رواية عيبي أحبك لو غرامك معاناه

السلام عليكم
حبيت اشارككم روايتي واتمنى منكم التفاعل , ردودكم تشجعني وانتقادكم يفيدني
اخليكك مع البارت(1)


جالسه مع امها يتفرجون على مسلسل وانتهى , حست انها طفشانة
:يمه بتصل على ندى تجي معاي ونروح المول نتمشىى ونغير جو
ام نواف: طيب يا يمه انتظري السواق يجيب اختك فجر من عند صاحبتها ويوديك
فاتن: طيب بتصل على ندى تتجهز
وراحت لغرفتها واتصلت على ندى
فاتن: سلام
ندى:اهلين ببنت العم
فاتن:اخبارك
ندى:تمام الحمدلله وانتي؟
فاتن: طفشانه وعشان كذا اتصلت عليك نطلع
ندى:اتصلتي بوقتك, انا فاضيه
فاتن: اوكي نص ساعه على ما يرجع السواق وامرك لا تتأخرين
ندى: اوكي باي
فاتن: باي
..........
سهى:ياسر بليز طلعني اليوم أي مكان
ياسر: روحي مع ندى ما سمعتيها تكلم
ندى:لا طبعا ماناخذ اطفال معانا
سهى:خير خير ترى عمري 19 وكل اللي بينا سنه وحده ولو كنت ابي بجي معاكم غصب عنك
ياسر:ودك تروحين ودك تجلسين انا ماني مطلعك
ندى: خلاص خلاص رحمتك قومي جهزي شوي وتمرنا فاتن
ياسر اول ما سمع اسم فاتن قال مافيه طلعه(يكرهها بدون سبب)
سهى وندى :لييييش!!!
ياسر: بس قلت مافيه طلعه يعني ما فيه
ندى: ياسر بلا سخافه انا متفقه مع البنت
ياسر:قلت كلمتي وانتهى
طلع وتركهم في عصبيتهم وطبعا ندى ما انتبهت تقول لفاتن
فاتن:الو ندى انا عند الباب
ندى: والله مدري وش اقول لك بس ياسر مو راضي يخلينا نطلع
فاتن:ليش؟
ندى: ما أدري عصب علينا وقال ما نطلع ومشى
فاتن بتفهم لان اخوهم عصبي :اوكي حبيبتي مره ثانيه عادي
ندى:فاتن انا اسافه
فاتن: ما صار شي احنا اخوات يلا اشوفك بيباي
ندى: اوكي باي
سهى وندى وياسر ابوهم مات من زمان وبكذا صار ياسر ولي امرهم ويتحكم فيهم زي ما يبي ولأن امهم ضعيفه ماخذ راحته
.............
ابو ماجد :ماجد يبه ما ودك تفرحنا وندور لك بنت الحلال اللي تناسبك
ماجد برفض: يبه انت تعرفني زين ما احب الارتباط
ام ماجد: ابوك معاه حق يمه باقيلك سنه وحده وتدخل الثلاثين
ماجد يبي يسكر الموضوع:الله يكتب اللي فيه الخير
ابو ماجد بيأس: امين
محمد :يمه, يبه تبون شي انا طالع؟
ام ماجد وابو ماجد :سلامتك
...........
فاتن رجعت البيت اخذت اختها فجر معاها راحوا المول وجلسوا يتمشون كانت فاتن متلثمه وعيونها تذبح
شافت واحد جلس يناظر فيها بتركيز حس بارتباك وحب يطلع نفسه من الموقف طلع جوال وسوا نفسه يكلم
فاتن ما اعطته وجه وصدت عنه ,متعوده ما تكلم او تحتك بأحد ما تعرفه
قفت له وراحت وما تدري انها اخذت قلبه معاها
راحت مع اختها الكوفي
فاتن:فجر بروح اخذ لي عطر تجين معاي؟
فجر:والكابتشينو؟
فاتن: مابيه عليك بالعافيه ,ها تجين؟
فجر:مالي حيل والله روحي وباسنتاك
فاتن:اوكي
قبل لا يوصل الطلب راح واحد من الموجودين بالكوفي يوصل الكابتشينو لفجر بنفسه ,بدون محد يلاحظ رما فيه حبة مخدر
فجر:ليش انت اللي جبته؟
:لان اللي كان بيجيبه انكب عليه ف قلت اوصله بداله
فجر ببراءة: شكرا
: العفو
ثواني الا وهي دايخه
الكل كان خايف من الموقف وصار فيه صراخ
تقدم الشاب وشالها ع اساس انه واحد من اهلها وبياخذها للمستشفى
ركبها ورا بالسياره وقفل الابواب وركب قدام شغل السياره وطار فيها
............
