قصيدة سيرة بطل - تركي 2000

ديوان الشاعر تركي الميزاني - تركي 2000
  • ارسال إلى Twitter
  • ارسال إلى facebook
  • ارسال إلى google plus
    1. <اميرة الورد>
      27-03-2007, 10:44 PM

      قصيدة سيرة بطل - تركي 2000

      قصيدة سيرة بطل - تركي 2000


      يافالق الصبح يامولج نهارك بليل
      ياجامع الناس في يوم البعث و النشور

      عليك كل إتكالي وأنت نعم الوكيل
      يا عالم بالمصير و ماتكن الصدور

      يالله يالله تهديني سواء السبيل
      و تعصم لساني عن الزله وعن كل زور

      الشعر موقف وحده مثل حد الصقيل
      لو كان كتله من احساس البشر والشعور

      ياما رقابي ورقيته براس الطويل
      - وياما سبح بي بحور وغصت به في بحور

      وانا ليا حان ميقافي قبست الفتيل
      و اوقدت من نار فكري للمسافات نور

      واليوم لاهنت ياشعري مايخدم بخيل
      مادام سلحتك الافكار مانت معذور

      قدمك من العز مايروي ظما كل جيل
      سوالفه تزرع الامجاد في كل بور

      وقدمك لميع الهنادي والقنا والصقيل
      وقدمك من المجد ماترويه كل العصور

      مسافته عز ماتنقاس كيلو وميل
      بركانها ماخمد وامجادها ماتبور

      ياموكب الشعر وقف واستمع لي قليل
      حتى اني اعطيك للتاريخ رخصة عبور

      سيرة بطل ماتغيبها حكاية رحيل
      تبقى بوجه الزمن كالنحت فوق الصخور

      ماكانت ارض الجزيرة قبل ذاك الاصيل
      إلاتفكك عقيدة وانحدار ودبور

      نهارها كم قتيل وليلها كم قتيل
      جنايز مالهافوق البسيطة قبور

      قويهم سلطته تسلب حقوق الذليل
      وشيطانهم ساد والظلم انتشر والفجور

      وكل لخصمه من اصناف العداوة يكيل
      وصدورهم من جهلهم فالمعاصي تفور

      مال الامن شجرة فيها مقر ومقيل
      ولابينهم للمودة في الجزيرة جسور

      هذا قبل هيت تخطيها عيون الدليل
      وهذاقبل سطوة القرم العزوم الصبور

      النادر اللي على العارض يهيم ويخيل
      - من يوم عمره عشر شوره غلب كل شور

      من قو باسه صنع ممكن من المستحيل
      - ومن طيب راسه يحل معقدات الامور

      زهابه الصدق والاخلاص حمل الصميل
      وسلاحه الدين والتقوى سلاح الغيور

      جمع شتات القبايل لين صارو فصيل
      واخوان عقب التناحر والجفا والشرور

      وحكم بشرع الكتاب اللي ماغيره بديل
      وعم الفرح فالبلاد وساد كل السرور

      لامال ميزان غيره مايحيد ويميل
      في سطوته ينكسر راس الجهل والغرور

      شخصيته مالها في كل جيله مثيل
      تجف الاقلام وبمدحه تضيق السطور

      والله ليبطن ماجابن ناقضات الجديل
      مثله ولاقول في كل النشامى قصور

      ويالله يامستجيب للدعاء ياجليل
      من عبدك اللي لك مطيع وذليل وشكور

      ترسل على قبر ابو تركي صدوق المخيل
      وسم يساقيه من غر السحاب البكور

      وتهل فوقه بسيل مايلاديه سيل
      وترحم عظامه وتغفر زلته ياغفور

      وتجمع به المصطفى في جنتك والخليل
      وتحفظ عياله مواكير الحرار الصقور

      وإنك تجمل وتهديني سواء السبيل
      وتعصم لساني عن الزله وعن كل زور
      250*300 Second
    2. سميا
      16-04-2009, 02:59 PM

      قصيدة سيرة بطل - تركي 2000


      حلووووووووووووووووووووووووووووووووووووووووووووه
    3. أروى
      17-06-2009, 11:13 PM

      قصيدة سيرة بطل - تركي 2000


      يسلموووووووو
    4. المميز
      06-07-2009, 01:52 PM

      قصيدة سيرة بطل - تركي 2000


      صح السانك
      يسلموووووووووووو
      شاعر الوطن
    5. طير القوافي
      15-07-2009, 03:29 AM

      قصيدة سيرة بطل - تركي 2000


      صح لسان الشاعر تركي المطيري
      وشاعر قمه الشعر الله يوفقه ابو مشعل
      ومحبتي له ما تقدر بثمن الله يسعده ويخليه لمشعل
    6. ملكه الحب
      02-08-2009, 02:10 AM

      قصيدة سيرة بطل - تركي 2000


      حلووووووووووووووووووووووووووووووووووووووووووووه
    7. ناي الأمل
      30-10-2009, 02:42 AM

      قصيدة سيرة بطل - تركي 2000


      صح لسانه
      والله حلووه
      يسلمو يالغلا
    8. شيخة قلبه
      01-11-2009, 08:35 PM

      قصيدة سيرة بطل - تركي 2000


      ابيات مره حلوه
      تشكراتي لك
      تقبلي اطلالتي

      ((ذات العيون