... 56789101112131415161718192021222324

روايه ( و حبيت الحياه عشانك )

قصة كاملة - رواية كامله جميلة للكاتبه ارسال إلى Twitter ارسال إلى facebook
  1. بنت البهكلي
    10-05-2016, 11:49 AM

    رد: روايـه ( و حبيت الحـيـاه عـشـانك )

    روايه ( و حبيت الحياه عشانك )


    وين التكمله
  2. marya
    10-05-2016, 07:16 PM

    روايـه ( و حبيت الحـيـاه عـشـانك )

    روايه ( و حبيت الحياه عشانك )


    اختي وينك كملي نحنا ننتظرك
  3. futon_17
    10-05-2016, 11:29 PM

    رد: روايـه ( و حبيت الحـيـاه عـشـانك )

    روايه ( و حبيت الحياه عشانك )


    متى ينزل الباقي
  4. futon_17
    11-05-2016, 01:41 AM

    رد: روايـه ( و حبيت الحـيـاه عـشـانك )

    روايه ( و حبيت الحياه عشانك )


    هفف وربي متحمسه وين التكمله
  5. بنت البهكلي
    11-05-2016, 06:14 AM

    رد: روايـه ( و حبيت الحـيـاه عـشـانك )

    روايه ( و حبيت الحياه عشانك )


    ليه يحطوون روايات ولا يكملوها قهر
  6. marya
    11-05-2016, 12:54 PM

    رد: روايـه ( و حبيت الحـيـاه عـشـانك )

    روايه ( و حبيت الحياه عشانك )


    يمكن عندها ظروووف
  7. futon_17
    12-05-2016, 12:36 AM

    رد: روايـه ( و حبيت الحـيـاه عـشـانك )

    روايه ( و حبيت الحياه عشانك )


    طب ابي التكمله
  8. روايهه خياليهه
    12-05-2016, 01:30 AM

    رد: روايـه ( و حبيت الحـيـاه عـشـانك )

    روايه ( و حبيت الحياه عشانك )


    (( بارت 53 ))






    (( لمجرد دقائق عندما اغمض عيناي .. اتمنى لو ارجع الى الماضي .. كي اصحح اخطائي التي ارتكبتها .. لكن لا فائده .. الحقيقه تقول انني استسلمت لكل اوجاع حياتي و سمحت للحزن ان يحتل قلبي و يسكن فيه .. لكن إلى متى ..؟؟! ))




    أفراح بكل حزن و خوف : لا تقول اسم هذا الشخص ماعاد يعني لي شيء ..،
    نواف عقد حواجبه : اوكي هذي خصوصياتك مادخلني فيها بس ابيك على قد اتفاقنا قمي غيري ملابسك .. !! ،
    أفراح وقفت و قالت : طيب .. ،


    بعد لحظات غيرت أفراح ملابسها و نزلوا نواف و أفراح على الفطوور ..
    و بعدها راحو يجلسوا مع الفهد ف المجلس الخاص للعائله فقط ..
    اقترح الفهد انهم يسافروا لشهر العسل ..
    مع انه نواف حاول يقنعه انه سعادتهم بوجوده هو .. بس الفهد حجز لهم تذكرتين ف مكان ريفي جميل و راقي و مشهور و هالمنطقه كانت بأسم الفهد و مشهوره بالحيل ..
    _____ ❥
    و بعد ساعتين .. ف غرفة نواف ..
    جلست أفراح على السرير و اخذت قلم من الدرج و تجرافها الخاص و بديت تكتب ..
    ( الحياه احيانا تظلمنا و احنا نستسلم لواقعها المر .. بدون ما نفكر ف احاسيسنا و مشاعرنا .. من الممكن نعيش فيها بقلب ميت و احاسيس معدوومه .. !! و ف كل لحظه نتمنى نرجع للماضي عشان نعيش لحظات بريئه و جميله .. لكن هذا مستحيل .. الحقيقه صعبه .. و انا مو قادره اواجهها إلى الان .. اتمنى لو ارجع عند امي و افنان .. ي ليت لو ينتهي الظلم و الشر من هالدنيا عشان الابرياء الي مثلي يعيشون حياه هنيه و سعيده .. لكن للاسف .. النوايا الشريره استحوذت على هالعالم .. وش كان ذنبي وقتها .. انا مافهمت هالشيء لين إلحين .. !! لين متى بحاوول اكتم احزاني او ابكي و تنزل الدموع من عيوني و تنتهي كل معاناتي .. لا ابي حل و ابي مصيري يتحدد ابي اكون قويه و اتحدا العالم و اقول اني كنت انسانه بريئه اتهموها بشيء ما فكرته .. ولو لقيت هذاك الشخص قدامي راح اصفعه كف على وجهه و اقول له .. ماكنت تستاهل قلبي البريئ .. ي الاناني .. !! ))



