(ذكريات الطفولة) موضوع تفاعلي

رد: موضوع تفاعلي (ذكريات الطفولة)

في يوم من الأيام كانت الوالدة الله يحفظها مسافرة
ومثل العادة لما تكون أمي مريضة أو مسافرة يستلم الوالد الله يرحمه إدارة البيت
طبخ وغسيل وترتيب وكل شيء
بذاك اليوم كان يجهزنا للمدرسة أنا وأختي
مسك أختي ومشط شعرها مثل ما تبي وقال لي تعالى
طبعا من الخوف ما عرفت اقول له ابي التسريحة ذي
كنت ابكي واخاف لما أمي تمشط شعري وقلت أبوي أكيد يقطع كل شعري
فكل ما سوى لي تسريحة أقول مو كذا
عصب مني وبالأخير مسك شعري وربطه بنص راسي وقال روحي
أختي صارت تضحك على شكلي وما كان في مجال أقول نزل لي شعري شوي
المهم جات بنت جيراننا عشان نروح المدرسة
ومن طلعنا من البيت وأنا اصرخ وابكي
لحد ما قربنا من المدرسة قالت أميمة بنت جيراننا استني قبل ما ندخل المدرسة أعدل لك شعرك
ونزلت لي شعري وظفرته تحت ودخلنا المدرسة شافتنا معلمة الطابور ودموعي ع خدي
قربت وقالت ايش فيك ليش تبكي أحد ضربك
سكتت شوي وقلت: أميمة ضربتني
عاد المسكينة ما قدرت تسوي شيء وأخذتها المعلمة وهي تقول لأختي تتكلم وتقول أني كذابة
أختي سكتت ولا كأنها تعرفها شحطوها ع الإدارة وأكلت اللي فيه النصيب هناك

مسكينة هالبنت لها معي ومع أخواتي مواقف كثيرة وتاريخ أسود

 
رد: موضوع تفاعلي (ذكريات الطفولة)

موضوعك جميل غلاتي بس يحمل نفس الفكرة مع موضوع ذكريات الطفولة لذلك تم دمجه...
الله يسعدك
 
رد: موضوع تفاعلي (ذكريات الطفولة)

عجبني الموضوع و استمتعت بالقراءة فعلا
بس الحين جا دوري أقول لكم سالفتي

يوم كنت صغيرة و كان عمري تقريبا 7 كنت هادئة و شطورة و كل شي .. لكن طبع شين فيني اني ماكان فيني صبر و دايم ازن و اطحن و ملقوفة
المهم كانوا جايبين ورق عنب معلب .. أنا ما كنت أحبه و لا كنت أكرهه .. لكن هالورق عنب بالذات اللي يجيبونه كان لذييذ و كنا نكمله في يومه
و في يوم من الأيام الجميلة كانت أختي رايحة المطبخ و قامت تحط لها من هالورق العنب .. واجي اتليقف و اسألها و ش تسوين و مع ان سؤالي كان غبي
إلا إنها جاوبت عليه و قالت أنها قاعدة تحط لها و لاخواني منه .. و مرة وحدة صار خاطري فيه و قلت لها اني انا بعد صار خاطري خطيلي و ياكم
قالت لي اوكي انتظري بحط لهم و بعدين بحط لك .. وانا مافيني صبر بالدقيقة أقول لها يلا حطيلي و يلا حطيلي و عورت لها راسها لين ما قامت تحقرني (تتجاهلني)
و عاد اغبى حركة سوتها انها تجاهلتني .. فأنا وقتها حسبت انها خلاص ما بتحطلي و قررت اني آخذ لي (يوووه متخرعة آكل يعني آكل) المهم و دخلت صبعي عشان آخذ لي
وانا غبية جدا لأن المفروض مادخل صبعي لأن الفتحة كات صغيرة فلما دخلت صبعي ماقدرت أطلعة .. و احاول اطلعه يمين يسار مافيه فايده .. ومن شدة ذكائي المبهر
ماقلت لأختي ان صبعي علق .. شفت صبعي ماطلع و سحبته بالقوة و انقص نص صبعي و قام يطلع دم كثييير .. وطبعا قمت ابكي و طيرااان للمستشفى
أذكر انه من زود ما كان الدم اللي ينزل كثير و ما كانوا عارفين شلون يتصرفون أخذوا المنشفة حقة المطبخ و لفوها على صبعي بس ماكانت تنفع لأن الدم كان يتسرب
و أخيرا خيطوا صبعي و اتعلمت درسين الدرس الأول اني ما اتليقف ابدا و الدرس الثاني كيف تفرق يمينك من يسارك :k:
لكن جد إذا يقولون لي روحي يمين أرفع ايدي اليمين عشان اتأكد ان كانت مخيطة أو لا
و بس أتركوا عنكم اللقافة و لا تستعجلون في تصرفاتكم بدون ماتعرفون وش هي العاقبة
 
