... 5678910111213141516171819202122

رواية حبه لبسني لبس يني لبس الخواتم فالصبع تم

قصة كاملة - رواية كامله جميلة للكاتبه ارسال إلى Twitter ارسال إلى facebook
  1. بنت الأياآويد
    09-07-2016, 07:24 PM

    رد: رواية حبه لبسني لبس يني لبس الخواتم فالصبع تم

    رواية حبه لبسني لبس يني لبس الخواتم فالصبع تم


    المشاركة الأصلية كتبت بواسطة alisale
    يسلمو حبيبتي لسة ماخلصتها رح خلصها وخبرك
    شكراااا غتآاتي انتظر ردج
  2. بنت الأياآويد
    09-07-2016, 07:29 PM

    رد: رواية حبه لبسني لبس يني لبس الخواتم فالصبع تم

    رواية حبه لبسني لبس يني لبس الخواتم فالصبع تم


    المشاركة الأصلية كتبت بواسطة سحر الأنوثة
    البارت صح وايد قصير لاكن يجننننننننن
    غلا رح تقدر تنسى هزاع وتكمل مع مايد !! ما اضني
    منو تفضلون مايد ولا هزاع ومنو تتمنون غلا تاخذ ؟ الاثنين ستوالها موقف معاهم ف ما اعرف منو >خخخخخخخ

    تسلمين حبيبتي يسعدنيه ردج
    وصدقتي دام انه هزاع فقلبها صعب تتقبل مايد >سهلت عليج مشوار فالروايه
    هههههههه وعيبنيه الجواب الثاني لكن ما تنلامين فالحيره بينهم كلهمم سبشل بالنسبه لها
    تسلللللللمين وانتظر دودج فالبارتات اليايه
  3. بنت الأياآويد
    10-07-2016, 09:25 AM

    رد: رواية حبه لبسني لبس يني لبس الخواتم فالصبع تم

    رواية حبه لبسني لبس يني لبس الخواتم فالصبع تم


    سلام قايز قررت البارت يكون يوم الثلاثاء اذ قدرت اخلص
    واذ م قدرت بيكون يوم الاربعاء وان شاء الله يوم الثلاثاء القى توقعات زياده
    الكاتبه/بنت الاياويد
  4. سحر الأنوثة
    10-07-2016, 11:00 AM

    رد: رواية حبه لبسني لبس يني لبس الخواتم فالصبع تم

    رواية حبه لبسني لبس يني لبس الخواتم فالصبع تم


    انشاءالله بنتظرج يوم الثلاثاء على احر من الجمر
  5. بنت الأياآويد
    10-07-2016, 08:19 PM

    رد: رواية حبه لبسني لبس يني لبس الخواتم فالصبع تم

    رواية حبه لبسني لبس يني لبس الخواتم فالصبع تم


    المشاركة الأصلية كتبت بواسطة سحر الأنوثة
    انشاءالله بنتظرج يوم الثلاثاء على احر من الجمر
    شكرا غناتي على هذا الدعم اللي يحفزنيه للمواصله
    وان شاء الله انا عند الموعد
  6. بنت الأياآويد
    13-07-2016, 09:47 AM

    رد: رواية حبه لبسني لبس يني لبس الخواتم فالصبع تم

    رواية حبه لبسني لبس يني لبس الخواتم فالصبع تم


    بنات اعتذررررر بشده انيه م نزلتها امس
    لكن والله صارت ويايه مشكله باللاب و والحينه فتحت من الفون عسبت اعتذر
    ورح انزله اول م يضبط اللاب
    سمحن ليه بنات اتمنى تعذرونيه
  7. بنت الأياآويد
    13-07-2016, 05:24 PM

