احبك واغليك

ام رموسه

Well-known member
شوف من يموت بغيبتك وتحراك
من عنها حضورك يشابه غيابك
منه يموت بخافقك وتمناك
من زود حبك طاح قدام بابك
يمكن تشوف الفراق فيذا وفيذاك
وتحسب حساب اللي مقدر حسابك
شوفتك بعيون ملايين واملاك
ولا الفقر لا من تقفي ركابك
ياللي حياتي في طرف كف يمناك
جيتك ترى لا تقول ويش جابك
جيتك يا داعب خطواتي دمع واشواك
ضامي غلاك وزاد همي سرابك
اشتقالك واحن لك واتبع اخطاك
واليا وصلتك ثار فيني عذابك
وقول يا قلبي لهم وش وداك
وارجع دروبي واتباطى عتابك
اغليك واحبك وموت بك واهواك
واكذب عليك ان كنت ما عشق ترابك
مير انت ظل ابليس عن حبي اعماك
واشغل خفوقك ثم ضيع زهابك
تطرد وراه ليهما تعبك واضماك
وجاهدت نفسك به وهو ما درابك
لكن ياللي في عيوني مزاياك
اكثر من خيوط الامل في ثيابك
كتبت لك بيتين من جمر فرقاك
وفهم معانيها وعطني جوابك
شف من يموت بغيبتك وتحراك
من عندها حضورك يشابه غياك



منقوله
 
التعديل الأخير بواسطة المشرف:
عودة
أعلى