... 4567891011121314151617181920212223 ...

روايه ( و حبيت الحياه عشانك )

قصة كاملة - رواية كامله جميلة للكاتبه ارسال إلى Twitter ارسال إلى facebook
  1. روايهه خياليهه
    03-05-2016, 02:30 PM

    رد: روايـه ( و حبيت الحـيـاه عـشـانك )

    روايه ( و حبيت الحياه عشانك )


    (( بارت 50 ))




    مهند بعد لحظه : امممم انت تحب افراح ..؟
    نواف بطفش : ممكن تفكني من هالسيره..؟
    مهند : لو تحبها ياخي ماتقول كذا .. !!
    نواف : حبيبي انت ماقدر احب غيرك ،
    مهند : هههههههههههه كثر منها .. توك قايل للكل انها حبيبتك و تحبها و الحين تقول هالكلام ..،
    نواف : انا بكلمك ف سالفه بس بيني و بينك ..!!
    مهند : افا بسس .. اكيد انا خويك و عينك اليمين .. ،
    نواف بأبتسامه: و اليسار بعد انت .. ،
    مهند : أسمعك .. ،
    نواف : انا متوورط بصراحه ف هذي البنت و انا ماعرفها .. ،
    مهند وهو مفجوع : كيف كيف كيف ..،




    نواف بدأ يحكي له كل شيء بالتفصيل الممل .. و ف الاأخير استغرب مهند و بقوه .. و قال : لحظه قلت انه اخوها شهد ضدها سلامات بس ..!
    نواف : ذا الي محير خويك و مجنننه قسم فكرت و فكرت و فكرت لييييين عطيت لامها كلمه عشاإن سمعة عيلتنا و ماقدرت اتراجع عشان ابووي و لا وربي مادخلني فيها .. ،
    مهند بجديه : يمكن بينهم مشاكل عائليه ،
    نواف : ماظن ..،
    و كمل و هو يفك اللاب : مابي افكر ف هالامور الحين راحتي النفسيه اهم من كذا انا مطنش هالسالفه من فتره .. و اذا لقيت اي حل مناسب بعدها بفكر وش بسوي ..،
    مهند : اوكي نتكلم بعدين بنام انا فيني نوم بالحيل ..،
    نواف ببرود و بلا مبالاه حط السماعات و شغل الفيلم .. انتبه على جواله رساله وارده من رقمه الثاني
    ( افراح )
    : نواف ابيك شووي ممكن ..؟،
    نواف ف نفسه : ي الله .. هف بس..،
    رد على رسالتها : لا الوقت متأخر من الليل نامي يكون احسن .. ،
    أفراح ردت برساله : ( لا الموضوع ضروري لازم اكلمك فيه ) ،
    نواف بطفش رد عليها برساله : اسف مقدر اجيك الحين .. ،



    ________


    اأفراح بقهر ف نفسها : يوووه نفسي ارجع البيت ياربي كيف اطلع من هنا ليتني ماصدقت تهديدها علئ الاقل كنت افهم امي يمكن كانت تحن علي و تحس فينا انا و افنان .. و ماقدر اكلم افنان بعد لاني حلفت قدام نوواف .. ماتواصل مع اهلي .. مافيني نووم تعبت من التفكير .. وهو مرووق مع خويه ذاك .. ،




    _____________






    مرت خمس أيام و الكل منشغل ف تجهيزات و ترتيب القصر و تجديد اثاث غرفة نواف .. إيلين ساعدت أفراح كثير و حددت و طلبت كل الملابس الفخمه و الراقيه من التسوق الخاص لعيلة الفهد .. رتبوا لها الحاجات بأشراف غلا ع كل شيء ف الغرفه .. أفررراح ماطلعت من الغرفه و كانت بس تعمل علئ نصايحهم و تهتم ف نفسها قدامهم و تتجهز لعرسها و كأنه يهمها .. و طبعا مهند و نواف انشغلوا كثير ف العسكريه و نواف كان عنده درووس مهمه ف التدريب و ماقدر يأخذ اجازه و كان مقتنع مايحتاج يأخذ اجازه و يجلس بالبيت و بهالفتره طنش افراح و ماقدر يقابلها او يشوفها او يكلمها ..





