مدونااآتي ...♫♥ وإلى بالخاطر ماله نهاااآيه '❥ ﴾




السلام عليكم
مساء الخير عليكم جميعا
كيفكم ان شاء الله بخير

لي كم يوم ما دونت هنا
مدري ايش احس فيه والله
تعرفون كيف شعور الى مليون الف سالفه وفكره براسك
بس تجيك الحاله الى ما تدري كيف
تطلع افكارك كيف تصيغها
كيف تطلعها وتكتب عنها
اوف وضع متعب صراحه
مع ان اوقات الوضع يصير العكس تماما
يصير اي شي بسيط او اي سالفه أصير اتفلسف كثير:k:
معلينا بعيدا عن كل الامر الثانيه وكذا
هذي وحده مرسله لي عباره
وجتني الحاله الى اقولكم عنها وقمت اتفلسف شويه


═════════════════

feb76690d7.jpg



═════════════════

مدري بس الموضوع شوي جاي بخاطري اتفلسف فيه
الى هو الإهتمام والجانب المخالف منه الى هو الإهمال
ترى مو بالضروري نسمع كلمت اهتمام ي عني تخص اهتمام بشخص اخر فقط
لا الإهتمام شي مرتبط بأغلب امور الحياة
فا اي شي ممكن انك تهمله او تهتم فيه
تهتم بي نفسك بصحتك دراستك مستقبلك مهنتك
مسؤولياتك موهبتك والى الأخير
صح ان الأغلبية يشوف اهتمام مقصور عل الاهل الاب الام الاصدقاء
الحبيب الزوجه الأبناء ومن هذا القبيل
هذا الشي مو يمكن انه كذا لا بالعكس هذا الشي واقعي وصحيح ميه بالميه
ولكن هذا برضو ما يمنتع وينفي ان فيه وجود لأمور ثانيه
مختلفه مثل ما اذا اهتمينا فيهم راح نحصد الشي الجيد
واذا اهملنهم وكان الإهمال بشكل كبير وضح
النتائج للاسف غير جيده مثل ما نشوف من مشاكل
اسريه و اجتماعيه احد أسبابها الاساسيه الإهمال
نفسه الاشياء الثانيه الى ذكرتها انها من الممكن تكون لها نفس التأثر
فا اذا اهتمت بي نفسك بموهبتك دراستك راح يثمر ذا الشي
ويصير الشي الجيد مقابل امور سيئه اذا اهملتها اكيد
وهذا الشي ممكن ما ننتبه له بشكل كامل او نتأكد من صحته
الى اذا مرينا بتجربه تصير هي خير دليل عل حقيقه الشي
وعن كذا تجربه شخصيه وامور مريت فيها عرفت فعلا انه هذا الشي
صحيح ميه بالميه من جميع النواحي مو مجرد
إهتمام بشي او فئه معنيه

مثل انا من الاشياء الى مريت فيها اهمالي للكتابه
لو أقارن كتاباتي سابقا بي كتاباتي الحاليه او في مرحله معينه قريبه كانت
اشوف ان كتاباتي تحسنت جدا او لاني أحب الشي
اهتميت فيه وبتحسينه صارت كتاباتي افضل بكثير
ولما تكون موهبه معينه عندك البعض يقول مرح تتأثر لانها عندك موهبه
من زمان ما اكتسبتها من فتره
هذا الشي صحيح ولكن حتى ولو ايش ما كان الشي الى متميز فيه
لابد من ممارسه اهتمام عشان يتحسن الشي للافضل يوم عن يوم
وما يضل عل حال واحد
فا للامانه انا اكتب بشكل دائم ادون اي شي في بالي اي شي يخطر لي
بس في الفتره السابقة الى غبت فيها عن المنتدى
صرت مقله في كتاباتي وكذا شي خلاني التهي عن الكتابه
ما توقفت ابدا ضليت اكتب ولكن مو مثل السابق
عشان كذا واللهي اني لحظت فعلا تدني مستواي لحد بسيط في الكتابه
والحمدلله رجعت اكتب واحاول اكون مهتمه بالتدوين
ومستوى الكتابه حتى لو بيني وبين نفسي بشكل افضل
وترى نصيحه مثل ما تكتب اقراء
اقراء لان هذا الشي له رابط كبير بكونك تكتب
وانا اذا قالت احب اكتب فا انا القراءه مو بس اقراء
انا احب واعشق اني اقراء فعلا
ويبغى لي ارجع اهتم اكثر واقراء بشكل اكبر مثل زمان
من خلال الكتب لانها له طعم غير
بعيدا عن التصفح والقراء عن طريق الانترنت
والأجهزة الإلكترونيه

وبس والله
ادري طولت الحين يقولون هذي الى ما تدري ايش تكتب
وبالاخير كاتبه لنا كل هذا :b:
عاد الله يعين
قبل لا اطلع دائما كونو بخير وافضل حال
موفقين يارب .





