رواية حبه لبسني لبس يني لبس الخواتم فالصبع تم

نشت الصبح والشمس تضرب بعيونها: اففف هالممرضات الغبيات جم مره قلت لهن لا يفتحن الستاره
عركت عيونها وهي تحس براحه اليوم: اصبحنا واصبح الملك لله
انتبهت لشخص اللي نايم وجنه تعبان وهي تتمدد
مايد . عقدت حياتها تلقائي
وقفت وهي تحس انها تبا تجتل هالخلوق اللي جدامها لكنن للاسف لانت ملامحها جدام ملامحه
شعره طولان وصار لآخر الرقبه تحب شعره بشكل هب طبيعي
ابتسمت وهي تشوفه عاقد حياته وهو نايم شفايفه باهته لحيته غليضه ويهه ابيض
تبا تلمسه لكن غرقت عيونها بالدموع
تنفست بهدوء وهي توعد عمرها م رح تصيح ولا تضايج نفسها اكثر
تذكرت المخلوق اللي فبطنها
لمسته بهدوء ونعومه: ي قلبي عليك
يلست ع الشبريه وهي تمرر ايدها ع بطنها: رح تشبهنيه ولا تشبه ابوك انا اقول خذ اسلوب ابوك وعقل خالتك غاليه واذ بنت خذي انوثه رناد الله يرحمها وعفويه ميره وذكاء ساره وهدوء هناد لا لا ابي تصرفاتك كلها شرات خالك هناد لكن لا تكون خقاق شراته ضحك شرات ابوك واذ ولد ابيك شهم شرات ايهم وخذ شعره بعد وخدود واذ بنت خدود آيه وتكونين كيوت شراتها ملامحج ناعمه شرات اميره وشعرج طويل شرات مياسه وخشمج شرات ميثوه طويل وضعيف وشفايفج شرات ميسا توتيات ومازرات وصغار واهم شي عيونج عيونج شرات اممم شرات
مايد بهدوء: شرات امج
غلا م انبهت انه نش وانه سمع رمستها رفعت ويهها متفاجأه
مايد بنفس الهدوء وهو يتامل عيون غلا: عيون وساع وسود هدب اسود جحيل ورموش طوال وغلاظ ، يلمعن شرات امج بالضبط
غلا رمشت بهدوء وهي تطالعه
مايد يلس : اذ تذكري انتي حلفتي انج تعطينيه ساعه عقب م ارجع
غلا عاشه ع شفايفها وصاخه
مايد: هاه؟!
غلا: اوكيه
حدرت الحمام 'وانتم بكرامه' وتوضت وظهرت وحد مايد وقامت تصلي اللي فات
ظهر مايد ويلس ع الشبريه رفع ريوله وسند راسه وهو حاط ايدينه ورا رقبته
خلصت سلمت ودعت ربها وطوت السياده
حطتها مكانها ومشت جداه وهو مبتسم
لز عنها ويلست حذاله بالضضبط ع طرف الشبريه
رفعها وحطاها فثبانه وهي هاديه سندت راسها ع صدره وهو يحرك شعرها
غلا: قول اي شي لكن لا ترمس فذاج الموضوع
مايد: غلا انتي شو ناويه تسوين
غلا: عقب هالساعه رح اخبرك شبسوي الساعه جم هالحين
رفع فونه الساعه سبع ونص
غلا: ثمان ونص بنشوف
حط ايديه ع بطنها وهو يمسح عليه
ظهرها عوره لانها وايد مضعفه لكن م رمس
مايد: احبج
غلا: وغيره
مايد: ودي اتمين ليه بروحي
غلا غمضت عيونها وجمها تلذذ بحضنه
مايد: ودي م تفارجينيه
ابيج تجابلينيه طول العمر
ابي اقبض ايدج وانتي عيوز واقول هاي البنت اللي حبيتها
ع الاقل ابا اشوف بنتنا او ولدنا هذا 'يمسح ع بطنها' يعيش بين امه وابوه
ابيه له احلى حياه م ابيه يحس باي نقص
غلا: اذ بنت شو بتسماها
مايد: رناد
غلا: ع المرحومه؟!
مايد: ان شاء الله
غلا: واذ ولد
مايد: عليج
غلا حطت حطت ايديها ع ايديه اللي ع بطنها: كمل
مايد: شو تبينيه اقول اكثر
غلا: كل اللي فخاطرك
مايد: ماشي فخاطري غيرج ودي بكمله سماح منج
غلا وفعت ضهرها عن بطنه ويلست زين وجابلته مسحت ع لحيته: م قدرت اكرهك
مايد ابتسم
غلا: لا تبتسم تعذبنيه ترا
ضحك بخفيف
غلا بوزمت: شعنه تضحك
مايد : ههههه لاني ادريبج من نحن وصغار تعيبج صحكتيه
غلا تجتفت: اهاااا يعني ناوي تغريني
رفع حايب واحد: اجرب
غلا بامر: بوسني
مايد: م طلبتي
وحصلت اللي تباه تبا تعيش كل لحضه وهي بين ايديه ودها تحس انه ملكها انه ويا مايد مها جان
مايد بعد شفايفه عن شفايفها واخيرا: احبج
غلا وايدها ع رقبته رجعته لشفايفها مره ثانيه
عقب مده : تبانيه احبك؟!
مايد وهو يتامل عيونها: اسوي كل شي عسب هالكلمه
غلا تذكرت اللي سواه بسبه هالكلمه ع قولته لكن مسحت هالافكار من راسها بسرعه لان م ودها تخرب شي: غنا
مايد : اول قوليها وريحي فوادي
غلا : احبككك والله احــبـــك
مايد اخيرا تحقق حلم حياته وقف وقا يدور فيها: ي ناااااس اموووت فيهااا والله
غلا وشعرها مغطي ويهها وهي فالهواء: هههههههههههه بسس هههههه
مايد: آهه شقايل احبج ي بنت عمي والله احححححححبج
غلا: هههههههه مايد نزلني
نزلها: شو نسيت البيبي
مايد : اووووه
نزل لمستوى بطنها: آسسسسف ابويه نسيناك
غلا ضربت راسه بخفيف: انتبه مره ثانيه
مايد قبل م يطبع شفايفه بشفايفها: حااااضر
بعدت شفايفها بهدوء : ياله غنا
مايد: من عيوني
يلس ع الغنفه ويلست فحضنه
مايد بصوته الرايق واللي فيه بحه مميزه.
.
الهموم في يوم ازحمني. هم على هم على هم
ماحد يدري ايش صايبني غربال مع تفكير مع هم
وعيني ما تبغي شاقتني ابكي ودمعي يذرف بدم
كل السبب اللي معذبني ياللي بوداده صرت ملزم
ما خذني بروف وتأني واشربت كاس الراح علقم
حبه لبسني لبس جني لبس الخواتم في الصبع تم
ليته بوصله لي يهني ويجلي هموم فيه ملزم
حتى في نومي مشاركني والرب اللي يدري ويعلم
غدر الليالي يزيد حزني ويجدد جروح بتقدم
يوم رحل البعيد عني و انسى محب فيه مهتم
وين العهد اللي معاهدني ما هو حفظ عهده ولا تم
وشهو السبب اللي صار مني ما دست زلات بها أعلم
ما أقوى على الهجران لأني حالي من الفرقة تحطم
يا قايد وسيد التمني قصر لك بقلبي تهدم
يوم هواك افتر عني للرب أنا أمري مسلم
واحذر عيونك يبكيني ما يفيد للماضي اتندم
بتحمل هموم بلني هم على هم على هم
 
