رواية : عاشقين / بقلمي : قهوة برية

السلام عليكم و رحمة الله و بركاته ،،، الحمدلله توني خلصت من كتابة هاذي الرواية.و قررت انشرها السبب الي خلاني انشرها في هاذا المنتدى هو ان اكثر منتدى يتفاعلون فيه قبل لا أبدأ اتمنى تعجبكم الرواية و تتفاعلون معاي و لا اسمح ولا أحلل من ينقل الرواية بدون ذكر اسمي : قهوة برية / الرواية يمكن محد كتب نفس فكرتها و يمكن نادر ما يكتبون نفس فكرتها الرواية تتحدث عن انواع الحب الي هي حب من اول نظرة ،، حب بعد خيانة ،، حب بعد تعارف ،، حب بعد مكالمات ! ،، حب بعد كره و تتحدث عن خمس بطلات كل وحدة شخصيتها غير الي دلوعة و ذوق و إتيكيت ،، العاقلة و المرتبة و النظيفة ،،، العربجية و الفلة و الونيسة ،، الحالمة و الرومانسية و الرسامة ،، الحنونة و الحساسة و المرهفة ،، كل هذولي الشخصيات راح تجمعهم بقصة حب قبل لا أبدأ بقولكم ان الشخصيات بتعرفوها بالبارت الاول لان البارت الاول لتعريف الشخصيات و اتمنى تفاعلكم مهما كان بسيط او كلمة وحدة الا هو يبهجني و يسعدني و يشجعني ان اكمل معاكم الرواية
و شكرا ،،،،
 
البارت الاول
-
-
و لولا الهوى ما ذل في الارض عاشق ،،، و لكن عزيز العاشقين ذل
و ما كنت ممن يدخل العشق قلبه ،،، ولكن من يبصر جفونك يعشق
-
-
قعدت على صوت التلفون الي يرن
خذت التلفون و ردت : هلا سمر شنو في
سمر : اسووميي للحينها نايمة مالت عليج صج ما عندج ما عند يدي
اسماء : اقول قولي شنو عندج لا الحين أسكر التلفون في ويهج
سمر : يا خبلة عندي خبر بمليون دينار
اسماء : قولي شنو هالخبر الي بمليون دينار بالله
سمر : احم في عرس قريب
قامت اسماء من فراشها و راحت الحمام تغسل ويهها : الو سمور من صجج
سمر: ولله العظيم
اسماء : وأي مو مصدقة منزمان ما رقصت
سمر : شحبج للرقص
اسماء : قولي متى العرس
سمر : بعد اسبوع يوم الاربعاء الياي
اسماء : واناسة احم احم خلني اثقل
سمر : مدري عنج الي يشوفج يقول مو شايفة خير
اسماء سدت بوجهها التلفون و راحت تلبس ملابس طلعة
( أعرفكم بأسماء هي شخصية الدلوعة و الذوق و الاتيكيت : طولها متوسط بيضة و عيونها عادية لونهم بني غامج رموشها طويلة و خفيفةشعرها طويل أين نص فخذها لونه اسود و خشمها ظعيف مو نازل ولا صاعد بالوسط عندها قذلة من جدام وايد كثيفة و مغطية على حواجبها عندها غمازتين عند الخد الايسر و الايمن شفايفها متوسطة متروسة من فوق ضعيفة و خصرها مرسوم هي احلى بنت بين صديقاتها اقولكم أطباعها : عندها طبع يخقق ان لمن تمل او ظايق خلقها تهف على قذلتها و شكلها يكون طفولي و طبعا كل سبا تروح سبا تسوي اظافرها و تسوي ماسك و تسوي عناية بجسمها و كل احد تسوي رياضة في النادي ثلث ساعات عشان جذي هي ظعيفة هي طبعها تكون مهتمة بنفسها حيل لانها دايم تكون ملانة و ما عندها شي تسوي غير متابعة المسلسلات و تكلم رفيجاتها و تكلم شباب و هي ما تؤمن بالحب لان ابوها طلق امها من كان عمرها ٣ سنين و هدهم ولا سئل عنهم وهي للحين ما شأفته طبعا هي عايشة مع امها و الخدم عايشين بفلة أشبه بالقصر لان امها وحيدة ابوها فهي وارثة منه شركات و فلوس دايم امها تطلع و تروح لرفيجاتها عشان جذي تقظي وقتها مع الخدم و طيبة معاهم حيل هي مو اجتماعية لان ما عندها لا خوات ولا شي يعني ما تعطي وجه حق احد غير رفيجاتها و امها و الخدم تقريبا قتلكم حياتها اي صح نسيت اقولكم هي مو متحجبة ايه و تحب أغاني عيسى المرزوق و ابراهيم دشتي )