    _______ ❥



    صار وقت الغدا بعد ساعتين و اتغدووا كلهم و جاووا ايلين و غلا زياره عند أفراح
    و بعد الغداء جلسوا على الشاي غلا و مهند و أفراح و نووواف ..

    مهند بجرائه : عاد تدرووون من اووول لي نفس اني اشوف ضحكة مرت اخووي .. ياخي هادئه طالعه على نواف بالضبط ..
    غلا بدلع : عادي مهند قول لنا اي نكته و هي بتضحك .. ،
    مهند بأهتمام : اجل اسمعووو اسمعوو موقف صار يوم كنا صغار انا و نواف .. ،
    نواف بجديه : لا تخرف من عندك هاه اعرفك تضيف من عندك .. ،
    مهند وهو فاطس : لا لا جد جددد اسمعووووا يوووم كنا صغار انا و ذا الخبل نواف .. عاد معروف اني مرا شقي و مشاغب و مزعج من صغري ف يوووم ضربت نواف كف و عطيته بوكس و هو اول سنه له ف المدرسه و ابوه موصيني انتبه عليه المهم رجع البيت قدام خالي و عيونه مليانه دموع و ساكت الخواف و لا قال .. و انا كذبت و قلت في ولد من المدرسه ضربه و خالي الله يهديه صدق .. و ذا الخبل ساكت مايقول عشان هددته ماعطيه حلاوه اذا قال اليوم الثاني خالي وصل المدرسه و يسأل و يحقق الا واحد ولد فضحني و قال ذا مهندووو و يومتها خالي علمني كيف اكذب و طاح علي ضرب هههههههههههههههههههههه .. ،
    أفراح بكل برائه ضحكت و غلا بعد فطست ضحك .. ناظر نواف على افراح .. واول مرا شافها تضحك ..
    مهند بحماس : هاه عجبتكم الحكايه ..،
    نواف بطفش : نصها خرافه ..،
    مهند : ي شيخخخخ روووح وربي كلها صدق.. ،
    نواف : لا مو صدق ..،
    مهند وهو يضحك و غمازاته باينه : مايبي يعترف و اصلا كان يحبني و يستحمل مني اي شيء صححح ..؟،
    نواف : طيررر بس ..،
    غلا وهي تضحك : ياقلبي على حبيبي.. ،

    _____❥




    بعد لحظات مهند راح لدوامه و وصل غلا ف طريقه ..

    أفراح طلعت لغرفتها و غيرت ملابسها لبست جينز ضيق و بلوزه بلون احمر اكمام شفافه و حلق شوي واسع ..
    نواف دخل الغرفه و قفلها و ناظر ف افراح الي فارده شعرها و تمشطه قدام التسريحه ..
    نواف : جهزي الشنط احنا مسافرين ..،
    أفراح : ان شاءالله ..،
    نواف : مشكوره .. ،




    نادت افراح سيمي و ساعدتها ف تجهيز الشنط ..



    ______ ❥


    مهند و هو يكلم ابوه : يبه عندي مهمه صعبه تقريبا اسبوع .. ،
    ابو مهند : طيب تقدر تغيب اسبوع فقط لا غير .. و اتمنئ تكون المهمه تخص عملك ،،
    مهند وهو يسلك : ايه يبه ان شاءالله يعطيك العافيه ماقصرت .. ،
    قفل مهند الخط و اتصل علئ نواف
    مهند : الووو ..،
    نواف : لبيه ..،
    مهند : خلاص دبرت الاجازه الحين قول لي وش بنسوي اول شيء ..،
    نواف : ايه زين انا برسلك عنوان البيت و انت بتخطف لنا ناصر و تحبسه و اظن بيجي علئ باله اننا من طرف عبدالله بس احسن .. ،
    مهند : معاي باسل و ماجد لا تخاف كلمتهم من يوم قلت لي خطة الخطف بخليك علئ طول علئ الاتصال اون لاين فهمت ..،
    نواف : ايه زين اكون متواجد ع اللاب عشان مقدر اكلمك علئ الموبايل كثير انت عارف اني مسافر و ماراح اكون لوحدي ف البيت ..،
    مهند : ايه احسن كذا يالله اكلمك بعدين بروح علئ المطار .. ،
    نواف : احنا بعد شوي و نطلع علئ الطياره اذا وصلت براسلك علئ اللاب باي ..،





