... 23456789101112131415161718192021 ...

رواية حبه لبسني لبس يني لبس الخواتم فالصبع تم

قصة كاملة - رواية كامله جميلة للكاتبه ارسال إلى Twitter ارسال إلى facebook
  1. بنت الأياآويد
    02-07-2016, 03:49 AM

    رد: رواية حبه لبسني لبس يني لبس الخواتم فالصبع تم

    رواية حبه لبسني لبس يني لبس الخواتم فالصبع تم


    بعد اذان المغرب صلت ونزلت
    لقت مايد وهناد يالسين خاري
    سلمت
    هناد: غلا هاتي قهوه جونا محد
    مايد: انا متقهوي
    هناد: وانا يوعان
    غلا: القهوه م بتشبعك .. بسويلنا شي ناكله
    سوت كيك ويتهم
    هناد: الله علــــيج
    مايد: وانا تحريتج م تعرفين تطبخين
    غلا: هه ما يضحك
    هناد: شرايكم نتحوط
    غلا: انا مابا
    هناد: ليش
    غلا: عندي امتحانات
    مايد: هيه ماشاء الله عليج شقايل تذاكرين
    هناد هب فاهم: شسالفه
    غلا: تافه ما عنده سالفه المهم انا بروح اذاكر تبون شي
    مايد: سلمتين
    هناد: متى بيون قم يدي
    غلا: م اعرف
    هناد: انا ومايد بنطلع بتمين بروحج
    غلا: شو عليه
    هناد: خل عنج روحي لبسين عباتج
    غلا عقدت حياتها: وين بنسير
    هناد: بنروح نشتري حايه هب مطولين وهب مخلنج تمين بروحج
    غلا تخصرت: لا والله شو بينيه يعني تونيه يالسه بروحج
    هناد: هب بروحج اعرف ان مايد هنا
    غلا: مابا اسير وياكم
    هناد: غلا لبسي عباتج بلا كثره رمسه
    غلا: ومتى بدرس
    هناد: اليوم الخميس عندج يومين
    مايد: قصدك يوم باجر خطبه رناد
    غلا شهقت: شوووووووووووووو!!!
    هناد: اللي سمعتيه
    غلا: متى كيف ومنو وشعنه انا ما اعرف
    مايد: متى اليوم حددو كيف سبحان الله منو ولد هاليران وشعنه ما تعرفين لانه هب لازم
    غلا: لاااا والله وشعنه انا آخر من يعلم
    هناد: افففف غلا لا تصعينا البنت وبيخطبونها انتي شدخلج ياله روحي لبسي عباتج نحن فالسياره
    راحت وهي تتحرطم
    لقت مكالمه من هزاع
    غلا: تطورنا والله قام يتصل الجلب رووح موت قفلت الفون وفرته ع الشبريه لبست عباتها وظهرت بعدين تذكرت انها بتمل رجعت شلت الفون ونزلت لهم
    ..
    فبيت فاطمه – خليفه
    زايد: هب بكيفج
    رناد: زااااايد من متى انت صرت جيه قلت لك مابااااااه
    زايد: وممكن اعرف ليش
    رناد: انت تعرف
    زايد مسكها بيديها ويرمس بهدوء: ي حبيبتي ي رناد انتي هب ياهل شو يعني انه دختور هب قاتلنج هووو والولد شاريج
    رناد بوزمت: ماباااه
    زايد: انا ما اجبرج ع شي تبينه قولي ما تبينه خلاص .. تعبت منج
    وقام يبا يروح
    رناد: صبر
    زايد لف
    رناد شلحت ايدها وروته
    زايد انصدم: شووووو هاااا
    رناد هزت جتوفها بمعنى م اعرف
    << بقعه حمرا ع ايدها >>
    زايد: م احترقتين
    رناد: لا وبعدين شكله هب حرق
    زايد: انتي هب طبيعيه مول
    رناد: ثلاث مرات صب مني دم بدون م انيرح
    زايد: لازم نروح المستشفى
    رناد وقفت: مستحــــــــــــيل
    زايد بابتسامه: يا المستشفى يا توافقين ع علي
    رناد: زاااااااااااااايد
    زايد: آخر كلام
    رناد: شكلك تبا الفجه منيه
    زايد: اذ تبين الصدق هيه مليت منج
    رناد راحت تبا تضربه ورجعت تيلس بسررعه
    زايد خاااف: بلاااااج
    رناد: هاه لا ماشي
    زايد: باجر الصبح فالستشفى
    رناد تترجاه: لاااا
    زايد: اذ م رحتي المستشفى بنخطبين شوفي فكره حلووه عسب تشردين
    رناد <<يااااااهل>>: صدقكك خلاص بسير المستشفى
    سار وهو يضحك ع خبالها
    ..
    طول الطريج وهي تقرا << فااااااااااصله
    هناد: غلا بيروحن عيونج من هالفون
    غلا مبوزمه: قلت لكم مابا ايي
    هناد طول ع المسجل
    غنيه صوب دار الخل .. ميحد حمد
    وكلهم سكتون وهي حطت الفون << قسمم بالله صوت بو حمد غيرررر
    ..
    فبيت بو ناصر
    ميثوه: مهااااااااااااااااااري دخيلج انتي نصور يسمع رمستج
    مهره: لا لا
    ميثوه: بليزززز بس جربين
    مهره: وشو بتعطينيه
    ميثوه: آخر سلسال شريته
    مهره بابتسامه: وياه الساعه