-- في بيت سمر --
سمر : بو حمود تعال نلعب بلايستيشن
( عرفتها ههههه الفلة و العربجية سمر : هي تصرفاتها شوي صبيانية يمكن لانها عايشة مع خمس اخوان بدون خوات اقولكم عن شكلها : قزمة بشرتها بين الأبيض و الاسمر شعرها تحت اذونها بشوي يعني تقدر تسوي فيه عنقوصة صغيرة ما تحب تفل شعرها دايم تسوي فيه عنقوص شفايفها متوسطة و مو متروسة ولا ظعيفة عادية خشمها عادي مو نازل ولا مرفوع و حجمه عادي عيونها ناعسة لونهم عسلي فيها خطوط بنية بارزة و و رموشها قصيرة و خفيفة ظعيفة لانها دايم ما تلعب كرة قدم و خصرها منحوت أطباعها : عندها طبع خايس ان لمن تعصب او احد يظايقها تطلع حرتها في اي احد و هي اجتماعية مع كل جنس شباب او بنات عي ما تكلم شباب لانها ما تميل لهم و ما تميل للبنات بعد ( لا تسيئون الظن هي مو بوية) هي نظامها سبورتي يعني دايم ما تلبس لبس سبورت او نقا تحب الاغاني الانجليزية و أغانيها المفضلة هي برسنلي و ويقل ويقل و توك ديرتي و حافظتم بعد هههه دايم رقصها اجنبي و مو متحجبة و وايد واثقة بنفسها معيشتهم المادية عادية لا فوق ولا تحت اخوانها : محمد عمره ٢٧ متزوج احلام عمرها ٢٥ ،، خالد عمره ٢٣خاطب انوار عمرها ٢٠،،عمر عمره ١٤،،سالم عمره ١٠،،علي عمره سنتين )
-
خالد : و من قال بسمي ولدي بو حمود
سمر بثقة تامة : انا قلت
خالد : وإنني من صجج واثقة بنفسج
سمر : يبا خلاص ماني لاعبة معاك زين بروح اشوف علي ارحم من شوفتك
خالد : من صج انج جبريت (كبريت ) (اخوانها يسمونها جذي لانها دايم تطلع حرتها في خلق الله اي احلام مو زينة معاها دايم هواش )
-- نرجع لأسماء --
لبست جينز جينز ازرق فاتح و فنيلة مشمشية مكتوب عليها pink بالابيض و فاشلة شعرها و حاطة فيونكة عالجنب الايسر باللون الابيض و لبست فلات ابيض عليه زري سلفر و لبست اساور سلفرية و بيضة من ماركة جوسي كتور
و راحت طلعت لسيارتها الفراري الصفرا ( خلاص انا بحذف نفسي من العمارة ههه)
طلعت و صارت تتمشى بشارع الخليج و مشغلة أغنية انت معلم لعيسى المرزوق و صايرة تسوق و ترقص و طبعا مسوين لها موكب بس هي مو معطتهم وجه ههههه
-- نرجع لسمر --
سمر : يما اخذي علاوي بروح ادق على رفيجتي قعد يشمخني
ام محمد : انزين هاتي لي إياه
عطتها علي و راحت غرفتها و دقت على رفيجتها
سمر : الو هدووول
هديل : هلا سمور
سمر : وحشتيني ي بت>>ههه
هديل : اقول انجعمي ما تدرين شصار
سمر : شنو فيه شنو الي مكدرج يا حلوة >> دايم تدلع رفيجاتها هع
هديل : شوق ماراح تيي العرس
سمر : ليش
هديل : تقول ابي اخلص رسمتي الله ياخذ هالرسمات
سمر : ههههه صج خليها علي
