... 678910111213141516171819202122

رواية حبه لبسني لبس يني لبس الخواتم فالصبع تم

قصة كاملة - رواية كامله جميلة للكاتبه ارسال إلى Twitter ارسال إلى facebook
  1. بنت الأياآويد
    13-07-2016, 05:30 PM

    رد: رواية حبه لبسني لبس يني لبس الخواتم فالصبع تم

    رواية حبه لبسني لبس يني لبس الخواتم فالصبع تم


    ما حطيت مقتطفات ولا إسئله ودي اشوف ردودكم بس
    واللي م ردت ع البارت القبلي ودي افرح بجوابها
    منو تحبون اكثر هزاع ولا مايد
    ان شاء الله م رح اطول بالبارت الياي مووليه
    وحبيت اقولكم ان تخطينا اكثر من نص الروايه
    وشكراااااااااا لكل من حمسنيه برده ع الروايه في انتظار ردودكن
    وبعدنيه م حددت موعد البارت الياي لكن الاكيد انه بيكون قبل يوم الاثنين
  2. بنت آل نهيان
    13-07-2016, 11:15 PM

    رد: رواية حبه لبسني لبس يني لبس الخواتم فالصبع تم

    رواية حبه لبسني لبس يني لبس الخواتم فالصبع تم


    اللللله البارت حماااسس من أوله لين اخره تسلمين فديتج ويارب م يستوي شي يخرب خطبة مايد وغلا وان شاء الله تحبه ونفتك من هزاع ومتحمسه الف ابغي اعرف منوه اللي يبغيها هناد بس بتريا الباري الياي ع نارر واحلى شي ف السالفه انه البارت طويل هههههه ونتريا يديدج.

    تحياتي واشواقي( بنت ال نهيان )..
  3. uae girl
    14-07-2016, 07:49 AM

    رد: رواية حبه لبسني لبس يني لبس الخواتم فالصبع تم

    رواية حبه لبسني لبس يني لبس الخواتم فالصبع تم


    ما شاء الله كل بارت احلى عن الثاني الروايه كلهاااااا حلوه الصراحه وننتظر التكمله بفارغ الصبر
    بالنسبه لهزاع ومايد صراحه اثنيناتهم كيوت لكن افضل مايد
    وتسلم اناملج ع هالمجهود الاكثر من رائع
  4. بنت الأياآويد
    16-07-2016, 07:20 AM

    رد: رواية حبه لبسني لبس يني لبس الخواتم فالصبع تم

    رواية حبه لبسني لبس يني لبس الخواتم فالصبع تم


    المشاركة الأصلية كتبت بواسطة بنت آل نهيان
    اللللله البارت حماااسس من أوله لين اخره تسلمين فديتج ويارب م يستوي شي يخرب خطبة مايد وغلا وان شاء الله تحبه ونفتك من هزاع ومتحمسه الف ابغي اعرف منوه اللي يبغيها هناد بس بتريا الباري الياي ع نارر واحلى شي ف السالفه انه البارت طويل هههههه ونتريا يديدج.

    تحياتي واشواقي( بنت ال نهيان )..
    تسلمين حبيبتي ع ردودج اللي تسعدنيه
    ههههه هزاع ورانا ورانا فهالروايه لين م نعرف سالفته
    والبنت اللي يبغيها هناد مفاجآه البارتات اليايه
    ويسعدنيه ان البارت عجبج وان شاء الله البارتات اليايه كلها طويله
    انتظر دودج الطيبه ع البارت الياي
  5. بنت الأياآويد
    16-07-2016, 07:22 AM

    رد: رواية حبه لبسني لبس يني لبس الخواتم فالصبع تم

    رواية حبه لبسني لبس يني لبس الخواتم فالصبع تم


    المشاركة الأصلية كتبت بواسطة uae girl
    ما شاء الله كل بارت احلى عن الثاني الروايه كلهاااااا حلوه الصراحه وننتظر التكمله بفارغ الصبر
    بالنسبه لهزاع ومايد صراحه اثنيناتهم كيوت لكن افضل مايد
    وتسلم اناملج ع هالمجهود الاكثر من رائع
    تسلمين فديتج علني لا خلا من هالرد الطيب
    وان شاء الله الروايه بتكتمل قريب
    ولج الحريه في اختيار مايد او هزاع وباجي الروايه رح تحدد مصير كل واحد منهم
    المجهود يهون جدام ردودكم اللي تحمس
  6. بنت الأياآويد
    16-07-2016, 07:31 AM

    رد: رواية حبه لبسني لبس يني لبس الخواتم فالصبع تم

    رواية حبه لبسني لبس يني لبس الخواتم فالصبع تم


    السلام عليكم جميعا
    بغيت اقولكم ان البارت العاشر رح ينزل اما اليوم بآخر الليل او باجر الصبح
    وحبيت استسمح منكم لان البارت الحادي عشر رح يطول وايد
    بسبه عندي ظرف لمده اسبوع او اسبوعين اضافه الي المده اللي رح اكتب فيها
    حبيت اقولكم عسب ما تضايجون من التاخير او تودرون الروايه
    اتمنى منكم العذر والسموحهه
    وان شاء الله البارت ينال اعجابكم
    ويسلم كل من خط حبره في كتابه رأيهه اللي يحفزنيه ع المواصله بحمآس
    حبه لبسني لبس يني لبس الخواتم فالصبع تم
    قصه البنت اللي لبسها حب يني وكيف رح تتخلص منه او كيف بيجمعهم القدر
    هل رح يلبسون الخواتم ولا تنتهي قصه حبهم بمأساه اختيارها لآخر
    كل هذا رح يكون فالبارتات الاخيره اليايه
    لكم تحيتي ومحبتي:
    الكاتبه/ بنت الآياآويد
  7. بنت الأياآويد
    17-07-2016, 11:53 AM