    رد: رواية حبه لبسني لبس يني لبس الخواتم فالصبع تم

    رواية حبه لبسني لبس يني لبس الخواتم فالصبع تم


    السلام عليكم ورحمة الله وبركاته
    حبه لبسني لبس يني..لبس الخاوتم فالصبع تم
    روايتيه الرومنسية والغامضة
    البارت التاسع
    ..
    مفتولة الأحلام
    لا جنية ولا تعشق الماء
    تأتي من حيث لا نتوقع لها
    ولها نخل، وخيول، وزعفران
    مربوطة بالتذكر الصاعق
    -هل أنت واحدة أم كثير؟
    ولا تأبه كأن لا أسئلة تستعصي
    والشعر أجنحة وأفق وحنين لها
    ولها الزينة وأسرارها
    والمرايا مرصودة للقوانين والقيد
    ولا تأبه كأن لا حدود تستعصي
    تقذف حبل أحلامها
    وتظل مربوطة في عروة الريح.
    .. أول الاحتمالات/ قاسم حداد
    ..
    مايد وربيعه سيف بإحدى المطاعم ع الساعه 6 pm
    سيف: الحين انته صدق بتعرس
    مايد: عيل الشو اتمصخر عليكم
    سيف: ياكم الرد
    مايد يتداكى: لا والله بعده بس اكيد يوافقون
    سيف بسخريه: ي الواثق
    مايد: اكيد حد يرد مايد بن سالم الـ
    سيف يتنهد: هيه هيه ذاج هزاعوه ملج وانته بتخطب
    مايد: عقبالك
    سيف: لا بعدينيه .. الا ميود وشله البنات اللي عندك
    مايد: دليت كلهن تامه ريم
    سيف: يهالريم هاي شبتسوى وياها
    مايد: حالها حل الباجي بس ياله بنتسلى لين الملجه
    سيف: حرام عليك البنت ترمسك من سنتين وميته فيك وتحتريك تخطبها
    مايد تجدم وهو عاقد حياته: لا حبيبي انا ما وعدتها بالزواج هي حماره تربع ورايه
    سيف: الله يهدي بناتنا بس انا والله قمت اخاف ع خواتي من اشكالك
    مايد يشرب جاهيه : لو خواتك عاقلات لا تخاف عليهن
    سيف يتداكى: بس انته واشكالك تسحبون البنت غصب
    مايد: المهم طبها سيره
    سيف: الا صدق شقايل بتتخلص من هالريم شيطانه ما بتخليك
    مايد: هههه ليش هيه شو تعرف عنيه غير اسمي
    سيف فج عيونه ع الاخر : يعني كل اللي تقوله لهن جذببب
    مايد: هيه طبعا .. بسكر حساباتي وبنغير رقم عن صدعتهن وانتهينا
    سيف بابتسامه ع ينب: وبيتم القلب حق حبيبه القلب
    مايد بابتسامه حزينه: هيه هيه ي سيف.. انا اللي البنات يربعن ورايه صرت اربع ورا بنت عمي
    سيف: جيه الدنيا اللي يبانا ما نلف جداه واللي ما يبانا نربع وراه
    رن فون مايد وشافه منصور: اكيد مسوي مصيبه
    سيف ضحك: منصور
    مايد هز راسه وفتح الفون : حيك منيصير
    .. عسى ماشر ..مايد يضحك:ي الخبل .. زين زين وينك الحين .. مسافه طريج واكون عندك .. فمان الله
    سيف: بلاه
    مايد: متضارب ويا شله شباب
    سيف: الله يعينك
    مايد: هالمره شكلها السالفه بتوصل المستشفى متكسر
    سيف: ههههههه سير عيل لا تتاخر عليه
    وسار له
    ..
    عند رناد امها وسلامه وزايد
    حدر علي: السلام عليكم ورحمه الله وبركاته
    الكل رد السلام
    زايد: اخبارك ي النسيب
    علي: الحمدلله طيب
    ام زايد: كيف العلاج وياكم
    علي: ماشي بس تييها حزات تتعب
    ام زايد: اشوفها ي بووي عيونها ذبلانه وويها مصفر
    رناد: امايا لا تزودينها
    .. وتمو يسولفون لحد ما انتهى وقت الزياره
    وتم وياها علي
    علي: كيف الحين
    رناد: الحمدلله
    علي: شي يعورج ولا
    رناد بالم: خليها ع الله
    علي : رناد حبيبتي لا تستسلمين
    رناد: علي
    علي تجدم لها وايد
    رناد: اذ مت اباك تكمل حياتك
    علي: رنوووده شهالكلام لا ان شاء الله بتقومين بالسلامه وبنتزوج وبتيبين درزن عيال وبتموتين عيوز
    رناد بابتسامه: هههه ان شاء الله
    علي يبوس يبهتها: الله يخليج ليه
    رناد: تصدق اللي مصبرنيه ع يلست المستشفى انته
    علي مبتسم: خل عنج لا تتعودين ع المستشفى ما باجي وايد عن النهايه
    رناد : ههههههه لا تخاف ابا اطلع اليوم قبل باجر
    علي: ياله شدي حيلج عشان تحضرين عرس اختج
    رناد: رمستهم اليوم ما يغيرون تاريخ العرس ويتم عقب شهر