    __________

    الساعه عاشره و نصف مساءا

    أفراح فتحت التجراف الجديد الي اشترته لمن نزلت السوق مع إيلين .. و بديت تكتب
    (( بكرا هو اليوم الي راح انزف فيه
    للأسف بدال ماأكون مبسوطه انا جدا حزينه .. فستان الأبيض الفخم و الغالي جدا سألبسه و انا ف قمة أحزاني .. و ماعندي اي حل غير اني اسكت .. و اذا صرخت و قلت الحقيقه راح يرموني و يذلوني و كل ذا الدلال و الدلع راح ينتهي بثواني مثل ما انتهئ حب عبدالله ف ثواني حياتي ما فارقتها الوان التعاسه ابدا و بدأت من يوم ما هالشخص دخل بحياتي هف لا تعليق طبعا مابي افكر فيه و ازعج حالي بس انا تعبت حيل و ابي ارجع بيتي ابي اشووف افنان كنا دايما نتكلم و نتخيل و نتمنئ امور ماتوقعنا ابد راح تحصل علئ بالنا كل الامنيات تتحقق في هذي الحياه ..خايفه بالحيل و افكر ف امور حتئ ماقدر اعبرها و اوصفها بكلمات و اكتبها هنا .. ))
    نزلت الدمعه علئ خدها و قفلت تجرافها بالقفل مسحت دمعتها لمن سمعت صوت احد جاي و حطت التجراف تحت المخده ..،
    نواف دخل الغرفه و قفل الباب ..
    نواف تقدم و وقف عند الشباك و بكل جديه : انا أسف اجبرك علئ شيء انتي ماتبينه بس ماعندي خيار غيره ي افراح ..،
    أفراح وهي تعدل بحة صوتها : ما ابيك ..،
    نواف بغصه هو يكتمها : و انا بعد ما ابيك ..،
    أفراح كانت لابسه روبا بلون اسوود و عليها جاكيت ابيض قصير .. ما استحملت و تجمعت الدموع ف عيوونها و راحت للحمام تبكي .. ،
    نواف بقهر رفع حاجبه و شال الكتب الي محطوطه علئ الادراج و شال القلم و كتب علئ اخر ورقه من الكتاب : ما اوعدك بسس بحاول اترركك و بجهز اوراق الطلاق و احطها و اوقع عليها بعدين بس اعطيني فرصه لشهور بس عشان اضبط وضعي و راح احاول افهم بابا بسس ارجوك انتي خليك علئ الاتفاق الي اتفقته معاك قبل .. و انا نواف ولد الفهد ماراح اضرك و لا راح اقرب منك و لا راح اعطيك فرصه تتضايقين فيها بسبب وجودي ..، بليز افهمي وضعي انا ضحيت بعمري و بحياتي قدام كل اهلي و عائلتي.. ؛ و ابووي بسببي سمع كلام زي السم من اخته بسبب اني رضيت اتزوجك و جبتك معاي و انتي مو من عيلة الفهد قدري موقفي و ظروفي و انا بقدر ظروفك و اتركك و ارجعك بيت اهلك معززهه افهميني عشان نتصرف بتفاهم مو بالاستعجال .. ، أفراح نصيحه مني لا تشيلين هم و لا تبكين ان شاءالله نترك بعض و محد شايل علئ الثاني .. ، “



    حط الكتاب و القلم و طلع من الغرفه شاف جواله يندق ..
    نواف : ي هلا عيوني ..،
    مهند وهو يسوق : ي هلا فيك عازمك علئ احلئ عشاء ي العريس ..،
    نواف ببرود : مهندو مالي نفس قسم بأخذ منووم و انام بكرا مششغول بالحيل عارف انت .. ،
    مهند : طيب اتعشئ و نام لا تنام كذا ي روح مهندو ،
    نواف : بحاوول يالحب مع السلامه .. ،
    قفل نواف الخط و طلع الدرج الطويل لين وصل غرفته .. كتب رساله لافراح ( ف اخر صفحة من الكتاب تلقين كاتب لك رساله اقريها .. !! )
    افراح شافت الرساله و ردت ( طيب ) ..،
    أفراح فتحت الكتاب و قراأت و كأنها شوي اتطمنت من كلامه انه من جد راح يتركها و مو ناوي يأذيها ابد ..،
    أفراح شربت المويا و دواء المنوووم و نامت ..،
  2. اميرتهه
    03-05-2016, 04:32 PM

    رد: روايـه ( و حبيت الحـيـاه عـشـانك )

    روايه ( و حبيت الحياه عشانك )


    روعهه واصلي
  3. marya
    03-05-2016, 07:04 PM

    رد: روايـه ( و حبيت الحـيـاه عـشـانك )

    روايه ( و حبيت الحياه عشانك )


    روووعهه كملي بانتظارك
  4. أردوغان
    03-05-2016, 07:10 PM

    رد: روايـه ( و حبيت الحـيـاه عـشـانك )

