123

رواية:من جنونج حبيتج~اماراتيه

قصة كاملة - رواية كامله جميلة للكاتبه ارسال إلى Twitter ارسال إلى facebook
  1. بنت العـين..
    04-02-2015, 03:54 PM

    رواية:من جنونج حبيتج~اماراتيه

    رواية:من جنونج حبيتج~اماراتيه


    السلام عليكم
    بنزل لقطات من البارت الاول واذا في حماس ببدا انزل الروايه
    ..............
    #فتحت عيونها ببطئ ،نزلت دمعة حاره على خدها الناعم

    #:انا وانت ورانا اهل و اكيد مابيوافقوا اماحمود"وسكت"

    #البنت ابتسمت:ابي اتعرف عليج اذا ممكن

    #:شوف ريم من متى تضحك وتسولف

    #:بصراخ:يما


    فديتش اختي uae_E_alj
  2. UAE_E_Alj
    04-02-2015, 03:57 PM

    رد: رواية:من جنونج حبيتج~اماراتيه

    رواية:من جنونج حبيتج~اماراتيه


    حماس وربي يلا أبدي بالبارت الاول بسرعه


    فديتش بنت العين
  3. UAE_E_Alj
    04-02-2015, 04:13 PM

    رد: رواية:من جنونج حبيتج~اماراتيه

    رواية:من جنونج حبيتج~اماراتيه


    وينها الروايه
  4. Mahwoia
    04-02-2015, 04:35 PM

    رد: رواية:من جنونج حبيتج~اماراتيه

    رواية:من جنونج حبيتج~اماراتيه


    نزلي البارت
    ومن.نقرها راح نحكم
    ........
    بس أكيد الروايه نايسيه من عنوانها ....
  5. ميمي روز
    04-02-2015, 05:10 PM