    علي: وانتي
    رناد: اذ قدرت بحضر .. وهي ماسكه يده: وانته تكفي وتوفي
    علي بس خدها: الله لا يحرمنيه منج
    رن فونها
    وجانت غلا رمستها وتطمنت ع اخبارها وصكرت
    منسدحه ع شبريتها
    غلا: الله يعينج ي رنووده
    تذكرت مايد تنعاد عليها ذكريات الايام اللي جانت معجبه فيه
    وتذكرت باليوم اللي تهجم عليها وزاغت واتصلت باميره
    اميره: اووه كاثره اتصالاتج
    غلا: اميرره: في شي ما قلته لج من قبل
    اميره: شوو
    غلا قالت لها سالفه مااايد
    اميره الصدمه شلتها وشهقت: شش ششقاااايل يسوي جي
    غلا: اميره مابيه اناااا
    اميره: تروحين الحين تقولين حق امج
    غلا: شووو اقولها اقولها ولد اختج العزيز حاول يعتدي عليه!!
    اميره: غلا هالعرس مابيتم يعني ما بيتم مستحيل تاخذين واحد منحط جيه
    غلا تفكر
    اميره بانفعال: ميووود والله ما توقعته جيه مووول
    غلا: حتى انا ي اميره سوالي كابوس الحيوان
    اميره: مارح تاخذينه شوفيلج صررررفه ما رححح تاخذينه
    غلا: شسوي
    اميره: اتصلي فيه وقوليله انتي تحبين واحد يمكن تجرحين كرامته ويهون
    غلا: ي اميره ميود اعرفه بعاند بزياده واللي براسه بياخذه
    اميره تفكر: امممم ميراااا
    غلا: ميراا وايد طيبه مستحيل اورطها ويايه
    اميره: شو تورطينها .. فكري شقايل نخلي ميرا تقنع مايد
    غلا: ما ادري
    اميره: قوليلها السالفه
    غلا زعجت: لاااا والله اناااا انتي ما تجرأت اقولج برووح اقول لأخخخخخته !!!
    اميره: هفففف شنسوي عيل
    غلا: خخخ اصلي عليه وقوليله انا احبك لا تاخذ غلا
    اميره حرجت: جببببب ياله يخسي انا اخذ واحد بمستوى عقليه مايد
    وكملت بعصبيه: وانتي كيف قادره تستهبلين جيه انتي ابردددد انسانه شفتها واحد حقير يسمي نفسه هزاااع يدوس ع كرامتج ويلعب بقلبج وولد عممممج المحترم يحااااول يعتدي عليج وانتي التافهه قاعده تستهبلين وتضحكين وجنه عايبنج تكونين لعبه بأيدين هالخيس
    غلا انجلطت بهالكلام
    اميره انتبهت ع اللي قالته: غلا!!
    غلا تيمدت
    اميره: غلا انا انا والله مب قصدي
    غلا صكرت بويهها وطاح الفون وطاحت دمعتها: انا شعنه اصيح رمستها صح انا انا وقامت تصيحححح قهر وحزن وغصه وضيجه حاسه الدنيا انتهت بعيونها
    " توي وعيت ع اللي صارليه انا انتهيت "يدوس ع كرامتج" داسون كرامتيه "يعتدي عليج" ولد عمي هانيه هاااانيه انا انا "لعبه بأيدين هالخيس" انا صرت لعبتهم وانهاااارت صياح وطاحت ع الارض تصيح
    حدرت غاليه زايغه: غلاااااااااااااااااااااا!!!!
    غلا كملت نوبه البكاء عندها
    غاليه صكرت الباب ويلست ع الارض حذال اختها: غلا حبيبتي قومي
    عقب ربع ساعه قدرت غاليه بعقليتها تهدي غلا
    حدرت الحمام "وانتم بكرامه" وبصوت تعبان حيل: غاليه
    غاليه السرحانه باللي صاير باختها رفعت راسها: نعم
    غلا: لا تخبرين حد
    غاليه: ان شاء الله تعالي ارتاحي انتي
    غلا متمسكه بالباب ويوم خوزت ايدها ويت تبا تمشي طاحت ع الارض
    غاليه زعجت: غلااااااااااااااااااااااااااااااااا
    ثواني حدر مايد زايغ من زعجه غاليه اللي تنسمع من حيرته: شووو صاااار
    غاليه ودموعها ع خدها: غلاا غلا
    هناد: غاليه حبيبتي طلعي هاتي بسرعه
    ركض ع حيرته شل السويك ورجع شل اخته وهو يمشي ع الدري وغاليه وراه: غاليه خلج بالحيره لا تزيغين امايا من اتطمن بتصل انا فيها اوكيه
    غاليه: ان شاء الله
    ركبها السياره وطيران المستشفى
    ..
    عند مايد وصل حق منصور ولقاه يالس ع الرصيف ونزل يضحك
    منصور: جب ي الهرررم لا تضحك
    مايد: قوم قوم الله يغشك
    منصور وايدينه فيها كلينكس متروس دم : هب قادر ساعدنيه
    مايد توسد له: شو صار
    خليفه<ربيع منصور: يمكن ريله انكسرت هب قادر يحركها
    ساعدوه خليفه من يانب ومايد من يانب
    وشلوه المستشفى
    ..
  8. بنت الأياآويد
    13-07-2016, 05:24 PM

