في غرامه ذاب قلبي ♡


روايتنا الأولي حبينا انزلها في ها الﻤنتدي ..!
نتﻤني تنال اعجابكﻤ
تتحدث الرواية عن الحب و العشق ونار الفراق ..!
هذه الرواية جريئه , واقعيه , بعض الاحداث كتبنها ﻤن خيالنا
ستفرحون لفرحهﻤ و ستحزنون لحزنهﻤ ..!
اتﻤني ان تعيشوا ﻤع ابطالها لحضه ب لحضه

لا نحلل لاي كان نقل هذه الروايه دون ذكر اسمينا
الشخصيات الموجودة في الرواية

أبناء عبدالله و وديمه
أبو علي , أبو امنه , أبو حمدان ( أخوان )


عائلة أبو علي , أم علي :-
علي
علياء
فزاع

عائلة أبو امنه , أم امنه :-
أمنه

عائلة أبو حمدان , أم حمدان :-
حمدان
حمده
حصة

أبناء فهد و فاطمة

ابو محمد و ابو عمر و ابو هزاع ( اخوان )

عائلة أبو محمد , أم محمد :-
محمد
مريم

عائلة أبو عمر , أم عمر :-
عمر
العنود

عائلة أبو هزاع , أم هزاع :-
هزاع
هدى

لا تسألني عن الندي فلن يكون ارق من صوتك ..
ولا تسألني عن وطني فقد اقمت بين يديك .. ♡
ولا تسألني عن اسمي فقد نسيت عندما احببتك..