    ___________ ❥




    أتفقوا نواف و مهند يخطفوا ناصر و يسألونه ليه وقف ضد اخته ... طبعا هما توقعوا عشان الفلوس ناصر اتفق علئ هالصفقه مع روان .. بس الحقيقه كانت غير عن كذا ..


    _______❥



    و بعد ساعات ..
    نواف و أفراح وصلوا للبيت الريفي و استقبلتهم الخدامه .. و شالت منهم الشنط ..
    البيت عباره عن دورين و الدور الارضي فيه بس الصاله و فيها الكنب و المطبخ و فيه طاوله بسيطه للطعام و حمام علئ جنب و الدور الثاني غرفة وحده فيها سرير و تسريحه بسيطه و بلكونه تطل علئ منظر خلاب و طبيعي و جميل لانه تصميمه علئ حسب البيوت الريفيه ..
    أفراح ناظرت البيت و بأبتسامه ردت علئ الخدامه : طلعي الشنط فوق لو سمحتي ..،
    الخدامه : حاضر انسه ..،
    نواف : نظفتي البيت زين ..؟
    الخدامه و هي طالعه الدرج : نعم سيدي ..،
    نواف طلع الدرج و راح للغرفه .. و فك الشنطه و ركب اللاب و طلع التوصيله و شبكها ..
    فك اللاب و لقي رسائل كثيره من مهند ..
    ( نوافي .. انا وصلت ان شاءالله بكرا بنسوي الشغله و اخبرك الحين بنام تعبان حدي .. اذا شفت رسايلي رد علي ضروري عشان اعرف كيف الشبكه عندك .. )

    نواف شاف علئ الساعه 9 ليلا ..
    حط اللاب جنبه و ركب فيها سماعات و استغرب لين الحين افراح ماطلعت الغرفه ..
    نزل تحت عشان يشوفها وينها ..
    أفراح ف المطبخ كانت تحووس عشان تطبخ اي شيء جوعانه حيل ..
    نواف وهو يناظرها : طلبت عشاء لنا انا و انتي .. مايحتاج تتعبين حالك و تطبخين هالوقت .. روحي ارتاحي فوق ..،
    أفراح : امممم طيب علئ بالي ..،



    غيرت افراح ملابسها و لبست لبس مريح للنوم بلوزه بلون عودي و برمودا بلون بيج و فردت شعرها و رقدت علئ السرير .. شافت علئ اللاب الي مفتوح .. و فكرت ف نفسها : كيف راح انام اجل لوحدي و تحت لا مسسستحيل .. يوووه و مافي اي كنب ف هالغرفه مصيبه ي اغير وقت نومي و اكون صاحيه وقت ماينام نواف مافي اي حل غير ذا .. ،
    قلبت نفسها علئ الطرف الثاني و شغلت المصباح الخفيف .. و ماحست ف نفسها و من التعب نامت ..
    نواف دخل الغرفه و معاه بيتزا طازجه و لذيذه .. شاف علئ افراح الي نامت .. حط البيتزا لها و اكل و شغل لنفسه فيلم علئ اللاب .. جلس علئ السرير و ناظر فيها و هي نايمه و باينه بريئه و مرا حلوه ..
    نواف ف نفسه : لازم نستحمل بعض عشان نفترق .. !!،




    _______ ❥


    الساعه 7 و نص صباحا ..

