روايتي الاولى(الله يديمك لي سنين وتبقى في حياتي حياة)

((جوليت))

New member
تجمعنا الدنيا احيانا باشخاص لانعرفهم ولا نشعر باي احاسيس اتاجهم وفجاة وبدون مقدمات
يصبحون هم الجزء الاهم من حياتنا كذلك هي الحياة .
((قراءةممتعة للجميع))

البارت الاول

في كل صباح لازم تجي ميساء تقعد خواتها للمدرسة
ميساء : لميس يلا قومي اذن الفجر بعدك نايمة
لميس بتأفف :بس خلاص طفشتيني
ميساء:الله يعينك على نفسك انا رايحة اقعد شوق ورزان لا ارجع اشوفك نايمة
لميس سحبت البطانية ونامت
لميس بشرتها سمراء تميل للقمحي عيونها واسعة شوي بنية غامق رموشها طويلة جسمها متناسق وشعرها قصير لحد كتوفها .
ميساء: شوق ..... شوق يلا قومي اذن الفجر صلاة
شوق :انشالله
ميساء:يلا رزان انتي بعد.
رزان:انشالله
ميساء رجعت عند لميس شافتها نايمة صرخت وقالت انتي مايصلح معك الا الماي البارد
لميس قامت وشعرها نافش وتأففت
........
في بيت فاطمة
امل اصغر وحده وتحب تعاند فاطمة بما ان فاطمة اكبر منها
امل تصرخ باذذن فاطمة:قومي قومي ياكسلانة نايمة للحين العالم كلها قامت
فاطمة بصراخ: امل طلعي برا
امل سحبت لحاف ورمته ع الارض وراحت ركض عند هند
فاطمة :بيضا شعرها قصير جسمها متناسق عيونها سوداء كسواد الليل

.........
حياة ما عندها الا اخت وحدة وهي جوري وكانت تحبها حيل
حياة:صباح الخير جوجو
جوري:هلا حبيبتي صباح النور والسرور
حياة:يلا عشان ما نتاخر اليوم اول يوم لنا بالمدرسة
جوري : انشالله
حياة عيونها عسلية ناعسة شعرها طويل ونحيفه

..........
بالنسبة لندى الصديقة الرابعة كانت قاعده من قبل صلاة الفجر ومها تحب ترفع ضغط ندى لدرجة كبيره
ندى مربربه عيونها بنية فاتحة شعرها طويل
..........

بالمدرسة
البنات تجمعوا لاول يوم لهم بالثنوي
لميس لبست مريول وفردت شعرها وحطت مسكرا وروج خفيف وصلت للمدرسة شافتها فاطمة وحضنتها وقعدوا يسولفون مع بعض شوي جات حياة
حياة تضحك: انتي وش هالخرابيط اللي بوجهك امسحيه لا تشوفك استاذة عالية
لميس :كيفها والله انا ابي اتكشخ باول يوم واخر سنة لي
الكل ضحك
....

رن جرس الطابور راحو يصفون
حياة تضحك : هههههههههه بنات شوفوا استاذه خالدة كيف ياخي البلوزة ما تركب ع التنورة ابد
استاذه خالدة كانت من وراها :امشي قدامي ع الادارة .
انتهى البارات الاول
توقعاتكم ....
 
السلام عليكم
ما اني عضوه جديدة بالمنتدى
اتمنى ان الكل يتفاعل عشان اقدر انزل لكم البارتات
 