    روايه ( و حبيت الحياه عشانك )


    بلييييز كملي
  5. روايهه خياليهه
    05-05-2016, 01:29 AM

    رد: روايـه ( و حبيت الحـيـاه عـشـانك )

    روايه ( و حبيت الحياه عشانك )


    (( بارت 51 ))





    __________ ❥


    الساعه 12 و نصف .. ظهرا


    ترووشت أفراح و افتكرت موعد النقاشه الي حجزتها إيلين ..
    نشفت شعرها الطويل و خلته مفرود ..
    إيلين دخلت الغرفه و معاها النقاشه إيلين بأبتسامه : يسعد لي صباحك يالعروسه ماشاءالله اليوم غير عن العاده باينه حلوه اكثر من اول بكثير .. ،
    أفراح ابتسمت ابتسامه تسليكيه علئ كلامها : فديتك إيلين عيووونك الحلوه .. غلا ما جات .. ؟
    إيلين : كوفيرتها الخاصه فضلت تناديها علئ المشغل .. ،
    افراح ابتسمت و قعدت ف وسط السرير و نزلت الجاكيت الي كان بلون الاسود كانت لابسه من جوا بلوزه بلون ابيض بدون اكمام النقاشه بديت تنقش علئ يدها لين كتفها طبعا .. ،
    إيلين بأبتسامه : الحين برسل سيمي مع الاكل الطباخ جهز الاكل من الحين ..،
    أفراح بحيره : كيف راح اكل ..؟
    إيلين : سيمي راح تأكلك و لا تبين انادي لك نواف يأكلك هههههههاي ..،
    أفراح نزلت عيونها و ماردت عليها .. ،


    ___________ ❥




    ف السياره مهند و نواف كانوا رايحين للحلاق ..
    مهند ف سيارته بصوت عالي كان مشغل شيلة طير الحمامي .. هيج غرامي .. «
    و يتنكس و هو يسوق .. نواف كان ضغطه الفين و ساكت عليه .. بالقوه .. ،
    مهند وهو يررردد مع الشيله : و خشم اتورد سيف امهند و خد امورد جوري وعناب ،
    نواف قفل الصوت و قال : مهند اهجد خلاص .. ،
    مهند وهو يرن رن و يلحن علئ نفس الشيله و يضحك : اليوووم زواج خووووييي و انا لازم انبسط حتئ لو هو قهررررررران ترن ترن ترن ... ،
    نواف وهو يشمق : نذل قسسم هذا و بعدما حكيت لك كل شيء .. ،
    مهند بضحكه : احبك وش اسوي..؟،
    نواف : كل تراب ..،
    مهند : اكيد بأكل معك ،
    سكت نواف و ماحب يرد علئ مزح خويه هو الي قهران و غيره ماعليه و هو الي متورط و الناس مروقه و مبسوطه وش يقول و لمين ،
    مهند بعد لحظة سكوت : ابشر حبيبي خلاص بهجد .. ،
    نواف : بدري ..! ،
    مهند : مقدر علئ زعلك ..،
    نواف ببرود : ايه زين .. ،





    ______________ ❥


    أفراح ناظرت على يدها الي منقشه عجبها النقش حيل بس امنياتها المحطمه خلتها تحزن و تسكت ..
    النقاشه بديت تكمل النقش على. يدها التانيه ..،
    الخدامه دخلت و قالت : استعجلي لو سمحتي هذي اوامر من مدام إيلين .. ،
    النقاشه : حاضر .. ،

    لين و حلا دخلو الغرفه و طارووا عند افراح ..
    لين بدلع و بصوتها الطفولي : واووووووو هذي العروسه شوفيها ياحلا مرا مرا حلوووه ..،
    حلا بكل برائه ناظرت فيها ..
    أفراح ابتسمت و قالت : كيفك لين ..؟
    لين بدلع : قلت لماما تلبسني ابيض زيك ..،
    حلا كانت بتقرب من يدها النقاشه صارخت : يابنت انتبهي النقش بيخرب بسببك ..،
    أفراح بحنيه ناظرت في حلا و قالت : حلا عيوني اجلسي قدامي هي بعدين بتنقش لكم انتوا ..،
    لين ببرائه : لا حلا ماراح تنقش
    لها عشان هي تزعجك يالاميره الحلوه ..،
    أفراح وهي تبتسم : لا حلا شطوره .. ،
    أفراح افتكرت نوره و بكل حزن عضت شفتها و حاولت تسلي نفسها .. و تنسى الاحزان .. ،





    ___________ ❥





    الساعه 8 تماما .. ،
    إيلين راحت قصر الأفراح التابع لعيلة الفهد .. و بأسم عيلتهم و لافراحهم فقط .. ،
    غلا كانت ف البيت مع أفراحح الي شوووي و يكتمل كل تجهيزها .. إيلين قالت لمهند يأخذهم لقصر مو اي سواق يوصلهم ..