    ماجد وهو يفتح الستاير علئ الفندق الي حجزوه .. ،
    ماجد : مهند تأخرنا ترا يمكن يطلع و يروح .. ،

    مهند جلس وهو ف النوم : لا عادي مخطط كل شيء ف بالي .. ،
    باسل وهو يفطر : يالله شباب حياكم علئ الفطور .. ،
    ماجد : ماقصرت .. والله ..،
    مهند حط اللحاف علئ جنب و شال ملابسه و راح يأخذ شاور سريع و يتجهز .. ،
    ماجد وهو يناظر باسل : جهزت الملابس الي بلون الاسود زيما قال مهند ،
    باسل : ايه بس بتلثم انا كذا بنكتم ف القناع الاسود ياخي .. ،
    ماجد : والله لو قلت قدام مهند بيذبحك بيقول منت بعسكري .. ،
    باسل : هههههههههه لا مو عن كذا .. ،
    ماجد : عارف بس اظن هو بيخاف عشان الاسلحه الي معانا .. ،
    باسل : ياخي هالزمن حتئ الاسلحه ماتخوفهم كذا النذاله تجري بعروقهم .. ،
    ماجد : هههههههههههههههه.. ،
    مهند طلع من الحمام و حاط المنشفه علئ رقبته و ينشف شعره و لابس برمودا بلون اسوود ..
    مهند و هو يشاركهم : اصلا اتوقع كلها لعبة فلووس .. ،
    باسل : عاد ذي طريقه جديده عشان تكسب الفلوس لازم تصير نذل مالت بس .. ،
    ماجد بعتاب : باسل مو كلهم ناس شبعانه و مو ناقصها شيء احيانا الانسان يتصرف تصرفات خاطئه بسبب الفلوس و بعدها يندم .. ،
    مهند و هو يجلس علئ الكنب قبال باسل و يفطر معاهم : مجووود مافي ندم ف هالامور .. ،
    باسل : ضبطت الكاميرا انا ف الشقه .. ،
    مهند : كفووو .. ،
    ماجد : باسل متحمس .. ؟
    باسل : ههههههه كأوول مرا ايه .. ،
    مهند : اول مرا يعني ناووي تخطف الخلق بعدين .. ، كلهم ضحححكوا و كملوا فطورهم ..



    _________❥



    أفراح بعدما ترووشت نزلت علئ المطبخ و جهزت الفطور .. و فكت البلكونه و حطت تبسي الفطور علئ الطاوله الي علئ شكل الدائري و جنبه كرسيين ..
    راحت علئ التسريحه و شافت علئ شعرها المبلل و مارفعته ..
    نواف قام علئ رنة الجوال ' مهند الحب يتصل بك '
    نواف ف النوم : لبيه ..
    مهند : اخبارك حبيبي ..؟
    نواف : توي صحيت من اتصالك ..
    مهند : ليكون ازعجتك. ؟
    نواف : لا حبيبي عادي اصلا كنت بصحئ ..،
    مهند : تونا ف الطريق دعواتك بس ..،
    نواف : بالتوفيق حبيبي ماتقصر .. ،
    مهند : مع السلامه وياك عيني اشوفك علئ اللاب .. ،
    قفل نواف الخط و ناظر علئ افراح الي جالسه تلبس الاسواره الي تحبها هي ..،
    نواف : صحيتي متئ ..؟
    أفراح بدون ماتناظره : قبل ساعه .. يمكن ؛ و كملت و هي تلبس الاخراس : الفطور جاهز ف البلكونه .. حطيت .. ،
    نواف : مشكوره .. و انتي حتئ ماتعشيتي نمتي كذا .. ،
  9. روايهه خياليهه
    12-05-2016, 01:49 AM

    رد: روايـه ( و حبيت الحـيـاه عـشـانك )

    روايه ( و حبيت الحياه عشانك )


    (( بارت 54 ))



    الوجع الذي تشعر به أنت .. لا أحد يشعر به غيرك لذلك احتفظ بوجعك لنفسك .. و حاول أن لا تسقط منك دمعة واحده .. و أدفن حزنك بداخلك و تظاهر بالسعاده .. فربما السعاده قريبةة منك و انت لا تشعر بها ..