    رد: رواية حبه لبسني لبس يني لبس الخواتم فالصبع تم

    رواية حبه لبسني لبس يني لبس الخواتم فالصبع تم


    دقايق وظهر الدكتور من عند غلا
    هناد: شو صار
    الدكتور: لا تخاف تعب وقل اكل
    هناد: وشخبارها الحين
    الدكتور: حطينالها سقايه من تصحصح بنشوف
    هناد: اقدر اسير عندها
    الدكتور: اكيد لكنها نايمه .بأسى: شكلها تعبت زياده عن اللازم
    هناد: غريبه هي تسير الجامعه يعني كله يلسه ومن ترجع فحيرتها
    الدكتور: تعب نفسي وزود انها ما تاكل الدم ناقص شوي بس لكن الارهاق هو الاساس
    معلومه: غلا من ودرها هزاع وهي كله تسرح حتى ع الاكل وحزه الرقاد تتم تصيح لين ما تتعب ومن ترقد وعوها حق الجامعه
    ..
    عند مايد ومنصور حطو لريله جبس كسر بسيط حده اسبوع ويصح
    منصور: سمع تدبرلي جذبه
    مايد: وانا مسؤول عن باويك
    منصور محد قالك ولد عمي
    مايد: هففف منك
    منصور: خلوف منو بيردك
    خليفه: اخويه الحين ياي .. استأذنكم
    منصور: سلمت ما تقصر ي النشمي
    خليفه: ياله ما صار شي
    مايد يطنز: هيه عيدوها بعد ترا ماصا رشي
    خليفه يضحك: شرايك منصور
    منصور: لاااا دخيلك ترا كل الضرب يانيه اناا
    خليفه: هههههه المهم الحمدلله ع السلامه وما تشوف شر انا بسير
    مايد: بحفظ الرحمن
    وظهر
    مايد: ربيعك ينبان عاقل
    منصور: شعنه انا خبل مثلا
    مايد: والله شكلك يوحي
    منصور: جب انته .. إلا بقولك
    مايد: ها
    منصور: انت صدق رمست بغلا
    مايد: هيه وباجر بيردون علينا
    منصور: تتوقع تباك عقب اللي سويته
    مايد بابتسامه نصر: طبعا تباني وغصبن عن خشمها
    منصور يضحك: والله انك داهيه .. تعرف شو انا حاس انها بترفض
    مايد بنفس الابتسامه: لا تخاف مجهز كل شي
    منصور: ويقول انا خبل بعد خخخ
    مايد: ياله انته صخ برمس ناصر
    منصور: لا لا خل عنك هذا لوعه جبد برمس اميه
    مايد: لا والله وشاقيل بتقتنع منك
    منصور: عادي ترمسها؟
    مايد: انزين برمس ابوك
    منصور: لا ياخي ابويه حاار
    مايد: م عليه اتصل بامك وبرمسها
    اتصل منصور بام ناصر وقالها مايد بيرمسج رمسها مايد وطلب منها يبات منصور عنده اسبوع ودور له جذبه محترمه انه بيشل منصور كل يوم بعد الدوام نادي جريب من بيتهم وطافت عليها السالفه
    ..
    بعد ربع ساعه من دخولها
    هناد حدر عنها وشافها نايمه وجنها من سنه هب نايمه
    اتصل بامه وعيونه ع اخته: هلا امايا
    ام هناد: هناد وين سرت فجأه هب قايل بتتقهوى ويايه
    هناد: انا بالمستشفى شال غلا
    ام هناد زاغت: بلاااااها غلااا
    هناد: امممميه لا تزيغين تعبت شوي
    ام هناد: ابوك محد تعال شلنيه
    هناد: امايا شتسوين
    ام هناد بخوف: شوش و اسوي بنتيه فالدختر وتبانيه ايلس هنيه
    هناد: ي اماييا غلا ما فيها شي تعبانه شوي والحينه راقده من تنش اخليها ترمسج
    ام هناد: حتى ولو ابا اشوفها
    هناد: يميه غلا مافيها شي
    ام هناد: شقايل ما فيها شي وهي فالدختر
    هناد: يااااله عااد ي امممميه قلت لج ما فيها شي .. هاه نشت
    غلا فتحت عيونها بتعب تطالع وينها فيه
    هناد: غلا حبيبتي امايا ايغه عليج قوليها انج بخير
    خذت الفون وبتعب: هلا امايا
    ام هناد: غلااا حبيبتي شو فيج شو صار شخبااارج الحينه
    غلا: شوي شوي عليه .. الحمدلله انا بخير مافينيه شر
    ام هناد: شقايل ما فيـ
    غلا: امااااايااا اقولج انا بخير خلاص مسافه طريج واكون عندج
