12

روايتي الاولى : حور عيني

روايتي الاولى - رواية قصة لم تكتمل ارسال إلى Twitter ارسال إلى facebook
  1. الوردة الملكية
    29-07-2015, 08:32 PM

    روايتي الاولى : حور عيني

    روايتي الاولى : حور عيني


    السلام عليكم ورحمة الله و بركاته
    اعطيكم روايتي
    حور عيني
    أرجو عدم النقل الا بذكر اسمي
    ،
    ،
    ،
    ،
    البارت الاول
    المقدمة :
    انا لي قصة بحكيها حكاية حب اودعها بقول اللي حصل فيها وابي العشاق تسمعها
    احب انسان ناسيني ولا فكر يهنيني يجازيني بهجرانه وينزل دمعي من عيني
    انا لي قصة بحكيها حكاية حب اودعها بقول اللي حصل فيها وابي العشاق تسمعها
    احب انسان ناسيني ولا فكر يهنيني يجازيني بهجرانه وينزل دمعي من عيني
    هويته وكان لغيري حسب لي يموت بقلبي ويحبني
    عشقته وتهيألي يبقى لي لكن راح وفارقني
    ترا هو كان خلاني وشايل همي واحزاني
    يعيش بيومي كل لحظة مصيبة ايش لون يناسني
    انا لي قصة بحكيها حكاية حب اودعها بقول اللي حصل فيها وابي العشاق تسمعها
    احب انسان ناسيني ولا فكر يهنيني يجازيني بهجرانه وينزل دمعي من عيني
    ابي خلي يرد لي شي سويته بعد هجره انا مليت يرجعلي غرام سنين عانيته
    سمعتوا الحين قصتنا وفرحتنا ودمعتنا واكيد الكل مستغرب تهون ايش لون عشرتنا
    ،
    ،
    ،
    ،
    ،
    تحديدا قبل ٢٠ سنة
    ام نواف دقت على حورية : حورية ( و تسوي حروها تبجي )
    حورية : الو هلا خالتي
    ام نواف : نواف سوى حادث و توفى
    اقوى صدمة لحورية
    حورية
    حورية
    حورية
    حورية قومي
    حورية الساعة ٦ الصبح
    حووورررية بسج نوم
    حورية قعدت : ويني الحين ( و تحط ايدها بجبهتها ) اخخ راسي يعورني
    شوق اختها : انتي بالمستشفى مبروك على قعدتج
    حورية : ليش شصاير
    شوق : ما تتذكرين ولا شي
    حورية : لا ما اتذكر ولا شي شصار
    شوق : نواف
    حورية : منو نواف
    شوق : من صججج ما تتذكرينه
    حورية : ايه ما أتذكره
    شوق فكرت ان ما تقولها السالفة عشان ماتصير لهم سالفة
    شوق : شنو اخر شي تتذكري
    حورية : ابوي يوم مرته تطردنا من البيت و اجرنا شقة و بس و انا اشتغلت سكرتارية بشركة و انتي للحينج بالابتدائي
    شوق : ايه بقولج بس ما تزعلين
    حورية : قولي شنو
    شوق : انتي صارلج تقريبا ست أشهر و انتي بالغيبوبة
    حورية : صجج ؟!
    شوق : ولله
    حورية : يعني حسافة طالعين ميلادي
    شوق : ههه هاذا الي تفكرين فيه
    حورية : اي هاذا يلا الحي بتدشين أولى ابتدائي ولا ثاني
    شوق : اصلا اصلا عادي الصغر ما يهم اهم شي العقل
    حورية : هههه يلا قولي وين بتدشين
    شوق : ثانية ابتدائي
    حورية : مشالله صار عمرج ٧
    شوق : لا ٦ مو ابوي دششني مبجر
    حورية : صح صح
    فجأة دخل عليهم شاب بالاربعينات
    حورية : يبا !؟
    ابوها : لا تفكرين أني يايج اترجاج تسامحيني لا حبيبتي انا ياي اقولج ان ملجتج و عرسج بأجر
    حورية ؛ لا يبا انا قتلك ما ابي اتزوجه واحد سكير
    ابوها : و منقال باخذ رايج
    طلع ابوها و صارت تبجي ايهي و شوق
    حورية : شفتي ابوي قلتلج أوهو اهم شي عنده الفلوس ما يهمه بناته
    شوق : ادري ادري ( و يكملون بجي ليمن نامت حورية )
    صار اليوم الموعود الي تتزوج فيه حورية و تقبلت انه زوجها معنا سكير و مرات اييب بنات في البيت
    صار صار سنة علا زواجهم و حورية صارت حامل بس الصدمة الثانية ان دقو عليها المستشفى و قالو زوجها توفى
    و ودلت حورية و طلعت بنت سمتها حور و أخذت ورث زوجها الي هو ١٥ مليون دينار و شكرته صارت تشتغل المديرة فيها و عاشت هي و بنتها و اختها شوق في الفيلا ماله بعد مرور ١٩ سنة ألي هو الوقت الحالي٢٠١٥
    صار عمر حور ١٩ سنة اوصفلكم اطباعها و شكلها : بيضة بياض الثلج و فمها متروس بس صغير عيونها عسلية فاتحة عليها خضار بارز شعرها اسود لون الفحم لي خصرها ظعيفة و قزمة و متحجبة لأكن ما تلبس نقاب ولا عباية تلبس الي تبيه بما عندهم ملايين و رموشها طويلة و خفيفة و خشمها سلة سيف و خدودها بسرعة تحمر لمن تنحرج طبعها مرتبة و نظيفة مأدبة بس الي يقل أدبه عليها تاكله بلسانها فلاوية و تحب الوناسة كسلانة بالدراسة دايما تطلع مع خالتها شوق و صديقتها مريم و تكره شي اسمه ريال و تكره الشباب ما تؤمن بالحب
    شوق اخت حورية خالت حور : طولها عادي متوسط حنطية شعرها لي ظهرها بني غامج عيونها عسلية شفايفها مهروسة من الطبقة الي فوق و متوسطة و عيونه ناعسة و رموشها طويلة و خفيفة و جسمها ظعيف بس عندها كرشة صغيرة عمرها صار ٢٦ يعني مثل اخت حور حتى حور ماتقولها خالتي و هي تشتغل مدرسة انجليزي في المتوسط طبعها طيبة و رومانسية تحي كل شي مرتب و نظيف تحب تقرة كتب رومانسية
    حورية صارعمرها٤٢
    انتهى البارت توقعاتكم للبارت الثاني
  2. _7mdooo
    29-07-2015, 09:36 PM