 
التعديل الأخير:






شكرا جزيلا
اعلم انني اعتدت عل هذا الشي من الكثير ولكن ليس منك
حين ما التمس الألم في اي روح لا اقوى عل الصمت
حين ما ارى وجع اسعى لكي ابني الفرحه بدلا من تركه جريح
لأني اعرف جيدا شعور الألم والوجع الذي يعيشه
دون مقابل ولا هدف وحتى ليس لي حاجه لكي اعرف عنك الكثير
مجرد انني ايقنت انك شفيت انني كنت دواء لكي تسعد هذا يكفي
ولله كل الحمد
ولكن هناك من اعطي ومن ثم اعطي ومن ثم اعطي
لا اكف ولا يصيبني الملل تجاهه
كا غيرك لا اريد مقابل منك ولكن لست بداخلي كا غيرك
حينما اسعد قلب احدهم كل هذا لأني لا اريد ارى قلبا يتألم
ولكن حينما سعيت لكي أسعد قلبك نعم كالبقيه ولكنك اختلفت كالعاده بداخلي
لم اسعى لي اجعلك مبتسم ومن ثم ارحل
انا حينها اريد ان ارى بسمتك فرحتك انا حينها لم اكتفي فقط بهذا
بل اذا لروحي ان تنتزع لكي اراك سعيد سا أتخلى عنها فقط لاجلك
وما المقابل ....
لا داعي لشي
فا شكرا جزيلا لك








 



صباح الخير
كيفكم جميعا ان شاء الله بخير

مع ان المنتدى ولا اي عضو فيه حاليا غير لكن ايش نقول الله المستعان

cf1f538682.jpg


قالت اسجل دخول عل السريع اصبح عليكم فيه
وبمناسبه هذي الايام الفضيلة
ويوم عرفه خصوصا
الله يكتب لي ولكم الثواب والأجر والمغفره والرحمه
ويتقبل دعواتنا وصيامنا ويرزقنا رضاه والجنه.

واسأل الله العظيم رب العرش العظيم
ان يفرج هم كل من اصابه الألم يوما
وييسر امر كل من ضاقت به الحياه
وان يريح بال كل مهموم وكل من ذاق مرارت الحزن يوما

اللهم آمين يارب
دعاء مني لكم من القلب للقلب
عسى ان تكون ايام فضيله ايام بركه وخير علينا اجمعين

الله ي يسعدكم يارب
تحياتي لكم
موفقين يارب






 
التعديل الأخير:





سلااااام عليكم
كيفكم جميعا ان شاء بخير
مدري والله اقولكم مساء الخير ولا صباح الخير
عل طار صباح الخير
بكره دوام يا حرام << والله انا الى يحسرتي:k:
الله يستر ويعديها عل خير

ادري الوضع سهالات بس عاد مرحله جديده ومختلفه
تمام عن 12 سنه مرت عل نفس السستم تقريبا
صحيح اول اسبوع للجامعات مو ذاك الدوام
مجرد يوم يومين تجهيز الجداول وما الى ذالك
لكن يجون اشخاص فوق توترك يزيدون الطين بله
الله ي عينك والله صعبه بتنكرفين كرف
محاضرات في الجامعه ورجع البيت عل طول عن طرق الاب توب
محاضرات عن بعد وضروري نحضرها
وانتم سنه تحضيريه من اول اسبوع تداومون
وكلها كلام وجت المفاجأة ونزل جدول المحاضرات
وفعلا الله يستر واللهي بكرف كرف
تخيلو تقريبا بعض ايام من ساعه 7 لين 3 في الجامعه اكيد فيه وقت فراغ
لكن الوضع شويه وبعدها ارجع البيت مافيه راحه عل طول أشغل المحاضره الثانيه عن بعد في البيت والزامي نحضرها
ي عني جد اول متحمسه متى تجي جامعه متى أصير بالجامعة
ولما صرت فيها جاني القلق فعلا
لكن الله يستر ويعديها عل خير ويسهلها لنا
تصدقو بالله اكثر شي متخوفه منه
الانجليزي
الى بيستغربون ابد مايحتاج لاني من جد ما عندي ما عند جدتي فيه
والمشكله اغلب ومعضم المواد داخل فيها الإنجليزي وخاصتنا في الجامعه
حتى في التعامل مع الدكاترة
وفي جدولي ناخذه عل مدار الأسبوع عملي ونظري
كثار يقولو سهل بس يبغى ممارسه
وهذا الكلام صحيح ميه بالميه
لان الوضع مو الى ما عندها شي فيه مره لا اقدر اتقنه بوقت بسيط
واشد عل نفسي اكثر
بس المشكله انا مهمله الموضوع ويبغى لي ابطل لعب:b:

مدري بس كاني تحمست وانا اشرح وطولت الهرجه :k:
ي الله معليه
الله يكتب لنا التوفيق جميعا
ولا تنسون رغم كل شي الحمدلله عل كل شي
موفقين يارب"اقدم ورد;






 




السلام عليكم
مساء الخير كيفكم جميعا
ان شاء الله كلكم بخير وافضل حال

مرور سريع عل المدونه
لي فتره ما نزلت فيها
متواجده عل طول ولكن بحكم الدوام وهاكذا
الوقت الى ادخله للمنتدى يكون عل السريع
واذا تواجدت في انشغل الاطلع عل المواضيع والمشاركات والى الاخير

سريع سريع سريع ايش عندي ما عندي
الامور تمام ولله الحمد لحد الان ما ماشي الحال ي عني الحمدلله
الجامعه اخ بس والله الى يسمعني وانا اشكي له يقول هذي لها سنتين ولا ثلاث
وما يدرون انه توي اول سنه وما لي الى اسبوع من يوم ما بدات
وهذا ثاني اسبوع ومع هذا تعب وجهد كبير مره
يعني جد مرحله جهودها مختلف تمام
ومتعب وكل شي جدا حماسي لدخولي الجامعه ما توقعت
ان بيكون الشعور العكس
ما اخفيكم انها مرحله جديده تجربه جديده برضو جميله ومختلفة بس
فيه الجانب المتعب ي عني مهما بذلتي من جهد في مراحل
الابتدائي المتوسط والثانوي
الجامعه هي الى فعلا تخلي الشخص يحصل عل الشي
بتعب وجهد ويبذل كل ما عنده عشان يحقق نجاح
ويحس فعلا انه تعب وحصل حق تعبه

الحمدلله عل كل شيئا وكل حال دائما وابدا

قبل لا اطلع
شوفو ما شاءالله عدد الزوار وعدد الاعضاء

............
ef296ae03d.jpg

............