البارت الثاني


كلهم ضحكوا على حياة
....
وزعوا البنات على الصفوف وكانت لميس وحياة مع بعض فاطمة لحالها وندى لحالها
...
لميس ادخلت الصف والا كل البنات يناظرونها من الميكب اللي حاطته
__:انتي هيه ليش كل هالميكب من الصبح
لميس صدت عنها
__:اتكلم معاك ردي
لميس:اوههه ياخي كيفي انا ابي احط
__: لا بس حسيته مبالغ فيه
قاطعتها لميس خلاص واللي يعافيك
البنت من هذاك اليوم ودها تتعرف على لميس
حياة جات وهي معصبه: تخيلي قالت بكلم امك عشانك تتكلمين على المعلمات
لميس تضحك:حليلك ياخي مدري شبقولك
.....
فاطمة سانده راسها ع الجدار وتفكر شوي دخلت المعلمة
وابتدت تعرف بنفسها للبنات
__:بما ان اليوم اول يوم ف ماراح يكون فيه دراسه
فاطمة:استاذه ممكن اروح شوي وراجعه
__:تفضلي
عند البنات
ارفزت الباب فاطمة:هاي بنات
حياة :هلا بالزين
لميس: الزين ولا المبايلي
فاطمة: مايضحك
الكل ضحك
لميس:الا وين ندوش
حياة:تلقيناها خايفة تطلع من الحصه
فاطمة:بروح اناديها
......
ندى تناظر البنات وهي زهقانة شوي دخلت فاطمة وخذتها ورجعوا عند البنات
البنات:اهلا وسهلا
ندى:هلا فيكم
البنات:ليه ماتطلعين من الحصه ياخي فليها شوي
ندى :لاخاف تعاقبني المعلمة بعدين
....
البنت مازالت تفكر في لميس حبت تقعد عندهم
__:ممكن اقعد
البنات:حياك
وابتدوا يسولفون مع بعض بس البنت كان باين عليها طيبة لكن نواياها ......
......
في بيت فاطمة امل غايبة اليوم طبعا ما تبي تخلي يومها يروح ع الفاضي
قررت تروح غرفة فطوم وطبعا نست تاخذ معاها مساعدها الثاني تركي
.....
خلص يومهم الدراسي وهم راجعين للبيت
فاطمة:ياربي اكيد الحين امل وتركي لا عبين بغرفتي
لميس: اقفليها بالمفتاح
فاطمة:تعرفين قوانين البيت
حياة وندى:الله يصبرك
انتهى
توقعاتكم.
 
هلا و الله بجوووولييت
كملي يا حلوووووووه بجد حلوووووه
سامحيني توقعاتي ما اقدر اعطيك عالبارت الثالث بقدر
تحياتي يا مبدددعه
 
بجد الله عليكي بالقصة حلوة كتير وتج\ب القراء بتمنى تكمليها عن قريب
وبعتدر عشان انا مو ضالعة بالخليجي لهيك بواجه صعوبةبقراءتها شكرا كتيرا عالقصة متابعة
 
البارت الثالث

ميساء تفتح الباب حق لميس
ميساء:هلا بالزين
لميس: هلا والله وين البنات
ميساء:باقي بالجامعة
لميس:اها اوك بروح غرفتي
ميساء: دقيقة ياقلبي بدلي ثيابك والحقيني ع المطبخ
لميس بتافف:انا بس اشتغل في هالبيت
ميساء حذفتها بالمنديل:قومي يلا وسمعي الكلام
...

فاطمة رجعت البيت واستغربت انها ما سمعت حس خوانها
راحت لغرفتها وشافت المصيبة ارواجها تكسروا وعطوراتها اختبرت والحاله حاله
اشواق:فاطمة ...فاطمة
فاطمة:خير
اشواق:الخير ف وجهك واه شنو هذا
فاطمة :مافي غير امل وتركي انا مدري هالبنت متى بتعقل
اشواق :اوريك فيهم
فاطمة:الحين هند كلشي تطحه ع راسي
اشواق:معليك منها شوي وراجعه
فاطمة رمت الشنطة ع الارض وتنهدت وخذت لها شور خفيف
اشواق تصارخ :امل.....تركي...وينكم
امل تقول لتركي خطه جهنمية اسمعني زين انا بسوي ان بطني يعورني وانت اللي عليك تمهد الموضوع فاهم
تركي بتسليك :ابشري يالغلا
امل طلعت :اه اه اه بطني افف تروك قم جب لي ما
تركي:عن العياره مافيك الا العافيه كل هذا خوف من اشواق
امل تمثل:قم قم واللي يعافيك
اشواق:قومي خل اشوف وش سالفتك
امل: اه اه بطني لالا مقدر
تركي:تراها تكذب قبل شوي قعدت تقولي كذا وكذا .....................وابتدا يفضح فيها
.......
اليوم مها مسوية عزيمة ونادت صديقاتها يجون
بعد المغرب مها مسويه قهوة وشاي ومجهزه الحلى وحطته بالمجلس
اندق باب البيت فتحت مها واستقبلتهم
وابتدت سهرتهم وتجمعوا البنات وابتدت صوت الاغاني يرتفع ...