    ميثوه ضااجت: يلا زين
    سرات مهره
    مهره: ناااصر
    ناصر يرمس ففونه: ها
    مهره: حط هالفون شوي
    ناصر: شو
    مهره: باجر نبا نسير بيت خالتيه فطيم
    ناصر: وشعنه تسيرن شدخلكن
    مهره: ميثوه تبا تيل سويا رنود وبعدين هيه شاريه لها هديه
    ناصر: وهي من وين تعرف انها بتنخطب من قبل
    مهره: من زمان شارتنها لها
    ناصر: انا بودي ميسا عند اهلها
    مهره: ترا اهلها اكيد هناك تسير مناك
    ناصر: مابا اشلها بوقت
    مهره: ليش
    ناصر: ما يخصج
    مهره: نصوووور
    ناصر: زين زين بشلكن الساعه ست
    مهره: اوكيههه
    وخبرت ميثوه
    ميسا: مساء الخير
    ناصر: ي هلا وغلا
    ميسا يلست حذاله: وين عمتيه
    ناصر: م اعرف دخلت تصلي المغرب وما ظهرت
    ميسا: بروح اشوف عن تكون فالطبخ
    ناصر يلسها: يلسي شوي برمس وياج
    ميسا: ما تشبع من الرمسه حشاا سوالفك ما يخلصن
    ناصر: خلاص انزين يلسي ما برمس
    ميسا: شو ايلس اسوي اطالع ويهك مثلا
    ناصر: ليش مليتين منه
    ميسا: حشااا
    ناصر: عيل يلسي اطالعيه
    ميسا: نصوور عن السخافه
    ناصر عض اذنها: انا سخيف
    ميسا: آآآآآخ والله الحشمه لهل البيت برويك من دخل
    ناصر بخبث: تعالي ندخل
    ميسا تفشلت: ياله بسير عند خالتيه
    ناصر: قولي عمتيه
    ميسا: م اعرف تعودت
    ناصر: بتتعودين ع عمتيه
    ميسا: اففف تركز ع كل شي
    ناصر بنظرات: اكيد اركز
    ميسا: نصور عن قله الادب نحن فالصاله
    ناصر ضحك: ههههههه زين روحي روحي فديت حرمتيه الشغيله
    ميسا راحت وهي تضحك
    ميثوه: ضحكونا وياكم
    ناصر قلب ويهه: نعم خيررر
    ميثوه: عدوتك اناا
    ناصر: هيه
    ميثوه: ما اشتقت ليه مول
    ناصر: طبعا لا عندي شيخه الحريم وبشتاق لج انتي
    ميسا: تفداك شيخه الحريم
    ميثوه: اخـــــــــــــــــــيه ي اللغانه انتي هب توج سايره
    ميسا بجديه: ما ريت خالتيه اقصد عمتيه فالمطبخ
    مهره: سارت بيت اليران
    ميسا: اها شتبون من العشا
    ناصر: هب لازم انتي تسوي شي بشكارات
    ميسا: م احب اكل البشكارات
    ميثوه: عيل قوموا نطلع
    ناصر: بس تم ياله
    ميثوه طارت من الفرحه ونقزت فوق تتلبس
    ..
    غلا هم راحوا يتسوقون وهي يلست ع الطاولات وقابضه فونها ملانه
    ومن بعيد لمحت مايد وهناد وياهم اثنين صدت عنهم
    عقب انتبهت وفجت عيونها ع الآآآآآآآآآخر
    غلا: هززززززززززززززززااااع
    واحد منهم جان نفسه صوره هزاع
    غلا قامت ترجف: ه هزاع ربيع ه هنااد !! " اخخ ي السدددددمه "
    عقب سلموا مايد وهناد ع الشباب ورجعون هم شالين اجياس
    هناد: ياله
    مايد: عطشت ابا اشرب شي
    هناد يلس: وانتي
    غلا: هاه
    هناد: نبا نشرب شي تبين ولا
    غلا تهز راسها بهيه
    مايد: بيبلكم شراتيه
    وراح مايد
    غلا: هناد
    هناد: نعم
    غلا: منو اللي توكم تسلمون عليهم
    هناد: ربعيه شعنه
    غلا: هاه لا بس اسأل
    ودها تسال عن اسمائهم بس عرفت ان هناد هب مطوف الموضوع فقررت تسال مايد
    غلا: هناد عادي اسير اقول حق مايد اكيد بييب لي كوكتيل شراته وانا م احبه
    هناد: روحي
    راحت صوبه
    مايد: غلا شتسوين
    غلا: ابا افكادو هب كوكتيل
    مايد يشوف الناس حذاله : اوكيه رجعي انتي
    غلا: بس سوال
    مايد: هلا
    غلا: منو ذيلاك اللي توكم ترمسونهم
    مايد مصدوم: ربعنا
    غلا: شساميهم
    مايد عصب: شهالسوال
    غلا: لابس بتاكد من شي
    مايد بطفش: هزاع وسيف
    غلا: اهاااه
    مايد بحده: ليـــــش
    غلا: هاه لا بس واحد منهم يشبه ربيعتيه
    مايد بابتسامه: انززين يلا رووحين
    وراحت
    .. غلا ي الخبله .هزاع ربيع اخوووج .. ي بوووي بيجتلنيه هناد .. حقيرررر جللللب .. بس لو اعرف ها شقايل يعرف عنيه كل شي وهناد هب من النوع اللي يرمس عن خواته .. آآه بس لو اعرف جنت رويتك ي الحقير
    < نفسيه هالبنت هعهع >
    ..
    قال افلاطون:
    المرأة بلا محبة امرأة ميتة
    ..
  2. بنت الأياآويد
    02-07-2016, 03:50 AM