مو بذاك العدد الكبير جدا ولكن مقارنه بي
الحال الى يمر فيه المنتدى
والركود المؤسف من الكثير اعضاء مميزين ومسؤولين حتى
يخليني اقول صح مؤسف هذا الاهمال والانقطاع حتى من البعض من المسؤولين
ولكن نسبه الزوار فوق 1055فوق الالف هذا شي مره حلو
واحيانا يكون العدد 1700وحتى يوصل ل2000 واكثر
والاعضاء صحيح فقط 7 ولكن نسبين شي جيد وحلو

فا اتمنى ان يستمر هذا التواجد مو لمجرد الدخول وبس لا
لطرح مواضيع جديده للمشاركه والتفاعل وما الى ذلك
وبرضو الاعضاء المتميزين سوء في المنتدى ككل
او هنا في قسم المدونات خاصتنا
اتمنى تفاعلكم
ويرجع التفاعل الحلو للمنتدى


ي الله طولت
كونو بافضل حال دائما وابدا
استمرو للأفضل وللشي الجيد
وكل احد يسعى لتحقيق حلمه
شغفه وكل ما يرغب به في الحياه
لانها حياتك انت فقط وليست حياة اي شخص آخر
وليست الى ملكا لك وحقا عليك
وحدك من سا تحزن من سا تفرح من سا تتألم
من سا تتعب من سا تبذل الجهد لتصل لذاك المراد

ي يسعدكم ربي جميعا
تحياتي لكم
وبالتوفيق يارب






 
التعديل الأخير:



مساء الخير جميعا
كيفكم ان شاء الله تكونون بافضل حال
مرور سريع
للرد عل احد رسال الصراحه
من شخص قام بي توجيهه لكل الاشخاص هنا في المنتدى
للامانه صار لها فتره ولكن انشغلت ولا رديت فا المعذرة
لصاحب او صاحبه الصراحه
او من كان يكون من الإخوان او الاخوات هنا في المنتدى
رغم انني اتوقع اني قد عرفت من المرسل
وان كان من في بالي ......

..
سلام اشتقت كثيرا للتواجد معكم ضروفي في هذه الوقت لاتسمح ساكون متواجدا قريبا كونو بخير اتابعكم دائما

اقولك او لكي
اهلا وسهلا
وعليكم السلام ورحمة الله
صح خطر في بالي احد الاعضاء عندما قرات الصراحه
ولكن هذا لا يمنع ان يكون ظني غير صائب ويكون عضو اخر
وخصوصا ان هناك الكثير من الاعضاء في المنتدى ككل وفي اقسام معينه
افتقدنا وجودهم وغابو بسبب ظروف ونتمى عودتهم قريبا لينير المنتدى
بحضورهم المميز وبصمتهم المختلفه وتواجدهم

فا ونحن ايضا بالمثل اشتقنا لتواجدك وحضورك
وبإذن الله تنقضي هذي الظروف ونسعد بعودتك باقرب وقت
فعلا المنتدى بحاجه لعودت اعضاء مميزين مثلك
وبنتظار عودتك
بالانتظار
بالانتظار
بالانتظار

بالتوفيق لك يارب


وبس والله
هذي رساله من هذا الشخص وجهه لي
ولكل من في المنتدى بشكل عام
فا حبيت ان اوصلها للجميع
كونو بافضل حال
وبالتوفيق لكم جميعا




 
التعديل الأخير:




"صباح الخير "

يقال كل الم وله وقت يزول
وكل جرح سا يطيب يوما
ولكن اثره باقي لن ينمحي
فلا تكن انت سبب في ذاك الاثر الدفين
في قلب احدهم


.......
c610316348.jpg

.......
اضافه :k:
......
c72dd71633.jpg

.......
تواجد جميل وجيد ومواضيع وتفاعل
ملحوظ وممتاز .

ي يعطيكم الف عافيه جميعا
كونو بافضل حال
دمت سالما




 
التعديل الأخير:


السلام عليكم ورحمه الله وبركاته
مساء الخير جميعا
كيفكم ان شاء الله بخير
انا جيت ومدري ليه جايه احس مضيعه أم الدنيا
ايش عندي ما عندي فيه كذا شي ابغى اذكره في هذي المدونه
طبعا كا العاده يا اتأخر عن الشي بزياده او انه يأخذني الحماس
واذكره بدري جدا
المفروض اني أتكلم عن كل موضوع في صفحه لوحده بس
احس فيني كميه تعب وكسل لدرجه قالت ي الله ي خفايئ ادخل
دام باقي فيك شويه طاقه من تعب الدوام وكذا
واكتبي في المدونه

معلينا اول شي
ادري اني متاخره حبتين
بس معليه بمناسبه دخولنا لعام جديد 1440 هه
كل عام وانتم بألف خير
وايضا تصحبه هذي الايام الفضيله اسأل الله
لي ولكم الثبات والتوفيق اجمعين
وعسى الله يكتب لنا كل ما يحبه ويرضاه في هذي السنه
وتتكون كل الأعوام الجايه افراح ومسرات علينا جميعا​


═════════════════


اما الموضوع الثاني الى متقدمة عنه حبتين برضو بس شي عادي
لان ما شاءالله التفاعل والحماس له مالي الدنيا وكل مكان
حتى قبل موعده الأساسي
وهو اليوم الوطن لي بلادي الغاليه
الـمــمــــلــــكــــــه الـعـربــــيــــه الـــســـعــوديـــــه
#وطني K S A
اللهم يارب اني اسألك الخير لبلادي والنصر والمجد لكلمه الحق
وجنودنا البواسل
وادم عليها الامن والامان وابعد عنها اذى كل حاقد وحساد لارضها ومجدها
واجعل رأيه المجد عليه دائما وابدا
كل عام وانت ي موطني بالف خير
‎#اليوم_الوطني_السعودي88