انتهى
توقعاتككم......
 
البارت الرابع

عند لميس
لميس:ياربي والله مليت والله من كثر ماقبال هالميساء وزيادة ع كذا هواشات رزان وشوق اللي عمرها متخلص
اه روابي ,,ايوا الله جد ليه ما اروح عند روابي خل افك الازمة اللي انا فيها
اتصلت على روابي
لميس:اهلين رورو
روابي:هلا وغلا شلونك؟؟
لميس:اليوم انا جايه
روابي:صدق ,, وناسه اي جيبي البنات معك
شهقت لميس:لا حبيبتي خليها مرا ثانية انا ما صدقت ع الله اطلع
روابي تضحك :اكيد نفس كل مرا تهربين وهي ما تدري عندك
لميس:بالضبط
روابي:ههه حليلك يا لميس يلا اشوفك ع خير معسلامه
لميس:مع السلامه.
.....
ندى فاتحة الكتاب وماغير تذاكر وتلخص وحالتها حالة ادخلت عليها سار ونقزة فوق السرير
سارا حاست المكان حوسه
هلا بريحة هلي ,,هو شفيك مانزلتي تحت
ندى:انتي شفيك ياخي طقي الباب مرا ثانية
سارا:ندى بسك من يوم انتي راجعه من المدرسة ونتي تذاكرين
ندى تدفها:طلعي برا واللي يعافيك
سارا تضحك:ههههه زين سمعي تعالي معانا تحت ضيوف مها جو
ندى:لا مابي
سار تأففت ونزلت تحت ,,سار اخت ندى ومها وعمرها 22سنة وهي بالجامعة وشعرها طويل مرا
لبست فستان سهره قصير لونه بيج وذهبي ولبست شوز طويل شوي وفتحت شعرها وعيونها عسلية فاتحه .
......
لبست بنطلون جينز مع بدي ابيض وجكت مورد قصير الكم ولمت شعرها ع ورا وحطت تاج من الورد الطبيعي وحطت مسكرا وروج خفيف وردي وطالعه تجننن.
لميس تفكر كيف تطلع :ايوا الله صح سانتي
لميس تنادي :سانتي ....سانتي ...تعالي شوي
سانتي:نعم مدام
لميس:سمعي انا بطلع وابيك...... شهقت سانتي :لالا مدام انتي مافي اطلع هدا مدام هند وصي انا عليك
لميس:وهي كيف بتدري؟؟
سانتي تهز راسها وتمشي:ههه انا في روح علم
لميس امسكتها من شعرها وقربتها لها :عمى بعينك لسانك صاير اطول منك ومن متى انا اتكلم ونتي تروحين .
سانتي بعصبيه:مدام بس بس كلاس انا في روح شوف طريق
لميس:لابارك الله فيك
سانتي راحت تشوف وتاكدت ان الكل بغرفته
سانتي :كلاس مدام في روح
لميس:ايه كذا خليك وياويلك ارجع اشوفك معلمه هالميساء ابقطعك اوصال
سانتي :انشالله مدام
لميس:ههه تعجبيني
سانتي راحت تكمل شغلها.
لميس تنادي السواق :يلا كومار
كومار:انشالله
لميس: ع بيت روابي
كومار: حاضر
تنهدت لميس ع كرسي السياره وحمدت ربها انها ما انكشفت
روابي بنت خالة لميس بيضا وشعرها كيرلي وعيونها بنية ونحيفة شوي وموظفة في البنك
لبست فستان اسود وفضي وكعب واطي وفتحت شعرها كانت ما تحتاج تحط مكياج لان ملامحها كانت حلوه.
....