    رد: رواية حبه لبسني لبس يني لبس الخواتم فالصبع تم

    رواية حبه لبسني لبس يني لبس الخواتم فالصبع تم


    شربون عصيرهم ورجعون وهي طول الطريج تفكر ع اغاني ميحد
    سوت عشا وضوى يدها وياه يدتها وتعشون يميع
    مايد طبعا راح وهناد فحيرته
    وغلا يالسه تقرا
    شافته مطرش: مساء الخير
    كتبت: مساء النور
    شافت اميره مطرشه
    ردت: هلا راقده؟
    اميره: نو
    غلا: سوري م شفت
    اميره: هب مهم
    غلا: علومج ربج بخير
    اميره: الحمدلله اخبارج انتي
    غلا: زينه .. وينج انتي مالج حس
    اميره: لا والله هب جنه انا آخر مره يايتنج
    غلا: ههههه والله ابا ايي بس منوه ايبنيه
    اميره: هناد
    غلا: هب فاضي ليه مول والحينه انا فبيت يدي
    ..رد هزاع: جان ما رديتين
    .. اميره: عيل فاضيه لبيت يدج ما عليه ي الهرمه تعالي وبرويج انا
    كتبت لهزاع: جنت محد
    ولاميره: هههههه اوكيه بنتفاهم ابا اييكم باجر بس عندي امتحان
    هزاع: وين جنتين
    أميره: باجر عندنا ملكه بنت خالوه
    غلا لهزاع: ويا هناد ويا مايد
    ولاميره: يعني بتشوفين سعود
    هزاع: شتسوين وياهم
    غلا: هم قالوليه
    هزاع: وشعنه تروحين
    غلا: هناد هب مخلنيه ايلس لنه بروحيه فبيت يدي
    هزاع: الساعه جم بترقدين
    غلا: م اعرف
    هزاع: باجر م برمسج
    غلا "فجه منك": شعنه
    هزاع: بسير دبي واصلا انتي تلوعين بالجبد وسوالفج بايخه
    غلا تضايجت: عند الحرمه
    هزاع: هههه ما نسيتين
    غلا: جىه بس توي تذكرت
    هزاع: ولا شرايج تونسينيه ع الطريج
    غلا: شقايل اونسج
    هزاع: سولفين
    غلا: م عندي سوالف
    هزاع: انتي بايخه من يوم يوم جيلا ذلفي
    غلا هب متحمله: منو هاي اللي تسير عندها
    هزاع: م اقول
    غلا: حبيبتك؟
    هزاع: تقريبا
    غلا: ووين هي بالضبط
    هزاع: فشقه
    غلا حرجت وفرت الفون
    .. تذكرت شي ورجعت الفون سرعه
    هزاع: بلاج وينج
    : اوك زولي
    غلا: وياك
    هزاع: تحريتج رقدتين
    غلا: لا إلا بسألك
    هزاع: نعم
    غلا: وين انته اليوم
    هزاع: ويا ربيعيه ليش
    غلا: وين سرت ويا ربيعك
    هزاع: شهالاسئله
    غلا: انت سألت وانا جاوبت صار دورك تجاوب
    هزاع: هب مجبور اجاوب بس بصير احسن منج
    :فالمول ويا سيف
    غلا: اهااا وبمنو التقيتون هناك
    هزاع: امممم م حيد
    غلا: حاول
    هزاع: غلاااااااااااااااااااااااااااااااااااا انتي جنتي هناك .. انا شفت مايد وهناد
    غلا: تستعبط
    هزاع: شقايل م تقولين ليه بشوفج
    غلا: انت ربيع هناد؟
    هزاع: روحتين عليه الفرصه
    غلا: لا تضيع السالفه انت ربيع هناد صح
    هزاع: هيه شعندج << قسسسسم بالله اممم النفسيه >>
    غلا: يعني انته هب يني
    هزاع: شياب هالطاري الحينه
    غلا: انت هب حاس فيه انا بتخبل
    هزاع: وانا بعالجج
    غلا: لا تنكت ارمس جد انا
    هزاع: م انكت احسن تخبلين عشان تروحين المستشفى واتشمت فيج
    غلا: ليش تسوا فيه جيه قوليه وريحنيه
    هزاع: شاقول
    غلا: شقايل تشوفنيه
    هزاع: بقلبيه
    غلا: حسبي الله ونعم الوكيل
    هزاع: لا تتحسبين
    غلا " عرفت انه بيتم ع هالاسلوب" : تصبح على خير
    هزاع: وانتي من هله
    : اذ م رقدتين رمسينيه اوكيه
    غلا: وراك درب دبي رقد
    هزاع: هههههه يعلنيه فدا للي يغارون
    غلا: م اغار ولا يهمنيه سير عند راعيه الشقه مرتاح
    هزاع: جنج عصبتين
    غلا: لا حشااا مزاجي تمام التمام
    : شعنه انت تخلانيه اعصب اصلا
    : لااا موووول حاشاك
    : انا بتخبل منك وانت تروح عند ذيج الـ
    هزاع: حسني الفاضج لا يصير شي ما يعيبج
    غلا: ليش انت سويت شي يعيبنيه لليوم
    هزاع: انتي شو مشكلتج شعنه نفسيه جذا
    غلا: شراتك
    هزاع: روحي رقدي
    غلا: لا من صجك انت في آدميه ترقد والخوف م يودرها في حد يرقد وهو هب حاس بالامان
    هزاع: تبينيه انام وياج
    غلا: انجلع
    هزاع يتعمد يطفر بها : جان تبين ترانيه جريب دقيقتين واوصلج
    غلا:باي
    هزاع..
    ..
    قرت الاذكار وتلحفت كامل ع امل انها تنام
    وبنص الليل نشت زايغه من كابوسها
    تنتفض وكلها عرق ودموعها ع خدها
    استغفرت وحاولت ترجع تنام لكن الكابوس م يخوز عن بالها
    تحلم هزاع ع هيئه يني ويتحول لآدمي .. يوم انه آدمي هي تضحك وفجأه يصير يني وهي تصيح وهو يحاول يجتلها
    بعد فتره طويله رقدت بالغصب
    ..
    اميره من سمعت طاري سعود تمت تفكر شقايل تتخلص من هالعله ورقدت
    ..
  3. بنت الأياآويد
    02-07-2016, 03:51 AM

