم عندكم تسوون العشاء
سمر:اووووف قبل البارح سويناه
عهود:ههههههه ونحنا البارح سويناه
ريم بتردد:بنات ابغى اخبركم حاجه
البنات:قولي
ريم:اءءء انا وسعود رجعنا سوا
سمر:ههههههه ندري
ريم باستغراب:وكيف عرفتي
سمر:العصفوره حكت لي،مو هذاك اليوم رحتي وياه
ريم:ايه بس احس انه صادق
عهود:حتى انا ،ويالله على المطبخ سويين العشاء عشان نبي ننام بدري

اجى مسج لريم عرفت انه من سعود فتحته:

انا شفت الزهر مايل ظنيته يناديني.....

قطفته يوم ضميته لقيته للاسف ذبلان....

عرفت انك زهر عمري وعرفت انك بستاني....

وغيرك قيظ مايروري سراب يشفي العطشان....
تصبحين على الف خير ياقلبي

ابتسمت ريم وطرشت له:

اسألني عن غلاك وحبك المنسوج فيني...

اسألني ياحياتي دام لك بالقلب ديره....

كل ماشفت القمر حسيت وجهك يحتريني....

وكل ماشفت الزهر شميت ريحك في عبيره...

لو صحاري نجد تسألني عن الحب الحقيقي...

قلت حبك ثم حبك ثم حبك ياحبيبي.....

وانت من اهل الخير

........في اليوم التااالي......
عهود:بناااا يالله دوام
ساره:ريووم فين الشيله اللي اشتريتها
ريم:في الدولاب
سمر:عهوده لا نتأخر يالله
عهود:تراني بقطكم باماكن اعمالكم وانتوا بعدين ارجعوا اخاف اتأخر
البنات:اوووك

وراحت كل وحده لشغلها

.......في البنك عند ريم وساره......
ريم:سارونه اخاف مشعل مانقلوه
ساره:حتى انا متخرعه يارب نقلوه من القسم

شوي احد يمسك كتف ريم...
ريم بصراخ:اااااااااااه
..........:ريوم ايش فيش تخرعتي

......في قسم الاطفال بالمستشفى......
سمر:دكتور عادل اشلونك
عادل:هلا بالدكتوره سمر بخير وانتي
سمر:الحمدلله طيييبه
عادل:دوووم مو يوووم
سمر بخجل:يدوم عزك ،انا رايحه توصي بشيء
عادل:سلامتك
سمر:الله يسلمك
وطلعت من مكتبه

.........عند عهود.....
عهود في نفسها:يارب المدير الجديد يكون افضل من وجهه النحس اللي قبله
شوي ينفتح باب مكتبها
اماني:عهوده وحشتيني وراحت تحضنها
عهود:وانتي بعد ،اشلونش
اماني:بخير بشوفتك،وانتي
عهود:الحمدلله
اماني:شفتي المدير الجديد
عهود:لا ليش انتي شفتيه؟
اماني :ايه يقولون اسمه فيصل وهو وايد حازم
عهود:اها
اماني وهي واقفه:يالله استأذن
عهود:الله معاش
خرجت اماني وشوي ينطرق الباب وينفتح
عهود بصراخ:انتي ماتجوزين عن حركاتش
ولما طالعت جهه الباب انصدمت من اللي شافته

انتهى البارت
 
يعطيك العافية حنو
رواية تجنن
القصة محبوكة منيح
وتسلسل الأحداث رائع
اتمنى تكملي لأخر بارت
وكلنا متابعين معك إن شاء الله
 
البااارت الساااادس

عهود بصراخ:انتي ماتجوزين عن حركاتش
ولما طالعت جهه الباب انصدمت من اللي شافته
عهود في نفسها:من ذا الرجال المملوح ياااااي يهبببببل
........:صباح الخير عهود
عهود:صباح النور
........:ممكن اجلس
عهود:ايه تفضل
........:اعرفش عن نفسي انا مدير الشركه فيصل
عهود:اهلين استاذ فيصل
فيصل:حبيت امر على الموظفين واتعرف عليهم
عهود:تشرفت
فيصل:اللي الشرف،يالله رح اطلع واتركش تشتغلين
عهود:الله معااك
طلع فيصل وترك عهود في دوامه:ياي يهبل وربي يجنن