    _________ ❥


    فطروا نواف و أفراح .. و الصمت يحتل اجوائهم الهادئه الجو جدا جميل و بررد قووي و المنظر خيالي الي يطل علئ البلكونه ..
    قطعة ارض ممتده لا حدود لها و مغطيه بالورود و شجرتين ضخمه و كبيره جنب البيت الريفي الي هما فيه ..
    أفراح لا اراديا لمن شافت الورود الحلوه و الطبيعيه ابتسمت و هي تناظرها ..
    نواف : عادي اطلعي من البيت هالمنطقه مافيها خطر .. بس لا تروحي بعيد .. ،
    أفراح بالاول خافت و ف نفسها : لووحدي يعني .. ،
    ابتسمت و قالت : شكرا ..،
    نواف : العفو بتصل علئ الخادمه تجيك عشان تكون معك ..،




    طلعت أفراح و جلست علئ الدرج الخارجي للبيت ..
    الخادمه جأت و قالت : انسه حضرت لك سله تجمعين فيها الورود ..،
    أفراح : تسلمين ..،
    مشيت الخادمه معاها و قطفت الورود و جمعتها اكثرها روز احمر طبيعي .. ،
    دخلوا البيت و جلست افراح علئ الكنب و معاها الخدامه .. ،
    أفراح : حلوووه الورود صحح ..؟
    الخدامه : ايوا انسه بس مو احلئ منك سيدي الامير محظوظ فيك .. ،
    ابتسمت أفراح بحزن و قالت : و انتي بعد حلوه .. ،
    الخدامه : تسلمين انسه هاتي الورود انا ارتبها لك و اطلع الاشواك منها و علئ المساء اجيب لك هي ..،
    افراح : اوكي خذيها معك .. ،






    __________❥

    طلع ناصر من البيت عشان يجيب اغراض للبيت .. بس انفجع لمن حس انه في احد وراه و حاط سلاح علئ ظهره ..

    باسل بكل سرعته قفل فمه بالقماش و ربط يدينه و عيونه و مهند سحبه علئ السياره و ركبوووا كلهم السياره بسرعه و باسل بداأ يسووق بكل سرعته ..
    ماجد كان رايح يتكلم .. بس مهند حط اصبعه علئ فمه و اشر له : اوووششششش .. ،
    مهند طيح ناصر من المقعد و حط رجله علئ صدره و يده علئ تحت وهو ماسك السلاح .. ، ماجد كان جالس قدام و جنبه باسل الي يسووق وهو متلثم .. ،
    طلع مهند جوال ناصر و حطه ف جيبه و ابتسم .. ناصر بدا يتحرك بشويش ..
    مهند ضغط برجله بقوه و قال بصوت منخفض : اذا تبي تموت إلححين ماعندي مانع .. !!
    وصلو المكان المطلوب و باسل و ماجد نزلو ناصر و ربطوه مع الكرسي و قفلو الباب ..
    المكان عباره عن غرفه كبيره فاضيه و فيها شباك واحد مقفل بالسلاسل ..
    باسل وهو يقرب من مهند : مهند افك عن عيونه القماش .. !!
    مهند بكل هداوه : اظن ايه .. ،
    ماجد : و الحين وش بنسوي ..؟
    مهند : بكلم خويي و نشوف بعدها .. الحين انتو اتكلمو معاه بلف و الدوران نشوف وش ف باله و مين احنا .. ماجد انت روح اشتري اي شيء خفيف عشان يأكل و مايموت علينا ..،
    ماجد : اوك بطلع و اخذ السياره معي .. ،
    مهند : ايه انا و باسل ننتظرك .. ،


    باسل راح عند ناصر و فك القماش عن عيونه و فمه ..
    ناصر و هو يصارخ : ترا بقول للشرطه انتو انتووووو وشششش تبووووون فيني هاه وششش سوويت لكم انا .. ، و بأرتباك كمل : امي خايفه علي رجعوني انا ماعندي اي فلوس اعطيكم ،
    باسل ضححك بصوووت عالي بصوته الحلو : هعههههههههععههههههههههههههههههههههههههههههههههههههههه هالحين انا خاطفك عشان فلوس .. !! بالله بعقلك انت .. ،
    ناصر وهو يتحرك و يترجئ فيه : خليني اروووح ماراح افيدك ف شي انا .. ،
    مهند و هو يتصل علئ نواف و بصوت عالي و صار اعلئ عشان الصدئ و المكان فاضي ..
    مهند : الوووووو عبدالله كيفك ..؟
    نواف بأبتسامه : عبدالله هاه ..!! فهمت عليك .. الحمدلله انت كيفك ..؟
    مهند : انا بخير بس ابي منك فلوووس ..،
    ناصر انتبه لكلام مهند و اتأكد انه ذولا من طرف عبدالله عشان سالفة نواف الي صارت قبل فتره و افراح الي تزوجت غصب ..،
    نواف : ابشر حبيبي عيوني لك .. !!
    مهند بصوت منخفض و هو فاطس : لا لا مابي عيونك ابي فلووس .. ،