    ام هناد ارتاحت: زين لا تتخرون
    غلا: عادي نتعشى فالمطعم
    ام هناد: تعشوا حبيبتي بس لا تعبين عمرج
    غلا: ان شاء الله .. حياج
    ام هناد: فمان الله
    عطته الفون: من صدقج بتسيرين المطعم بهالحاله
    غلا: ما بسير بس عسب اذ اتخرنا ما تخاف
    هناد: غلا شوص اير
    غلا تطالع السطح: شو
    هناد: شو اللي تاعبنج
    غلا: هب تعبانه
    هناد مسك تجدم لها: بشو تفكرين
    غلا طاحت دمعتها
    هناد: غلاا قوليليه انا اخوج
    غلا صاخه
    هناد: بمايد
    غلا لفت جداه
    هناد: ما تبينه صح , ولا تبين تقولين السبب
    غلا هزت راسها: لا هب مايد
    هناد: ي غلا لو ما تبينه انتي هب مجبوره
    غلا ودها تقول ما تباه لكن تخاف هناد يسالها ليش : لو ما اباه بتسمعنيه
    هناد بحنيه: اكيد بسمعج الشور شورج وانتي اللي بتاخذينه هب انا
    غلا صخت" ي ربي اقوله ولا لا"
    هناد: تبينه
    غلا " بقول واللي فيها فيها" هزت راسها بلا
    هناد: جنت عارف .. مايد شمسوي؟
    غلا" هذا اللي جنت خايفه منه "
    هناد: غلا حبيبتي قولي وعد ما اسوي مشكله
    غلا" ها جنه يقرا افكاري" خذت نفس وقالت: هناد مايد ما سوا لي شي
    وبصوت صايح : بس انا مااابااه
    هناد: تو تو لا تصيحين خلاص ما تبينه ما بتاخذينه
    غلا: ترا مايد ما سو اشي بس ...
    هناد قاطعها: لا تخافين انتي هب مجبوره ..وابتسم: وهاه ها الزواج هم وانزاح الحين ما عندج عذر تفكرين واتعبين عمرج
    غلا ابتسمت: ان شاء الله
    هناد: ياله الحين يبت لج فطيره اكلي اشوف
    غلا كلت بهدوء وهي مرتااااحه انها تخلصت من خوفها من مايد
    ..
    في بيت سالم
    ساره بحيرتها ويالسه ع كرسيها الاحمر المخملي المفضل: ههههه
    الشخص اللي فطرف الثاني من الفون: اشتقت لج والله
    ساره: يووه ما مدالنا
    رد عليها وبصوت حنون: الا ابي اشوفج
    ساره: والله ما جنت اعرف انك خبل
    ..بضحكه: خل اشوفج بس بتشوفين خباليه صج
    ساره: هههههههه جب جب
    ..يتنهد:آآآه ي سااره من متى ما شفتج
    ساره بصوت هادي: انزين تعال
    ...: لازم ارتب لي شوفه مضبوطه
    ساره بحالميه وهي تلعب بشعرها: وانا انتظرك
    ..: آآآخ لو تدرين شقايل احبج
    ساره: صبر بعدنيه سنتين واتخرج
    ..: وتلقينيه جدام بيتكم .. بس شاللي يصبرنيه هالسنتين
    ساره: بتصبر بتصبر المهم انا لازم اصكر الحين
    ..: وين ما شبعت منج
    ساره: ههههه حبيبتي برمسج عقب اوكيه
    ..: ميرا عندج ؟؟
    ساره: هيه ياله روضاني سيوو
    : باي حبي
    وصكرت
    ساره: شفيج انتي لا احم ولا دستور
    ميره وهي مبوزمه: غلاااوي فالمستشفى وميود محد عسب يشلنيه
    ساره بصدمه: بلااااهااا!!
    ميره وهي تتذكر اتصالها لغلا
    : هلووووو غلاااوي
    هناد: السلام عليكم
    ميره تفشلت: وعليكم السلام وين غلا
    هناد: انا وغلا بالمستشفى الحينه
    ميره شهقت: شوووووو شو صااار بلاهااا غلا شوفيهااا
    هناد: ميراا شوي شوي عليه
    ميره: دخيلك هناد طمنيه بلاها شو صار
    هناد: ما فيها الا العافيه تعبت شوي ووديتها المستشفى
    ميره: الحينه بتصل بميود واييكم
    هناد: ميود هذوه مجابلنيه وشعنه اتيين بقوله اييبج باجر بيتنا هب له لازم روحه الدخاتر
    ميره: انزين .. تستحقون سلامتها
    هناد: الله يسلمج
    ميره: خلها تتصل لي اول ما تقدر
    هناد: ان شاء الله
    ميره: فمان الله
    هناد: حياج
    ..
  9. بنت الأياآويد
    13-07-2016, 05:25 PM