يوم الثلاثاء الساعة (2:00 ) الظهر
وسط احلامها السعيده
علي : عليووه قومي بسج رقاد يلا بنتغدى نحن
علايا : هممم هممم انزين انزين
بعد ماطلع علي
عليوه : خرب علي حلمي الجمييل
وسارت الحمام ( اكرمكم الله )
علي و عليا اخوان
علي : 19 سنه هو يحب اخته عليا و هو جميل عينه ناعسه و عسليه و خشمه سيف و شفايفه متوسطة و هو حنطي وحشيم ماعنده سوالف بنات لكن كل البنات في المول يتخبلن عليه ..
علياء : 17 سنه جميلة لدرجة فضيعه عينها وسييعه و عسليه و رموشها كثيفه و طولية و خشمها طويل و ضعيف و شفايفها صغيرة ومليانه ولونها مثل لون التوت الاحمر و ماعندها سوالف وطيوبه و حبوبه وتحب اخوانها وايد ..
والباقي بعدين بتعرفونه
نزلت عليوه تحت
عليوه : سلام عليكم
الكل : عليكم السلام والرحمه
سارت اتبوس راس ابوها بعدين امها
عليوه : بابا عادي تودينا العزبه يوم الخميس
ابو علي : إن شاء الله بشاور عمامج
عليووه : عيل بسر اخبر البنات
فزاع عاد انتي على طول ماتتحملين ماشي صبر
فزاع : 18 سنه مغازلجي عينه صغيرة و سوده و خشمه سيف و شفايفه صغيرة و هو حنطي
عليوه : والله عاد انت مايخصك من فرحتنا روحنا كلا يالسين في البيت ماصدقنا الإجازة يت بعد تتفلسف
فزاع : حششه ماقلت شي كليتيني
عليوه : انزين اسف اسف اخوي العزيز ارتحت؟؟
فزاع وهو يضحك : ههههه هيه
عليوه سارت تتصل ف مريم
عليوه : الوه سلام عليكم
*** : عليكم السلام
عليوه : حمود صح
محمد : هيه صح
عليوه : انا عليووه شحالك ؟
محمد: بخير ومن صوبج ؟
عليوه : يسرك الحال
محمد : عساه مديم
عليوه : وين مريوووم
محمد : ويت الحين بزقرها
مريوم يت
مريوم : مرحبا ملايين ولا يسدن في ذمتييه
عليوه : مرحبا باجي يا قلبي
مريوم : فديتج والله .. شحالج ؟
عليوه : الحمدلله .. وانتي
مريوم : بخير وسهاله
عليوه عساه مديم
مريوم : وياج حبيبتي
عليوه : تدرين انه بنسير العزبه يوم الخميس ؟
مريووم بحماس : والله منووو قالج ؟
عليوه تحمست وياها : ابوويه قال
مريووم : كشخخه بسير اتخبر امي و اقوللها
عليوه : ابوييه يقول انه رمس ابووج و الباجي
مريوم : اوكييه بسير اقرر شو بنسوي و شو بنلبس و بقولج عسب انطقم كلنا
عليوه : هي اكيد توني يايه بقول لج
مريوم : عيل اخليج الحين باي
عليوه : في حفظ الرحمن
و خبرو باجي البنات
مريم : 17 سنه حلوه عينها وسيعه رصاصية مجحله رموشها كثيفة خشمها طويل شفايفها ملمومة بلون التوت وويها ضعيف تدش القلب حبوبه وهي وايد ويا اخوها محمد وتحبه (( رسامة ))
محمد : 19 سنه الكل يسميه غرشوب دبي من جماله عينه وسييعه مجححله رصاصيه خشمه سيف شفايفه متوسطه ابتسامته حلوه خاصتا بالتقويم ويعشق عليووه و يحب اخته ومايرضى عليها يغار على عرضه وماعنده سوالف بنات
عليوه يلست ع البيبي و الانستقرام شوي بعدين سارت عند امها
عليوه : امييه امايا وييينج
ام عليوه : تعالي انا هنيييه
عليووه : هلا بالغاليه هلا بالحب هلا بالقلب هلا بالخفوق
ام عليووه : اعترفي انتي وراج شيء شو تبين ؟
عليوه : اميه ابا اسير دبي مول اليوم
ام عليووه : وليش انشاء الله ؟
عليووه : بس جي والله ملل والحين اجازة
ام عليوه : اوكي رمسي حد من اخوانج يودييج
عليوه : اوكييه
عليوه تتصل ف فزاع
فزاع :الوو شو تبين
عليوه : حشه حشه انزين سلم
فزاع : سلام عليكم خلصيني شو تبين
عليوه : اباك يا اخوي الجميل الغرشوب توديني دبي مول
فزاع : والله ماقدر اليوم ربيعي عازمني
عليوووه : بليييييز
فزاع : ولا تزعليين مره ثانيه بس اليوم ما اقدر
عليوه : اوكيه فديتك بس لاتنسى مرة ثانيه بتوديني
فزاع : هههههه اوكي اصلا ان نسيت انتي مابتنسين
عليوه : اوكيه ربي يحفظك مع السلامه
فزاع : مع السلامه
عليوه تتصل في علي
عليوه : مرحبا ملايين ولا يسدن في ذمتييه
علي : مرحبا باجي .. اكيد واج شي شو تبين
عليوه : لا ماوراي شي ولا جدامي في شي
علي : صدق الي قال عليوه خبله
عليوه : ماعلينا مابرد عليك .. المهم ابا اسير دبي موول اليوم فليل
علي : اممممم ما اقدر
عليوووه : حرام علييك دخيلك ودنا انت و حموود وحمدان ويا اموووون و مريوووم و حصه و حمدووه
علي ( يوم سمع اسم مريوم و رضى يوديهم بس عشان يشوف مريووم ) اوكييه رمسي البنات وانا برممس الشباب
اتصلت عليوه في مريوم و خبرتها واتصلت في حمدوه
عليووه : الووه
حمده : هلا و غلا
عليا : اهلين بالحب شحالج ؟
حمده يسرج الحال ومن صوبج
عليا : الحمدلله بخير وسهالة
حمده : عساه مديم
عليوه : وياج .. انزين اليوم فليل بنسير دبي مول بتين؟
حمدووه : هي بس برمس حمدان
عليوه : مايحتاي عليي بيرمسه
حمدووه : اوكيييه يلا باي
عليوه : باي
حمدوه تستوي بنت عم عليوه
حمده : 17 سنه طبعا مهوسة في الميك اب نفس عليوه و مريم اصلا كل الشله جي و حمده بنت طيبه وحبوبه و وايد متعلقة في حمدان لانه توأمها عينها ناعسه مجحلة رموشها طوال خشمها سيف و طوييل شفايفها مصغيرة و ملمومه
علي اتصل حق حمدان خبره و الحين بيتصل حق حموود
عقب السلام و السؤال عن الحال
علي : اقووولك اليوم بنسير دبي موول بنودي البنات عليووه ف خاطرها و ماقدر اردها
حموود ( يوم سمع اسسم عليوه فز قلبه و قال بيسيير بس عسب يشووفها ) : اوكيييه انا بييب مريوم بعد
علي ( وافديت طاريها ) : هيه اكيد ترا كلنا بنسير
حمود : اوكي عيل نشووفك ع خير
علي : مع السلامه

انتهى البارت
و لا تستعيلون وتقولون مو حلوه ترا البارتات اليايه احلى
عطوني رايكم في الروايه
اتقبل اي انتقاد منكم
و شكرا