    رد: رواية حبه لبسني لبس يني لبس الخواتم فالصبع تم

    رواية حبه لبسني لبس يني لبس الخواتم فالصبع تم


    ..
    بالباجر 8:30 am
    تحس حد فوقها ويناقز عليها: آآآآآآآآآآآآآآآآىىىىه آآآآآآآآآآآآآآآآآآآآىىىىىىىىىىه
    غلا هب رايمه تفتح عيونها: هاااااه
    : بثثثثثث
    غلا: هممممم
    فتحت عيونها شوي شوي وهي تعركهن وزعجت..
    ..
    فبيت آخر
    اميره: امايا مابا اسير
    وفاء( ام المرحوم طارق) بحرجه: وانتي دوم م تبين تسيرين
    اميره: منور هب هنيه انا شعنه اسير
    وفاء: ملكه بنت خالتج بعد شعنه ما تسيرين وبعدين منور لو ما عندها امتحانات يت
    اميره: اماااايا دخيلج
    وفاء: انتي من سنه ما طبيتين بيتهم شعنه هالخقه وبعدين لا تحطين شي ولا تسوين شي برايج بس انقفضي بسرعه ورانا درب
    اميره: لا دامنيه بسير والله لتعدل واكششخ بعد هيه كل البنات هناك متعدلات وانا اسير غبرا
    وفاء: ي بنت خلصينا سيري
    اميره: انزين شو البس
    وفاء زعجت: امممممممممممممممممممميره جان م انقفضتين الحين يويلج
    اميره مبوزمه: زين زين
    حمدان متضايج: امــــيه بيلس عند ربعي هنيه
    وفاء: ي رب صبــــــــــــــرك انتو بلاكم
    حمدان: مابا اروح
    وفاء : انته ما بتروح واختك ما بتروح شعندكم انتو تراهم خوالكم
    حمدان: انزين بسير عند عمومتيه
    وفاء: ولاااااا تز هم خوالك مثل ما هذيل عمومتك ياله انقفض ابوك يتريا من الصبح فالسياره
    حمدان: انزين بسير عند اميره شوي
    فوق
    حمدان: امووووره شوفيليه صرفه
    اميره تتجحل: شعنه
    حمدان: مابا اسير
    اميره: انا بروحيه ابا صرفه مابا اسير
    حمدان: دخيلج دبريها جبدي لايعه من هالخوال
    اميره: تحمل شو بعد
    حمدان: هب ساير يعني هب ساير الحين بظهر من البيت وخل يدورونيه
    اميره: حلووو وجلط اميه مرره وحده
    حمدان: اففف شوفيليه صرفه مابا اسير
    اميره: زين دق ع واحد من عيال عمومتيه وقوله يدق حق ابويه يقوله انه محتاينك
    حمدان يفكر: هيه والله شقايل م خطرت ع بالي
    اميره: حظك ولد هب اناااا افففف
    حمدان دق حق هناد
    حمدان: هلا بولد العم
    هناد مستغرب: يا مرحبا الساع حمدان
    حمدان: علومك ربك بخير
    هناد: الحمد لله من وين ظاهره الشمس الشيخ حمدان بشحمه ولحمه داق عليه انا تحريت م تعرف رقميه
    حمدان: هيه زين بنتفاهم بعدين
    هناد: آمر الشيخ شو تبا
    حمدان: تتصل ع بويه الحين وتقوله انك تباني بحايه ضروري والحين
    هناد: شهالحايه
    حمدان: ولازم تتنشد بس انت قوله جذا وانك بتيا تشلنيه
    هناد: م اروم اصك عندكم
    حمدان: افففف ي هناد تراك هب ياي
    هناد: اهااا فهمت السالفه الاهل طالعين وانته تبا ترتغد .. لا بووويه م اشلك ع مسؤوليتيه انت ما فيك عقل وابتلي اناا
    حمدان: افااا ي هناد شهالرمسه اصلا بيي عندكم تحت عيونك يعني
    هناد: ومنو بييبك
    حمدان: م عليه بخلي حد من الربع يوصلنيه لا تحاتا انته بس قول حق ابويه
    هناد: زين زين بس شوف اذ اذن الظهر وما شفتك جدامي والله لتصل ع عمي وقوله
    حمدان: بس تم حياك
    هناد: الله يحيك
    << اتصل به وخلوه وسارت اميره وياهم
    ..
    جدا غلا
    تحس بحد يبوسها وكله زرار
    عند غلا زعجت: عووووووووووووووووووواشه
    رفعتها سرعه وحضنتها وهي راقده: فديـــــــــــــــــــــــت هالشوف
    غريبه: قومي ي الرقاده
    غلا: آآآآيييي اشتقت لها
    غريبه: ياله عيل قومي بتريق وياج
    غلا: اوكيه خل اغسل هالزرار