    رد: رواية:من جنونج حبيتج~اماراتيه

    رواية:من جنونج حبيتج~اماراتيه


    جاري انتظار البارت لا طولي علينا ي الغلا ^^


    لا اله الا الله محمد رسول الله
  6. بنت العـين..
    04-02-2015, 06:51 PM

    رد: رواية:من جنونج حبيتج~اماراتيه

    رواية:من جنونج حبيتج~اماراتيه


    روايه(كثر جنونج حبيتج)$"روايه اماراتيه"
    روايه من واسع خيالي رومانسيه وفيها المغامره والحزن والسعاده ~
    ....................
    فتحت عيونها ببطئ ،نزلت دمعة حاره على خدها الناعم ،بدت شهقاتها تنسمع بوضوع:لييييش ليييش راح وخلاني ليش
    يبا
    دخلت امها بسرعه و على طول حضنت بنتها الوحيده:اهئ بس يما بسج صياح حرام انتي تعذبي ابوج الغالي فقبره
    صاحت اكثر:يما اريد ابوي
    امها دمعت عيونها:مايصير جذي انتي تعذبيه شوفيني تحليت بالصبر كلنا ماشين فهالطريق يلا قومي غسلي ويهج ونطلع المول تغيرين جو
    حاولت تمسح دموعها عسب امها:يما احبج
    امها: وانا احبج يبنتي صارله متوفى ابوج ثمان شهور لا تعذبيه وريحيه
    تنهدت وحاولت تبتسم:ان شاءالله
    ابتسمت امها بحزن مكتوم:يلا قومي غيري ملابسج
    وطلعت امها
    وقفت وتنهدت:لازم اعيشج يالغاليه احسن عيشه
    ........................................
    في مكان ثاني (دبي مول)
    ضحك :من صدقكم
    ابتسم:والله مانجذب عليك
    ضحك اكثر:يعني بنت عطتكم ذيج العين ههههههههههه
    بسخريه:جب جب خف علينا الي يسمعك مطيح بنات دبي
    وقف وهو يضحك:اييي بس ماعطيهم وييهه وراح عنهم
    صرخ:حموووووود تعال ع وين
    محمد من بعيد:البيييييت
    ابتسم:اقول خالد
    خالد:هاه
    ضحك:شفيك هاه قول امر
    خالد:نعم ي فويصل
    فيصل:شرايك نحدر العين ونعيش هناك وندرس فجامعه الامارات
    خالد فتح عيونه متر:نعممم
    ضحك فيصل:عادي وكل ويكند نرجع هني ونسلم ع اهلنا ونيلس معاهم الويكند كله
    خالد:انا وانت ورانا اهل و اكيد مابيوافقوا اما حمود"وسكت"
    ابتسم فيصل:عادي حمود حلوه حياته ومافي حد يسال عنه ومرتاح يعني بيوافق بس انت شاور اهلك وبندرس فالعين
    خالد بتفكير:اوكي
    ........................................
    دخل البيت وتنهد:ميييييري ميييييري
    دخلت الصاله:نعم سير(سيد)
    يلس محمد على الكرسي:هاتي كولا
    ميري:طيب سير وراحت
    محمد تنهدت :اه وربي اشتقتلكم ربي يرحمكم ويغمد روحكم الجنه
    :امييين
    لف وضحك:سلووم من متى وانت هني
    سالم ابتسم:من الصبح
    محمد:والله! واهلك اتصلتلهم ولا ههههه لا يقولو ربيعك خربك
    ضحك سالم:افا عليك كلمتهم
    محمد:اي اشوا بعد
    يلس سالم:عيل وين خلود وفويصل
    محمد:ف دبي مول هههههه خليتهم ورجعت
    سالم:من يومك نذل
    غمز محمد:طالع عليك ههههه
    سالم:شو دراستك
    محمد:خف علينا أونك عاد متزوج وتسال وحركات
    ضحك سالم:رد ياخي
    محمد:والله عال العال
    سالم:شد حيلك الا سنه وتخلص
    محمد:منو يصدق عمري٢٣
    سالم:وربي جنك بتدخل٢٠ههههههه
    ع دخلت خالد وفيصل محمد:فدا يا انا
    فيصل وخالد وسالم:هههههههههههههههههههههههههه
    محمد:عسى ماشر
    ........................................
    فالعين
    تعبت حست انها شرت المول كله:يما ردينا البيت
    امها ادز العربانه:بعدنا يما بس باقي ميك اب لج
    ابتسمت:مانسيتي حفله التخرج
    امها:ومنو ينسى حفله تخرج بنته الوحيده
    ضحكت شوي:فديتج يالغاليه
    امها:ريم حبيبتي تعالي نشوف هذا
    تنهدت ريم ودخلت مع امها
    وهي داخله دزت بنت من جتفها(بالغلط)
    البنت:عمىىى ماتشوفين
