123456

ديوان الشاعر عبدالله بن عون

ديوان قصائد الشاعر - ديوان قصائد الشاعره ارسال إلى Twitter ارسال إلى facebook
  1. *مزون شمر*
    01-03-2016, 09:19 AM

    رد: ديوان الشاعر عبدالله بن عون

    ديوان الشاعر عبدالله بن عون


    من قصائده



    الله من قلب رمع فيه رماع
    وأخلف يمومه عن طريق التسانيع
    هجس رمع ماله عن القلب فراع
    علي غاراته تشن المفازيع
    مركز بنوده بين محني الأضلاع
    ليا ناموا العربان سوى مشاريع
    يشري بقلبي كل ليل ويبتاع
    وله الجوارح خاضعات مطاويع
    أسباب ورق بالتغاريد سجاع
    طرب على روس العياد النعانيع
    ورق غناه من النياحه به أنواع
    صوته يزيد ملوع القلب تلويع
    يا ورق كف غناك مال الطرب داع
    ياشين مالك في عذابي منافيع
    هو ليه يوم تروجع الصوت روجاع
    قصدك تزيد مولع القلب توليع
    إن شفت من قلبه جزوع ومولاع
    على النياحه لاتوريه تشجيع
    أسهرت عيني والمخاليق هجاع
    وذكرتني خل بعيد المراميع
    راعي جديل فوق متنه إليا إنداع
    كنه شليل اللي تتل المصاريع
    ليا جا نهار فيه صايح وفزاع
    والخيل بأطراف الجهامه شواريع
    بيوم مثل يوم الرحى عجه أمزاع
    نهار أخو نوضا يفك المجاميع
    مخلي سروج الخيل من كل صعصاع
    عقايره سرد الرمك والمداريع
    كم راس شيخ دق به روبة القاع
    وخلي عشا لذياب نجد المجاويع
    يدلي بهندي للأرقاب قطاع
    في روس ضده غاديله لعاليع
    سيف شقير ويامره قلب وذراع
    ضربه يطوع مخطي الدرب تطويع
    يومه على ضده مخاييله أتباع
    نهار يفرق شملهم عقب تجميع
    غيمه عجاج الخيل غاره ومرجاع
    وشمسه بواريق السيوف اللواميع
    يشيب منه اللي على الديد رضاع
    يوم العذارى من ذهلهن مفاريع
    لا والله ألا صاحبي شد نجاع
    بيني وبينه يهرع الذيب ويريع
    عنه أتحذى العلم مع كل ذعذاع
    أنشد ولاعينت للعلم تسنيع
    عليه أصابتني عواريض وأوجاع
    نار الغرام تميع القلب تمييع
    أتلى العهد به يوم مظهوره إنزاع
    جلع ضعنهم طلعة الشمس تجليع
    بدو يبون بشرقي النفد مرباع
    ولهم على أطراف الصداوي مراميع
    راحوا بعد حطو على الكبد مرقاع
    وعسى لهم من عقب الإقفا مراجيع
    ليا من نبت الصيف جاله تمرياع
    وأضفى على روس العبال المصاليع
    ليا حف زملوق الطواليع وإنصاع
    وأقفا خضار النبت حتى الطواليع
    والأرض صفرا عودها والثرى ضاع
    وإستبدلت عقب الخضار البلاقيع
    وجونا تباريهم زهازيم الأقطاع
    كنه يقلطهم عقيد الطماميع
    أقفا الربيع وعودوا للشفا أرياع
    لعلو نجد اللي هبوبه ذعاذيع
    ليا من نبت الصيف جاله تمرياع
    وضفى على هاك العبال المصاليع
    اللي طويل عدودها عشرة ابواع
    وأقذالها مثل الطيور المواقيع
    يزمي بها طافح سراب ليا ماع
    كنه من القصدير ياخذ تلاميع
    دار بها تركي ومحسن وهزاع
    من حبها مال الثلاثه مناجيع
    ماكفت البره وجزعا وجزاع
    وأجنب جنوب إليا القهب والمجاضيع
    ولهم على منثورة العرق مرماع
    هاك النفود اللي غضاها مهانيع
    أظني أضرب للغظي درب الأسناع
    وأشوف زوله عقب صد وتمانيع
    وفي غير شوف العين مانيب طماع
    ليا حصل لو هو سلام وتوديع
  2. *مزون شمر*
    01-03-2016, 09:22 AM