    غريبه تشلها: ههههههههههه محد قالج
    غلا: وين حبيب خالته
    غريبه: عند هناد
    غلا: غريبه يايين بيت يدي
    غريبه: يدوه تتشره عليه قلنا بنتغدا هنيه وبنسير نحوم
    غلا: اهااا زين حد وياكم
    غريبه: هيه ميرا وساره تحت ومايد بيشلهن الفليل
    غلا: ياله نازله عيل
    نزلت ودخلت تتسبح
    ..
    في بيت خليفه
    زايد: ياله حدري
    رناد: خلاص خلاص تعايزت مابا
    زايد: رنود عن الدلع الدختور من ساعه يترياج
    رناد: ي ربي شيابنيه هنيه
    زايد: رناد مصختيها عاااد ياله حدري
    رناد تتحرجاه: خلاص زيوود موافقه اباا علي
    تمطه من كندورته: ياله نسير البيت ابا انخطب خلاص
    زايد بحرجه: بعطيج كف ع الويه جان ما حدرتين
    رناد يأست: حدر ويايه
    زايد: مشي وياج وياج
    دخلت وهي مندعسه وراه
    تسمعهم
    زايد: هلا وغلا
    : ي هلا والله
    ويتخاشمون
    رناد بحسها"وشعنه يخاشمه بعد مالت
    زايد: رناد يلسي
    : خلها ع راحتها قرب انته
    رناد" ياخي جني سامعه هالصوت
    خاز زايد من جدامها وجابلها علي
    علي: ي هلا برناد
    رناد: ان انته!!
    علي: قربي
    رناد فشششششششششله" يلست بهدوء
    علي: اخبارج رناد
    رناد: الحمدلله
    علي: خبرينيه متى بديتين تحسين بتعب
    رناد تطالع زايد ع اساس انه بيرمس عنها
    زايد دق فونه ونش
    رناد تطالعه وجنها تترجاه ما يطلع
    لكنه طلع
    علي: رنااااد
    رناد: هاه
    علي: اسألج أنا
    رناد: اممم من زمان
    علي: يوصل شهر
    رناد: تقريبا
    علي: بشو تحسين
    رناد: اتعب من اي شي بسيط اعرق وايد ودوم مستحره
    علي: شي معين يعورج
    رناد: يوم امشي ريوليه ولما اشل شي
    علي يترياها تكمل
    رناد: ويصب لي دم مرات من خشمي ومرات فجأه جي يطلع بدون يرح "جبست: وانت شفت
    علي: اهااا وتدوخين ؟
    رناد تهز راسها بالايجاب
    علي: تحسين ان قلبج ينبض بسرعه بعض الاحيان
    رناد: هيه
    علي: انتي جنتين ضعيفه وإلا الحين نقصتين وزن
    رناد: جنت والحين زياده
    علي يقلب فاوراقه ويفكر عقب رفع راسه بقووووووه فجأه: شي علامات فجسمج؟
    رناد زاغت من حركته وردت ظهرها ع آخر الكرسي وهزت راسها بهيه
    علي وقف: ممكن اشوف
    رناد زاااغت منه
    دخل زايد: السموحه طولت
    علي: هب مشكله .. اشوف رناد
    رناد وقفت ورا زايد وجنها تحمي عمرها
    علي: زايد ممكن اشوف العلامات اللي بجسمها
    زايد يسحبها جنها ياهل ويلسها ع الكرسي ورفع كندورتها والعباه من ع الايد
    علي تجدم ورناد زااايغه منه وتطالع زايد
    علي يجس البقعه الحمرا: شي غيرها
    رناد: هيه
    علي يهز راسه بأسى
    زايد خيفان: علي في شي
    علي: لو يتيون بوقت جان احسن
    زايد: رناد روحي خاري
    طلعت وجنها تبا الفجه منه ويلست ع الكراسي خاري
    زايد: ي علي خوفتنيه شو صاير
    علي: لا ان شاء الله خير
    زايد: شو تتوقع فيها
    علي مرتبك: م اقدر اقول شي قبل التحاليل
    زايد: علي عسى ما شر
    علي سرعه سرعه: دخلها وظهر
    زايد يطالعه باستغراب: ان شاء الله
    وهو يرمس فالفون
    دخلت وهي مجبسه
    يلسها علي ع دخله الممرضه
    حطت الاغراض وراحت تمسك ايد رناد ورناد سحبتها بقوه وخافت الممرضه
    علي: طلعي برا انا بسويلها
    طلعت الممرضه وتجدم لها
    مسك ايدها وهي صاخه
    سحب منها دم وهي راصه ع عيونها
    علي ابتسم: خلاص
    رناد: بسس!!
    علي: م يعور؟
    رناد تهز راسها بلا
    اكتفى بابتسامه بسيطه