    رد: رواية حبه لبسني لبس يني لبس الخواتم فالصبع تم

    رواية حبه لبسني لبس يني لبس الخواتم فالصبع تم


    السلام عليكم ورحمة الله وبركاته
    حبه لبسني لبس يني..لبس الخاوتم فالصبع تم
    روايتيه الرومنسية والغامضة
    البارت العاشر
    ..
    من سوء حظي نسيت ان الليل طويل
    ومن حسن حظك تذكرت حتى الصباح
    / محمود ردويش
    ..
    عصر الخميس يوم خطبه مايد وغلا
    غلا فحيرتها وع الشبريه تفكر
    " ي ربي اللي سويته صح ولا خطا .. مايد بيسامحني لو درا عن هزاع .. آه ي هزاع وربي انك فالقلب مدفون .. لو شو ما يكون مايد انته حبي الاول والاخير
    نشت تقاطع افكارها وقفت جدام مرايه الكبت تشيك ع شكلها
    الخطبه بتكون بين الريايل بس ومافي نظره بما انه ولد عمها
    لابسه درس ع شكل فستان وردي وعليه دانتيل اسود مخرم ايدينه فرنسيات طوال وقصه الصدر واسعه لآخر الجتف مزموم من ع الصدر ويتوسع لتحت .. رفعت شعرها كالعاد هوم حبت تحط مكياج وهي هالخطبه كلها ما داشه راسها اكتفت بقلوس شفاف له لمعه ورديه سوت قصتها بف ونزلت خصلتين من ع الطرف حطت شيلتها ع راسها وحدرت عند امها فالمطبخ
    امها بدون م تلف لها: خلصتي
    غلا: هيه
    لفت جداها وهي قابضه دله القهوه: بسم الله عليج غاويه بدون مكياج
    ابتسمت ابتسامه باهته ما تدل ع الفرح مول: تسلمين الغاليه
    ناولتها الدله : حبيبتي غلا شلي هاي الميلس وشيكي ع القهوه ما فيني ع هالدعله< البشكاره
    مشت وهي مجبسه وسرحانه ودعمت : افففف انتي ما تشوفين
    البشكاره: آسفه ماما اوووه تالع هلوو اليوم
    غلا: جب جب دومي حلوه عن الحسد
    البشكاره: مافي هسد لا هوووول < ما بحسدج لا حووول
    غلا: روحي ساعدي امايا اقول
    سارت عنها ودخلت المبرز حطت الدله وشيكت ع الفواله
    وهي ظاهره دعمت بهناد: اوووووووووووووووف شفيكم انتو اليوم
    هناد يعدل غترته: والله انتي اللي سرحانه هب انا
    غلا تطنز: اظن مايد المعرس هب انته شعنه كاشخ هالكثر
    هناد : انا دومي كشخه .. وبعدين انتي الشووو هاا جنه حط عاطنج كف
    غلا بخوف ويدها ع خدها: شعنه
    هناد ضحك: ههههههه لا غاويه بس عجيبه هب متصبغه
    غلا: كيفي
    هناد: احسن جيه
    غلا: محد طلب رايك
    هناد دزها: افف قومي عن ويهي
    ..
    البنات تواصلن مع بعض وقررن يسون هجوم ع غلا وهي م تدري عقب الخطبه
    ..
    مر الوقت وعقب صلاه المغرب صارت الخطبه كالمعتاد وتقاصوا الريايل وانتهت
    غلا ع الساعه 9:45 pm
    بطلت شعرها وانسدحت ع الشبريه سرحانه تفكر وكالعاده بهزاع
    " معقوله خطبت ي هزاع .. فرحان ي ترى .. ها انا انخطبت وهب فرحانه
    وتنهدت بصوت عالي: وينك بسسس
    انجلبت ع بطنها وهي تحضن دبدوبها البيض العود
    وتحس بزلزال استوا من قوه فتحت الباب ولفت تزعج: ي حيوووووواا
    وصخت يوم جافت ميره وساره وسلامه وميثوه والصدمه العوده سلامه
    وشهقت فرحانه وقامن يتحاااضنن
    وكلهن ع الشبريه
    وشدت ع سلامه: ي حياااااااااااااااتي بتعرسيييين
    سلامه: شوفي كيف .. باجر عرسي ويايه احتفل اليوم
    ضحكن كلهن
    ساره: اوووب اوووب شهالحركات غلاوي كله عشان اخوي ما درينا
    ههههههههههههههه
    غلا: هاهاي اصلن ما شفته اخوج
    ميثوه : تشوفيه من يوم صغيره شو بعد
    ساره: حرام وين تشوفه وميود كله يحوم ولا يسافر
    ميره: تبين تشوفينه
    غلا تفكر: امممم والله هيه
    ضحكن البنات
    ميثوه: ي ويل حااااالي ياله ميروه دبريلهم شوفه
    ميره: من فوق خشممممي بعد ون منت بس
    ظهرت ميره والبنات يضحكن
    غلا: خبرينيه ي العروس كيف المعنويات
    سلامه بابتسامه: الحمدلله تمام
    غلا تحضنها : ياااااااي بتروحين عنا
    مياسه: وبتنقص الشله
    ميثوه: رنوده بعد محد
    غلا: ي قلبي عليها الله يصبرهاا بس تعالن نتصل
    البنات يميع: يلااااااا