    رد: ديوان الشاعر عبدالله بن عون

    ديوان الشاعر عبدالله بن عون


    وله ايضا






    أنا غرب واللي خاطري ينتحيله شرق
    بعيدا وطن مظنون عيني عن أوطاني
    حصل في غروب الشمس بيني وبينه فرق
    عسى الله يقرب دار من حبه اشقاني
    اليا جا لذيذ النوم يسرق عيوني سرق
    ذكرته بعيد وعافت النوم الأعياني
    الا يالله انك لاتجاز الحمام الورق
    وراه يتلاعى بالطرب لين يشعاني
    وراه يتلاعى لين عناني بحلو الطرق
    من الولف اظنه جاين الورق ماجاني
    من أربع سنين ومهجة الروح فيها حرق
    نتيجة ندب عين سهمها تمثناني
    وساع العيون الساحرية طعنهن زرق
    لها نظرتن من صابته طاح وجعاني
    سقا الله ليا قام يتكاشف علي البرق
    وأنا اشوف زوله بين ربعي وخلاني
    تفتح لعيني يوم أشوفه وساع الطرق
    وانا قبل اشوفه مثل يعقوب عمياني
    تهشم نظيره من هميل الدموع الزرق
    عمي لين جابوله قميص ابنه الثاني
  3. *مزون شمر*
    01-03-2016, 09:26 AM

    رد: ديوان الشاعر عبدالله بن عون

    ديوان الشاعر عبدالله بن عون


    وله ايضا

    الله من قلب الى منه أدوى
    يدلج به الهاجس كما يدلج الطير
    عسى ماهيب إدوايت القلب عدوى
    وجاين لها بدلاجة الطير تأثير
    قلب يحب البدو قبل إيتبدوى
    ويشاعفه مسنادهم والمحادير
    وقد صار له معهم رواح وغدوى
    وقد ساق له معهم قطيع مغاتير
    واليوم ممشا البدو من دون جدوى
    تطرق سهال مابها إلا المعاصير
    والغيث عنهم نوب قام إيتعدوى
    وحاجاتهم عيو عليها الهوامير
  4. *مزون شمر*
    14-03-2016, 02:55 PM

    رد: ديوان الشاعر عبدالله بن عون

    ديوان الشاعر عبدالله بن عون


    ومن قصائده :

    شعتني علوم الصيف وأرقلت للمسناد
    ولاعاد يعذل واحد" طافح" شبله
    أبي عبلة" ضاف" عليها كما السجاد
    ديار" يرود عدودها من يحب إبله
    ولاعاد لي من يوم سال الشفاء مقعاد
    عتيبي وداري فوق ونحيتي قبله
    مادامه وكد لي سيل وادي قليب عناد
    أنا ويش يحرمني شفا نجد والعبله
    أباأتبع هوى وضحا" تحط اللبيد سناد
    لها غير زين طبوعها خدة" قبله
    ليا سمعت الحادي نده ندهة الميراد
    تقود أول الزعجول الأول وتقربله
    أبيها ترفع فوق عن ساخن الأنفاد
    وتجي في فياح" كل مصلاح يطرب له
    أنا في الديار الطامنه في تعب وجهاد
    على كثر مرعاها مداخيلها خبله
    عساها يساقيها المطر ديرة الأجواد
    ماأبيها لوإن ثمامها ينقلب ربله
  5. *مزون شمر*
    14-03-2016, 02:57 PM

    رد: ديوان الشاعر عبدالله بن عون

    ديوان الشاعر عبدالله بن عون


    مرثية في حاتم عتيبه الشيخ عبدالعزيز بن جامع رحمه الله

    يالله ياللي كلنا منك واليك
    ماتأخذه منا وما أبقيت منا
    ياواحدا كل البشر بين اياديك
    اجبر عزانا في فقيد وطنا
    ولاهوب انا اللي يابوخالد مسميك
    سماك أبو متعب زبون المجنا
    الوافي اللي ماتجاهل مساعيك
    عبدالله اللي يدحم الضد عنا
    يوم العزاء شارك لنا في تعازيك
    رغم أرتباطه وأنشغاله تعنا
    عقب الوفاء الماضي مهوب متناسيك
    جعل الليالي فيه مايفجعنا
    والأسره اللي شاركوا بالعزاء فيك
    جو للمواسى فيك منا ومنا
    مرحوم ياشيخ قبيلتك تغليك
    وتشكر جهود فيك مايجحدنا
    أقصى القبيله كنه أدنا بنيخيك
    ميزان عدل من رجح له تهنا
    ياكثر ناس شاملتهم حسانيك
    من صافحنه بيض أياديك غنا
    عقب المتاعب والضما والتهاليك
    هذي فللهم فالمزارع تبنا
    وياكثر مداحك وياقل شانيك
    وياكثر صداتك للاخصام عنا
    واللي من الأجناب يسمع بطاريك
    امسى بعد فقدك يون ويحنا
    وعسى عوضنا يوم قفت لياليك
    فالسته اللي سيرهم ماتونا
    تنهج مناهيجك وتمشي مماشيك
    وتدرى مشاكلنا وتقدي ضعنا
    السته اللي رافعتهم مجانيك
    عز القبيله واومرانا واهلنا
    أنته مناديهم وخالد مناديك
    وحنا بعد شوف النتايج ظمنا
    ان المناهج مع مناهيج أهاليك
    مناهج راياتها يرفعنا
    وختامها الله بالتسامح يجازيك
    ويحسن ختامك يافقيدة وطنا
  6. *مزون شمر*
    14-03-2016, 02:59 PM

