لطيف الروح

الشعر, قصيدة , شعراء, القصايد ارسال إلى Twitter ارسال إلى facebook
  1. عادل الدوسري
    28-01-2016, 08:21 PM

    لــطيــــف الـــروح

    لطيف الروح


    بسم الله أبدأ
    ::
    ::
    يا لطيف الروح ما عاد نقبل منك شي
    ما بقى عندي إستطاعة صدودك يا لطيف

    بعد ما قضيت صيفك على شاطي و مي
    وش بقى لي من هوى الوصل في فصل الخريف؟

    تدري إني مغرم فيك والقلب الشجي
    ما يدور لك بدايل ولا يبغي وصيف


    كيف ترميني وانا اللي معلمك الرمي
    من صوابك صخف قلبي ولو ماهو صخيف

    لا تبرى والله إن منت من دمي بري
    في شفاياك المداوى من الحال الكليف

    إن حضرت يزين يومي و يفرح بي غدي
    تخضر الساعات خضرة بساتين المصيف

    أرتوي وأضمى و أعود وأقول أبرتوي
    من منابع حبك العذب يالحب العفيف

    ولو تغيب ايام جدول حياتي ينتهي
    ينحف الحال المشقى وأنا خلقه نحيف

    أدري إني اللي عطيتك على ما تشتهي
    أنجبرت بمايس العود و الدم الخفيف

    وأدري إنك في العذارى تبيع و تشتري
    لين خليت العواذل تضيف و تستضيف

    وأدري إنك في الرعابيب لك طبع شقي
    كل يوم لك مراسم ولك طبع و كيف

    و أدري إن ما خلق مثلك شبيه ولا سمي
    أول الترتيب من دون حلف ولا حليف

    و أدري إنك في وصالي معك قلب جري
    ما يهمه ريبة الناس و الوضع المخيف

    وأدري إن حبك تغلغل وسط مجرى دمي
    في تفاصيلي غدا لك معي صوره و طيف

    سجل إعجاب الحبيب المود المهتوي
    والفك واصبح على حسب مطلوبك وليف


    قلم عادل بوبدر الدوسري

  2. طقوس ذاكرة
    28-01-2016, 08:42 PM

    رد: لــطيــــف الـــروح

    لطيف الروح


    راق لي المكوث بمحراب حرفك كثيرا
    احساسك طرز تلك الكلمات ب ارق المشاعر
    مترف الحرف وعميق المعاني
    عطري يلامس انفاسك ي فاضل.
  3. أسير في حب عبير
    28-01-2016, 10:38 PM

    رد: لــطيــــف الـــروح

    لطيف الروح


    صح لسسانك اخوي عادل

    نص شعري غاية في الجمال متشوقين لجديدك
  4. السحاااااااااااب
    28-01-2016, 11:32 PM

    رد: لــطيــــف الـــروح

    لطيف الروح


    صح لسانك ويعطيك الف عافيه
    تقبل مروري مع تحياتي وتقديري