    اتصلت غلا برناد وحطته سبيكر
    شوي وترد بصوتها التعبان : هلا غلاوي
    البنات مع بعض زعج: هاااااااااااااااااااااي
    رناد تضحك: يااااي متولفين
    سلامه: يينا نبارك لغلا ع الخطبه
    رناد: ي حياااتي غلاوي الف مبروك عليج المزيوون
    غلا استحت: الله يبارك فيج
    ساره: تعالي شوفي ويهها غدا طماطه من طاري اخويه
    ههههههههههههههههههههههههههههه
    غلا: بس ججججججببب
    مياسه: اخبارج رنوده
    رناد وتحاول تخفي التعب: الحمدلله طيبه طاب حالكن ناصتنيه شوفتكن
    ساره ببلاهه: بنشوفج باجر بالعرس صح؟؟
    البنات كلهن يطالعن ساره بغضب وانتبهت ساره ع اللي قالته
    رناد حست من سكوتهن ان الجو تكهرب: سارونه حياتي ما بقدر انا
    ساره ترقع: بنتصل لج شارت جي فالعرس وبنعيشج الجو
    ضحكن البنات وياهن رناد
    رناد: بنات سمحن ليه حدرت الممرضه
    ميثوه بحزن: بحفظ الله حبيبتي
    غلا: حياج
    صكرت منهن
    وهن يدعن لها بالشفاء
    حدرت ميروه: هاااااااااااه شو سويتن بدونيه
    سلامه: اوووووويه نسيناج
    ميره: ياله غلا قومي ميود بروحه فالحوي خاري
    غلا انصدمت: شووووووووووووووو
    ساره: تتحرينها تتمصخر ابووي هاي هب ميروه الاوليه
    ميره: جب انتي ياله غلا اخويه يحتريج
    غلا: لا والله جنت اتمصخر بسسس
    سلامه: الحين عاد محد قالج ياله سيري له
    ميثوه: هههههههههه قومي قومي
    غلا: لا استحي شو اشوفه وتونا مخطوبين
    ساره: اوووونه نستحي قومي بلا دلع
    غلا: انزين شو اقوله
    ميره: افففف غلا الولد يتريا قومي عاد
    نشت غلا ولبست شيلتها ووقفت جدام المرايا
    سلامه: لا تخافين حلوه حلوه
    وضحكن البنات
    طلعت غلا وهي متفشله " ي ربي شقوله الحين
    نزلت وظهرت خاري من جدا المطبخ مشت شويه ولقته يالس فاليلسه اللي خاري
    مايد ابتسم بمكر: تعااالي
    غلا مشت جداه شوي شوي
    مايد: يلسي
    غلا: لا لا هب حلوه
    مايد: ع راحتج
    وقف وياها: شخبارج خطيبتي
    غلا اسسسستحححت: ه هاه آآ بخير
    مايد" والله لنهيج ي غلا " : شهالزين كل هالحلا عشاني
    غلا" اف لساني نطق قوله هب عشانك وانا ماباك هففف" وما رامت ترمس
    مايد بجرأته المعتاده: شو جنتي بتقولين
    غلا بارتباك : مابا اعرس
    مايد عقد حياته: نعمممم
    غلا: اقصد أا مابا اعرس الحينه
    مايد ابتسم: اهاااه وماقلتيلي ليش
    غلا وبعدها متوتره : ل لنه ابا ادرس
    مايد: ووين المشكله بتدرسين عنديه
    غلا ما عارفه شو تقول اصلا
    مايد: شو فيج هالكثر مستحيه لو دريت خطبتج من زمان عشان تودرين الدفاشه
    غلا ورجعت الطبيعيه: انااااااااااااااا دففشششه
    مايد: ههههههه لا حشا عليج زوجتي الكريمه هب انتي
    غلا تجتفت: احسب بعد .. وبعدين انا هب زوجتك اوكيه
    مايد بنفس نبرتها : اوكيه ي خطيبتي
    غلا رافعه خشمها: هيه جي احسن .. ياله الحين بسير
    مايد بابتسامته المعتاده ع ينب: وين يالسين
    غلا وتلف عنه بغرور: هب فاضيه عنديه ضيوف
    مايد بصوت عالي: خفي علينا ي الدوووووووووح
    غلا طنشته وكملت دربها" اف مليغ ما دانيه انا شقايل بعيش وياه اكرهه تافه "
    بعكس مايد اللي اختفت ابتسامته" بتشوفين ي غلا الايام يايه"
    دخلت عند البنات واحتفلن
    طبعا وبموافقه اهلن رح يباتن عندها ويسين الصالون بالباجر مع بعض
    نزلن يتعشن وسلامه نامت ع طول فحيره الضيوف
    والبنات كملن حفلتهن لساعه وحده وعقب نامن بمهازب ام هناد وهناد نام برع البيت عسب ياخذن راحتهن وابو هناد اوردي هب موجود
    ميره نامت ويا غلا فحيرتها
    وميثوه وساره ويا سلامه فحيره الضيوف المتروسه اجياس فساتينهن واجياس البجامات
    واجياس الجلاليب
    مهره واللي جانت ويا غاليه نامت وياها
    وسلامه طفرت بأيهم ونامت عنده بالغصب
  8. بنت الأياآويد
    17-07-2016, 11:55 AM