    رد: روايتي الاولى : حور عيني

    روايتي الاولى : حور عيني


    روعة وايد وأيد حلوة كمليي
  3. Ђŋt ą ßσЎ
    29-07-2015, 09:54 PM

    رد: روايتي الاولى : حور عيني

    روايتي الاولى : حور عيني


    حلوه موفق
  4. smile123
    29-07-2015, 10:19 PM

    رد: روايتي الاولى : حور عيني

    روايتي الاولى : حور عيني


    بدايه موفقه
  5. منول والقمر مجهول
    30-07-2015, 05:50 AM

    رد: روايتي الاولى : حور عيني

    روايتي الاولى : حور عيني


    كملي عيوني نستناك
  6. الوردة الملكية
    30-07-2015, 10:13 PM

    رد: روايتي الاولى : حور عيني

    روايتي الاولى : حور عيني


    مشكورين عالمرور و أتمنى تعجبكم روايتي و راح أحط البارت تقريبا بعد نص ساعة او ٤٠ دقيقة
  7. الوردة الملكية
    31-07-2015, 12:00 AM

    رد: روايتي الاولى : حور عيني

    روايتي الاولى : حور عيني


    البارت الثاني :
    المقدمة :
    هل الحب مقدر ؟ ام ان الانسان يختار من يحب ؟
    نزلت و هي تركظ من عن الدرج
    حورية : حوري ( دلعها حوري ) شفيج تركظين على هونج ما راح تطير الجامعة
    حور : يما اول يوم لازم اسوي روحي مصطفى جدام الدكاترة
    حورية : لا ولله يعني اول يوم تصيرين مصطفى و ثاني يوم بتصيرين شنو أنشالله
    حور : يما قتلج انا رسامة ( تعرف ترسم عدل )
    حورية : صدقيني ما تنفعج الا دراستج
    حور : اوكي يما وين شوق خلها توديني
    حورية : ناطرتج برا
    حور ( تبوس راس أمها ) : يلا باي اشوفج .. و فجأة رجعت ... ايه يما راح اتغدى مع رفيجتي مريم
    حورية : شوق بتروح معاكم
    حور : أكيد ،، يلا باي ماما مافي اتأخر
    حورية : الله معاج
    -- في سيارة شوق و هم بإقليمه ربع ساعة و يوصلون --
    حور : شوفو بليز قولي حق مام تشتريني سيارة انا الوحيدة الي ماعندي انتي و مريوم فالينها و تطلعون متى ما تبون
    شوق : قعد احاول بس أهي مادري ليش خايفة عليج جذي اقول تسوي حادث بعدها تقول يتحرشون فيها شباب و تقعد تقي اعذار
    حور : لا شكلي انا بذبح نفسي بأيدي جد مدري ليش خايفة علي حتى لمن رافقت مريم بالمتوسط تخيلي طلعت سجلها و شجرة عايلتها بس عشان ارافجها
    شوق : ههه ايه اذكر من صج امج مو صاحية
    حور : ههههههههه
    -- وصلت حور و شوق راحت شغلها --
    حور كانت لابسة جينز ازرق فاتح و بدي ابيض كمه طويل و لابسة جاكيت جنز حفر و فوقه سكارف برتقالي و اصفر فسفوري و لبست حجاب ابيض و كعب ابيض و خذت جنطة بيضة و مربط عليها شال من عند المسكة باللون الوردي الفسفوري و هي من طبعها ما تحط مكياج لانها تحس انه لوعة جبد يعني بس تحط قلوس فهي حطت قلوس وردي قاتح
    راحت و مالقت مريم لانهم مفروظ يتقابلون بالكوفي الي بالجامعة ( بجامعة الكويت هي و مريم داشين كلية التربية )
    فقعدت حور بأحدى الطاولات
    و قعدت نص ساعة و للحين مريم ما يت
    اتصلت عليها
    مريم : هلا حور في شي
    حور : يالكلبة صارلي ساعتين قاعدة بستار بكس وينج
    مريم : هههه اي صارلي حادث و صارلي ساعة أتهاوش مع البنت صج قليلة ادب
    حور : مسوية حادث و تظحكيني