"هدية قلب:"هدية قلب:"هدية قلب:"هدية قلب:"هدية قلب:

.............​
859704891c.png

............​
2369f0fe6f.jpeg

............​
0eabdd7f1b.jpg

............​


═════════════════


وفي الختام اسأل الله ان ينصر كل الامه العربيه والإسلامية
وان يدوم عليها الامن والاستقرار يارب العالمين

كونو بافضل حال دائما
فابما ان هناك رب في السماء
لن يهزم قلبا مؤمن ولن ينتصر عدو لذوذ
تحياتي لكم جميعا
بالتوفيق يارب
دمتم بخير​
:t:


 
التعديل الأخير:




السلام عليكم ورحمه الله
كيفكم جميعا ان شاء بافضل حال
.
.
.

سلام ش الاخبار ليه المدونه مثبته ياليت تشيلي الثبيت عنها وشكرا


اهلا وسهلا
وعليكم السلام
ولله الحمد بافضل حال
صراحه توي الحظ ان فيه مدونين مثبته
ولا لي اي علم بسبب تثبيتها او من ثبتها
ونفس الوقت ما عندي علم ما ان كان
الى طرح السؤال فوق وطلب أزالت التثبيت
هو واحد من اصحاب المدونتين او لا
لكن مثل طلبت وايضا لي التأكيد والاحتياط مره وحده
راح اشيل التثبيت وان كان فيه سبب او شي ثاني
يكون واضح اذا رجع التثبيت مره اخرى

وبس والله
موفقين جميعا يارب
كونو بخير دائما
...........
:t:




 




السلام عليكم ورحمه الله وبركاته
صباااح النور والنوير واوراق الشجر والطير
كيفكم ان شاء الله بخير
وبعد غيبه طويلة عن المدونه
وبعد ما جاني تنبيه من مكان ما
اعرف اني من زمان ما دخلت مدونتي
لكن يوم أطالع لي التاريخ
من جد ذا كله صار لي ما دخلت واللهي مده طويله
والصراحة مدري بس ما فيه شي يحضرني الان
او تعب بشكل وضغوطات تخلي الواحد ماله خلق شي
او مو بذاك المزاج العالي عشان يدخل يكتب او يسولف
من جانب الطرف الى اعطاء التنبه كتاباتي ما زالت اكتب
يعني من حين للثاني لكن صرت ما اكتب هنا كثير
من فتره مو بهينه حتى خلتني ما احصل فرصه اشاركها معاكم
معلينا الامور تمام ولله الحمد
وان شاء الله الجميع يكونون بافضل حال يارب
وموفقين جميعا ^_^":aa:





 
السلام عليكم ورحمة الله وبركاته
كيفكم جميعا أن شاء الله بخير
اممم تسجيل دخول متحمس ومو متحمس بنفس الوقت
ي عني في وضع ال انا فيه يعتبر شي جيد
اوه وش قاعده اقول انا مني داريه والله
بس ماعلينا المعذره عاد عل الغيبه :c:
والله جد بما اننا فيها فيها وفتحت مدونه ابغى احكي لكم عن ذا الشعور ال يجيك يوم تكون متحمس لشي أو مسؤل عن شي
أو مرتبط بشي تحس مهما صار سوء كان برضى من البدايه أو عدمها بكل الأحوال بيجي شعور الاعتياد مع ذا الشي للحد ال يوم تغيب عنه أو تهمله لفتره وتنشغل في أمور كثيييييييييره في الحياه يضل هذا الشي يطري عليك ويجي في بالك انه فيه شي لازم نشوفه تسمعه تكمله تشيك عليه فيه شي يضل هامك مشغلك ويطري لك باستمرار أين كان الوصف الأنسب كله عل حسب الحاله والشي نفسه
كأني تحمست شويه :k:
ماعلينا أهم شي ذا الكلام فيه مني شيئا ما ذي الفتره و ضعي مع النفسيه ال مدري كيف جايه والضغوطات والأشياء الثانيه ال لها مكانه في روتيني وحياتي مثل المنتدى
وايش برضو ايش ايش ايش؟!!!
مافيه ضاع الكلام خلاص :l:
هذا كل شي خطر لي حاليا
وبس والله


خليكم دائما بأفضل حال ودائما خلوكم شي جميل وإيجابي:aa:

وشي اخـر لا تنـسونـي ادعـو لي لاني فعلا محـاجه دعـوه صـادقه... ويـقولون دعـوت الغـريب مـستجـابه صـح انتـم مو اغـرب عـني لأن نحن هنا كلنا اخوان واسـره وحـده بس برضو مع هذا ادعو لي :b::k:
وبس والله

ي سـعدكم ربـي.....
وبالــتـوفـيـق جــميـعا.... "اقدم ورد;



 
التعديل الأخير:
السلام عليكم
كيفك جميعا أن شاء الله طيبين

اولا وقبل كل شي الله ي سعدكم سعاده بلا حدود
ويريح بالكم وي وفقكم يارب شكر من القلب للقلب لكل اخواني هنا وعل الردود والتعليقات ال تعطي راحه نفسيه وتعطي الإنسان تفائل وطاقه بأنه يطلع لو شويه من النفسيه العجيبه ال تجيه فجأه

بخصوص التعليقات كلكم شكررا ي سعدكم ربي ولكم بالمثل يارب بكل دعوه جت منكم.... بس فيه تعلق واحد شويه حسيت انه فعلا صادق وما راح اقول لا ومدري ايش لا بالعكس جبتها من الاخر
مسا الخير خفايىء
قرأت كلامك ثلاث مرات
وما فهمت شي منه ههههههه
المشكلة مش فيي أنا
المشكلة عندك أنتي .. كنتي ناوية تكتبي تفاصيل
بس كأنه حدا ضربك على راسك وطار كل الحكي من جمجمتك