    رد: ديوان الشاعر عبدالله بن عون

    ديوان الشاعر عبدالله بن عون


    من قصائده :

    خلوج" على مجرورها تزعج المجرور
    على مادهاها تلحق الجره الجره
    ليا لحقت الطياح تنكس على المقهور
    تبى الحاشي اللي ليت راعيه ماجره
    تحنج على المقهور وحوارها مجرور
    تلهى شوي وعودت تتبع الجره
    عليها الله أكبر كدرت خاطر" مسرور
    طرالي خلاج" ماتشافيت من شره
    خلاج" قديم معقب" بالضمير فجور
    عرضته على بعض الأطباء ولاسره
    بعثله جروح" ماشفاها دواء الدكتور
    تدمدم بعضها مير ماطاب بالمره
    على أسلاف قوم" ذكرهم بالثناء مشهور
    هل الماقف اللي منه الأحفاد مستره
    رجال" تبرك بالصياني ظهور الخور
    بوقت" مجاعاته على الناس مفتره
    رجال" هوايتها على الميركه والكور
    مجاذب صريمة كل وشحا وحزبره
    تجلى لهم في عالية نجد كار ودور
    كما هجر ماقد واحد" مد مامره
    أناشدك يامسري وأناشدك يامظهور
    وأناشدك يانومان وأناشد البره
    عن اللي منازلهم بعدهم بقن دهور
    فراغ" خلا مافيه مايازن الذره
  7. *مزون شمر*
    14-03-2016, 03:02 PM

    رد: ديوان الشاعر عبدالله بن عون

    ديوان الشاعر عبدالله بن عون


    من قصائده :


    ياطير ماحدك نصيبك على خير
    وراك مسجون" بوسط الغماره
    حسبي على اللي عزروا فيك تعزير
    تكفخ ويصلاك الحديد بحراره
    في موتر" مال الولع فيه تأثير
    تكسي أجار" مايعرف ألا أجاره
    حشرت وحوش البر حتى العصافير
    من يوم دور من وراها تجاره
    ما للغشيم من الولع غير تدمير
    دايم عماره صاير" في دماره
    ياناقلين الطير من غير تبصير
    حصيلكم منه التعب والخساره
    أوفوا حقوق الطير وألا أترك الطير
    لا تظلمونه ياجداد الصقاره
    خلوه لمحمد عشير المناعير
    اللي ليا شافه يعرف إعتباره
    مقدم هواة الصيد من توه صغير
    من خلقته يعطي عليه البشاره
    يعطيه حقه في ليال المخاضير
    لا بكر الوسمي ولجلج خضاره
    قدام يظهر في نباته نواوير
    ينصاه لو إنه بعيد" مزاره
    مايمنعه دونه ردي الأشاوير
    في نجد وألا نازحات" دياره
    الطير يبغاله عنايه وتدبير
    رجل" يعرف إهانته من وقاره
    هذاك أبوتركي زبون المخاسير
    سمح الحجاج اللي يذري جداره
    يفزع لمحتاج" ويكرم مسايير
    وغيث" على من يستجير بجواره
    من جاه يشكي له من الوقت تقصير
    مضهود وإلا مستجير" أجاره
    ويطرب لنقل مصخر الخرب تصخير
    وإطلاقة المسباق شفه وكاره
    وينومسه فعل الفروخ المغاتير
    ومن كل قرناس" تخير خياره
    هذا يخل الريش مثل المعاصير
    وهذا يشوقه لا حجل في طياره
    كم ماقع" قفر" جهم له بتبكير
    وأثعى بصيده حين يشرق نهاره
    وإن جاء الضحى الضاحي وجت حومة الطير
    حول بروض" في مفيضه قراره
    وصكو عليه أهل الوجيه المسافير
    والقهوجي قدامهم شب ناره
    وإستانسوا في جو مافيه تكدير
    ودارت سوالفهم عناد وعياره
    وأخذوا لهم مقدار ساعات لا غير
    لين الهوا يسكن ويركد غباره
    ثم روحوا بين الصلاتين وعصير
    والشيخ فك سبوق طيره وأداره
    مستبشر" بالخير والصيد ما ذير
    والطير صقاره يحب إختباره
    وأشرف على جو" خضاره نواوير
    فيه الخزامى والنفل والشقاره
    وأخذ عن اللي عادته تلة السير
    مايلتفت راعيه يسبر شناره
    غلاص طلع" له على الصدق تبرير
    يأخذ على الجو البعيد إنحداره
    حول على جول" تقافى مدابير
    زرق النحور اللي عليها الدواره
    الطايره يرسل عليها مشاهير
    مثل الجهاز اللي بتوجيه أداره
    والدارجه يرسل عليها جزازير
    كل أفدع" مع قو ضربه شطاره
    يفرى نحرها فرية الدلو فالبير
    تلقى الفؤاد مظهره من ستاره
    في وقتها ينسى وداد الغنادير
    وينسى جميع معاملات الوزاره
    هذي حقوق الطير ياظالم الطير
    ماهوب حقه سجنته فالغماره
  8. *مزون شمر*
    14-03-2016, 03:04 PM