هديل : لا خليها علي انا انتي دقي على شيخة الخبلة بس تطالع بهالافلام الهندية يمكن نست بعد
سمر اوكي انتي انا الحين ادق على شيوخ مو تنسين شوق ههه يلا باي
هديل : بلي
( أعرفكم على هديل اكيد عرفتوها العاقلة و المرتبة : طولها عادي بشرتها بيضة و عيونها شوي واسعة مو حيل لونهم اسود و رموشها طويلة و كثيفة و شعرها لي اكتافها لونه كستنائي خشمها ضعيف و مرفوع شفايفها صغيرة و مو متروسة ولا ضعيفة عادية بس شفايفها من فوق فرفو شوي لانها مسوية عملية لانها كانت مسوية حادث جسمها عادي مو ضعيف ولا متين بس شوي متين من عند فخوضهما و متحجبة و عادي تلبس بدلات اطباعها : اجتماعية و حبوبة شاطرة و دريسة مرتبة و مأدبة بس لمن احد ينرفزها تلعن خيره طبعا الا رفيجاتها و اهلها تكره المغرورات و المتكبرات على قولتها تسميهم كائنات فضائية معيشتهم المادية عادية و ما عندهم مشاكل هي عرجها سعودي لان امها سعودية و طيبة حيل أمنيتها تصير طبيبة أسنان عندها اخت و اخو هم ثلاثة اختها اسمها هيفاء عمرها ١٣ ،، اخوها مشعل عمره ٩ )
( أعرفكم على شوقاكيد عرفتوها الرسامة و الحالمة : طولها عادي بشرتها بين الأبيض و الأسمر شعرها لي رقبتها كيرلي لونه بني فاتح دايم تخليه مفتوح عيونها عادية لونهم عسلي فاتح حيل خشمها ضعيف و نازل شوي و هاذا محليها و عندها قذلة قصيرة من جدام مخبية جرحها لان عندها كدمة بنفسجية بعدين تعرفون ليش شفايفها قصيرة و عادية جسمها عادي مو ظعيف ولا متين اطباعها : مو اجتماعية حيل بس تحب تتعرف و تسولف هي تحب الطلعات بس لمن أيها الإلهام و ودها ترسم ما تحب تطلع ولا مكان الا لما تخلص الرسمة هاذا هو طبعا الي يكرهونه صديقاتها حلمها تكون كاتبة قصص خيالية عايشة عند جدتها لأنهم لمن كأنو راجعين من دبي سياحة سوو حادث و ماتو اهلها الا هي و هاذي سبب الكدمة و الي مو مخليتها تنسى الماضي و معيشتهم المادية عادية لا فوق ولا تحت)
(أعرفكم على شيخة اكيد عرفتوها الحنونة و الحساسة : قزمة بي أطول من سمر بشوية بشرتها بيضة بس مو ابيض من اسماء عيونها خضرا من امها الاجنبية الي ما تعرف عنها شي رموشها طويلة و خفيفة خشمها ضعيف و مرفوع و شفايفها صغيرة و متروسة من فوق شعرها لين اخر ظهرها لونه اسود ظعيفة عندها اخو واحد الي هو حمد عمره ٦سنين هي عايشة بين ثلث فلل لان ابوها مطلق امها و مو مخليها تشوفها و اخوها حمد من امها و ابوها و ابوها متزوج ثنتين زينة و شيماء و هي عندها فلة وحدة حقها هي و اخوها ابوها رجل اعمال و من اطباعها انها بسرعة تبجي و نادر ما تظحك و كل ما تظحك لازم تكون مع رفيجاتها )
عرفتهم عالبطلات و مثل ما قتلكم ان البارت الاول للتعريف عن البطلات شكرا للي تابعو معاي ادري انه قصير سامحوني و اليايات اكثر

و انشالله تبدأ الاحداث في البارت الثاني
 
البارت الثاني --
-- عند سمر --
سمر : الو شيخو
شيخة بصوتها الناعم الي ما ينسمع : الو
سمر تستعبط : الو في احد هني
شيخة صرخت و هي لمن تصرخ صوتها يكون مثل اي شخص يتكلم عادي : ماللللييييي خللللققققجججج سمووووور شنووو تبييين
