( دمعة الشوق ).. امرحي يادمعة الشوق في عين الحزين

شيلة, نشيد, انشودة للمنشدين ارسال إلى Twitter ارسال إلى facebook
  1. غدير الود
    30-04-2015, 03:39 PM

    ( دمعة الشوق ).. امرحي يادمعة الشوق في عين الحزين

    ( دمعة الشوق ).. امرحي يادمعة الشوق في عين الحزين


    امرحي يادمعة الشوق في عين الحزين

    كلمات : عناد الشيباني اداء : عزيز المغيري ؛ فايز العتيبي

    كلمات الشيله

    امرحي يادمعة الشوق في عين الحزين .. العرب ما تعذر العين رغم ظروفها
    كل ماهليت من سحب شوقيي دمعتين .. شفت قوم بالملامه تسل سيوفها

    ضعت ما بين المشاريه والجرح الدفين .. وقامت الذكرى تعرض على طيوفها
    كني لي حاجة في يديدن الحاسدين .. ماجداها الا يوايق لها ويحوفها

    مل صبري من كثر ماسمع بكرة تزين .. جيت يا بكرة وجيتك صرت اعوفها
    وقفتني بعض الاقدار مكتوف اليدين .. بري حالي من قساها وحر صدوفها

    كل ما نامت ضلوعي صرخ حب سجين .. قامت الدنيا توريه عرض كتوفها
    ودي ابكي بس خايف من الخافي يبين .. ولا ذبحني غير دمع العيون وخوفها

    تعزف العبره لحنها على حبل الوتين .. وقبل تنطقها عيوني تحبس حروفها
    والحنين الصدق ماهو عشان الراحلين .. نعمة النسيان ما ينجحد معروفها

    والله ان اشد واقسى محطات الحنين .. حاجة ماهيب في يدك بس تشوفها



  2. *مزون شمر*
    24-05-2015, 08:10 AM

    رد: ( دمعة الشوق )..

    ( دمعة الشوق ).. امرحي يادمعة الشوق في عين الحزين


    نقل للقسم الانسب
  3. طير القوافي
    03-06-2015, 02:08 AM

    رد: ( دمعة الشوق )..

    ( دمعة الشوق ).. امرحي يادمعة الشوق في عين الحزين


    الله الله ياحلوها
    تسلمين على الذوق المميز
    شكرا لك