ههههههه حبيت اقول ان كلامك صحيح مو سالفه انه طار ي عني بس جت الحاله ال الف شي براسي والف شي سوء حلو او مو حلو داخلي لدرجه من كثرهم تضيع وتصير ما تعرف ايش ممكن تقول وايش ممكن تكتب... وخاصتنا لما تكون تكتب في الوقت ال تحس ابي اكتب بس بحاول ما اظهر الشي ال اعاني فيه بوضوح وفا يصير هنا تجيب السالفه بشكل وطرق ثانية غريبه ومو مفهومه
تخلي كل الكلام يضيع......

وبس والله
بعد كل ذا الخبيص بالكلام أن شاء الله
أكون وضحت الفكره وما عيدت كالعاده :k:
الله ي يسعدكم ويكتب لكم التوفيق
تحياتي للجميع ^_^'':aa:


 
التعديل الأخير:



السلام عليكم
صباح الخير كيفكم جميعا
دخول صباحي ما ادري ايش يبغى
احس عندي كميت كلام مدري كيف اجيبو فا موالي اليوم طويل فا تحملو
لاني صاراحتنا ما ادري من وين ابدا ولا من وين
ذي الفتره الى راحت ما شاءالله من المرات الى يكون فيها الشعب متفاعل
وتكون النقاشات شايله شيل ورايحه لمدى طويل
وانا نادر ما ادخل بهذ النقاشات او ابدي رايي او وجهت نظري مو لسبب مهم
مجرد اني في اغلبيت الوقت افضل المتابعه بصمت
وان كان فيه شي مهم يستدعي فا اضيف رد بيسط عل جانب معين
لكن احيانا تحس انه فيه شي يجبرك ترد او تبين وجهت نظرك عل اساس
انه تبان بعض الامور وتتوضح وتتفسر بالنسبه لي ولغيري
وانا للامانه مرح اقول اني مركزه ميه بالميه مع كل النقاشات والهروج
ويمكن اني اكون شوي خذتني العجله في ابدا رايي واطلع فاهمه غلط
وكان مغزى و راي الطرف الثاني شي اخر
فا وقتها راح ينعرف ذا الشي
فا ان كان مجرد انه طرح راي ذاك الشخص انفهم غلط فاهذا الشي ممكن وتصير كثير
ولكن ان كان رايه صادر منه بكل وعي فا ما اقول ال الله يخلف علينا لين نفنى من هذي الحياه .

عل قولت الكثير من المدونين هنا انه كل مالهم ينصدمون من بعض الاشخاص
كيف ان امور بسيطه تبين وقتها جوانب صادمه
معلينا... مع علم اني احترم راي الشخص ايش ما كان وابدا ما احب اكون ماخذه الوضع
بتعصب وهجوم وان انت ي الى قالت رايك انك غلط وانك كذاوكذا
فا اكيد لا كل مافي الامر اني راح ابدي راي فيه وراح اراعي الشي ال لازم مو بس انا اراعيه
حتى الى كاتبين ذي الارى انهم يعبرون براحتهم ما قلنا شي هذا راي شخصي
لكن من غير اي تقليل من شان احد او من شان فئه معينه وما الى ذالك لانه الى هذا الحد بالذات
وما احد وقتها لو الحق من هذا الجانب بالتمادي سوا انا او غيري عطي رايك قول ال عندك لكن من غير اسلوب
يكون فيه تصغير من شان اي شي يككون
واقدرر جدا ان كل شخص له رايه الشخصي لهذا انا ما اخذته من جانب التعصب لكن مجرد ابدا رايي
راح ابدا اقتبس بعض الردود


الاول :

على طاري صفحة الصراحة, لاحظتوا الأسلوب الوقح والجبان
وأقصد بالصراحات اللي ما ظهرت للعلن لأنها للأسف تصل للقذف ومستوى دنيء مثل أصحابها ..
فعلا أتسائل مين.. النشيطين في المنتدى مستحيل أشك فيهم.. معقوله يكون أحد منهم! ولا بأصدق
وبرضو مين اللي فوق السطوح ومتابعين بهذا الحرص, وبنفس الوقت ما تجي منهم مشاركة إلا بالسوء..؟
حاجه تحير فعلا​



الله بالخير شهرزاد
كيفك وكيف امورك ان شاءالله تكوني بخير
ادري مقدمه ما ادري ايش تبغى لكني
لاني فعلا احس ما ادري ايش اقووله وايش الرد ال يستاهله هذا الموضوع بالذات
لاننا سبق وعدنا وزدنا فيه
وللاسف الحال من سيئ لاي اسوء
لانه من جد مو شي يحير وبس ال من الاف علامات التعجب عليه
وصلنا لمرحله اننا نشوف مثل كذا ردود ونضحك فعلين
ي عني ايش الفايده من هذا مني عارفه
ايش الواو هذا وايش النفسيه ال عندها روقان وفضاوه انها عل مدار 24 ساعه
ما خير سب وقذف وتخلف وقله عقل وكلام ما يسوئ عل قله سنع صراحه
يعني جد النوعيه ال كذا هم من جد ي عني من الاشخاص ال متفعاعلين دايم
هم الى يطلع منهم ذا الشي اكيد شي ما يتصدق خصتنا ان ال دايم عل العين معروفين
وما العقل يصدق انه يصدر من اي منهم ذا الشي وما الومك يوم تتعجبين وتحتارين
لانه جد سؤالي لكم من وين بالضبط جاين وايش ابو الجو الفاضي والتعبان هذا
الى قاعدين تمشون عليه وتعالو اقنعوني بسبب ومبرر لي المهزله هذي وقله العقل
وما اقول ال ي صبر الارض


الثاني :

بااختصار البنت ابداعها في الابتكار صفر مربع بالنسبه للولد
حتى لو ولدها او اصغر منها بكثير تلقاه اكثر ابداع منها ... انا كذا اشوف واللي مو عاجبه الكلام يقنعنا بخلافه

مع اني متاكد الغالبيه كذا مقتنعين بكلامي ان البنت كلمه توديها وكلمه تجيبها
وياقلب لا تحزن !!