امل: حسبي الله عليك من ولد انا دايم اضحي بحياتي عشانك تسوي فيني كذا زين لو مرا وحده اوقف معي حسسني بوجودك عندي.
تركي:والله ماحد قايل لك كذبي على اشوق ونتي تعرفينها زين انا بوقف معك بالحق , الحق بالحق والباطل بالباطل.
امل:حمدلله والشكر رجعنا لموال ام سعيد
تركي:هههه ياخي بسك هواشات اكبري شوي
امل:انطم وصوتك ذا ما ابي اسمه ثاني مرا
تركي:نشوف
......
ميساء تسمع صراخ طلعت من الغرفة شافت رزان وشوق يتهاوشون وسانتي تدخل تفصل بينهم ويطلعونها وهههههههه مسكينة كل ماتحاول تدخل تنضرب تنضرب وتطلع
سانتي:مدام انا في روح بيت انا كلاس انا في تعب
ميساء:ههههههه شفيك ياخي اللي يشوفك يقول مب متعوده ع هواشاتهم خلاص روحي داخل
صرخت ميساء باعلى صوتها:::باس هو شفيكم عقلكم زاغ اكبروا شوي
رزان:حبيبتي قولي لهالبزر لا عاد تدخل غرفتي
شوق:الحين انا بزر
رزان :لاجدتي
قاطعتهم :ميساء بس بس خلاص انا اقول اوصلوا للجامعة وتركوا الهواشات ونتم تزيدون اجل وش بقيتم حق لميس
ميساء: واه لميس ,,خلاص روحوا غرفكم
راحت ركض غرفة لميس طقت الباب محد يرد فتحته مالقتها موجودة ياربي هذي بتجلطني
.....
روابي:اهلا اهلا
لميس:هلا والله اشتقت لك
روابي:مب كثري حياك حياك تفضلي
رواببي:ههههه شلون طلعتي
لميس:ويه بعد هالسانتي ترفع ضفغطي بس انا مهددتها اذا تكلمت
روابي:الله عليك بس قلبك قوي
لميس:شفتي شلون بنات هند وخواتها مايهزهم ريح
روابي:انا مطلعه فيلم هندي خطير قومي خل نشوف نكسب الوقت
لميس:يلا مشينا
بعد مرور 5 ساعات
لميس:يلا روابي لازم امشي قبل ماتحس ميساء
روابي:اصلا شكلها حست وسكتت اوكيه مع السلامه
لميس : مع السلامه
رجعت لميس بنص الليل وفتحت الباب وصارت تمشي ع اطراف رجولها جات بتصعد الدرج
ميساء:ايوا
لميس بارتباك:وش....يمه بسم الله ..خوفتيني
ميساء:وين كنتي
لميس :ببيت روابي
وصعدت بسرعة لغرفتها مالها نفس خناق ميساء لها
ميساء: ياربي ياكريم تعبت منكم والله ,, الله يهديكم .
انتهى
توقعاتكم.

 
اخر بارت انزله هذا الاسبوع
انتظروني في الخميس انشالله
بعد الاختبارات انشالله
دعوتكم لنا جميعا
الخميس_الونيس
 
اهلين حبايبي رجعت لكم بعد طول غياب
ومكافئة ع صبركم بنزل لكم بارتين او ثلاث
قراءة ممتعة وسعيدة لكم
وابي تفاعل فيهم لان البارت السابع حيكون يوم الاحد القام
بمشيئة الله
اختكم ((جوليت))
 