    رد: رواية حبه لبسني لبس يني لبس الخواتم فالصبع تم

    رواية حبه لبسني لبس يني لبس الخواتم فالصبع تم


    ..
    قيمةالمنتج ربع سعرالدعايه
    ظاهرالاشيا مهو مثل السريره

    لاتصدق كل كلمات البدايه
    دايم اصدق كلمه الكلمه الاخيره
    /سعد علوش
    ..
    الساعه 11 محد نش منهن
    ام هناد وايهم وغاليه يالسين فالصاله عقب ما تريقون
    ام هناد: بووي غاليه قومي وعيهن هبابهن يتريقن ويتزهبن
    طبعا سلامه ناشه الساعه سبع الصبح وراحت ويا زايد بيمرون ع رناد تسلم عليها عقب ع البيت ثم الصالون
    قامت غاليه اول عند ميثوه عسب انها فالطابق التحتي
    حدرت ولقت ميثوه تسحي شعرها ولازالت ببيجامتها: امايا تحتريكن
    ميثوه: نشن البنات
    غاليه: الحين بسير اوعيهن وين ساره
    ميثوه: فالحمام
    رقت غاليه حدرت حيره ايهم لقت سلامه بوضعيه لا تحسد عليها
    نايمه ع بطنها وريل فيانب والاخرى فيانب والايدين نفس الشي والشعر مغطي الويه والفراش تحت ما رامت ما تضحك
    قامت ترافس ع الارض من الضحك
    ونشت سلامه: آآآه شعندج صدعتينيه
    غاليه بعدها تضحك
    جان تشوتها سلامه بالمخده: ظهرررري خل انام
    غاليه عقب ما هدت: اما هههه امايا تحتريكن تحت
    سلامه يلست ع الشبريه تخوز شعرها عن ويهها: اوكيه بتسبح وبنزل
    ظهرت غاليه وحطت ايدها ع قفل حيرتها
    وتذكرت ان مهره ماشي يوعيها وتعايزت
    حدرت حيره غلا وشهقت اقذرر حيره فالبيت
    غلا وميره ما ينشافن من اللحاف وتحت كله اجياس وملابس ومخاد وحتى اجياس البطاطس مال حفله البارحه
    غاليه م حدرت متجززه من المظهر < غاليه اتكيت
    وزعجت: غلوووووي ميروووووووه قوووومن
    ميره نشت زايغه: اللعنه ي غااااليه شو هالزعيج
    غاليه: هضلن امايا تباكن
    ميره تشوتها باقرب مخده: وشعنه تزاااااااعجين
    غاليه ضحكت: عشان تنشت
    ميره تفرك عيونها
    غاليه:وشو هالمزبله بنات ولا اولاد انتن
    ميره بعصبيه: غااااليه جلبي ويهج لا اطلع حرتي فيج
    غاليه تضحك: انزين وعي المنطبنه وياج
    ميره تزعج : انجللللللللللللللللعي
    غاليه ظهرت وراحت تحاول فمهره الميؤس منها
    ميره وعت غلا اللي يبالها ربع ساعه ع ما تصحصح
    خذت ملابس من الجيس وحدرت تاخذ شور
    .
    مياسه حدرت ببيجامتها : صبح الخير خالوه
    ام هناد بنعومه: اي صباح الله يهديكن بتوصل 12
    مياسه: هههه من خبال امس
    حدرت حيره الضيوف وسمعت صوت الماي بالحمام معناته ميثوه تتسبح لنه ساره ماسكه فونها
    خذت ملابسها من الجيس ورقت فوق تتسبح بحيره ايهم اللي بعده يدعي عليها وهي تضحك
    ظهرت ميره من الحمام ولقت غلا فاجه عيونها وسرحانه بالسطح
    ميره: بشو تفكر المزيونه
    غلا: ولاشي .. ونشت تزعج: جاااان ما خلصتي ساااعه كامله
    ميره: والله هذا سبوحي ياله حدري بتوصل الساعه 12
    خذت غلا ملابس وحدت الحمام وهي تتحرطم ع ميره
    زهبت ام هناد الغدا وتحتري البنات ع الساعه وحده
    مهره بعدها تتسبح
    مياسه تضارب ايهم فحيرته
    غاليه تحوس بالبيت تهازب وتشرف ع الوضع
    غلا مخلصه وتاخذ قيلوله لانها ما شبعت رقاد
    ميره وميثوه يتضاربن ع شرج غلا لانهن نسن شرجاتهن
    سلامه بهالوقت وصلت الصالون وبدوا يعدلونها
    هناد ومايد يتغدون فبيت شيخه>ام مايد<
    زايد مرتبش يشيك ع الاوضاع حق عرس اخته
    ماهر شغال ويا مروان ربيعه وريل اخته
    سيف يتريا غريبه تخلص ملبسه عيالها بتخليهم عند يدتهم<ام هناد> وبتشل البنات الصالون وياها
    ميسا ع الراحات ومريحه ناصر ما تبا صالونات
    وسعيد جاسم معذب عبدالله يباه يقوم يوديه الحلاق جنه عرسه
    وسعدوش<اخو غلا القليل ذكره> يلعب بليستيشن بروحه فحيرته
    غاليه عصبت منهم وحدرت ع سعدوش: قووووووووووووووم تغدااااا
    شعدوش زاغ: خيبه خيبه شفيج
    غاليه: اقولك قوم تغدا .. ودقت بالباب وظهرت
    تعبت من البنات تزقر وحده وحده
    ميثوه وميره وعايشه<ام هناد< وسيف وغريبه بدو يتغدون وعقب ين تدريجيا
    غاليه – سلامه – مهره – ساره – غلا
    شلهن سيف الصالون
    ..
    الساعه 7:03 PM
    تقريبا كلهن جاهزات وشلهن ناصر القاعه
    غلا : لبست فستان رقيق بيج ايدينه شيفون لقبل الكوع وتنتهي بدانتيل مخرز والصدر ع شكل 7 وعليه لمعه بالاسود وتحت اصدر كرستال ع شكل فيونكا ويمتد سادره فيه ثنيا تبسيطه بالشيفون الناعم وميكب خفيف جحال فوق بس وروج بني فاتح مايل ع الوردي وما سوت تسريحه لفت شعرها ع ينب وفيرات من تحت
    ميره: فستان اصفر باهت بديزاين اوروبي والميكب ناعمم والتسريحه اوروبيه مرفوعه كامل الفستان جتوفه خاري والايدين قصار ولابسه قفازات < تهبلللل
    ساره: اول مره تطلع حلوه جي فستان حوريه رصاصي والميكب ثجيل والتسرحه مرفوعه والظهر مفتوح والجحال بارررز
    مياسه: بما انها ضعيفه بشكل مب طبيعي لبست فستان منفوش شوي لونه احمر قاتم يميل ع العنابي وتسريحه نص مرفوعه ونص لا والميكب وسط
    مهره وغاليه لبسن فستانين قصار لتحت الركبه بشوي نفس الشكل وفرق اللون مهره اسود واحمر وغاليه ابيض واحمر واشكالهن بيبيات بشعر سايح
    شواخ اللي لفتت الانظار ملبسه فستان اسود كاسر بياضها الكيوت وصارت من ايد لى ايد عليها جمال رباني من هي وصغيره
    آيه: شبيهه مايد ووتفوق ميره وساره فالجمال بما انها تشبه مايد . لابسه فستان قصير ناعم بلون بحري مع فيونكه ع شعرها النعيم
    ..
    وعرس كباجي الاعراس
    غلا طول الوقت يالسه ويا موزان ربيعتها اللي اكتشفت انها اخت مروان زوج سلامه استأذنت منها وسارت عند البنات
    دخلن ع سلامه فالحيره المخصصه لها وطلعت المصوره
    قامن يحضننها
    سلامه وعيونها تلمع دموع: يليت رناد ويانا
    ميثوه: لا تصيحين ي حبيبتي الحين نكلمها
    ...