    أفراح لبست الفستان الأبيض الطووووويل و المنفووووش و من ارقى انواع فساتين العرس كان مرصع بمجوهرات لمعانها جميل و قوووي .. و كان بدووون اكمام و طوويل جدا و فخم ..



    ناظرت نفسها ف المرايا و استغربت بققووه كانت تسريحتها مرا جنان و لابسه تاج و الطرحه الطويله و المكياج كان ناعم و عيوونها محدده بالاسود و باينه حلووه حيل .. و جذابه .. و خصلاتها مكر من قدام و القصه مرتبه و جونان و اي احد يشوفها يتجننن و ينعجب فيها .. ملامحها الرقيقه و الجميله و هدوئها .. و كل الاكسسوارات كانت مصنوعه بالألماس ،


    غلا طقت الباب : أفراح خلصتي ..؟،
    أفراح رفعت الفستان بيدينها و مشيت و فتحت الباب و ابتسمت ابتسامه بارده .. ،
    غلا : ي ماشاءالله عليك قمر وربي ربي يحفظك اقري على نفسك ياعيني.. ،
    أفراح : وياك ي غلا .. ،
    غلا شالت المسكه الي بالورود الطبيعيه و اعطت لأفراح .. ،
    مسكت افراح المسكه و بكل ارتباك نزلت عيونها .. ،
    غلا و هي تتصل على مهند ..
    غلا : الو حبي ..،
    مهند : عينه ..،
    غلا : ويينك احنا جاهزين .. ،
    مهند : دقايق بسس ،
    غلا قفلت الخط و جلست على الكنب ..،
    غلا لبست فستان قصير بلون اسود و شعرها عملت فيهم استشوار بسيط و مكياجها كان غامق بالحيل بس باين عليها حلوو .. ،

    - بعد لحظات اتصل مهند على غلا و طلعوا غلا و افراح من البيت و توجهوا لسيارة مهند الي زينها شووي بالورد الطبيعي .. ،
    غلا ساعدت افراح و جلستها ورا و جلست هي قدام .. ،
    افراح نزلت عيونها و طالعت ف يدينها المرتبكه حست نفسها خايفه و مستحيه بالحيل انها متجهزه و صايره عروسه و حتى الحزن الي بداخلها ما استسلم للحقيقه .. ،
    مهند وهو يسووق : ايون اخبار القمر .. ،
    غلا بدلع باست خده بقوووه : اشتقت لك حبيبي .. ،
    مهند : لا حبيبي ادوخ انا كذا ،
    غلا ضحكت بدلع و قالت : فدا حبي .. ،
    مهند ناظر على افراح نظره : ماشاءالله مرت اخوي طالعه جنان بالحيل .. ،
    غلا : ايه ماشاءالله عليها احلى وحده شفتها بحياتي و اليوم زواجها زاد الحلا فيها .. ،
    مهند بنذاله : اجل اتوقع خووييي بيدوخ اول مايشوف الحب .. ،
    غلا ضحكت و أكدت له كلامه صح .. ،
    افراح ماتكلمت و لا كلمه .. و الدموع امتلئت عيونهاإ .. ،




    _____________❥



    وصلوا القصر .. و جلسوها ف الغرفه لوحدها لين يصير وقت زفتها .. ، شافتها العمه و بكل صراحه قالت : شكلك بجمالك سحرتي ولدنا هههاء .. ،

    أفراح ابتسمت ابتسامه خفيفه و قالت : حياك عمتي .. ،

    و ف صالة الافراح شغلوا الاغاني و غلا و اختها بداأو يرقصوون و الفرحه ماتسعهم .. ،


    و بعد ساعات وقت الزفه اقترب جات ايلين و وقفت افراح و رتبت لها فستانها الطويل و غلا جهزت الزفه ..
    أفراح تنفست و من الخوف حست بشووية دوخه .. ،
    إيلين : فروووحه حبيبتي لحظات و الزفه جاهزه يبي لك تمشين بشويش ..،
    افراح بصوت منخفض : ابشري .. ،
    وقفت إيلين بناتها عند باب المدخل على الصالة و هما معاهم سلة ورود طبيعيه عشان يرشونها على افراح .. كانو لابسين فساتين بيضاء و تسريحاتهم بسيطه جدا و لابسين تاج .. ،



