بنوته عسووله،،،ذات مشاعر خجولهه

مرحبا يا جميلين :) !
م عارفة كيف أبتدي الكلام هه ، لكم وحشة ياخي :( .
أختكم صايرة دحاحة - م أعرف هيش تسموهم بالضبط ، يعني الي يذاكرو واجد و كذا - المهم ظن بداية الفصل و أنا شادة حيلي و ناوية أوصل للنسبة الي أباها يعني أوصل .
الأسابيع الي فاتوا كلها اختبارات و أنشطة و تسميع و مشاريع ، عاشر سنة مختلفة جدا جدا ، بس حلوة و تجربة جميلة ، تعلمت فيها واجد أشياء ، و تصنف من أجمل سنواتي الدراسية ،
تعرفوا شعور إنكم تكونوا خيفانين من اختبار و يجي سهل و تحلوه و إنتو مغمضين ؟
من يوم الجمعة و أنا حرارتي ما تنزل و فوقها صداع ، عاد بالله كيف بذاكر !
و الاختبار كان فصلين ، فصل من الفيزياء ، و فصل كأنه جغرافيا - أكثر مادة م أدانيها :) -
الي رافع ضغطي الفصل الثاني ، كله جغرافيا ، هو سهل بس أنا ما أحب المادة ، ما أنكر إنه الدراسات الفصل الأول كرهني فيها أكثر .
خلاصة الكلام إنه الاختبار كان جبر خاطر و الحمدلله :) ! .
.
أحس تكلمت واجد هه ..
ذا الأسبوع ، من باكر لين الخميس ، فيه نظام اختبارات مطبق لصفوف عاشر ، الاختبارات الوطنية .
الفايدة منها قياس مستوى الطلاب ، و الي استفاده من السنوات الماضية .

الله يوفق الجميع
أشوفكم ع خير !
 
من ذيك الساعة و أنا أكتبلكم كلام و امتسح !!!!! < يوه ياخي قسم تعبت :(
.
عموما خلصنا الاختبارات الوطنية يوم الخميس ..
و خلاص ما بقى شي ع الاختبارات النهائية ، الله يوفق الجميع ..
لاه و بعد مديرتنا قايلة للمعلمات يأجلوا الاختبارات لفترة لبداية شهر 5 ، برتكب جريمة فيها ، على أساس ناقصين يعني !
ما أعرف عن غيري ، وكيف اهتمامهم بالدراسة ، بس أنا تفرق معي يوم أنقص و يوم أجيب درجات عالية !
تفرق معي يوم أجيب 10 و يوم أجيب 9.5 ، ياخي جد بلا لعب أعصاب < على أساس باقيلي أعصاب يعني ؟
كل شي ذي الفترة يقهر ، الله يسهل علينا ..
..
.
اممم من دقايق و أنا أقرأ مدونة شموس ، لفتني سطرين ، ليش أحس إنهن غير ؟و كأنهم حركوا فيني شي ؟ معرف !

" قضيت العمر أداريه
ألملم شيئا من بعضي " ..

.
.
و بس كذا ..
كونو بخير :) !
 
مسالخير ي جميلين ، أخباركم !
.
ياخي لي فترة و أنا أفكر ف عنوان مدونتي ! ، ياخي أحس بشوية سخف هه ..
عموما خلونا من عنوان المدونة ، الأخصائية أمس جات و وزعت جدول للاختبارات القصيرة ، ياخي من متى ذي الحركات !
تخيلو معي بس ، بالمنطق أصلا ما يستوي - يصير - !!
بنبدأ اختبارات 17\5 و الجدول لين 14\5 !!
أصلا مخلصين أغلب الاختبارات باقي رياضيات بس !
يعني نداوم لين تاريخ 14 ليش ؟!!!
تعبت من سخفهم بأمانة ، جالسين نفكر نقدم الاختبار بدل اختبار مختبرينه و مانداوم عاد !
آسفة ياخي أنكد عليكم بكلامي ، بس الموضوع ذا قاهرني !
.
.
الشي الجميل إني من فترة و أنا أرتب كتب أمي القديمة ، حصلت كتابين لنفس الكاتبة ، قريت أول صفحة و بعض من الصفحات الي فيه ، و م رمت -قدرت- أتركه خصوصا الثاني :( .
أحس بصيح ياخي :( ! ، الشي الوحيد الي فرحني بس الحمدلله ع كل حال ، كلها كم أسبوع وينتهي ذا كله .
.
و بالتوفيق جميعا ، الله يسعدكم .
أشوفكم ع خير .
 