    رد: ديوان الشاعر عبدالله بن عون

    ديوان الشاعر عبدالله بن عون


    وله ايضا :






    يافر قلبي فرير ملوع الكدري
    موح" تعاوي نميلي" قصر دونه
    جلع وشاف خلوي" جاه من حدري
    وراح يتصافق بروس الريش ومتونه
    على وليف" بشوفه ينشرح صدري
    لا شك دونه مقاريد" يلدونه
    عليه حالي تخله شوكة السدري
    من يوم شفته وروحي فيه مقرونه
    يازين جرحك سطابي وأنت ماتدري
    في داخلي الحشاء متعظم" كونه
    إرحم قتيل العيون وطرفك الخدري
    صب" يبي منكم الرحمه وتجفونه
    ترى لذايذ عرابين الهوى بدري
    إليا قوى العود نبت الشوك بغصونه
  9. *مزون شمر*
    18-03-2016, 02:46 PM

    رد: ديوان الشاعر عبدالله بن عون

    ديوان الشاعر عبدالله بن عون


    من قصائده :





    البارحة جفني عن النوم مذهول
    طيب المنام ولذته ماحصللي
    اليا شتل عيني عن النوم شاتول
    أخذت مع هاجوس قلبي تسلي
    وليا عذل عيني عن السهر عاذول
    قلت السهر ياعاذلي جايز لي
    مادام الي قلبا من الحب مدهول
    ما اشوف في كثر العذل صالح لي
    اتركني اتبع راحت البال واقول
    من ماتصور واحضره هاجس لي
    خل القلم يكتب من القيل معسول
    ابيع واشري فيه واخذ وخلي
    اخذ من اول صفوة القيل مزلول
    واترك حثال القيل عني يولي
    عسى يعالج خاطرا فيه نشبول
    من ضيقته ضاق الفضا والمحلي
    كان العزيز يصيح للحب مذلول
    فانا الذليل ولاحدا ذل ذلي
    دايم وجيبي بأزرق الدمع مبلول
    وحالي نحيلا من الهوى مستخلي
    حالا براه الهجر حولا ورى حول
    ياللي يتوق لهجر الاحباب حلي
    طفلا طغى ماله بسوق الهوى دول
    بأحلى صفات المحصنات متحلي
    راعي هدب عينا بلا كحل مكحول
    والبدر كنه في الجبين متجلي
    ما احرزت اجيه ولايجي منه مرسول
    بيني وبينه واحدا واقف لي
    عليه قلبي بين الاظلاع متلول
    ودايم وهو للبال قبلة مصلي
  10. *مزون شمر*
    18-03-2016, 02:48 PM

    رد: ديوان الشاعر عبدالله بن عون

    ديوان الشاعر عبدالله بن عون


    من قصائده :


    يامن لعين يعل الجيب ذارفها
    أربع وعشرين ساعه تهجل إهجالي
    والنوم يادحيم عايفته وعايفها
    دارت سنتها على سهر وتملالي
    مدري على السهر عيني وش مكلفها
    للسهر في نونها ممسى ومقيالي
    واللي جعل نوم عيني ما يوالفها
    واهج لهيب الغرام اللي برى حالي
    واحالي اللي طهوم الشوق ناحفها
    ماباق ألا عظام جسمها بالي
    عليك ياللي غلاك الروح متلفها
    ياللي محلك بوسط القلب نزالي
    غلاك روحي عن الخفرات صارفها
    لو يجمعن لي من أولهن ليا التالي
    لك سيرة بالمحبه ماأقدر أخلفها
    لوهي سبايب سهر عيني وغربالي
    لولا رجاء ساعة نقضي حسايفها
    وألا على السنه السمحه تهيالي
    رجعت للسالفه وأحييت سالفها
    اللي يقولونها في ماض الأجيالي
    اللي سبب موت ضيف جديع ماقفها
    حيث أن ذباح ضيف جديع يبرالي
123456