    ____________❥







    مرت خمسه ايام و ناصر محبوس عندهم و كل الي قاله سجلوه ف الفيديو و ارسلوا لنواف ..
    مهند هدد ناصر اذا هو تكلم بكلمه وحده راح يفضحونه عند كلهم .. بس ناصر بكل خوووف كل بعد شووي كان يحط علئ روان انها كانت خطتها و انا شاركت فيها فقط لسببب واحد اني حبيت افراح و كنت بتزووووجها لانها مو اختي اصلا ..





    __________ ❥





    الساعه تشير ل عاشره و نصف ليلا ..
    اتصل مهند بعدما تخلصوا من ناصر ..
    نواف : الووو
    مهند : وينك. ؟؟
    نواف : تطمن انا برا البيت واقف قلت اكلمك بالراحه و هنا الشبكه تمام ..و حتئ افراح ماراح تسمعني .. ،
    مهند : ايه زين .. !!
    نواف : توقعته نذل بس مو لهدرجه و امها اقصد الي ربتها طلعت قليلة حياء و طردتها من البيت و غصبتها علئ الزواج .. اوكي انا رضيت فيها عشان هددتني بس ذا مو اسلوب الي سوته مو قليل والله .. ،
    مهند : ناصر حيوان احد يحب وحده مثل اخته و عاشت معه .. والله انهم ظلمووا البنت ماتوقعت السالفه قد ايش كبيره ..،
    نواف بتفكير : اجل افراح بنت منو .. ؟؟ تقدر تلاقي اي رسائل او اثباتات عشان نعرف عيلتها .. !!
    مهند : امممممم بحاووول و اخبرك .. ،
    نواف : مستغرب انا من تصرفهم .. ،
    مهند : والله ناس طايحه ظلموا البنت و اتهموها بشيء ما سوته .. حرام وربي .. عشان ماوراها احد يدافع عنها .. اي حب ذا ذي نذاله .. اصلا ،
    نواف : ايه احسن منعتها من اول انها ماتكلم اي احد فيهم .. ،

    و كملوووا نواف و مهند سوالفهم ..



    _____ ❥



    أفراح شافت علئ اللاب الي مفتوح وعادته نواف يروح اي مكان و اللاب حقه مفتوح لانه افراح ماتتملقف ف خصوصياته ابد و يكون متطمن من هالناحيه بس هالمرا افراح سمعت صوت التنبيه و كأنه في احد قاعد يرسل رسايل شافت باسل يكتب الان طنشت و ..
    انتبهت و شافت علئ محادثة مهند و بكل استغراب بديت تقرا ..





    مهند : الكلب ناصر هذا الي اتوقع منه ..


    نواف : ياخي قمة النذاله واحد يتزوج اخته ..!!
    مهند : يعني حاط عينه عليها من يوم و هي صغيره فاهم .. و حتئ اكيد نظراته موب طبيعيه .. ،
    نواف : حيوان .. يستاهل يروح السجن .. مسوي نفسه بريئ و كأنه ماسوا شيء والله ماكون ولد الفهد اذا ماربيته هو و روان الكلبه .. ،
    مهند : ايه الدور عليها و لا يهمك والله فضيحه مرتبه لهم .. ،
    نواف : خلي عبدالله يصدق اخته تفيده الحماره .. ،
    مهند : حقير .. ،





    اأفراح مافهمت شيء و انفجعت و راحت علئ الفيديو الي ارسله مهند ف المحادثه و حطت سماعات


    الفيديو اشتغل ..