رد: موضوع تفاعلي (ذكريات الطفولة)

يالله رجعني لورى مرة "مايك:"مايك: أذكر سلمكم الله :k: في أيام طفولتي الجميلة:i:
كنت ألعب بسلام مع الصغار وفجأة وأنا ألعب شفت مقص أختي :k: فسبحان
الله يوم شفته أخرج الكوفيرا التي بداخلي
"صح:
وعلى طول صدقت
مسكت المقص وقصيت شعري:m: ما أدري الصراحة إلى الآن كيف جتني قوة القلب:l:
ونسيت موضوع الوالدة الله يحفظها وأني باكلها تهزيئة منها:k: النكته بالموضع
يوم قصيت وخلصت :h: وأنكشف أمري يوم هاوشتني الوالدة الله يحفظها سبحان جاني تأنيب الضمير غلط
:ابو خشم"
قلبت السالفه على أختي المسكينه وخليتها ساس أساس المشكلة ليش تحط المقص قدامي :i:



موضوع جميل ومميز:c:
يعطيك العافية استمر بإنتظار جديدك
 
رد: موضوع تفاعلي (ذكريات الطفولة)

سلاموو
و اخيرا فضيت و بكتب مواقفي ههههههه
انا خيااليه بشكل كبير
و خيالي له جوانب عديده هههه
المهم انه في يوم كنت انا اشوف فيلم مع بابا و بعدها نمت
و بابا اخذني يعني شالني بايده عشان يوديني لغرفتي
و انا قمت ارفسه و اضاربه ههههه
لاني كنت احلم انه في رجال شرير خطفني<< خياالها بعيد[emoji23][emoji23][emoji23]
المهم قمت ارفس بابا و اضربه بوجهه
و هو ينادي علي انا بابا ابوك وش فيك يا بنت هههه
و لما صحيت الصبح بابا ناداني و كان يضحك مع ماما
و انا تضايقت قلتله بابا ليش[emoji80][emoji23][emoji23]
قال وش فيك صفعتيني امس و تقول بعد عني يالشرير منو هذا عاد[emoji23][emoji23]
قلتله انا متى؟؟
قال اجلسي و افطري يا بابا هههه

و في موقف
ولد عمي كان يعاندني بيوم العيد
و حسيت دعوتي مستجابه ههههه
قبل اربع سنوات تقريبا ههه
الصباح قبل لا يروح يصلي
انا كنت مع عمتي و هي تقول حطي الملح شوي شوي
و انا احط شوي شوي ههههه
و يجي ولد عمي و يضربني على راسي و يطيح الملح كااامل[emoji25][emoji23][emoji23][emoji23]
انا عصبت و لفيت عليه بسرعهه
قلتله يالمجنون
قال طالع عليك هههه
و دخل داخل و ما قدرت ادخل هناك جدي و بيقول من الصبح تتضاربو[emoji23][emoji23]
انا قلت عسى يارب من تدخل تضرب براسك بقوه على الباااب يارب ههههههه
و بعدها رجعو من الصلاهه
و دخلو عشان يسلموو
و هنا دخلو كلهم و ولد عمي تاخر و عمتي سكرت الباب و هو يدخل و ضرب براسه[emoji4][emoji4][emoji23][emoji23][emoji23]
و الكل راح يشوفه هههههه الا انا متت عليه من الضحك
و هو يناظرني بمعنى مردوده يالدبه ههههههه

شكررا عالموضوع الرائع و القميييل هههه
 
رد: موضوع تفاعلي (ذكريات الطفولة)



وعليكم السلام ورحمة الله وبركاته


حال اطفال ايامنا هذي الا من رحم ربي وهم للاسف قلة


المدرسة تتصل الساعة التاسعة صباحا بوالدة الطفلة التي تبلغ من العمر ست سنوات
قالت لها اين بنتك
قالت لها الام موجودة عندكم بالمدرسة
فقالت المدرسة للام واين هي بعد خروجها يوم امس حتى صباح هذا اليوم
قالت الام هي مشغولة والشغالة هي من ترعى بنتها
فقالت المدرسة لم يأتي احد يوم امس لأخذ البنت واضطررت لأصطحابها معي ........

بصرف النظر عن صحة ماذكرته من عدمه فهذا حال اطفال هذا الزمن وبنسب متفاوته
النتيجة جيل محروم من طفولة اساسها الأسرة .........