    عند رناد والتعب ما يخفي جمالها الطاغي تمسح دموعها اللي ياما خبتها
    زعلانه انها ما حضرت عرس اختها الوحيره تحس ان هالمرض سجن
    رناد ارق وانعم بنت فالعايله اللي كلهم يحبونها ويحترمونها تنهار
    م قدت تمسك دموعها ولاول نره سمحت لنفسها انها تصيح بصوت عالي
    بعكس هدوئها المعتاد قاطع صياحها صوت رنه التلفون
    البنات اول ما ردت زعجن حاطتنه سبيكر : هاااااااااااي
    خازت اذنها عن السماعه وضحكت
    رجعت لهن واللي تعاتب واللي ترحب طنشتهن خمس دقايق والتلفون ع الفراش وهي تسمع الصدعه يوم حستهن سكتن رفعت الفون لاذنها
    رناد: خلصتن احتفال
    رجعن يعلن اصواتهن: اذ م سكتن الحين بصكر
    سكتن: احم هيه جذا احسن الحين رمسن وحده وحده
    سلامه: اخبارج
    رناد: بخير وسهاله شخبارها العروسس
    سلامه: الحمدلله
    ميثوه: رنووووده وينج ما تردين
    رناد قصفتها: انتي وحده لاعيه ومالي خلقج
    ميثوه بنص اليبهه والبنات يعلقن عليها
    رناد: ايه بس عاد هب ع ميثوووتي فديتها اصلا الوحيده اللي تسال عنيه
    سلامه: لا والله ومنو مكلمنج وهو بالصالون
    رناد: ههههه امزح ما عليكن زود .. ميثاااني
    ميثوه: عيونها
    رناد: لا تزعلين اسولف والله
    ميثوه تضحك: ولا يهمج
    ساره: ياخي لا تسحبون علينا
    ضحكن البنات وياهن رناد
    رناد: شخباركن كلكن غلاوي وميروه ومياسي وساروه علومكن
    غاليه: ترا حتى نحن موجودين
    ضحكن مع بعض: اسفه والله اخبارج واخبار مهاري
    غلا: م عليج منهن مستخفات ويناقزن ومافيهن الا العافيه طمنينا عنج انتي
    رناد : انا الحمدلله اهم شي العروس بنات هالله هالله فيها
    ميره: ولا يهمممج بعيونااا سلووومه
    مياسه: ياله لو تشوفينها ي رنوود غزال عزال
    ضحكن كلهن: الا وين ميسا
    غلا: ميسا اونه من عرست رفعت خشمها
    رناد: هههههههههههه حرام عليج .. ياله عاد مليت منكن مهره خلي ميسا تتصل فيني
    مهره: انزين
    سلمن عليه وصكرت
    دقايق وهي سرحانه وتدعي للبنات رن فونها: هلا ميسا
    ميسا: هلا حبيبتي اخبارج
    رناد: الحمدلله بخير الا وينكم محد يرد
    ميسا: تعرفين العرس ازعاج ما ينسمع
    رناد: اها ياله بالتوفيج ميسا حبيبتي ابا ارمس اميه
    ميسا: هذيه مجابلتنيه بعطيج اياها
    ام زايد: هلا وغلا برنووده
    رناد : هلا اميه اخبارج
    ام زايد: الحمدلله طيبه
    رناد: اميه هالله هالله بسلامه لا تحسسوها بغياب امها
    ام زايد: ولا يهمج حبيبتي سلامه شراتج انتي وزايد انتي ما عليج غير تهتمين بعمرج
    رناد وهي تتامل البقع اللي فايديها : انا طيبه ما عليه زود
    ام زايد بنبره حزينه: حبيبتي حطي بالج ع نفسج وسمحيليه لنيه ما ييت امس
    رناد: ولا يهمج الغاليه ادريبج مشغوله بسلامه ماعليه سلامه بحايتج اكثر منيه
    ام زايد: باجر ان شاء الله اكون عندج
    رناد: زين اميه بخليج الحين علي يبانيه
    ام زايد: رديله سلام ياله فمان الله
    رناد: حياج
    صكرت منها وحضنها علي: اشتقت لججج
    رناد: تسلم عليك اميه
    علي: الله يسلمها
    رناد اكتفت بابتسامه
    علي: كيف الحينه
    رناد: نصخي ضايج تعبت والله
    علي يبوس يبهتها: هانت هانت ي عمري
    رناد والدمع فعيونها : علي انا احبككك
    علي: وانا احبج زود غناتي
    ..
    انزفت سلامه لمروان
    وخلص العرس بسلام الكل راجع لبيته تعبان
  9. بنت الأياآويد
    17-07-2016, 11:56 AM

