عالم وهمى بقلم الشاعر محمد أسامه بهجات


عالم وهمی ......

للشاعر

محمد أسامه بهجات

عالم وهمی لكنه غريب

بنقابل ناس و نعرف ناس

و بعيد عنا نحسه قريب


نحب و نكره

ويوم بيعدی

نستنی لبكره

و نكمل تانی

و نعرف تانی

إن الدنيا مهما فيها الفرح يغيب

إياك لحظه تسلم ليها

ولا لحقك مره تسيب

غير نفسك

جدد خططك

عيش حياتك

إياك مره للحظ تعيب

لأن الحظ مش موجود

دا كلمه نقولها و فيها نعيد

ربك يعطی الواحد منا

بعمله و نية قلبه الصافيه تجيب

تجيب وياها الخير كله

حتی فی وقت الشده بتنفع

ربك هو إللی يمشيها

و فی عز الظلم تلاقی حبيب

بينورلك كل طريقك

وينسيك الماضی كمان

و يعليك بكل زمان

و يقربلك بعد ما كنت غريب

عالم وهمی لكنه جميل

بينسينا الحزن لفتره

و يخلينا نعيش اللحظه

بس الأذكی إللی ما ينسی

إن بره فيه عيشه تانيه

و إيه المانع إن يكمل

و يخلی حياته تبقی دليل

دليل الحب

دليل الصدق

و إحترامه ما بين الناس

بيخلی الكل يفكر فيه بكل جميل

عالم وهمی لكنی بحبه

عرفنی بناس أحسن بكتير

من ناس تانيه عشت معاهم

ما فی تتغير ......


عن ...... الانترنت كنت أتحدث ...

ما أقصده ...
علينا أن نعرف ماذا نريد
وأن نعامل الله قبل أن نتعامل مع الناس
و أن نحترم الاخريين
فما أجمل أن نكتسب حب أشخاص لم نراهم ولم يرونا

نقلا عن صفحه

الشاعر
محمد أسامه بهجات