    رد: رواية حبه لبسني لبس يني لبس الخواتم فالصبع تم

    رواية حبه لبسني لبس يني لبس الخواتم فالصبع تم


    عند هناد ومايد: الا ما قلت ليه ميود شتسوي هنيه
    مايد: ها منيصير منكسره ريله
    هناد: الله يسلمه .. قربون جدانا باجر
    مايد: لا والله ما اقدر ما خبرت عمي خالد عن منصور
    هناد: شعنه
    مايد: تعرف الحين وايد متكدرين من سوالفه وبيضيجون اكثر اذ درو انه متضارب
    هناد: الله يهديه
    مايد: بحاول افهمه فهالاسبوع
    هناد: يعني ما بنشوفك اسبوع كامل
    مايد: لا بتحوط وياه خاري بس ما اقدر ايي بيتكم
    هناد: ياله ما عليه
    مايد: الا ما قلت ليه انته شتسوي هنيه
    هناد: اطلع اوراق خروج غلا
    مايد قلبه يدق بسرعه ويتظاهر بهالهدوء : غلااا عسى ما شر شو صار
    هناد: والله ي مايد بغيت اقولك شي واتمنى ما تزعل
    مايد انقبض قلبه: قول
    هناد: والله غلا ما خاطرها بهالعرس
    مايد وجنه ماي بار انجب بويهه وصخ
    هناد يحط يده ع جتف مايد: سمح ليه ي مايد وانت تعرف اليواز قسمه ونصيب
    مايد ضاجت به الدنيا لف عن هناد مشى بدون ما ينطق بكلمه
    هناد هز راسه باسى وهو عارف محبه مايد لغلا
    رجع صوب اخته وجانت ياهزه وتحتريه
    غلا بابتسامه: نروح
    هناد بمجامله: ياله
    ظهرو وهم بطريجهم لسياره
    غلا: هناد فيك شي ؟
    هناد: جابلت مايد وخبرته
    غلا لفت جداه بقووه: شو قال
    هناد: هب مهم ياله ركبي
    وتوجهون للبيت
    ..
    في مستشفى آخر فالعين
    رناد واقفه جدام الدريشه وتناظر فبعيــــد
    دخل علي بابتسامته المعتاده صدت عنه ورجعت تطالع القمر
    لف عليها من ورا وصار راسها ع صدره وهو يبوس راسها
    رناد تداكت ع صدره وحطت ايدها ع ايديه اللي مداوره بخصرها: علي
    علي: ي عيونه
    رناد: حاسه ان عرسنا ما بيصير
    علي بهدوء وحنيه: بيصير ي قلبي خلي ثقتج بربج كبيره
    رناد: ونعم بالله
    خوزت ايديه وجابلته : ممكن نتمشى خاري
    علي: ياله
    لبست عباتها وظهرو يتمشون وهو ماسك ايدها
    هي صاخه ما ترمس وبادر علي بالرمسه: رناد
    رناد وعيونها ع الارض تناظر العشب: هممم
    علي: انتي دوم جي هاديه
    لف ويهها له وبابتسامه : يمكن
    علي: تعرفي شو انا بحياتي ما تخيلت اصير جي
    رناد : كيف يعني
    وصلون لمكان بعيد من معشب المستشفى الخالي من الناس
    علي: تعالي
    يلس ويلسها جدامه وراسها ع صدره وهو حاضننها وهي لازالت تطالع فوق
    علي: انا ما جنت جيه
    رناد: اعرف
    علي: شو تعرفين
    رناد: اعرف انك جنت طايش وما تفكر الا باللعب جنت بلا مسؤوليه وييت انا وقلبت حالك صرت مهموم بهمي وصرت مسؤوليه برقبتك
    علي: لا مب جي .. هو صح انا جنت طايش ولعاب لكن ما جنت حاس بالحياه وهالمسؤوليه والهموم اللي تقولين عنها حسستني بالحياه صرت اعيش وودي انش الصبح عشان اشوفج واشاركج همج صرت كل ما اسرح افكر واخطط لحياتنا المستقبليه
    رناد والدمعه ع خدها: احبك
    علي حس بصياحها وشدها له اكثر: وانا امووت فيج
    رناد: علي لا تودرنيه
    علي: مستحيل اودرج بس انتي خلج قويه هاي ايام وبتمر
    رناد: انا ما اقدر اوعدك اني ما اودرك
    علي: رناد جم مره قايل مابا اسمع هالرمسه
    رناد: علي انا ما قصدي انكد عليك بس انا مابا تنصدم اذ مت
    علي يغير الموضوع: انتي تلاهينيه عن شغلي شكلي بنقلج مستشفى ثاني
    رناد: هههههه شرايك تصير انته دكتوري عشان اجابلك اربع وعشرين ساعه
    علي: ههههههههه انا طبيب عام شدخلنيه بالسرطانات وغيره.. وحب مايذكرها: شرايج استقيل واجابلج
    رناد: هههههه لا ما صير مب دوم اوقات الزياره
    علي: عيل خلينا جيه اشوفج مرتين باليوم ع الاقل احسن
    رناد: ههههه ياله قوم شوف شغلك
    وحدرو المستشفى
    ..
    أخفي الهوى و مدامعي تبديه وأميته و صبابتي تحييه
    ومعذبي حلو الشمائل أهيف قد جمعت كل المحاسن فيه
    فكأنه بالحسن صورة يوسف وكأنني بالحزن مثل أبيه
    إن أنكر العشاق فيك صبابتي فأنا الهوى و ابن الهوى و أبيه
    قصيدة يقال انها لـ ابن الفارض
    ..
  10. بنت الأياآويد
    13-07-2016, 05:26 PM

