بدع مدووووش

الشعر, قصيدة , شعراء, القصايد ارسال إلى Twitter ارسال إلى facebook
  1. عادل الدوسري
    09-11-2015, 06:11 PM

    بدع مدووووش

    بدع مدووووش


    أنا لي زمان ولا لفاني خبر وطروش
    من اللي من أول كان يرسل مناديبه​

    وذا الليل جاني علم والهوش وسط البوش
    تقدم به المملوح في شكن و ريبه​

    فرحت و حزنت و جرش القلب تسع جروش
    و قام الهوى من ميلة الحظ يومي به​

    أنا مرتبش بالحب لو ماني بمربوش
    كما ربشة اللي هبلوا به معازيبه​

    وألا يالهواويه غديتوا طعام جحوش
    مدام الهوى كل المهبل تهذري به​

    ترى الحب سر ولا يومن عليه خدوش
    وترى الخدش خدش يودي العلم و يجيبه​

    يسوم الحكي بالقرش لو ما معاه قروش
    و لمن سمع له علم عود يغني به ​

    و لا كل من ناوش على العاليات ينوش
    ولا كل من يوعد بميعاد يوفي به​

    ولا كل سيلن لا أنتحى في الشعيب يطوش
    و عذرك على اللي طامعن في غثاريبه​

    ولا كل من هاوش دسم لو عليك يهوش
    على نعم وإلا قالوا الناس والخيبه​

    ولا كل من جرب نقش في الكتاب نقوش
    بعضهم يعيش ولا تفيده تجاريبه​

    ومن عيشته بالغش تالي الزمن مغشوش
    يعيش و يشوف اخر نتيجة ملاعيبه​

    بيوتن طرت والفكر من بدعها مدووش
    على قاف ما نجهل بفنه و ترتيبه​



    قلم عادل بوبدر الدوسري-اتت من سوسنة قهر​
  2. ام رموسه
    09-11-2015, 11:59 PM

    رد: بدع مدووووش

    بدع مدووووش


    يعطيك العافية اخ عادل الدوسري
    تقبل مروري
  3. عادل الدوسري
    10-11-2015, 06:41 AM

    رد: بدع مدووووش

    بدع مدووووش


    المشاركة الأصلية كتبت بواسطة ام رموسه
    يعطيك العافية اخ عادل الدوسري
    تقبل مروري
    شكرا اختي على مرورك
  4. ريوف القوافي
    10-11-2015, 12:38 PM

    رد: بدع مدووووش

    بدع مدووووش


    الله
    الله
    الله
    رووووووعه يا عادل ياخوي
    ماقدرت اكتب بيت معين جذبني!!! كل الابيات لها وقع جميل ورائع..ممتاز
    الله يسعدك شي راقي وجميل...