..
بعد فتره طووووويله من الأحدآث
على الشاطيء
ع السمه متيميعين الحريم وريايلهم
ام مايد: ي زين هالطلعه والله
ام هناد: شوفي شقايل مستانسين
غريبه: حالن مديم ان شاء الله
سيف: قومي نتمشى
غريبه : وفطامي
ام عبدالله: خليها عندنا
وراحوا يتمشون
..
بيانب ثاني من نفس المكان
اول قصه حب عرفناها فالروايه
يتمشون وبنتهم بينهم
ناصر: حمااااادي سير عند يدك
احمد: ابا امشي وياكم
ميسا: خله ويانا
ناصر نزل لمستوى احمد: ياله حبيب بابا سير هناك عند يدك وقوله يشلك الدكان تاخذ حلاوه
وكض احمد عند ابو ناصر بدون تفاهم
ميسا: هههههه ليش عاد
ناصر حضن خصرها بايده: اشتقت نيلس بروحنا
ميسا جابلته وايدها ع لحيته: انا لك طول العمر
ناصر حضنها : علني لا خلا ولا عدم
..
باتجاه ثاني وابعد اكثر
ميره: هههههههههههههههههههههههههههههههههههه
هناد: هيه ضحكي الحين وانتي مغبلتني قبل
ميره تحط ايدها ع بطنها: هههههه حبيبي بس تعبت من الضحك
هناد باس بطنها اللي بارز: كله من هالصغنون
ميره: ههههههه الا من ابوه
هناد شلها: ياله الحين تشكي اشوف
ميره: هههههههههههه نزلني عيب ناس هنيه
هناد زعج: حرررررررررمتي واللي فيه خير يرمس
ميره دفنت راسها فصدره وهي تضحك
هناد: ي ررررررربي ع الحياااا انااااااا
ميره عيونها بعيونه وهو شالنها: احبك والله
هناد: وانا امووووت بثراج
..
بيانب ثاني
ميثوه وساره وعبدالله يتمشون
عبدالله: ميثوه شرايج تفارقي
ميثوه: لا عيب اخليكم بروحكم
عبدالله: شفيج مكان عام وانا خطيبها عاااادي
ميثوه: هههههههه نو نوووو
ساره: اففف ميثوه متى بتعرسين وبتفجينا
ميثوه سرحت: اتريا الحب
عبدالله: الله اييبه ويفجنا من نشبتج ي رررب
ميثوه: ههههههههههههه ع قلبكم
ساره: انتي شسالفتج شوفي هكم منصور ومياسه روحيلهم
ميثوه: هاهاي ذيلاك معرسين انتو بعدكم
عبدالله: والله نذذذذذله قسسسسسم بالله نذله
ميثوه: اصلا انتو مب لايقين لبعض يعععع م ادري شعنه وافقون
ساره: اصلا وافقون بالغصب لا تزيديها
عبدالله : ما عليج منها حبيبتي عوااااذل عافانا الله العمر هب كل شي
ميثوه: ياااا سلاااام ها وانا موجوده حبيبتي عيل لو اروح شو بتسون
ساره تجتفت وهي تتافف
عبدالله: ياله عاااد ميثوه سيري
ميثوه: حرام خلوه
عبدالله: مكان عام شو خلوته
ميثوه: اخخخخخيه ساروووه انتي شو تبين هالشيبه ويعااااه
ساره: هالشيبه تاج راسج
عبدالله: علني فدااااج والله
ساره استحت ورصت ع لسانها
ميثوه: جب ياااااله مااصخ واحد اصطلبوا وانقفضوا
..
عند منصور ومياسه
يالسين ع كاسر الموج
منصور حاضننها وصاخين
عقب فتره
مياسه: منصور
منصور ويطالع جدام: هممم
مياسه: منو توقع انا ناخذ بعض
منصور وايهها وابتسم: هب لازم يتوقعون النصيب
مياسه: هههههههه تحيد يوم اطفربك واقولك ياهل
منصور: هيه يالعيوز
مياسه: عيوز فخشمك
منصور: هههههههههه لا تحرجين انا اموت فهالعيوز
مياسه تدلع: صدق
منصور رافع حوايبه: والله
مياسه: ههههه ادري
منصور باسها : ي لبى الثقه
..
في ابعد مكان عن موقعهم
ترمس فالفون: انا ع الشاظيء تعالي انتي وريلج
اميره: نو بيبي نحن فدبي الحين
غلا: ايواااا وانتو كل يوم فمكان