سمر : ههههههه المهم الاربعاء الياي تعالي العرس و اذا ما يتي تعرفين شبسوي
شيخة عرفت شبتسوي مثل كل مرة تطلعها فبجامتها جدام الناس هع : خلاص خلاص انزين
سمر : ايه عفية عالشاطرة
--عند هديل --
هديل : اي سمور وافقت بس قالت ان بأجر نشتري ملابس عرس
( ايه صح نسيت اقولكم ان عمرهم ١٩ توهم اول جامعة بس للحين ما بدو لان للحينها بالعطلة الصيفية و ترا شوق و هديل و سمر و شيخة ما عندهم سيارة بس اسماء)
سمر : اي بعدين ادق على اسماء
-- اما عند اسماء --
حست بالملل و قررت تدق على سمر
اسماء : الو سمر
سمر : الطيب عن ذكره
اسماء : اي ادري فيج تحشين فيني المهم عندج شي اليوم
سمر : اممممم لا
اسماء : لبسي ربع ساعة و انا عند بيتكم
سمر : لحظة لحظة انا وافقت
اسماء : ياخي ما عندي رصيد يلا باي
سدت التلفون
و شافت واحد يدق عليها ( من الي مرقمتهم )
اسماء : خير شحقة داق
...: شدعوة لهالدرجة مو ممزجة
اسماء : ياخي تبي الصراحة عندي زحمة بالفون كله شباب و الي اقل عددهم فلوسمحت سكر التلفون و عطني ديليت بكرامتك ( صريحة هالبنت )
سدت عليه
المهم راحت وصلت بيت سمر
شافتها ناطرتها
كانت مسوية عنقوص مثل ما قتلكم ما تحب تفله كانت لابسة جنز شورت فوق فخذها لونه ازرق غامج و لابسة فنيلة وسيعة عليها حقت نقا واصلة فوق الشورت بشوي لونها بنفسجي غامج. و عليه رقم ستة و كانت حاطة عطر سيلفر سنت الرجالي و كان شكلها خوووقاقييييي
ركبت الفراري
اسماء بأستهبال :هلا بو الشباب
سمر تكمل استهبالها : هلا فيك ( مسوية صوت خشن و صوتها يظحك و هو خشن ههه )
اسماء : هههههههههههاي
سمر : وين الوجهة
اسماء : اممم ثري سكستي ولا الافنيوز
سمر : الافنيوز اكيد فيني نقص هيأته ( تستهبل )
اسماء : اوكي ههههه
و طبعا دايسين سرعة و المخالفات اكثر من خمسة يمكن هههه
كأنو حاطين أغنية خقيت لمطرب اسماء المفضل عيسى المرزوق
صدفة شأفته عيني
بشرم الشيخ في ليلي
اويلي بس ي عالم
هاذا انا ابيه
يزينه شايف الروحو
جميلن كامل وصوفو
الله و اكبر عليه
سحرني فيه
اهوا ي ناس
من نظرة بس بدا الاحساس
شعرها طويل
سايب حرير
و بخدها غمازة يا الله
بشرم الشيخ ي ناس
ي زين هالاحساس
عمري غريب
شكله عجيب
يويلي ويلي ويل
الشور مهو شورك
ولا علي من ظروفك
بتكون انت حبيبي
و عمري كله معاك
الشي منقدر نقولو
لا فضة ولا ماس و لولو
شي اجمل و ربي و الرغبة كلها فيك
خقيت انا
و قلبي طاح
اويلي بس
مزيون بزاف
احساس جميل
برشا يا ناس
بديت اغار
اهاوية عاد
بدين اغار
اهاوية عاد
بديت أغار
هواية عاد
-
و قعد يترقصون كأنهم مجانين
اول ما وصلو كل الانظار عليهم و هم طبعا مستانسين من داخل هع بس يسفهونهم. و يسوون روحهم الثقل كله
راحو عند فرايديز
يطلبون
طلبو
و قعدو يسولفون
سمر : هههه اسوم
اسماء : هلا
سمر : لا ولا شي
اسماء : الحمدلله و الشكر انا علبالي عندج سالفة ظحك طلعتي خرطي
سمر : مادري مليت ودي اسوي شي مغامرة لعب شي يعني اوفر
اسماء : تبين نركب سيأكل
سمر : حلفي