    رد: رواية حبه لبسني لبس يني لبس الخواتم فالصبع تم

    رواية حبه لبسني لبس يني لبس الخواتم فالصبع تم


    ..
    الموت هو الحاله الإستثنائية التي نمارسها وحيدين
    / واسيني الاعرج
    ..
    الفير وزايد يمشي بالطريج راجع من المسيد
    رن تلفونه
    زايد: هلا هلا والله بالنسيب
    علي بصوت منتهي: زاااااايد
    زايد فز قلبه: عسى ما شر ي الغالي
    علي: انا لله وانا إليه راجعون
    زايد والصدمه بعيونه: ع ع لي علي ر ..استصعب عليه نطق اسمها .. هي هي بخير صح
    علي: الله يرحمها ي زايد
    زايد طاح فونه وهو يشهق شهقات متقطعه طاح ع ريوله
    ماهر من وراه: زااااااايد بلاك
    صار مجابلنه: زايد شفيك شو صار
    زايد بانهيار: رناد ماتت
    ماهر غطى ويهه بعيونه: انا لله وانا اليه اجعون انا لله وانا اليه راجعون
    زايد صارت ريوله ثجيل وهب قادر يوقف
    ..
    وقفه !!!
    كشف تقرير المنظمة الصحة العالمية أن عدد حالات الإصابة بمرض السرطان حول العالم قد ارتفع إلى 14 مليون مصاب.
    اللهم نسألك بكل أسمائك الحسنى أشفي عبادك المسلمين يا رب العالمين اللهم ارحم ضعفهم و لا تأخذهم بذنوبهم و طهر أجسامهم من شرور هذه الأمراض و من أثارها و من الآمها
    اللهم عاف واشف جميع المرضى المؤمنين انت رب الداء ورب الدواء
    أللهم اشف أنت الشافي ,لا شفاء إلا شفاؤك ,شفاء لا يغادر سقما .
  10. بنت الأياآويد
    17-07-2016, 11:56 AM