وبس والله سلامتكم !ب​




الله بالخير اخوي *الوسمي*
ي مختم الابداعات انت
ما كانك تحمست بزياده يوم تكتب هذي المدونه
عسى يكون السبب قوي
ليه يومها ايش صار ايش ال سويته بالنيبه عن بنت كانت منكوبه
فا طق فيك عرق الحماس

وبعدين الله يهديك وي هدينا اجمعين
ما كانك خلطت الحابل بالنابل
كانت بدايتها ما شين عل ان البنت ابتكارها صفر عل قولتك ومشينها
بس ال ما فهمته ايش دخل ان البنت كلمه توديها وكلمه تجيبها في أنه ما عندها الابتكار
شوف نكون واقعين ما شاءالله ي كثر الاولاد ال قاعدين نشوف فعلا ابتكاراتهم وابداعتهم
لكن واللهي لو اني بعطي نفسي مجال وبقعد اطلع ابتكار فئه بنات في مجتمعنا لا اخذ ميه صفحه لقدام وما تكفي
ي عني بعيدن عنك انت .... راح اتكلم عن الشعب ككل هو ايش المطلوب بالضبط ي عني
مثل ما يقول المثل حدد موقفك حدد ههههخ :k:
لا ترحمون ولا تخلون رحمت ربي تنزل
من وين جت ذي حسبي الله عليها فشلتنا سود الله وجهه ماخذا مقلب بنفسها تنثبر في البيت احلى لها
مو البنت الى تسوي ذي الشغله البنت حدها كذا وكذا وبس
حاصرينها باشياء تتمشى مع عقلانيتهم وعل مزاجهم وان تميزت البنت واختلفت وكانت مبدعه مثله مثل الف بنت
بس اللهم الفرق انها ما اخفت ابداعها واظهرته بكل قوه قومو الدنيا وما قعدوها وكيف وليه
وان ضلينا عل حالنا وطاوعنا عقولهم ..عاد هنا هات ي الانتقادات و الذم
وبنت ما عندهم هدف في الحياه بنت فاضيات بنات نقصات عقل ودين
والله ما ناقص عقل الى من يطاوعكم في هبالكم ابد ما يحددون وش المطلوب تناقض الله المستعان
بس انوه عل شي اكيد مثل ما اقول دائما الناس مو سواسيه فا معناها ان هذا الكلام بكل تاكيد ما ينطبق عل الجميع
وبس والله
الى بعده ......


الثالث :


ايش المشكل لما اقول راي يخالف رايك
وصلنا لمراحل متقدمة من العلم والتطور
الا ان سالفة النقاش واختلاف الاراء عندنا ماشية في الخط المعاكس تمام
متى يقدر الواحد يتناقش بموضوع ويختلف فيه مع شخص وهم جالسين على صحن عصيدة
بدون ما يشعر ولو للحظه ان اللي قدامه ممكن يصكه بفنجان المرقة
اهم درجة في الامن والامان هي التعبير عن وجهات النظر بدون خوف من زعل او انتقاد جارح او قطيعه
خلك شخص يفيد ويستفيد
يسمع الراي الاخر للاستفادة وليس للرد
لا تحتكر الصواب..
اطرح ما لديك وتأمل فيما لدى الناس!


اخوي نفركويس
واللهي شوف ابدا مافيها اي مشكله بالعكس هذا راي شخصي
وحريه شخصيه بلا اي منازع ولكن ي جمعت الخير هي بالعقل
مو هباله وعباطه قول رايك واحترم راي الغير بس لا تجي لي
ما خذ وضعيت الى انا الصح الى انا اعطي رايي وما بعد رايي راي
لو ايش ما قالو راح اكتسحهم واطلعهم غلطانين طرقنن
لا ي بابا مو كذا فاهم الحياه غلط انت :e:
انصحك افهم نفسك اول اعرف انت ايش تعاني منه
ايش نقاط الضعف عندك ونقاط القوه ايش الى يتمحور فكرك ومعتقداتك عليه
افهم ذاتك وتصالح مع نفسك وا واللهي وقتها بتعرف انك كنت غلطان
من هذا الجانب وان عمره ابدا الراي ما يجي بهذي الطريقه
ما اقول الى الله ي عين عل ذي الشغله
وصدقت في كلامك ما تنلام .....ما ادري متي بتنقرض ذي التصرفات
لكن ما علينا ال الصبر وانا اختك :k:



الرابع :

من خلقنا وحنا نعرف البرود وسعة الصدر لاهل الشمال
والحرارة وضيقة الصدرلاهل الجنوب من غير قصور في الجميع



واللهي شوف عجيب امرك تقول من خلقنا وحنا نعرف البرود وسعه الصدر لاهل الشمال
ي عني والنعم في الجميع وصحيح دايم يقولون خلي صدرك شمالي
لكن الى محيرني اني ما ادري من اي عصر بالضبط مولود انت
لاني ما قد مر عليه ان فيه تكمله بعد وسعه الصدر الشمالي ان اهل الجنوب بروحي عنهم
بان االحراره لهم وان صدورهم ضيقه الله لايجيب الضيقه عل مسلم
فا ما ادري من وين جبت هذا الكلام ومين الى مألف كل ذا ماشاءالله ابد ماسك خط في الابداع
الله المستعان بس



