123456

ديوان الشاعر عبدالله بن عون

ديوان قصائد الشاعر - ديوان قصائد الشاعره ارسال إلى Twitter ارسال إلى facebook
  1. *مزون شمر*
    21-05-2016, 02:51 PM

    رد: ديوان الشاعر عبدالله بن عون

    ديوان الشاعر عبدالله بن عون



    مساجله بين ابن عون و عبدالرحمن العطاوي




    البادي / عبدالرحمن العطاوي





    ياسعود مقناصكم ماهوب معجبني
    وطيوركم كلها مانيب ناقلها
    انا هجوسي لابو نايف تشاغبني
    وازريت ياسعود بن خربوش اجادلها
    كثر المجامل يابن خربوش متعبني
    خبرتك تنعاف حابلها ونابلها
    صقاركم في مقانيصه معذبني
    كنه يدور للارنب في مداحلها
    لاشاف له جرة حول كما الحبني
    وصقارة الناس فاشلته وفاشلها
    لو ينشد الطير قال انه مخربني
    وبرق الحباري من المفلا يجفلها
    وليا نشدته يادوب انه يخاطبني
    وهضاب الاوراس فوق الراس شايلها
    وان كان خالد سواتي يونس الغبني
    روحي عن اللي بها تكتب تنازلها
    اللاش في خوته ماهوب غاصبني
    واهل الجمايل نبادلها جمايلها
    واللي ف/ ابن عون عبدالله محببني
    يوم المخوه قضب طايل نفايلها
    هداج تيما فضا جمه مغايبني
    ورسوس الارياف يابسة بلايلها
    ياراعي الطايرة شرق وغربني
    عن دار قوم خبيثات دغايلها
    من ضلع اجا مع رواق الجو قربني
    للديرة اللي حليف الجود نازلها
    عبدالله اللي ليا جيته يشببني
    طب الكبود العليلة عن غلايلها
    ياشيخ بين لنا بيت الشعر مبني
    في روضة لبست الزينة خمايلها
    ودي بنجد العذيه مير يجذبني
    يم ايسر الشرق مرباع يعادلها
    نبته تشاكيل تطربني وترهبني
    ما ألوم انا الخس فيها يوم احللها
    سيله يجوح النفود ويطرح المبني
    طيحة كهف كن ميكاييل كايلها
    ماظن احد فيه ياصالح يكذبني
    اطناب نبته تلامس في تمايلها
    ابحورالأشعار كاسبته وكاسبني
    تعطيه دره وتعطيني هياكلها
    لو هو بالأشعار ياصالح يكاتبني
    شفت العجب من تعابير يسجلها
    غلاه من محزمي للراس شاربني
    مابي ولا جارحه ماهوب داهلها








    رد ابن عون أبو نايف









    يا مرحبا يا شذا مسك تلببني
    مع رايح الغرب يوم اقرت علايلها
    جاني به الرايح الغربي وطيبني
    واشفى الضماير من اللي في دخايلها
    شاعر هوازن مع الخنياب داعبني
    واطفى لهيب الضماير قبل ياكلها
    ياهاجس الشعر بالله لو تصاحبني
    نبي نجار الفنون بما يماثلها
    من حشمة الللي بزين القيل وجبني
    يم الجزاير واهل حايل يراسلها
    نديمي اللي خياله مايغايبني
    رؤياه دايم وانا عيني تخيلها
    لو هو بالاوراس شوقي له يجاذبني
    جذب الدلي للضمايا من مناهلها
    وانا مجارى فحول الشعر يتعبني
    يا لله البس ثياب من سمايلها
    وشلون اجاري الفنون اللي تلاعبني
    حرف بحرف من اتلاها اليا اولها
    جاريتها والفرح والرعب حاظبني
    تقدير للي من اقصى الغرب حولها
    حول فنون تشوقني وتطربني
    سواة نظم الجواهر في سلاسلها
    وانا مجارا فحول الشعر يكربني
    يالله البس ثياب من سمايلها
    يا من دعاني على شي يناسبني
    كل المطاليب من شانك نكملها
    بس اصبر شوي لين الشوق يطلبني
    واهل العوايل تخلص من عوايلها
    لو ابني البيت كان اصبح يعاتبني
    يبي وجيه تقابلني واقابلها
    وانا هجوسي لها ايام تناوبني
    مع كل صوب تشايلني واشايلها
    والشرق راعيه عيا لايجاوبني
    سماعة التيل من يمي مقفلها
    والغرب راعيه للمظهار يندبني
    يبا الاناسه ومرشد من كمايلها
    وانا غرامي مع الاثنين عذبني
    وازريت اعوبل شفوف من يعوبلها
    ابى اجمع لبشرق هو والغرب واذهبني
    كود ان مزهي بحيلاته يحايلها
    والثانيه يالله انك لاتخيبني
    تقرع بحلقي وانا مانيب قايلها
  2. *مزون شمر*
    21-05-2016, 02:54 PM

    رد: ديوان الشاعر عبدالله بن عون

    ديوان الشاعر عبدالله بن عون


    مساجله بين ابن عون و سعد بن غازي



    البدايه مع ابن عون



    يا ابو مشعل قال ابو سلطان سير
    وجيت مشتاق لكم من غير صاخر
    كلكم غالين مافيكم تخير
    ما نفرق بين الاول هو والاخر
    لو يقولون العرب بدل وغير
    قمة للاعتزاز وللتفاخر
    ليلة معكم عسى الله مايغير
    كنها عندي من العشر الاواخر
    الفواله من فواق ام الحوير
    والخلاص وما يفوح من المباخر
    والعقال من الجزال عن الصغير
    اسمر ماوردوه اهل البواخر





    رد سعد /


    مرحبا باللي عزمته ماتحير
    وان طمعت اسايره ماني بذاخر
    مثل ضلع طويق ثابت ماتغير
    فاخر با المرجله والشعر فاخر
    شعره احلا من حليب ام الحوير
    لاخذيت شوي من روس المواخر
    ذخر عود ماقفه با الطيب نير
    صيحته ترهق وسيعات المناخر
    قبل يقصر طول ويطول القصير
    ربعته مدهل قليلين المذاخر
    شغلتي شرد البيوت اليا تذير
    مير ابو نايف مقفلها للآخر
  3. *مزون شمر*
    21-05-2016, 02:56 PM

    رد: ديوان الشاعر عبدالله بن عون

    ديوان الشاعر عبدالله بن عون


    من قصائده :





    يا مل قلب تقول يلامسه جمره
    بين المعاليق كن النار تصلاني
    من حرها .. أذكر حرارة جمرة السمره
    إليا علق عودها ما فيه دخاني
    ولا أونستها غير عقب عساسة الحمره
    ومواجه اللي سهم عينه تمثناني
    غرو على أول صباه ومستوى عمره
    جيته وجاني وآخذ قلبي وخلاني
    معطيه ربي جمال قاطف ثمره
    متعزل كن عوده عود ريحاني
    ماهوب يستعمل المكياج والحمره
    والبويه اللي تخرب رمش الأعياني
    يكفيه سور الحوار وفردة التمره
    عن كل نوع من أنواع الغذاء الثاني
    لو يعترض في طريق الخال ابن عمره
    مع دربه أشقاه ربي مثل ما أشقاني
    وإليا علق به صوابه وإبتلش ب/ أمره
    إما أفلح الخال وألا جاه ما جاني
123456