    أفراح ف نفسها : بتصير زفتي و انا بعيده عن اخواتي و لابسه فستان الابيض و بداخلي حزن عميق و مغصوبه .. تخيلت هاليوم راح يكون احلى يوم بحياتي لكن العكس .. ذا اتعس يوم بحياتي لاني بسلم حياتي لشخص ما اعرفه و لا ابي اعرفه و مغصوبه عليه .. ،
    تجمعت الدموووع ف عيووونها عضت شفتها و بديت الزفه و بديت تمشي افراح بشووويش و خطوه بخطوووه زفوها غلا و ايلين و بناتها .. لين وصلت للكوشه و جلست المصوره كانت مستمره تصور و تفهمها تبتسم ابتسامه حلوه و خفيفه بس افراح ماكانت حولها ابد .. ،





    ___________ ❥

    و بعد ساعات انتهى حفل الزفاف ..
    و جلست أفراح سيارة نوواف و جنبها غلا و على اليمين نواف و مههند قدام مع السائق الخاص .. ،
    و وصلوا قصر الفهد .. طبعا نواف ماشافها و لا نظره و جلس جنبها و هو يكتم قهره بقوه .. ،
    مهند فك الباب و ناظر ف غلا : يالله نزلي خلي افراح تنزل ..،
    غلا : لا لا لا عروستنا مانعطيكم هي الا لمن تكملون شرطي .. ،
    نواف : شنو ..؟
    غلا مسكت يد افراح الي مليانه بالنقش الحلو .. : ايه ايه شررررطي اني اصوركم .. و انت جنبها يالله .. ،
    نواف : غلا بعدين .. ،
    غلا : متئ بعدين .. ؟ لا إلحين ..،
    مهند سحب غلا و قربها منه و قرب وجهه من وجهها و قال : حبيبتي بعدين .. افهممي عاد .. ،
    غلا بكل غنج : حبي بلييييز .. ،
    وصلت السيارات و طلع الفهد من السياره و اخته .. و ايلين .. و بناتها ..
    إيلين مدت يدها و مسكت لها فستانها و طلعت افراح من السياره ..
    نواف فتح باب السياره و طلع و سلم على ابووه و احمد الي توه شافه لانه رحلته تأخرت و وصل متأخر ..
    غلا و ايلين وصلوا افراح لغرفتها ..
    غرفتها مرتبه بشكل جنان و مفروشه بالورد الاحمر الطبيعي و سرير مغطى بالورد الاحمر كل هالتجهيز من فكرة غلا و الشموع ع التسريحه الي مليانه بالكريمات و المكياج و العطور من افخم الانواع ..

    إيلين جلست افراح على السرير بالنص و ضمتها و قالت : حبيبتي يسعدك ربي و يخليك لنواف .. ،
    افراح و الدموع ف عيونها : و يسعدك .. ،
    غلا و هي تقاطعهم و معاها كاميرا كانون : بصصووووركم يلا يلا باقي استلم نواف .. ،
    إيلين جلست جنب افراح و صورتهم و طلعت ايلين من الغرفه ..
    مهند و نواف عند الباب كانوا واقفين ..
    نواف بقهر : فهم مرتك تراها مجنونه .. ،
    مهند برواق : خلها تصوركم بعدين احرق الصور على كيفك .. ،
    نواف و بكل عصبيه : خلاص حطيتوني بمصيبه و فوقها تبوني اضحك ..و اتصور .. تختبرون صبر الواحد .. ،
    مهند : نواف اهدئ ياخي لا تنسى ابوك على باله ذي البنت تحبها ابيك تتصرف بكل ذكاء مو بالتهور ذا .. ،
    نواف : طيب .. ،
    قال هالكلام و دخل الغرفه غلا بضحكه استقبلته و قالت له يجلس جنب افراح ..
    افراح منزله عيونها بكل حزن ساكته و مالها اي كلمه حاطه يدها على مسكة الورود و ماسكه ورده وحده و غرقانه ف التفكير ..
    غلا بابتسامه : قررررب منها .. ،
    نواف جلس و قرب من افراح .. افراح تبعدت شووي و ماشافت عليه ..
    غلا صورتهم و انبسطت و طلعت من الغرفه بعدما شدت خد افراح و قالت : ي دلبي ليله سعيده .. ،
    خد افراح صار احمر .. شووي ..
    نواف قام بسرعه و قفل الباب بالقفل و راح غير ملابسه و لبس برمودا بلون اسود و بلوزه بلون ابيض بدون اكمام ..
    افراح حيرانه بقوه و ف نفسها : وووشش اسووي ياربي خايفه و مرتبكه وش اتصرف .. ، تنفست بكل خوف و شافت عليه جالس على الكنب و قدامه طاوله مرتبه بعصيرين و العشاء بصوره راقيه جدا ..
    الغرفه بالحيل بارده و الشموع مضيئه كل الغرفه و الانوار العاديه مطفيه و انوار خافته مشغلينها .. ،

