إنسان ليت إنك عرفته من إسنين .. سعد المطرفي

الشعر, قصيدة , شعراء, القصايد ارسال إلى Twitter ارسال إلى facebook
  1. طقوس ذاكرة
    25-01-2016, 09:41 PM

    إنسان ليت إنك عرفته من إسنين .. سعد المطرفي

    إنسان ليت إنك عرفته من إسنين .. سعد المطرفي


    إنسان ليت إنك عرفته من إسنين 
    وإنسان ليت إنك أبد ما عرفته 

    وإنسان ما يسقط خياله من العين 
    وإنسان ما كنك مع الوقت شفته 

    وإنسان لو تجعل له القلب قلبين 
    مايبين بعينه / وإذا بان عفته 

    وإنسان لو تجعل له الجسم جسمين 
    تقول ما وفيته / ولا نصفته 

    وإنسان عايش في حياته بوجهين
    وكل وجه له زامه / ومعروف شفته 

    فن شاف منك مصلحة طلع الزين 
    وإتقول تو ورد المحبة / قطفته 

    وان شاف مابك مصلحة طلع الشين 
    وخلاك تكره عمرك / إنك صدفته

    وإنسان وجهه واحد / وماله إثنين 
    والنوع هذا طيب / إليا إكتشفته 

    اليا حشمته تدري بحشمتك وين 
    وتحس بالتقصير لامن وصفته 

    والله خلق / والله فرق / والوفا دين 
    والجرح تشعر به / ليا من نزفته



    للشاعر : سعد صالح المطرفي ~
  2. اسيرة الزمن
    25-01-2016, 11:36 PM

    رد: إنسان ليت إنك عرفته من إسنين

    إنسان ليت إنك عرفته من إسنين .. سعد المطرفي


    وانسان ذكرته بالخير
    وذا جيت عند الناس لقيته فتنة
    وانسان امنته بسرك
    لقيته عند الناس نشره
    .................................
    جميل ما قرأته
    تحياتي لك
  3. جوهره مصونه
    26-01-2016, 12:08 PM

    رد: إنسان ليت إنك عرفته من إسنين

    إنسان ليت إنك عرفته من إسنين .. سعد المطرفي


    حلووووو