كلمه

بوح الخواطر, مشاعر وخواطر من قلبي ارسال إلى Twitter ارسال إلى facebook
  1. عبدالحميد الشاعر
    21-03-2016, 01:35 AM

    كلمه

    كلمه


    اى حكايه بتبدأ بكلمه
    واى نهايه بتخلص بكلمه
    قصة حبك بدأت بكلمه
    زعل حبيبتك كان من كلمه
    ورضاها عنك بيجى بكلمه
    وضحكك من قلبك
    بيكون على كلمه
    خصامك لصحبك
    كان سببه كلمه
    والراجل بتعرفه من كلمه
    ولسانك بتربطه بكلمه
    فيه ناس كلامها
    ميلزمكش فيه كلمه
    وناس كلامها
    ميفوتكش فيه كلمه
    اوزن كلامك
    قبل ما تطلع كلمه
    ممكن لسانك
    يوقعك بكلمه
    اللى كتير الكلام
    متأمنوش على كلمه
    ممكن بجر الكلام
    يضيعك بكلمه
    خلى بالك عشان
    فيه ناس ملهمش كلمه
    منظر ومش مليان
    ميستهلوش نص كلمه
    وفيه اللى عايش جبان
    يخاف يقول كلمه
    وفيه خفيف اللسان
    بينقل كل كلمه
    طبعه كده فتان
    مبيحفظش على الكلمه
    يوقعك مع ناس
    ويحلف مقولتش كلمه
    اصله عديم احساس
    بيتسنط على الكلمه
    مبيفهمش فى الاحساس
    والاحساس مش كلمه
    مبيعرفش ان فيه ناس
    راس مالهم الكلمه
    كلمتهم طلعه بميزان
    ميقفش قصدها كلمه
    رجاله بجد جدعان
    بيقدرو الكلمه
    كلامهم بين الكلام
    بيتسمع كلمه ورى كلمه
    وفيه اللى ماشي بكلام نسوان
    وده متسمعلوش كلمه

    عبدالحميد الشاعر
  2. شمس الشتا
    21-03-2016, 01:38 AM

    رد: كلمه

    كلمه


    وفي الي يحشد الرجال على النسوة
    وهاد ما تقرلوش كلمة
    مشكور
  3. بياع الورود
    21-03-2016, 01:43 AM

    رد: كلمه

    كلمه


    أول كلمه واخر كلمه

    تسلم ياصاحب الكلمه
  4. عبدالحميد الشاعر
    21-03-2016, 01:55 AM

    رد: كلمه

    كلمه


    شكرا على مروركم الجميل