دنيا الفلس

الشعر, قصيدة , شعراء, القصايد
  • ارسال إلى Twitter
  • ارسال إلى facebook
  • ارسال إلى google plus
    1. عادل الدوسري
      06-01-2016, 08:50 AM

      دنيــــا الفلــــس

      دنيا الفلس


      بسم الله أبدأ
      ::::
      يا قلب ياللي من الايام بك لوعه
      إن بحت ملتاع وإن غبيت ملتاعي

      من هاجس يصطفق بالفكر ويصوعه
      في غبته حطني مجداف و شراعي

      والنفس مابين ماموره وممنوعه
      والقلب من عادته ماهوب مطواعي

      ما سارت الرجل والاقياد مربوعه
      والفكر محتار بين اخماس و ارباعي

      و أرزاق ربي ترى ماهيب مقطوعه
      لو حال من دونها مليون قطاعي

      واللي يحسب انه يسقينا بقرطوعه
      حنا قبل شوفته راهين وشباعي

      غره غروره و قاده غصب في طوعه
      ما يدري إن الذمم ماهيب تنباعي

      دنيا الفلس عندنا ماهيب مطموعه
      أما على عز وإلا مالها داعي

      واللي على جوع يصبر خير له جوعه
      من شبعة الهون من كفين طماعي

      عشنا و شفنا من الصدمات والروعه
      لو كان نفسي قبل ماهيب ترتاعي

      والناس مابين موضوعه و مرفوعه
      يضيع عمر الرجل والطيب ما ضاعي

      واللي على حربنا محتاط بدروعه
      يرتاح مادام حنا فكرنا واعي

      واللي يزل القدم لا ينكسر كوعه
      لو مد قنطار نجزا الصاع بالصاعي

      واللي على الطيب والاخبار مذيوعه
      لو هو تقدم شبر نجزاه بذراعي

      يقوله اللي سبح موجه قبل قوعه
      والغيص ما غره الامواج والقاعي

      والشعر مشروع والابيات مشروعه
      لكن تبغى لها حكم و شراعي

      بعض الشواعير موهوبه و مطبوعه
      و بعض الشواعير تمشي بالتطباعي

      والبعض متكلف طرحه و موضوعه
      والبعض متميز في كل الاوضاعي

      والبعض ما ينعرف شكله ولا نوعه
      والبعض يمشي من الإبداع في إبداعي

      و صلاة ربي من الاعماق مسموعه
      على النبي عد ما هبت بذعذاعي


      عادل الدوسري
      250*300 Second
    2. المريسي
      06-01-2016, 01:37 PM

      رد: دنيــــا الفلــــس

      دنيا الفلس


      رائع شكرا عالكلمات

      تحياتي