قصيدة طعنة الصاحب - حمد السعيد

طعنه الصاحب
حمد السعيد


ياعلي لا انشدوك شـ قصته مــــنــــطــــوي ؟؟؟؟؟
قل لهم ما بقلبه للسعاده مكان ..

أختلف عقب ما هو كان شخص سوي
وانحرف عقب ما هو بقمة الأتزان ..

ماهم اللي يقولون البقاء لــــلــــقــــوي ؟؟؟؟؟
لو تراهنت معهم كد كسبت الرهان ..

والله أني قوي لاشك ما تستوي
قوة مع خيانة من عطاك الأمان ..

أمس طاح الوفاء من دون صوت ودوي
طيحة ما سمعها ألا الزمن والمكان ..

يوم جتني من اقرب صاحب تلتوي
كل شئ تحطم في عيوني وهان ..

طعنة من خوي في زمن فوضوي
لا كتمها خفوق ولا نطقها لسان ..

قبلها لي خفوق صادق يحتوي
نص كله وفاء والنص الآخر حنان ..

وعقبها كن وسطه ذيب غدر يعوي
منه بيض النوايا استاحشن يافلان ..

بيض الله وجه الموقف الملتوي
يوم بين رفاع ويوم بين طمان ..

ياعلي كن رجلي في قليب تهوي
غشني جالها ما كنت أظنه دفان ..

غلطتي دنيتي ماعشتها فهلوي
كان ما خانة الرمله يدين الحصان ..

ياعلي شفت طعنات الخوي للخوي
مالها بالوصوف ألا طعون الزمان ..

آه وأن جتك طعنه من يدين بدوي
ما بقى للمراجل في زمنا أمان ..


منقوولل
https://youtu.be/7GLlEKFoLGc
 
رد: طعنة الصاحب

قريتها ثلاث مرات وماظبطت معي ، احس كذا في بعض ابياتها ثقل ماهو طبيعي واعتقد ان بها كسور والشعراء ابخص
شكرا على النقل ياوخيتي بس انتي متأكده انها للشاعر حمد السعيد
 
رد: طعنة الصاحب

لا انا مجرد متذوق ياخوك واعتذر عن تأنيثك ماهو عيب بالمرأة لكن حفظ للبيولوجيا من الكركبة:k:
 
لا أعرف ماذا أرد عليك
كلمات جميله ورائعه فيهااا معاني للأصاله
وفن في التعبير
أحتار ماذا ارد عليك
فعلن كلمات جميله ورائعه
صورتهاا بأحلى الصورر والتعابير
أختم كلامي وأنعجابي بكلماتك
بالشكر لك على هذه الكلمات الرائعه
تحياتي
 
عودة
أعلى