.......في البنك......
ريم بصراخ:ااااااااااه
........:ريوم ايش فيش تخرعتي
ريم:سعود خرعتني
سعود:اسف
ريم بابتسامه:عادي اشلونك حبي
سعود:بخير بشوفتش
ريم:دووووم مو يوووم،ايش عندك هني
سعود:جيت بكمل كم شغله
ريم:اها
سعود:حبي ايش رايش نطلع اليوم
ريم:اوووك،متى؟
سعود:الساعه8 العشاء
ريم:يالله باي
سعود بخبث:ااااه لو اننا مو بمكان عام كان مدري شبسوي
ريم بخجل:سعوووود،خلاص باي
وراحت لعند ساره

......عند سمر.....
سمر في نفسها:ااااااه وربي من زمان عنه صاير مملوح بزياده مع السكسوكه وشعره اللي مطوله يهببببببل
شوي يدق الباب
هنوف:دكتوره سمر فيه مريض
سمر:اوك دخليه

......وانتهى الدوام والكل رجع الشقه.......
عهود:بنات واشلون الدوام
ساره:بخير انا مثل كل يوم وكل مره
ريم:انا شفت سعود (وحكت لهم اللي صار)
عهود:اوووووه طالع روميو
البنات جلسوا يضحكون
عهود:وانتي ياسموره وشلون دوامش
سمر:بخيررر
استغربوا البنات من رده فعلها بس تجاهلوا
عهود:جابوا لنا مدير جديد اسمه فيصل يهبببببببل
ساره:ليش وش صار
عهود قالت لهم اللي صار وبعدها كل وحده راحت ترتاح

......الساعه8:30......
ريم:عهوده ضبطتي لي الميك اب تمام
عهود:اوووك خلاص خلصت
وشوي يرن جوال ريم
ريم:عهوده سعود يتصل يالله انا طالعه
وطلعت كانت لابسه فستان قصير لعند الركبه كوكتيل وحاطه مكياج ناعم وروج وردي وحذاء كعب وانتوا بكرامه احمر وشنطه حمراء وعبايه نصها مفتوح وطرحه شفافه

وصلت لعندالسياره خرج سعود وفتح لها الباب

سعود:وش هالحلا ياحبي ناويه علي اليوم(وحب ايديها الثنتين)
ريم بخجل ووجها صار احمر:اشلونك حبيبي
سعود:اذا كنت معاش لاتسأليني عن حالي،انا حاجز في المطعم اللي كنا نخرج فيه زمان
ريم:ايه حلو مررره
ووصلوا المطعم وخرجوا
وكان المطعم مره هادي ومشغلين مسيقى مره رومانسيه والاضواء رومانسيه وجلسوا على طاوله لنفرين وطلبوا لهم عشاء وجلسوا سوالف وضحك

.......عند سمر.....
جالسه سرحانه ويقطع حبل افكارها رنين جوالها
سمر:وش هالرقم غريب بقلعته مارح ارد
ويتصل مره ثانيه وثالثه وبعدين وصل لها مسج من نفس الرقم
يقول( اووووووه تكبرنا ياسمرال....... احسن الش ردي لانه مو من صالحش تتجاهلين الاتصال)
وشوي يتصل مره ثانيه
سمر وهي ترتجف:خيرررر منو
.......:السلام لله
سمر:ءءءءانت
.......:هههههههه ايه انا لاتفتكرين مرت سنه ورح انسى اللي سويتيه فيني
سمر:راشد خلني بحالي
راشد:مو راشد اللي ينسى بسرعه
سمر:وش تبي؟
راشد:ابيش انتي ياقلبي
سمر:خلصت
راشد:اسمعي نفذي اللي ابيه والا مارح تشوفين الخير
سمر :وش بتسوي؟
راشد:انتي تعرفين وش بسوي ومره ثانيه اذا اتصل جاوبي لاني اذا كنت فاضي وفيني ملل بتصل مفهوم وصكر الخط

سمر بعد ماصكر تذكرت الصور والاشرطه وبدت دموعها تخرج

انتهى البارت

 
تجنن ماشاء الله رواية متميزة من بنت متميزة كل شي حلو تابعي حبيبتي تحياتي بانتظار البارت الجاي ان شاء الله
 
عودة
أعلى