    “ ناصر و هو يصارخ و يشاهق : ايه انا بسسسسس شهدت مع روان بس مصلحتي كانت غيرررررررررر .. ،
    ماجد بصوته الثقيل و بكل قسوه : اقووووول انطق لاقطع راسك الححين ..!
    ناصر بخووووف : انا كنت ابغئ اتزوج افراح عشان هي هي هي مووووو اختي كنت احبها و ابغاها .. وربي هذي روان سواياها انا ماسويت شي بس فكرت بس ..، “




    افراح قفلت الفيديو لما حست احد جاي قفلت المحادثه و بعدت عنها اللاب ..
    و قعدت علئ طرف السرير و هي مفجوعه من الي شافته و سمعته ..
    افراح ف نفسها : عششششان كذا امي ظلمتني و طلعتني من بيتها يعني انا مو بنتهم ... !!! و ذا ناصر كان طمعان فيني .. خذلووووني كلهم ظلموني و محد وقف جنبي قد ايش انتي ظالمه ي ام ناصر .. صح عمرك ماحسيتي فيني و لا كنتي اتصلتي و سألتي عن حالي بس صح انا مو بنتك و ظلمتيني .. ، بانت الحقيقه قدامي .. طلعوووا كذابين .. ؛
    غمضت عيونها و بكل تعب و قهر و غصه فكرت : خليتوني ضحيه .. و ظلمتوني و كسرتووا قلبي .. انا مين ..!! انا بنت مين ..؟
    يعني مالي اب و لا ام و اخت و اخ .. و بدر مو اخوووي و كان يحبني و يعزني .. و يقدرني كأني اخته صح مو كلهم مثل بعض افنان و بدر كانو طيبين معاي بس ناصر و امي ظلموني .. و هذاك الحقير ناصر .. ماراح اسامحه ابد .. !!





    أفراح بديت تفكر و هي تبكي و تشاهق و رقدت .. و افتكرت كل ايامها ف البيت هذاك و كيف امها كانت منافقه و هي و لا حست .. و افتكرت مواقف كثيره تثبت الاسلوب الجاف الي ناصر كان يعاملها .. و حست بالوحده و بكل انهزام فكرت اذا تطلقت من نواف وين بتروح و وش بتسوي ف نفسها و هي مالها احد و هذاك البيت اصلا مو بيتها .. و مالها غير نواف و جات علئ مخليتها ذيك اللحظه لمن نواف اخذها من البيت .. و بكل امانه وعدها انه ماراح يضايقها و كأنه الشخص الوحيد الي وافي علئ وعده و مؤدب معاها و يحترمها و يقدرها و ضحئ بحياته عشانها و قدام عيلته اعترف بالكذب و التمثيل انهم يحبون بعض و خلاها تعيش بينهم مثل الاميره و لا احد يزعجها او يسمعها كلام و يذلها .. و عمره ماقرب منها و لا طمع فيها .. حست انه نواف اإنسان رائع جدا و فين كان هالتفكير من زمان .. !
    جاء ف بالها اسلوبه و هدوئه و تحمله و قوة شخصيته .. و وقت ما الكل تخلئ عنها و تركها .. هو مسك بيدها و تزوجها و لا ضايقها و خلاها براحتها تعيش ف البيت بكل راحه .. و دايما يقوول راح يصير الي يعجبك و بيجي يوم و تبان الحقيقه و تثبت برائتك ..
    مسحت أفراح دموعها و راحت علئ البلكونه تشووفه .. شافته واقف يدخن و مفهي علئ الأخر .. ،

    رجعت علئ السرير و شربت المويا و رقدت .. شعرها المفرود متناثر علئ كتفها و لابسه برمودا بلون ابيض و بلوزه بلون اسود اكمامها كامله ..

    أفراح : كيف اتغير تفكيري بمجرد اني عرفت الحقيقه ..
    مالي اي احد بهالكون غير اإلي اعطاني العزه و السمعه و عيلته ..و كل شيء .. و كيف مافكرت فيه هو و احاسيسه بس هو ف باله انا اححب عبدالله وهو ف باله اني ابي اتركه .. و ف باله انه هو مغصوب فيني و راح يتركني بأي لحظه .. او يمكن بلحظه الي راح يثبت برائتي قدام عبدالله .. بس انا مابي هالشيء .. ليت نواف غير عنهم و لا يتركني. . ،
  10. futon_17
    12-05-2016, 05:10 AM

    رد: روايـه ( و حبيت الحـيـاه عـشـانك )

    روايه ( و حبيت الحياه عشانك )


    جميييل ، متى تنزل التكمله :)
... 56789101112131415161718192021222324