عند فاتن كانت تتصل عليها ولا ردت دورت لها بكل مكان ما لقتها
رجعت البيت وقالت لاهلها
ابو نواف: وشلون تتركين اختك لوحدها ؟
فاتن: يبه فجر مب طفله ولا صغيره
نواف: يبه لازم نبلغ الشرطه
ام نواف وهي تبكي :يا ربي بنتي الله يحفظها
ابو نواف: تعوذي من ابليس يا مريم انشالله ما يصير لها شي
فيصل:حبيبتي مرام
مرام:لبيه
فيصل: جيبيلي العشا جوعان
مرام: من عيوني ثواني بس
بسام: ماما وانا ابي اكل
مرام : طيب يا قلبي الحين اجيبه
فيصل شال ولده الصغير بسام وجلسوا يضحكون لحد ما جابت مرام العشا
فيصل:الا اقول مرام
مرام: قول
فيصل بحزم: متى ناويه تجيبين البيبي الثاني ؟؟
مرام بدلع خلاه يذوب: حياتي , تونا بثاني سنه من زواجنا لاحقين عالعيال خلني استانس معاك
فيصل ويده على خدها: السنه الجايه ابي بنوته منك والسنه هذي نستانس سوا
بسام قام يبكي لان امه ما اكلته
فيصل: ههههههههههههه لا بالله استانسنا
مرام:هههههههههههه حرام عليك
..............
ياسر مع الشباب بالشقه والبنات يرقصون
تركي:ياسر شفيك الليله احسك متضايق
ياسر:تعب الدوام وما نمت يخوك
تركي: زين زين عبالي فيك شي
ياسر:يعني ما تعرفني انا ياسر مين يقدر يكدر علي
تركي: أي هذا ياسر اللي اعرفه, الا اقول اخبار الاهل؟
ياسر ما حس الا ويده على خد تركي, اعطاه كف بكامل قوته
تركي:مصدوم اول مره يمد يده عليه
شد على ثوب ياسر من صدره
تركي: انت تمد يدك علي
ياسر:انا عارف انت ليش تسأل عن اهلي يالحقير
تركي: تفكيرك الواطي ما ينطبق علي, مب كل الناس مثلك
ياسر حزت بقلبه هذي الجمله وكأن كل كلمة كان ينطقها سكين تطعنه
طلع تركي بعد نظرة استحقار لياسر
جت وحده من البنات لياسر تحاول تهديه بس ما سلمت من صراخه وتركهم وطلع
...........
الولد اللي كان يناظر فاتن بالمول كان يلحقها وشاف كل شي بس توقع ان اللي اخذ فجر اخوها وجلس يلحق فاتن لحد ما وصلت بيتها وحفظ المكان
..........
ابو فهد:سلام عليكم
ام فهد وفهد وفارس وسعود : عليكم السلام
ابو فهد: الله الله ايش الجمعه الحلوه هذي من زمان ما شفت اولادي كلهم جنبي
سعود: حبينا نسويها لك مفاجأه لان بالعاده كل واحد يتعشى مع اخوياه
ابو فهد: والله العظيم احلى مفاجأه
فارس:عاد لو كان بيننا بنت يكون ازين
سعود: عيب يا ولد ابوي موجود
فارس: يا غبي قصدي يكون عندنا اخت مب كلنا اولاد
ابو فهد: هذي امك باقي بنت وبعز شبابها
ام فهد بخجل: تسلم لي
فهد: وش هالرومنسيه
ابو فهد: خلاص اسكت امك استحت , يالله يالله سموا بالله العشا بيبرد
.............
نواف فالقسم يبي يبلغ على اخته بس قالوا ما نقبل الا بعد 24 ساعه من وقت اختفاءها
رجع لاهله
ابو نواف: ها يبه بشر ؟
نواف:يقولون نبلغ بعد 24 ساعه
ام نواف: الله يحفظك يا فجر ويردك لنا بالسلامه
ابو نواف :فاتن قومي ارتاحي وراك دوام
فاتن:يبه ماني رايحه
ابو نواف: لا يا بنتي روحي وانشالله ما فيه الا اللي يسرك, مقعدك ما بيغير شي
ام نواف:يله حبيبتي قومي صلي ركعتين وادعي لاختك ونامي
فاتن بطوع: انشالله,وان صار أي شي خبروني, تصبحون على خير
الكل: وانتي من اهله
...................