    نواف طلع علبة التدخين و بدا يدخن و يكح شوي .. خلص بكت بكامله و ماحس ..من كثر عصبيته و قهره .. ،
    و صارت ساعتين .. و افراح تعبت من نفس الجلسه و ماتحركت و لو شووي .. ظهرها بدا يوجعها بس سكتت .. ،
    نواف بدون مايناظر فيها : قمي تعشي .. ،
    افراح بأرتباك و خجل غريب : مابي .. ،
    نواف : براحتك .. ،

    افراح ف نفسها : اووووه شت مانزلت الكعب و الفستان بالحيل طويل اذا قمت بكسر لي وجهي وقتها ايلين جلستني هف وش هالموقف الصعب .. ،
  6. بشرى لكم مني
    05-05-2016, 03:17 AM

    رد: روايـه ( و حبيت الحـيـاه عـشـانك )

    روايه ( و حبيت الحياه عشانك )


    كمليييي والله تشوقت وانا اقراء الروايه

    حدها عجييبه، تهبببل روعه،ما شاء الله عليكي
  7. روايهه خياليهه
    05-05-2016, 08:41 AM

    رد: روايـه ( و حبيت الحـيـاه عـشـانك )

    روايه ( و حبيت الحياه عشانك )


    (( بارت 52 ))