طرحت فأبدعت بارك الله فيك
 



السلام عليكم



اسعد الله اوقاتكم وياهلا فيكم



قال لي حفيدي انه استغرب من ردة فعل صديقه عندما قابله جده صدفة
سبب استغرابه اختلاف تعاملي معه فعلاقتنا صداقة مبنية على الإحترام المتبادل

ايام طفولتي كانت التربية تعتمد على القوة والصرامة
هذا الأسلوب له فوائد كثيرة ولكن سلبياته اكثر

وجهة نظري رابط الصداقة الموزونة مابين كبار السن والصغار بالأسرة نتائجها ايجابية من جميع الجوانب
والقدوة الحسنة من كبار السن بتصرفاتهم ومعاملتهم تجعل صغار السن يقتدون بهم بصغرهم ويحاولون التميز بكبرهم
الشدة بالمعاملة والجفاف بالعلاقة نتائجها وخيمة على افراد الأسرة وهذا مايساعد على تفكك الأسرة الواحدة وهذا حسب اعتقادي ماتعانية الأسرة بأيامنا هذه
هذا والله اعلم وصلى الله وسلم على قدوتنا وحبيبنا محمد


 
ياريت يرجعي فيي الزمن لايام الطفولة اللي كنت كل همي اني بابا يجبلي حجات وشوكلاتات وهوا راجع من الشغل
موضوع رجعنا كتير بالزمن
مشكورين
 






من ضمن ذكرياتي الطفوليه الجميله اللي ما أحبها :b:.. كنت
في سادس ابتدائي وعاد بهالعمر كانت بداية الحجآب بالنسبه لي
وكان فيه تفتيش بالمدرسة وقت الطوابير .. المهم اني انا من النوع
اللي مالي خلق تهزيء وكذا فكنت البسه بالرغم من قناعتي انه بنية
جسمي مب مستاهله حجاب اصلا ..

المهم فبصف سادس أخذت من العبايات اللي تلمع القديمه مرا ..
أخذت كبيره وماما قصرتها لي وكذا .. وطبعا ممنوع لبس عباة الكتف
منعا باتا .. فأختي التوأم كانت تلبس كتف وأحيانا ماتلبس اصلا
وشافتها رائدة الفصل مره وحسبتها أنا .. ومن بكرا جات تهزئني :b:
وقعدت احلف لها انه مب انا وهي مب مصدقه أبد .. قالت نادي اختك
رحت ناديتها وعلمتها السالفة بالطريق علشان تستعد للاجابه وكذا ..
قالت أوك ..

يوم جات تسأله الاستاذه وراه ماتلبسين عباة واعطته محاضرة قالت
لها شوفي .. حنا معنا عباتين وحده كتف ووحده راس ويوم اختي
تلبس الراس ويوم انا ..
انا من قول اللخمه ناظرتها كذا :g: ودي اقول كذابه بس ماش مايمدي
نتهاوش ..
المهم نزلنا الإدارة وكتبنا تعهد وارسلو خطاب لماما انه الحجاب لازم يكون
كذا وكذا ..
انا رجعت البيت وانا اتحلف أعلم ماما ويوم رجعنا البيت رجعت أصيح
قالت امي كان قلتي كذابه وفشلتيها .. قلت مايصير اهاوش قدام الناس
بس انتي عادي ..
قالت ماما انتي تلبسينها علشان بس ما يهاوشونك صح .. قلت أي
قالت وهي تقول انها تلبسها لأنك ما اعطيتيها .. خليها تلبسها
وانتي البسي الكتف وارتاحي .. واقنعتني بعدين انه بتروح المدرسه
وتقول للإدارة ان العباة أكبر مني ..

راحت ماما واقنعتهم اني البس كتف وأختي راس عقابا لها
على الكذبه :k:
لو احلف لكم أن غطا الوجه أكبر من وجهي أربع مرات ماتصدقون
والله ان شكلي مايستاهل حتى البس مفرش مخده ..
كنت سعنونه مرااااا ..




وبس والله .. يا سمجها ادري :k:







 
هذي القصه امي الله يطول بعمرها قالتها لي

كنا في دبي
كان عمري ما يتراوح بين السنتين و 3 سنوات
فجا بلمحه بصر اختفيت عن امي جلست تسال ابوي شفت بنتك يقول لا كانت عندك
وكل واحد يقول اني كنت عند الثاني المهم امي قالت مستحيل نلقاها راحت بنتي
فجا الا تحس احد يسحب عبايتها تشوف
الا انا ماسكه عباتها واجرها لمحل فساتين ههههههه
طلع انا طول ذاك الوقت كنت عند محل فساتين زفاف
وجالسه اشر لها على فستان زفاف واقول لها ماما ابا فستان عروسه هههههههه
كان طول وانا صغيره بس ابي البس فستان عروسه وغطي راسي بشلحه وادور واقول انا عروسه انا عروسه هههههههه
 
عودة
أعلى