بحبك

الشعر, قصيدة , شعراء, القصايد ارسال إلى Twitter ارسال إلى facebook
  1. عبدالحميد الشاعر
    20-03-2016, 07:58 AM

    بحبك

    بحبك


    بحبك وبقولهالك
    دايبه فى هواكى العين
    عشقك وعاشق جمالك
    يا هديه من السنين

    انتى بنسبالى
    حياتى وكل امالى
    بشوف فى عنيكى احلامى
    بشوف فيكى السنين ...
    عشقك بكل ما فيكى
    دايب والله وشاريكى
    ووهبت عمرى ليكى
    يالى عيونك ساحرين ...
    بحبك مش بس كلمه
    دا حبك فى القلب والله
    خلى الايام ليها معنى
    فرح قلبى الحزين ...
    انتى دنيتى
    هنايا وفرحتى
    نورى ف سكتى
    انتى الشوق والحنين ...
    ديما انا بشتقلك
    وكل يوم بحتجلك
    ولو غبتى بندهلك
    وبسأل انتى فين ...
    على طول طيفك قصادى
    وقلبى عليكى بينادى
    وبهدى وببقى راضى
    لو شوفتك ثانيتين ...
    صدقينى يا اغلى ماليا
    كل كلام الدنيا ديا
    ميوصفشى اللى فيا
    انا وقلبى وعنيا
    اللى فى هواكى دايبين ...
    انتى غيرتى احساسى
    يا اغلى حبايبى وناسي
    على شط هواكى انا راسي
    يا اجمل ما شافت العين ...

    عبدالحميد الشاعر
  2. بياع الورود
    20-03-2016, 10:31 AM

    رد: بحبك

    بحبك


    جميل با عبد الحميد

    تحيتي وتقديري
  3. عبدالحميد الشاعر
    21-03-2016, 12:36 AM

    رد: بحبك

    بحبك


    المشاركة الأصلية كتبت بواسطة بياع الورود
    جميل با عبد الحميد

    تحيتي وتقديري
    شكرا جدا على مرورك الكريم