    رد: رواية حبه لبسني لبس يني لبس الخواتم فالصبع تم

    رواية حبه لبسني لبس يني لبس الخواتم فالصبع تم


    ..
    بعد مرور شهر
    واللي سواه زايد وماهر انهم ما خبروا ام زايد وسلامه لين ما سافرت ويوم رجعت خبروها بوفاه اختها
    دعونا نتعرف ع شخصياتنا عن وجه جديد بعد نقص فرد منهم
    سلامه بلغت 27 وهي متزوجه للمره الثانيه من مروان وتوفيت اختها في ليله زواجها وتقريبا تلاشى ذكرها
    غلا بلغت 18 وهي تحارب الحب في داخلها وتحاول تقبل مايد
    ميره بلغت 18 وهي تخبى حب عظيم داخلها خلف ضحكه جميله لا تفارقها
    ساره بلغت 16 ضحيه المراهقه وهي غارقه في عشق احدهم
    ميثه بلغت 20 وهي نفسها التي لا تكترث لشيء فالحياه
    ميسا بلغت 20 وهي تحمل اول طفل في بطنها فالشهر الثاني
    غريبه بلغت 29 وهي تحمل طفلها الثالث فالشهر الاول
    غاليه 14 ومهره 15 آيه حبوبتنا 7 وسارت صف اول
    هناد بلغ 27 وهو يضع عشيقته المجهوله في مخططاته
    مايد بلغ 26 وهو يفكر بالانتقام من غلا متانسي حبه لها
    ناصر بلغ 27 وهو يرسم حياه اول طفل له
    سيف بلغ 31 وهو يعتني بابناءه الثلاثه
    عبدالله بلغ 24 وهو يحمل سر
    زايد بلغ 26 وهو لا يفكر سوى بفقيدته وابنته واخته المرحومه رناد
    علي بلغ 28 وهو لا يفكر سوى بحبه الاول والاخير وغاليته رناد
    سعدوش 11 وايهم 9 وكبران راسه سار صف ثالث
    سعيد جاسم 13 سنه كبر ورح ينذكر ويا الكبار
    علي 8 سنوات ولازال نفسه الخبل
    اما الشخصيات التي قل ذكرها في روايتنا
    محمد وزوجته العنود التي وبفضل الله تحمل طفل بعد انتظار طويل وهي فالشهر الخامس
    حمد وخلود ع وشك استقبال ثاني مولود لهم بعد شهر وهي فالشهر الثامن!!
    ..
    بالنسبه لعيال الخالات وخال غلا وميره
    نروح لأول بيت بيت البنات بيت خالتهن سلمى
    خلونا نذكركم فيهن
    اموله: 24 وخذت الماجستير وانخطبت من احد عيال خالاتها
    مريم 21 حصه 19 واللي رح يكون عرسهن ع سعد ومحمد بعد شهرين
    وعيال خالتهن وديمه تتكون من ولدين وذكرناهم سعد 25 ومحمد 21
    ودلوعتهم شوق 20 اللي تدرس فالازياء ورفضت كذا شخص معنده ما تبا تعرس
    وخالهن الوحيد ابو طارق
    منيره 24 وذكرنا انها عرست من جرايبهم وخلصت دراسه وتشتغل فبنك
    اميره 20 ولازالت بنفس حماسها وطاقتها وعفويتها
    حمدان 18 سنه ودخل الشرطه وعنده طموح
    ..
    بيت خليفه في حوار بين زايد وامه
    زايد: يميه انا تعبت من ابويه
    فاطمه: شنسوي يعني ي ولدي هذا ابوك وما بيتغير
    زايد: شو الحياه مصخره اييب عيال ولا ينشد عنهم حتى ترا نحن هب محتايين له لكنه ع الاقل ايي يشوف عياله
    زايد وبعصبيه وزعيج اكثر: والمرحومه رناد مرن يومين يووووومين يميه وهو ولا داري ان بنته ماتت ولا هب متلوم مووول بنته تموت بالسرطان وهو م فكر حتى يزورها الا جان ضغطنا عليه وشافته مرتين بالكثير هذاااا ابو هذااا
    خليفه مجتف ايديه: خلصت ي زايد
    زايد انصدم من وجود ابوه
    حدر ماهر: شوص اير
    خليفه: تعال انا بخبرك شو صاير تـ
    زايد ولأول مره قاطع ابوه ووقف وبصوت حاد وواثق: هيه نعم انا رمست عنه هذا اللي يقولون عنه الاوادم ابونااا
    ماهر: زايد شتقول انته
    زايد بحررررجه وصراخ: اقول اللي اقووووله وهب خايف من حد
    خليفه وهو يرص ع ضروسه: زايد الزم حدودك
    زايد بقهررر وهدوء: حدودي كسرتها ي خليفه هيه نعم خليفه انا م عندي ابووو جنت محتاي ابووو يوقف ويايه الناس يشتكووون ما عندهم ابووه يساندونهم وانا ابوووي حي ولا حسسني بوجوده . م اخاف منك لانك ما ربيتنيه انا ساكت من زمان لكن بسسسس ذيج الحدود اللي ترمس عنها انتهههههت انتهت من اليوم اللي ماتت فيه اختيه .. اختيه اللي تموت بدل المره عشر مرات وانته هب داري عنها . انت تسمي عمرررك ابو انته
    ودموعه فعيونه: خساااره الايام اللي ما عوضت فيها رناد عنك . سويت كل اللي اقدر عليه لكنها ماتت ماتت وهي تحلم بيوم ايي ابوها ويمسح ع راسها ويقولها تحملي ي بنتي بتهون
    طاحت دمعته: انا ما اعترف فيك ولا اباك
    خليفه ونار تشب فيوفه: انت هبببببببببببب ولدي عدووو انته انجلع لا بركتن فيك