    رد: رواية حبه لبسني لبس يني لبس الخواتم فالصبع تم

    رواية حبه لبسني لبس يني لبس الخواتم فالصبع تم


    غلا فالسياره ما جانت تفكر الا بهزاع اللي ما يروح من بالها
    عشقته مهما تنكر .. بنت احلامها على حبه .. تحس ان حياتها انتهت
    مايد .. فلحضه غضب منه وافقت لكن قلبها عمره ما وافق إلا ع اللي علقها له وراح .. ومايد مهما جانت تشوفه شي بالنسبه لها هو دمر نظرتها له بسواته صارت تكرهه وتكره طاريه ..
    ..
    مر شهر من رفض غلا لمايد ومن بعدها عن هزاع اللي ما يفارقها
    الحزن هو المسيطر فمرور هالشهر على غلا وصارت الجامعه ملاذها عسب تبتعد عن التفكير
    ..
    مايد ماعاد حد شافه يقضي كل وقته برا البيت ويرجع بآخر الليل
    ..
    وبآخر يوم من هالشهر
    طرش هزاع رساله لغلا وهي تفصخ عباتها يايه من الجامعه
    " غلا "
    ردت عليه وهي هب عارفه ليش هب قادره تكرهه ولا قادره تنساه
    غلا: نعم
    هزاع: انا خطبت
    طاحت دمعتها لا إرادي وكتبت واصبوعها ترتجف: مبروك
    هزاع: بعدج تحبينيه
    غلا تنتفض وتحس انها تختنق: شو تبا
    حرام عليك دمرتنيه
    والله حراااام
    هزاع ما رد
    ..
    قال شكسبير:
    •إن الحزن الصامت يهمس في القلب حتى يحطمه
    ..
    صاحت لين سمعت اذان العصر
    صلت وسمت باسم الله واتصلت بميره
    ميره: هلاااا بحبيه قلبي
    غلا مجامله: اهلين
    ميره: ي اموووره باجر ويكند وان شاء الله نحن عندكم
    غلا: ي مرحبا الساع .. ميره بطلب منج طلب ولا تردينيه دخيلج
    ميره متفاجاه: آمري
    غلا: ابا ارمس مايد
    ميره: شوووو!!!
    غلا: دخيلج ي ميره عطينيه ارمسه
    ميره: غلا حرام عليج اخويه هب لعبه بأيديج
    غلا ونبره الصياح فيها: ميره طلبتتتج
    ميره: اوكيه من حظج انه اليوم فالبيت
    جدرت حيرته ولقته منسدح ع شبريته وسرحان كالعاده: ميود
    مايد لف جداها وعقب رجع يطالع السطح
    ميره بتردد: مايد غلا تبا ترمسك
    فز من سمع اسمها: صدق!!
    ميره وحزينه ع اخوها اللي بعده متعلق فغلا: هاذيه
    ناولته الفون خذه وهو مبتسم
    مايد: احم
    غلا ودموعها اربع اربع
    غلا: ممكن تخلى ميره تطلع
    مايد اشر لميره تظهر
    ميره: لا والله
    مايد ياشر له ويترجاها بس دقيقه وظهرت ميره وهي تتافف وصكرت الباب
    مايد: ظهرت
    غلا: مايد انا آسفه اني رفضتك
    مايد: اللي فات مات
    غلا بصوت ناعم وفيه صياح : يعني انت ما عدت تبيني
    مايد: شو مناسبه هالسؤال
    غلا: مايد اباك ما تلومنيه يوم رفضت انت تعرف ليش
    مايد متلوم: اعرف ما الومج اللي سويته هب شوي