سهى: يمه
ام ياسر: نعم
سهى: تدرين اليوم ذكرى وفاة ابوي؟
ام ياسر: الله يرحمه ويسكنه الجنه يا يمه
ياسر قطع عليهم الكلام:الله يرحم مين ؟
ندى:ابوي, اليوم ذكرى وفاته
ياسر: والله كانت اطول سنة بعمري احسها اكثر الله يغفر له
الكل: امين
ياسر بحنان نادر: شرايكم اطلعكم شاليهات تغيرون جو
سهى وندى: اييييييوه الله يخليك والله طفش
ام ياسر: ودراستكم يمه؟
ياسر: البنات ياخذون اجازه كم يوم وانا باتصل على مديري وما يقصر
ام ياسر: اللي تشوفه يا وليدي
سهى: الله يخليك لنا يا احلى اخو بالدنيا
ياسر:هذي لاني كنسلت طلعتكم مع فاتن يعني ابعوضكم
ندى:الله يخليك لنا يزينك وانت مروق
سهى:ويا شينك وانت زعلان
الكل:ههههههههههههه
وقاموا جهزوا لانهم بيمشون اليوم الثاني الصباح
اما ياسر دخل الغرفة واخذ جواله واتصل على اقرب صديق له
فيصل: هلا والله
ياسر : هلا فيك
فيصل شك بنبرة ياسر: فيك شي؟
ياسر: أي والله ماني بخير
فيصل: خير عسى ماشر
ياسر:تركي
فيصل: وش فيه؟
ياسر: تهاوشنا وضربته
فيصل: انا اقول ابعد عنه من زمان احذرك ماوراه الا كل بلاء
ياسر:متضايق يخوك
فيصل: تبي نطلع ؟
ياسر : لالا بروح انام وارتاح بكره وراي مشوار مع الاهل نغير جو
فيصل: فكر بكلامي زين , وانتبه لنفسك
ياسر: انشالله, توصي شي؟
فيصل: سلامتك
ياسر:مع السلامه
فيصل: بحفظ الله
..........
فالسياره كان ينتظر فاتن متى تطلع من البيت
ومن جد طلعت مع السواق وركبت ورا وجلس يلحقهم
مرت سيارة فيها شباب من جنب فاتن وبدوا يرمون عليها الغزل
قفلت القزاز وطنشتهم حاولوا يضايقونها اكثر ولفوا بالسياره عليهم
السواق طلع بالسياره عن الطريق وقام يصرخ عالشباب
وقفوا السياره قدامه عشان ما يقدر يمشي ونزلوا كان عددهم 4
محمد كان اسرع منهم ونزل لفاتن يتطمن عليها
محمد: اختي انتي بخير فيك شي؟
فاتن فاهمه غلط :انقلع مني توك تلاحقني والحين مهتم اذا فيني شي او لا
:الحلو زعلان وصوته مرتفع
محمد: اقسم بالله لو ما تروح انت واللي معاك لأخليكم جثث
الوقت هذا فاتن اتصلت عالشرطة بدون ما يحسون وعرفت ان محمد ما كان منهم
:وانت وش دخلك فيها؟
محمد:هذي اختي
:خلاص خلاص يا شباب بلا مشاكل يله نمشي
:لا مانيب متحرك قبل لا اربي هالواطي
محمد:والله انا اللي بدوسك الحين
وقفهم صوت العسكري نازل من الدوريه
(العسكري)سعود:خير انشالله وش صاير
:سوء تفاهم خلاص انحلت
محمد: لا ما انحلت ولاني مخليهم ابي تكتبهم تعهد
سعود:على أي اساس
محمد:يتحرشون بأختي
العسكري قالهم يلحقونه القسم
اما محمد عنده واسطه وطلع منها
مشوا الشباب ورا سعود اما محمد راح لفاتن اللي كانت شبه دايخه
لقى السواق يناديها بصوت عالي مدام مدام
محمد تذكر اسمها لما كانت فجر تكلمها بالمول ,وبهدوء: فاتن, فاتن, فيك شي
فاتن ما كانت مركزه وما تذكرته: انت كيف تعرف اسمي
محمد بارتباك: اءء ال السواق كان يناديك , عالعموم ما صار الا الخير هذا كرتي اذا احتجتي أي شي بأي وقت تقدرين تتصلين
رما الكرت من القزازه ومشى
فاتن باستغراب: شفيه هذا مجنون يرقم بذي الحاله
وكملت طريقها للجامعه وكان محمد وراها وعرف انها تدرس مع اخته
 
قصة حلوة ومافهمت يعني شوي كلمات بس لما تابعت لقيت حالي بفهم تسلم أناملك بإنتظار البقية غالية"جني:"جني:"جني:;غمزة;
 
عودة
أعلى