صباح الجمال ي جميلين :) ..
من فترة و أنا ف بالي أسألكم عن مودة ، تعرفوا عنها شي ؟
ياخي لها وحشة ، عموما إن شاء الله تكون بخير .
.
و ما في جديد ، الدراسة ماشية أمورها تمام ، اختبارات ذي الفترة سهلة الحمدلله ..
نفسي تجي الاختبارات وتخلص و تجي الإجازة :( ..
ما عندي شي محدد بس كنت بسألكم عن مودة ..

و بس و الله ، أشوفكم ع خير ،
انتبهوا لأنفسكم ..
 
صباح الخير !
كيفكم ؟ كيف كان رمضان و العيد معاكم ؟
.
طبعا كان المفترض أدخل و أهنيكم و أخبركم واجد أشياء ، بس ما دخلت [emoji849][emoji23] .
المهم ، الشهايد طلعن من زمان ، و الحمدلله رب العالمين حققت الي أريده ، يعني بالضبط الي كنت مخططة له وصلت له [emoji24] !! ، و لا في أجمل من كذا ، الحمدلله .
.
انتبهوا لأنفسكم ، أشوفكم بعدين ! .


Sent from my iPad using منتدى عبير
 
تدايما !
فاتتني تدوينات واجد ، من السنة الماضية متخيلين :([emoji23] ، لو أقرأ من اليوم لباكر م بخلص .
طيب ، ياخي طيف و مدونتها حاجة ثانية ، الواحد ما يمل و يحب يقرأها ، يعني أسلوبها هي و تحكي يخلي الواحد يضحك غصبا عنه ، الله يسعدش . + قبل لا أدخل ، كنت أتابعكم من فترة لفترة و م اكتب شي ، كذا مرة حصلت تنبيهات ، من ؟ خفايئ الجميلة ! ، تفاجأت برجعتها و فرحني ذا الشي ف نفس الوقت ، عودا حميدا ي جميلة ☹️❤️ .
..
ف الفترة الي كنت فيها غايبة بخبركم عن الي صار ؛
رمضان ذي السنة ما كان حلو واجد - خلوني صريحة :( - ، يعني ف فترة الظهر و العصر نرتب البيت و نسوي الفطور ، بعد الفطور ننظف و نغسل ، و عاد متى نخلص ؟ ع نهاية الساعة ١٠ ، الوقت يمر بسرعة و ما ألحق أسوي شي . بس رمضان الي قضيته معكم كان أجمل رمضان . + العيد ذا كان أحسن عيد ، و أكثر عيد كشخت فيه و لا صورت [emoji849][emoji23] ، أصلا عادي م لازم تصوير .
بخصوص النوم ، من فترة و هو متعبني رافض فكرة التعديل نهائيا ، من بعد رمضان ذا أصعب شي !
ف كنت جالسة أخبر صديقتي ، قالتلي واصلي يوم كامل و نامي ع الباكر بعد الغدا ، طبعا من البداية ما توقعت إني بقدر ، ما جاني نوم ف الليل كالعادة ، و واصلت للصبح ، و ع الساعة ١٢ الظهر ، حسيت الدنيا تدور فيني [emoji846][emoji23] ، حاولت أصبر نفسي بس ماشي فايدة ، و نمت . و تعدل نومي .
.
و بس و الله ، لحظة تذكرت شي ، من فترة و أنا أسمع الناس كلها بطولة كأس العالم ، و الخبصة و كذا ! ، و كل الناس تشجع و تتحدى بعض ، بالله من فاز آخر شي و لا بعده ما خلص ؟



Sent from my iPad using منتدى عبير
 
عودة
أعلى