رسالة الى خائنة

*مزون شمر*

عضو مؤسس
قصيدة رائعه للشاعر ... صالح بن جزا الحربي

هذه رساله إلى من يتلاعب بمشاعر الناس ويستخف بها.


. ارجوا ان تصل الى قلوبكم .​
. .




هذي النهايه لو تجيب الف تبرير
وفر كلامك ماله اليوم داعي

ماعاد انا اصدق كلام الأساطير
ومن غفوة احلامي انا صرت واعي

وتلاشت الحيره ولا احتاج تفسير
وزال الغموض اللي مسبب ضياعي

المسرحيه اللي دبرت تدبير
حانت نهايتها وعليك استماعي

يكفي خداع وبس كافي معاذير
حبك حرام ابذل عليه المساعي

من حب يعطي دون منه وتفكير
ودايم على خاطر حبيبه يراعي

وانا عطيتك طيب ماجاك تقصير
وان قلت ساعدني عطيتك ذراعي

وجزاي منك تجرح القلب وتصير
انت السبب في عبرتي والتياعي

الشكوى لله قربتنا المقادير
والاّ أنا ما جيت للحب ساعي

لكن ترى دنياي مازالت بخير
وعمر الزمن مازال فيه اتساعي

ياصانع دموعك ترى اليوم انا غير
ولا يمكن ارضى تستمر بخداعي

اللي انقرص ماظن يحتاج تذكير
حتى الحبل يُطري عليه الافاعي

ومادام بحرك صار موج وأعاصير
انا نويت اليوم اطوي شراعي

اعلان مني لك ومن دون تحذير
سلم على يمناي هذا وداعي​
 
التعديل الأخير:
رد : ~~،،~~رساله الى خااائنه~~،،~~

:a: *مزون شمر* :a:

يسلموووو على القصيده الرائعه

تقبلي مروري وتحياتي

اختك / المميزه
 
رد : ~~،،~~رساله الى خااائنه~~،،~~

قصيدة رائعة وجميلة جداً وإنتقاء مميز يا مزون شمر والله يوفق في إنتقاءك للمواضيع المتميزه.

صح لسان صالح بن جزاء الحربي .

وتسلم يمناك على إبداعك.



دمتي بعافيه وخير.
 
رد : ~~،،~~رساله الى خااائنه~~،،~~

قصيدة رائعة وجميلة جداً وإنتقاء مميز يا مزون شمر والله يوفق في إنتقاءك للمواضيع المتميزه.

صح لسان صالح بن جزاء الحربي .

وتسلم يمناك على إبداعك.



دمتي بعافيه وخير.


صح بدنك والله يسلمك يالغلا

حضورك كان اكثر من رائع

لاعدمناك
 
عودة
أعلى