ﻻ تقولون قصه ط......... !!!

قصة قصيرة - قصه جميلة - اجمل قصص وحكايات قصيرة منوعة مفيدة
  • ارسال إلى Twitter
  • ارسال إلى facebook
  • ارسال إلى google plus
    1. كہيہانہے آنہسہآآنہـه
      15-10-2015, 10:10 PM

      ﻻ تقولون قصه ط......... !!!

      ﻻ تقولون قصه ط......... !!!


      لا تقولون قصة طويلة تراكم بتفطسون عليها ضحك لا تفوتكم هههههههه
      مساكم الله بالخير ..
      انا انسان منظم منظم احب الترتيب احب النظافه
      احب كل شي في مكانه اعشق الاسطح الامعه ابغى كل حاجه حولي تلمع
      لكن زوجتي عكسي تماما يعني فوضويه من اخذتها وبيتنا كانه بيت عزوبيه ماكاني متزوج غرفتنا عفسه دواليبنا حوسه صالتنا فتافيت على الارض الطاوله مغبره الستاره مغبره مجلات شواحن كريمات في كل مكان المطبخ ومادراك ما المطبخ خلوني ساكت احسن
      احاول في هالمخلوقه يا بنت الناس ارحميني رتبي بيتك نظفي صالتك مطبخك يمين يسار ابدا ماهي لمي
      يعني اذا بغا احد يزورنا لازم قبل بيوم نعرف عشان تلحلح وتنظف حوستها والي رافع ضغطي اكثر
      تشتري من هالتحف والشموع والورد ليش ليش الخساير
      يعني مالها داعي اذا مانتي مرتبه بيتك
      والله اني اتمنى ادخل مره البيت واشم ريحة بخور او اقل شي الاقي الصاله مرتبه
      المهم في يوم من الايام لما جيت من صلاة العصر
      لقيتها متكشخه عباتها بيدها وشنطتها على كتفها وتبوسم قلت على وين قالت ابيك توديني عند اختي
      توها ساكنه بيتها الجديد وبروح ارتب وانظف معها
      قلتلها طيب وصالتنا متى تنظفينها وترتبينها
      قالت يعني لازم تنكد علي وانت وانت كمك طكننتزتتننا!
      قلت خلاص
      لاتنفقعين علينا بوديك
      ووديتها وانا راجع قلت خل اروح اتقهوا عند امي مالي نفس ارجع لصالتنا وحوستها اتصل على اميمتي يمه عندك قهوتن والمه ردت علي امي لا وانا امك انا معزومه عند خالتك حصه اها اوكي سلميلي عليها
      وش اسوي رجعت لصالتي اول مادخلت قلت خل انظفها وارتبها وابخرها الشكوا لله الحرمه ماعندها طاري تنظفها واقوم ذيك القومه وانظف وارتب وياخذني الحماس وارتب البيت كله والمطبخ ومسح وتلميع الين غدا كل شي يلق واطلع القمامه واحط الملابس بالغساله وابخر وارشرش من هالاطياب واولعلي شمعتين واسويلي قهوه و اتقهوا واروق وعند التلفزون مستانس شوي الا ست الحسن تدق علي تبيني ارجعها
      قلت طيب تعشيتي قالت لا قلت زين واروح اجيبها وامر المطعم ناخذلنا عشاء
      اول مادخلنا البيت الحرمه انخرشت الله وش هالريحه وغريبه الصاله نظيفه وتناظرني ياقلبي جلست تنظف البيت قلتلها خير شايفتني خدامه وهي طير عيونها بي اجل من الي نظف البيت وبخره قلت اختي جت ونظفته وهي الي تشهق ذيك الشهقه وشووو اختك انت انهبلت تدخل اختك على بيتي وحوستي قلتلها عادي مافيها شي هذاك رايحه تنظفين بيت اختك ليش زعلتي قالت ايه انا واختي عادي بس اختك وش بتقول عني وتجلس تصارخ وتلعلع وانا بكل برود احط العشاء على الطاوله واتعشى قلت تعالي بس تعشي ولاصرتي ماتبن احد ينظف بيتك نظفيه انتي
      وتدخل غرفتها وطراخ بالباب وتطلع مستهيشه ومعها العلاق تنفضه بوجهي حتى غرفتي مدخلها فيها تنظفها قلت غصب دخلت حلفت إلاتنظفها وترجع للغرفه وطراخ بالباب .
      عاد رحمتها ماتعشت رحت وقلتلها اطلعي تعشي محد طب بيتك انا الي نظفته وتراها اول واخر مره والا احلف بالله لاجيب خواتي كلهن ينظفنه وطلعت وهي متفشله قالت خلاص اوعدك ماتشوف الا الي يرضيك وفعلا طلعلها قلب ياشين الخرشه وتسنعت وصارت منظمه والبيت طلع نظيف وخاصة الصاله اهم شي
      250*300 Second
    2. ام رموسه
      15-10-2015, 10:15 PM

      رد: ﻻ تقولون قصه ط......... !!!

      ﻻ تقولون قصه ط......... !!!


      مساء النور حبيبتي
      مافي احد ما يحب النظم والترتيب هههههههههه
      تسلمين تقبلي مروري
    3. شوـوـوق ..}
      16-10-2015, 04:58 PM

      رد: ﻻ تقولون قصه ط......... !!!

      ﻻ تقولون قصه ط......... !!!


      احلا شي النظافه
      رحمة الباب ع هالطرخ هههههه
      تسلمين يالغاليه ع روعة القصه
      عوافي عساك ع القوه .."