    غلا: انا نسيت اللي صار
    مايد رافع حايب: يعني انتي موافقه الحين !!
    غلا: هيه اذ انت مستعد ترجع تخطبنيه
    مايد بعد صمت وهو يفكر : باجر نكون فبيتكم
    غلا ابتسمت"والله ان قلبك طيب ي مايد" : ان شاء الله فمان الله
    مايد: حياج
    صكر الفون وهو مبتسم ع ينب
    " انا برويج ي غلا انا مايد بن سالم الــ ترفضينيه
    والله لندمج ع اليوم اللي رفضتينيه فيه هه
    قام من ع الشبريه وحدر الحمام"وانتم بكرامه" خذ له شور سريع وبهالوقت حدرت ميره وشلت فونها"
    ظهر ولبس كندورة بيضا وغتره حمرا ونعال سودا يلد ثعبان
    ضبط الطربوشه ولفها ع ورا رش عطر وظهر لامه
    ام مايد والفرحه هب سايعتها تشوف ولدها بهالحال عقب شهر كامل :
    ي هلا والله بضناي مرحبا ملايين فذمنيه ما يسدن
    مايد يضحك ويبوس راسها: يا هلا بج
    ام مايد تمسح ع ويهه والدمعه بعينها: علني لا خلى ولا عدم من هالضحكه يولدي
    مايد: آمين ي الغاليه ولا يحرمنيه منج
    ام مايد: حبيبي شلي قلب حالك
    مايد يتنهد: باجر نسير نخطب غلا
    ام مايد وامتحت الابتسامه من ع يهها: بس ي ولدي هي رافضتنك
    مايد يبتسم: ما عليج ي مايا هلي غلطت وحست بغلطها
    ام مايد: وانت شقايل تدري
    مايد: هي رمسه ميره
    ام مايد: والله ان حالها غريب هالبنت يوه اثلاثه عقبك وكلهم ترفضهم الله اعلم بحالها
    مايد بابتسامه: اكيد بترفضهم وولد سالم فالخاطر
    ام مايد تضحك: ههههههه فديت طاري ولد سالم انا
    حدر ابو مايد: ماشاء الله الله يديم هاليمعه الغاويه
    حدرن ساره وميره ويلسن وياهم
    ام مايد بابتسامه: ي بو مايد ميره واخوها يقولون ان غلا موافقه ع مايد
    ابو مايد بفرحه لولده: هذ الساعه المباركه وان شاء الله باجر نكون عندهم
    ساره: ياسلاااام باجر خطبه وورا باجر عرس سلامه ياااااي
    كلهم ضحكو وجانت يمعه حلوه عقب هالشهر
    ..
    الأشياء البسيطة هي الأمور الخارقة للعادة، ولا يراها إلا الحكماء.
    / باولو كويلو
    ..
    .. فالبارت العاشر
    الخطبه بكل ما فيها من احداث
    عرس سلامه اللي اكيد مارح يخلى من الحماس
    شي رح يقلب احوال العايله كامل بالتالي الرواية بعد
    مايد وقراره الحاسم
    ساره لازالت ترمس هالشخص اللي رح نعرف منو هو فالبارت الياي
    وبنعرف منو البنت اللي يباها هناد ورح يخطبها بعد
    منصور يتغير مساره فالبارت الياي
    عبدالله والصدمه بعد بنعرفها فالبارت الياي
    ..
    اتمنى اشوف ردودكم
    اختكم:
    بنت الاياآويد
... 5678910111213141516171819202122

الكلمات الدلالية لهذا الموضوع