    ريم:السموحه الغاليه
    البنت ذابت ع بحه ريم:عادي فديتج
    ريم"اعوذ بالله توها بتذبحني":تأمرين ع شي
    البنت ابتسمت:ابي اتعرف عليج اذا ممكن
    ريم ابتسمت بحب:من عنوني فديتج وعطتها بنها وراحت البنت
    ام ريم كانت تختار ميك اب
    دخلت ريم بسرعه:ها يما لقيتي
    ام ريم:هذا ذوق ومره حلوه
    ريم:ع البركه ناخذه
    ام ريم ابتسمت وخذوه
    وهم طالعين من المول
    ام ريم:متى الحفله بضبط يعني ع ساعه كم
    ريم:عقب يومين ع المغرب جي٦او ٧
    ام ريم:حلو يلا توكلنا
    ........................................
    فيوم جديد
    ف بيت محمد(دبي)
    محمد:حلو متى نروح
    خالد:اليوم وترى الوالد يالله يالله وافق قال بس عسب دراستك
    فيصل:هههههه اما انا امي سوت سالفه فالبيت بس فديت اخوي الكبير فهمها والحمدلله
    محمد:الحمدلله..لف ع سالم..بشتاقلك ومن اشتاقلك بيي دبي
    سالم ابتسم:عزيز وغالي فديتك عندي فسناب جات و بينا تواصل ان شاءالله
    محمد:فديتك ياخي ربي يخليلك حرمتك وبنتك
    كلهم ضحكوا
    سالم:امييين بس شدخلهم بسالفه ي اهبل
    محمد:ماعرف هههههههههه
    ....................
    اليوم الثاني فالعين
    ف جامعة الامارات ي
    دخل الكلاس بحماس:سلام عليكم
    كل الكلاس من بنات وأولاد لفو عليه والاستاذ:وعليكم السلام
    الاستاذ:انت جديد
    ابتسم ووقف مقابل الاستاذ:هيه نعم اسمي محمد المنصوري
    الاستاذ:هلا فيك اجلس اخر مقعد
    مشى محمد وشاف بنت جدام مكانه ويلس
    بدت الحصة والأستاذ يشرح
    همست حق ربيعتها وهو سمعها :اريد اطلع ضروري
    ربيعتها مريم:بس يا ريم باقي ساعة ع ماتخلص المحاضره
    ريم:بس ضروري لازم اروح أودي امي عندها موعد
    محمد همس وهو وراهم:انا اعرف ادبرها
    لفت عليه ريم وهو تجمد من حلاتها:نعم!
    محمد فز قلبه:بساعدج بس الي بسويه لاتزعلين منه بيكون مقلب وانتي طلعي بسرعة
    ريم بحيا:اوكي
    وقف محمد وعله صوته:استاذ زياد
    الكل لف عليه حتى ريم
    الاستاذ:نعم
    محمد:شوف ريم من متى تضحك وتسولف
    انصدمت ريم وبغت تضحك
    الاستاذ:نعم تقصد ريم الي قدامك
    محمد:هيه نعم تضحك من متى
    وقفت ريم:جذاب وطلعت بسرعة
    ابتسم محمد وارتاح نفسيا انه ساعدها وطلع وراها
    الاستاذ:نكمل...
    طلعت بسرعه وقفها صوت محمد
    محمد:ريم
    وقفت وتجمدت مكانه ولفت عليه:هلا
    محمد:اوكي اشكريني قبل
    ريم بخجل:اسفه احم شكرا
    محمد ابتسم:العفو ولو اممم عندج بيبي
    ريم فتحت عيونها:نعممم
    محمد حك شعره بتسليك:هاه لا ولاشي وراح بسرعه
    ريم:صج متفيج واللللله وراحت
    .............................
    كانت تحس نفسها مقطوع حاولت توصل للتلفون بس سمعت صوت الباب ينفتح
    :يما
    ام ريم:هن ي
    ريم بخوف وقربت ومسكت أيد امها:يما شفيج تعبانه فيج شي
    ام ريم ابتسمت بتعب:خلينا نروح الموع د
    ريم:اوكي
    بعد نص ساعة في المستشفى
    الدكتور بابتسامه:لا الحمدالله صحتج احسن عن قبل
    ام ريم:يعطيك العافيه دكتور
    ابتسم وراح عنهم
    ريم:الحمدالله يعني ماراح تستخدمين جهاز الربو!
    ام ريم:اذا تعبت بس الحمدلله ماراح اتعب نفس قبل
    ريم:الحمدلله
    .................
    مرت ايام حلوه ع البعض وأيام حزن ع البعض
    كل بيت ومشاكله وافراحه
    السعاده !
    الحب!
    الحزن!!!
    .................
    في يوم الخميس ،فليل
    في صالة ممزوجه برائحة العطر ،الورود ع بساط الأحمر
    اجواء الفرح،ضحكات البنات ،والابتسامة لم تفارق اي ام
    بهذا التقدير المتفوق