    علي: يلسي شوي هنيه
    ظهر لزايد
    زايد: شالاخبار
    علي: ماشي سوينا فحص دم ونتريا النتيجه تقدر تدخل انا بسير عندهم دقايق وراجع
    دخل عندها وهي بدت حن انها تبا ترجع وما تبا تيلس والخ..
    دخل علي وهو يطالع فالاوراق
    وقف زايد: هاه؟
    علي: والله بنطر نسويلها جم فحص عسبت نتأكد
    علي بخووف : تتأكدون من شوو
    علي : رناد اذ متضايجه روحي السياره ارتاحي
    رناد ابتسمت ولا عندها فضول ابدددد طلعت ولا هامها شي اهم شي تظهر من هالمكان الزفت بالنسبه لها
    زايد: رمس
    علي: والله للحين ماشي اكيد وانا شاك بشي بس م اقدر اقول
    زايد : الشيمه ي علي تقول
    علي رحم حاله: لا تزيغ انا م اقدر اقول شي هب اكيد
    زايد ضاجت به الدنيا: متى بتتأكد
    علي: روح انته من اتأكد بوصلك الخبر
    زايد وعيونه يلمعن: شي خطير ؟!
    علي راحمنه : والله ع حسب
    زايد : ممكن طلب
    علي: آمر
    زايد: م رح نأجل الخطبه اذ ما عندك مانع
    علي ابتسم: اكـــــــيد الليله بنضوي صوبكم
    زايد: تباها بعلتا؟
    علي: يمكن ما يكون فيها شي تفائل بالخير وانا شاريها واذ الله كتب ترانيه وياها لين م ترجع ع حالها واحسن
    زايد دق جتفه: تسلم
    علي: لا تيأس ي زايد المرض يباله عزم وان شاء الله يطلع ظني خطأ وتكون رضيعتكم سالمه
    زايد بحـــــــــــــزن: ان شاء الله
    ظهر وهو يفكر شقايل بيقول حق امه ابوه اخوانه رناد كيف ببتحمل وهي تكره المستشفيات وتم يدعي انه ما يكون فيها شي ركب السياره ولقاها منسدحله ورا وراقده لف يطالعها بحزن وحسره ع حال اخته " ي رب رحمتك ي رب "
    حاول يفكر شو المرض اللي ممكن يكون فيها بس يقاطع عمره بتفاؤل
    ..
    عند غلا
    تيهزت ونزلت سلمت عليهن ويلست
    ميرا: غلوي فيج شي
    غلا: لا فديتج بس هب مصحصحه
    ساره: حوووه غلاوي وينج عن السناب من زمان
    غلا: صكرته
    ساره: شعنه
    غلا: بس جي
    << تذكرت هزاع وسرحت ؛ لنه هو قايل لها تصكره "متسلط>>
    ميره: غريبه وين علاوي اشتقت له
    غريبه: فالمطبخ .. سيري هاتيه جان ما عليج امر
    ميره: زين
    وراحت له
    دخلت المطبخ
    ولقت علاوي بروحه وجدامه كريما ويالس يلعب بها ملعوز عمره وخابص الدنيا
    ميره: هـــــــــــــــئ علااااوي شو ها
    علاوي: اتيممما >> اونه كريما ههع
    ميره: ومنو عطاك .. اففففف شوف ملابسك شقايل
    علاوي بوزم م عيبته الرمسه
    ميره: اووويه طع ويه شقا غدا
    علاوي مد ايده المتروسه كريما صوبها ويأشر لها جان تبا
    ميره: آآآخ ع العوق
    وجان تلحس من يده: امممممم
    علاوي ضحك عليها
    وكمل لعووبه تربعت ع الارض ويلست تاك لوياه
    ضربها بقووه فخشمها وزعجت: علاااااااااااوي
    وقام يضحك مشت الكريما من ع خشمها: منو ملينك هااا انته .. م عليه ي الطفس
    وجان تحط الكريما ع خده وحرج ورده فويهها
    وصارت اللعبه ها يحط بويهها وهي تحط ويضحكون
    هناد: عنلاااااااااااااااااااااااااتكم
    علاوي خااااف وميره تيمدت
    هناد: شتسوون
    علاوي صخ وميره خايفه تلف جداه
    هناد: افاااا ي ميروه الحين ميراااا العاقله الرزينه جي تسوي
    ميره عقدت حياتها وقامت بسرعه: لا يكووون ميرا الرزينه حرام تتسلى حالها حال الخلق
    هناد استغرب من اسلوبها ورفع ايديه: السموحه الشيخه ميره بلاج شي عن ينط لج عرق نتمصخر وياج
    ميره سحبت عليه ويلست عاطتنه مقفاها وكملت شغلتها عوار
    هناد اول مره يشوفها جي " هاي بلاها معصبه جذا "
    ودرها وراح اييب حمدان