الخامس :

طيب هذا معناه ان الناس انماطهم تختلف .. شخصياتهم ماتتوارث نفس الطبع ..
في كل اصقاع الأرض فيه وساعة صدر .. وفيه كرم مثل كرم حاتم اللي اشتهرت به حايل بسبب شخصيه كانت تحت الأضواء ..
وفيه جمال مثل جمال اهل الجنوب اللي دايما يطلعون ترند وهم مالهم دخل :)
يعني السالفه فيها مجال لكل اهل الأرض .. مافيها حصريات .. حنا اللي نصنف الناس على هوانا .. مع اني اللي اعرفه انه الناس
مصنفين درجات حسب اعراقهم المختلفه وهي مذكورة في القران مع أسباب التصنيف ..
( لتعارفوا إن أكرمكم عند الله أتقاكم ).. ( ليتخذ بعضكم بعضا سخريا ورحمة ربك خير مما يجمعون )


صباح الخير عليك تنهيده
اقدر اقول انك اختصرتي مشوار شرح طويل كنت راح اقوله عشان اوصل لهم الفكرهه
وصحيح كلامك وعين العقل
لكن للاسف وين يقتنعون الى من رحم ربي
ابد ماشين عل رايهم لو ان الخطا راكبهم من ساسهم لين راسهم اهم شي انهم ما يطلعون
نفسهم هم الغلط
وارجع واقول مليون مررره اكيد لما اتكلم عن بعض التصرفات السلبيه من اشخاص
فا انا ما اعنني الكل بل البعض من الاشخاص الى ما شين عل هذا الشي


طبعا نور الفجر أتوقع جايب السالفه على شكل مزوح .. بس الموضوع بشكل عام انا شايفته في كثير شخصيات ومنهم ناس قراب لي
والى الان مازال كل شخص فينا متمسك برأيه أنا من باب إن أكرمكم عند الله أتقاكم .. وهم من باب ورفعنا بعضكم فوق بعض درجات ..
والمشكله لما يكون اللي درجته اعلى رافع خشمه على اللي درجته اقل حسب تصنيفه بلا انجاز يذكر




ايه نقول انه مزح هو مزح اساسا ولا لا
مزح مزح اكيد ما يبغى لها :b:
بس عشان ي عني شي احنا قاصدين فيه اننا نقول شي فلان وعلان يقوله
بس مو حنا فا يستحسن يوم تجي تقول الكلام وضح جانب ان الكلام منقول عل لسان اشخاص ثانين
من فكرهم وعقلانيتهم عشان ما تنفهم غلط او يتفسر وكانك قائل الكلام وجاي منك انت

اما من ناحيت الاشخاص ال رفعين خشمهم عل الطل فا لا تعليق صراحه
لان مرفوع عنهم القلم لو جينا بنناقش الجانب الى هم فيه عز الله ما تخارجنا
فا عادي كل ما عليك عزيزي وعزيزتي المتلقين لمثل هذي النوعيات انكم تسفهونهم
لين ماينكسر خشمهم باذن الله :p:



جوفوا اذا طرت مع جبهتي
اعرفوا اني احبكم وكذا لاتنسوني من دعائكم
انا اختكم اللطيفه طفطف

اللهم اني استودعك نفسي ومدونتي وجبهتي
فاحفظها من الفشله والطيران​



شوفي واللهي ي طيف انك انسانه توسعين الصدر
الواحد يوم يقرا مدونتك غصبن عليه يفطس ضحك
عشان كذا خليت ردك اخر شي عشان نختمها بشي يوسع الصدر ههه:k:
ي شيخه ابد لا يوقفك شي عادي كلنا معرضين للقصف
عل مدار الوقت فلا يهمك شي
ي سعد لي قلبك والله :m:

.
.
.
.
.


وبس والله قبل لا اطلع حابه اقول خلوكم دايم بافضل حال
وكونو دائما بخير
الله ي سعدكم جميعا
ولا تنسون اختكم في الله بدعواتكم داخله
عل اختبرات وهم وكرف اسبوع جاي عليه
ي انه بيوريني نجوم الظهر وبيلعن شكلي فيه
وربي الخوووف الفين الله ي عديها عل خير
ويسهلها عل الجميع ويكتب لنا التووفيق
"اقدم ورد;

ي الله فامان الله

........
:t:




 
التعديل الأخير:
السلام عليكم ورحمة الله وبركاته

3 _ 12 _ 2018 AM
يـوووههه يـوووههه
هذا احنا 3 _ 1 _2020 PM

سنه كامله ما كتبت فيها شي بمدونتي
اي نعم يجيبني الشوق من فتره للثانيه
اني ادخل المنتدى لكن أعجز اكتب اي شي
مجرد ادخل واطلع وحتى ان اضطريت اعلق
عل اي امر اعتبر اني ما علقت في المنتدى نهائيا
وانا ما كتبت اي شي يذكر في مدونتي ما أدري
اذا المنتدى اشياء فيه تغيرت ولا انا يتهيئ لي
عل العموم ما كان ابدا شي بذاك الجمل فتره الاختفى
ومو اختفى فردي جماعي انا عارفه وعارفه أكثر
اني إلي اكتبه حاليا مجرد كلام لا يودي ولا يجيب
ولا فيه حياه في المنتدى زي زمان عشان ينرد عليه
او نلقى ناس نتفاعل معاهم زي اول باختصار حتى
لو ارجع نفس اول وادخل شبه يومين وهذا مو شي
صعب واعطي من وقتي للمنتدى برضو مو شي صعب
ولكن الموضوع ابدا ما يخلي اي شخص يرغب يكتب
او يناقش او يطرح شي لان قبل آخر مدونه قالت لكم كتبتها وبعدها بفتره بسيطه كنت مستمره في المنتدى بشكل كبير وفيه برضو فئه ما تقصر المهم نطلع افكار نعطي اقتراحات اي شي احاول باي طريقه بس ترجع
روح المنتدى لكن للأسف لا حياه لمن تنادي جد يعني
مرح اقول كل عام وانتم بخير راح اقول ان شاء الله
العام الجديد يكون عام خير وبركه وأشياء جميله علينا
جميعا ويارب كل يوم يكون أفضل واجمل وكل سنه بعد سنه تجي علينا تكون سنه احلى وتتحقق فيها كل أمنيه
في قلب كل شخص منا صغيره كانت او كبيره