    باقة ورد معبقة

    بعبيرها الفواح

    نهديها لك في يوم

    نجاحك المنتظر

    نسأل الله لك التوفيق

    والسداد في الدنيا والخرة..
    كانت واقفه مع صديقاتها
    بحماس:اخيييييرا بنتخرج
    ضحكت:هيه بس ترى لازم نتجمع كل اسبوع فبيت وحده منا
    شرايج ريم
    ريم ابتسمت:هيه حلو الا اقول بنات متى بنخلص
    مها:شوي وبنبدا
    تسكرت الليتات "الأنوار"البنات في اماكنهم المحدد ،والامهات مقابل البنات
    تقدمت المدير وقالت بابتسامه:السلام عليكم، تبسم القلب للزوار والنظر فمرحبا إننا بالحب نفتخر
    تهللت مدرستنا شوقا لمقدمكم أحبابنا طالت الأيام ننتظر
    هذا اليوم وهذا جل مقصدنا بذل العطاء لمن زاروا ومن حضروا.
    بدوا الامهات بالتصفيق والابتسامة والدموع
    ريم بهمس:انا بقول شي ترى بس من ينادوني
    وبدات المدير بالتكريم واخر اسم:ريم محمد الشامسي
    تقدمت ريم وامها معاها وخذوا شهاده تقدير مع ورد
    ريم:أستاذه بقول شي
    المدير:تفضلي
    ام ريم ابتسمت وراحت مكانها
    ريم:احم سلام عليكم حبيت اقول ان نجاحي كله من الغاليه امي ،هي اهتمت فيني وانا وصلت للتخرج من دعائج يالغاليه
    ربي يخليج لي ولايحرمني منج
    الكل بدا بالتصفيق وتقدمت ام ريم وضمت بنتها الوحيدة
    ومر اليوم بإحلى الايام لهم
    ....................
    هذه بداية روايتي
    بداية هادئة وتبدا الاحداث هنا ؛)


