رحله في عيون الجميلات

الشعر, قصيدة , شعراء, القصايد ارسال إلى Twitter ارسال إلى facebook
  1. فيصل المريسي
    30-03-2007, 03:09 PM

    رحله في عيون الجميلات

    رحله في عيون الجميلات



    سافرت لعيونك برغم المسافات
    ماهمني جرحي ولا اللي اعاني
    عديت بك مره ومره ومرات
    واقسمت في نفسي ولو مامداني
    لا اوصل لا عماقك واجيك انت بالذات
    واستعمرك من خافقك لمكاني
    وانثر احاسيسك بكل اتجاهات
    وارسم حدود السالفه في كياني
    وابني لا احلامي دروب طويلات
    ومابين تحقيق الحلم والاماني
    شكلت مجموعه تحدى المحيطات
    لمواجهة منهو بحبه بلاني
    ايقنت دايم بالامور الصعيبات
    وقررت اوجه من بناره كواني
    مادامها عندي من احلى المهمات
    لا تسئلي يابنت شلي حداني
    يمكن احقق فيك بعض الهوايات
    ولا اتسلى فيك كني اناني
    يعني خذيها يالغلا كيف ماجات
    دامك تجراءتي وقلبك عصاني
    ماهو انا اللي ترفضه بنت بالذات
    بنت الغرام اللي لها جو ثاني
    اسلوبها بسمه ونظره وغمزات
    وثياب تكشف هالضلوع المحاني
    ودايم توزع للحظور ابتسامات
    واحيان تتدلع وتكشخ عشاني
    انا تمناني عيون الجميلات
    ماهو بذنبي دام ربي عطاني
    الجاه والسلطان والعز والذات
    ويكفي لعيني يفتخر بي زماني
    ياكم بحارتنا اشوف المعانات
    وياكم بنات لجل عيني تعاني
    ماتسمع الا تالي الليل اهات
    واصوات تشبه للسفن بالمواني
    ماهي غريبه والمحبه قناعات
    وحده تقول للناس فيصل بغاني
    والثانيه تكذب من شافني مات
    لا والمصيبه ان رقمه عطاني
    والثالثه تتقن بنقل الاشاعات
    تعرف توزعها مثل الاغاني
    مابين ام بي ثري ومابين ويفات
    واذكر انا مره بلوتوث جاني
    صدفه وانا قاعداطالع مبارات
    اهلي السعوديه ونادي عماني
    طالعت في النك نيم بنت الامارات
    وفكرت في نفسي منو اللي غزاني
    طالعت من حولي تعجبت . بسكات
    ماشفت الا من بسهمه رماني
    بنت الدلال . ام العيون الكحيلات
    من شفتها للحين وانا اعاني
    قالت وش اسمك قلت مافي خيارات
    ضيعت اسمي لا ويمكن كياني
    قالت علامك قلت كلي علامات
    قالت وعمرك قلت اكبر اخواني
    قالت تجنن قلت يلعن ابو القات
    لوني مخزن كنت في جو ثاني
    هذي البدايه والعبر في النهايات
    مادام انا مبلي بحب الغواني
  2. @ أمير الظلام @
    30-03-2007, 03:14 PM

    رد : رحله في عيون الجميلات

    رحله في عيون الجميلات


    تسلم يمينك0
    ونا بعد أهديها للجميلات من المنتدى0












    تحياتي
  3. *مزون شمر*
    30-03-2007, 03:23 PM

    رد : رحله في عيون الجميلات

    رحله في عيون الجميلات


    صح السانك

    وسلمت يمينك

    قصيدة قمه بالروووعه


    لك كل تقدير
  4. ][ ريوووف ][
    30-03-2007, 05:28 PM

    رد : رحله في عيون الجميلات

    رحله في عيون الجميلات


    فيصل المريسي

    صح لسانك اخوي

    وتسلم على الكلمات الجميله

    تقبل مروري وتحياتي

    اختك / المميزه
  5. فيصل المريسي
    22-04-2007, 04:35 PM

    رد : رحله في عيون الجميلات

    رحله في عيون الجميلات


    المشاركة الأصلية كتبت بواسطة @ أمير الظلام @
    تسلم يمينك0
    ونا بعد أهديها للجميلات من المنتدى0










    تحياتي


    صح قلبك مليووون ولا هنت يالغالي

    مرورك وسام على صدري


    دمت بخير
  6. نزف خاطرة
    22-04-2007, 07:00 PM

    رد : رحله في عيون الجميلات

    رحله في عيون الجميلات


    سلمت يمناك
    كلمات روعه
    دمت مبدعا ومتالقا
    تقبل مني ارق التحايا