    أفراح تقدمت شوي و نزلت من السرير و مسكت فستانها بيدينها .. و مشيت بشويش و هي خايفه لا تطيح .. وصلت لين الحمام و قرررت تغير ملابسها قفلت باب الحمام و ناظرت نفسها ف المرايا ..
    حاولت تفتح السسته ماقدرت ..
    عضت شفايفها و ظلت واقفه
    أفراح : ياربي شسووي انادي سيمي وشش اسوووي .. !! ،
    صارت ربع ساعه و هي تفكر و مطرطعه ف الحمام ..
    نواف اتجه لحمام و دق الباب و قال : افراح ..،
    افراح بارتباك ردت : شووووو ..،
    نواف بطفش : مو ناويه تطلعين انتي ..؟
    افراح بخوف وو هي تعض شفتها : الا ..،
    نواف : طيب انتظرك ..،
    افراح خافت و قالت ف نفسها : تنتظر شننوووو يووووه مصيبه وش اسووي .. ! ،
    افراح فتحت الباب و وقفت قباله و هي منزله راسها و مرتبكه و ايدينها ف بعضها قالت : نواف ..،
    نواف و هو يناظر : وت ..؟
    افراح بخووف : برووح برا ممكن ..؟
    نواف : لا مجنونه انتي احد يشوفك هالوقت و انتي لابسه فستان الابيض ذا اكيد بيتأكد انك خبله ..،
    افراح بحسره : طيب نادي لي سيمي .. ،
    نواف : لاء مستحيل الوقت متأخر و اليوم يوم زواجنا قدام الناس و العالم تبين تفضحيني انتي .. وش ناويه تقولين لها .. قولي لي انا ..،
    افراح بخووف : ا عشان ..،
    نواف و هو يناظر فيها : تكلمي ..!
    افراح : السسته ماتبي تنفك مني و كذا ف ابي انادي سيمي. ،
    نواف انحرج بقوه و رد : امممم انا افك لك ..،
    افراح : لا .. ،
    نواف : اوك اجل خليك ف الفستان لين الصباح انا بأخذ المنوم و انام حدي تعبان اليوم ..،
    افراح : اممممم .. ،
    نواف مشي و راح لسرير و قعد و اخذ الكاسه و طلع المنوم و اكله و شرب المويا و رقد .. ،
    افراح وهي صايره مجنونه : لا مستحيل ياربي راح ابقى لابسه الفستان لصبح يوووووه وشش هالمصيبه .. ،
    راحت جلست على الكنب شافت الاكل جاها نفس تأكل و هي صايره مجنونه و جوعانه و لابسه الفستان الابيض الطويل .. ،
    تأكدت نواف نام و بديت تأكل و هي تفكر كيف تصحيه و وش تسوي و كيف تنزل الفستان الضيق الي على مقاسها و يدها مو واصله على السسته الي تقريبا ف نص ظهرها لانه ظهرها كان مفتوح تقريبا نصه شوي و ذا كان موديل الفستان ..،
    و بعد ربع ساعه .. اكلت أفراح و شربت العصير .. و قامت و راحت جلست قدام التسريحه و نزلت الطرحه و التاج و الاكسسوارات .. و حطتها و فكت التسريحه..
    افراح ف نفسها : كيف كيف كيف اصحيه..، شافت على جوالها محطوط على التسريحه و جات على بالها فكره .. و بديت تتصل على نواف و الجوال ع العام و يندق .. مره مرتين و ثلاث مافي فائده نواف ف قمة نوومه و لا قام ..،
    أفراح مشيت خطوات و هي شايله فستانها الطويل .. راحت لعنده و وقفت جنب السرير و بصوت شووي عالي : نواف نواف نووواف .. ،
    نواف وهو ف النوم : نععععععممممم. . !
    أفراح خافت و ابتعدت شوي و قالت بكل خوف : خ خخلاص افتح لي السسته .. ،
    نواف جلس من نومه و شعره مبهدل : هاه ..،
    افراح بكل ارتباك جلست على السرير و عطته ظهرها
    نواف فك السسته و قال : كنتي تجلسين لين الصبح اجل ليه صحيتيني ..؟
    افراح قامت و راحت بخطوات سريعه على الحمام .. و ماردت على كلامه .. ،
    قفلت الحمام و تنفست ..،
    غيرت ملابسها و لبست ملابس النووم .. بجامه بلون اسود و بلوزه بأكمام قصيره لونها ابيض .. طلعت من الحمام .. و تطمنت نواف نام تاني و راحت تقفل المكيف عشان بردانه حيل .. و قبل لا تقفل .. ،
    نواف : لا ما تقفلين المكيف مقدر انام كذا ..،
    افراح بخووف : انا بردانه ..،
    نواف بطفش : قلت لا .. ،
    أفراح سحبت اللحاف الي على السرير و اتناثر الورد الطبيعي على الارض .. ،
    افراح : اجل بأخذ اللحاف .. ،
    نواف شال جواله و قام و قبل لا يمشي شافها و قال : نوووم العوافي نامي ع السرير بروووح انام مع مهند .. ،
    افراح و هي خايفه : لا اذا شافك بتصير مصيبه ..،
    نواف : مالك صلاح خوووييي و انا اتفاهم معاه .. ،
    افراح سكتت و جلست ع طرف السرير و عيونها على الارض ..
    نواف طلع من الغرفه و قفل الباب بالمفاتيح راح لغرفة مهند و قفل الغرفه بالقفل و نام .. ،
    افراح ف نفسها : ليه حطيت نفسي ف موقف صعب المفروض كنت ارفض الزواج منه وش عرفني ناوي يتركني و لا بس كذا طمني .. !! و لا اخذني شفقة من عند امي يوم غصبتني عليه .. لانه يعرف اني كنت بصير خطيبة عبدالله .. و كان بييننا حب .. و لمن راح يتركني بتكون سمعته طيبه بين الناس بعدما تزوجني تركني و ليه قال اعطيني فرصه بس .. ،
    رقدت و تلحفت زين .. و بديت تفكر ثاني لين نامت ..،




    _________❥




    الساعه الثامنه و نصف صباحا ..
    قاإم مهند و كان بيسحب المخده الي جنبه الا قام و شاف نواف الي نايم جنبه ..
    مهند و صوته ف النوم : ههيه نوافي شجابك هنا .. ؟
    نواف ف النوم : فكني خلني اكمل نومي ..،
    مهند سحب المخده و اللحاف : روح عند زوجتك يالله فكني من فيسك ..،
    نواف قام و جلس و شعره مبهدل : نعم نعم هين ي مهندوو .. ،
    مهند بحنيه : امزح حبيبي بس ابوك لو شافك عندي بيشك ف عقلك مؤكد ..،
    نواف : لا تشيل هم ..،
    مهند وهو يقوم و متجه للحمام : اوك عيينيي انا برووح الدوام و اتجهز ....،
    نواف و هو يقوم : وانا بروح لغرفتي ..،
    مهند بنذاله : مسرع ههههههاي.. ،
    نواف : اعقل ..،





    __________❥



    نواف دخل غرفته و قفل الباب مشي خطوات و وصل لعند افراح شافها نايمه اتطمن و طلع ملابسه و راح يأخذ شاور .. ،