اميره: هههههه شسوي سعوودي م يحب اليلسه
غلا: ي نبييييي اناااا
حست بايدينه تحضنها من ورا
اميره: ههههههههه عن الحسد
غلا: لا تخافين م بحسدج عندي اللي اباه
اميره: هههههههه بالهنا عيل
غلا: ياله عنوني سيوووو سوون
اميره: باي
صكرت منها
مايد: اا اللي تبيه
غلا تدلع: نوو
مايد: اها صدقتج المهم تبين ايسكريم
هزت راسها بهيه
خذ من عند الهندي ورجع لها
خذته: شكرا
وهم يتمشون بهدوووووء
خطفت جدامهم انجليزيه
غلا فرت الايسكريم وغطت ع عيونه
مايد: ههههههههههه شتسوين
غلا: لا تطالع
مايد يحاول يخوز ايديها: شوووو م شفت شو هاا
غلا: مب لازم تعرررف لا تشووف وبس
مايد: هههههههه وصختينيه بالايسكريم
غلا بعدها مغطيه عيونه: صبر شوي
تبعت الحرمه
وفتحت عنه: خلاص
مايد: ههههههههه شو ضامه
غلا تجتفت: ماشي
مايد شاف الحرمه توها داخله البحر: هههههههههههههههههههههههههههههههههههههههههههههه
غلا بوزمت: بعدك شفتها
مايد: ههههههههههههههههههه الحين خاشه هاي هههههههههههه
غلا متجتفه: بعدك تطاااالع
مايد غمز*_^ : تغارين
غلا: اكيد بغاااار شوفها متيرده
مايد: لا تحاتي انا ما اشوف غيرج
غلا: نصااااب توك متحمس تبا تشوف
مايد: ههههههه م جنت عارف شو تقصدين
يا يركض: بااااابااا
مايد شله: هلا والله بعيون بابا هلا بهزاع البطل
هزاع: بابا توف فتووووم
مايد: شو سوت
هزاع: تدبني
مايد: شو بعد هاي
هزاع يزاعج: تدددددبني
مايد: ترجمي
غلا: خل ذيج اليردا تترجم
مايد: هههههههههههه بعدج حاطه عليها
هزاع: بااااابااا
مايد: هاه هاه اذ صكتك رشها بكف عشان تتعلم
نزله وركض عند يدوده
غلا : انته ابو انته
مايد ايديه بمخباه: شعنه شسويت
غلا: افففف والله محد بيضيع هالولد غيرك
مايد: عادي انتي ضيعتينيه وانا ضيعته
غلا: قليل ادب
مايد: عهههههههههه انتي شعنه صايره عصبيه جيه
غلا: لانك صاير ماصخه
مايد لو، ع خصرها وخشمه ع خشمها: تبين تفهمينيه م تحبين المصاخه
غلا مبوزمه: لا م احبها
مايد بهمس: صدق
غلا : هيه
مايد وبعد ملصق ويهها بويهها: ليش زعلان الحلوو
غلا: ليش شفتهااا
مايد: ي حححححبي انتي انا يوم بطالع ما بطالع كافره
غلا دزته: لا والله يعني عاااادي تطالع مواطنه
مايد: والله انتي م ينفهم لج
غلا: ينفهم بس انته م تفهم
مايد تجتف: اوكيه انا حمار فهمينيه اشوف
غلا تجدمت له وباسلوب يذذذذبح: ابيك لي اناااا تحبنيه انااا وبس تشوفنيه اناااا وبسسس انااا
مايد ذاب: والله لججججج قسممم بالله انتي وبسسسسس
باسها بشفايفها بنعومه والهواء يطير عباتها وكندورته
مايد: انتي بس اللي حبج لبسني
غلا رجعت شفايفها لشفايفه
" الحـلال نعيم لا يدركه إلا متذوقــيهه"
وسلامتكم
..
انتــــهت
اتمنى م اكىن ثجلت عليكم
استمتعت وياكم وانتظر ردودكم
اي حد عنده اااااي شي اي سوال اي طلب يتفضل حتى لو عقب سنين
اوجهه شكري لكل مشاهدينيه ومتابعينيه تسلمووون م تقصرون والله
واعتذاري لكل شخص ضايجته ولو بشكل بسيط او كلمه
اللي بينشرون الروايه شكرا مقدما ولا تنسووون اسمي
نتلقي ان شاء الله في عمل جديد
فداعت الرحمن الذي لا تضيع ودائعه
الكاتبه/ بنت الأياآويد
...
 