    ..
    انتــــــــــــهى البارت
    ..
    اخليكم ويا المقتطفات
    .. !! .. حلفتك بالله تذكر الله من تسمع
    .. !! .. بقولك بس بحرررررجه يرص ع راسه: ليـــــــــــــــش ي ... ليــــش .. ليش بعتين نفسج كلــــه ولا الثقه ليــــــش هو ما يستحقها
    .. !! .. تهمس: قسم بالله لو خبرت بنروح فيها وطي
    .. !! .. شافها داخت وقبضها بسرعه: بلاااااااااااج
    .. !! .. تمشي صوبهم بهدوء يجتل: يعني انا بموووت
    .. !! .. إلا اموووت بثراج وقسسم اني حبيتج من اول ما شفتج ..وهو دافن ويهه بشعرها.. وربي اعشقج
    .. !! .. بتهور: متى تبانيه اشوفك
    سؤالي لكم..
    تعتقدون ممكن يكون للين دور بهالروايه؟
    وتآمنون بحب الين للانس ولا؟
    ..
    لا تحرمونيه ردودكم
    فداعت الرحمن
    .. اختكم
    بنت الأياآويد
  4. بنت الأياآويد
    02-07-2016, 03:53 AM

    رد: رواية حبه لبسني لبس يني لبس الخواتم فالصبع تم

    رواية حبه لبسني لبس يني لبس الخواتم فالصبع تم


    السلام عليكم ورحمه الله وبركاته
    صباح الخير جميعا
    الحمدلله الذي قدرنا ان نشهد مثل هذا اليوم من العشر الاواخر من رمضان
    اوصيكم ونفسي احبتي بإستغلال هذه الايام الكريمه من الشهر الكريم
    واعتقد انني ملتزمه بنتزيل على المواعد التي احددها وانتظر منكن التفاعل الذي
    أرجوه .. اما بالنسبه للجزء السابع سأنزله يوم العيد <الاربعاء> ام ما قبله
    <الثلاثاء> وذلك حسب المستطاع
    واشكر جميع الاعضاء والمشاهدين واليكم اطيب التحيات مني
    الكاتبه / بنت الأياآويد
    ... لا تنسون تجاوبون ع اسئله البارت
  5. uae girl
    02-07-2016, 09:18 PM