البارت الخامس


بعد مرور عدة اسابيع قربت امتحانات البنات ((نفس وضعنا الحين))وكانت المفاجئة ان ام لميس رجعت من السغر.
وفاطمة ماتسلم من عناد امل وتركي لها .
وندى تعاني من سارا اللي كل يومين وثلاثة طالعه لهابشي جديد
الام:هلا حبايبي هلا والله اشتقت لكم
شوق:وانا اكثر يمه انا زينة ونتي؟؟
الام:بخير حبيبتي الله يسلمك
رزان:يبيه شلونك
الاب:بخير ونا طيب الحمدلله
الام:وين لميس وميساء
ميساء تركض بالدرج يمههههه اشتقت لك وحضنتها بكل شوق
الام:الله عليك ياميساء كبرتي والله,,ههلا هلا بالكتوكته لولو
لميس:هلا فيك يمه
الام باستغراب:هو فيه حد مزعلك
لميس:لا حشى يمه ماكو شي
الام:زين طمنتيني
الاب:زين ماسويتي يا ميساء حافظتي ع خوانك زين
ميساء تناظر لميس بتهديدة:ايه يبيه
.......
اول يوم بالامتحانات
ندى تذاكر ولميس مطنشه ولا هامها وفاطمة وحياة يمشون فاطمة بنفسها((هفف ندى والله لا اوريك))
فاطمة بصراخ :ندوش لحقي علي لحقي يمه بموت
ندى:هو فطوم شفيك
فاطمة:تعالي معي شوفي المصبية شوفي شنو صاير هناك
ندى :قومي قومي خن نشوف
فاطمة تضحك بنفسها :ههههه حمدلله والشكر
اوصلوا لنص الساحه
ندى:وش
فاطمة:حبيت اسوي فيك مقلب شوي كذا ارفه عن الازمة اللي فيك
ندى:منهو ذا اللي قالك ان فيني ازمة
فاطمة:عيونك مغروزة باهلكتاب بسك عاد
ندى :لا والله
فاطمة :ايوا الله يعني ...هههههه .مدري شبقولك تعالي معي بس
حياة:اف متى تبدا
لميس:صبري شوي .هههه شوفي استاذه خالده ابتدت تدخل البنات
اوصلت خالده عند لميس
خالده:يلا لميس وحياة على اللجنة
لميس:اوكيه
خالده :تعالي تعالي ليه المريول قصير وليه الشعر مفتوح
لميس:اي استاذه هذي هبات البنات اللي الحين طايحين فيها
خالده:حسابك بعد الاختبار
حياة:هههههههه كفو عليك
........
بالقاعة حياة توصي ندى الوصايا السبع
حياة:سمعي اذا رفعت ايدي ع شعري معاناها السؤال الثاني
واذا نزلت ايدي معناها السؤال الثالث ولا تدرين
السؤال الاول والثالث اعرف احلهم ....
قاطعتها ندى:بس بس ومن قالك اني ابعطيك اصلا
خالده :خلاص الكل يسكت بوزع الاوراق
........
في القاعة
عالية:خالده في اوراق زيادة
خالدة:ايه شفيهم ع الطاولة
وبين ماهي تدور شافت لميس حاطه رجل ع رجل ومبسطه وتلعب بالقلم بشعرها
خالده:وين قاعده
لميس: بالمدرسة استاذه
خالده بعصبيه :امك لو تدري وش تسوين بالمدرسة راح تنجلط
حياة ضحكت بصوت عالي
خالده:اللي هناك خلاص
.........
امتحنوا البنات
بعد الامتحان لميس قررت تسوي ف خالده مقلبي يوريها الليل نهار والنهار ليل
شافت اقرب وسيلة انها تكب الماي عند غرفتها
خالده:يلا يابنات ع الساح.......اه
طاحت خالده ولميس فاطسه ضحك
تجمعوا البنات حولها وساغدوها تدخل غرفتها
لميس راحت ركض للبنات
لميس:ههههه تدرون انا شسويت
البنات:وش الله يستر منك بس
قالت لهم السالفه كلها
حياة:شفيك انتي الظاهر انك مب صاحيه
لميس:ياخي انا ابي اعرف انتم ليه نظاميين كذا
فاطمة:تكفين لولو عطيني نص القوة اللي فيك
قاطعتها صوت بنت
__:السلام عليكم انتي لميس
لميس:ايه عسا ما شر
__:تبيك المديرة
البنات :عساها خير
........
امل اقعدت من النوم بس ماحبت ان يروح وقتها ع الفاضي لازم تروح تقعد شريكها الثاني
امل:تركي ...تركي ..قوم
تركي:خير؟؟
امل:لاتطول لسانك وقم معي
تركي:لوين يعني؟
امل:قم خل نشوف لنا شغلة
تركي:ياخي خافي الله بعمرك شغل بالصبح
امل:انت فاهمها غلط قم معي وبس
تركي:مابي مابي
امل:ويع مالت عليك انا ليه حظي فيك اسود حمدلله والشكر
تركي:امل طلعي برا
امل:تطردني يا تروك
تركي:ايه اطردك
امل:لاتكفي الحين تشوفني هند طالعه من غرفتك تسوي لي سالفه
تركي:حد قالك تعالي
هند فتحت الباب وشهمت
هند:امول وش جايبك هنا
امل بارتباك:لالا ...لاءلاء ولاشي
تركي:كذابة تبيني اقوم معاها عشان نسوي شغل ع قولتها
هند:امل يلا ع دراك واياني وياك اشوف هنا مرا ثانية
امل :طلعت وهي ماغير تتحلطم بحظها مع تركي.
انتهى
توقعاتكم
وش راح يصير مع لميس والمديرة؟؟
والبنت الجديدة ايش مصيرها من العقاب ؟؟
انتظروني في البارت القادم

