(
الجهة الي بقدم لها طالبه درجة عالية في التوفل وش أسوي؟ )
لو كانت الجهة التي تبي تقدم لها طالبة نسبة عالية في اختبار التوفل مثلا 100 أو
95 كيف ممكن تجتازها؟
من وجهة نظري - يمكن ما تتناسب وجهة نظري مع البعض لكن هذا الي لاحظته
وحسيته ينفع - وممكن أي شخص يدرس بالطرق الي يشوفها تناسبه أكثر.
أولا \ الإشتراك في برنامج متكامل (يحتاج لمبلغ):
فيه مواقع توفر لك كتب، وفيديوهات متكاملة في كل الأقسام بطريقة مكثفة لكن بعد
ما تشترك معاهم وتدفع. وبعد الإشتراك أهم نقطتين عشان تحسن مستواك هي (التمرين والمراجعة).
على سبيل المثال موقع Notefull فيه برامج متكاملة وعلى حسب مستواك يوفرون لك البرنامج الي تحتاجه.
ثانيا \ الإشتراك في دورة لتعلم التوفل:
هذي خطوة كويسة لكن لازم لازم تدعمها أكثر بالتمرين والمراجعة، على سبيل المثال كل
يوم تقرأ مقال في ناشونال جيوغرافيك، تتدرب على المحادثة، تتدرب على كتابة مقالات
بأسلوب أكاديمي. لا تعتمدون على الدورة نفسها بدون دعم ذاتي.
ثالثا \ تشتري اختبار توفل متكامل:
بعض المواقع أيضا توفر لك اختبارات للتوفل متكاملة، بحيث إنك تختبر نفسك وتشوف
نقاط قوتك ونقاط ضعفك عشان تحسنها.
رابعا \ تشتري كتب مخصصة للاختبار الي بتقدم له،
وموجودة في المكتبات أو ممكن تشحنها من موقع التوفل نفسه.
خامسا \ بعض الأحيان نحتاج مساعدة في أقسام معينة في التوفل،
أو في مهارات معينة. مثلا عندي ضعف في أخذ ملاحظات على
المحاضرات، أو عندي ضعف في القراءة السريعة وربط المعلومات الي قريتها، أو ضعف
في التحصيل اللغوي الأكاديمي، وهكذا. في هذي الحالة لازم تكثف بحثك على كيفية
اكتساب هذي المهارة + التمرين لين تكتسبها.
(
نصائح عامة )
1. أكتبوا To Do List فيها أهدافكم لكل قسم Reading, Writing, Speaking, Listening. وهذي قائمتي الي سويتها.
2. ناموا زين، وافطروا. مرتين رحت الاختبار وأنا ما نمت زين وكان أدائي جدا سيء؛
لأن الاختبار طويل 4 ساعات وكل قسم يتطلب جهد وصبر وتركيز شديد.
3. صلاحية شهادة التوفل مدتها سنتين فقط.
4. ملاحظة مهمة وهي أنكم حاولوا ما تدخلون الإختبار وأنتم ما عندكم خلفية عن
الأسئلة ولا تدربتم عليها ويكون العذر "بناخذ هذا الإختبار عشان نجرب،
ونشوف طريقة الأسئلة". ابتعدوا عن هذي الخطوة السيئة؛ لأن لو كررت
تجاربك للاختبار نفسيتك تخرب شوي، فحاولوا من البداية تدرسون له، وتتدربون،
وتقدمون له وأنتوا عارفين طريقة الأسئلة، وطريقة حلها.
5. أثناء التسجيل للتوفل من خلال موقعهم موفرين خاصية ترسل درجتك للجهة الي تبيها.
الأفضل إنك تستخدم هذي الخاصية وترسلها للجهة الي تبيها لأنها تكون مجانية،
لكن لو طلبت يرسلونها (بعد) الإختبار رح يكون عليها مبلغ معين.
6. أيضا فيه مهارة مهم إنك تكتسبها خاصة لإختبار التوفل الي هي
( How to take Notes ) وفيه عدة فيديوهات في اليوتيوب يشرحون لك كيف تاخذ
ملاحظات مفيدة، وذكية؛ وهذا بسبب أن هذي المهارة هي الي بتساعدك تجاوب صح،
وتختار إجابات صحيحة.
7. لما تتدرب على أي قسم حاول تراجع إجاباتك وأيضا طريقتك في أخذ الملاحظات،
على سبيل المثال تدربت على المحادثة، اسمع إجابتك عدة مرات وقارنها بإجابات
متكاملة (هذي الخاصية متوفرة في التطبيق الي تكلمت عنه سابقا)؛
عشان تشوف وين الضعف، وكيف تقدر تصلحه، وتعيد محاولاتك لين تتقن الإجابة،
وتشوف هل ملاحظاتك الي كتبتها ساعدتك ولا كانت ملاحظات ضعيفة وتحتاج تحسين.
8. خذ نفس عميق قبل التدريب، وخلال التدريب، وقبل الإختبار، وخلال الإختبار.
له مفعول سحري في تجميع الأفكار، وابعاد التوتر الي يجي.
يتبع
:
لمحة سريعة عن اختبار التوفل TOEFL-iBT
؟؟؟؟ الصور شكلها قديمة! وهكذا