    رد: رواية حبه لبسني لبس يني لبس الخواتم فالصبع تم

    رواية حبه لبسني لبس يني لبس الخواتم فالصبع تم


    حمااااس حمااااس حماااس
    ابداااع الصراحه كل بارت مشوق اكثر من الثاني
    وبخصوص الأسئله..
    تعتقدون ممكن يكون للين دور بهالروايه؟
    امممم لا م اعتقد اعتقد كلها لعبه انسان محترف > الموضوع يدوخ بالراس
    وتآمنون بحب الين للانس ولا؟
    لا
    ..
    thanks so much
  6. بنت آل نهيان
    02-07-2016, 09:29 PM

    رد: رواية حبه لبسني لبس يني لبس الخواتم فالصبع تم

    رواية حبه لبسني لبس يني لبس الخواتم فالصبع تم


    تسلمين حبيبتي ع البارت م قصرتي ، وبارت جميل نفس كاتبته ، ومتحمسه الف حق يوم الاربعاء عسب البارت اللي بتنزلينه وبالنسبه للاسئله:
    بيكون للين دور ف الروايه؟ احس لا وبنفس الوقت احس هيه يعني محتاره ههههه
    وتامنون بحب الين للانس؟ هييه لانه الحينه وايد سوالف تستوي عن حب الين للانس

    مع تحياتي واشواقي/ بنت آل نهيان..
  7. بنت الأياآويد
    02-07-2016, 11:30 PM

    رد: رواية حبه لبسني لبس يني لبس الخواتم فالصبع تم

    رواية حبه لبسني لبس يني لبس الخواتم فالصبع تم


    المشاركة الأصلية كتبت بواسطة uae girl
    حمااااس حمااااس حماااس
    ابداااع الصراحه كل بارت مشوق اكثر من الثاني
    وبخصوص الأسئله..
    تعتقدون ممكن يكون للين دور بهالروايه؟
    امممم لا م اعتقد اعتقد كلها لعبه انسان محترف > الموضوع يدوخ بالراس
    وتآمنون بحب الين للانس ولا؟
    لا
    ..
    thanks so much
    شكراااااا حبيبتي والله هالردود تسعدنيه
    هههه والروايه غموض فاكيد هب سهل تحديد الاجوبه
    ولج الحريه فالايمان بحب الانس للين لكن من وجهه نظري انه لو قريتي شويه قصص واقعيه رح تأمنين وتخافين بعد
    welcome
  8. بنت الأياآويد
    02-07-2016, 11:33 PM

    رد: رواية حبه لبسني لبس يني لبس الخواتم فالصبع تم

    رواية حبه لبسني لبس يني لبس الخواتم فالصبع تم


    المشاركة الأصلية كتبت بواسطة بنت آل نهيان
    تسلمين حبيبتي ع البارت م قصرتي ، وبارت جميل نفس كاتبته ، ومتحمسه الف حق يوم الاربعاء عسب البارت اللي بتنزلينه وبالنسبه للاسئله:
    بيكون للين دور ف الروايه؟ احس لا وبنفس الوقت احس هيه يعني محتاره ههههه
    وتامنون بحب الين للانس؟ هييه لانه الحينه وايد سوالف تستوي عن حب الين للانس

    مع تحياتي واشواقي/ بنت آل نهيان..
    العفو حياتي ويسعدنيه مرورج الطيب
    وحماسكم يحمسنيه اواصل
    واشكر ردودج ع الاسئله ورح اجاوب عليهن فالبارت الياي
    وصدقتي والله ي مكثر سوالف الين والانس
    لج مني كلللل الشكررر
    لاتحرمينيه ردودج فالبارتات اليايه
  9. يارب جنتك
    03-07-2016, 03:14 AM

    رد: رواية حبه لبسني لبس يني لبس الخواتم فالصبع تم

    رواية حبه لبسني لبس يني لبس الخواتم فالصبع تم


    الروايه تجنن ارررررريد التككمله
  10. يارب جنتك
    03-07-2016, 03:16 AM

    رد: رواية حبه لبسني لبس يني لبس الخواتم فالصبع تم

    رواية حبه لبسني لبس يني لبس الخواتم فالصبع تم


    اكثر شخصيتين محمساتني غلا ومااايد بليييز وين التكككمله
... 23456789101112131415161718192021 ...

الكلمات الدلالية لهذا الموضوع