    زايد: ما يحتاي تطردنيه .. ابتسم: تعرف اني ابني فله من 3 سنين . لا ما تعرف . (وهو يحط صبعه ع صدره ) بنيت فله بفلوسيه بتعبيه . انا هب محتاينك وجنت من زمااااااان ناوي اظهر خواتيه واميه من هالبيت اللي ماله راااعي
    خليفه يزاعج: هالبيت هو اللي ربيت فيه يالياااااحد
    زايد بعنف اكثر: هيه هو نفسه البيت اللي ربيت فيه بدون ابوو
    خليفه ومن عيونه شرار: حسبي الله عليك من ولد جان ترفع صوتك ع ابوك
    زايد: قلت لك انته هب ابووويه ولا لك كلمه عليه
    لف جدا امه: اميه قومي
    فاطمه قامت والدموع اربع اربع
    زايد: ما عاد يربطنيه فيك شي وانسى انه عندك ولد
    لف جدا ماهر: بطرش لك العنوان تقدر تزورنا
    وطلع وهو قابض امه بين ايديه
    خليفه يصرخ: زووووووول زالت روووحك
    وطلع زايد من البيت متوجهه لبيته اللي مأثثنه ووزاهب من شهور لكنه متحمل عشان رناد ورناد الله يرحمها ما بجى شي يصبر عليه
    ماهر فضل يهدي ابوه وعقب يتواصل ويا زايد
    ..
    تيموا عيال اليد علي فقط >سالم ابو مايد. سيف ابو هناد . خالد ابو ناصر>
    خلال يلستهم خاري
    ام هناد: الا ي ميسا شخبار الحمل
    ميسا الحمدلله
    ام مايد: بيون اهلج ولا
    ناصر: عبدالله يقول هم فالطريج
    مايد بجرأته المعتاده: خالتيه طالبنج واتمنى انج ما تردينيه
    ام هناد: آمر ولديه
    مايد: زايد رمسنيه البارحه وطلب منيه ان ما نعطل العرس
    ام هناد: هذي الساعه المباركه ي ولدي
    ابو مايد: عاد نحن قلنا نخلي العرس والملجه بنفس اليوم
    غلا وقف قلبها واول شي خطر فبالها هزاع
    ابو هناد: هذا راين زين ومتى ان شاء الله
    ميره: عمي نحن حسبنا حق دراسه غلا
    هناد: وغلا تخلص هالكورس بعد اسبوعين
    غلا خاطرها تجتل هناد لنه يساعدهم
    مايد: انا الصراحه مستعيل تدرون بعد كبرت
    كلهم ضحكوا الا غلا المقهوره
    ابو هناد: وشو عشان رمضان
    مايد: باجي عنه شهر ونص انا ابا اعرس قبل رمضان
    زاغت غلا وقامت تكح
    ميره عطتها ماي : ايه لا تفضحينا
    محد سمعها لانها كحت بخفيف وهم يتناقشون
    ابو ناصر: ومتى قررتون يكون العرس
    ابو مايد: والله اذ ما عند ابو هناد والعيال اعتراض نباه أول يونيو
    ابو هناد: والله ماشي مشكله عندها وقت تقضي حواياها
    ام ناصر : امزين شاورو البنت
    غلا بحسها" الحمدلله حد تذكر انيه العروس ولي راي"
    ام هناد: والله غلا ما عندها اعتراض اصلا مر وقت عن الخطبه ودام انه مناسب لدراستها شعنه تعارض
    غلا عصصصصبت
    ابو مايد: ياله عيل ع البركه تاريخ 1 / 6 العرس
    غلا تحطططططمت : ميره قومي انش
    ميره: ياله
    نشن ثنتيناتهن وهم يناقشون امور العرس
    فالمطبخ
    غلا والدمع فعينها وبخوف: ميره ما يستوي
    ميره باستغراب: شو اللي ما يستوي
    غلا: بعده بعده وقت
    ميره: غلا شفيج ترا هب بكره العرس عندج وقت
    غلا: بس بس انا مابي الحين
    ميره: حبيبتي شو يفرق الحينه من بعدين
    غلا: مادري ميره انا خيفانه وو
    ميره تقاطعها: ي غلا يا حبيبتي اكيد بتخافين بس ولا يهمج فهالاسبوعين بنركز ع امتحاناتنا ودراستنا وبعده عندنا وقت تتنفسين وترتاحين وتقضين زهبتج
    غلا هب خيفانه ولا لانها تبي تطول الموضوع
    غلا تفكر بهزاع وبس شقايل بتكون ويا غيره
    ميره طلعت عنها
    غلا رقت فوق ركض ودموعها اربع اربع
    ما خطر ع بالها الا حبها الوحيد
    طرشت له مسج: هزاع
    هزاع ورد ع طول: نعم منو ويايه
    غلا: هزاع لا تستهبل انا غلا
    هزاع: افففف شتبين انتي
    غلا: هزاع انا بعرس
    هزاع: وانا عرست ياااخي فجينيه ما بااااج انا ما تفهمين
    غلا وهالجلام جنه خناجر بصدرها
    فرت التلفون ع الشبريه وهي تغطي ويهها بالمخده
    في الوقت اللي نشن فيه غلا وميره وصلوا قم موزه وعيالها
    وبمثل هالوقت ساره قامت تشرب ماي
    وأحدهم ابتسم بفرحه ونش يلحقها بدون محد يلاحظ
    حدرت المطبخ وتوجهت لثلاجه ظهرت لها دبه ماي وهي تشرب شافته جدامها وشرقت بالماي
    وهو مبتسم: صحه حبي صحححه
    !!
... 678910111213141516171819202122

الكلمات الدلالية لهذا الموضوع