قصيده لايفهمها الا العقلاء

شوـوـوق ..}

Well-known member
‏​أمزح ولكن (( خل )) مزحك في حدود
ومن لا يحب (( المزح )) لا تمزح معه

المزح بعض (( أحيان )) مروي للكبود
لكن ليا من زاد (( ضربة )) موجعه

وأتعب على (( خوة )) عريبين الجدود
اللي معك ف (( الضيق )) وإلا ف السعه


وأحذر تعاشر راعي (( القلب )) الحسود
اللي ((ضرره )) أقرب لك من المنفعه

وأبعد عن مخالط (( مبيحة )) السدود
واللي على نقل (( الحكي )) متجمعه

خليطهم إن (( ماورد )) همج العدود
وإلا سمع شي (( ما وده )) يسمعه

واليا عطيت إنسان (( ميثاق )) وعهود
خلك (( وفي )) وأدفع كثر مايدفعه

ولا تقابل راعي (( الطيب )) بجحود
وأحذر من اللي (( طيبها )) تتصنعه

وان شفت طبع (( الظلم )) ف العالم يسود
أحذر من (( المظلوم )) لا هل أربعه


له دعوة لا من دعا (( ترقا )) سنود
ومن صابته (( دعوته )) ماطاب وجعه

وان شفت من نظرات (( أقاربك )) الصدود
حبل (( التواصل )) بينكم لا تقطعه

واصبر ولو (( ما أنته )) عليهم بمحدود
بكره تبي تحصد (( ثمر )) ما تزرعه


وأعلم بأن (( الود )) لو صابه جمود
شمس المحبه (( تصهره )) وتميعه

وإن سال في (( مجراه )) وأروى كل عود
أخضرت (( أوراقه )) ولانت أفرعه

واليا طلبت وصال (( ناقضة )) الجعود
دور على اللي (( بالحيا )) متشبعه


واظفر بذات (( الدين )) من حمر الخدود
يلقى بها قلبك (( مناه )) ومطمعه

واعلم بأن (( العمر )) ينقص مايزود
واللي يفوتك منه (( صعب )) ترجعه

ولا تنظر (( لماضيك )) لأنه مايعود
فكر بحاضرك (( الجديد )) وسنعه


وأبذل عشان (( أحلامك )) أضعاف الجهود
وباب (( الأمل )) بين المحاني شرعه

وأثبت لنفسك بين (( خلق الله )) وجود
ودور على اللي (( قدر )) نفسك يرفعه

وإذا فتر عزمك (( وحسيت )) ببرود
حفز خفوقك (( بالطموح )) وشجعه


نفسك بيدك تقودها (( للعز )) قود
وتارد بها !!! عد (( قراح )) منبعه

وهذي خلاصة (( تجربة )) عدة عقود
وبخط وافين (( الخصال )) موقعه

مضمونها يروي (( معاطيش )) الكبود
ويلقى بها (( العاقل )) مناه ومطمعه


راقت لي فقطفتها لكم .."

:a::a::a::a::a:

 
أقتطفتي لنا من الأبداع ثمرة فثمرا
حتى باتت لك حدائق الجنائن ..
فسلمتي ياناعمه بحجم السماء .
 
أقتطفتي لنا من الأبداع ثمرة فثمرا
حتى باتت لك حدائق الجنائن ..
فسلمتي ياناعمه بحجم السماء .

غاليتي شموسه ف الابداع
لايكتمل الا بحضورك "
والحدائق لا تحلو الا بتواجدك
انتي منبع الرقي والجمال
ونقاء روحك لاعدمناك خيتي يالغاليه
ل روحك خالص الود .."
 
كلمات تحرك المشاعر

صح لسان قايلها

وسلمتي يا رونق عبير ع النقل المتميز ...

غاليتي بنوته العرب"
صح قلبك وروحك خيتي الغاليه
اسعدني عبق تواجدك النقي في متصفحي
لا خلا ولاعدم ل روحك خالص الود
وأرق الامنيات دمتي بحفظ الرحمن .."
 
عودة
أعلى