أسماء : بس اخاف يوصلون الخبر عند امي صحيح معطتني الصلاحية اسوي اي شي بس كل شي يوصلها و هي قايلتلي اي شي غلط فيه شرطة او مستشفيات راح تعاقبني و تسحب الفراري و تدرين فيني انا و الفراري عشرة عمر
سمر : شكلج انتي ما عندج سالفة ياخي انتي يأخذون الفراري تشترين مليون غيرها
اسماء : بس ما تمشي على امي
سمر : من صج حطيتي الفكرة براسي
اسماء : اقول انتمي ورانا عرس
سمر : اي ذكرتيني بأجر راح تمرين وحدة وحدة و نروح نشتري لبس
اسماء : امممم اوكي الساعة خمس انا فاضية تدرين فيني باجر السبت ووراي سبا فخمس المغرب انا عندكم
سمر : انزين اسماء بكلمة بصراحة
اسماء : يهوو بلشنا جلسة صراحة
سمر : لا من صجي انا شفيج
اسماء : اوكي اوكي قولي شعنذج
سمر : انتي ليش ترقمين شباب وايد ليش مو واحد بس ادري انها عشان تسلية بس ابي سبب مقنع
اسماء : اممم شوفي حبيبتي أوهو في وايد اسباب اكيد علبالج بقولج هم يلعبون و يتسلون مثلي بس انا السبب الي مخليني أوهو ان مافي ريال ينوثق فيه مثل ما ابوي خان امي اكيد بيخونوني بعدين و مثل ما يقولون الدنيا تجارب تذكرين الي كلمته بالفون يوم كان عمري ستعش خاني و انتي الحين تكلمني علالاقل انا احسن من مالج ابيج انتي الي تقوليلي ليش ما تكلمين او تحبين
سمر : امممم مادري احس الحب اخر همي توني بنص الطريج يعني مادري مادري بس احب نظام الي ماله شغل بحد لا شباب ولا بنات احب ان العالم تصير فرندز يمكن متأثرة بالافلام او يمكن لأني احسب كل الشباب نفس اخواني >> ولله ان تفكيرها سليم << لأني يمكن متعودة العب مع اخواني و تعودت عن تصرفاتهم
اسماء : هاذا الي بيخربج صدقيني ترا الله خلق كل واحد بجنسه و لازم يهتم بخلفيات جنس يعني مو بنت تتعود و تخلي خلياتها ذكرية حتى لو ما تقدرين تتأقلمين لازم تعودون نفسج
سمر : واووو يالدكتورة تفلحين تصيرين دكتورة جامعة ولله
اسماء تكش عليها : مالت عليج و انا مصدقة و قعد انصحج صج ما تستاهلين النصيحة الله يعقلج
سمر : انا ما ابي اعقل شلون
-- في بيت هديل --
قاعدين يطالعون تيفي أهي و اختها و اخوها
امها : هديل قصري عالتلفزيون شوي
هديل : اوكي يما بكلمج بموضوع
-- في بيت شوق --
الجدة : شوق تعالي
شوق : هلا ديدة
الجدة : الحين اسماء و سمر دايم ايون بيتي شمعنى شيخة و هديل ليش ما عاجبهم ولا شنو >> و البنت علبالها سالفة هع
شوق : ايه يما هديل امها بس ترظى تطلع يومين بالاسبوع ألي هو الخميس و الجمعة فشنو الخميس تطلع مع اهلها و الجمعة طلعتنا كل اسبوع اما شيخة فهاذي حالة ثاني هي دايما قاعدة مع اخوها ف بس الجمعة تطلع معانا
الجدة : اها لا بس مو تحسبين أني ابي اهذر ايه انا وحدة ابي أسئل >> انزين هي ما قالت لج برري السالفة
شوق : اوكي ديدة بكمل رسمتي لازم اخلصها عشان باجر نروح نشتري ملابس
--عند سمر و اسماء للحينهم بالمجمع--
دفعو الحساب و طلعو من المطعم
سمر : اسوم
اسماء : هلا
سمر :مشتهية باسكن
اسماء : خلينا نروحله عيل
و هم يتمشون عشان يوصلون باسكن روبن
في واحد دعم اسماء بالغلط و صج الولد ما كان يدري
