المطر !

غلـاهم

Well-known member
كنت اتساقط ضياعي والشوارع ظلام
تحت المطر كنت أدور عن بقايا المطر!

حزين جدا وشوقي ما يعرف السلام
من وين ما رحت أحاسيسي تناثر قهر

ودي أطير وألامس في يديني الغمام
وودي أبيع العمر ذا وأشتري لي عمر !

ضايع وأحس الكلام يموت قبل الكلام
والشعر جالس ب صدري والكراسي جمر

هذا أنا جيت مجموعة كتل من حطام
أبحث لعلي ألاقي جزء ما له أثر

لساني ولسانها يوم افترقنا بسلام
كل واحد يصيح بسكات : انتظر وانتظر!

كل شي حولي ينام إلا الحزن ما ينام
نسهر إلين الفجر يقسم ب ظهر السهر

غريب أمري ولا أدري من عليه الملام
بس أدري إني .. أببكيها طوال الدهر

كانت حمامة تنزه عن بواقي الحمام
وكانت مطر تروي أحلامي كروي الزهر

من يوم راحت أحاسيسي صيام وحيام
من يوم راح المطر ما بعد جانا مطر


مما لامس الوجد"ورده سي:
 

ودي أطير وألامس في يديني الغمام
وودي أبيع العمر ذا وأشتري لي عمر !

ضايع وأحس الكلام يموت قبل الكلام
والشعر جالس ب صدري والكراسي جمر

. . .


هلا بك استاذتنا غلاهم
لله درك ما اجمل ذوقك

ابيات في غاية الجمال والروعه
صح منطوقه وتسلم يمين كاتبها
بأنتظار كل جديد لك بشوق

تحياتي العطره لسموك .

 
عودة
أعلى