اذا باقي مكمل تقرأ بس خليك مبسوط ومبتسم
وقول : الحمدلله دائما وأبدا ;love;





 





PHP:
ما أدري
اذا المنتدى اشياء فيه تغيرت ولا انا يتهيئ لي

الظاهر مخي مو ضارب فيه اشياء من جد في المنتدى
وين الإعجاب كانت احلى فقره يوم امر عل المدونات حقت الأعضاء واقرا مدوناتكم واعطيكم الاعجاب ياهووه
ما لقيتم تغيرون إلي الشي الجميل هذا :k:
ي ليت الي مسؤلين عن سستم المنتدى برضو الفيسات
غيرو فيها شويه وضيفو لنا فيسات جديده أكثر تعبيرا
الوضع صار ما يتحمل مجرد تعبير بالكلام لازم فيسات
تشرح مشاعرنا وتهون علينا هم الشرح أكثر :b::k:

عل العموم معلينا صار وتغيرت عوافي وش نقول
لكن لا تنسون حطو فكرتي في عين الاعتبار تمام :c:

وبما ان ما عاد فيه اعجاب عشان نعطي للمدونين تفائل
وحماس للكتابه بشكل أفضل وبما اني برضو الظاهر بدخل بغيبوبة ثانيه ارجع لكم بعدها بـ 2021 فا راح اعطي الجميع تقيم افضل شي والله يعين ي الله تستاهلون هدية New Year "
امزح امزح ترى????:k:

موفقين يارب
فامان الله
:t::حب"




 
b8c3c8c8bf.jpg



bdcc8e3238.jpg



تم التقيم اعتبروها رسالة تهنئه جماعيه كذا عل قد المحبه :c:
عاد سنه خير عل الجميع يارب ويارب كل شي لطيف وكل شي جميل ربي يكتب لنا فيها وفي الأعوام الجايه يارب علينا كلنا سوا الي جاهم والي ما جاهم لان الوضع مو بقيمه كم كلمه لا اهم شي المشاعر توصل وكذا دخول عل السريع عل المدونات ومن صفحه لصفحه حتى وصلت لمدونات من 2018 اخر كتابه لهم نفس وضعي في صفحات بعيده نظام ركود ومخيف :k:


c220075221.jpg


هذي صوره مخليتها اخر شي اول حاجه من يومي لازم ولابد من التكليج في كل كتابه اكتبها او تقيم اكون متحمسه فيه واجيب العيد اعيد الصيغه عشان تنفهم أكثر ومنها اكمل حماسي في المباركه
"الله يجعلها من مواليد السعادة يارب ويرزقك برها انت وامها" سعاده مو ساده.... :) :b:
عادي عادي بس لان اختكم في الله متحمسه
اول شي ارجع مره ثانيه ابارك لاخونا "حمد"
وشي لطيف وربي أكثر شي حمسني وأكثر شي
خبر مميز وجميل صادفته في المدونات والمنتدى
ككل من وقت ما دخلته لين ذلحين مجرد
اختصار الموضع بتنزيله صوره يد النونو واسمها
في كرت العائله احس تعبير من شخص عاجز يوصف
فرحته وإنجاز وفرحه وبهجه وشي فوق اي شعور احس
كذا شعور اي انسان ربي يرزقه بطفل ويكون عائله
الله يطرح لك فيها البركه يارب والله يرزق الجميع
الرضى والسعاده يارب ويعطيك برها يارب
خلاص سارونه النونو الجديده حقت المنتدى رسميا
لحد يناقشني في هذا القرار انا عينتها وانتهى :m::حب"


وبس والله كتبت كثير اليوم كاني عوضت حق السنه وكم شهر إلى اختفيتها....
وبس كلكم يارب الله يسعدكم
ويوفقكم ورزقكم ما تتمنون
ويكتب لكم ايام احلى واجمل
ي الله ي الله من غير مطرود "حلوى:
مــع السـلامه
:حب""اقدم ورد;
 
ولو انها متأخره بس المعذره و....
" رمضان كريم علينا وعليك وينعاد يارب بالخير والمسرات"

الله يسعدكم جميعا دعواتكم لي
:حب"

 



يحتاج المرء ان يعود من نقطه الصفر في بعض الاحيان
ربما ليس لاشتياق عظيم لما كان....
ولكن من اجل ان يعُيد تركيب ما قد يكون في المستقبل
فقط للملاحظه قالت "ربما" وليس شيئا مؤكد .





 

حقيقه مدري ايش الا خلاني بعد هذي المده الطويييله ادخل
يالله عل كل زاويه في هذا المكان
احس عاجزه ابدا بكلام منمق ولا نهايه واضحه
والله ما اقدر اقول غير شي واحد
ياساتر عل الشعور الا قاعده احس فيه
وربي يالطيف من جد .

 
عودة
أعلى