اسماء : هي هي انت ما تشوف عمي
كان معاه اثنين رفيجانه
...: يبا اسفين حقج علينا
اسماء : لا شنو اسفين مفروض تشوف جدامك >> ياخي قال أسف من صج نشبة
.... : قلنا اسفين ليش تحبين تطولين الامور
اسماء : شوف عشان معاك ربعك بطوفها
و راحو باسكن و قعدو في طوالة
سمر : ولله انتي نشبة ههههه بس احسن يستاهلون
اسماء : اي و انتي فشلتينا واقفة ورأي و تظحكين
سمر : ههههه او شسوي الي يشوفج يقول هاذي الا بترقمه
اسماء بخوف : حلفي كان جذي شكلي
سمر : ليش كنتي قاصدة ههههههه
اسماء : اي اوهو مزيون خرا عليه بس صج شكله مأدب لو واحد ثاني اعتقد بيحذفني من الدور الثالث لي الدور الاول
سمر : بس تدرين ليش انخشيت وراج يالخرا
اسماء : اكيد عشان تظحكين
سمر : لا يالحيوانة هاذا جيراننا الي كل مرة العب معاهم انا و بو حمود
اسماء : حلفي ولله انا أشك فشارعكم كل هم جياكر
سمر : لا حبيبتي هاذا بس يبي يقعد عندهم جم شهر و يسافر
اسماء : حسافة كنت مخططة
سمر : لا تصيدج بنت خالته تحبه و تعشقه حتى لمن العب معاه تغار و تيي تلعب معانا من صج يهالو
اسماء : انا من متى فايلتلج لا تلعبين كرة قدم خليج انوثية
سمر : بس لا تتخيلين وايد اوهو ما يرقم ولا يكلم
اسماء : بس ما اطلع اسوم الا لمن اييب راسه
-- عند هديل --
يما تكفين بتمرني بعد شوي بليز بروح
امها : اوكي اوكي خلاص لا تحنين
راحت هديل تلبس لبست جينز ازرق فاتح و فتيلة قصيرة لي فخذها و و الجم واصل لي اخر ايدها الفنيلة شيفرون لونها ابيض و حزام ذهبي. من الف في و حجاب ابيض و كان شعرها شوي طالع و لبست كعب ابيض و الدبوس كان طويلة
-- عند اسماء و سمر --
اسماء : وي تعالي تاخرت على هديل
سمر : اي خلينا نروح بسرعة قبل لا تهون
راحو ووصلو لها بعد نص ساعة
هديل دخلت في قعدت ورأت سكت الباب حيل
اسماء : على هونج
هديل : اي جان اتأخرتي زيادة
اسماء : شدعوة الحين نص ساعة تأخرت انا
هديل : بس عند امي شي وايد
سمر : يبا خلاص لا تتهاوشون خلصونا نفلها و نروح البحر
اسماء : لحظة بنأخذ شيوخ و شوق
سمر : دقيت على شيخةماراح تيي
اسماء : احسن عشان احرها و المرة الثانية تيي غصبا عنها
راحو و اخذو شوق كانت لابسة نفنوف تحت ركبها بشوي و حاطة حزام بيجي و فا شعرها و من تحت مسويته ويفي و لابسة فلات بيجي و حاطة قلوس وردي كان شكلها كيوت
دخلت السيارة ووصلو البحر
كانو يتمشون
ولا واحد قعد يراقبهم من بعيد و عجبته هديل يمكن عشان هي الوحيدة المتحجبة
راح لهم
.. : السلام
البنات : وعليكم السلام
اسماء : خير شتبي يالاخ >> ملقوفة ياخي
.... اشر على هديل و حط الرقم بيدينها و قالها دقي علي و راح
-- انتهى البارت --
هل هديل بتدق عليه ؟
سنو قصدها اسماء وهي تقول بييب راسه؟
و ليش جذي شيخة مدمنة بالرسم؟
سمر متى بتترك عاداتها الصبيانية؟
شوق لي متى بتظل على حالها؟
اشوفكم في البارت الثالث
 
بارت حلو وحماسي
كملي ربي يوفقج
التوقعات
هل هديل بتدق عليه ؟؟
احس ايه بس تشبع فضولها لا أكثر ولا اقل يعني بتشوف ايش يبغي منها
 
عودة
أعلى