ما شاء الله عليك ابددددددعتي
ولا تتحطمي يا حبيبتي
روايتك من جد تستحق القراءه
اليوم اول يوم اسجل
وانتي اول من علقت له
سلمت يمناك
وننتظر جديدك
 
ما شاء الله عليك ابددددددعتي
ولا تتحطمي يا حبيبتي
روايتك من جد تستحق القراءه
اليوم اول يوم اسجل
وانتي اول من علقت له
سلمت يمناك
وننتظر جديدك

تسلمين والله
علني فدا هالمنطوق
ما قصرتي حبيبتي وان شاء الله تكونين من متابعين اعماليه اليايه
والله يحفظ وويوفقج فديتج تسلمين ع الرد
 
ما شاء الله عليك كاتبه مبدعه ومتميزة بافكارج عن غيرج ،، منها للأعلى انشاء الله ، ووايد حبيتها وودرت كل ربيعاتي يقرونها من حلاها
 


روايه جميله غااليتي بنت الاياويد

واشكر لك هذا العطاء والتميز في كتابة الروايه

ودائما بانتظار كل ما يجود به قلمك وفكرك

تحياتي وتقديري لحضرتك .

 
ما شاء الله عليك كاتبه مبدعه ومتميزة بافكارج عن غيرج ،، منها للأعلى انشاء الله ، ووايد حبيتها وودرت كل ربيعاتي يقرونها من حلاها

تسلمين ي بعد حيي
ومشكوووووووره ع الرد اللي يرفع المعنويات
وان شاء الله ربيعاتج يحبنها
 


روايه جميله غااليتي بنت الاياويد

واشكر لك هذا العطاء والتميز في كتابة الروايه

ودائما بانتظار كل ما يجود به قلمك وفكرك

تحياتي وتقديري لحضرتك .


شكراااااا ع الرد
وان شاء الله أكون عند حسن ظنكم فأعمالي القادمة
ويزاج الله الف خير
 
تبارك الله. ارجع اشوف الروايه عقب سنتين وصلت اكثر من 17 ألف مشاهدة. بالرغم من اني كتبتها فعمر غير عمري هذا لكن جدا سعيدة بهذا الإقبال, شكرا لكل الي قراها للأخير.
 
عودة
أعلى