 
البارت السادس


بالمدرسة
المديرة:لميس ادخلي
لميس:جاتني بنت تقول المديرة تبيك ,, راح تكرميني بالطابور صح ؟؟
المديرة:اي تكريم واي خرابيط انتي عارفه وش سويتي
لميس باستهبال:شنو استاذه
المديرة:حلفي بس
لميس:اي استاذه ماسويت شي ونتي تعرفيني مب حقت مشاكل
المديرة:اخلصي علي وكتبي اسمك
لميس:وووش ليه استاذه انا مب اول ولا اخر بنت تسوي مشكلة
المديرة:اها يعني تعترفين
لميس:.............
المديرة:اكتبي اسمك ووقعي ع التعهد وبكلم امك بالموضوع
لميس كتبت وطلعت من الغرفة وفي
طريق رجعتها للبنات جات نفس البنت اللي من بداية السنة
__:واي بنات شوفوا لميس كتبت تعهد
البنات:يوه شمسوية؟؟
لميس:انتي شتبين بالضبط
__:ولا شي بس تسلية
لميس:وتتسلين ع راسي
__:هو شفيها ؟؟ لولو ليه زعلتي
لميس صدت عنها
البنت تلحقها صبري صبري انا ما خلصت كلامي وامسكت شعر لميس بالغلط وهنا الصاعقة الكبرى.
لميس:انتي باي حق تمدين ايدك علي
__ بارتباك:لا..ءلاء .مننن د..ون قصد
لميس:والله الحين صار من دون قصد هاه
ابتدت فيها لميس ومحد قدر يفكهم عن بعض جات المديرة ركض واستاذه عالية
عالية:وخرو عن بعض شفيكم زاغ عقلكم خلاص مافيه عقل
لميس شفيك ,,استخفيتي علينا ولا عشان امك مشرفة تقلبينها علي
لميس:ليه تهاوشيني انا بروحي شوفيها هي بعد
المديرة بصراخ:بسك عاد دخلي داخل يلا
عالية:ونتي شعذرك
__:....ا..ء ستاذه بصرحه انا بادية ولميس مالها ذنب انا رحت علمت عليها
المديرة:وبعد ,,شفيكم يا بنات ثالث خلاص قلتم اخر سنة فلها قدامي انتي بعد ع الغرفة

.......
فاطمة:شكل لميس مسوية مصبية
ندى:مصيبة وبس
حياة:بنات قوموا نشوفها تاخرت
فاطمة وندى:اوك
راحوا عن غرفة المديرة شافوها هي وبنت
حياة:يمه لولو
فاطمة:الظاهر كتبت تعهد
ندى:اكيد
......