    و بعد نصف ساعه رجع و نشف شعره وهو لابس برمودا بس و راح يدور ف دولاب ملابسه عن بلوزه ..
    صحيت أفراح و بأستغراب ناظرت الغرفه كلها و على بالها نواف مارجع ..
    توجهت للحمام و قبل لا تدخل افتكرت انها ناويه تتروش و تتفرفش .. ف راحت غرفة دولاب الملابس ..
    و انفجعت اول ماشافت نواف و غمضت عيونها و هي تصارخ : بسسسم الله .. ،
    نواف لبس البلوزه الي بلون الاسود و قال : سلامات شايفه جني من الصبح ..؟
    أفراح بخوف و هي حاطه يدها على عيونها : كيف تمشي كذا ف غرفتك ؟
    نواف مسك يدها و بعدها عن عيونها و قال وهو مرووق : عفوا انسه افراح هذي غرفة تبديل الملابس و انتي الي ناطه هنا ..،
    افراح شمقت و بقهر : انا .. !!
    نواف مشي خطوات و طلع و قال وهو متجه لسرير : اسف نسيت انك معاي ف الغرفه متعود اكووون لوحدي اتصرف زيما ابي .. ،
    أفراح تجمعت الدموووع ف عيونها و ف نفسها : و كل شوووي احسس مالي داعي و لازم ارجع بيتي .. ياربي متى يجي هذاك اليوم الي برتاح فيه و اقول اخيرا خلصت الاحزان ف حياتي .. ،


    __________ ❥





    ترووشت أفراح و لبست فستان طويل بلوون الاسود و عليه زخرفه بالابيض و مرصعه عليه فصوص تلمع من الحلق و الاكمام شفافه و تجهزت و فردت شعرها الطويل و استشورته ..

    جلست قدام التسريحه و بديت تحط المحدد ف عيونها .. و الكحل .. حطت روج بلون الفوشي و لبست الاكسسوارات ..
    شافت نفسها .. و هي باينه قمر و تجننن بلون الاسود الي لابسته .. و كأنه الكبرياء و الغرور امتلئ فيها و فكرت بالتحدي مع احزانها لين تروح من هنا لازم تمثل انها زوجة نواف الي يحبها و هي تحبه بالكذب و قدام الفهد و الناس ..
    وقفت افراح و كانت بتطلع من الغرفه .. بس انتبهت على نواف الي ناداها ..
    افراح بخوف مشيت لعند السرير و ناظرت فيه و قالت : نعم ..؟
    نواف وقف قبالها و بكل قهر : بأي لغه افهمك انتي ماتفهمين ..؟
    افراح و الدموع ف عيونها : وشش ما افهم ..؟
    نواف بكل عصبيه مسكها من ذراعينها بيدينه و بكل قهر صارخ : انتي ماتفهمين مجنونه شكلك .. ياخي اقولك عشان ابوي و عشان سمعة عيلتي سويت ذا كله انا ماكنت ناوي اتزوجك ياخي انتوا الي ورطتوني انا ماعرفك ماتفهمين ليشششش ناويه تخربين كل شيء و تبيني قدام ابوي انك مغصوبه علي رحتي لبستي هالفستان الاسود و وجهك مبين منه عشتي كل الاوجاع بحياتك .. و كمل و هو يهدأ نفسه شووي .. : ي افراح انا ضحيت بحياتي عشان عيلتي بس ارجوك لا تخربين سمعتي ابي منك بس تتظاهري قدامهم بيينننا حب و غرام ولو مابيييننا اي شي .. افهميني .. ،
    افراح بلعت ريقها و بخوف تبعدت عنه و جلست على السرير و الدموووع مليانه ف عيونها .. ،
    نواف بقهر : ماراح تفهمين مالومك تصدقين لانه بقلبك جالس عبدالله .. ،
  8. _7mdooo
    05-05-2016, 10:22 AM

    رد: روايـه ( و حبيت الحـيـاه عـشـانك )

    روايه ( و حبيت الحياه عشانك )


    حلوة رواية
    يعطيج العافية يالغلا
  9. marya
    05-05-2016, 02:00 PM

    رد: روايـه ( و حبيت الحـيـاه عـشـانك )

    روايه ( و حبيت الحياه عشانك )


    واو كملي بليييز بالانتظار
  10. بنت البهكلي
    06-05-2016, 02:46 AM

    رد: روايـه ( و حبيت الحـيـاه عـشـانك )

    روايه ( و حبيت الحياه عشانك )


    مرره قصتك حلوه من متابعيك
    وانتظرك
... 4567891011121314151617181920212223 ...