    مريم : شفيج اخوي بيوصلني كانا الحين بنوصل
    حور : ايه علبالي
    مريم : كلمتي امج اليوم بنتغدى مع شواقة
    حور : ايه قالت اوكي
    مريم : ومأساة صارلنا جم أسبوع ما طلعنا مع يعظ
    حور : انزين انزين يلا تعالي بسرعة
    مريم : اوكي
    ربع ساعة ووصلت مريم
    اوصفلكم مريم : عمرها ١٩ طولها متوسط مو متحجبة شعرها اسود لي اكتافها بيضة عيونها بني غامج شفايفها متفو من فوق شوي لانها حاطة تقويم تحت و فوق رموشها طول وكثيفين و ما اقول ان مريم نحيفة لا هي جسمها عادي لا نحيف ولا ظعيف بس شوي خدودها مربربة و حنجها صغيرون
    و كانت ليقينز تايقر و فنيلة سودا مكتوب عليها بينك بالانجليزي لونه تايقر و كانت مسوية شعرها عجفة فرنسية ع جانب و لابسة كعب اسود و كانت حاطة الحمرة الحمرا الصارخة و بلاشر اضاءة و كانت لابسة اكسسوارات من جوسي كتور و حاطة سكارف تايقر ع رقبتها و كانت ماخذة بوك عريض اسود من تيد بيكر و الماركة مكتوبة عليها باللون الذهبي
    وصلت مريم و قعدت مع حور بالطاولة : كأني وصلت
    حور : ما بغيتي
    مريم : راح تسحبين عالمحاضرات اليوم
    حور : و من ويلنا سيارة أنشالله انتي سيارتج بالكراج مو
    مريم :ايه بس اخوي مكفي و موفي أهو يمنا بتخصص إدارة اعمال
    حور : لا فشلة شنو تبيني اركب مع ريال ما عمري سويتها
    مريم : ولله مادري من ركب معاي مع حسون بالسيارة ( مريم تكلم شباب )
    حور : اقول لا تحطينها برأسي وقدتها انتي هددتيني و قلتي راح اقول حق خالتي حورية انج مهربة من المدرسة و تعالي شلون تذكرتي السالفة ترا شخباري صارلها سنة
    مريم : و اي مو تقولين بعدين ولله رفيجتي دلخة على قولة هل السعودية
    حور : واي فديتهم هل السعودية ادب و اخلاق مو مثل شبابنا طالع له شيب و يروح يرقم
    مريم : شحبك لهم لا يكون بتاخذين واحد سعودي
    حور : جان زين يا بخيت لو أخذ سعودي و اتكسخ فيه جدام الجامعة بس أمي المشكلة ما راح تخليني لأن ما تبيني ابعد عنها سانتي واحد
    مريم : لا وجنتي مخططة انزين انا و شوق ما فكرتي فينا
    حور : اخر همي انتو بس يمككككن أخذ معاي شواقة
    مريم : مشالله و انا وين رحت لا حبيبتي لو وزوجتي سعودي بخطفج من العرس مستحيل تبعدين عني و تعالي انتي مو قلتي تكرهين الشباب بس أكيد تحلمين مليون من وراي
    حور : اي اذكرهم بس ما يمنع أني اتزوج أمي علمتني الحب بعد الزواج و انا ماحب الخرابيط أحبك و تحبني ويع وين قاعدين الحمدلله انا انسانة مثقفة
    مريم : شتقصدين يعني انا مو مثقفة
    حور : لا ما اقصد بس ولله ترا ما راح يفيدونج و كأني قلتلج حتى لو تزوجني واحد تكلمينه بالتلفون راح يشك فيج بعد الزواج انج تكلمين واحد مثل ما كلمتيه قبل
    مريم : وع تبيني اتزوج الهيلق الي معاي بالفون وع تراهم تسلية و ادري ولا واحد منهم حبني و حتى لو حبني مستحيل اتزوج واحد كلمته بالفون بأجر يعايرني
    حور : كفو يالعاقلة
    مريم بأبتسامة : كفوج الطيب
    حور : انزين مريم شنو فارس أحلامك ملانة و ما عندي شي اقوله
    مريم : امممم ابي واحد يقدر دفاشتي
    حور :ههه كملي
    مريم : يكون مزيون و راضية فيه لو مملوح اهم شي مو جيكر
    حور : اي و بعدين