    فديتش uae_E_alj
  7. UAE_E_Alj
    04-02-2015, 07:22 PM

    رد: رواية:من جنونج حبيتج~اماراتيه

    رواية:من جنونج حبيتج~اماراتيه


    تجننننن كمليها وحبيت اسلوبش فيها ...بس ها لا تطولين


    فديتش بنت العين
  8. بنت العـين..
    04-02-2015, 07:23 PM

    رد: رواية:من جنونج حبيتج~اماراتيه

    رواية:من جنونج حبيتج~اماراتيه


    للمعلومات:بنزل كل يوم بارت او بارتين ،واذا ماشفت ردود مابكمل


    فديتش uae_E_alj
  9. بنت العـين..
    04-02-2015, 09:17 PM

    رد: رواية:من جنونج حبيتج~اماراتيه

    رواية:من جنونج حبيتج~اماراتيه


    بارت 2
    ...........................
    في العين
    قامت ع صوت صراخ
    :يلا بسج نوم
    فركت عيونها بتعب:انتي من وين طلعتي
    ضحكت:اقول قومي يلا
    ردت وتلحفت
    عصبت:هيييي ريموه قومي ي نذله
    قامت ريم:اووووف اوكي قمت وراحت الحمام
    بعد دقايق طلعت ريم
    ريم:مها حبيبتي تريقتي"فطرتي"
    مها ابتسمت:هيه الحمدلله
    ريم:اوكي امي اكيد سوت فطور خلينا ناكل مع بعض
    مها:بس انا كليت
    ريم:يلا يلا قدامي
    ضحكت مها ونزلوا
    ريم:صباح الورد يا وردة
    ام ريم:صباح النور حبيبتي شحالكم
    مها وريم:بخير
    ام ريم:يلا جاهز الفطور وبدوا ياكلون بهدوء
    ام ريم:الحمدلله خلصتي جامعة وارتحتي
    ريم:ههههه هيه واحين بدور شغل
    ام ريم:بس
    قاطعتها ريم:لا بس ولاشي انا خبرتج يما اني بكمل دراسة برع وبشتغل
    ام ريم تنهدت:اوك حبيبتي
    مها ابتسمت:اما انا مابكمل بتزوج قريب
    صرخت ريم:حيوانه وانا اخر من يعلم
    مها:هههههههه
    ام ريم:مبروك حبيبتي وعساج تتهنين
    مها بخجل:اميين وعقبال ريموه
    ريم:بسم الله علي مابي احين
    ام ريم:خلي اييج واحد وبزوجج
    ريم فتحت عيونها متر
    ضحكوا عليها
    ...........................
    خلونا نروح مكان من زمان عنه
    محمد:ههههههههههههه بس مو حلوه منك
    خالد بنص عين:جب جب
    محمد وفيصل:هههههههههههههه
    خالد:اصلا بطلع من الجامعة وبكمل برع الامارات
    محمد:شراتي"نفسي او زيي"
    فيصل:وانا اكيد وراكم هههههههه
    خالد:عاد اهلنا شو نقولهم هم هني ويالله يالله وافقوا
    فيصل:خلها علي ي ولد عمي
    محمد:المهم انا بطلع شوي
    خالد وفيصل:درب السلامه
    وقف محمد وابتسم وطلع
    خالد:شفيه!
    فيصل:لازم تطري اهلنا معاه
    خالد ضرب جبهته:والله نسيت اوووف
    طلع محمد وركب سيارة وع طول البحر
    ...........................
    ريم:والله الجو حلو بس بروده
    مها:ههههه عيل يوم بتسافري ع قولتج شو بتسوي
    ريم:الله يعين بس خايفه ع امي ماريدها تيلس "تجلس"بروحها
    مها:خليها تروح مع خوانها
    ريم:هيه فكره بس هم من زمان ماسألو عنا
    مها تنهدت:ماعرف شقولج وسكتوا
    صرخت مها شوي:هذا مو محمد الي كان عندنا فالجامعة
    ريم لفت:وينه
    مها:هناك يالس بروحه صوب البحر
    ريم لفت صوبه وابتسمت:شفته بس ليش شكله تعبان او مهموم
    مها:وانا شعرفني اقول بروح ستار بوكس وبرجع لا تروحي مكان بعيد
    ريم:اوكي اترياج وراحت مها
    عن د محمد
    انتبه ع ريم ومها بس خله عمره ماشافهم
    تنهد:ياليل ابو لمبه متى بخلص هالكورس وأسافر
    ضرب راسه:بسس ماريد افكر اووف
    :هههه اعصابك
    لف وشاف ريم دق قلبه بسرعه ووقف
    محمد:هلا بريم
    ريم ابتسمت بخجل شوي:اهلين ليش يالس بروحك
    محمد:ولاشي بس تغيير جو،،اي مبروك التخرج
    ريم:الله يبارك فيك وانتو متى تخرجكم
    محمد:بعد اسبوع ان شاءالله بس تعرفين نحن جينا هالجامعة متاخر وع نهاية الكورس عسب"عشان"جي
    ريم ابتسمت:هيه ربي يوفقك
    محمد:وياج يالغلا
    استحت ريم:تامر ع شي بروح ربيعتي تترياني
    محمد ابتسم ابتسامه تذوب:ديري بالج ع روحج
    ريم:من عنوني
    تنهد بحب:فديت عنونج انا
    استحت وحمر ويها وع طول راحت
    ضحك محمد:ههههه لازم اعرف كل شي عنها من باجر
    ...........................
    ف مكان اول مرة نزوره ي (في الكويت)
    عصب :جب ولا كلمه وبعدين انتي زوجتي وانا حر
    عصبت والدموع فعيونها:مابيك ماحبك طلقني وريحني
    عطاها كف ومن قوته طاحت:ماني مطلقج وطلع وخلاها
    صاحت اكثر:مابيك اهئىى ليش زوجتوني اياه غصب ليييش
    ...........................
    نهاية البارت الثاني
    توقعاتكم







    فديتش uae_E_alj
  10. بنت العـين..
    05-02-2015, 03:14 PM

    رد: رواية:من جنونج حبيتج~اماراتيه

    رواية:من جنونج حبيتج~اماراتيه


    الرواية بتتسكر:)

    >مافي ردود ابدا





    فديتش uae_E_alj
123