هند تتابع فيلم كوميدي وميتة من الضحك:ههههههه
امل جات وحبت راسها حبيبتي هند
هند مطنشتها تتابع وتضحك
امل:هندوه اكلمك
هند:وش وش ماتشوفيني اتابع
امل:زين بكلمك
هند:نعم؟؟
امل:ابي اطلع
هند تكح :وه يمه وين تطلعين ياحظي انتي راس المصايب
امل:ليه تقولين عني كذا
هند:ماتسمعين الكلام
امل:ليه تركي يطلع
هند :هو ولد وانتي بنت
اشواق جات يلا حبايبي انا بروح بيتي
امل:معسلامه
هند:زين تغدي معانا خل ننتظر فطوم
اشواق:لاوالله اليوم بعد اهل زوجي بيجون ولازم ارجع اجهز
هند:مافي مشكلة نشوفك على خير
اشواق:سلام
...............
طلعت لميس من الغرفة وهي معصبة حيل شافت حياة بالطريق وضمتها
حياة:لولو ليه تسوين كذا
لميس:....
ندى:تعالي تعالي ارتاحي
لميس:يلا
البنت رجعت للميس مرا ثانية لميس اوقفت لها
نعم
__:اي جامعة بتروحين
لميس:خلاص ياخي ابعدي عني كفاية مشاكل معاك ,, ناويه تلحقيني بعد بالجامعة
__: معسلامه
فاطمة:شفيها هذي
ندى:ماعليكم منها المهم بما ان اليوم اخر يوم لنا بالمدرسة وين بتروحون
فاطمة :بروح اشوفه
حياة:منهو
فاطمة:اممم خلاص مقدر اقول اسمه المهم انه ف السوبر ماركت
لميس:ياعيني عليك
.......
رن جرس المدرسة والكل انصرف لبيته
وقلبهم مهموم ع بعض اخر يوم لهم بالثنوي واخر سنة لهم من بعدها يبدون الجامعة وشدة الحيل.
ندى في السيارة سانده راسها وتفكر ايس بيصير فيها وتقدر تكمل مع نواف ولالا
ندى في نفسها((طيب لو ماجاني وش بسوي))لالا يابنت شفيك انسي موضوعه

.....
حياة :هلا يمه انا جيت
ام حياة:هلا ببنتي
جوري:ها كيف اخر اختبار
حياة:لا كويس حليت زين
جوري تغمز لها :متاكدة
حياة:هههه ايه
ام حياة :حبايبي تعالوا بجنبي
ضمت ام حياة كل من حياة وجوري ودعت لهم

......

فاطمة ادخلت البيت وكانت المفاجئة ان امل جالسه بالصاله استغربت انها مب بالغرفة
فاطمة:امول امول
امل:وش
فاطمة:فيك حرارة
امل قامت من عالكنب:يمه يمه شفيك انتي
فاطمة :بس واللي يعافيك
امل:فطوم عندي لك خبر حلو
فاطمة:من متى عندك اخبار حلوه
امل:انشالله من اليوم
جا تركي شريكها الثاني امل في نفسها((افف هذا وش جابه الحين يخرب علي ))
تركي:فطوم اوديك مطلعم نتغدا
هند:لا ماكو طلعه اليوم فيه قرار جديد
تركي:وشهو
هند:خل ع الغدا اقولكم
تركي يخز في امل واخذ فاطمة عشان يوصلها غرفتها
امل تضرب الكنب:وجع وجع اف كلا منك ياتركي كلا منك مامداني اقولها وش افكر فيه
........

ميساء في غرفتها ناظرت من الشباك شافت السواق جاب لميس
ميساء:يمه يمه لميس جات بتدخل افتحت لها امها الباب وضمتها لها
الام:لولو حبيبتي ها كيف الدوام ,, انصدمت يوم شافت شكلها
وش فيك ؟؟
لميس:متهاوشه؟؟
الام:ومع من
لميس:يمه لا تخافين مشكلة بسيطة
الام:اها ووش صار
لميس يمه بتخليني واقفه بالشمس خل ادخل واقولك
الام:هههه دخلي يمه دخلي
دخلت لميس:يمه بروح ابدل وجيك
الام:انتظرك بالمجلس
لميس طالعه الدرج تشوف ميساء تناظر فيها :ايش فيك واقفه
ميساء:ابد مافي شي انا نازله عند امي
لميس: براحتك دخلت غرفتها ورمت الشنطة ع الارض واستندت ع الكرسي..

انتهمى
توقعاتكم
من هم الشباب الاربع اللي راح يدخلون حياة البنات
حياة ايش بيصير فيها
هل راح تضعف لميس بعد دخول ((......)) على حياتها
انتظروني في البارت القادم
 
عودة
أعلى