    مريم : ابيه يكون مثل مستواي المادي
    حور : ايه
    مريم : و ابيه فلة نفسي و صوته حلو
    حور : واو من وين بنيب لج واحد عنده كل هاذا
    مريم : ولله عاد لو انشالله نملو الرجاجيل عند بيتنا ماراح اقبل الا بكامل شروطي
    حور : انا غير عنج
    مريم : شلون يعني تبين جيكر
    حور : لا و ماقلت ابيه حلو شوفي انا ابي واحد مملوح و طويل اكيد و رومانسي و يحب الكتب الرومانسية نفسي و يتحمل المسؤولية و ما ابيه يكون مقعد ابيه يكون فاهم الحياة عدل و مابيه يكون شكاك
    مريم : تدرين ان كل شروطج هاذي سهلة من كثر ماهي سهلة ودي ادخل تفاحة بخشمي >> هالبنت ماكلة شي الصبح ولا يتهيأ لي
    حور : ولله انا مو مثلج لي علبالج ألي عنده نفس الشروط الي تبينها بيوافق عليج مادري قايليلج انج مارلين مونرو و انا مادري
    مريم : وع مالقيتي غير ملكة جمال العالم ترا ولله انها مسوية مليون عملية تجميل قبل لا تعلن شكلها حتى شفت صورتها الحقيقية شكلها متين و شعرها اسود و خشمها شكبره
    حور : انشالله تسوي مليون عملية تجميل راح تظل بعيني اجمل نساء العالم
    مريم : هيييه شفيج قلبتي بوية شفيك يا بوسعد
    حور : اقول اكلي تبن تدرين اني ماواطنهم انتي تشوفين جمال بس الوجوه خداعة
    مريم : هههه انا خليني علي اكلمهم أحسن
    حور : اقول انا بستعير كتاب من المكتبة الي يمنا و اييلج
    مريم : اوكي انا ناطرتج مو تتأخرين
    راحت حور المكتبة و قعدت تدور كتاب و شافت كتاب رومانسي اسمه قانون الحب أخذته ولا قبل لاتاخذه جت أيد أسرع منها و اخذته
    حور : لو سمحت انا كنت بأخذ الكتاب
    .... : كنتي بتاخذينه يعني الحين أوهو بأيدي
    حور : قعد اكلمك بأحترام رجعلي الكتاب
    ..... سفهها و راح يقعد عالكرسي ولا همه
    اما هي انفجرت من العصبية
    حور راحت لطاولته : هييييه لا تسفهني لأنك مو عارف انا منو
    .... : انتي ابشع ما خلق ربي
    حور عصبت اكثر و اكثر : احترم نفسك و انا ماخذيتهم رايك بشكلي فألزم حدودك
    ..... : انتي الي سئلتيني و انا جاوبت
    جت وحدة من بعيد : فهوووود بدا الاجتماع تعال
    حور تقلدها بصوت يظحك : فهوووود بدا الاجتماع تعال ( و ترجع لصوتها ) شكلك واحد مو متربي و تلعب بالبنات
    و راحت تبي تمشي ولا يمسكها و ......... انتهى البارت ....
    توقعاتكم للبارت الثالث
  8. smile123
    31-07-2015, 01:40 AM

    روايتي الاولى : حور عيني

    روايتي الاولى : حور عيني


    تسلمي البارت حلوه
    متى مواعيد حق تنزيل البارتات
  9. الوردة الملكية
    31-07-2015, 02:06 AM

    رد: روايتي الاولى : حور عيني

    روايتي الاولى : حور عيني


    المشاركة الأصلية كتبت بواسطة smile123
    تسلمي البارت حلوه
    متى مواعيد حق تنزيل البارتات
    الله يسلمج
    ولله للحين ما حددت بس على اول خمس بارتات اذا شفت فيه تفاعل راح احدد
    و شكرا عالمرور
  10. منول والقمر مجهول
    31-07-2015, 09:46 AM

    رد: روايتي الاولى : حور عيني

    روايتي الاولى : حور عيني


    واي ابداع احس فهود ذا أخو مريم صح ولا لا
    كملي ربي يوفقج >>>متاثره
    نستناج
12